2011-11-09
Day 1(澳門->新加坡)呵呵呵~~執相執左超耐~~~其中一日執左都有成百二張相….大家俾心機睇呀~~~~終於可以推出呢個新加坡之旅喇~~~~好開心~~~~第一日出發…..本身係兩點幾機….點知航空公司一個唔該將我地班機取消……..變左飛下一班既五點幾機….搞到人地第一日去新加坡無哂時間….衰呀……不過都唔係唔好既….第一日我起身懶懶閒…慢慢食埋飯…執好野….先至出發….首先毛寶車我去佢屋企…再係佢屋企搭的士(因為佢屋企哥頭多d車~)….不過好好彩有毛寶爸爸黎車我地添~我地今次去新加坡同印尼既目的係參加親愛的杯的婚禮~
塊面睇落幾瘦呀可~
今次為左隆重其事…我地仲帶左尖子…同著老西既安德尊去一齊觀禮呀~
今次係細到不得了既澳門機場飛~真係一眼睇哂~
除左我同毛寶之外…仲有杯…佢爸媽…阿嫂同佢媽媽仲有囡囡….另外三位姊妹一齊出發架~
一入到禁區….一諗起呢隻廉價航空係唔包餐既…我同毛寶即刻走上禁區二樓專區食野(專區係俾持有BNU金卡或中銀白金卡既人免費入內吃吃吃~)….都幾多野食喎….連中湯都有得飲…..最驚喜係連白酒..Bailey….紅酒等等既酒都有供應全飲~~上次黎都發現唔到添….因為上次黎係朝早一早…超級的多人……..逼都逼唔入…呢日可以話得小貓三四隻可以慢慢食…….右下角既多士超級好食~春卷都唔錯~以唔使錢黎講….係唔錯喎~
我同毛寶食到飽哂先上機~~唔使再俾錢食d唔平同唔好食既飛機餐~下次係澳門飛可以試下喎~
今次我地搭既係廉價航空Tiger Airways既TR2905班機飛去新加坡~出發呢日其實有少少落雨~好彩有毛寶爸爸黎車我地咋~謝謝~
毛寶仲帶左Lomo相機為杯杯影相~呢相係第一張試相機架~~講又講起…今次點解執相執咁耐….因為有好多朋友仔幫杯杯影相….而大家又比我部G11影得靚好多~~所以有d相我係轉載其他朋友仔既~~d相有毛寶既iPhone…Lomo機啦….杯杯朋友inti啦…健仔個fd Henry啦仲有婚禮攝影師阿強哥?or權哥??哈哈~所以咪搞左咁耐囉~多謝各位俾我任意使用~
唔知點解呢程機飛得超耐……五個鐘機….我同毛寶同杯坐埋一齊……三個輪流訓覺…..寶訓完到杯訓….杯訓完到我訓……..訓醒傾左超耐計……都仲有成兩個半鐘機喎….點解咁架??唔通因為無戲睇既緣故????仲有d空姐禮貌認真麻麻….
到左之後有book到酒店車黎車我地…今次我地第一晚住係Orchard Road哥度…叫做Orchard Parade Hotel…..好似1600hkd一間房?……因為我地成10點幾先去check in佢無哂房…佢自動全部幫我地upgrade哂d房……個間房大到呀…………………………………痴線囉……都唔係二人房既…你睇到既呢張相大床既隔離仲有張大床囉….我想講…我地間房已經係最細哥間喇…佢地有d有埋廳添囉…..
放低哂d野衝出去食野….即使我地上機前有食野…不過都係四回半之前既事囉……杯爸媽阿嫂佢地抱住囡囡唔方便去咁遠所以無一齊去….所以就得我地六個女仔一齊去~本身諗住坐的士去老巴剎(Lau Pa Sat)….點知等極都無….都係坐MRT去好過……出站之後可以好熟悉咁行去老巴剎~~呢種感覺真係親切~由於我地去到哥時都過左12點…所以係完全唔使爭位~~~之前黎哥時係超多人的~~~~
坐低叫左野食~~~衝去個露天檔仔度買野飲~~~本身飲過其他女仔叫既檸檬水諗住叫….點知排緊隊討論緊叫咩野飲既時候有個新加坡人排我前面….仲同我地吹左陣水….同我講呢杯奶茶點樣點樣好飲….我諗我唔飲唔得囉~~~見叔叔拉得咁興奮~~~要飲~~
凍拉茶呀~~~~好好飲呀~~~加煉奶架~~~貞貞下年同家人去新加坡要飲呀~~
華~~野食黎喇~~~~好野~~~燒蝦~~成日番工都諗住~~~~仲有超好味既沙爹呀~~~記得係第六檔既好味d架~~~~(貞貞記住呀係第六檔呀~~)
d醬同沙爹真係好夾架~~~~我呢晚食左四隻蝦呀哈哈~~
螄蚶呀~~~不過今次叫左全熟….因為好似子慧話佢上次去泰國食完半生熟既痾左佢三日~~我超級鐘意食螄蚶架~~~~
我地之後唔夠喉再叫過第八檔沙爹試下…點知佢又乾個醬又係咁好吃….所以下次唔諗…都係食番第六檔!!
除左哥d仲叫左菜…..魷魚(好味~)….炒麵(好辣)….魚蛋….超多野食~~好彩佢地都咁鐘意食野~~食到好飽飽每人都係二百鬆蚊~係真係好飽呀~~
拿~有靚女睇喇~~除左我同毛寶同杯之外…仲有右一既子慧~左一的wawa同埋左二的inti~呢張張都係inti的靚相機提供的~~~~~多謝~
重推介去新加坡記得去老巴剎呀~
hehe~~
今日學法文得四個人番咋..
所以阿pierre無乜教難野~~
教下d去旅行用到既用語~~
咁仲好啦~~岩哂我地用~
報時：距離聖誕節郭富城演唱會仲有—-9日~
聖誕節黎喇黎喇黎喇~~~~~
沒有留言:
張貼留言