2010年6月30日 星期三

我好番開心番喇~

唉…….噚日既我仲係死魚一條……今日已經生猛番lu~~~我噚日仲有d野睇唔開…..經過一日既時間我就諗通左喇~今日有好幾個人行過我身邊….都送個讚俾我…….不過我都明白精人出口笨人出手呢個道理…..我想講我唔係笨人…..我只係將我既真心話講出黎je~你成日以為係你身邊既係真心朋友…..佢地背住你講既說話有幾難聽我相信你都未聽過…….如果我作為一個講真心話既人係笨人……相比起同你稱兄道弟既人……我真係寧願你話我係一個笨人…..我都做唔出好似d人咁虛假既野………係你身邊只會講好聽說話既唔一定係好人…..而我講真心話亦都唔代表我係衰人……如果呢幾日我令到你有唔開心….或者我表達意見既方式錯左….我覺得抱歉有令你不快….但….謹此而己~但你心情唔好都唔代表你可以大聲喝我…..我接受你指正我既錯誤…..我會改……但係明明唔係我錯你就大聲話我我真係接受唔到囉~…..如果有d野辛苦既話就唔好做係岩既…..我相信……好多人都唔使做……覺得辛苦同困難既時候唔係應該選擇諗解決方法??係應該選擇放棄??我無資格話你咁樣做人岩唔岩….至少我到今日仲係未放棄…..因為我相信會變得更好……..我要講就係咁多~唔緊要啦~聽日一定會變得更好!!我相信!!



好開心呀~見到今日既藍天白雲…就變得好心情


我屋企後街風景~望下都覺開心~如果藍天白雲配上壞心情….一d都唔襯囉~真的真的諗通左……唔會為你再唔開心….如果再係咁…就真係好蠢豬:]

2010年6月28日 星期一

黑面恐怖星期一~

helo~恐怖星期一….又黎到lu~照舊…一樣咁多野做….一樣咁多人….我個partner依然係忍屎忍足成個下晏~覺得安慰既係….今日工作幾順利~今日又黑面….不過我係為左番工而番工…唔係為左你番工…..我知有d人好在乎如果你特登唔去同佢講野….佢會苦惱幾日…..不過…我想講…你呢個人同你呢一招…..對我黎講係唔work架~笑下自己開心下啦~個樣已經夠醜樣….再係咁苦瓜乾咁既面口你會好慘架~不過我真係好憎你喝狗咁喝…..你以為你係狗場番工磨~今日有個阿婆好搞笑….我問佢住幾多樓…..佢不停話:我係住係2樓”杯”座……我:杯座???????????你地估唔估到佢話係咩座呀?????個答案係呢篇blog既最後解答你~



好開心呀~上個週末我已經正正式咁番完學喇~~~最最最後一堂~好開心好開心好開心…無人明白我有幾開心….最後一堂presentation實在太順利喇~我發現我實在入岩組…..我地組d人既人緣係幾唔錯~無乜人留難我地狂問我地問題….我仲一條問題都無答過tim~哈哈…..多謝同學仔們………等到7月23號考埋試…..我就正式可以結束大學生涯…..太好喇….回想係呢幾年裏面…..我一d都唔享受做大學生….因為根本就無大學生活既…….日頭番工夜晚番學……我只係想快d畢業~~~~呵呵呵…..好好咁休息下~~~~~盡情去玩~~~~~唔使去旅行都掛住番學d野~~~~~~~太開心喇~功課已經離我好遠好遠咁lu~~~~~~~~~



呵呵…星期六放左學去左司法對面間金壘食葡餐…因為之前有人講過話好食~所以就約左d女仔去喇……不過我覺得個海龍皇湯就麻麻地咁


因為佢裏面有舊好腥既魚呢……………….

2010年6月24日 星期四

我對我公司既感覺

我覺得呢個禮拜既公司簡直係一個煉獄!!!團體….街籌…..多野做到我今日又開始頭痛……連續兩個禮拜都係因為咁而頭痛…食咁多止痛藥都唔知會唔會提早死….好痛好痛……..我今日….叫過我自己….唔好咁快….一路做…一路頭痛….一路想嘔………..但最令我想嘔既係你既惡劣待人態度……..人人都做野攰架啦….完成工作大家嘻嘻哈哈咁又一日…..就算辛苦工作…..都會得到少少安慰……我都唔知我踩親你邊條尾…….你d態度衰到咁…….你攰時我唔攰咩?定係你有特權做得攰或者唔開心時就將脾氣發落我地度????係既話通知聲…..我每日番黎避開唔見你…..你真係有精神病…不過唔該你唔好虐待埋我………其實每一間公司最重要既係人力資源…..但偏偏公司最鐘意將有限既人力資源變成無限…..無諗過人都想去飲杯水…..都想去個廁所……..都想休息三數分鐘(唔係蛇王哥隻….係一個平常人基本既休息需要….並唔係叫俾個食飯時間你…然後三個半鐘要你坐係度喪做哥隻)…..但俾我既感覺我係無呢個權利……高層大可以同我地講話無人唔俾你地休息去廁所去飲水…..但係當你坐係度真係做野既人(我係好認真咁表達如果哥個人真係肯為公司搏殺…..唔係行行企企哥班人)….你見到個籌機d籌遲到咁樣….真係唔會企起身離開個位….更講話休息三數分鐘?簡直痴心妄想!…….係呀佢地好叻咁將d籌既時間預到去俾你岩岩好咁做完一隻…..但你有無諗過…..d人係唔識聽籌架???d人係聽到都唔行入黎架???d人係係你叫個籌去到第三次想飛左佢既時候先入黎架???仲有d人係最鐘意遲到而你地又可以俾佢開番黎做架???(已經用左三分鐘)….d人係鐘意入到黎先搵黎搵去d證件架???(又用左兩分鐘)…d人好興問極都唔知自己想做d咩架???(問到既時候又用左兩分鐘)…..d機又慢(佢可以由三十秒做到既野…變成分半鐘先做到)…..問過又話係咁架喇…無得整架…..咁點解d電腦會由原先既正常…變到好慢???又無解釋架喎…..你d人又慢…d機又慢….d野唔就手….就係要你地快…..我以上講既程序係要四分鐘完成….我真係唔識點去完成….我都唔係要求你工作環境舒適….我只係要你俾一部正常速度既電腦俾我去完成你要求既四分鐘你都提供唔到俾我……咁你都唔好要求我四分鐘完成所有野……我由星期一好有衝勁咁做做做….動力星期二開始減少…到左今日….我坐係度做到好想喊…..我從來都未試過咁…..但係我覺得將人力變大到太誇張…………………頭又痛….認真地講…我真係多野做到想嘔………不過放心…我無妄想過可以請病假….因為派哂籌嘛…….咁我又唔明條數點計….就算我做野幾快快到識飛都好….我都應該無可能得兩個人要做四個人既野囉(其中一個仲唔係熟手…不過佢未係熟手好正常…因為人地係幫手…就算佢識哂我地d野…都暫時未有可能有我地本身d人做得咁快….我係認真講並唔係認緊叻)…………如果你咁都計得掂既話….我佩服你….係咪真係有幾多人黎….一定要屈服?????真係有人坐counter多野做到忍住d屎唔去痾囉……唔好問點解佢會咁戇居….佢唔係戇居….佢同大家一樣….想同大家一齊盡力…..追番d籌…..我今日真係累垮……….係公司得到既係四片必利痛….多謝你….公司!退熱貼我都要自費



之前去旅行d相終於都post哂lu~淨番d立立雜雜既~

有一日去左食Haagen Dazs~好靚既雪糕~好似都係70蚊度~

2010年6月22日 星期二

由柏仔睇到佢變柏佬生日會2010

好恐怖….真係無諗過今日仲多野做過噚日……今日簡直係恐怖…………..d scs同tnr多到呀………..做到流哂汗….噚日仲好有幹勁做野…就算多…..都保持到開朗既心境…..但係今日真係唔掂呀……….差唔多全部首次……….頗為嚇人….做到下晏四點幾時仲做得快到隻左手抽筋……..我諗要帶定按摩膏番公司去先得……………



華…..好耐之前既相喇….成個月之前喇…..之前掛住寫去旅行d野…….仲未post上黎~個主人翁係佢囉~係呢隻狗仔囉~咩事呢??

2010年6月21日 星期一

請勿浪費好天氣 好心情 2

又係呢一句喇….星期一又黎喇…..今日又係另外一個恐怖星期一……..今個禮拜係真係要番學喇…….唔制呀….本來以為上個禮拜已經番完架喇…..點解呀…………………點解我咁蠢呀………………………………………………….



食飽飽燒goo goo同雞奕之後就坐左係燒烤檔度睇下海灘……下晏六點幾…..唔熱…又有少少海風吹下……望下d人游水…….影下相……幾舒服呀~

2010年6月20日 星期日

請勿浪費好天氣 好心情 1

今日父親節喎~爸爸話唔想出街食飯同人逼…於是我買左好多好多日本野食係屋企同爸爸慶祝父親節~食到大家好飽好飽~我同你講…….我噚日真係覺得自己好白痴好白痴………我係度同哂大家講…..番埋今個禮拜學……我就可以脫離我討厭既大學生涯………仲有人係fb度祝賀我…..點知……我噚日番到學校…….見到個同班同學….佢問我:咦…..乜你都要上企業管治既咩???…………………..omg…..我記錯左個番學日期囉………………………………………..原來…我係下一個禮拜先番學呀…………死白痴……等我仲好急咁叫黃皮幫我print d功課出黎…….自己又準備哂presentation d野……..我真係一個大白痴………………………………..同埋好瘀…….搞到我呢個週末係以番學心情迎接(即係準備自己無得訓…..)…..0徒哂……………..



不過都幾開心…..噚日知道自己唔使番學…同左寶寶過路環….食番個悠閒既下午茶~去左安德魯…..叫左個大蝦沙律…不過我覺得麻麻地好食~

2010年6月17日 星期四

搵命博上海世博之旅20100523第四天(陰陰地天)

由於噚日係端午節放左日假既關係…..令我覺得今日係痛苦既星期一…..然而……明天已經係friday喇~~~~~~~~~~~~~~~~~~~~~~我地仲講笑….一個星期….放左星期三….就會覺得中間有個break…..快過好多…..仲話希望每個禮拜放三六日…..四天工作週…..咁就就perfect喇~~~仲唔介意一二四五番多一個鐘~~哈哈….好大諗頭呀我地~



2010-05-23

Day 4(上海—->珠海—->澳門)

最尾一日…..朝早嘈醒班女…..怕佢地之前一晚開心得滯唔知醒~諗住佢地一撻落床就訓左….於是預番d時間俾佢地起身沖涼….點知有兩個女仔話…..原來已經沖左涼…..連自己都唔記得左…..哈哈….好搞笑…..於是我地去左食野先….全部人都無乜胃口….真慘….去左食味千拉麵…..我呢個…難食…好咸呀

2010年6月14日 星期一

搵命博上海世博之旅20100522第三天Part3(落左一個朝早大雨)

又話到左星期一喇…..咁快既…..係咪因為週末過得開心d時間就會快過d???今日好多野做…..不過星期一係我做野最有力量既一日~所以仲頂得住~我好叻呀做左106隻~~~我係咪好叻呢??唔知同今日呢個日子有無關係呢?今日係咩日子??呵呵呵………………………噚日仲去左睇sex and the city2呀~終於睇左喇~好好睇呀~仲睇到佢地咁嘆咁去阿布札比旅行~好羨慕呀~~~~~~~~~~仲見到小肥都係睇哥場tim~



2010-05-22

Day 3—-Part 3(上海)

好難得既第二張大合照~我諗我地都好難有機會撞岩咁大班人一齊去旅行lu~就算撞岩咁大班人…都撞唔岩大家一齊去同一個地方~

2010年6月10日 星期四

搵命博上海世博之旅20100522第三天Part2(落左一個朝早大雨)

今日個天氣都係霉霉地….襯番我霉霉地既心情…….點解個心情霉….唔……因為個天氣霉霉地囉~不過今晚好餸….有阿媽整既西芹炒雞柳……將成件事救番~我以前細個唔鐘意食西芹架…..討厭既程度去到唔鐘意食青椒既程度……自從食過媽媽既西芹炒雞柳之後…..我成個世界既價值觀變哂~連其他地方炒既西芹我都放哂入口~真係奇妙~但願我煮野食既功力遺傳到—-媽媽的中菜….爸爸的西餐……..咁就真係入得廚房&出得廳堂~呵呵呵~(真係發緊夢~)我都話過….識煮野食既女仔….點都著數d既~~~~~~努力學習先~



2010-05-22

Day 3—-Part 2(上海)

接番之前…..我地去完南京路就去田子坊喇……

2010年6月9日 星期三

搵命博上海世博之旅20100522第三天Part1(落左一個朝早大雨)

因為落雨….命運決定左我地三個今日係食麥當勞~但係……我心裏面係好掛住肥仔記架~~~~~~~~~~~朝早去買麥當勞(臭男人請既…多謝~)…..行過天神巷….成個街口好似瀑布咁….d水湧哂落黎……..跟住我就成對腳成對鞋濕Q哂………一對小腿亦濕Q埋~凍冰冰咁開工………..不過因為大雨同埋800伴VIP day…..令到早上人潮減少左好多~但係…好驚…..聽日d人又湧番黎………………….我發現樓上做野真係超唔掂….我地做完係咪仲想我地幫你跟埋??有少少火滾….人地俾左d野你你地自己都要睇下架……仲要我去催你做咩…你班大爺黎架嘛….點敢叫你地做野呀……下晏又有一個係咁…..證明唔係我地問題啦…….唉~



2010-05-22

Day 3—-Part 1(上海)

今日我地都算訓晏左少少先起身….之前哥日去世博我都係兩點幾訓….六點幾起身……今日我都記得係訓到八點幾九點既~今日我地第一個行程就係…….去食南翔小籠包!!!!!呢個係重點節目黎架….比起世博佢係過之而無不及….可見食野先係我最大樂趣~我知呢度有其中一個人同我同一樣諗法既~hehe

2010年6月8日 星期二

搵命博上海世博之旅20100521第二天Part8(陰天及後有少太陽)

今日….攰攰呀….bb攰攰呀…搵人愛下個bb啦~不過都算無驚無險既~做完野仲有兩個字時間可以係canteen食番個紅豆沙~好開心~係小i請既….係佢媽媽整既….原來加左花奶既凍紅豆沙係幾好食架~第一次覺得紅豆沙好食咋!我以前都唔鐘意食既….仲有陳小姐今日請餅餅我食….多謝兩位妹妹~



2010-05-21

Day 2—-Part 8(上海)

開頭朝早行過台灣館….覺得佢外型無咩特別

因為佢要有預約籌入去…又有好多人排隊…所以我地無入….

2010年6月7日 星期一

搵命博上海世博之旅20100521第二天Part7(陰天及後有少太陽)

奪命星期一又黎喇~~~~~~~~~救命呀~~~~~~~~~~~真係真係講到喉嚨都沙埋…….不過講野唔怕無左一粒音咁囉……..唔知同我今日下晏番工之前食左熱浪有無關呢~hehheheheh~~~~今晚好想再食呀~~~~其實我個鼻哥窿已經生左粒超大既暗瘡……不過…..梗係唔理啦~食左先算呀~~~~~~~~~~或者再食多d熱氣野佢就會好番架喇~~~~籌機…仍然係奪命籌機…..



2010-05-21

Day 2—-Part 7(上海)

跟住就要去影下我話一定要去影既—-英國館喇~



2010年6月6日 星期日

搵命博上海世博之旅20100521第二天Part6(陰天及後有少太陽)

今個星期六日都係要番學…..由於佢依家改左首十五分鐘就要點名……頭十五分鐘點唔到就要自己出去校務處點……佢地真係無野搵野黎做………噚日我遲過三個字番去於是我就變左遲到……..以前阿sir係兩點半上堂…四點半先點名架……於是我今日超準時番到去點左個名…….坐左一陣….等佢放break…….就咁走左…..仲好…..我點完名就快d走………..於是我偷左d唔屬於我既悠閒時間…..寫左個blog~一路由學校走番屋企……..感覺多好!!感覺早上的星期日…特別安靜……..人人都優哉悠哉咁………..好悠閒~走在街上…..耳筒裏傳黎我喜愛既歌曲……心情舒服得不得了……….更有一點點外地feel~~唔係話我鐘意外地多過澳門…..只係我認為定時定侯去外國行下…..可以調劑下生活…..番黎更有動力je~既然今日走係澳門街道上面有呢種感覺…..咁咪慳番好多錢囉~不過最衰我星期六係無野做都早訓唔到哥批人…….所以星期日朝早…….係無咁早起到身囉……….其實有時我係counter做做下野……都會感到有外國feel~變態le~噚晚約左妹妹們去左上次食過覺得好食既置地秀蘭小館食上海野……終於食到蜜汁火方….好好味~小籠包又多湯汁(好味過上海)….之後又去左sands飲野….過左好開心既一晚~



2010-05-21

Day 2—-Part 6(上海)

講到去德國館個聲控波…不停咁變色

2010年6月3日 星期四

搵命博上海世博之旅20100521第二天Part5(陰天及後有少太陽)

今日真係好多野做呀………好多好多….多到想死…..乜真係有咁多人咩澳門………..唔知點解……..我依家有時講講下一句野裏面…..會有其中一隻字個喉嚨發唔到音出黎………只要一大聲少少講…..每一句真係總有一粒字會無左一粒音….講野一甩一咳……唔係有病架可???不過一大聲講野個喉嚨就會有d唔舒服……但又唔係喉嚨痛喎…………..我都唔想成日咁大聲講野….鬼咩…我地哥度日日d人都嘈到拆天…..人又蠢…..講成四…五次先明……唉~



2010-05-21

Day 2—-Part 5(上海)

繼續德國館之旅..上回講到公園…行到公園尾聲..見到

好靚呀……………………………………..

2010年6月2日 星期三

搵命博上海世博之旅20100521第二天Part4(陰天及後有少太陽)

哈哈~噚晚好開心去左neway玩~好鐘意去neway既原因係有得玩又有得食….滿足我放工之後既需求~不過我發現佢依家越黎越少野食….真係衰呀……….所以又懶左一日無寫blog~依家補番~今日做野d野多到………..我望住哥6條line…..只可以做既係……喪做……..水又唔多飲….同d客講野講到聲都沙哂……話實在我都唔知點解把聲沙得咁難聽…..仲俾人話我似變左性既女人………..以~~~~~~~~~~~~學隔離哥邊既同事話齋:睇住你地哥3個籌機真係好恐怖…..好似睇住d股市咁…………..無錯…..我都覺得好恐怖…..當你見到3個籌機都遲籌既時候……你會感到好頹喪……….就好似今日咁………………..我有時真心希望…..3個籌機會合埋好似以前咁….得番一個………起碼遲籌….我都係追一個籌機既籌je~



2010-05-21

Day 2—-Part 4(上海)

最後我地鼓起勇氣…再排隊…原因係因為方健儀有影過德國館有好多野玩…

今次排得好開心~因為個多小時就見到個入口喇~不過都係俾個阿婆插我地隊…佢裏面一共有十三個展區….唔似得沙特阿拉伯館咁樣淨係得個3D睇