2015年6月18日 星期四

貞公子生日會2015@風味居

我都話有d野會小氣架啦............我今日遇到我呢11年以黎最痴線最瘋癲既一個人......其實無咩可以透露....只可以講佢玩左我全日.......令我既hp值好似我個電話d電咁可以由仲有50%一秒間跌到1%.....任你EQ幾高都頂佢唔順......我覺得我會有陰影....好x恐怖.......以後唔想再見到呢個人..........我只想順利的過埋明天的工作日...算我求你啦~~~~求求你!



好野~貞公子生日趴喇講到~~今次揀左星際酒店5樓的風味居..係食川菜的.....電話:8290 8668...網址......都幾多人食~最好訂位~~............其實食飯之前笑左貞好耐....話說舊年凱生日時係公子谷度討論緊要食咩...點知貞提議食"荷里活"........(我諗係澳門人都知邊間荷里活卦...舊式扒房)....點知公子反應激烈...不停話貞....眾公子:你生日就去食荷里活啦..唔好講...........所以哥3個月我地都不停話貞生日去食荷里活...講到連佢自己都信以為真打定輸數....直到到達星際佢先知我地呃佢

講明呀...唔係話荷里活唔好食呀.....係個意思係:閒日會去食...咁使咩生日特登諗去哥度食?!?!?!......我地好衰....整蠱貞~

2015年6月17日 星期三

東講講西講講2015年2月

前世今日應該做左d好事~~~~~~今日既工作....hehehehehehe~我唔講~~驚小氣~~~今日麥公子通報哈緊大出左新味呀!!!!!!!!係奶茶味!!!!我好想試呀~~~~哈緊大我最鐘意食既味係開心果...綠茶...新加入牛奶......我真係好想試埋奶茶味~~~頭先放工經過7-11見到佢有~~即衝入去睇~~~有喎!!!但係最細size...賣$29.9....華...................於是..我就忍口了........................................



應該係新年之前~公子又上左麥公子開個大食會~yoho~上麥公子家最開心~~~~~~

2015年6月16日 星期二

一鍋風

wow~wow~~雖然今日下午好多樣麻煩野一齊黎~但我還是下班了~~繁忙的工作日~無咩好提及~淨係有兩個老人家一入黎就大叫:你好呀靚仔~~~~~~然後我也回應:你好呀~不過我係靚女呀~.....算有些特別事嗎~~~~~~~



今日到講前排引起某兩個澳門FB美食團爆發網友罵戰的一鍋風~(有很多人表示睇d罵戰留言剝到成地花生殼)...地址:澳門哪咤巷14及16號昌華苑地下B座...電話:2835 5478.....我地第一次去哥時還在試業中~連招牌塊紅紙都未搣~d座位你係圖中一眼見哂....就得你所望到既地方咁多~大約得14個位~想食既話就最好要訂位了~

2015年6月15日 星期一

后座咖啡Queen

今個星期一真係....真係好多野做.....有時做好自己唔夠架...因為會成時就會有外來因素令你心情變差..........哈哈~我星期六都無做過d咩~~~淨係記得自己訓到點半~~~好耐無訓到咁晏~~~~無人約~呢d叫頹訓~頹到5點幾先出到門口~~~~~~~~星期日就節目比較豐富~~中午去左食天政(我都唔想食多次架~~因為上次有d優惠劵嘛~加上有d朋友未食過所以"陪"佢地食囉~加上出左夏季餐牌嘛~)...仲有去睇左侏羅紀世界(Jurassic World)...基本上佢影評係點我都會去睇~因為那是我的童年回憶~其實都幾好睇~因為佢個Jurassic World d設施新左呀~令人好有新鮮感呀~



wow....上一篇先話唔好去咁多cafe....今日又去....今次去係見到有朋友的instagram上傳既一樣野食吸引我而去的~呢間叫后座咖啡Queen.....地址:澳門公局市場巷34號興昌大廈地下A座....電話:6636 9617....其實個地點就係雀仔園間富仕葡餐條巷行入去就係~




2015年6月11日 星期四

Lemon Lemon Cafe

今日一起身....又以為今日係星期五~~頂~~~點解星期四會咁似星期五既?????之前我刷牙...牙膏係用高xx...點知前排賣報紙又話有致癌物質(呢個世界真係刷個牙都會死...).....所以轉左做咩咩b哥隻......我開左直接刷...無望係咩系列(因為我媽買).....點知一刷.....wow......隻味我從來未係任何牙膏試過既......望下支牙膏....係"清"檸薄荷味......但係其實我成個口都係香茅味.....野~~~好正呀~~~晨早好似飲緊香芽特飲咁~~~~~~你地都黎試下~~~~~(牙膏我都可以講一餐....)



前排去試左呢間有朋友說不錯的cafe.....叫Lemon Lemon Cafe...地址:家辣堂街5號德新大廈地下H座.....電話:2837 1317.....對呢條巷我以前係相當熟悉...因為....呢條巷係我中學附近...以前早餐有好好味的油麵買!!!!相信同我讀同一中學的人一定會知~~~~~~~~(而且我地形容呢條巷會叫:油麵條巷....或者秋霖條巷<--秋霖係我地哥個年代紅極一時的補習社).....招牌完全係英國的underground模樣呢~店主一係好鐘意英國...一係就係英國番黎(估咋)
外表就100分喇

2015年6月10日 星期三

快宅Quick House

噚晚約左Diana食飯嘛~又懶左一日~去試左間小炒~又幾好味喎~下次約七公子一齊去挑戰下先~仲要Diana個細佬整左熏蛋邀請我上佢地屋企食....實在係太客氣了~~~~~~~而且熏蛋的味道...好!好!食!!!!!!!!!!!!!謝謝你們的好客~仲有多謝你d手信呢~~~~~~~~~~~~~~~~今日遇到兩個好麻煩既客....真係前世好似欠左佢咁....好心收埋自己d脾氣係屋企啦........自己唔帶齊野又要發難...仲要以為自己高人一等.....真係頂佢唔順~



今日想介紹一間又好食又抵食既餐廳~叫快宅Quick House...地址:澳門龍嵩正街57-A(馬鴻記隔離幾個鋪位)...電話:6380 1028...每一次行可哥條龍嵩街既斜路都行到我扯哂蝦~~~~~~

2015年6月8日 星期一

朗公子生日會2015@泰皇宮

今日...無咩特別~順利的渡過了一個工作天~~~由於上個禮拜已經plan好個行程~所以周末都在行Google Map....讓眼睛比雙腳更早出發~應該差不多準備好了~好期待呀~~~~我要食好多野呀~~~~~~~~~~~~~仲有呢個禮拜我去睇左"加州大地震"(San Andreas).....劇情雖然一早就估到...邊d人會死...邊d人會生存~但係就係差唔多兩個鐘都無停過幾緊張~~~$70都算睇得開開心心~(其實我咁就夠架喇~).....但重點係...我番屋企睇時....發現演員名單上有Kylie Minogue喎.................佢係幾時出現過?????????毛寶說:佢係咪The Rock個前妻個現任男友個家姐呀?(wow~毛寶你好勁呀~)



好喇好喇~講到公子今年第一個生日會喇~~就係我地既朗公子喇~~~~~生日飯地點係泰皇宮~~~~(就係哥間令公子叫左18樣野食既地方~~~~~~)...地址:澳門新馬路十月初五街(唔知幾多號鋪....佢fb都無寫...總之係舊金碧向16蒲方向行後一條街就係)..........電話:6688 7479...佢以前個鋪位好似係隔離的....裝修好舊....但依家搬前左幾個鋪位~大d又光猛d~~~~~~(事實上今日出呢篇blog...我地上個禮拜五都有再去食過~~~)




2015年6月4日 星期四

帶你參觀Simpsons大宅~

攰攰~攰攰~好攰攰~不過呢~~唔經唔覺~咁又聽日到星五喇~~~真係好想快d到聽日既6點呢~~~~聽晚約左公子飯聚~~好緊張~~~又要血吃了~~~~~~~~~~~~~(但荷包還是吉吉如也~)



wow~仲記唔記得毛寶舊年收到公子呢樣生日禮物呢~

2015年6月3日 星期三

孖八-二零一五年一月

今日唔知點解我持續係低氣壓中(即係有d唔開心)....中午去銀行整番張卡.....佢開頭同我講話兩個禮拜有多先有得攞番.....經過我極力爭取下......最快下周五攞(其實都唔知係咪真係有得攞番..).....唉~繼續無錢~(其實係部機食左我張卡要我兩個禮拜先有新卡攞實在講唔過去).....我有少少想轉銀行



好耐無見~~~~~我孖八又出黎喇~~~~~你個樣唔好咁啦!!!!!我又以為你好乖架喇!!!!!!!!好鬼精靈~~~~

2015年6月2日 星期二

公子新加坡喪吃自由行之旅2015-04-07第五天(天晴)

今日認真黑氣熏天........放工諗住去提款...點知俾銀行食左我張卡......................................最正係....企我後面哥個阿叔大聲叫壤:華....如果我先你一步禁機既話食卡哥個咪我?!好彩咋...........................聽完之後我又要講番我句金句:如果不能改變環境...就請改變你的心情............(假架....我依家心情好差呀!!!!!!!聽完阿叔講仲想爆粗添呀......呀!!!!!!!!!^#*$^#*&$^*@).......咁先舒服d~



2015-04-07
Day 5(新加坡 Singapore->澳門 Macau)
好咯~來到最後一天~~~~~check out之後因為拎住行李呀~唔想再行上行落搭MRT....所以我地就直接係酒店門口搭的士~~~~~~~其實唔係好貴...舒舒服服咁樣去到機場先SGD$14=82.3hkd......大約半個鐘多dd就去到~~~~(因為去機場無附加費...由機場出黎先要附加費....除非你過左夜晚6點先搭如果唔係又有附加費~)

2015年6月1日 星期一

公子新加坡喪吃自由行之旅2015-04-06第四天Part 3(驟雨後轉天晴)

今日極極極多野做.....好恐怖....點解?因為今日係6.1兒童節喎...d小朋友放假上哂黎同我地玩~~(點解....點解我係兒童哥時....無呢日假放既....點解...點解當我出黎做野要接觸小朋友哥時.....就有得放........).......周末睇左套完美巨聲幫(Pitch Perfect2)..我在想..幾時上過第一集?完全係為左fat amy睇(佢真係好好笑)~不過套戲中哂伏(又話要慳錢要謹慎選戲既~).....今個星期六終於都plan好個行程喇~~~~~好開心~~~~~~好辛苦~~plan左好多個禮拜~星期日就開始係度認路~~~~~周末食左軒記~~好正~~好耐未食過~~



2015-04-06

Day 4---Part 3(新加坡 Singapore)
食完下午茶行左陣~~~~又到食晚飯時間~~(呢一日整天都在吃~).....夜晚我地揀左去食正宗娘惹菜~叫做真宗....地址:47-49 Armenian Street, Singapore......咩叫娘惹菜呀~網上是這樣說:就係當年中國男人去左他鄉娶妻...由於太掛住家鄉美食...於是妻子就用中菜做基礎...再混合馬拉同印尼菜而做出的~~~~(其實...我覺得佢門面好靚~)