香港大閘蟹一天遊2011-11-26 Part 2

星期二….又係忙碌既一日~番工番法文…..有諗過放棄(我都話我個人三分鐘)…….不過毛寶很堅持….哈哈….但係今日都幾開心既….唔算太難……輕輕鬆鬆咁過~~~我最鐘意佢教我地d野食法文點讀~~~今日學左芝士…雲吞麵(呢個太長…記唔到~~)~~我想佢下一堂教多d啦~~~希望我有機會去到法國都仲記得我學過既野啦~~~~



2011-11-26  Part 2(香港)
承接噚日既香港大閘蟹遊記~我地坐完叮叮落到銅鑼灣…..sogo打左個轉無收獲….轉行上去Time Square….對上一次展覽係我好愛既哈利阿波~今次聖誕節到Barbie呀~

見唔見到我媽媽呀~~鍚鍚*3*



間屋都幾靚喎~~~~~

呢個攞Barbie黎做水晶燈又真係幾有氣勢喎~~~好似成堆Barbie行出黎咁~

仲有好多唔同衫既Barbie架~~~~~~

Barbie個大衣櫃~~真係好大架~~你睇下個小朋友變幾細粒就知啦~~

仲有其他設計師為Barbie設計既靚衫~我最鐘意呢件架~~

呢件都靚~!

hohoho~之後行埋Muji之後兩個都覺得好攰好攰~~~原本訂左七點半既….於是六點鐘就行去搵食大閘蟹哥間野…….我揀左銅鑼灣禮頓道8號皇冠假日酒店2樓哥間東海海都酒家食~~原來好易架咋~~~好彩je~~一入到去….仲以為叫得酒家就好娘…同埋好嘈….原來唔係架….都幾靚架~~唔知係咪因為係酒店入面呢???定係間間海都都咁靚裝修架?????

其實有兩間俾我揀既…一間係東海海都….另外一間係鴻星….諗左一陣…..鴻星365蚊(套餐)有三隻蟹….兩皇一后………..東海就348蚊兩皇(套餐)…..咁睇落鴻星好似抵d….多10幾蚊就多隻蟹食….不過我只係想過下癮……食三隻大閘蟹對我黎講係一件好攰既事(因為無乜肉)…….加上佢多既哥隻係后唔係皇……….我知后既會貴d……但係我比較鐘意食皇既軟膏….后d硬膏係唔岩我架…………同埋東海免加一…明碼實價…….同埋我上網睇過大多數既人都話海都既非大閘蟹既其他菜式比起鴻星都優勝~所以唔諗咁多就揀左東海海都囉~



hohoho~~~值得一讚係東海海都既服務員都好細心同好有禮貌~~茶好夠熱呀~

好喇~~第一道—-生拆新鮮蟹粉蒜蓉包…..呢個….堅好味呀!!!!!!不過蟹粉少左d囉~d蟹粉係熱住咁上菜!!!加埋個恰如其分既蒜蓉包…..簡直絕配呀!!!!!!!!!!!!!好味!!

呢個絕對想再食~~~~~~~~~~~~~~~~~~~



第二道—-蟹粉小籠包(每位兩隻)……….唔識形容~

係唔識形容既咁好食呀~~~~~~~~~~~~~~~~~~~~~~~~你睇下d流出黎既蟹黃黃油…..超級yummy呀!!!!!!!!!!!!!!!!如果我無食呢晚既蟹粉小籠包…..我會認為鼎太豐係合格既….不過食過呢個…………………簡直係無得比!!!呢個真係做得好味~~~~~~~~~~~~~

第三道—-山珍佛跳牆….都幾大粒帶子架~幾足料…同埋夠哂熱!!因為我鐘意飲好熱既湯~

第四道—-江蘇大閘蟹(每位兩隻)~~~~主角出場喇~~~~用隻有氣勢既碟出場~~~~

不過……第一隻我有d失望…..因為媽媽哥隻係爆膏架…我唔係!!

不過d膏都好好味~~~~~~~~~~~~



我地食完第一隻佢先再上第二隻~~確保熱辣辣~~~佢地好細心見我地差唔多食完就自動自覺攞出黎~~呢點真係要讚一讚~~好過我係澳門皇都既梓園食…..佢係幾隻一次過攞出黎…..我食完第一隻第二隻都凍冰冰囉……yeah~~~~~~~~~~~~第二隻爆膏喇~~happy~~

第五道—-紅茄湯手打烏冬~唔錯~~幾好食~連我媽咪都食清光~

第六道—-上湯灼時蔬….菜一條囉…仲要食食下先記得影…..如果佢唔係呢隻菜我會開心好多~~~~~~~~~~~~~~~~~~~

第七道—-薑茶湯丸…..呢個我鐘意呀~~~~重薑味~~湯丸又好吃喎~完美總結~~

總結：呢個套餐一位348無加一(兩位起)…因為出雙糧特登請媽媽過香港食既……價錢合理服務態度好~加上全部野食都係超級熱辣辣上既…..勁加分!!!下年大閘蟹季都想再食!!

天氣好凍…
不過我吸住之前毛寶送既usb電熱顫…
暖哂~



我今日起身已經肚痾左兩次….
第二次仲痾到差d遲到番工..
我依家有d胃痛同搞肚喇又….仲有d頭痛…
希望聽日無事啦!!



係度要讚下貞貞~
貞貞好乖請假溫習考試…
真係乖到不得了呀~抵讚~