2011年12月29日 星期四

杯杯結婚新加坡印尼之旅2011-11-11第三天Part 5(晴空萬里~)

噚晚同左屋企人去食星際自助餐….哈哈~~所以懶左一日無寫blog~終於今日黎到星期四了~好開心~~~因為捱埋聽日…星期六就可以去開除夕派對喇~~好野~~~~~~~~~~~不過聽日係星期五喎….又有d保留….順順利利呀~~~~~~~~~~~今天的肚子好痛呀…………



2011-11-11
Day 3—-Part 5(印尼民丹島)華~~~~我好鐘意呢兩張結婚相呀!!!!!!!!!!!!!!!唔係專業既婚禮攝影師影架….係我親愛的毛寶寶小朋友影架!!!!係有婚禮攝影師同其他兄弟既超級專業相機之下….毛寶憑住一部Lomo LC-A….同埋一部iPhone…….就可以影到咁令人動容既婚照…..好靚呀!!!!!!!!!!!!!!!!!!



2011年12月27日 星期二

杯杯結婚新加坡印尼之旅2011-11-11第三天Part 4(晴空萬里~)

唔知搞咩….噚晚沖完涼就覺得條腰好痛…..今朝起身無乜野就無理佢…點知番工開始做野一起身影印…..一用右腳企或者行….都覺得某一點俾野錐住錐住痛….係極痛…痛到要用手襟住痛哥點先行到……一係企耐少少跟住哥點又開始痛…..唔知搞咩…..中午放工入廁所洗手突然間哥點又錐住痛…..痛到我差d係廁所趴係地下….好驚….番到屋企媽媽幫我貼左塊膏布係條腰度(我….好老呀….)…我諗住如果下晝番工再痛我就放工睇醫生….不過下晝又無咩野喇喎….到底我條腰….做咩呢???好彩既係….今日係聖誕節後首個工作日…又係香港人既聖誕補假….諗起舊年放完聖誕假直到12月30日….每一日都係要開OT….朝九晚六點半中午食飯食半個鐘哥段日子…真係好慘….所以今日…都算好正常既一日~感恩~噚日boxing day又過左去銀河UA睇戲~睇左職業特工隊4….超好睇~今次坐最後哥排既最中間哥個位~好正呀~~~套戲又夠哂緊張刺激喎~~~跟住噚日我又忍唔住買一送一starbucks喇~



2011-11-11
Day 3—-Part 4(印尼民丹島)
好緊張呀~新娘披上頭紗~即係婚禮要開始喇~


2011年12月24日 星期六

杯杯結婚新加坡印尼之旅2011-11-11第三天Part 3(晴空萬里~)

今日做到流哂牙血…….係最多野做既一日……(雖然今個禮拜只係番三日工~)……非一般既辛苦~不過算啦….依家都到左放工喇~即係話:大家既聖誕節要來了~~~好野~~放三日假~~(不過香港仲好有四日….)……開心到癲喇~~~又幸好今日無遇到d”麻煩顧客”…此託賴託賴~~就係咁~~~豐富節目既聖誕節要展開了~~~lalalalaaaa~~~



2011-11-11
Day 3—-Part 3(印尼民丹島)
好喇~~好喇~~~要俾大家睇下呢個舉行婚禮既地方~~華~~~~~~~~~~~~靚到癲呀~~~~~~~此景象只應天上有!!!!!!!!!!!!真係真係好靚呀~個個姊妹睇到都:好~靚~呀~



2011年12月22日 星期四

杯杯結婚新加坡印尼之旅2011-11-11第三天Part 2(晴空萬里~)

今日冬至…好可惜十點就被逼醒左….因為…肚痛痛醒要去解決…..無奈……之後就出發去銀河酒店….原因係:酒店入面開左間新既UA戲院呀~~~~~~本身今日係想睇mission impossible…..點知得16:55….睇完都過七點啦….我六點半就食造冬飯…..黎到又無理由唔睇je咁遠我又要俾停車場錢……………於是睇下兩點幾三點有咩戲睇…..於是就揀左”花鼠明星俱樂部”…..哈哈~~我覺得都幾好睇同好笑~不過毛寶就話麻麻地~要讚下個戲院呀~~又新又靚~~~(可能因為忍受左大會堂同永樂太耐)……d位超級好坐~~~座位夠哂闊~~亦都夠位伸腳唔怕逼~~~你一挨向後椅背仲會跟住你一齊向後…好似按摩椅咁~~~好舒服呀~~~銀幕大大~除非你坐得太前個頭要好辛苦咁向上睇….如果唔係你坐側面位一樣係咁清楚~~~65蚊一張飛….如果你有銀河卡就59蚊張….買佢d爆谷汽水都有折架~~~~三小時免費泊車~憑戲飛尾去starbucks仲買一送一~~(去到12月尾~)…………仲有得上網訂飛不過要收多6蚊~佢有好多間戲院係入面…..d戲又夠哂多…..淨係今去睇已經有mission impossible…花鼠明星俱樂部…..阿瑟少爺過聖誕……龍門飛甲(唔太記得係咪呢個戲名)…..吸血新世紀….福爾摩斯….踢躂小企鵝………連好耐既肉蒲團3D都有~3D戲都係90幾蚊咋~~~~~~~~我諗~~~佢以後係我睇戲首選~~~~不過如果係睇港產片都係係大會堂or永樂啦………..我上個星期日都有去睇福爾摩斯呀~~~~好好睇~~~大愛呢個系列~~~~~~~~~~



2011-11-11
Day 3—-Part 2(印尼民丹島)
第二個遊戲就係要拋棉花糖俾另外一個兄弟用口接黎食(連食三舊)…..其實我覺得幾難…兄弟用埋手都搞唔掂….於是健仔親自出馬~~真係真係無出千…用口接!!!三舊都接到!!咁叻仔~~抵佢娶到靚老婆啦~~


2011年12月21日 星期三

杯杯結婚新加坡印尼之旅2011-11-11第三天Part 1(晴空萬里~)

今日又再去黑沙環衛生中心…..交d野同埋幫毛寶叫個醫生簽番張藥單……哈哈…搞下搞下成九點八先番到公司~好開心今日見到婚後第一天番工既周小姐~做左人妻係唔同d~不過可惜依家無得同佢地一更喇;[…………………咦….放工喇~~即係~~聽日係冬至….又放一日假呀~~~~~happy呀~~~人地話冬大過年呀…..所以聽日大家應該開開心心咁同屋企人食番餐飯呀~~~~~其實除左聖誕節開心之外….其實新年都好開心喎~喜氣洋洋的樣子~~最開心係有利是啦~~~今年咁多人結左婚…..仲唔起勢咁同佢地講恭喜發財同早生貴子???哈哈~



2011-11-11
Day 3—-Part 1(印尼民丹島)
登登登櫈~~~~~2011年11月11日號稱既6條1………..單身人士簡稱既光棍日…哈哈…點解咁講….因為個個想今年結婚既都會揀呢日….因為貪好意頭囉~~哥d一心一意一生一世…..哈哈~~所以呢日係令到未有婚結既人好傷心既一日~~不過呢日亦都係我同毛寶好愛既杯杯大喜之日~~~~好開心呀~~~



朝早好早起左身執好自己個樣~著埋衫….約埋住我地隔離屋既杯杯嫂嫂同康晴一齊去杯杯間villa……..俾個朝早既villa樣大家睇先(噚晚淨係俾大家睇左日落時黑漆漆既樣大家睇~因為我地到哥時就係日落)~係咪好靚呀??


2011年12月20日 星期二

杯杯結婚新加坡印尼之旅2011-11-10第二天Part 2(天晴後有驟雨)

哈哈~~今日回歸日~放假~朝早起身懶懶閒咁梳洗好之後….就出發去左拜爸爸…因為後日係冬至嘛~不過我怕哥日多人所以提早今日去….哈哈~~我既決定係正確既~因為今日唔怕太多人~之後就去左發達食野~~好好味~~好耐無食過~~仲行左陣宏達..買左本書…同埋睇下d旅遊書~為出年既旅行做好準備~夜晚就食左媽媽煲既菜乾鴨腎豬骨粥~配上我最愛哥檔油炸鬼~正~咁就懶懶閒過左一日~~



2011-11-10
Day 2—-Part 2(新加坡->印尼民丹島)
哈哈~~之前掛住睇野~~時間只係岩岩好番到酒店~~之後有book左架車車我地去碼頭~去邊??我地準備出發去杯杯結婚既地方—->印尼民丹島(Bintan)~~


2011年12月19日 星期一

杯杯結婚新加坡印尼之旅2011-11-10第二天Part 1(天晴後有驟雨)



哈哈~~今個禮拜都幾爽~番一三五~~二四放假………即係番一日放一日~~~所以今日番工~聽日放假~~~~~~~~~~~~~~~~~~~~~~今日去左體檢……朝早八點幾去到….一輪緊接一輪….度高磅重照心電圖見醫生……..忙呀…..其實之前我未做過心電圖….原來係咁架喎~佢要用個夾夾我手手腳腳….佢一揭開我條褲….華…你有著絲襪呀…要除喎…………..之後我一路係佢面前除褲除絲襪一路問佢:十九幾度仲有人著絲褲係咪好變態呀?……護士:(此時佢好含羞地笑)hehe~唔係呀我都好怕凍架~~~~~依家諗番起我覺得我同護士呢段對白有d核突~~~到見醫生好彩個醫生同我講:你既體重同身高既比例係……正常~~咁都好d~雖然未睇報告…希望我唔好係三高人士啦………哈哈~~今日係超多野做囉…..好彩今日體檢番點半到五點半咋~



2011-11-10
Day 2—-Part 1(新加坡->印尼民丹島)
訓到九點度起身……其實之前哥晚好夜訓…..因為去完老巴剎食飯嘛…..搞到超夜…..仲有…我係老巴剎飲哥杯凍拉茶係好好飲….不過我太夜飲…搞到我成晚都訓唔著同訓得唔好….好慘呀……..我地間酒店房望既景~就係一直路既Orchard Road~



2011年12月15日 星期四

杯杯結婚新加坡印尼之旅2011-11-09第一天(陰天有少少雨)

hello~大家好~~我今日心情好靚靚~~~因為…..之前幾日咪話諗起都開心既~~就係……抽出年大假呢個咁緊要既環節喇~~~~點解重要???係關係到我出年去玩玩玩既重要一環~~其實我今年都特登唔揀d好多人放高峰期既月份架喇~~~所以今年要抽既只得一日…不過呢日都好緊要….唔得既話就…..斷開左d假~~本身六個人抽五個…….點知老細話:人人開心~好野~~~自動當選~~~~~~~~~~~~~~~~~~~~~~~~~~~~~~~~出年要玩盡佢~~~已經預定出年想去5次旅行~~~3月4月5月10月12月會去~~~~~~好開心呀~~~~我已經開始格緊價喇~~~~~(去咁多係世界末日前玩盡佢~同我有無錢無關….所以大家唔好以為我好有錢…只係平有平玩….我會揀d平d既地方住同食~我係無貴玩過既~)….仲有呀我今日竟然超叻咁抽到12月27..28呢兩日咁黃金既假….叻到癩~



2011-11-09
Day 1(澳門->新加坡)
呵呵呵~~執相執左超耐~~~其中一日執左都有成百二張相….大家俾心機睇呀~~~~終於可以推出呢個新加坡之旅喇~~~~好開心~~~~第一日出發…..本身係兩點幾機….點知航空公司一個唔該將我地班機取消……..變左飛下一班既五點幾機….搞到人地第一日去新加坡無哂時間….衰呀……不過都唔係唔好既….第一日我起身懶懶閒…慢慢食埋飯…執好野….先至出發….首先毛寶車我去佢屋企…再係佢屋企搭的士(因為佢屋企哥頭多d車~)….不過好好彩有毛寶爸爸黎車我地添~我地今次去新加坡同印尼既目的係參加親愛的杯的婚禮~


2011年12月14日 星期三

七公子星際品味坊食象記

今日打敗仗了….請左病假….又頭痛翻發…..其實我食左五色靈芝之後有成兩個幾月無請過病假架喇….其實真係好左好多…..而且今次頭都無之前哥d咁痛….依家食左藥已經無事喇~又生龍活虎了~聽日又可以跳跳扎咁番工~今次都算幾好…今朝我上到山頂超多人…..不過唔使一個鐘就睇完番落黎….夠快….好乖咁買左白粥同油炸鬼(買油炸鬼仲話自己乖?!)番屋企食….食完食藥掃地抖左陣…..去訓左一陣覺….就好番好多了….所以我會繼續食五色靈芝架~(很代言人feel~)….因為我覺得我既偏頭痛真係好左好多~以前試過一個禮拜痛四次…係極痛哥隻…….依家兩個幾月痛左兩次…….都痛同暈…但無以前咁犀利喇~唔通我真係可以根治偏頭痛呢個病??係既話呢個應該係今年既大喜訊~~!!



係上個月….好似係2號…..我地七公子(係咪好老土呀????本身係七公主….唔知點解叫叫下變左做七公子~~全名係炮台山七公子~~!!所以我個blog開多左個新group…叫七公子聯歡….開心相陸續有黎~)約埋一齊去食星際酒店16樓品味坊既自助餐…..為既就係:生蠔喇~~~~~~~~~~~~~~~~~~~~星際既生蠔係超級的好吃!!!!!!!我擔保…..係我食過澳門咁多自助餐之中最好食架~~~~我之前哥次黎食有澳洲…法國同埋??唔記得左添~~哈哈~~不過今次無得揀呀…得澳洲既生蠔咋~~~睇下佢~~細細隻~~好好味呀~~


2011年12月13日 星期二

香港大閘蟹一天遊2011-11-26 Part 2

星期二….又係忙碌既一日~番工番法文…..有諗過放棄(我都話我個人三分鐘)…….不過毛寶很堅持….哈哈….但係今日都幾開心既….唔算太難……輕輕鬆鬆咁過~~~我最鐘意佢教我地d野食法文點讀~~~今日學左芝士…雲吞麵(呢個太長…記唔到~~)~~我想佢下一堂教多d啦~~~希望我有機會去到法國都仲記得我學過既野啦~~~~



2011-11-26  Part 2(香港)
承接噚日既香港大閘蟹遊記~我地坐完叮叮落到銅鑼灣…..sogo打左個轉無收獲….轉行上去Time Square….對上一次展覽係我好愛既哈利阿波~今次聖誕節到Barbie呀~



2011年12月12日 星期一

香港大閘蟹一天遊2011-11-26 Part 1

hello everybody~~~原來我有成五日無上黎寫blog~~懶懶地~~~又因為凍凍地~~~~最大原因係因為我上個禮拜有d忙~~星期三去左公司既聖誕聯歡會(本身無話去..後尾見媽媽去旅行無飯食…咁就去下啦~~哈哈~~)…..唉…又再一年抽唔到獎喇…..今年大獎係iPad2……我個號碼係135…..當老細係台上讀大獎得主係….1….3….既時候…我簡直抖唔到氣……………….最後佢係話:1………..3……………7囉….成個泄哂氣………….唉…又擦身而過~星期四去左迪迪尼玩新既園區—-反斗奇兵大本營~~哥日好好玩~~不過遲d先post相上黎~~星期五又去左杯杯既飲宴~~(仲有媽媽番左黎呀~~~~~~~)………星期六日又食好野~~~~好忙呀~~哈哈~~今日想擺d好新既相出黎呀~~~(兩個禮拜之前的~~)



2011-11-26  Part 1(香港)
今日想講下上個月去左香港食大閘蟹~~~~~點解無啦啦會去香港食大閘蟹???因為見11月出左雙糧……..媽媽又好耐無去過香港……咪同佢過去行下囉~~~你知啦…秋天係食大閘蟹既好時節嘛~~~不過澳門又無咩餐館話食大閘蟹好靚或者有咩大閘蟹餐好食…..所以咪請媽媽過香港試下囉~~~哥朝搭9點9船過香港….超級大浪…..差d想嘔呀………第一站就去到尖沙咀新港中心三樓既鼎太豐食個中午飯先~~~點解要去鼎太豐呀…………因為媽媽話好想好想試囉~~所以就陪佢去食下~


2011年12月7日 星期三

浪花日式烤肉

今日臨近放工…..連電腦都收埋工既時候…………….竟然有人可以遲兩個鐘頭到要我地幫佢辦番…………d人真係好過份囉…….點解唔可以準時d呀???兩個鐘喎遲?你地究竟去左邊?…………..另外今日有個人對我做左一個動作真係令我有d嬲…..但我只可以用一個講笑既形式去話番佢…..人際關係真係一個高深既學問囉…………………….放工滾水lok腳食左個m記又去上法文……..今日真的有點累了…..



我認我又自戀….攝於七月時既我…..希望無嚇親大家啦~ :P


2011年12月5日 星期一

味藏新寵:牡蠣鍋

點解今個禮拜一同上個禮拜一差咁遠架…….攰攰攰攰死我喇~我好寂寞咁一個人係屋企呢~媽媽噚日星期日同姑媽同伯娘跟東嬴遊坐首航由澳門直飛去日本北海道玩呀~~~~~~佢就好啦~~~我有成兩年幾未去過日本喇……我今日中午打俾佢…佢仲好得戚咁同我講:我中午飯哥時岩岩食左個即開海膽….見咁好味….我又即開多隻黎食…….華~~~~~~~我都好想食海膽呀~~~~~~~~~~~~~~~~~~~~~~~~~~~~~~~~~~~~~~



好彩我今晚都出左去食意大利野~…….今日好想講新口岸味藏呀~原因????因為呢幾日好凍~大家都想見到呢d野食既~~~~~


2011年12月2日 星期五

香港鯉魚門海鮮一日遊2011-08-06 Part 2

yeah~~yeah~~yeah~~happy friday~~~~~今日番工過得好好呀~~又無d麻煩人~~時間又有少少鬆動~~可以同同事交流交流~~華….不過今日真係突然間好凍呀…..凍到得11..2度……..起身都打左個冷震同乞痴~~不過就係因為今日凍凍….所以先咁少人卦~~~~~凍到夜晚忍唔住食左碗飯呀~~~(又有藉口食飽飽~)…….



2011-08-06  Part 2(香港)行完街六點幾度就去到鯉魚門~我地搭港鐵去到藍田站再轉的士去….不過我地之後去過一次…..其實識行既話搭港鐵去到油塘站係A1出口行過去5分鐘度就去到架喇~


2011年12月1日 星期四

香港鯉魚門海鮮一天遊2011-08-06 Part 1

點解呀…..點解星期四會多野做過星期一架~~~~~~~可能我今日諗既野係岩囉~~~係囉…..做咩我噚日突然之間咁感觸而寫左哥段野既呢??我覺得我個人唔性感….但性在夠感性~~(好嘔心~~~)



2011-08-06  Part 1(香港)睇下睇下~~呢張相係我係8月6號哥日影架~~感覺上我塊面有無瘦左d呢~~~同左上角我哥幅profile相比較下….有無je有無je~~~~~~

想唔想知點解無啦啦影呢……其實無原因…..因為我自戀囉~~~~~哈哈~~其實今日個topic係想同大家講下過香港海鮮一日遊架~~~~~因為杯話之前去鯉魚門食過好好味~於是約我地一齊去食…我都未去過鯉魚門囉~

2011年11月30日 星期三

Spaghetti House@Galaxy

噚晚學法文….華….教得超快速!!!bilibala就教緊問句同時間…..我怕追不上進度呢……..學完法文番屋企….沖好涼……練左一陣ukulele…..睇左陣書….溫左陣法文…..又到時間訓覺….好似放左工好少時間咁既……好慘呀…今朝起身又頭痛喇…..又扯住扯住隻眼……..個胃又唔舒服…中午食完止痛藥訓左陣覺好左一陣…下晝四點幾又痛番…..岩岩番到屋企成個人攤係梳化痛到唔想郁…..之後去廁所又嘔….嘔到標哂眼水……唉….唔通我既救命寶貝(五色靈芝)失左效??我慘了……..



自從銀河Galaxy開左之後多左好多新既食肆黎左澳門….包括呢間意粉屋Spaghetti House….以前細個過香港最鐘意食~~依家澳門都有真係好喇~


2011年11月29日 星期二

冰Fun世界~

哎呀…點解今日同噚日咁唔同架….好攰呀~~~點解星期二會多野做過星期一架……以~~~~~~~~~~~唔知點解諗起逢星期二…四…五都有野學…..覺得好攰……………希望我有恆心去學啦….其實我都好有興趣學哥d野….但我真係好懶架….放工淨係想番屋企寫blog食飯睇電視~



大家記唔記得係今年七月八月哥時威尼斯人哥度有個叫冰fun世界既冰雕展呢~~~~我都有去呀~~哈哈…隔左成4個月先post出黎添~~~

2011年11月28日 星期一

Crown Hotel High Tea

今日星期一……換冬季制服既日子~(唔知點解我成日講左做換冬季校服~)……噚晚先搵番d冬季出黎…..話實在我咁耐都未著過冬季囉….之前冬天都係著夏季制服(好變態…又成日話凍~)…..見搵番出黎……咪諗著下囉….不過由於擺埋一邊太耐….超”巢”…..又的起心肝……走去攞燙斗燙衫……超乖…..兩件背心六件恤衫兩條褲四條裙兩件西裝褸……..燙到我死狗咁…………….燙左個幾鐘……我今朝選擇著褲!!!因為我自從三年前換新制服到上星期….我一直都係著裙….未著過褲….見著得落咪試下今日著…(但成套著哂上身我覺得我自己好似做賭場派牌既莊荷)…..一著番工個個都話:華…..我睇後邊完全唔認得係你!!!(講到好似換左新髮型咁)………於是我今朝超招積行過去同nata同周小姐講:我今日係咪好fresh呢~~~~……..nata:係呀~~好fresh呀~~未見過你著褲呀~~~…………..我期待周小姐既反應…..周小姐靜悄悄走過黎我身邊同我講:你…..無拉褲鏈呀…………我一望….哈哈…係喎….我火車未到站喎……..即係話我今朝覺得自己著褲好有型所以超有自信咁行番工……但我係無拉褲鏈囉….我唔敢認叻喇………………..不過今日個見我著褲個個都話我著褲好睇同埋著褲見到我係瘦左架囉~~~yeah~~~~~~~~~~~~~仲有人話希望我以後都著褲喎~~~~~



post完韓國又睇下我既生活照啦~~~~因為我積左超多生活照未post呀……有成幾個月既相~~~大家忍耐下啦~~~我會好d執好d新加坡旅行既相架喇~~~~



8月既時候…又試左個新既酒店high tea~~就係COD新濠天地入面其中一間酒店Crown….之前Crown係舊橋附近….不過依家哥度變左就Altira Hotel…..而Crown就搬左去COD入面喇……我地去左佢個lobby bar high tea….叫做Crystal Lounge


2011年11月23日 星期三

喪吃喪買韓國自由行之旅2011-10-16第五天(天晴)

今日唔算做好多野….但…….就係令人攰囉……係d人令人攰……其實d人有咩必要黎到我地度咁串咀je……我又唔係無禮貌對你…..飛筆飛身份證飛番張申請表俾我….好有型咩???仲有勁多90後……一係就真係蠢到無人有….一係無料又不停串你但又講唔過你喎……雖然都有表現得好有禮貌既….但真係比較少囉…………..都係d上左年紀哥d比較上有禮貌d………..雖然我係為你服務…..係應該為你地做野…..但都希望你俾番少少尊重我地囉!!唉~呻完~



2011-10-16
Day 5(韓國->香港->澳門)
第五日喇~即係話呢一要番澳門喇~朝早起身搞掂梳洗就自己好乖咁食早餐…..係好好味既香蕉奶~~~同埋好鐘意好鐘意食既飯團呀~~~一個係燒牛肉味…一個係石鍋飯味……好好味架兩個都~~~~其中一個d紫菜仲要有鹽粒~~重韓風味~~~~~~比起台灣同日本既飯團….韓國既比較口味濃d…..但三個地方既我都愛~~

2011年11月21日 星期一

喪吃喪買韓國自由行之旅2011-10-15第四天Part 3

華…….我好攰呀今日….本身今朝公司考iso都驚驚地…..感覺有d壓力…..雖然唔係好關我事….但都驚自己做錯野俾人捉到就唔係咁好啦~……跟住下晝做到喪下喪下……幾乎無命…..尤其五點半打後……癲到震…….d人又好似痴左線咁….蠢既蠢….串既串……..d機又今朝開始虧虧地….唉~有個阿叔串到震….話佢自己做法院….好忙…不停喝我地要快d做….先生呀…..你都要坐低先幫你做到架……得把死人聲係度叫當正自己做政府工好巴閉………做憎呢d人…….仲有個後生仔….明明唔係我地哥邊答錯野….又開口埋口話投訴我………大佬呀..都唔關我事架…….好彩後尾叫左負責人出黎搞掂佢:P



2011-10-15
Day 4—-Part 3(韓國首爾)
行街行到成個書包塞滿哂野….於是好滿足咁走去食飯喇~~呢間佢地上次黎話好好味既~~又抵~~仲有牛肉食tim~~~~


2011年11月18日 星期五

喪吃喪買韓國自由行之旅2011-10-15第四天Part 2(落落大雨)

今日就無好似前兩日咁他條……下晝簡直係攞我命囉~~不過點都好….因為今日係happy friday~~~~~~又可以放兩天優~閒~假~~~要好好咁休息先得喇~~(聽講你上個星期先至去旅行玩完咋喎…..有幾攰呀….)………唔同既….番工一個禮拜….就會將之前去旅行既野忘記~~所以要keep住去旅行先得架~~呵呵呵~~~~~~~~~~~~~~~~我重申~我不是特別有錢…..但省下買東西買名牌袋的錢去旅行…..更令我開心~(何況我對名牌袋既渴求為…….20%….又唔係唔鐘意…只係要我俾萬幾蚊買個袋我真係寧願食左佢~哥20%係…如果唔使我錢….我係唔會抗拒的~~雖然呢個可能性係….零….哈哈~~不無咩所謂…其實我覺得名牌袋d款唔係幾靚…得個貴字~)



2011-10-15
Day 4—-Part 2(韓國首爾)
食飽飽又行完仁寺洞…..就去左亮點行程—->弘大~呢區好似好多後生仔女行~


2011年11月17日 星期四

喪吃喪買韓國自由行之旅2011-10-15第四天Part 1(落落大雨)

今日澳門既大賽車開始左喇~~~d交通塞到………加上又落雨…..今日超少客呀~~~希望聽日都係咁就好喇~~~~中午同左朗仔去八佰伴安琪兒食包~~好耐無食過巨型潛艇喇~~食到好飽~~~食飽飽我鼓起勇氣走去comebuy買杯宇治綠茶飲下….點知:小姐…唔好意思呀…..我地今日無綠茶呀……………………………….omg…………………..
2011-10-15
Day 4—-Part 1(韓國首爾)
yoho~~今日一起身就去食野~~係食人蔘雞~~首先搭地鐵去到景福宮~~(係咪叫呢個名??)因為佢地之前一年去黎既時候…係黎左呢個景點先去食野…..由於無帶書…..所以要去呢個地方記憶番條路點行~咁就順便俾我影下相啦~~橫掂我上次跟團黎都無去過~~


2011年11月16日 星期三

喪吃喪買韓國自由行之旅2011-10-14第三天Part 3(天陰有微雨)

哈哈哈~我今日都過得幾開心~因為……..工作順利囉~~咁仲唔夠開心呀~~仲有呀仲有呀媽媽今日去完旅行番黎陪我玩呀~~~~~同埋今日出雙糧喎~~~yeah~~解我窮困~~於是我今日晚飯就買左好想食既賣草地哥度d餃子食~~~原本我想買多包天神巷鹽酥雞黎獎下自己….點知行過見到…..原先12蚊一包既鹽酥雞…..加到變14蚊…..我好認真咁企係間小食店門面企係度諗左30秒……最後無買…..因為…..太貴了……………..14蚊一包鹽酥雞真係….跟住行過好想好想飲comebuy既宇治綠茶好想好想飲…..基於我想自己唔好番肥咁多……放棄…..行過七仔…….我好想好想食卡樂b……都係同一個理由…..我….超乖……..咩都無買就行左番屋企……………….不過好失望囉…..噚日既施政報告竟然無加人工呢個環節…..唉~噚日周小姐先話:搞錯呀….我買雞蛋都加左價啦….由1蚊變1.1呀………….(我初初諗加左1毫子唔使咁大反應呀….)…….周小姐:你咪話呀…咁就即係加左百分之十架喇!!!(係喎….咁又真係好多喎!)…….不過我噚晚發哥個惡夢超恐怖呀!!詳情自己問我我用口講啦唔打出黎喇~~



2011-10-14
Day 3—-Part 3(韓國首爾)
係我地食緊長薯片哥時crystal同carmen話要買雪糕番酒店食……之後我地番到入房睇一陣d戰利品佢地就叫我地可以過去一齊食雪糕…..點知一入到去……………….  :)


2011年11月14日 星期一

喪吃喪買韓國自由行之旅2011-10-14第三天Part 2(天陰有微雨)

hello~~~~我番左黎呀~~~哈哈~~好開心~~~因為見到杯嫁左俾健仔……健仔又娶左個咁好咁靚既老婆~~~~天造地設呢~哥日真係好感動~~~~~~~~~細節就等我寫完韓國之旅再講啦~~~~~好彩今日放假咋~~又陪埋寶寶續番期個葡國認別證…..又行左陣八佰伴~~~不過聽日又要番工喇….今年我d假放哂lu~又要等下一年….喊喊~噚日我番黎…..跟住媽咪就噚日開始去旅行~~~~~我番到黎就好似孤兒仔咁…嗚嗚~~


2011-10-14
Day 3—-Part 2(韓國首爾)
睇完亂打show出到黎……又係明洞行下……….梗係又覺得肚餓啦~~~又食野…..之前行過Dunkin Donut見到有個好得意既南瓜頭Donut….忍唔住要走入去試~~~味道…………………………………………我只能夠講…..外表勝過一切……不過好彩佢唔係太甜囉~~~

2011年11月8日 星期二

喪吃喪買韓國自由行之旅2011-10-14第三天Part 1(天陰有微雨)

好攰呀今日………………………朝早一番去已經超多超多野做…..流哂汗…..好彩下晝去山頂覆診….下晝先可以休息一陣~heheheh~跟住五點半之後又好反高潮咁無咩野做喎……..yeah~~放假喇~~~~但係我始終唔係好明一d人…..點解講極都係咁………人地開聲話你你都應該會唔好意思啦……..點知…..咪又係咁囉依家….無辦法了…….再激氣都只會激到我心臟病發…….佢都係照樣係咁….所以….唔理佢喇~


2011-10-14
Day 3—-Part 1(韓國首爾)
朝早起身出發~~到明洞地鐵站….要食下早餐架嘛~試左前日經過見到好想食既小粟米~


2011年11月7日 星期一

喪吃喪買韓國自由行之旅2011-10-13第二天Part 3(晴天)

今日係星期一~~~但我既感覺還好啦~~~都唔似星期一既~~可能因為我後日又放假去旅行啦~~~~不過其實今日都幾難頂架……超越多野做……唉~算啦算啦~~~加油埋聽日啦~~~~我平時iPhone有玩開一個遊戲叫tiny tower~~今日有個同事話俾我知可以cheat佢d錢同時間…….即刻喪玩……就黎無哂電喇~~~~~~~但好開心~~~起多左五層樓呀一日之內~~平時兩日一層~~好好玩呀~~希望我唔會玩得投入得滯今晚唔訓覺啦~~


2011-10-13
Day 2—-Part 3(韓國首爾)
搭地鐵就係成左去呢度喇~~~唔黎唔得呀~~~因為要血拼呀~~~


2011年11月4日 星期五

喪吃喪買韓國自由行之旅2011-10-13第二天Part 2(晴天)

好攰呀…..雖然今日係happy friday…….但今日真係令我覺得好攰…..三點到四點drc哥邊得我一個人……雖然大家都有幫手做……但隔離有個專做drc既同事是兩碼子的事……..好攰攰呀…………搞到我放工哥時都無哂心機…………………….肚餓到癲囉…….又眼訓喎…………..下個禮拜……………………又係繁忙的drc…………繁忙唔緊要….可唔可以係我最繁忙既時候俾d好蠢既阿叔阿嬸….講極都:下……下??!呢個即係咩………唉~我又唔係講得唔清楚….又已經特登慢d………都係…………聽唔明…..溝通唔到……..我開始對住d大叔顯得有心無力……


2011-10-13
Day 2—-Part 2(韓國首爾)
揀好哂海鮮喇~咁佢就帶我地去加工既餐廳度……決定哂所有既食材煮法….就坐定定等食喇~~~~第一味係唔使煮既郁郁郁八爪魚~~~真係識得郁郁郁架仲!!!!!!一條條係度Lan Lan下~~~我仲有錄短片~~~~好過癮架~~~

2011年11月3日 星期四

喪吃喪買韓國自由行之旅2011-10-13第二天Part 1(晴天)

我好攰呀….點解今日咁多野做架……..噚日只係放左一日公眾假期je…就咁多野做……我喊呀(講笑)…..噚日好開心呀……..去左星際食自助餐~~我挑戰成功~~~食左25隻生蠔~~~遲d post相上黎呀~~好開心咁~~聽日又係星期五喇~~~


2011-10-13
Day 2—-Part 1(韓國首爾)
一朝早起身就嘆香蕉奶~~~呢隻香蕉奶真係好好味呀~~~~

2011年10月31日 星期一

喪吃喪買韓國自由行之旅2011-10-12第一天Part 4(陰天)

星期一喇…都ok既…因為番兩日…又放一日公眾假期喇~但係今日超多野做呀……做到條頸好鬼痛囉……..算啦…星期一多野做係正常既…………………..不過我今日都有d唔開心…..因為我問媽媽隻眼睇野有無朦….佢話有…..咁我咪迫佢去睇多一次鏡湖囉…..最後既結果係:無得醫…..睇野會繼續朦….原因係因為老化….除非黑影繼續放大…如果唔係唔使番黎覆診…………………………我放工走左去屈臣氏買一d花青素高既藍莓素保健產品俾媽媽食……希望減輕佢既眼朦…….好唔開心既係……我應該留意到佢既需要….唔係等佢有事先走去買呢d保健產品俾佢食… ;[


2011-10-12
Day 1—-Part 4(澳門->香港->韓國首爾)
買到左右手都係…..連書包都裝滿哂就去左食飯喇~今晚係食烤肉呀~~~~

2011年10月29日 星期六

喪吃喪買韓國自由行之旅2011-10-12第一天Part 3(陰天)

咁又到左星期六添…….好少星期六會上黎寫blog….因為今晚好早食完飯就番左屋企~所以上黎寫下野…….今日去左同杯配眼鏡….唔知點解見到佢試眼鏡……又俾眼鏡鋪姐姐鼓勵……連我都的起心肝走去換鏡片….係鏡片咋…唔係眼鏡框…………見好耐無換過眼鏡…..之前塊鏡片又係cheap鏡…..花鬼哂….所以就索性換塊靚d既…咁又唔見左380喇~
2011-10-12
Day 1—-Part 3(澳門->香港->韓國首爾)
食飽野就要去換換錢再搏殺…..之前係明洞換左少少….個匯率148……我地酒店附近就換145(我地出發之前係153囉)….之後幾日換又低少少…..144…143…145都試過…….只要將你要換既港幣乘番個匯率就係~好似呢日咁…我換2000hkd…..乘匯率145…就係換到290000w喇~睇落好似好多錢呀~~~不過眨下眼就會無哂~

2011年10月27日 星期四

喪吃喪買韓國自由行之旅2011-10-12第一天Part 2(陰天)


我覺得我近排訓得好左….唔知關唔關我食左維特健靈五色靈芝事???定還是係因為迎排公司少左野做…..所以個人無咁緊張……訓得好左???最憎就係訓覺哥時發超多夢…..仲要一個夢緊接另一個夢咁樣發……搞到個人好似無訓過咁…..希望之後都係咁好訓就好喇~~好開心媽咪煲左好好味既冬goo雞飯~~好好味~~配埋係韓國買番黎既泡菜~~~一流呀~~~


2011-10-12
Day 1—-Part 2(澳門->香港->韓國首爾)
食飽飽就出發~~不過哥時都好似係九點….定九點幾???第一次搭韓國地鐵……買飛會幾易…因為有普通話發聲同中文字睇…所以唔會好難….不過小i借左張儲值卡俾我地….所以我地直接入錢入去就得……..唔使次次買飛咁煩~

2011年10月26日 星期三

喪吃喪買韓國自由行之旅2011-10-12第一天Part 1(陰天)

咁又星期三喇~噚日起身哥時又頭赤赤……做做下野又忍唔住諗起:豬柳蛋漢堡~所以噚日下午偷偷地走左去買麥當當做午餐…..同埋可樂可以醫頭痛嘛~~~哈哈~~近排食多左野少左做運動囉….唔得喇~~今晚要坐言起行先得啦~


磨拳擦掌~~~今晚開始寫韓國之旅喇~~~~希望大家多多收看~~~


2011-10-12
Day 1—-Part 1(澳門->香港->韓國)
去旅行之前一日都係要番工既……不過我哥日攞左鐘……一點鐘就收工…….番屋企訓左陣…執下野…….沖埋涼….由於今次係香港飛凌晨機所以我地要搭船過香港…..好彩哥日有crystal爸爸車我地去….因為哥日出發有d落雨….勁塞車….預早左成一個鐘頭出門口都係岩岩好時間去到…………介紹下今次d團友先~~有我啦毛寶…crystal同carmen:)




今次我醒呀….問左毛寶借大gip…..藍色哥個係我個gip呀~~睇落我哥個最大喎~~

2011年10月24日 星期一

麥當勞-18件裝麥樂雞餐

華….幾鬼可憐呀我…….肚痾胃痛左三日三夜…….食左幾次喇叭牌…..我先懷疑自己….到底我係咪腸胃炎???星期六過左香港睇何韻詩套賈宝玉……er….可能我對紅樓夢唔係太熟啦…..(其實睇之前我已經上網搵左個大綱睇架喇…….)……………er…….我睇到下半場…..唔小心訓著左……………………….哈哈~


暑假哥時….正值上映功夫熊貓2~麥當勞襯機出新野~~~就係—-18件裝麥樂雞~~

好似係38蚊一個餐~

2011年10月20日 星期四

驅走熱氣

Yahoo Blog真係好煩呀….令到人好唔想再寫!!!!!!!!!!!!!!!!!今日係27歲既第一個工作日….心情唔錯~~今日收到另外兩份生日禮物~好開心…多謝大家呀~星期六過香港睇何韻詩賈寶玉既舞台劇….好驚唔知講咩囉….全程普通話….又唔知紅樓夢up乜……………..


夏天…就係要諗d透心涼既野黎涼一涼~就係盛夏既時候我地最興飲既飲品係:特調雞尾酒(自製)…其實係買支gin酒加雪碧加青檸..簡單又好飲~


2011年10月19日 星期三

廚泰@漁人碼頭

yoho~~今日就係27歲既第一日………今日起身見到風和日麗…個心情都好番少少…..不過由噚晚踏入12點哥一刻開始…又好似無咩特別感覺….好奇怪….以前生日總會倒數…..但依家…..又竟然無咩感覺……唉~真係老左喇~


好耐係見過皮皮喇…….記得七月哥時約佢同企鵝出黎食過一次飯……去左漁人碼頭既廚泰食泰國野~~叫左個唔知咩火焰雞…..個重點係…………真係會著火架




倒左好多酒既物體黎去……

2011年10月18日 星期二

哈利波特-死神的聖物2 大結局

我係韓國番左黎呀~噚日由於upgrade緊個blog所以寫唔到個blog….依家重開喇~今日係我26歲既最後一日…….因為我聽日就生日…..27歲喇……呢幾年…..變化好大…..心態都變左好多……….以前覺得好重要既野…依家反而唔係最重要………依家最重要既就係我媽媽…….今日媽媽中午同我講話佢要去睇眼科……話佢頭先食食下野……隻左眼黑左….之後就變得好矇……佢上山頂睇醫生……我好想陪佢去…..但係我知今日公司好唔夠人…………..所以陪唔到媽媽…..我覺得好難過…..好唔開心……因為次次我病….媽媽都會陪我去睇醫生…..相反我就因為番工所以陪唔到佢……今日下晝好難捱…….曾經坐係counter度好想喊…..但礙於對客同唔好嚇親其他同事……將眼淚不停係隻眼度打下圈就算……但我今日真係好唔開心….好難先捱到放工咋!好彩放工上左去陪媽媽醫生話無事….食藥滴眼藥水就會好番…我先無咁擔心…..27歲喇….希望我會有能力照顧好媽媽……..26歲的最後一日…有必要令我咁唔開心??好想開開心心咁同媽媽過每一日


上兩回講到係屋企試哈利波特造型…..我無呃大家….我真係有著出街去睇哈利波特-死神的聖物2…………咁當然….我梗係去到觀光塔戲院外先換啦……..我阿媽以為我會著埋出街食飯………傻架囉…咁都問得出口?!



2011年10月11日 星期二

初夏@黑沙

好野~~~~~1點鐘就放左工喇~~不過其實今日過得一d都唔輕鬆架……….噚晚臨訓前又頭痛…..食左粒藥11點幾就訓…….點知訓到五點到….就醒左訓唔番………搞到今日起身精神不振呀………今日又多野做喎…..做到…氣咳…放工去東瀛遊攞埋d機票船飛房單就番左屋企食飯…….食完飯食左粒藥….再訓一陣….點知依家都係頭痛……執左陣野……準備陣間沖完涼就出發~~!!



開始覺得化妝帶眼鏡都係一個唔錯既選擇~(其實因為我無咁多銀去買con….所以逼住帶眼鏡咋~)….不過帶眼鏡化妝仲好….可以將個樣再求其d…(其實不如唔好化囉……哈哈~~~~~)我認我懶又想少少靚囉

2011年10月10日 星期一

哈利波特試造型

媽媽個bb個肚仔好痛痛呀………………………………………痛左成日………不過好彩…..唔係去旅行哥時咁je….我都算大命~今日都有好俾心機做野架…..不過只限接更時段囉…..因為下晝去左聽培訓講座…..個講座悶到呀…………玩左好耐tiny tower~不過開心呀……聽日請左鐘…..會係一點鐘放工呢~



我又開始整古做怪喇~~係之前7月時我最愛既哈利阿波即將上映大結局…於是我趕緊兌現我當年對阿波許下之承諾:要去睇大結局時著到成個哈利波特咁入場睇~當係向佢多年黎俾左咁多幻想空間同好戲我睇~…..依家就係試造型

2011年10月6日 星期四

海富鮨味亭

今日天氣陰陰沉沉咁….成個人都呆下呆下…..呆下呆下既原因我懷疑自己有少少想病…….有d鼻水倒流………喉嚨有d不知所謂………隻眼好攰….個頭有d wing wing下咁………….唔可以架!!!!!唔可以病架~~~我仲要去旅行架~~~~求求你啦~~我會做乖孩子早d訓同飲多d水架喇~~求求你唔好病啦~~



食日本野都係覺得鮨味亭係價錢合理得黎好食~~芒果燒酌..好飲~

2011年10月5日 星期三

觀光塔的C4FE ON FOUR

噚日番工……都幾多人….不過勝在唔使過隔離….做都做得舒服d….番完工去食麻辣包就去左學Ukulele~今次教左新歌…..幾好玩~~番左一日工今日又重陽節……咁樣番工真係幾爽~~番多兩日又放星期六日~~跟住下個禮拜番多日半就去旅行~~



某日去左觀光塔睇戲又未食中午飯….singing bean同板長都唔想食….所以就去左佢四樓間C4FE ON FOUR度食飯…環境就夠好啦望海~


我鐘意靚景cafe呀~~~

2011年10月3日 星期一

哈利波特展覽

哈哈…..又懶左5日國慶假期無寫blog喇~~~~懶人終於再蒲頭……….唔知係咪好耐無放過假…..覺得呢5日舒服到癲左……………….超relax…..應該更正…………..係好耐無放過唔係去旅行既假……………………………….去旅行都無得真正咁休息….淨係不停咁玩玩玩行行行食食食~~(唔係哂命)……所以有時停一停….抖一抖….都係好好架~加上我放假人地番工既心態真係特別的爽~



仲記唔記得七月為左睇Mr.而過左一次香港??哥日早少少過左去行街……咁梗係會行過時代廣場啦~~點知一行過…..華………………..霍格華茲架特快列車呀!!!


仲要係九又四分三月台呀~~~~

2011年9月28日 星期三

MGM寶雅座Aux Beaux Arts海鮮盛宴

噚晚好開心去學Ukulele…..學完之後寶寶請左大家去食Pizza Hut~~~好好味….好開心~~~但唔知係咪食得太飽呢…..加上我好擔心聽日打風既關係……所以訓唔著覺………………………………………今日仲好慘囉…..5點半之後簡直可以用災難黎形容…搞到我放工鬼死咁攰呀…………….好彩今日又係大解放~~今晚晚餐係—-香香脆脆既餐蛋飯~~~~~~~~~~~~~(我真係咁痴線…我真係覺得係美食黎架~~)



呢次飯聚係係去旅行之前喇….由於之前諗住慳番d con同卸妝油去旅行…所以已經好耐無化妝…又由於我發現其中一對con係今年6月到期(貞貞送我帶的)…heheheh….所以就俾自己化下妝…3個月無化都唔係好衰je~


我帶左大眼仔呀…有無人發覺??

2011年9月26日 星期一

Pepper Lunch

今日又上左山頂覆診……等左成個鐘….之前睇開哥個醫生又無做…….換左個新醫生…仲衰…….求其問左我兩句……然後連平時食開哥d藥都無俾我…淨係開止痛藥俾我……..咁…………我使乜睇你專科呀…..我自己痛哥時睇急診或者自己買藥食咪得囉….死廢柴



呢次又黎左galaxy…..為既係試新野….係試新野之前..又去左翠華嘆啡