2009年5月23日 星期六

細da又走了(東京我來喇~)

今日大雨到呀…..真係落到人心都痛呀………行番學校番學時……隻腳直頭濕到可以將對襪扭出水囉….好彩今次呢科…………..係我地最愛既馬基基教架~….超愛佢呀….由上堂笑到落堂呀….我知喇…係咪今日一次過落哂d雨…聽日唔會再落……



某日…行過阿杯舊居……見到柏仔企係露台….佢突然望過右邊….吠左兩下….和我深情對望好耐好耐




呢張影到柏仔好似d無頸既怪物咁呀

2009年5月18日 星期一

好員工的表揚信:]

今日真係蠻開心既一日…..因為我……我現兜兜咁收到一封表揚信呢~叔叔話我個樣好開心….令到佢今次有一個美好既回憶….話好少有人做野可以做得好似我個樣咁開心………乜我真係咁令人難忘咩~~哈哈……..但最後叔叔哥句:希望你唔好咁快升職啦…..如果唔係好快呢度就會無左你…下..唔係卦?!點都好….雖然誇張左d…都好多謝叔叔你呢~



上個禮拜四又去左搵marco….拉一拉直同修修我d頭髮….仲騙左兩個少女同左我一齊去呢……搞左一大輪….仲買左d野食去左探阿柏…..搵柏仔同我地一齊食….期間小貞上左黎一齊探柏仔…佢由起初好驚…到最後佢都讚柏仔好乖呀~好開心…..仲踏出佢第一步….同柏仔影左張合照(柏仔咁乖望鏡頭係因為我攞住一d好吸引佢既野食咋)……不過小貞今日病左呀….希望佢快d好番啦…..繼續崩崩跳跳咁~




星期五好乖咁無出到街同媽媽係屋企食蟹…..星期六同毛寶去左venetian買左件衫同頂帽…….

星期日最慘……要做功課………………………….



不過唔緊要啦…….仲有六日……日本我黎喇….我放假喇~

希望日本好天啦!!!!!!!!!!!!!

2009年5月12日 星期二

牛年馬月

今日過得都幾ok喎….唔係唔多野做..只係….心情可以既時候…做起野上黎都會起勁d~做做下野時仲同小貞&da講:我好想食牛腩面+咖哩汁呀…..好肚餓…………….引得其餘兩人都流口水呢~…….很不爽的一件事…就係我俾老野…話我係老坑………….我係老坑………好~



牛年馬月….上次既韓中美食事件之後….我地終於去左同一條街…叫首爾既韓餐度食喇~….價錢都係中等架喇…不過d野好味過上一次好多……….不過我就覺得d前菜都係李家好食囉

2009年5月10日 星期日

笑面虎

偷下偷懶咁…又上番黎寫下野咁……..我覺得…..呢個禮拜有d難過……過得好慢…尤其係番學既時候…..時間就過得愈黎愈慢………唉~我會俾心機挨到畢業!!!因為我想無憂無慮咁……….去旅行~去玩……唔使再顧住番學d野…….我就係咁…無目標…..只想開心的玩~



依家先整番上個禮拜日同karen慶祝生日d相上黎…原因….我懶囉….我地去左一間叫笑面府既私房菜度食….係海擎天斜對面既………….又幾好味喎……..係度等緊sasa黎既時候….突然間佢就出現左喇


呢張相影得佢唔係幾好睇…..事實上…我影左三張….每張都係見牙唔見眼……呢張已經係最好….佢地稱我呢個行為叫狗仔隊….同佢同行既除左佢老公同兩個女之外…..仲有向佐&佢既緋聞女友race….睇黎八卦雜誌有時都幾可信呀~

2009年5月5日 星期二

5.1黃金週暨"五月五日"破日紀念日

今日…..我認為係一個破日囉…….都唔知今日搞乜鬼…..好似個個都好黑咁……….首先….阿da就俾個阿叔晨早流流噴到佢一面屁…………跟住到我………….俾一個識講幾句臭葡文既now婆串到我飛起………..個死八婆我俾佢串完之後我仲一片好心提佢要咁咁咁做………佢既反應:那當然啦(請用煲冬瓜發聲!)…….死仆街…如果我唔係坐係哥個位我一早鬧x左你好耐啦…..仲使同你講埋咁多臭屁話?!著住哥套鮮紅色既套裝…..你既品味唔使講都好到上天啦……你個八婆……好巴閉呀…..七樓律師樓…….你以為你自己係律師呀?你只係個跟班咋……………到sasa….俾個阿叔話佢:係我地d立稅人俾錢你出糧架仲難為我………但係阿叔…你咪傻豬啦…我地都要立稅架….唔通我地自己出糧俾自己咩…………..到左下晏….小貞要搞番一單由內部彈番俾佢既野……其實呢單野….好無聊…..明明佢地係可以打哥個電話…..點解佢地唔去做埋佢呢?….之後大機死左…..個阿e呃阿男人話佢遺失左一次….點知….原來係兩次…..搞到佢又要註銷哂d野再做過又要call番佢番黎…..得個搞字!!……..今日竟然會係咁………..好彩番到屋企有爸爸媽媽幫我按摩呵番我…….同埋聽到電視上面既一句說話:撈得攰?????好過無得撈…………….噢…舒服哂~



好啦好啦講番黃金週做過d咩先……….



星期四

一收工就跑左去neway度做左陣戲………玩左兩個半鐘之後….去埋金玉滿堂食埋消夜…………開開心心玩足成晚………番到屋企………..媽媽話:你去啦你去啦你去玩啦……….你連我生日都唔記得~(開玩笑語氣)…..我先醒起…..係喎…今日係媽媽生日喎…………………………玩完…………………………不過我唔理呀….一人一次囉……我認為最重要既十八歲生日佢都去左旅行唔塞我………….打和



星期五

去了杯杯的舊居探柏仔同埋傾埋餘下去日本旅行d野………柏仔….佢好慘呀…….佢同爸爸依家都番左舊屋住呀…………….因為就黎有個小生命出世……唔可以有狗係新屋…….但係我唔明…………點解奸人拖肥有得留低架………………佢都係狗咯…………哥日去到佢地既舊屋(第一次上去)….我覺得舊屋……好似藏參地點呢~之前間屋租左俾人住…住得好殘舊呀….我覺得爸爸同柏仔都好慘呀~我地上到去柏仔見到我地….我硬係覺得…………..佢比平時更開心……….唔知係咪舊屋真係悶得佢好緊要喇……………阿柏..我依家都有d掛住你呀…………..



不過係阿杯舊屋間房望出去都幾靚架………….對住哥條好有風味既街……………..日頭同夜晚都有不同感覺呢~~~~~~~~~~~~~~