2011年7月29日 星期五

北歐四國午夜太陽之旅2011-06-18第六天Part2(見太陽喇~)

今日我真係無用呀……噚晚十點幾左右坐係張床度睇電視時又開始頭痛……不過都只係痛下眉心附近….又未算好痛……..食左粒偏頭痛藥……去訓覺….點知訓左一陣……個頭越黎越痛………痛到成個右邊頭都痛……….一直痛到條頸上面……..同埋扯住隻眼痛………..成晚都訓唔到…..媽媽見我咁…..四點幾即刻捉左我去睇醫生………又俾我撞番上次個好人醫生……..佢今次又疑似想俾三日病假我….不過見我星期六日放假佢先收手…………同埋佢開左d安眠藥俾我………等我可以訓得好d……….依家好番少少喇….不過對於自己又請病假我真係覺得唔係幾好意思…..唉………………..好彩媽媽早d捉我去睇醫生咋….我諗住天光先去睇….點知天光落左超大雨…大到根本行唔到……真好彩!!其實今個禮拜已經痛左兩次…..但願我永遠健健康康上班去



2011-06-18

Day 6—-Part 2[挪威(富林)->卑爾根]

搖下搖下就上到最高喇…其實又唔係話好高je~不過風景都幾靚架~






2011年7月28日 星期四

北歐四國午夜太陽之旅2011-06-18第六天Part1(見太陽喇~)

真係….本噚晚放工超早就諗住寫blog開心一下…..點知突然間上唔到網囉……..超sad呀…….話我個密碼同使用者名稱不符….打去ctm佢幫我reset左兩次數據都唔得…..我話咁佢話我密碼不符不如你試我幫我改下個password….佢又話….你個密碼無問題………仲幫我約個師傅上黎睇…….我諗都好既…不過佢話….如果係發現係ctm問題…就唔使錢….如果係其他問題就要我俾出勤費100蚊…….下…..唔係下話…..你幫唔到我整仲要我俾錢…..於是我唔忿氣…….今朝再打多一次去……第二個人同我講……你試下將你個使者名稱既後面三個字唔打睇下得唔得……我照做….點知真係得………….即係點呀….無啦啦用開呢個user name……一直save係電腦度日日都係咁上…….突然之間話我多左3粒字所以上唔到…..有無搞笑d呀ctm你……痴線架…..好彩個師傅唔使上黎….如果唔係我又唔見一舊水囉……憎死ctm呀



2011-06-18

Day 6—-Part 1[挪威(富林)->卑爾根]

食早餐~~~~~~又有d好好味既魚子醬夾麵包喇~~

2011年7月26日 星期二

北歐四國午夜太陽之旅2011-06-17第五天Part2(下雨天)

今日中午都有開ot……得半個鐘我都堅持番屋企因為我想俾自己錯覺….我有離開公司….我有放過工………….今日都有好多人呀……搞到我個頭又開始痛痛地…..依家開始抽下抽下………………………….明天可否讓我精神點?



2011-06-17

Day 5—-Part 2[挪威(哈斯洛)->(富林)]

係挪威呢幾日既生活就好似退休咁….又食飯喇~


2011年7月25日 星期一

北歐四國午夜太陽之旅2011-06-17第五天Part1(下雨天)

今日係好可憐既星期一呀……….首先我噚晚我訓得唔係咁好……訓黎訓去都訓唔到(因為有某d噪音影響)……今朝已經好無精神….諗住中午番屋企訓一陣………..點知好景不常………………要開ot…..有無咁多人呀…..點解又唔係突然間有咩特別假期會有咁多人架……..搞到我地要食飯食得半個鐘……………….我今日係跑番屋企食……用個半字時間食左我個便餐….已經係食便餐唔係重餐喇喎………我個胃都係頂唔順囉…….食完個胃反下反下…..都消化唔到……又跑番工………….所以…今日真係好攰呀…………………絕望既係…..聽日都要係咁……………………………….



2011-06-17

Day 5—-Part 1[挪威(哈斯洛)->(富林)]

早晨又吃得飽飽~今日無羊奶芝士…但有好好味既肝醬~

呢間酒店實在鏡都唔多塊….慳番呢日無化妝~

2011年7月21日 星期四

北歐四國午夜太陽之旅2011-06-16第四天Part3(時有太陽時而陰天)


yoho~~~~~~~好野~~~~今日同噚日一樣準時收工呀~~~~~~~~~~多得哥兩位同事通力合作咋~~~~~~~~唔通係因為你噚晚同我講祝我今日順利有關????今日真的爽~真的他媽的爽~~~~~為左慶祝…我今日為我既無味人生加左一d蠔油~~~~~好感恩呀已經…..諗住再下一城….有盒擺左係度成兩個星期既魚仔餅…..諗住今晚獎勵獎勵一番幹掉佢~點知我阿媽先我一步把它幹掉…………………………………………….媽咪….點解你遲唔食早唔食……係我鼓起勇氣食既時候…..對我咁殘忍……………….



2011-06-16

Day 4—-Part 3[挪威(莉莉荷瑪)->(哈斯洛)]

真係靚得好交關呀~~~~哥隻藍…令人好難忘呀~



2011年7月20日 星期三

北歐四國午夜太陽之旅2011-06-16第四天Part2(時有太陽時而陰天)

華~~~~好野~~~~~今日準時收工~~~可喜可賀~~~~~~~~不過聽日周小姐請鐘…..得番我一個人……加兩個隔離既同事….希望都可以好似今日咁樣咁準時啦~~無味人生第7天……….仲頂得住!!!!!!希望部單車快d黎啦~~~等我可以喪踩呀~~~



2011-06-16

Day 4—-Part 2[挪威(莉莉荷瑪)->(哈斯洛)]

又係度扮野…..嘔呀………不過係挪威好似日日都係塵世美咁~

2011年7月19日 星期二

北歐四國午夜太陽之旅2011-06-16第四天Part1(時有太陽時而陰天)

好很攰呀………………點解過左星期仲係咁架………今日工作上又處處碰壁………….好不容易先捱過今日……………..噚晚又訓得唔係幾好喎…….碌黎碌去碌成個鐘先訓到……訓之前個頭又痛喎…..食左粒藥先訓……….唔知係咪噚晚夜晚出街食飯食得太飽……..搞到我個胃又有d唔舒服;[……………暑假我又無旅行去….但又要經歷咁多人潮……依家既我…..真係憎暑假憎到死囉………………………….快d過埋8月呀!!!!!!!!!



2011-06-16

Day 4—-Part 1[挪威(莉莉荷瑪)->(哈斯洛)]

早餐….隆重推介隻碟右上角啡色的低脂羊奶芝士!!!!!!!!!!!!!勁好味呀…..好難形容…..佢哥種味….好獨特….又唔係騷味喎…因為最怕騷味既毛寶都食指大動….最難得既係…..低脂呀!!!!夾三文治食真係一流呀~~

由呢一日開始我每一日都係將所有既料夾入麵包做三文治食…好好味呀咁樣食…睇下幾重料~d料多過瑪加烈好多架~

2011年7月14日 星期四

北歐四國午夜太陽之旅2011-06-15第三天Part2(有時天晴~)

好野~放工~每一天都係辛苦既一天~賺d錢真係有血有淚….我今日做做下仲俾d收據界過我個咀唇…….好彩我命大查得潤唇膏多先無事~如果唔係我應該係個客面前個口流哂血咁…………………..其實我依家日日都諗…..放工好開心呀….不過放工咪即係同聽日番工既時候又近左喇….係咪好灰呀….我真係好攰呀因為…..



2011-06-15

Day 3—-Part 2[挪威(奧斯陸)->挪威(莉莉荷瑪)]

又到放飯時間….不過…又係…自助餐….幸好呢餐幾好食…..煙三文魚好好味呀~

仲埋個湯好似雜菜湯咁都幾好飲既~但係又係同其他鬼佬團一齊食….又係要排超耐隊囉…………….

2011年7月13日 星期三

北歐四國午夜太陽之旅2011-06-15第三天Part1(有時天晴~)

今朝早好慘…..派錯line…….四個人頂六個人…不過好彩後尾有老細幫手…..叫做無咁那手唔成勢…..不過d人唔知係邊度行出黎…我真係唔知澳門有咁多人….日日都咁多人我都就黎做到癲…….我發現我今日打從第一個客開始就失聲………把聲超沙啞!!!!!我已經覺得我把聲唔再屬於我咁………….. ;[…….我一放工就即刻起跑離開公司….並唔係有d咩好趕住做….其實我今日一放工就跑左番屋企…..我只係覺得好攰…好想快d番到屋企………沖番個涼…好好咁坐下…我依家真係好憎暑假呀

2011-06-15

Day 3—-Part 1[挪威(奧斯陸)->挪威(莉莉荷瑪)]

由於朝早起身洗頭之後無得吹頭….連妝都無心機化…….等個頭乾就衝左上去食早餐…之前係fb post過呢張相點知俾人話我食咁多早餐

我想講呢個係二人份囉……

2011年7月12日 星期二

北歐四國午夜太陽之旅2011-06-14第二天Part3(天晴~)


估唔到星期二仲忙過星期一呀…..今朝d人無啦啦排到出天橋….使唔使咁多人呀…..又唔係d咩節日….又無假放過…..做到呆左…….好在放早….如果唔係實攰死…….



2011-06-14

Day 2—-Part 3[丹麥(哥本哈根)->挪威(奧斯陸)]

睇完安徒生紀念像之後其實個節目就係要行下附近既步行街…..行經會有好多呢d熱狗檔仔….聽導遊陳仔講話呢d熱狗好好味….於是我地就諗住買黎試下………不過由於岩岩先食完中午飯….我地係一條五個人分!!


2011年7月11日 星期一

北歐四國午夜太陽之旅2011-06-14第二天Part2(天晴~)


過左個又食又玩又休息既週末喇~好過上個禮拜喇…..上個禮拜日過左香港睇Mr…..成三點先訓……..呢個禮拜都算係又有玩又有休息架喇~好開心~咁就睇完Mr.成個禮拜……..好掛住好掛住佢地個演唱會呀…..希望快d出dvd啦~今日係一個順利既星期一……..好耐都無試過….希望今個禮拜都係咁順利啦~~因為今個禮拜都有好多野玩呀~



2011-06-14

Day 2—-Part 2[丹麥(哥本哈根)->挪威(奧斯陸)]

再影下佛德烈士堡既外觀~


2011年7月8日 星期五

北歐四國午夜太陽之旅2011-06-14第二天Part1(天晴~)

今日好早好早就起左身….大約六點七度…..因為今日係爸爸既死忌….所以我同媽媽早d起身去拜爸爸…….拜完之後好彩出黎有的士…..即刻跳上車……跑番屋企沖番個涼…….再去番工……好彩今日番晏咋~不過今日做野有d力不從心……成日個人都係眼訓中渡過…..睇d野好似散開哂咁……………….咁就一年喇….一年前大約就係依家呢個時間….爸爸就離開左我同媽媽……….就好似噚日發生咁令我痛心……同樣地….我同爸爸之間發生過經歷過既….亦都好似噚日發生咁開心…..希望爸爸係一個更好既地方生活緊…..請準我說聲:真的愛你:]



2011-06-14

Day 2—-Part 1[丹麥(哥本哈根)->挪威(奧斯陸)]

之前哥晚有少少訓唔著……四點幾度起左身玩左陣上網……再訓…….起身發玩天氣勁乾燥…….塊面好乾…..隻手仲甩皮甩到好似發哂毛咁……….晨早起身睇下有咩早餐食….點知….第一日既早餐….唔係幾討好………..


2011年7月6日 星期三

北歐四國午夜太陽之旅2011-06-13第一天Part2(丹麥天晴~)


超衰囉…..今日我行出大堂諗住搵個客幫佢做d野……點知俾另一個客(阿姨)企係個大堂度喪鬧……原因為係佢個籌無叫到就過左……點會無叫你個籌呀….順住叫除非你發雞盲je……….就算我真係有咩做錯你都唔使咁樣咁大聲鬧我呀下??當住咁多客面前…..你都痴痴地線…我阿媽都未試過咁樣鬧我啦…你憑咩咁鬧我呀……我係黎做野唔係黎俾你鬧架…….發癲就番屋企啦…死八婆….後尾我中午番到屋企都仲好嬲…..覺都訓唔到…..後尾訓係度冷靜左一陣先好番d……平復番d…..d客成日黎到就以為自己大哂………又唔係自己岩架喎…….但就係都要鬧左你先囉…….咁對我地真係唔公平……因為你就算你有幾嬲都好…..只會係你唔岩…..同埋唔可以串番佢………最憎遇到呢d痴線既客!!



2011-06-13

Day 1—-Part 2[香港->芬蘭(赫爾辛基)->丹麥(哥本哈根)]

行完美人魚像之後就折返去—-漁港碼頭影下相喇!!呢排屋仔成日係d雜誌度見到架~~~~好colourful呀好靚呀~~~



2011年7月5日 星期二

北歐四國午夜太陽之旅2011-06-13第一天Part1(天陰陰)

好飽呀~~今日中午同左小i…sasa同埋周小姐去食中午飯…..去左食pizza hut……….兩點幾食…..飽到我依家都仲係飽呀……..搞到我頭先食飯都無胃口………..咁都算幾抵呀~~~起碼真係食得飽先~~今日都仲係咁多野做呀……不過大家都係講笑話如果大堂可以播下d潮歌都幾好….例如陳奕迅咁…….係喎….都幾好喎~咁樣等緊既又無咁躁…..做緊既又唔使咁緊張~~計我話最好都係播Mr.~因為我今日內心都係播緊Mr.哥隻新碟~







好咯~終於整好哂d相可以將個旅遊日記推出黎喇~今次放大假去既勁野就係北歐喇~主要係去四個國家既—-丹麥…挪威…瑞典…芬蘭…今次個團其實幾貴….因為去睇午夜太陽令到個團費高企…好啦…等我再慢慢介紹啦~……



去出發之前令我地好驚好驚….因為係我地臨上機前兩日竟然有個颱風黎緊….我番緊工….超驚出發時打風會延遲行程….因為我請假請到岩岩好….番到黎只係抖一日就番工….所以都驚無哂d假…….於是我地一早決定早一日過香港……住一晚穩陣d~我地住機場富豪酒店…..都幾大幾舒服架~優點就係行5分鐘度我地就去到機場terminal 1~



出發~今次去13日所以我地個個出哂自己最大既gip去~~之前我成日都用哥個貞貞送我的黑色gipgip由於上次去新加坡跛左…所以今次無得帶去….不過如果帶哥個gipgip…應該會唔夠大….因為除左13日既衫之外…..仲要帶d防寒衣物….雖然依家都係北歐既夏天….但最高溫度也只有十六..七度


2011年7月4日 星期一

Mr. Everyone Concert 2-People Sing For People

今日雖然好多野做……但係都做得好開心~因為一切又回復平時咁樣~加上今日放監~~~喜上加喜~~~~~~~~~~~~~~



平時d blog d相都唔會今影聽日post….通常都順序post….但由於噚日過完香港太high唔post唔得…..係有原因過香港架~因為噚日係Mr.既everyone concert 2-people sing for people第一場~~~~~~

2011年7月1日 星期五

安琪兒(窮小子天堂)

今日成七點三先收工…..真係可憐豬…人都癲….都話7月1日無好野……….成個下晝簡直係正到爆炸……………………………..人山人海黎形容真係最好不過……到最後我今日自己都放棄左~但神奇既係……下個禮拜我又番晏~唔通天主聽到我既禱告???如果係平時知道自己番成三個禮拜晏實唔開心到死…..但係…我依家好開心喎~呵呵呵~我又生猛番~



我地又去食安琪兒喇~貪佢熱辣辣時個停車場直通商場…..唔使曬…..加上係八佰伴消費滿100蚊就免費泊車兩個鐘~


所以我地次次係度兩個人食滿100蚊…..行下街~又消磨左兩個鐘架喇~係窮既時候既最高享受~