喪吃喪買韓國自由行之旅2011-10-14第三天Part 2(天陰有微雨)

hello~~~~我番左黎呀~~~哈哈~~好開心~~~因為見到杯嫁左俾健仔……健仔又娶左個咁好咁靚既老婆~~~~天造地設呢~哥日真係好感動~~~~~~~~~細節就等我寫完韓國之旅再講啦~~~~~好彩今日放假咋~~又陪埋寶寶續番期個葡國認別證…..又行左陣八佰伴~~~不過聽日又要番工喇….今年我d假放哂lu~又要等下一年….喊喊~噚日我番黎…..跟住媽咪就噚日開始去旅行~~~~~我番到黎就好似孤兒仔咁…嗚嗚~~


2011-10-14
Day 3—-Part 2(韓國首爾)睇完亂打show出到黎……又係明洞行下……….梗係又覺得肚餓啦~~~又食野…..之前行過Dunkin Donut見到有個好得意既南瓜頭Donut….忍唔住要走入去試~~~味道…………………………………………我只能夠講…..外表勝過一切……不過好彩佢唔係太甜囉~~~




食完野又有d口渴喎~~~~去左carmen上次飲過話好好飲既Smoothie King度……都幾好飲架~~~不過幾貴囉…因為我地叫最細杯都好似要成20幾蚊~~



跟住就行下街咁啦~終於搵到上次毛寶話好想行既MMMG….不過佢話今次無咩靚野買~



行左一陣又叫肚餓同口痕……不過呢個番薯條唔好食既…又硬又唔好味!!!!!!!終於係韓國食到唔好味既野!!!!!!



行左一陣文具精品店又去食飯喇~(好變態呀~~~)….今晚我地又食烤肉喇~都係明洞既~



佢地真係興d鐵板係斜架喎~同埋會烤埋d泡菜~



之前去韓國同埋今次黎食過既一次烤肉都係食豬既……佢地好少有牛食….好似話好貴….所以呢晚好開心~~~因為crystal話有牛食~~~~



不過佢d牛都係好似肥牛咁…..薄薄的~好想食牛肋骨哥d呀哈哈~~不過都好好味既~~



平時d烤肉咪會包生菜點醬食既….呢間野有個特色就係佢會提供埋年糕俾你包住一齊食…..初初覺得好似怪怪地咁….不過後尾嘗試烤軟塊年糕再包住黎食……華….好味~~~~我地黎呢度食…..就係因為有呢個特色~~~~~~~~~~



今晚都有食豬~原來d洋蔥烤熟左都好好味架~~~~好想食呀~~~~~~~



食完飯無幾耐行出黎……哈哈…..見到又想食……………….



我知我知….呢d長薯片台灣都有得食….不過人地見真係好想食呀嘛~~~~~佢都幾味喎~~~因為佢炸完有d芝士粉灑係上面~~~好好味呀~~~~



明洞夜晚超熱鬧~~~不過可惜d鋪頭朝早好晏先開~搞到第一日哥時都行唔到d咩~



又番左酒店睇睇d戰利品~~我超鐘意d筆囉~~好靚架~~每支筆都有兩隻顏色~~~重點係：20幾蚊一支咋~~~~~係囉….跟住又喪買Laneige….哈哈~~~我係澳門唔捨得買呀~~~呢邊每支都平過澳門80蚊喎….唔係唔買呀~~~買左五樣野咪即係慳左成400蚊囉~~~~係咪好叻呀~~~~我最鐘意佢地超多tester送呀~~~~



毛寶買左書籤~~~好靚~~整成樹型包裝~~其實呢度有四個係度…係放係每頁書既角位~





由於媽媽去左旅行~~
無人煮飯我食~
經過毛寶邀請~~~去左佢度食媽媽飯~~
華~~好好味呀~~~
我今晚食左兩碗飯同埋飲左三碗湯呀~~~~~
做完姊妹都唔可以咁放縱喎~~~~~
要節制下喇~~~~~

不過下個禮拜又同媽媽過香港食大~閘~蟹喎
哈哈…咁就食埋先啦~~~