與三大長老聖誕台中遊之旅2018-12-25第四天(天晴)

星期日....中午諗住食root...仲上網訂埋位...點知.....無開!!!企係佢門口...見到另一個party既人都同我地同一遭遇...我問：你地都訂左位?!...另一人：係呀!!但佢唔似有開喎.......於是我忍唔住打去佢姊妹店....得到回覆係：係呀...舊既fb同埋上網訂位系統已經無再用...舊股東唔肯交番出黎....同埋星期日依家唔開...........................你又點估到上網訂位有埋comfirmation letter成件事咁真都食唔到~算~去左金麗華食午餐~下午係屋企睇美味天王XXXD..夜晚去左食金爵~~再去800伴辦年貨~~~星期一...無咩特別~順利的上班日...星期二....今日特別在....生意特別的差XXXD.....星期三..放工又上左去屋企睇裝修~到底...佢幾時會執好?(應該話...執到我滿意~).....睇完裝修同左媽媽去食泰華欣~...星期四....番工又做夠數~好開心~~今日無飯食..去左買牛雜汁烏冬..加埋今日下午同事請既冬瓜茶...恰恰好:]....星期五.....今日有D唔舒服...暫停搵錢一天...下周再努力~......星期六...中午去左食Terra~好耐無食...食既原因係毛寶要去洗車過新年~下午做下功課啦~日本旅行仲有D功課要做~同埋剪下頭髮啦~夜晚痴痴貢~



2018/12/25
Day 4(台灣,台中 Taiwan,Taichung->澳門 Macau)
呢日要走喇~所以臨走前導遊大哥(即係我)都安排一個行程俾D團友啦~因為搭下午機...都係無咩地方可以去喇~又晨早流流喎....好多餐廳都未開....於是安排團友去有熟食既市場體驗一下就最岩喇~XXXXD....呢日既唯一行程就係台中第二市場(全稱台中市公有第二零售市場)....地址：台中市中區三民路二段87號....同我地酒店好近~行過去就得啦~同埋佢有好多個入口~我都忘了我係邊個入口入XXXD

與三大長老聖誕台中遊之旅2018-12-24第三天Part 3(天晴)

上星期六....中午去左蜜蜜見...但麻麻同埋出野好慢~之黎番左屋企等傢私到~~好靚呀!點解我地揀既傢私會咁靚咁襯我間屋架~~(自High~)...夜晚食左Comma Cafe~.....夜晚番屋企好得閒book左3晚日本酒店房...我真係好叻叻~星期日....中午食左羅浮~下午訂埋餘下的4晚日本酒店房~我真係棒棒的~夜晚痴痴貢~(仲係頭痛未止到...好辛苦呀)......星期一....噚晚發左個荷里活級別既災難片夢...好驚驚....今日好多野做...好彩做夠數~....星期二.....我噚晚唔知搞乜...9點半訓著...訓左9個幾鐘..又幾爽喎...我生左粒爆勁大既瘡係鼻窿邊...痛X到我.....星期三...er...唔...呀....我今日中午....食左KFC~~做到下午覺得個人攰攰地....無乜動力....是因為懶嗎?XXXXD....星期五....放左工去左新故里~~為我地七公子既朗主席舉行壽宴~~真係好開心~~公子生日季又再度開催!!....星期六....一早起左身....因為約左一早番屋企裝光纖...我家又再重回文明的世界~...再去食Comma cafe....然後去毛寶家睇埋淨低兩集you(查實我仲係睇緊第一季~~~~~~)...夜晚又痴痴貢~我到底幾時先可以搬番去屋企呀....我初時估係農曆新年前架;[



2018/12/24
Day 3---Part 3(台灣,台中 Taiwan,Taichung)
好喇~司機大哥車左我地黎晚餐地點~去完彩虹眷村同埋高美濕地剛好食飯~好彩無去誠品行~邊行得咁多個鐘~呢晚~我揀左食Omakase!!!!我上網揀了又揀~最後揀左一致正評的豪軒...地址：台中市西屯區福科路500號....我是在他們的FB線上訂位的~

與三大長老聖誕台中遊之旅2018-12-24第三天Part 2(天晴)

喂~點je~有無掛住我je~上上星期日....中午食左Toff樽仔烏冬....之後去左睇木門鎖~買埋3部電視~~再去攞埋阿媽送俾毛寶家既盤菜~好忙呀呢日~....上上星期一....呢個禮拜又去左另一個工作崗位~放左工好開心因為無飯食有得去買牛雜汁烏冬~~~~~(仲有我姑媽既西洋菜湯~)....上上星期二....放左工走番屋企睇裝修....wow....好想快啲搬番入去呀!.....上上星期三....中午食左個3餸飯...好開心~....上上星期四....yeah~番埋今日連放6日聖誕假呀大佬!!(雖然今日勁多野做~)放工奔番屋企執行李啦~~~~....上星期五至今個星期三去左宜蘭玩~~~.....星期四...番工咯番工咯~~多野做預左~~話哂放左咁多日假....然後..我係呢晚...唔小心打爛左暫居地個洗手盤XXXD....我係咪嫌我自己唔夠窮XXXD....星期五....再黎一次....裝修真係好激心....夜晚去左聚龍軒打邊爐....星期六...中午食左TOFF樽烏冬(又食...唔係平同純個人鐘意食烏冬仲有蕃茄清湯...戴定頭盔先)....然後.......野~~~人地又去左睇SUPPER MOMENT~~~佢地又黎左澳門喇~~野~~人地本身好唔開心架嘛~點知跳完之後又開心番好多~



2018/12/24
Day 3---Part 2(台灣,台中 Taiwan,Taichung)
咁攞左D日出手信番酒店...坐左陣...其實呢日既行程都Pao Pao地~(即係無咩做XXD....假安排行程...其實當初搵台中有咩玩時...有兩個點我都想同三大長老去既...但台中又無捷運...巴士我又唔想研究...又覺得包一日7人車唔抵...但截的士去又驚有去無回頭車搵到既情況下....所以放棄左~求其搵左個市內既誠品諗住搭的士去行下就算~).....好啦~叫酒店幫我地搵架的士出去啦~上左車...我地同司機大哥講左去邊間誠品...之後係路上....佢問我地黎台中...有無去XXX又者XXX...我話無呀~因為我話我地無包車...而截的士去我又驚回程哥兩個地方截唔到的士回~佢話：係呀...哥兩度好難截架~....然後我就打蛇隨棍上：查實我地依家去遠唔遠呀?...佢就話：唔遠呀~如果你想去...驚無回程車我係景點照跳等候錶等你~....咁我大約問左佢等候錶半小時大約幾錢...我聽完覺得合理~於是講埋我另一個想去既景點...問佢岩唔岩時間去...佢話就到時間...同埋會等埋我車埋我去晚飯地點~去埋都就到埋我晚飯時間~咁呀~橫掂都無野做 ~去咯~好喇~第一個我想去晚景點就係：彩虹眷村.......地址：台中市南屯區春安路56巷25號....呢度無論建築物或者係地下都油到色彩斑爛~不過...人勁多....好難拍到好照片~

與三大長老聖誕台中遊之旅2018-12-24第三天Part 1(天晴)

星期六....噚晚有個人係IG搵我...令我覺得發生左傳奇事~成個胳肋底濕哂XXXXXD...中午食左TOFF既樽仔烏冬~之後去左睇屋企門鎖...裝修真係好煩...呢段時間快D過啦...我好想快D搬番去屋企呀；[...夜晚痴痴貢....星期日...我心又戚戚然...又心不在焉咁同毛寶食中午飯....因為我陣間可以見到仕燊寶寶呀＜3....哈哈我去左睇騰訊個頒獎禮~~外圍紅地毯公眾區勁多人...~好彩有手帶入到少人D既區~好開心企到第一行側面~到濕爬時我大叫佢地4個都有同我打招呼＜3心甜屎~之後佢地仲有做頒獎禮嘉賓~好開心呀我~我有半年未見過濕爬喇~睇完佢地哥PART我即走...同左毛寶去食千笹~....星期一....呢日仲係假期~~中午去左食Sip Sop Soup...好開心去到...依家仲有中式菌湯飲好正~~~之後去左銀行搞啲野...然後毛寶幫我剪髮因爲成隻垃圾狗咁...明天要上班喇~~~~我不捨我的大假~~~~星期二...救命呀噚晚訓得勁差~~我竟然仲走去開OT~~玩命~~今日輕軌開通呀~~(但好似話壞車喎XXXXXD).....收左工去左買福袋~星期五就係哭福袋宴喇~好緊張呀~...星期三...今日都係OT日~無咩特別~....星期四....我平時買開哥間早餐咖啡店個多士縮左超多水....去到11點半時企我隔離個同事說:你係咪好肚餓?我聽到你個肚啲鼓聲...搞到我勁唔好意思覺得自己好乞兒仔XXXXD....星期五...一年一度哭福宴!!!!我又笑到喉痛~~~~~~~~星期六.....去左羅浮食中午因為依家澳門人有8折優惠~之後上左屋企睇裝修.....裝修真係好激心呀喂...個露台欄河佢地竟然睇錯左初期設計圖黎做..........一個非常低級既錯誤....裝修真係好好玩~~夜晚痴痴貢~~~



2018/12/24
Day 3---Part 1(台灣,台中 Taiwan,Taichung)
早耶~11點左右出發~今日又好似變番好好天~

與三大長老聖誕台中遊之旅2018-12-23第二天Part 2(天晴及後轉雨)

喂喂~~~~~我番左黎喇~~~~~有無好掛住我呀~~~~~一番到澳門已經忍唔住衝左出去食野~~~~~~上上星期日....最後一日賽車~無去睇~過左氹仔食加東~午餐Set幾抵~之後下午毛寶幫我剪定頭髮去旅行~夜晚痴痴貢~....上星期一....平平淡淡的一個番工日...平淡是福~...今日澳門有條新例實施...就係膠袋費呀!澳門真係好落後...上星期二...我臨天光發夢同老豆玩啤牌呀!!好開心!!!好耐無同佢玩啤牌喇....我又一路玩一路俾佢笑我蠢(小笨笨)..午餐又可以同毛寶一齊食...小確幸<3...放工諗住食暫居地附近牛雜汁烏冬做晚餐...無開咪去第度買飯囉..買完番轉頭烏冬又開左...人生呀!....上星期三..起身又頭痛...搞乜也?!......星期四...本身放工好開心去開凱公子慶生趴....點知食中左間新開係酒店入面既韓餐極爆極爆難食!....係我地食過暫時最難食既韓餐...真係好難食........上星期五...頭痛住番工~~~但無所謂啦~就快出發~~夜晚係屋企執野~~~~~...............然後就出發左去旅行玩左13日喇~~~~~~~~今次真係玩得好開心~有好多新既體驗~



2018/12/23
Day 2---Part 2(台灣,台中 Taiwan,Taichung)
我地徒步行到我地既目的地..就係審計新村入面既暮暮市集~地址：台中市西區民生路368巷1弄6號....成日都想係台灣行市集~

與三大長老聖誕台中遊之旅2018-12-23第二天Part 1(天晴及後轉雨)

星期日.....中午食左TOFF....其實我都幾鐘意去....個樽仔烏冬唔錯~(個人喜好~有D人都話唔好食~)......再去買件Anco千層....芒果千層真的好好吃~~~~~~~再買杯咖啡~去左西環望住觀光塔坐著吃~下午睇下片~我娘又去左旅行~夜晚得我自己一個吃阿蘇~....星期一....噚晚明明好眼訓...但訓好耐都訓唔著...今日番工成個人都係陳下陳下....最清醒哥時就係...放工哥時XXXXD....娘親去左旅行...獨自一人吃晚飯...俾我發現暫居地附近有檔篤篤啲牛雜香到屎!...仲配上我姑媽既蕃茄薯仔湯!好正!....星期二....喂!...抽下年假喇今日!我最想放都放到呀!好開心!!放左工去左試一間未食過既茶餐廳...個蝦醬炸雞翼煎雙蛋飯真係盞鬼......星期三....番工個頭少少實~中午又約到毛寶食飯~小確幸也~.....經過呢幾日既新聞...發現幸福不是必然；[....星期四同五....起身頭痛...休息休息....星期六...中午食左好耐無食既Enjoy Deli~然後去超市買去旅行既野....下午就寫下blog...夜晚痴痴貢~



2018/12/23
Day 2---Part 1(台灣,台中 Taiwan,Taichung)
一早醒來~(其實也不早了~).....第一個節目就係去食中午飯XXXXD....我地係酒店搭的士去餐廳~由於早左少少到間餐廳仲未開~我地就係附近行下~不過餐廳附近係民生社區~無咩好行的~XXD

與三大長老聖誕台中遊之旅2018-12-22第一天Part 2(天晴)

星期日.....中午去左食鼎太豐~然後去左Palette Dessert Gallery買左蛋糕~再自己沖咖啡係屋企嘆~下午俾人剪頭毛~夜晚痴痴貢~.....星期一.....yeah....放假丫嘛....今日選擇早早出門口...首先去左搞pps....去左食comma...去左睇餐枱櫈(貴到我驚呀)...番屋企睇裝修...然後約左裝修睇鐵閘同窗簾...再去買龍頭(浴室加廚房)....再去買埋廁所加面盆...再去食埋下午茶再番屋企...呢日做左好多野..實在係太圓滿....星期二...今日做到就黎爆肺....我成個工作環境....係夢幻西餐廳...D客不停紅綠紅綠咁催你快D~真係好好玩~.....星期三....放左工同左毛寶去睇餐枱櫈...啲櫈好靚...同好貴~晚餐食左cheap壽司同埋7仔雞絲翅....星期四....今日某個時段好多野做~其餘還好~快D到星期五啦!....星期五....番第二個崗位發現啲客真係發瘟狗...完..下周回到原本工作崗位...雖然新位都忙...但我有啲唔捨得呀.....放左工食左氹仔新開餐廳(其實佢只係搬新舖)...我覺得浪費左我啲quota.....然後去左毛寶家睇Netflix入面既聞phone色變...雖然係毛寶個男神做...但完場時我倆不禁對望繼而擴鼻孔...這已是我在Netflix看到第二套令我擴鼻孔的戲....星期六....早早起床去左攞貨~中午約左皮皮去金殿堂飲茶.....跟手番屋企睇下d裝修~見到佢有巨大進展~下午睇下劇寫下blog~夜晚唔知食乜好~



2018/12/22
Day 1---Part 2(澳門 Macau->台灣,台中 Taiwan,Taichung)
我地係超級市場出黎既時候已經日落了~日落景+台中舊火車站~很美~

與三大長老聖誕台中遊之旅2018-12-22第一天Part 1(天晴)

星期日....中午食左潮興隆~食飽去左睇廁所潔具~都幾好~有D野都已經睇中左~查實有得揀有時都好煩~下午寫下BLOG又講下法國D野啦~夜晚痴痴貢~星期一...又換左新位做野...今次堅新位...我做左10幾年都未試過....暫時自我感覺良好....唯一唔良好係...哥邊有好多後生妹...我覺得自己好似老到生鬚XXXXD.....真係好喇~我媽終於都去完旅行番黎~好野~......星期二....好開心呀呢日夾到時間同毛寶食八分目中午....小清新呀~食完仲要行左陣北歐雜貨~頂~好似放緊假咁~.....星期三....轉左工作崗位呢日中午忙到想撼頭埋牆XXXXD.....不過暫時都還既....除左俾個阿姨西我面~.....星期四...我今日放工本身飽飽地...行到暫居地附近叫澳覓....點知行緊去攞時開始勁肚餓...餓到狂標冷汗...攞住外賣行番暫居地哥段路成個人好似無左靈魂咁...番到去呑左成個麵我要食多6款零食先覺得自己回魂...好恐怖......星期五.....好開心呀星期一放假...連放3日.....放左工去左UA睇黑魔后.....Maleficent仲係咁有型~唔知....仲會唔會有第三集呢~仲寫到既話我真係覺得好犀利XXXD....UA啲爆谷真係好好味!....睇完戲去左食加東~....星期六...一早去搞掂老豆件大事~舒服哂~之後試左間CAFE...之後去買埋張床.....再去睇廁所面盆之類~然後痴痴貢XXXXD....



2018/12/22
Day 1---Part 1(澳門 Macau->台灣,台中 Taiwan,Taichung)
WowWowWow~雖然大家睇起上黎係無咩分別既~但其實我隔左成個幾月才寫新blog~(因為之前出哥d都係寫定既~)....呢日終於出到舊年最後一個旅行~~今年的我又比舊年的我懶了很多~加上裝修之前無電腦用~(依家有喇)...懶上加懶~......好喇好喇~~出發喇~~~~~舊年又放5日聖誕假~~~~~所以我同毛寶就帶大家既爸媽一齊歡渡聖誕喇~....呢日唔算太早出發.....訂左電召一齊去機場......我地通常都預早d到機場check in....加上呢次搭廉航丫嘛~無買座位咪早d囉~我地去換左台幣就去Check in但又俾我遇到勁無禮貌既地勤!!!!!!!!!!!!(舊年聖誕又係咁)



一埋到counter我已經同地勤講：hello~早晨~去台中~
第一時間說完你好就已向職員表示這是入台證.....
未及我再把護照交俾佢時佢已經用冷冷的聲線及不耐煩的表情說:護照!
於是我把護照第一時間送上不想耽誤工作....
隔一會"又"用非常不耐煩且無禮的聲線說:入台證!
我:我一早已放在枱面給你...
資料入完該職員說:你地有沒有行李?
我:有既~有4件隨身行李~
職員:放上黎磅重!
行李放上輸送帶磅重時職員冷冷的說:你都無買托運行李
我:係呀,咁隨身行李唔係都要磅咩?
當磅完第一件且貼完貼紙時震撼了我雙耳......
該職員說:拎走!
最後完成時說了句:搞掂喇!
但他是把護照..登機證及入台證"散落"全枱各處...
我:你咁樣即係要我執垃圾咁執番入台證同護照?
此時毛寶也按耐不住:你好無禮貌...你叫咩名?(佢好少咁問人通常忍得就忍...佢問得出聲哥個野一定係超無禮貌)
此時係咁短既check in時間第二次震撼了我雙耳....該職員只冷笑一聲:哼!(並沒任何回答)
毛寶:我問你叫咩名呀!哼咩呀?
職員:xxx
毛寶:我聽唔到!
此時職員不再回答...不耐煩且只拿著衣服上的名牌要我們自己睇.....................
我覺得完全離哂大譜囉!!!!!!!!!!!!!!!!!!!!!!!!
我自己都坐counter....
我體會你聖誕假期多野做好攰冷漠一d...
但你係態度差囉!!!!!!!
我又無對你唔禮貌...欠左你既咩
所以去完旅行我最後都好唔客氣送左封投訴信俾佢~
(好驚呀~今年聖誕又係澳門機場飛~)



好喇~又講完激氣野入正題喇~我地5個人~都無買行李~我出發行李6.6KG~浩浩蕩蕩咁出發喇~~~~~~~~~~~~~~~~~~有我啦~毛寶啦~老夫人啦~毛寶爸啦~毛寶媽啦~企第一哥個女仔咁可愛既~