2011年11月7日 星期一

喪吃喪買韓國自由行之旅2011-10-13第二天Part 3(晴天)

今日係星期一~~~但我既感覺還好啦~~~都唔似星期一既~~可能因為我後日又放假去旅行啦~~~~不過其實今日都幾難頂架……超越多野做……唉~算啦算啦~~~加油埋聽日啦~~~~我平時iPhone有玩開一個遊戲叫tiny tower~~今日有個同事話俾我知可以cheat佢d錢同時間…….即刻喪玩……就黎無哂電喇~~~~~~~但好開心~~~起多左五層樓呀一日之內~~平時兩日一層~~好好玩呀~~希望我唔會玩得投入得滯今晚唔訓覺啦~~


2011-10-13
Day 2—-Part 3(韓國首爾)
搭地鐵就係成左去呢度喇~~~唔黎唔得呀~~~因為要血拼呀~~~






LOTTE MART就係樂天超市…..我唔知原來之前跟團去既樂天世界原來係同一個地方呀!裏面就好似百貨公司咁超級超級大~~野食又多….又有日用品又有護膚品~~~




基本上我入到去就係咁買買買!!!睇下我部瘋狂手推車~~係哥度我買左好多好好味既零食同埋紫菜….我買d手信番公司….10分鐘就無哂……………..





yo~~~我終於食到呢d長條狀既魚蛋喇~~~~呵呵呵~~成日睇電視d韓劇d人成日食~~~~好無味呀….普通啦~~~風味大於一切~~~~~





仲發現有另外一隻牌子既香蕉奶~~梗係有買番去試下~~


呢間超級市場除左大之外…..仲有好多野試食!!!公仔麵又有….醃漬物又有……連甜品芝士蛋糕都有~~~~~~~真係可以食到飽架~~~~~~



因為買左太多野(朝早d文具同下晝既一堆零食)….所以番酒店放低先….呢d就係我之前買既文具喇~~~~好靚靚呀~~好鐘意d貼紙呢~~~見唔見到右下角有一個小樹苗??知唔知係咩黎呢~~係書籤黎架~~~好得意….將佢插係書哥氣坑又可以頂住本書唔怕睇睇下摺埋~~忍唔到唔買囉…..你知我好鐘意睇書架嘛~~~~~~




放低完d野又出去食飯喇~~~今晚係:食雞~係crystal睇書搵到既….我地問佢:今晚食咩??……..佢話:食雞……….我:食乜雞???…..佢:一煲雞………..我:即係點整???………..佢話:唔知…總之係一煲雞!!!!不過d人話好好食~………….咁神秘…..不過我地去到的確有好多本地人同遊客黎排隊….都等左三個幾字先有位架!!!!





坐低問我地要咩….佢話通常我地兩個人一隻雞….咁我地叫左兩隻雞同一個麵……..個煲黎到…..咦….又真係一煲雞咁咋喎…..都無得可以點形容佢…….





食落…..其實無咩特別囉…….其實係可以容易到個名既….就好似平時我地係澳門出去食飯叫哥d雞煲囉….不過澳門d雞煲就好似有藥材味…..呢度個湯就好清囉~






老實講…..個味就無咩特別架喇………不過我不得不承認…..d雞真係認真滑~~(同我塊面珠仔一樣咁滑~~呵呵)……不過食食下又覺得有d悶….所以將可以任食既泡菜一野倒入去做泡菜鍋~隔離既台灣仔見狀即刻跟食~(其實最後係食唔哂兩隻雞)…不過我唔會再試下一次…..唔係唔好味….係無咩特別囉…….




行酒店附近的東大門~晚上睇都幾靚(其實我地經常都經過呢度~)




之後我地就去左行商場喇….間商場叫Doota….營業時間係:10:00-05:00….你無睇錯….係朝早10點到凌晨5點呀….開19個鐘!!!……..首先行左文具部先~





買完文具退埋稅就去飲下啡先~(又食)…係商場內既cafe




韓國食既第二個waffle~~~~好味既綠茶雪糕~~~見到隔離有人每人一個…我地四人一個~




我地哥晚行到兩點先番酒店呀~好彩間商場係我地酒店隔離咋~~





今日我上報紙喎~
周圍同人講我係大明星~~
chloe:你就巴閉啦….明星露點張相都無你咁大呀~~~
我仲周圍問人要唔要我呢個明星既簽名….仲話自己一炮而紅~
chloe:照計呢個時候d人應該覺得好尷尬先係架…..邊有你咁唔知醜周圍講既
吹咩~(我知喇….你唔抵得我有得上報紙:P…哈哈)
其實係今朝fb有人已經post左出黎…我想低調都唔得囉……..哈哈


報時:距離杯杯結婚新加坡之旅仲有—-1日~
我好乖噚晚已經執左大部份野喇~~
番埋聽日工~~好野~~~
要食大餐喇~~

沒有留言:

張貼留言