香港迪迪尼樂園之旅2008---Part 6(完結篇)

唔….今日做d野全部都係麻煩野黎既…..係真係好麻煩….搞成大半個鐘頭哥隻…….搞到我今日既銷售量大幅下降…..我諗我都係要打定輸數喇…….要儲定錢請哥個”佛地魔”食自助餐呢….我知願賭服輸既道理….但心裏面很不爽呢..哈哈…夜晚去左同全家人一齊打邊爐…..妹子聽日就走喇….真係唔捨得呢…..哎呀….我好開心聽日番半日工咋!!



依…..就黎到09年喇喎…..趁呢個時候回顧下今年先….2008年….上半年我都覺得無乜野既….只係不停咁期待去日本呀去美國呀咁囉……下半年….有一段時間比較上黑暗呢….遇上我認為好可惡既人(依家覺得…哈哈)……哥段時間好難捱….好彩有一班朋友們既幫助同我同渡時艱!!!!雖然2008年對我黎講唔係咁好…又多事發生….不過我唔想跳過呢一年….因為有經歷個人先會成長嘛…….依家我又好番喇…又係一條好漢啦!!!!!希望我同我屋企人…仲有我所有識既朋友仔…係2009年新一年….都會開開心心啦…仲有身體健康喎..咁就個個都乖乖呢~



好喇…又黎到迪迪尼之旅喇……上回講到美國小鎮大街有飄雪事件……雖然明知係假既……..哥日仲好熱tim…..但對於唔會落雪既香港澳門黎講…..都好過無啦…你睇下毛寶攤開手好似行緊神蹟咁呀…….

香港迪迪尼樂園之旅2008---Part 5

噢……..要數今日最大既事……….呀………我攞左專科學位既畢業證書喇…咁即係話我再去interview既話就唔使再攞住張牛龜咁大既中學畢業證書行黎行去喇…..除左呢個優勢之外….都無咩特啦!!!!過多一年度攞埋張野雞學校的學士學位畢業證書咁就可以功得完滿喇…..衷心期待呢一日!!!



我真係估唔到今日公司可以有咁多人….聽講話係噚日有香港報紙登完篇報導之後先有咁多香港人黎…….真係比起廿六號的香港公眾假期還要多人呢!!!!今日真係唔易過呀……….今日小貞貞好慘呢….我聽日要伸出幸運手手救佢先得!!



迪迪尼之旅…開動!!之前入場既時候……係入口每人都會派一個好似睇3-D電影咁既眼鏡……仲以為睇咩既tim…..原來係入夜後…..你用佢黎望住d燈……d燈會變哂做雪人呀!!!好得意好得意呀……..我曾經以為…..係d燈出古惑…..經佢地講一講…哈哈….原來係個眼鏡….之後用個眼鏡黎睇煙花…..會靚到不得了…….d煙花變哂雪人咁跑出黎…..超級超級的靚!!!好可愛

香港迪迪尼樂園之旅2008---Part 4

我實在太對唔住我既粉絲們喇…….由於呢排太多節日要過既關係………停得實在太耐喇………講番呢幾日做過d咩先呀……



12月24日….我係凌晨時份流左一滴眼淚…….原因係…….因為我夜晚食得太飽……….訓係張床度個胃不停反下反下…….唔上唔落…….愈訓愈凍…..朝早又出左身冷汗….攞命…..第朝同左毛寶去食九記都無哂胃口…..之後再約埋小貞去毛寶屋企睇左保持通話…..套戲幾好笑喎…….睇完之後就去左食李家韓式燒烤….正!再會合其他鴨妹一齊去左vogue度唱k迎聖誕….玩左成晚…..兩杯都飲唔到……我真係好乖



12月25日…..點幾起身後約埋毛寶一齊去買聖誕節的交換禮物…..買左好耐…..之後再一齊去pokka cafe食野慶祝聖誕節…..我估係個胃未好番既關係….連一個拉面都食唔哂….雖然餐飯唔係咁好味….不過有個好朋友同我一齊過就覺得好開心喇……



12月26日……一個字….做!呢日做左97隻……番完工之後去左四季酒店食自助餐同埋交換禮物……詳細情形及相片都係等完左迪迪尼之旅後補…….



12月27日…..即係噚日…..阿家係澳門補擺喜酒….個個都著得好勁….得我一個好似食大排檔咁!!飲完又同左表姐表妹們唱k….已經係呢個禮拜第三次….唔可以再係咁喇…..好彩其實我地都係唱歌既多….同埋….食野囉….哈哈…就算係咁都唔可以成日咁夜訓啦!!!!



好喇我地大家又將個視線黎番迪迪尼呢度先……我地係咪好靚女呀?三個你想娶邊個靚女???

香港迪迪尼樂園之旅2008---Part 3

我實在偷左好多日懶喇……….等我寫番我呢三日做過d咩先…..



星期六…….好開心呢……….同左杯杯…小蘭…毛寶一齊去左香港行街街呀!!!不過就無乜野買到…..我指係著上身哥d…..只係買左件褸……我都唔知佢算唔算係一件褸….佢地話好型仔…..個問題係….我唔型仔嘛…..我驚著到件衫唔型之餘….我都變埋娘人囉哈哈….最開心同欣杯食左好多冷撈呢..



星期日喇…..由於我地搭成點鐘船番黎…..所以成三點幾先訓落床………..噢…一訓就係第二朝既兩點喇……起身食左好多野呀…….又牛肉粉絲….又一大堆魚蛋香腸……搞到我做冬乜都食唔落……..好彩哥度d野都唔係話太好食呢……唔係就蝕哂呢!!!!!之後又到第二場….阿paul哥邊打邊爐…..都食左少少野哈哈……再下一場就係同左阿kiss…妹子同埋成日話我係哨牙婆既kate去唱k……又係哥間好cheap既energy想死…..不過阿kiss同妹子好早就走左喇…….因為阿kiss搭第二朝既飛機走喇…..之後又有小貞加入…..又有kate d朋友仔sandra同lucia(唔知係咪咁串)……….之後又同左小貞傾左好耐…舒服左好多………..多謝你令我大徹大悟…….同埋俾我知道左原來阿杯知道我上個禮拜日流連街中行黎行去既事…..搞到佢好擔心我到成三點幾先訓得著…….而我本人呢…..仲早過佢訓左喇………….令到我d朋友仔咁擔心我….真抱歉呢!!!!不過我現在重新做人喇…..所以大家都唔使擔心我喇…..我保證…..因為我已經夠哂幸福囉…..



星期一補假……由於太夜訓既關係所以我訓到成兩點半先至醒左一醒…..叫媽媽買d野我食….叫完之後我又訓左……三點幾……sasa叫左我起身睇娛樂直播既章魚成….好彩佢有叫我睇咋…..錯過左就真係太唔抵喇……四點度我飯都未食又行番入房訓喇………..訓到成六點七媽媽先行入黎叫我起身食夜晚飯………….成日食得一餐仲要食得超少…..我都唔知訓左幾多個鐘……食飽飯玩左一陣…………又行番上張床度喇



哈哈…..今日公司好多人呀…….我又覺得自己好臭喎……個頭又立喎……….今日仲多人到要開ot呢…………..不過又唔怕話太攰呢……都有98隻………..不過要成八點半先收工呀!!!!



hohoho……又到左我的迪迪尼喇~~~唔知之前有d相upload唔到….咁就upload番啦….仲有呢張我同城堡近距離合照…….

香港迪迪尼樂園之旅2008---Part 2

今天的心情大好喇~可能今日係friday既關係啦……特別有feel……由於某d原因我成個下晏都係房仔做團體……令到有d人同我講野時聲音有酸溜溜既感覺呢!!!!!今日有成114份….無破個人紀錄…..但都覺得自己好叻….好可惜都只係多”那個不能說出名字的人”十五份……..有d失望呢…我要俾多d心機tim呢…..趁佢唔番工博老命做先!!!好開心好開心呀……聽日就去香港喇….我要買買買….補番之前出糧無買既….變態呢…….今日已經買左成千蚊的biotherm…….算啦…..都係必須品嘛……….係呀….希望教主不要不開心了…要堅強d呀!!!!



迪迪尼時間…..香港的迪迪尼真的跟美國的一樣呢….聖誕樹在同一個位置…連轉身望過去的建築物又一模一樣…好驚

香港迪迪尼樂園之旅2008---Part 1

今日我工作方面……完全飛唔起…….我決定聽日就會用一百二度力水去追番我今日失去既………今日除左工作方面覺得用唔到力之外……….情緒都唔見得好好…….我知我知發生咩事……..但唔想去面對….俾多一兩日我就會做番個有用既人架喇…..番到屋呆左陣心情先好番d咋……….好開心…..星期六可以去香港玩都算係今個禮拜既好消息……….不過依家乜假都抽唔到……搞到我都唔知點plan出年d旅行好……無哂目標咁(講到我既目標淨係得玩….其實我都好想快d畢業既…唔知算唔算係目標)……



好喇好喇….到左令人熱血”費騰”既香港迪迪尼樂園之旅喇….我真係無諗過會咁好咁好玩架…..只有玩樂同盲目做野先會令人忘記d唔開心既野…..所以有得玩既時候我係出盡力咁去玩…..我記得哥日都幾早起身……約左搭九點鐘船…..我地今次係買左d平船飛……不過要係金光飛航度上船……哥日有兩個人好辛苦呢…….第一個就係毛寶囉….佢要好早去買飛同埋等左超耐先有….好慘……第二個就係小貞陳…..因為去到咁遠搭所以要佢駕車去呢…..辛苦哂你地……..講到好似好多人去….其實就係得我地三個呢!!!!!不過隻船超級拋……..想死呀…..上左岸之後我地就即刻去左衝去搭地鐵去迪迪尼…..都幾貴喎…..要成廿幾蚊單程……轉左次車去到欣澳之後…..要再轉車去迪迪尼呢!!!!!係欣澳站我就開始留倩影喇……由呢張相展開左我呢日既攝影之旅……..影呢張相既原因係之前睇過有過朋友影過呢張相所以我就模仿佢囉..哈哈…唔知佢睇唔睇到呢?(留意：去美國迪迪尼我都係著呢件間條衫)….試下每次去唔同既迪迪尼都著呢件衫先