2018年12月27日 星期四

與毛寶慶生泰國食揼嘆之旅2018-09-29第一天Part 2(又天晴又雷暴)

Hello~大家好~我回來了~~~上星期二.....幾叻呀我…放工去跑左3.49km…完成了本年度既第50跑!成就非凡!但亦係本年度既收爐跑XXD…上星期三…一起身爆勁頭痛…呢日狂吃止痛藥下完成工作天…誰說我是個事業心不強的女孩?XXD…放工去慶祝明天回歸…食左pizza乞…查實我覺得他們家的辣味雞翼挺不錯…食飽就閒著無事幹呀…明天又不用去上班…去左睇比悲傷更悲傷的故事…我從來無諗過要去睇…因知佢改篇自韓國那套…一睇就知係啲哭哭啼啼既戲…但呢晚反正閒著沒事幹…抱著挑戰的心態去看…原來看前我跟毛寶各自心裏應承自己…不會敗給這戲…我最後打敗仗了(非常無聊的承諾XXD)…但必須承認…故事真的一般…劇情也老土到震…上星期四…回歸嘛…放假囉XXD…可惜頭痛8點醒左訓唔番…嘥料…9點打去卜埋後日出機場的士…中午去左文華東方嘆…下午訓晏覺…夜晚回家開2人p…上星期五…終於都番完工可以放假喇!!!超開心…放左工同屋企人去啲中式酒樓食造冬飯…我食到超飽好開心…食飽就跑回家執行李!上星期六至今個星期二都在台中過聖誕…想知我玩得開唔開心…遲下話你知XXD…星期三…仲係放緊聖誕假…中午臭毛寶放工…本身想食comma cafe....點知佢無位....之後食左麻辣無情...呢間係食麵既...er唔呀......我食唔哂成個麵...........下午無野做~睇下溏心風暴.....夜晚出左去同我阿媽食榮江~星期四.....要!番!工!喇!!!!!但都無咩話太唔開心~因為點呀~番埋聽日又可以過周末喇~~~~~yoho~~今日買左飛明晚去看戲~



2018/09/29
Day 1---Part 2(澳門 Macau->泰國,曼谷 Thailand Bangkok)

上回講到我地行到Terminal 21~依家行到黎我地想去既第五層~三藩市~碼頭部份~

2018年12月17日 星期一

七公子聖誕百元限定哭福袋派對2018(第七屆)@16號碼頭德興(澳門)海鮮火鍋

星期四....放左工無飯食呀~去跑跑~跑左5.25km......咁凍都跑真係叻到呢!...好耐無跑過5k…感覺叻叻…因為我無飯食....所以我一路跑一路心諗…堅持多1k俾你食鍾意既野好無?最後我堅持到…亦選定我想雪雪入口泰式熱湯麵加個小食…點知路過既兩間泰麵都無開…我既努力白費左…最後我行去間齋舖食左個飯…重點係…我堂食呀!!身為一個孤獨外向症患者既傳統天秤座…呢件事係無可能發生…(但哥間野一定要少人我先會入去)…我係絕對唔會一個人堂食…十次有十次我都會外賣番屋企嘆…今日既我又打倒昨日既我!打咁大段野認屎認屁你見過未?星期五...千年等一朝~~~放工去左食關東煮…跟住行行行下光影節…假行…又坐低食下蒜蓉包同糖水…星期六…中午試左Comma Cafe....飲完啡然後又去Pace Coffee度試埋佢杯手沖(今日飲左好多啡)....然後又買左鐵餅號個雞蛋仔食~(我知!鐵餅號要吃手抓餅嘛~但哥刻無好肚餓~~下次試)....爛鬼樓哥頭真係多左好多新鋪!幾好呀~活化下~夜晚就舉行哭福派對!照舊笑到痴哂線~~~~星期日.....中午去左路環食...叫路環碼頭麵館....不過食完好口渴..........之後去左威尼斯人買優力高!....然後就回家乖乖打blog~諗住送呢篇blog俾大家做聖誕禮物丫嘛~~~~夜晚又痴餐~星期一.......番工都覺得無咩野丫~點解呀?呢個禮拜番4日之嘛~~星期四又放回歸假咯~~~跟住又去台中咯~~~~唔緊要啦~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係咪好感動呀???我送聖誕禮物俾大家呀~~~仲要係新鮮滾熱辣既七公哭福袋~~~~



今年我地揀呀揀呀揀左好耐....最後選定左16號碼頭德興(澳門)海鮮火鍋作為我地七公好重要既第七屆哭福袋派對既場地~我地揀左上海街分店~地址:澳門上海街72A至北京街170號廣發商業中心1樓 (維景酒店斜對面)...電話:2870 1186.....點解佢可以成為咁重要既第七屆哭福派對既場地?因為佢乎合左3點....1.就係岩食...打邊爐誰不愛?仲要有d小炒~....2.有房....因為我地真係好嘈.....3.開得夠夜~~收凌晨3點...因為呢個頒獎禮真係媲美叱吒頒獎禮咁長~~(今年仲要新增左人數~~有無好緊張想知加左邊個~~)...好喇~先說野食啦~~椒鹽去骨九吐...$78..好味~~

2018年12月12日 星期三

與毛寶慶生泰國食揼嘆之旅2018-09-29第一天Part 1(又天晴又雷暴)

hi~我番左黎喇~我上星期六番到澳門~有無掛字我先~有要出聲呀~愛要說出口嘛~~~今次去日本又食左好多野~試左d未試過既野~好開心~~~~~星期一....我地呢日補假呀~~真係好喇~~晨早起身口腫鼻腫咁去影證件相...噚日毛寶幫我剪左頭毛...等我可以露出眼眉影護照相~對對...我的護照就黎夠10年喇~~影完就襯呢個唔係人人放假既日子去食一碗肥仔記啦!點知我11點幾去到...已經無哂雞翼...............咁早都無真虐心....之後去左銀行申請張新既信用卡啦~呢日用黎搞銀行野真係好~~我好滿意呢日咩都搞齊~唯一不滿係咁早都食唔到雞翼......星期二....又放完假番工…放左工去跑跑…幾勁呀跑左4.09km…最勁既係…咁凍我都有去跑!為自己鼓掌~~~~星期三…今日過得好好~無咩客蝦我~少少西面哥d唔算~~係咪好驚喜呢突然星期三出blog~~~我自己都好驚喜~~但近排電腦成日都開唔到機...真係出得既時候要快快出~~~心情上黎講我以為自己將要過周末~(因為通常出完blog第二日就會係星期五...但依家唔係~哈哈~)



2018/09/29
Day 1---Part 1(澳門 Macau->泰國,曼谷 Thailand,Bangkok)

好咯好咯~終於都出發去泰國喇~~~今日咁凍出泰國篇就最岩架喇~~~我計計下....華..有成8年無去過泰國喇原來!!!點解有一個亞洲既地方澳門有得飛唔算太遠既....我可以咁耐都無去過既?!(成日都驚呢樣又驚哥樣).......然後....因為今年既年頭....見毛寶生日唔使請假都有成4日假喎!咁就講下不如去旅行過生日啦~諗左好耐去邊..因為國慶假期去邊度d機票都勁貴之下(如果唔貴4日假我其實可以去大阪走番轉的..但佢就係貴)......睇下d機票台灣同泰國差唔多咋喎!...泰國仲要飛遠d之下.....咁梗係揀泰國啦!....所以就.....飛咯~hi~呢日又係超早出發~~~~~又係出發前兩日預約電召的士..不過今次個司機d態度衰到無人有!你衰我咪唔俾小費你囉~你咪衰態度飽佢囉~(其實我次次搭親哥d都超好人~)....6點幾到機場~check左in~寄埋行李~(行李出發8.6kg)...喂~hi~生日快樂喎~去泰國著到成個泰仔咁呀~

2018年11月29日 星期四

毛寶生日會2018@寶雅座(Aux Beaux Arts)

星期五....勁~多~野~做~~做到我頭痛~~唯有快快食藥~~跟住放工諗住同毛寶去Uniqlo買哥隻交叉眼公仔..點知佢話呢日既7點開始派購買劵...無購買劵無得買~好巴閉咩~....買唔到咪去左紫來坊食齋囉~~星期六....中午食左Toff....下午毛寶幫我剪頭毛去旅行...同埋我就黎要換特區護照喇~咁就10年~但本護照都係未吸滿印~剪定頭毛去影相..(重點是要兩條眉都要見到~)....夜晚痴餐~食飽去左UA睇怪獸與葛林戴華德之罪~星期日.......中午起身落雨ing...所以去左唔會濕身既羅浮....查實澳門既朋友有無唔濕身既好推介??....下午無咩做...仲訓左一個鐘美容覺…訓醒覺得自己好靚XXD…悠悠閒咁過~夜晚約左一堆人食中菜~呢個周末過去無咩太唔開心~~因為我要迎接黎緊既旅行周末喇~~倒數ing~~星期一......由於呢日既申請個案都比較複雜...所以呢個blogger都有d頭痛...唔出blog lu~(等你地掛下我~).....星期二....落雨...唔跑步~仲未抽假...但我睇到要同好多人爭...;[....星期三....一朝早宣佈~我地又換老闆~咁短時間狂換~呢度真係好好玩~~(仲係未抽假...希望等我去完旅行番黎先抽)....想跑個步都難...又係成日落毛毛雨....星期四......痴哂線....多野做到痴哂線....遲成45分鐘....不過係人為架囉~(梗唔係我~我邊有咁大既權力~又一好好玩例子)...真係好戇居~生生性性番埋聽日工呀~又可以變開心癲狗喇~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



毛寶今年既公子生日會揀左係澳門MGM酒店既寶雅座(Aux Beaux Arts)....係一間法國餐廳黎既~可以上網訂位~但哥次我上網訂7人就訂唔到啦~要打去先訂到~電話:8802 2319.....同毛寶食之前....其實老夫人之前請我同毛寶食過一次~所以撈埋今次一齊講~好啦~講左老夫人哥次先~(其實好耐之前都有食過一次~不過哥次覺得一般...可能因為哥次係任食)

2018年11月22日 星期四

Supper Moment[Dal Segno]專輯巡迴台北站之旅2018-08-26第三天(晴天及後大雨)

星期二....好開心呀~~今日有同事結婚請食乳豬~~我食左3舊~~~放左工去左跑3.51km~~然後...我買左酸辣粉回家吃~~我一個吃飯的時候都愛用台灣綜藝送飯~呢晚毛寶黎陪我一起看<3.....星期三....好野~~好野~~~去旅行前又黎左生理期喇~~~又可以去浸溫泉喇~~~~~~~(你能感受我內心的策馬奔騰的開心嗎?)...又慳番唔使跑步~~~~~食左個好大既脆瓜炒牛肉飯盒黎慶祝~~~~~星期四...今日...過得還好啦~順利咁過左一個上班日~我只想平淡過日子~....好野~~~~過周末喇喂~~~~~~~雖然呢個禮拜無咩特別野要做~~但抖抖下周末就會出發啦~~~yeah~~~我諗左個幾禮拜終於畫好左出年既假期...你地可唔可以保佑我抽到想抽既日子呀?!?一抽唔到假就會好心煩@@



2018/08/26
Day 3(台灣,台北 Taiwan,Taipei->澳門 Macau)

早呀!起身覺得天氣真好!但內心是受傷的~~~今朝訓到半夢半醒又聽到同層既人出門口~~唔通仕燊你地咁早就走~~~~酒店既對面就係華山文創園區~~毛寶投訴我無俾佢行過~~(講好左今次黎係陪我睇仕燊架嘛~~)


2018年11月19日 星期一

Supper Moment[Dal Segno]專輯巡迴台北站之旅2018-08-25第二天Part 2(晴天及後轉陰)

星期五....都幾多野做...放左工同左凱公子去慶生~~~去左永利哥間意大利餐~都幾好味~同公子hehehaha最開心~下一餐就係哭福派對~期待~...星期六....中午去左食仰光小館~~佢地d魚湯粉真係好好味~~~~豆餅也非常出色~~~下午都在幸福忙~~終於搵哂d日本mapcode~~可喜可賀~依家要努力咁搵大阪既食既野喇~~夜晚約左朗公子去食川粵味蕾...如果以$198呢個價黎講都ok既~不過我應該唔會再食下一次~因為我唔係幾鐘意任食~哈哈~(呢晚個電腦又有開唔到...我唔知係咪好快會俏俏地消失.....).....星期日.....中午去左沙北Reserve~假假地討論左出年大假幾時放同去邊~希望成事~下午訂左兩間大阪既餐廳~~有一間未食過~~(而且餐廳既主題我諗都無諗過~~)~~好期待呀~~~......阿媽去左旅行...無人理我買左阿蘇番屋企吃~星期一......好救命呀!!!!!我噚晚碌到凌晨3點半先訓得著呀!!!!好辛苦呀今朝番工!!!!!好彩工作順利放工去左買茶茶子(8粒自選+兩粒太卷)同埋7仔10粒魚蛋拼燒賣加碗仔翅~~~~~我以為自己瘦瘦的..吃不下的...誰知吃完後只想說:幸好有買咁多野食XXXXD



2018/08/25
Day 2---Part 2(台灣,台北 Taiwan,Taipei)

拿拿拿....呢兩個人呀...剛剛一出左Omakase既門口.....我看看天:華!好似想落雨呀!不如截架的士去飲咖啡咯~(誤)....於是...為免淋濕我地就快快截左架的士上車~....呢間cafe係民生社區入面~最近既捷運站係南京三民站....但走過來還是超遠的~所以......搭的士黎最岩~

2018年11月15日 星期四

Supper Moment[Dal Segno]專輯巡迴台北站之旅2018-08-25第二天Part 1(晴天及後轉陰)

星期五...放左工去左食天潮~好耐無食~其實野食係ok的~但係睇個款好似想就執就執咁~其實我真係好鐘意佢個潮粵孖寶..因為幾抵~可惜我今日狀態不佳~食完去左睇"緣來靠八哥"~貨貨真係好得意~星期六....中午約左皮皮同企鵝去日麗飲茶~嘻嘻哈哈又一個中午~日麗d火腩好正~下午在家幸福忙...搞搞入台證..搵搵日本mapcode..又整理下旅行d相....其實我呢日好忙~.....夜晚又痴餐...今晚有浸雞食呀!!!!!好好味呀~~同埋同左菓子軒玩~食飽去左UA睇番星夢情深(A star is born)..好彩UA仲有咋....之前上畫去左旅行幾睇唔到...........好好睇呀~~佢地兩個唱歌都好好聽~星期日.....中午陪人去食左秋刀魚~呢個秋之味好好味呀~~~下午又幸福忙啦~~~~夜晚約左大學同學仔食飯~試左有味有醋~福建野~不過一般~....星期一....今日我心好累...番工好似做左好多野但又唔夠數哥下慘喎~感覺自己做緊保險經紀咁~所以點呀~偷懶囉~(查實重點係我已經無乜後備blog貨仔...周末掛住搞日本d野都唔得閒寫~)...阿媽去左玩呀!我夜晚叫左煲仔飯外賣呀~~~星期二....番工都係咁啦~放左工同左diana去食飯~星期三....番工黑黑的...放左工去左跑跑..跑左3.51km...秋風送爽爽~今日派左出年張假期紙要劃假喇!!!我好緊張呀!!!星期四....今日開始賽車~華!今日夠數之餘仲cover番前幾日唔夠數呀~~今日又有一樣新野話做就做~完美演繹了"朝令夕改"這個詞~呢度真係好好玩~~~~~~好野!!!聽日係我期待了很久的星期五呀!!!約左公子開生日會呀!!!!好開心!!!我要食好多好多野呀!!!!



2018/08/25
Day 2---Part 1(台灣,台北 Taiwan,Taipei)

早晨呀!!!今日天氣好好呀~~我心情好靚呀~~因為我同仕燊住係同一間酒店呀!!!!(仲有呀~我準備左個禮物俾仕燊~)....仲以為今日會陰天添...打風嘛!(同埋高雄好似在下暴雨)

2018年11月8日 星期四

Supper Moment[Dal Segno]專輯巡迴台北站之旅2018-08-24第一天(晴天)

大~家~好~~~~有無人掛我呀~俾d聲黎聽下先~~(極度需要人附和的Blogger~~).....10月13日-11月2日去左玩~~仲要玩得好開心下~~~~然後夜機一番到澳門第二日就又去番香港睇supper紅館演唱會~~~開心到我呀~~~~~~叫到聲都沙哂~~~(最後仲加埋太攰而病埋)…星期日...食左園林呀~~~~好開心好耐食~~下午毛寶幫我剪頭毛...個頭去完旅行肉酸到呀....夜晚又痴痴貢痴餐....星期一.....放左3個星期大假要上班去了...而且有個巨大轉變......我諗我要慢慢適應了~~~病住番工把聲勁性感XXD…唔緊要啦有仕燊既聲音支持我嘛!放工去左跑跑無寫blog...因為太耐無跑...我決定放棄一天blog~跑左3.53km…依家跑步勁舒服呀~~秋風送爽…跑完我即刻想放棄本身既是日晚餐梳打餅加芝麻糕(係幾九唔搭八既supper組合)…轉而爽實先辣款!(食咁多日西餐真係好難頂)…但摸摸口袋…咦…我身無分文喎XXD…幾時都話跑步點都唔好帶錢XXD.…星期二...呢日幾好丫~上午去數下錢~下午去覆下診~唔使我點理d籌~放左工去左跑3.53km~勁勤力~番屋諗住寫寫blog~點知電腦開極都開唔到!!!!!我用盡力搶救左大半個鐘!!!都搞唔到!!我仲諗緊可能連星期四都出唔到blog既時候........最後憑我既美貌!!無錯!!一定係我既美貌!!!成功咁搞番醒部腦~.....星期三....番工都係咁上下~我都搞唔出咩花臣來~放工去左跑跑子~跑左3.56km...好勁呀我連續跑了3天的步!毅力驚人!(有無人咁讚自己?)....星期四....無咩特別~咁就最好架喇~輕輕鬆鬆又一天~好野~~~~



2018/08/24
Day1(澳門 Macau->台灣,台北 Taiwan,Taipei)

好喇~終於要說說呢個突如其來的台北之旅喇...就係之前因為我話我買唔到紅館演唱會飛...而立定心腸要去台北睇佢專輯巡迴最後一站~難得毛寶肯陪我睇..因為我開頭諗住自己一個去的~(點知後來又買到紅館飛了)....唔緊要囉~起雙飛睇Supper囉~其實今年算睇得佢地好少...因為佢地香港商場show好似都唔係出太多咁......好啦~出發啦~呢日放左工之後我同毛寶就一齊搭車去澳門機場~換好錢就去check in過海關~......點解佢要咁樣影呢張相?因為...毛寶話呢日係農曆7月14喎XXXXXXXD~~~~~~~(我依家注意到我鼻孔有稍微擴了一下)

2018年10月11日 星期四

麥公子生日會2018@當奧豐素1890意式料理(Don Alfonso)

星期二....今日我係公司樓下叫左個腿蛋包....然後....佢俾漏左火腿我....今日已經開始執行李~~我發現我好多野要帶~~~..................星期三.....無咩特別野發生~也是好事~收到我今日第二同第三封生日利是~~~~星期四.....收到生日第四封利是~差唔多喇差唔多喇~~~~到我做癲狗喇~~~~~~~此刻已開心到彈起~



係咪好耐無見過七公子呢~係咪好掛住呢~知你地架喇~去片~~~~~~~~~~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



當時由於麥公子生產在即~提早幫佢慶生~佢點名!要食Don Alfonso~~~~~地址:新葡京酒店3樓....電話:8803 7722

2018年10月8日 星期一

和歌山嘆溫泉自駕遊之旅2018-06-23第六天(雨天)

星期五…多野做到痴哂線…失哂控…仲唔小心叫左前同事個籌入黎…佢咁乞人憎梗係老虎蟹都扮唔認得佢啦…自己無澳門幣係身仲叫我自己打俾現職既某同事攞錢(喂…大佬呀我角色既設定係唔認得你你係一個普通客咋…)…乜依家啲人大支野到咁要我問其他人幫你俾錢XXD妖…無鏡都揾盆水照照自己先啦…大把有錢過你既人有品過你好多呀~:D…放左工同左公子去開我同杯既生日趴呀!笑得好開心!永遠同公子飯聚都好開心!…星期六…中午同左大比佢地食Toff…點解我覺得啲野細份左咁多咁既?…之後去食大比想食好耐既bloom既咖啡味軟雪糕!行埋爛鬼樓市集…跟住去左超市買旅行野同野食…夜晚同媽媽食左蘇浙匯醉蟹…再去睇"小心幫忙"(A Simple Favor)....但無我想像中咁好睇~鐘意睇gone girl多d…但估唔到套戲幾長下~成兩個鐘....星期日…一早去左拜老豆~跟住去旅行去食番個我最愛既魚湯粉~再去starbucks reserve飲個生日贈飲~去埋西環湖影蛋黃哥~再番毛寶家剪頭毛+痴餐~好充實的星期日~~星期一.......多野做到我連飲杯熱水都係一個奢望....睇住黎...我就快放假~~睇下d籌威得幾耐~



2018/06/23
Day 6(日本,和歌山縣,湯淺町 Japan,Wakayama Ken,Yuasa chō->澳門 Macau)

早咧~一早起身打開窗~又是一個陰天~~~~我地間房可以望到佢地種既三宝柑樹~~~~~~~


2018年10月4日 星期四

和歌山嘆溫泉自駕遊之旅2018-06-22第五天Part 2(終於晴天到熱)

星期五...好多野做呀~但心情好好~~點解?放工番屋企執行李喇~~~yeah~~~~~星期六至二.....泰國viva中~我有一個非常美滿既假期~~~好多野想分享~雖然對大家黎講可能唔係咩新鮮野~星期三.....好~鬼~多~野~做~呀~~~不過放左4日假…預左XDD係唔爽有個阿叔話我九唔搭八!你提交黎既文件唔合規格我一拒絕你我就係衰人丫嘛!我明既~~放工跑左3.46km…星期四…上班日對我最重要既事就係唔好有煩人同埋準時收工.....今日中午準時唔到我嬲呀!....算啦~聽日星期五喇~去開我既公子壽宴喇~~~~~~~



2018/06/22
Day 5---Part 2(日本,和歌山縣,那智勝浦 Japan,Wakayama Ken,Nachikatsuura->田邊市 Tanabe shi->湯淺町 Yuasa chō)

好啦~行完大齋原之後我地就折返停車場哥邊個紀念品站睇睇同埋休息下~因為天氣太熱~涼下冷氣先~~~

2018年9月27日 星期四

和歌山嘆溫泉自駕遊之旅2018-06-22第五天Part 1(終於晴天到熱)

上星期二....都還好既~無番一日工...但又唔算太多人黎~重點係咩呀??8寶少爺呢日上黎搵7公玩呀!!!!好開心呀~~~~~最衰主席無番啦~好開心~~~放工跑左3.43km....真係好喇!今次松山塌樹唔算多!(可能係天鴿站得住腳既樹都係真漢子!無野難到佢地!)....上星期三.....放工後跑左3.49km....跑幾多都無用...因為我媽想食酸辣粉...俾佢害屎!(其實我都好想食XXD)......上星期四...無人話你地知咩~本小姐收工有人約...食左puffin cafe做晚餐....之後去睇"我老婆日日扮死".....幾好睇~~~~上星期五....放工又去左開毛寶生日會~~同唯三大學同學去左食海雲臺韓燒~~~好好味~~~~~~上星期六…中午食左紫來坊~臨去大旅行前我想食d中式野~~佢個蕃茄湯烏冬幾唔錯~~(烏冬好似唔係中式野喎!)....下午係屋企煲劇~訂酒店~~夜晚又痴餐~上星期日…中午毛寶請我娘去巴黎人間法國餐廳話慶祝中秋…真乖…食飽再去mgm間starbucks reserve嘆啡…下午又係煲下劇寫下blog…夜晚毛寶媽整左浸雞呀!!!好好味!!星期一…好!X!多!野!做!呀!…放工去左新故里同媽媽慶中秋…食飽飽同媽媽去影花燈…係喎!我曳!我無出Blog!補祝大家月亮節快樂!人熱朗填弦XXD…星期二…放假嘛…去左巴黎軒飲茶…之後毛寶幫我剪頭毛準備去旅行…星期三....多野做到你唔信…做到就黎窒息…好彩放工可以跑下…跑左3.5km…跑完輕鬆哂:D…星期四…我唔明....點解又可以遲30分鐘(查實又係d高分低能搞成咁~~~)...我心好累呀....



2018/06/22
Day 5---Part 1(日本,和歌山縣,那智勝浦 Japan,Wakayama Ken,Nachikatsuura->田邊市 Tanabe shi->湯淺町 Yuasa chō)

6點幾起身.....華!又幾好天喎!

2018年9月17日 星期一

和歌山嘆溫泉自駕遊之旅2018-06-21第四天Part 3(微微雨及後轉晴)

星期五....唔算多野做....感恩~放工去左百老匯食度小月...食完好口渴~星期六....中午食左Terra~~又食佢個辣魚pizza~~夜晚即將掛8號風球…但呢日中午勁好天…令我覺得好拿恐怖…下午去左探八寶少爺~好可愛呀~~~~~~~然後去左MGM寶雅座為毛寶慶生~~我地將呢日既活動時間提前~~你知啦..夜晚打風丫嘛.......好驚呀!...星期日.....中午起身已是10號風球…從未試過有一個10號風球掛咁耐…好驚呀…媽媽煮左辛辣麵食後我地就躲入房…不敢在廳坐…係床坐時感到明顯的左右搖晃…我好x驚;(…下午開著延禧一路吃熱浪…收到公司whatsapp谷明天不用上班…由於收到各地區出現陸續停電…所以我下午已經沖好涼洗好頭…媽媽仲醒到煲好飯…夜晚食飯加辣魚加毛寶買的酸蘿蔔…食飽飽晚飯又睇延禧…星期一…今天不用上班…早上起身頭有點痛........說好今日上來報平安的~大家blog友好嗎?...見到今日香港番工好立立亂....希望港澳都快快好起來!



2018/06/21
Day 4---Part 3(日本,和歌山縣,串本 Japan,Wakayama Ken,Kushimoto->那智勝浦 Nachikatsuura)

好啦~行完便利店~就去我地呢晚既酒店啦~~~~~~~我地今晚住溫泉旅館丫~~~~~~呢晚既溫泉旅館叫南紀勝浦溫泉かつうら御苑....地址:和歌山縣東牟婁郡那智勝浦町北浜海岸.....Mapcode:324 773 555*72......由那智の滝過黎大約20分鐘內的車程~

2018年9月13日 星期四

和歌山嘆溫泉自駕遊之旅2018-06-21第四天Part 2(微微雨及後轉晴)

星期二.....以為今日少d野做~點知我仲做得多過噚日.....放左工去!跑!步!~~好開心呀~~成個月無跑~終於過左七月節喇~~(7月節不跑步揮手區XXD).....我唔敢Call仕燊出黎係我耳邊唱歌...因為8月份既情傷我仲未釋懷XXD(真既一樣)....我只敢Call瑪耶茲出黎問我"今晚做乜x好"XXD.....我d笑話好似越黎越爛~~~但我呢日跑得勁差~~唔知關唔關無聽仕燊事呢?跑左3.57km....跑得勁慢....成組器官都反下反下~~老喇老喇~~~~星期三....好慘呀!無啦啦凌晨4點半爆頭痛地醒左........唯有起身食藥加退熱貼...好彩訓得番到起身番工..........所以今日就豁免我自己唔跑步了.....星期四....反高潮地3號風球但唔算多小朋友黎同我地玩喎~好野~~~聽日星期五~~~~~星期六有七公子生日會開~~同埋會去探八寶少爺~期待~



2018/06/21
Day 4---Part 2(日本,和歌山縣,串本 Japan,Wakayama Ken,Kushimoto->那智勝浦 Nachikatsuura)

根據頭先哥個非常清楚既地圖所示...我地應該係要再上山去熊野那智大社(くまのなちたいしゃ)....先可以見到我好想睇既三重の塔+那智の滝個景!!

2018年9月10日 星期一

和歌山嘆溫泉自駕遊之旅2018-06-21第四天Part 1(微微雨及後轉晴)

星期五....放左工我無街去我無街去我無街去.....番左屋企食飯~放工前又有少少頭痛~....星期六....中午終於試到哥間tap house...得部分野好食…下午呀…我同毛寶走左去上一個名為如何成為淑女既課程…課程內容包括批灰…油牆…唧玻璃膠…鑽木…裝門鎖…換電燈電制…換左電線著到燈哥一刹那…我覺得我贏左全世界…有無人想揾我同毛寶呢兩個裝修孖寶裝修?XXD…夜晚同左屋企人去氹仔papermoon食飯…星期日...中午食左好耐無食既永安!!!咖哩膏加公仔麵真係一絕~~然後再跳過隔離Bloom食番個咖啡軟雪糕affogato~~再黎一杯long black~~~~下午寫寫blog啦我無咩貨仔~~夜晚又痴人地住家飯食~星期一.....極度多野做!!!!!!!!!!!!!當我9點望下出面等候區時....我見到成棚人坐係度而呢堆人包括一堆小朋友時.......我感到奇怪....然後我隔離counter哥個四眼男仔幽幽的說:今日教師節呀~d小朋友放假~.....................er.......點解我以為無得放?



2018/06/21
Day 4---Part 1(日本,和歌山縣,串本 Japan,Wakayama Ken,Kushimoto->那智勝浦 Nachikatsuura)

早呀~不過噚晚訓得麻麻~一起身...天陰陰的~不過叫做好彩無落雨喇~~~~

2018年9月6日 星期四

和歌山嘆溫泉自駕遊之旅2018-06-20第三天Part 2(大雨)

星期二.....起身見到難得一見既晴天!仲要係藍天白雲~呢日勁多野做!...隻手痕呀…但我止左痕喇~~~~請留意因間報時~~~~星期三......又係多野做~但今日又係見到藍天~阿媽去左旅行~夜晚自己搞掂~好開心我今日叫哥間外賣個例湯係蕃茄薯仔湯~~星期四......又係天氣晴朗~但個人硬係覺得好攰...係因為無跑步的緣故嗎?...下個星期跑番囉~(查實不跑步的原因係因為驚7月節.............................................唔想夜媽媽跑完黑媽媽回家)



2018/06/20
Day 3---Part 2(日本,和歌山縣,白濱町 Japan,Wakayama Ken,Shirahama chō->串本 Kushimoto)

嘆完啡又再出發啦~好似無頭先咁大雨~由於大家都話食左個勁勁早餐唔餓~所以呢日係無中午飯環節~

2018年9月3日 星期一

和歌山嘆溫泉自駕遊之旅2018-06-20第三天Part 1(大雨)

星期五...本身學埋今日野...但今日有同事無番我提早學成歸來~~~~~~~~~~~~~~獎自己食麥當當~~放左工去左食studio city某意大利餐...食完都唔知間野叫咩~星期六.....一落街我最想見既畫面終於都出現喇!!!!學生今日開學了!!!!交通非常擠塞~~~~中午去左mgm cotai間Starbucks Reserve飲飲啡食中午飯~覺得自己好有品味(其實因為落大雨)......成個下午幸福忙....plan緊鳥取遊~夜晚痴毛寶家餐(有蝦蟹食..好好味~~)....見到好耐無見既菓子軒~感覺又長大了不少~....星期日.....中午又食左仰光小館既魚湯粉...真係食極都唔厭~~個魚湯粉個豆餅個春卷個豬扒.....寫緊又流口水~~~之後試左洪馨椰子雪糕Affogato.....下午假執野....夜晚又痴毛寶家餐~又過左一個星期~星期一.....好開心丫~學成歸來的感覺真好~突然明白留學生漂洋過海讀飽書回到故鄉既心情是如此美妙~(雖然我並沒有讀飽書就回來了)



2018/06/20
Day 3---Part 1(日本,和歌山縣,白濱町 Japan,Wakayama Ken,Shirahama chō->串本 Kushimoto)

早呀喂~~~晨早....真係好早...好像6點...我就貢左起身....因為我要放水服侍老爺起身浸浴~


2018年8月30日 星期四

和歌山嘆溫泉自駕遊之旅2018-06-19第二天Part 3(陰天及後轉雨)

星期二.....短暫的回到自己哥邊一天.....今日落落大雨呀....點跑步je~可~星期三......又過左隔離哥邊坐機~又落大雨.....又唔使去跑步......大家覺唔覺得今年既夏天特別多雨落?....星期四.....來一杯長黑....讓我放鬆今日既心情....今日的確要一杯我最愛既長黑黎開展呢一日.....係隔離哥邊仲要超多野做....小朋友們....暑假今個禮拜放完架喇....下星期要乖乖地番學喇...唔好黎搵靚姐姐喇~拜拜~.......好啦....捱埋聽日je~~~~學完架喇~~~~頂埋聽日啦~~最多聽日收工食重肉啦!!!!!!(唔講唔覺...原來我今日早午晚餐都不經意的無肉食)



2018/06/19
Day 2---Part 3(日本,和歌山縣,和歌山市 Japan,Wakayama Ken,Wakayama Shi->白濱町 Shirahama chō)

咁影完一輪間房....我地就會合埋毛寶爸媽去望下個溫泉先囉~因為我地唔夠時間浸呀.....我地要6點食飯嘛....咁咪望下先囉~想有日光時望下個溫泉咩樣....而且佢幾犀利下...有好幾個溫泉~....有一個男女混浴的~~(尖叫).....一個男的浴場...一個女的浴場.....仲有3個貸切露天風呂!勁!


2018年8月27日 星期一

和歌山嘆溫泉自駕遊之旅2018-06-19第二天Part 2(陰天及後轉雨)

星期二.....差不多整天在隔離counter...好攰呀~~~~~~呢日天氣望落好唔清新...我決定...唔跑步吸廢氣入肺XXD(前兩個禮拜講既咩挑戰自己惰性呢d咁既狗屎屁梗係唔攞出黎講啦~)....星期三.......整天在隔離counter....放工攰到都無去跑......諗住卜電召由屋企出發去機場..點知我準時48小時內打去卜...佢都同我講無哂...我就問唔係48小時內先可以卜咩點解咁快無哂....職員說:一個鐘有15架車可預約...如果5點有人約哂15部...咁5點零1分之後到6點既預約都會full左.....神邏輯~...星期四.....今日ot一個鐘...好攰呀~~~~好彩ot哥一個鐘係番自己哥邊~星期五.....由於噚日ot左~~所以今日可以早走一個鐘~~~~衝番屋企攞行李....去台北見我親愛的仕燊~~~~~~~~~~~<3.....星期六及日都在台北…但你地唔好問我任何野呀我心情好差呀你明啦~~~~~~遲啲睇blog你地咪知咩事喎;(......星期一....朝早用一杯心愛的長黑來穩定我情緒上班去.....今日在隔離坐機....無煩野我真心開心~~~~~~~



2018/06/19
Day 2---Part 2(日本,和歌山縣,和歌山市 Japan,Wakayama Ken,Wakayama Shi->白濱町 Shirahama chō)

食飽飽要行一陣再揸車~係停車場旁邊就係水果市場~水果呀~~~~~衝呀~~~~~~~

2018年8月20日 星期一

和歌山嘆溫泉自駕遊之旅2018-06-19第二天Part 1(陰天及後轉雨)

星期五.......第1735次過左隔離學野~今日仍然係觀摩....仲未實戰~(佢地哥邊既客同我地哥邊既客係兩個世界既人....之前已早有過招)...有壓力唔緊要既...最緊要有老闆肯出錢請我去解壓~~~放左工媽媽請我同毛寶去MGM既寶雅座去解解壓~~~野食服務環境都好唔錯呀~~~而且我仲飲到微熏狀態收場~~好開心~~好舒壓~~多謝媽媽~~~......星期六.......臭左毛寶放工中午去左食八分目...中午真係正常過夜晚好多~食飽又回家執野~~(但係假執..因為我一起身頭好痛)...夜晚約左阿sam大比食天福台式鐵板燒~~~~~~星期日...去左拜爸爸~跟住去左食Toff....下午終於訂左泰國酒店~.....夜晚在毛寶家痴餐~今天毛寶媽哥味浸雞...配上蠔油..真係真係好好味...一解我上星期同油雞脾既相思之苦XXD……星期一…今朝無啦啦係另外哥邊自己開counter....無人睇住就坐機了....我向毛寶形容個情況好似揸大膽車咁XXD.....好彩無車毀人亡~~~~~為自己鼓一鼓掌先~如果無今個禮拜抱抱29歲陳仕燊活動...我相信我頂唔順~



2018/06/19
Day 2---Part 1(日本,和歌山縣,和歌山市 Japan,Wakayama Ken,Wakayama Shi->白濱町 Shirahama chō)

早晨呀~check out之後就出發去食早餐先~~~(噚晚酒店停車場泊一晚係1,000円=61.5hkd...任你出出入入都係一晚61.5hkd)......天氣好像麻麻~~

2018年8月16日 星期四

和歌山嘆溫泉自駕遊之旅2018-06-18第一天Part 2(晴天及後轉雨)

星期二.....噚晚訓得麻麻...上星期既喉痛依家轉為咳...所以我狂咳狂醒...我想紀錄一下...我今日係下午兩點前...痾左3次正常屎...特此表揚一下我勤勞的屎x~夜晚7點半掛8號風球...為免我媽憂心...暫停跑步一天...但我的肚腩好大..好想跑步去~星期三.....飲完我最愛既長黑我以為我可以開展我美好既一天~點知聽完9分鐘理論我淨係想問一句:你到底當我地係咩?!.......唔開心呀唔開心呀!!!.....放左工跑左3.54km......出左身汗....舒服番d~...星期四...........又過左隔離學野......我好攰(但我亦唔排除可能係我食左感冒藥好眼訓).....我星期五晚要食重肉囉!!!!!!



2018/06/18
Day 1---Part 2(澳門 Macau->日本,和歌山縣,和歌山市 Japan,Wakayama Ken,Wakayama Shi)

係酒店放低行李又再出發啦~首先第一站係和歌山城(わかやまじょう)~轉早左一個路口~呢個停車場係旅遊巴既~遠影一下你先~hi~

2018年8月13日 星期一

和歌山嘆溫泉自駕遊之旅2018-06-18第一天Part 1(晴天及後轉雨)

星期二....今日真係多野做到好難過……所以晏覺訓醒一起身……我就食少少咸蛋薯片安慰下自己!噚晚叫毛寶幫我諗個藉口…今日唔跑步XXD…佢幫我諗左話天氣太熱了XXD…但最後我今日都係有跑……因為我諗…放棄很易…可以諗到一萬個藉口…要堅持…唯一既可能係…我要挑戰我既惰性!而係呢日…我贏左!我情緒好高漲呀!跑左3.49km!(講左一堆狗屎屁其實我只係怕聽日落雨如果今日唔跑就成個禮拜無跑XXD)…星期三…好攰呀!放左工跑步…跑左3.55km…大家跑步時個腦會唔會諗野食架?我會XXD…噚日跑時我好想食濃湯牛肉米!今日…我好想食油雞脾飯XXD(可能我聽完你話買隻燒雞脾接我放工有關XXD)…我相信我呢一生都會俾食物牽引…星期四…咪又係咁多野做…放工有人約女仔睇戲…乾脆甩稿XXD…又估唔到套抱抱我的初戀幾好睇喎…星期五…又有少少反高潮…下午過得幾好…放工去左食自助餐慶祝婆婆生日…之後去左睇與神同行:終極審判…唔知仲有無第三集呢?依家d戲咁抵睇既...成兩個半鐘~~星期六....中午食左我盼左成個禮拜既仰光小館魚湯粉....佢個豬扒都好好味~...下午寫blog....夜晚約衰公衰婆去左微辣個美食展~但.....根本無野岩食..仲俾左每人廿蚊入場費添......蝕......最後去左食利苑...但也很難食~仲要食唔飽...最最後我地買左家和番衰婆屋企食~星期日.....中午諗住去試間未試過既Cafe..點知無位...去番communal table算了~食完又番屋企執屋~~我感覺得呢個夏天都在執屋...我好攰~之後又去毛寶家痴餐~星期一...我想飲長黑!!但間cafe唔聽我電話~~嗚嗚~~迫我食左法國佬....好多野做呀今日~~~~我要出blog慶祝下呀~~(失常mode)



2018/06/18
Day 1---Part 1(澳門 Macau->日本,和歌山縣,和歌山市 Japan,Wakayama Ken,Wakayama Shi)

登櫈~~係咪好期待呢~~(你話無我又嬲架喇)....yoyoyo~~~~日本和歌山之旅~~~~~出發~~~~~~~哥日我地叫左電召的士去機場~~~~團友們~say個hi先~~~~~~~(睇下我個樣幾精靈~~)...有我啦~~毛寶啦~~毛寶爸啦~~毛寶媽啦~~~個組合好新鮮呀下~~~gogogo~~~~~~~~~

2018年8月6日 星期一

Diana生日會2018@喜粵8號(Canton 8)

星期五....開心因為食左個麥叔叔早餐~我覺得今年8月既工作量好反常....我好驚咁樣係有風暴靠近.....放左工去左睇職業特工隊:叛逆之謎(Mission:Impossible-Fallout)...查實個中文名真係唔知點譯既呢~~反正長拍長有~就咁M:I 6咁咪得囉~呢d戲無咩好無睇既~睇開就睇~今集幾抵睇..成兩個半鐘~坐到腰骨都痛~星期六.....期待左好耐既麥公子生日會去左Don Alfonso.....幾唔錯~~不枉我期待左咁耐~~~~但勁飽~~~下午搵下台北之旅食咩~~到夜晚...我仲係飽到咩都食唔落~~~~~但去左新開既摩珀斯走走~........星期日.....中午食左北海道既中午set…但很一般.......下午又執下野咁....(呢個組合已經loop左好幾個星期).....又執左啲經典野出黎XXD…夜晚去左食老上海~仲有龍蝦食…星期一........今朝杯長黑好似唔同左味咁既?....華...星期五先講完....今日風暴就靠近.....多~人~到~癲~又唔夠人做野喎~全日既氛圍持續係低氣壓~所以我獎我自己~食一包我最愛既muji魷魚~我自己食~一整包~~精神健康好緊要~我今日低氣壓要關注左先~減肥呢d先放下~~~所以呢刻我好開心~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~之前Diana生日我地約左去食新開無耐既喜粵8號~地址:澳門利澳酒店3樓.....利澳酒店個網站連呢間餐廳既資訊都無~~~訂座電話:8989 1282......係上海開過黎既米芝蓮2星餐廳.....利澳酒店個停車場成個廢墟咁~

2018年8月2日 星期四

與媽媽慶生台北吃喝之旅2018-04-02第四天(天晴)

星期二......食完咸蛋薯片唔使還咩....放左工去跑步....跑左3.44km......星期三....朝早又飲左我近排既新歡"長黑"(long black)....而且有特定一間好鐘意飲既....所以我成日個心都好痕好想去哥間買早餐.....唔知點解呢日勁攰.....臨放工好似有少少頭暈暈...但都有去跑跑...跑左3.58km~天氣勁熱....出得超多汗~同一時間但同上兩個星期比....好像已經早了點日落~星期四....除了受了點氣.....無咩特別事發生~也是好消息呀~~~~~~~好野好野好野!!!!!!打工仔們捱到星期五喇~~~



2018/04/02
Day 4(台灣,台北 Taiwan,Taipei->澳門 Macau)

早~今日要走喇~~~~~臨走前既早餐....我將呢個配額....送左俾我好鐘意食既顏家蚵仔麵線~~~地址:台北市大同區延平北路四段253之1號.....營業時間:07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~(由地址開始段野我都係copy上上次個blog~懶到~)

2018年7月30日 星期一

與媽媽慶生台北吃喝之旅2018-04-01第三天Part 2(天晴)

星期五....呢個禮拜我都過得好自在...原因只得一個!!hehe!!.....放左工又去左攞淘寶~跟住去食唐吉訶德~我真係好鐘意食佢地d tapas~~~~食飽去左威尼斯人行街街~~見到Jagabee開左黎澳門我好開心呀~~~~~~~星期六...中午同左皮皮食飯~食左papermoon~下午在家幸福忙+寫寫blog(但我也不忘來一杯我近黎最愛既long black~~)....夜晚又痴毛寶家住家飯食~又見菓子軒~星期日....中午又食Terra~好味~下午又執野....我屋企d垃圾執極都有......我諗我大大話話執左廿幾袋...但係對我書房外觀仍然無咩影響~我見我書房制造咁多垃圾.....我真係唔敢再去旅行亂買唔係日用品既野~晚上又去毛寶家痴餐~~~~我痴足一個周末....好唔知醜~星期一......多野做就梗架啦~



2018/04/01
Day 3---Part 2(台灣,台北 Taiwan,Taipei)

由於頭先食飽飯我娘買左包米...所以搭的士番酒店抖下~(因為無野做同埋太熱~~哈哈~~).....日落再出動~再搭捷運去市政府站~hi~又見~

2018年7月26日 星期四

與媽媽慶生台北吃喝之旅2018-04-01第三天Part 1(天晴)

星期二....今朝臨出門口無啦啦落超大雨!!番到公司成條褲濕哂~呢日都幾多野做~放左工去攞一舊體積超大既淘寶....搬完我覺得呢個世界無野可以難到我了!搬完當自己做左運動…呢日無跑步XXD...星期三...今日番工還好…除了番工食左塊有點酸的豬扒做早餐…放工去左跑步…3.47km…星期四…我媽問我今日跑唔跑步…我話我唔跑…媽媽話唔使補番星期二無跑架?….我:無架喇XXD過左就無架喇無得補XXD….補左你地邊有blog睇呀XXD…我幾好呀可~~~~上個禮拜我心情低落…今個星期已回復晴天!點解呀...你睇落d咪知囉~~~~~~



2018/04/01
Day 3---Part 1(台灣,台北 Taiwan,Taipei)

一起身既中午飯~就到左我期待已久的~~呢間餐廳叫樂埔町....地址:台北市大安區杭州南路二段67號....搭捷運到古亭站6號出口....大約行6分鐘就到~我一定係痴左線~今次搭咁多捷運~早左15分鐘到達~仲未開門~~~~


2018年7月23日 星期一

與媽媽慶生台北吃喝之旅2018-03-31第二天Part 2(天晴)

星期五.....心還是在滴血的上班....sunny呀!!!!!!!..讓心情沉澱左兩日....結果仲係好心up XXD......但係我都要過生活架~所以我放左工就去左食經典意大利餐~~然後再去睇巨石強森(個名好好聽XXD)既高凶浩劫(Skyscraper)....但套戲膠膠地.…我真係唔知到底巨石強森勁啲…定謝天華勁啲XXD…都係打和啦super!!!!XXD......(咦...我明明話心情唔好架點解我會講笑既XD)....星期六...中午食左間新開既泰國餐....食完佢個冬蔭功超口渴的.....由於我呢幾日心情太差....我又不小心買了機票(想知睇落d咪知囉)......下午就係度睇要搵咩酒店呀...寫寫Blog呀咁囉...(有d心虛).....然後晚上去左衰婆屋企食生蠔...同埋睇黑豹~(無我想像中好睇)....星期日....早早起床~....去左食Terra~係~又食~但今次去食佢寰宇天下附近哥間~~有all day breakfast食~~~正~兩間各有優點~~~下午又係屋企執下野啦~~~~~~又執到好多搞笑野出黎~~夜晚去左毛寶家痴餐~~星期一.....下雨天.....一陣一陣雨....同埋突然又掛起一號風球.....做野既時候星期一係比較納悶~



2018/03/31
Day 2---Part 2(台灣,台北 Taiwan,Taipei)

呢條迪化街一段超............長!行極都有~

2018年7月19日 星期四

與媽媽慶生台北吃喝之旅2018-03-31第二天Part 1(天晴)

星期二....好熱呀...可能因為打風...放左工都有去跑步...3.56km....但好焗....超辛苦....唉....個心情好忐忑不安呀.......supper就黎開賣喇......又唔知買唔買到飛.....嗚嗚.....星期三......我好傷心.....supper個紅館演唱會....我完全買唔到飛.....上網上左4個鐘.....打左超過250次電話.....都係無.....有人能體會我的傷痛嗎?....星期三....我今日個心情同個天色一樣....灰色架...............點解....3場演唱會先得6000張飛放出黎賣咁少架~~~~~~(最衰係我1號2號未番到香港.....淨係可以搶3號)......依家成個畫面都係失戀故事....我周末要放縱一下黎平伏心情....



2018/03/31
Day 2---Part 1(台灣,台北 Taiwan,Taipei)

呢日我地一起身就係食中午飯~其實都好早咋~11點幾.....我地呢日首先搭捷運去到芝山站~再轉的士去到我地既目的地~不過我訂哥間餐廳仲未開~所以就係附近行個圈先啦~呢度係天母區~~衰婆話呢區係豪宅區...好多外國人係度住~行係呢條街我都覺得自己好似去左外國咁~

2018年7月16日 星期一

與媽媽慶生台北吃喝之旅2018-03-30第一天Part 2(天晴)

星期五....終於黑色星期五無人一早提我!我望住日曆都無醒起...心理上無壓工作.…幾好~~~放左工又去食喜粵8號…唔算極度好食但價錢唔貴囉!飯後去左睇蟻俠2!勁好睇XDXD笑到我標眼水.…星期六…中午去左菩提園飲茶…菓子軒好可愛呀~~~不過有少少傷風呆呆的.....下午去某間公司諮詢d野~~不過我真係咩都唔識~~下次都係帶埋我媽去好d~~然後又番屋企排下相...排到膊頭都痛.............夜晚食左外賣~~星期日....中午終於試左巴黎人法式餐廳!set lunch都幾抵食..牛扒都好好味…跟住成個下午都係屋企執野.…好乖..…執番廿年前我珍而重之既麥叔叔食餐送既玩具.…依家睇番覺得靚過依家啲玩具多多聲XXD…之後去左食泰華欣.…星期一....早上無咩做...下午做突...想嘔.....個頭又開始有少少赤.....



2018/03/30
Day 1---Part 2(澳門 Macau->台灣,台北 Taiwan,Taipei)

抖左一陣再出去~先去台北車站~台北車站真係好大~~~好彩我唔係住係台北車站咋~~因為要去台北車站既微風廣場呢間泉發蜂蜜幫大比買少少野~呢間好多蜂蜜買....但我地黎係幫大比買..................濕粉~~(化妝品哥d呀~~)...係咪好搞笑~~~賣蜂蜜又有化妝品賣~

2018年7月12日 星期四

與媽媽慶生台北吃喝之旅2018-03-30第一天Part 1(天晴)

星期二...噚晚我捱眼訓等到12點終於買左今年最後一個旅行既機票喇!(應該係最後既)...落少少講!放工去跑跑..跑左3.55km...跑跑下哥時我衝過一堆蚊滋..仲要跑到超近哥時先見到..只夠時間合上雙眼衝過...衝過後我發現我塊面太多汗..成堆蚊滋痴係我塊面度...我跑完整理好(整理好意思是清理好面上的蚊屍)先行番回家..番到屋企樓下有人俾傳單我我好有型咁拒絕..回家照鏡才看到...仲有一隻蚊屍在我面.....成粒墨屎咁.......星期三...無咩事發生...放工又去跑跑3.65km...終於跑今年第30跑!可喜可賀!.....星期四.....突然的風平浪靜~.....好開心呀~~~又到左星期五喇~~~~又一堆節目~~~~



2018/03/30
Day 1---Part 1(澳門 Macau->台灣,台北 Taiwan,Taipei)

台北團!!!出發~~~~~~呢個係我今年第一個旅行~呢個旅行查實一日假都無請過~~~因為係復活節假期~~一早book左電召的士黎臭我地3個去機場~~因為出發時間太早~天都未光就出門口~~~黎到機場drop off埋行李...入埋禁區...天都仲係未光~哈哈~hi~3位團友~記得去台灣前~持特區護照港澳出生人士要先上台北入出國事務組網頁做左入台證先呀~

2018年7月9日 星期一

Karen生日會2018@8餐廳

星期二....過得很好的上班日...放工去左跑跑....跑左3.55km....星期三...放左工同左美國回來既表姐們同埋以前幫我地補習既姐姐在花道飯聚...唔知點解我耳背同耳下啲神經(定淋巴?我分唔清)....扯住扯住痛..搞緊乜?...星期四...放左工去左同diana慶生!去左食喜粵8號...還好...我媽煲左乜乜腮清熱氣湯俾我飲...好左d!.....星期五....放左工去左食灃收火鍋..慶祝我唯四既大學同學露仙牛一!拿...我都話我呢個禮拜好忙囉XXD....星期六.....朝早起左身屁屁痕拆利是~....中午去左食sip sop soup~唔錯~下午在家打打blog~好耐無打過blog..無咩存貨XXD......跟住毛寶幫我剪頭毛~夜晚又痴毛寶家的住家飯~見到菓子軒~飯後又打overcooked~星期日....中午食左Terra(係呀又食呀)...之後番左屋企執野....執左成14袋大黑膠袋垃圾...但對我家仍然絲毫無損...好利害!!夜晚食左酸辣粉~.....星期一...又悶又多野做....blue monday經常出現~我媽上星期有煲哥d清熱氣湯我飲...飲左有好d...但都仲係有痛...一郁就痛....耳下到鎖骨位成條頸痛....再係咁我要去睇醫生喇.....



一個旅行blog完結~又用個食記間一間場先~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今日呢間餐廳...我好耐好耐之前同屋企人去食過.....覺得一般....隔左好耐......我上年生日Diana請我再去試~又覺得唔錯喎~咁一年內.....我又唔經唔覺食左3次~所以又想寫下~但係前兩次d相都係舊電話....所以淨係講最近食既第3次!



呢間餐廳叫"8"餐廳....位於新葡京酒店2樓....訂座電話:8803 7788.....係位於新葡京入面既中餐廳~今次黎食我地係為我唯四既其中一個大學同學Karen慶生~

2018年7月2日 星期一

新加坡熱辣辣聖誕節之旅2017-12-26第五天(天晴)

星期二...呢日一早俾個客指住我黎鬧...問我做咩d籌咁遲先叫到佢...喂大佬..唔關我事架喎~唯有用官方答法:因為之前既申請個案比較複雜~所以會有可能唔準時叫架~.....個客大叫:咁呢d咪你地安排得唔好囉!..........但抱歉...屎...我還是要照痾....太陽還是會從西邊升起東邊落下.....放左工終於可以去跑跑喇~~~~跑左3.57km~~好開心~跑走d工作壓力~星期三...一起身頭爆痛!!!痛到我標眼水.....中午又痛到狂反胃.....咁都仲番到工我都算係咁.....呢日自我放逐....理得你點睇~放左工去左跑步放鬆下...唔好理時間...輕鬆跑下當散步~跑左3.49km~星期四...放左工少女有人約食飯~唔得閒寫blog~(偷懶mode~)...星期五..番工多野做呀!個頭又唔生性...放左工就去左食不夜天..因為兩個表姐係美國回來了!...星期六...早上屋企洗水箱...10點後無水逼我一早起身洗頭...點解你要星期六洗?唯有洗完頭去沙北同我媽嘆啡..中午屈左老夫人去玥龍軒請我同毛寶飲茶XXD...下午玩switch個煮飯game(好像叫overcooked)...夜晚食左泰潮......海南雞飯啲雞仲係好好味但油飯好硬!...食飽飽Diana送左Mr.演唱會飛俾我呀!!好開心!...星期日中午去左食仰光小館~魚湯粉好食~然後買杯根勞~然後落爆勁大雨~(好彩已上車~)...然後番屋企打煮飯game~今次加埋大比阿sam一齊打..超正~~~~~~~~夜晚食左毛寶家的住家飯!星期一..香港補假加星期一嘛~預左多野做~(係呀...人地放假又關我地事架~內地放隻又關我地事架~所以日日都好好玩架~)



2017-12-26
Day 5(新加坡 Singapore->澳門 Macau)

哈哈~呢日要走喇~都無安排行程~朝早去番噚日間Craftsman Specialty Coffee度嘆個早餐算喇~

2018年6月25日 星期一

新加坡熱辣辣聖誕節之旅2017-12-25第四天Part 2(陰天酷熱)

點先~我咁耐無出現~有無掛我先~上上星期五....臨去旅行前最後一個工作日..個心已飛走~但成日都check住天氣網...因為有個風係近台灣生成...登陸台灣再衝去沖繩....緊張左成日...好驚飛唔到!放左工去左食發達~食完番左屋企執gip~上上星期六...朝早陪人去鏡湖睇完醫生中午食左Toff...又好食番d~下午訓左陣覺...耍左陣廢~夜晚去毛寶爹娘鋪頭開退休告別趴~完美落幕!上上星期日....一mark大眼上網check就知個已經消散左~~好開心~~~但成個禮拜都會落雨~~~~中午去左菩提園食齋..好好味~下午又耍廢....耍廢真的好開心~夜晚在毛寶家食通粉~~再回家執行李~~~上星期一至星期六去左日本爽爽~呢次玩得好開心~又見到d新事物~上星期日.....噚晚7點左右番到屋企啦~一到10點超勁眼訓....頂到11點幾頂唔住.......朝早十點幾起身~中午食左羅浮....突然覺得勁貴.....下午在家重看與神同行~耍廢...咩都無做過....夜晚約左衰公衰婆食紫來坊~星期一....雖然放完假番黎要番工喇...但我心情都幾靚...做到下午個人又頹頹地~呢度真係磨滅人意志~~~(玩左成個禮拜先得上半日工作開心~~).....本身想放工去跑下...因為成個月無跑...點知...臨放工又落雨了..............我好想跑下步呀~~~~希望你聽日唔好落雨啦~由於今日跑唔成...我唯有回家食茶點..(係一整包熱浪!!!)



2017-12-25
Day 4---Part 2(新加坡 Singapore)

係酒店坐一陣又話出發喇~坐的士出發~黎到新加坡國家美術館......但....我地唔係黎參觀喎~似唔似美國d博物館~


2018年6月14日 星期四

新加坡熱辣辣聖誕節之旅2017-12-25第四天Part 1(陰天酷熱)

星期二.....以為下大雨會少人d黎?孩子...你想太多了~諗住放左工去跑步輕鬆下...點知放工時係整日落大雨落得最大既時間~~可能個天覺得我瘦左唔好睇~wakaakkaak~星期三.....噚晚我竟然諗公司d野諗到訓唔著...仲越諗越嬲....都幾戇居....下午超多人遲到.....我查實真係最憎人遲到....仲要有10幾個人遲到.....做到我最後哥個鐘隻眼攰到梅哂....好心你地啦.....咁大個人....準時到使死咩.......又無得跑步....放工下雨.....我好耐無跑喇...有d掛住跑步添.....星期四.....又俾我得知d學校考完試喇喇喇喇~~~~~又係超多野做....超多野做之中仲要撞到d無理既客...我地可以點?....今日終於無落雨.....我本身勁想跑步唔寫blog.....因為我真係好耐無跑步隻腳好痕~但我還是寫了blog.........會有人因為咁開心嗎?.......呢兩日個膊頭都痛到痴哂線.....幸好番埋聽日...我真的放假了!!!!!!!!!!!!!!!!!!!!!!



2017-12-25
Day 4---Part 1(新加坡 Singapore)

呢日既早上係自由活動~我同毛寶悠悠閒咁行去最近哥間商場有間cafe既~叫Craftsman Specialty Coffee....地址:6 Eu Tong Seng Street Clarke Quay Central #01-58/59 Singapore 059817.....



2018年6月11日 星期一

新加坡熱辣辣聖誕節之旅2017-12-24第三天Part 2(陰天)

星期五...打左成日3號風球....小朋友放假又跑哂黎~放工去左食荷!里!活!!!!!係某公子最愛!!!!懷舊鐵板牛扒餐!!!澳門真係買少見少~~~~隻味真係好懷舊..又令我想起同爸媽細個去鋸扒哥種感覺~係食懷緬過去既味~間唔屎食一次好喇~之後去同菓子軒玩一陣~星期六....中午去左試御蓮宮....但係....下午去左睇侏羅紀世界:迷失國度~~~~夜晚食左紫來坊~星期日...中午食左某Cafe...佢以前開係新口岸區...依家搬左去某豪宅頂樓會所.....個景一流..對正中央公園....但野食仍在低下水平..不會再去~下午在家搵埋和歌山係maps me入面既位~超乖的我....毛寶幫我剪下頭毛~夜晚同左衰公衰婆食銘記~星期一....今日好多野做...但今天不憂鬱~~~~因為我要走過呢個禮拜先可以去到下個禮拜去旅行嘛~



2017-12-24
Day 3---Part 2(新加坡 Singapore)

行完Art Science Museum~就徒步行去附近的...

2018年6月7日 星期四

新加坡熱辣辣聖誕節之旅2017-12-24第三天Part 1(陰天)

星期二....本身想放工去跑個步....但今日既驟雨情況實在嚇親我.....為左唔想跑跑下突然落大雨淋親咁靚既我...我決定放棄唔跑~星期三....800伴vip day喎~人潮明顯減少~但我都唔知到底係因為vip day定係因為大雨而減少....放左工又灑左陣雨~又唔使去跑跑~(但其實我想跑架)....新人上場~呢度真係好好玩~又見識到某人d領功技巧~~~~~星期四~本身心情梅梅地...點知下午突然有件事令我好開心~中午開始掛3號風球..但我反而覺得風細左~



2017-12-24
Day 3---Part 1(新加坡 Singapore)

呢日一早醒來~~第一站就係坐的士去呢個第一次黎新加坡必到既景點~~~魚尾獅(Merlion)~~~~呢度永遠都係咁people mountain people sea既~~~其實我黎左4次新加坡....我係黎左呢個景點3次..................(因為每次都陪未黎過既人再影一次~)


2018年6月4日 星期一

新加坡熱辣辣聖誕節之旅2017-12-23第二天Part 2(晴天)

星期五....六.一兒童節喎...勁多小朋友.......我都唔明...幾時開始會放呢d假.....勁爆多野做...依家只有多野做同勁爆多野做之分......放左工去左飲華生行燉湯x家和魚蛋....呢個配搭真好~要輕鬆下嘛~咪食多少少野囉~星期六...中午買左杯沙北筋勞去毛寶家痴餐....下午菓子軒黎左玩~晚上去左慶祝毛寶爹生晨~星期日~一早起身在家播左3隻濕爬既碟搞旺個場佢~中午試左仰光小館...個魚湯粉又幾好味喎~個豆餅又幾好味喎~個春卷又幾好味喎~再去Uniqlo買買淨色tee~下午在家看大叔之愛大結局.....睇到我眼濕濕...追左7個禮拜...笑足7個禮拜!多謝部長~~<3多謝春田田<3~~多謝maki~~....是我滿意的結局...但不免有點心痛!......夜晚食左外賣~今次唔錯喎~叫左葉公~叫燉湯送糯米飯~抵~...又一個星期~星期一...好多野做...個心靠諗住下下個星期既旅行黎支撐...頂住呀!!



2017-12-23
Day 2---Part 2(新加坡 Singapore)

食飽飽榴槤就回程了...回程會經過泰山藥行...地址:2011 New Bridge Road(China Town), Singapore 059428

2018年5月31日 星期四

新加坡熱辣辣聖誕節之旅2017-12-23第二天Part 1(晴天)

星期二....番工.......放工去跑左3.51km...一路聽住新碟一路跑步....我覺得有d面紅~星期三...多野做呀!放工去跑跑...跑左3.55km....好熱呀...爆汗...夏天真係跑唔到咁多...我個藉口幾好呀可~~~同埋都唔知啲蚊怕咩既?!我噴蚊怕水佢都照咬!星期四...早上有如雨後陽光....下午像無間地獄.........唉~好咯~聽日終於都星期五.....今個星期可以好好休息咯~



2017-12-23
Day 2---Part 1(新加坡 Singapore)

喂~早呀喂~起身大約11點到出去~首先同兩老食中午飯先啦~搭MRT去牛車水站(China Town).....牛車水俾我形容為熱到痴線...我都唔知點解覺得呢度係特別的熱~~~次次一入就會成個人融化~~~~


2018年5月28日 星期一

新加坡熱辣辣聖誕節之旅2017-12-22第一天Part 2(晴天及後大雨)

星期五....放工去左食氹仔某葡餐..唔好食~都係紅鶴好食d!之後去左venetian間uniqlo買叮噹衫~(叫叮噹實在太曝露年齡)....星期六...中午食左Terra......之後就去準備買野同公子們去燒烤~~~~yeah~~~好多野食玩得好開心呀~~~~有大蝦有蟶子有扇貝花蛤...星期日...晨早番左大陸...去左富華里...為既係supper moment嘛!....落少少再講~星期一.....由於噚日又曬又熱...我病左.....................



2017-12-22
Day 1---Part 2(澳門 Macau->新加坡 Singapore)

毛寶話我上篇阿坤完得好突然喎~好啦~食飽飽阿坤..咁我地就出發去行下啦~要搭地鐵去既~首先買飛先~買單程飛佢可以再增值用到6次~仲要係輕觸式的~先進~呢程距離車費係SGD$1.5=8.7hkd....其中入面有SGD$0.1=0.6hkd係Deposit