2008年11月30日 星期日

美國之旅2008---Part 1

哎呀呀…….依家已經係星期日既晚上喇…..真係唔捨得呀…..又要等多一個禮拜喇……噚日去左毛寶屋企同露仙佢地打麻雀……其實我都好驚呀…..因為我覺得打得幾大….好彩我噚日有少少手風先至唔駛輸錢咋…..仲win左340蚊呀…..好叻叻呀……今日呢食完中午飯就去左睇下半da份生日禮物喇…..不過應該唔係太難買je小朋友……..一路行又一路不停食野….不過最開心係…..好e走左喇!!!!!!!



好喇好喇…..萬眾期待既美國之旅黎喇….不過呢今次就無上次去日本影得咁多相….不過都有d相可以同大家分享下咁啦….好啦….睇下先



呢d花碌碌既美金係我出發之前影既….因為去完之後應該就會無哂啦……所以要影定先哈哈

2008年11月29日 星期六

搞怪眼鏡

噚日係星期五……..依家係星期六早上十時十九分……平時既我係絕對唔會咁早起身……….但因為好e又回來了…六點幾又嘈醒我一次….九點幾去完晨運又嘈醒我一次……仲要九點幾開始打麻雀呀…….死得未呀……好辛苦先等到既星期六….真係就咁就俾佢搞亂喇……….又要等下個禮拜六喇………..依家我都係偷偷地襯佢地打麻雀時先至有得上下網咋…..都唔知邊個係屋主………..



華……..噚日下晏多野做到呀…….尿都唔得閒去痾一篤……救命…..不過好彩放左工之後都有得行下街……..首先同小貞毛寶做左樣令我地下下個禮拜會好開心既野(暫時秘密哈哈)…..跟住睇左陣衫仔………..就行左去宏達陪小貞睇下佢d簿仔喇…..睇睇下又有新發現喇我地…………又有新既眼鏡玩喇…..我地一見到就係裏面不停笑不停偷偷影相……..又睇下邊個影得最好………邊個最襯呢個搞笑眼鏡….分唔分到邊個打邊個????人物有我…毛寶…小貞



第一個…..華….我想死呀…好襯佢呀




第二個………..唔…女裝眼鏡都幾襯佢呀




第三個……是否太好笑???兩張都影得咁震既???


由於個眼鏡同我地太襯….於是我地就決定買左佢黎進行下下個禮拜的活動!!!



仲有呀………….萬眾期待”吟遊詩人皮陀故事集”下個星期四推出喇……..我又一次可以親近阿波喇!!!!!!!!!!!!!!!唔知有d咩關於阿波呢?




美國之旅……努力中

2008年11月25日 星期二

我以後都唔敢喇....(公喜mandy大婚之喜)

小t我番黎喇……….星期日朝早十一點幾係美國番左黎喇………..好多謝毛寶黎臭我番屋企……還架著車黎接我呢…..第一次坐佢車感覺非常良好…….(其實又唔算係第一次既……正確黎講第一次係上年細鴨生日時用人地架車車哂我地鴨妹去燒烤哥次……..唔知你記唔記得)……..如果你唔黎臭我我諗我都幾狼狽…剛岩落機又係屋企扮鬼扮馬逼人幫我影相喇……..但係對眼太衰所以遮住先…….呢頂係我係迪士尼買既高飛帽……..超鐘意……仲買左頂俾阿寶帶…母子裝

2008年11月13日 星期四

暫別blog界

今日我就要踏上我既旅途喇!!!今次既第一次個人出門真係一個新挑戰呢………..不過可能過到去挑戰會更多!!!!!或者有更多既第一次…….但係臨出門口我都要係度講一講野!!!我真係無聊呢……….不過可恨今次沒有你伴我同行呀……..仲有邊個呀????咪你囉…..我淨係send過msg叫你睇我個blog之嘛!!!會好掛住你呢!!!



陪伴我走過呢個旅程仲有呢樣…..不過未決定帶邊本




當然仲有佢啦…阿寶已經著哂冬天衫去美國喇…我都準備好!




我要十日之後先再同大家見面喇….希望大家唔好太掛住我掛到係張床度喊啦….(嘔)

日本瘋狂之旅20081006---第十天(竟然落大雨呢~)

寫到最後一日喇…..即係第十日….一早起身….我地要搭十一點機….所以今日係無行程喇………..等左大半年….終於要完喇…………可能係日本太過唔捨得我地….連個天都喊呀(嘔)….不過今次我地完全唔使係室外搭車…個巴士站就係我地酒店樓下咋…..咁爽都係第一次咋……好彩去大阪每一日都係咁好天咋……….如果唔係我對大阪既印象可能會差少少啦



這天在機場買的唯一手信…拉面一大盒!

日本瘋狂之旅20081004---第九天(都係晴天)

今日起身都好地地……一番到工又係咁……一去到十四號窗就開始頭重重咁……………不過好彩最後都無事…..可唔可以唔好成日都頭痛呀…真係對我造成好大困擾呀!!!今日係去旅行之前的最後一個工作日…..唔……好似好懶呀…..成日都行黎行去咁……睇下呢個人又睇下哥個人…….雖然只係去十日….但我都有唔捨得d同事仔haha…..



噢….我既日本之旅就黎去到尾昇lu~其實自己寫番出黎既時候都覺得好開心……..所以如果下次有機會去旅行都會咁樣繼續寫…..希望好耐好耐之後自己睇番都可以回味….



呢日係第九日喇……今日既目的地係神戶…..之前都對佢有d期望既………….佢同大阪既車程都幾近….不過由於我地訓著左所以過左一個站!!去到哥度我地就搭哥d觀光巴士…..遊下神戶既景點咁…….去左一個叫咩北野異人館(唔記得係咪叫呢個名呀)…….本來都諗住入去玩下…點知佢係逐個逐個館收錢….由於我地覺得太貴…..所以就無入到去lu..只係係外面影相……呢個就叫做風見雞之館…但我唔係咁清楚佢係乜囉


2008年11月12日 星期三

日本瘋狂之旅20081003---第8天part3(天朗氣清)

一天post三次…….我真係好得閒…..但係我仲未執gip呀….救命…….食左粒藥依家先好少少無咁頭痛



我地係京都仲有參觀另一個神社……入到去當然第一時間係衝入去買我最鐘意既符啦……仲要係xx符tim呀


日本瘋狂之旅20081003---第8天part2(天朗氣清)

好了……到了part2喇!!!!!!!!我地行番落黎諗住走既時候俾我地發現呢間食甜品既鋪頭呀!!!!雖然我唔係咁鐘意食甜品……不過如果夏天係度食冰都幾有風味呀~


日本瘋狂之旅20081003---第8天part1(天朗氣清)

救命呀!!!!!!個頭今日又爆痛喇…………坐下坐下仲覺得自己有少少發燒呀………….希望我唔會有事啦……….我唔想被拒入境呀……….點解我成日都要頭痛呀????



已經講到第八日既行程喇….今日既行程係京都……又唔知清晨幾點起身lu…好似係五點幾呀救命…仲早過番工……..一出到黎搭JR個天都好似未光咁呀……..見到火紅色摩天輪呀



搭左八個字車…終於黎到左京都喇……呢朝早既天氣係…..好凍好凍好凍呀…………….早餐就梗係….飯團兩個啦

2008年11月10日 星期一

日本瘋狂之旅20081002---第七天part3(大大大晴呀哈哈哈)

終於都做完ok sir份功課喇……..我地仲好勇敢咁第一個出去做presentation……好叻呀我地!!!不論個分數係幾多分…..個重點係…….已經做完…….唔…..明天會開審判大會喇…..等我食好d先…..第一日坐14號窗……..自我感覺良好…..但係我唔相信我仍然不敵臭男人囉………….慘….不過今日既新坐法都幾新鮮…..我與小貞…..見面十次…..一個鐘內…haha



我地去universal studio好似玩左四個game度咋喎…..有shrek 4D…..E.T adventure…….back to the future….spider man………都唔夠上次去迪士尼玩得咁多…可能我地無俾錢買哥d express卦……而迪士尼就有free fast pass攞………唉….又係要錢既…….不過黃昏時都幾靚既


2008年11月9日 星期日

日本瘋狂之旅20081002---第七天part2(大大大晴呀哈哈哈)

噢………雖則今日係星期日呀……….但係真係好難捱…….今日朝早完全唔知醒…….因為我原來完全無較鬧鐘囉………唔知想點………..直至sasa打電話黎同我講話我地下一組就要做presentation……我先如夢初醒咋….即刻彈起身….番到去…..好彩有佢地頂住……….d ee狂問我地問題…..超衰d人…..好彩有d好勁既人擋住咋…….點知出去點番名時趷腳佬又諸多留難我…….又話遲多過一個鐘學校要當absent呀…乜乜物物呀….我第一次求趷腳佬咋………如果一年之前我係絕對唔會求佢………..仲會串佢….求佢既原因係………因為再當我缺席我就會唔夠出席率喇…….haha……又以為又過一關….點知佢下晏秋後算帳…….話我地有一堂無番……無交一堂堂課要我地交番…明明d堂課一組組做…..佢地又寫埋我地個名…..有乜理由唔計我地呀……….佢話你哥堂無番就當我無做…..食屎啦…..我地哥組有個人成份功課都無掂過啦…..人地仲無番過學做presentation呀……咁佢又有無分呀…..佢真係靠害……由於今日太過當黑喇…………..所以今晚要食番好少少啦…..得我一個人食…..孤獨既天秤座當然就係買番屋企食啦…..仲唔熱氣既唔食……..一包鹽酥雞…一個牛肉薄餅包…一杯最愛的comebuy蜂蜜蘆薈…………食飽d呀要…因為天氣真係好凍喇!!!!!!!!!!!!!!



又黎日本之旅喇……..繼續係有我地既universal studio呀~~哥日太陽好到呢…全日維持係高溫水平…..因為東京好多日都係陰天……..所以都曾經擔心過去玩樂園時落雨就無癮啦……….好彩咋………如果唔係我哥日就無咁風騷喇….好難得阿寶出黎影相喇………..上次阿寶去唔到迪士尼今次去番呢個新地方補數啦!!!!!!!!!!!!仲有難得的一家人合照呀~


觀"相"大會

今日真係好驚嚇呢………..放左學之後同左毛寶一齊食蟹…….但食完無耐佢塊面就開始變紅……….鼻周圍仲突然凸起硬哂…..嚇死我喇……………所以就拿拿臨同左佢去睇急診………..毛寶仲話頭先以為自己個鼻會硬到甩呀…..上到山頂仲以為好快….點知超多急症…..好似好多人痾痾嘔嘔咁….我仲同毛寶估佢地都唔知係咪係同一間鋪頭食完先出事…..仲有一個坐係輪椅度佢阿媽好嬲話無醫生理佢個女…..仲話佢個女出去食完野番黎之後就係咁…隻眼圈仲黑哂咁話……跟住又有另外一個阿e傾住電話行入黎….個謎團終於都解開喇….聽到個阿e講話:係啦,岩岩去完美食節就搞成咁喇…….華……今年我係度奉勸大家及各姊妹都係唔好去美食節好d喇….真係有好多急症都係痾痾嘔嘔架博唔過呀!!!!等左好耐先到毛寶….我仲攞個iPod出黎聽下…點知我連一首歌都未聽完佢就睇完喇….真係吹脹…..所以搞到呢個時間先寫blog囉……………



星期五晚會完marco之後…..食完泰國野就同左鴨妹們去crown飲野喇……..今次既主題係觀”相”大會….係睇番小貞之前去澳洲d相………….佢就好啦……..可以去玩咁多日…..又可以見到佢既最愛的澳洲掟….滿足左多個願望呀!!!!!!!!!見到d咁靚既相….我都要努力d先呀!!!我希望之後都有機會影到d咁靚既相啦!!………..飲野哥時既氣氛都幾好丫…..希望快d有多d聚會聯誼下啦……….最緊要係可以玩下新識既遊戲—->鬥地主…好娘屎…….依家先識識地…………多謝男人教識我們這班傻傻的人喇!!玩完個遊戲之後我覺得我都幾聰明喎哈哈

2008年11月6日 星期四

日本瘋狂之旅20081002---第七天part1(大大大晴呀哈哈哈)

哎呀………今日……也蠻享受和同事們相處的感覺……加上小貞歸隊嘛……….好鐘意對住佢微笑既感覺…..因為佢都會對住我俾番個溫暖既微笑我……….哈哈……最衰今日有人參觀….搞到我遲左收工……實屬我今日美中不足的地方……….算啦……又和媽媽在家對飲…….我覺得我地真係好癲………兩個人搞掂一支花雕大支裝…………好開心……..飲完之後……….原來我發現我還是會想起你………………..食完之後…..我地仲食左呢個甜品………..噚日細鴨請過我食…….覺得好好食再買番去同媽媽一齊食囉……….法式燉蛋….不過幾貴架



講左4parts都係大阪……….終於可以講到第七日既行程喇……就係去左環球片場喇~~去之前我好興奮…..因為我之前從來都未去過日本既環球片場…………….不過……..我發現佢連同d景物影相都係要俾錢囉….超姑寒呀!!!!!!!!!!!!!!!!!!!!!!!!!不過值得開心既係…………….哥日超級天朗氣清呀!!!

2008年11月5日 星期三

日本瘋狂之旅20081001---第六天part4(初時有雲及後大晴)

今日…..今日……陰天囉…..今日….朝早食左個杯烏冬囉…以為佢係撈烏冬…點知佢係湯烏冬….超鹹…真係蠢…..今日….今日…小貞休假後首個工作天囉…..食左佢好多手信囉….今日….今日…下晏俾人打我個頭囉…..超嬲……..今日今日…..無咩事發生既就係今日囉



噢…你睇下行程緊密到要講到去part4呀…..食完章魚燒之後我地就行下行下…..見到有一間賣懷舊糖果既…見番好多以前細個食既零食呀……感覺超有親切感


2008年11月4日 星期二

小貞的澳洲手信

好開心呀…..今日係番學之前見到小貞…..好耐無見佢喇…..睇到佢去旅行d相玩得咁開心就好羨慕喇……….好多謝小貞給我的手信呀~好鐘意本袋鼠仔相簿…..哈哈不過送牙膏又幾特別架喎!!!!!!!




小貞一抽就抽到我最鐘意既小魚仙扭蛋…..好叻呀




我好喜歡企鵝小寶貝…………雖然我無鉛筆刨…………………但見到佢地兩個係裏面浮下浮下個樣我就好開心喇……………………




噢….點解日本既環球片埸無哈利阿波賣既???????好靚仔呀佢

2008年11月3日 星期一

日本瘋狂之旅20081001---第六天part3(初時有雲及後大晴)

今日下晏真係好正呀……….得哥四個人做野……真係神仙難救…………今日歷史性有八個人同一時間屈係我個小小counter裏面(我個counter係最小既)……..不過好彩都可以有少少準時收工……..好開心今日小貞番黎喇!!!!今日番學測ok sir哥科…………..可以話係毫無預備地行入去………..噢…..好彩有毛寶的友情協助囉………..如果唔係我都過唔到呢個難關



續上回既第六日行程………..同完固力果男人影完相之後….我地就去左道頓堀極樂商店街……….佢係有樓高三層….但係裏面係模仿日本舊時古代d商店呀咁….

2008年11月2日 星期日

與食有緣

過左一個好飽的週末……..星期五放左工之後……番屋企行黎行去左一陣之後…………就出發去左同毛寶去觀光塔一間叫riverwalk既意大利餐廳試新野………佢個環境都幾好….望出去就係澳氹大橋….本來想坐出去望下海景…但係實在太熱喇所以都係坐左係裏面啦….佢個樣好似好高級咁..諗住佢d野價錢又唔貴d野應該大極都有限……..仲叫左三樣野食………..點知…