2015年12月30日 星期三

冰島格陵蘭自由行之旅2015-10-08第十二天Part 2(晴天及後轉陰)

今朝塊面情況好衰......又紅又有粒粒........但係朗公子話:你唔好查咁多野上塊面度啦!!.......跟住我試下唔理佢....咦...又真係好d喎.....唔通...係我查太多潤膚膏所以搞成咁?(因為我成日怕佢乾...查到lup痴痴~)...希望快d好番啦~~~人地要靚靚去台灣架~~~



2015-10-08
Day 12---Part 2(冰島,米湖 Iceland,Myvatn->地熱區 Hverir->火山口湖 Krafla Volcano->地洞溫泉 Grjotagja->黑城堡 Dimmuborgir->假火山口 Hverfell)

食飽飽就開始下午既行程喇~~黎到地洞溫泉(Grjotagja)~~其實我地上次都有黎架~不過封住左落唔到去~


佢有兩個洞口入~不過我地揀左邊哥個因為好似易落d~

2015年12月29日 星期二

冰島格陵蘭自由行之旅2015-10-08第十二天Part 1(晴天及後轉陰)

家陣咩時節呀~~~點解我塊面又會無啦啦咁敏感架~~~有d紅又有d粒粒.....唉....臨去旅行先咁~~快d好得嘛?呢兩日番工好巧攰話~攰到係好眼訓但訓唔著~



2015-10-08
Day 12---Part 1(冰島,米湖 Iceland,Myvatn->地熱區 Hverir->火山口湖 Krafla Volcano->地洞溫泉 Grjotagja->黑城堡 Dimmuborgir->假火山口 Hverfell)

早安~我好乖呀我最早起梳洗完畢就去準備早餐等大家起床~都話認真的人最帥哥<3

2015年12月28日 星期一

8 1/2 Otto e Mezzo BOMBANA

今日隨左要面對休假後復出...仲要面對超多野做既一日....唯有同自己講仲有兩日半啦~~~~~星期三極多野做~去左毛寶家痴餐後就去機場臭我娘親番黎~~~~星期四平安夜~去左小青蛙屋企探下佢~同埋佢剛出世既妹妹~~夜晚食左文哥火鍋...er...好一般...可以時光倒流既話我唔會揀佢......星期五係25號聖誕節嘛~哥日公子既TFTxGarment Park綜合症又發作..今次仲加埋我阿媽~~咩係TFT?即係Time After Time(但唔知點解明明係TAT我地就叫佢做TFT....)...中午飲完焦糖咖啡~就直落去Garment Park度買衫~~~~(今次個TFTxGarment Park綜合症仲加入埋我阿媽...........好瘋..).....夜晚去左棽莜食日本餐~~~星期六中午去左氹仔食文哥...之後行左去龍環葡韻影下相..行左陣又食左個世記厚蛋咖哩魚片多(好正)...之後好乖咁番屋企執野~~~執左好多舊衫出去救世軍回收站度捐~咁乖係因為可能遲d有大project搞~夜晚食左舉杯任食烤肉~星期日....假期最後一日~毛寶好好呢~~買阿蘇上黎俾我食~~~然後我就係屋企執野~我真係好乖~執到咁上下又出去食飯~食左發達~番到屋企又執下野~咁又過左最後一日假期...真係好失落~



聽到Blog友既呼喚~(誰輕輕叫喚禾~)...因為佢知我前兩個禮拜去左試銀河哥間8 1/2 Otto e Mezzo Bombana....由於香港哥間係長期訂唔到位~(香港哥間係意大利境外首間及唯一一間既獲得米芝蓮3星既意大利餐廳..講真堅威威).......佢岩岩落戶係銀河一樓1031......所以佢想知澳門哥間點樣~巧啦~你咁想知~我就話你知啦~澳門哥間係一星既~咁梗係要訂位啦~可以網上訂位~(請按餐廳名即可進入銀河訂位頁面..同埋可以睇埋佢個餐牌).....佢星期日唔開架~(真有態度~我like~).......有銀河優越會有折扣~無都即刻申請左先入去~真係好有用~個門面查實唔算好有氣勢~

2015年12月22日 星期二

冰島格陵蘭自由行之旅2015-10-07第十一天Part 2(晴天)

有時d野你又估我唔到既~我又會咁懶都會放假出Blog喎~星期五晚放工去左公司聖誕聯歡..有成四五年無去..之前去過幾次一次都無中過獎......點知今年一去就抽到28獎~~花菇一盒(好過無~)...都幾開心~~星期六中午食左少少野~就等同其中3位公子茶聚~~~再去血拼(近排血拼指數好高呀我~~)...唔小心又買左少少野~~~再衝埋去威尼斯人~~夜晚食篤篤..好難食~~星期日嘛~回歸日~唯一一樣做過同回歸有關既係:無係餐廳或茶餐廳食過野~~因為會加三嘛~咁梗係晚飯都係屋企煮啦~呢晚菜單係蕃茄薯仔湯..燙生菜和洋蔥炒蛋~我真係好家嫂既不二人選~~星期一中午食左北海道個午餐set...足料之餘仲要服務超好!!有下次~夜晚約左Diana食飯...食左新開既漁人碼頭上海菜玉蘭苑....貪佢依家新張期內BNU卡有半價...但.....極難食.......唔係唔好食咁簡單..係極難食....星期二冬至就同左屋企人出去食飯做冬喇~冬大過年嘛~(雖然我媽身處日本中).....聽日番一日工..然後又放4日聖誕假~~加油~



2015-10-07
Day 11---Part 2(冰島,胡斯維克 Iceland,Husavik->米湖 Myvatn)

觀完鯨都成兩點幾三點~未食中午飯嘛~出發前食下野先啦~又係碼頭附近既~難得有開~試試~叫Salka~

2015年12月17日 星期四

七公子聖誕百元限定哭福袋派對2015@尊Expert

哈哈~識左大家咁耐~都好似無送過聖誕禮物俾大家~經麥公子的提議~話想我送聖誕禮物俾Blog友們~那我先放下遊記~寫寫呢個"如果抵抗力比較弱..都會笑到賴尿既"公子聖誕哭福袋派對俾大家~大家知我條懶筋好嚴重架啦~一般都過4-5個月先會出到blog~旅遊blog除外~就知我幾咁愛大家~(巧喇~重點來了~這裏沒人在期待唷)



今次公子揀既地點係尊Expert...地址:澳門巴黎街86號富達花園地下....電話:2838 3887......我地都好有自知之名....想問佢有無房可以訂~點知佢話依家已經無左間房喇~~~~估唔到原來佢已經開左年幾~成日經過但都無諗話入去食~因為覺得佢裝修唔錯~覺得佢好貴~公子選哭福派對地點都好嚴謹架~又要有私人空間(因為我地真係好嘈..失禮呀女)....又要d野好食~

依家發呢篇文我真係覺得自己個Blog好時髦呀~我個Blog終於有d節日氣氛喇~~~~~~

2015年12月16日 星期三

冰島格陵蘭自由行之旅2015-10-07第十一天Part 1(晴天)

有時d野就係咁反高潮~~你以為平時星期三好多野做?佢中午又真係幾多野做既...但下午番去可以差天共地~~~好想聽日同後日都係咁呀~~~~



2015-10-07
Day 11---Part 1(冰島,胡斯維克 Iceland,Husavik->米湖 Myvatn)

今日約左觀鯨活動~不過唔趕的~12:30先出發~起身慢慢食個早餐先~點知呢個Fosshotel超唔掂......佢見差唔多夠鐘停供應早餐(其實仲有一個鐘而且仲有好多人落黎食)...佢就唔再出新野食....搞到得d碎濕濕既紅黃椒同埋麵包...好彩我攞得早...唔係火腿都無.........而且呢間真係連食早餐既地方都超舊...見到張枱布都唔開胃~:P........我地住咁多間最唔掂就係呢間Fosshotel Husavik!

2015年12月15日 星期二

冰島格陵蘭自由行之旅2015-10-06第十天Part 2(陰天及後轉晴)

唔知今日點解咁慘~~~5點半過後超級多野做~好彩我地夠硬淨~~不過最後做錯左野~搞到大家遲左少少收工~sorry~~~~~



2015-10-06
Day 10---Part 2(冰島,東部峽灣 Iceland,Eastfjords->胡斯維克 Husavik)

攞左房之後再出番黎就夕陽西下了~~~

2015年12月14日 星期一

冰島格陵蘭自由行之旅2015-10-06第十天Part 1(陰天及後轉晴)

星期一~多野做就梗架啦~最衰係噚日飲左杯咖啡後噚晚訓唔著~~~~~~~星期五極多極多野做~~~放工走左去開心開心食左日本野達摩食堂~~好味~~星期六成個下午都係玩電話d game~~真係好無聊呀我~~~夜晚開左公子的哭福派對~~~星期日又去左食牛仔屋~真係好好味~跟住買左我近期很愛很愛的Time after Time既原味蛋卷仲有個個公子都話好味既焦糖咖啡做下午茶~今次試埋羊角包真係大愛~~~~~~下午好乖無打機~乖乖咁整理好台灣的行程~~好開心搞掂哂~之後出去同公子血拼!!!因為屈人寺做緊特價!!!係好抵!!!!!多得格價專員貞公子!!痴住數學叻既你買野我完全唔使用腦!!買左好多我成日用既日用品折上折~~~買下買下我竟然係屈人寺用左1000蚊.................................夜晚食左一鍋風~因為我真係好鐘意佢地個湯底~料就其實好一般~



2015-10-06
Day 10---Part 1(冰島,東部峽灣 Iceland,Eastfjords->胡斯維克 Husavik)

早晨~~~呢間Fosshotel d早餐幾唔錯~~~有小牛角包添~~最鐘意係佢有好多新鮮紅黃椒~

2015年12月10日 星期四

冰島格陵蘭自由行之旅2015-10-05第九天(雨天)

今日氣溫好似回升番不少~~但好似話下星期四又得番12..13度左右~真係著少件衫都出事~~~~~唉呀~~~~聽日要抽明年既假喇~~~我真係好緊張呀~~~~又要求大家集集氣希望抽中~今個禮拜六公子開聖誕P~~哭福袋情況擔憂~~~~~



2015-10-05
Day 9(冰島,荷芬 Iceland,Hofn->東部峽灣 Eastfjords)

hehe~呢間民宿訓慣訓熟啦~梗係訓得好~又起身食早點喇~~~~~~又係N1油站~~今朝唔食漢堡食熱狗先!!!單點熱狗ISK399=24.9hkd......極!!!好!!!吃!!!.....毛寶都話好好味~佢平時唔好熱狗架嘛~呢日佢搶住食....仲食左我半條囉!!!!人地點夠飽喎!!!!!

2015年12月9日 星期三

冰島格陵蘭自由行之旅2015-10-04第八天(雨天)

星期五放工跑去試左間cafe~不過不失~星期六落落大雨~去左觀光塔飲茶~然後整個下午在研究台灣行程~晚飯食左海榮~星期日中午食左華星冰室...下午睇左少少拉丁城區巡遊...行左陣街...晚飯吃煲仔飯~澳門今年聖誕既光影節幾靚喎~值得一影~幾有聖誕氣氛~星期一番左個靚工...好多野做但唔怕~因為放工約左公子去食輝記~好開心~.....星期二放公眾假期~~~~一早起身中午去食銀河哥間8 1/2 Otto e Mezzo Bombana~~~~一間有一星米芝蓮既餐廳~~~食過就覺得佢真係值一星!!食物環境服務都得!!!而且價錢還好~好開心~~...下午去睇極限追捕(Point Break)....跟住去觀光塔影光影節哥個大月亮燈~食埋越南粉先番屋企~~呢個禮拜節目真係豐富~~~~~~~~~最開心係好快又到星期五~~~~今日雨下一整天~~~工作ok~~~已經好開心~~~



2015-10-04
Day 8(冰島,史卡法特 Iceland,Skaftafell->荷芬 Hofn)

哈哈~上回講到.....我地諗住凌晨3點出發去浮冰湖打算影浮冰湖極光加日出~點知點幾醒左......極!大!雨!!!!!!!!!!!!!!!!!!!!!!!!你又點會估到日頭好天到會曬黑....夜晚又再落雨?哥度無遮無擋~制唔過~~~~~~~所以係whatsapp商量後~照平常咁~9點係酒店食早餐先出發~~~~~~~~~~~~~wakakakaka~

2015年12月3日 星期四

冰島格陵蘭自由行之旅2015-10-03第七天(晴天)

呀~~又到左星期四喇~~~~雖然呢個禮拜頭哥4日都唔算多野做~~~~~但我感應到聽日會好多野做~~~~~~~~~算啦~~~~聽日星期五喇~~~~~~~~今日派左mark出年假期張紙~各位同事又開始好忙喇~~~~~~~~~~利申:星期一晚約左公子食飯~~~然後星期二係澳門公眾假期~~~玩玩玩d節目安排得好好~~~我地下星期三先見啦~~~(偷懶到出面~~)



2015-10-03
Day 7(冰島,史卡法特 Iceland,Skaftafell->Hof->傑古沙龍浮冰湖 Jokulsarlon Glacier Lagoon)

早晨~又到早餐時間~你問我同樣既早餐食得多怕唔怕悶?唔怕喎~我地4個日日食都食得津津有味~~~因為我地深知有時真係中午會遇岩無飯食~~~所以個飽肚早餐真係好重要架~

2015年12月2日 星期三

冰島格陵蘭自由行之旅2015-10-02第六天Part 2(晴天)

噚晚無出現有無掛我呀~~最神奇既係.....噚晚同你食飽飽一路行番屋企...你說:噢....番到屋企無得睇我最心愛既blogger出blog lu..................我:但你今晚同你最心愛既blogger一齊食飯喎~~~~~~~~~~~~~~~~~~真係識氹人~


2015-10-02
Day 6---Part 2(冰島,史卡法特 Iceland,Skaftafell->黑色瀑布 Svartifoss)

下一個景點~Svartifoss~冰島語中黑色咁解~~所以叫黑色瀑布~~~指示牌寫呢度開始去瀑布來回要90分鐘....我地實際行過去哥程要用耐d時間...回程就快d....總括其實慢慢行就唔止90分鐘的~


2015年11月30日 星期一

冰島格陵蘭自由行之旅2015-10-02第六天Part 1(晴天)

星期五去左同同事打邊爐~有人請正~~~多謝~~~食飽飽之後仲去睇飢餓遊戲~~終於到最終回!!!!呢一集好睇過上集~起碼結局係我想睇到既~~~星期六七公子聯手出動~~首先中午去左食Fado個set先~~都幾抵~~跟住展開一連串既"七公去shopping"...(期間我仲偷偷的飲了杯焦糖咖啡~).......我呀....我呢個姑寒友呀.....竟然買左新眼鏡呀!!你地識左我咁耐我幾可見我換眼鏡?咪成日戴住呢幅俾人話似陸永既眼鏡!!(一個女仔咁樣俾人話都可以唔換眼鏡)...........仲有呀....我買左兩件衫呀!!!世界簡直變了樣!!!....番到屋企好遲先知明珠台做緊The Great Gatsby....後悔咁遲先轉台~其實我幾鐘意里安納豆呢套戲~~周日去左食氹仔沛記~行左威尼斯人(齋行).....之後番左毛寶屋企又睇機票~~(好令人苦惱的南美行程呢!!).....夜晚無人陪....去左自己掃街~~~~~~(如有興趣睇我既掃街...睇落少少~)....利申:明天有野做~星期三再會~



2015-10-02
Day 6---Part 1(冰島,史卡法特 Iceland,Skaftafell->黑色瀑布 Svartifoss)

呢日鬧鐘未響都一早醒左~精神爽利~~~一望出窗外~~咦~~剛開始日出呢!!!!!!!!!!!有無少少澳洲既Uluru個feel?




巧靚話~

2015年11月26日 星期四

冰島格陵蘭自由行之旅2015-10-01第五天Part 2(雨天及後轉晴)

噢~表姐今日走lu~佢個小可愛又真係幾可愛既~成日都笑咪咪~~~~今日天氣凍左好多呀~~~~但係我好開心~~~因為我唔鐘意熱的~~~~~~~~好野~~~~聽日又黎到我最喜愛的星期五喇~~~~~~~~又有一大堆節目~~~好正~~~~



2015-10-01
Day 5---Part 2(冰島,維克 Iceland,Vik->史卡法特 Skaftafell->傑古沙龍浮冰湖 Jokulsarlon Glacier Lagoon)

坐左一陣放低行李又再出發~拿~~~雖然有雲但真係見到有藍色既天架~~~

2015年11月24日 星期二

冰島格陵蘭自由行之旅2015-10-01第五天Part 1(雨天及後轉晴)

哈哈~今日因為某d原因令我淨係接更時段先要做野~~~搞到我覺得今日好輕鬆~~~~~~~噚晚上網睇到香港某航空公司有特價機票嘛~又熱熱烈烈討論左成晚~~~~利申:聽晚同表姐吃歡送飯~不出blog~



2015-10-01
Day 5---Part 1(冰島,維克 Vik->史卡法特 Skaftafell)

呢日起身食早餐....發現.....已經俾人攞哂...無咩選擇...而且無補給~好姑寒呢~

2015年11月23日 星期一

冰島格陵蘭自由行之旅2015-09-30第四天(下雨天)

星期五臨放工前哥半個鐘真係驚險半小時....攰到我呀....好彩都叫做因為賽車都係遲左少少收工~~放工後去COD間意大利餐同凱公子慶生~~真係笑爆肚~星期六悠悠閒~~諗住係毛寶家訂下d南美機票...點知又失敗~~~~~夜晚去左小小公子的百日宴~~~你真係好可愛呀~~~尤其係你既髮型*3*....星期日去左睇賽車~~多謝朋友給我的票~~~~好刺激呢~~~夜晚同左屋企人食齋~好開心~




2015-09-30
Day 4(冰島,金圈之旅 Iceland, The Golden Circle->塞里雅蘭瀑布 Seljalandsfoss->維克 Vik)

哈哈~好喇~噚晚帶住臭臭的身入睡~一早起身梗係有沖涼啦~~~~噚晚臨睡前就有偷偷的望出窗外~睇下有無北極光~但係...望上天淨係得一片有雲既天~起身~都係一個大陰天~唔理啦~去食早餐先啦~酒店有包早餐~地方望落唔錯~


2015年11月19日 星期四

冰島格陵蘭自由行之旅2015-09-29第三天Part 2(又落雨又天晴)

我噚日無寫blog你地肯定以為我偷懶啦!!!!!係呀~我係偷懶呀~~~~~我表姐妹子同佢老公仲有佢囡囡係美國番左黎探大家~~~~我地同左佢去食泰皇宮~好彩表姐話好食~如果唔係就真係失禮~~~帶人地去食d唔好食既野~~~~~~~今日開始賽車嘛~搞到遲左收工....聽晚開凱公子生日趴呀!!!希望唔好遲咁多收工啦!!



2015-09-29
Day 3---Part 2(冰島,雷克雅未克 Iceland,Reykjavik->金圈之旅 The Golden Circle)

好喇~又再~出發~~~~~公路兩旁d景好靚!又係又陰又晴又落雨~今日d天氣好搞鬼~




2015年11月17日 星期二

冰島格陵蘭自由行之旅2015-09-29第三天Part 1(又落雨又天晴)

噚晚臨訓有d頭痛~早d訓....點知起身個頭仲痛~食左藥之後先覺得反胃....好想嘔~毛寶叫我嘔~我話我唔嘔喇因為我岩岩食完藥~~如果嘔咪浪費左粒藥~~~我係咪好變態?到番工哥時個頭好番d但都係胃反....之後chlo子請我飲佢煲既薑茶....飲完個胃又好似好番d!依家呀.....我個人好似好攰咁...我諗我今晚要早d訓先得...




2015-09-29
Day 3---Part 1(冰島,雷克雅未克 Iceland,Reykjavik->金圈之旅 The Golden Circle)

早晨呀~~~噚日係咸濕豬買左野食嘛~呢日梗係民宿食早餐啦~~~冰島蛋好好味~~~我買哥隻羊腿片超好味~~~原來係煙燻口味~~~勁重煙燻味~~~~~唔怕騷~大推~夾麵包一流~仲有士多啤梨乳酪~正~

2015年11月16日 星期一

冰島格陵蘭自由行之旅2015-09-28第二天Part 2(雨天及後晴天)

好開心星期五同小青蛙打左個邊爐~~~我仲同佢講話:其實我識得哈利波特~~~......跟住佢仲叫我下次影佛地魔張相俾佢睇;目.....好開心呀~~星期六同左公子去試新開的新濠影匯個中午自助餐~~依家網上及電話預約有8折優惠每人$218~又唔算好好食但係就野食都算多~~之後仲去左玩Batman~~~仲有去試左Pierre Herme~成日聽人講話佢好味過Laduree~但我個人都係鐘意食Laduree多d~唔知點解我覺得少女味d~又試左間新既撈米好好味~~~~~~佢d蘿蔔同埋豬扒真係引屎人~~~~~星期日食左麥當勞哥個有菠蘿既漢堡...極難食...下午好乖咁樣係毛寶屋企plan行程~~夜晚食左日本野~



2015-09-28
Day 2---Part 2(冰島,雷克雅未克 Iceland,Reykjavik)

行完一輪手信舖~就順路行上去哈爾格林姆教堂(Hallgrimskirkja)....上次我地想行哥時已經關門大吉~發誓今次黎一定要行到入黎~

2015年11月12日 星期四

冰島格陵蘭自由行之旅2015-09-28第二天Part 1(雨天及後晴天)

唔.....噚日同個朋友仔交流下現時機票價位.....俾佢搵到出年瑞航$61xx連稅蘇黎世入巴黎走......睇到我兩眼發光!!!瑞航喎.....$61xx咋喎...............阿提哈德都要$63xx啦.......仲要用多d時間轉機.......搞到我都心郁郁.............................好野~聽日星期五喇~~~~開心~~~~~



2015-09-28
Day 2---Part 1(冰島,雷克雅未克 Iceland,Reykjavik)

第二朝起身~精神爽利~~~因為終於可以平躺咁訓覺真係唔同d~~~~攞哂我地d裝備出黎著啦~~~爬山鞋雪褲雪褸防寒咩都放上身~因為佢吹埋黎d風真係幾凍~我地d爬山鞋真係好有型~

2015年11月11日 星期三

冰島格陵蘭自由行之旅2015-09-27第一天Part 2(陰天及後晴天)

唔....今日無咩特別事發生喎~~我今日整日都覺得肚餓算唔算係特別事呀????哈哈~~~其實我真係好想戒零食....但係點解零食.....總係咁吸引我???????????????????如果我下個禮拜成個禮拜唔食零食咁就好喇~



2015-09-27
Day 1---Part 2(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

搵到我地個登機閘口~華......個閘口使唔使咁姑寒呀....細到得10張櫈坐~~~~~我地要走去隔離閘口坐~~~

2015年11月10日 星期二

冰島格陵蘭自由行之旅2015-09-27第一天Part 1(陰天及後晴天)

無啦啦今日放工覺得個天色真係似冬天~~因為5點半時已經個天就黎黑齊.....但係氣溫仍像夏天....好熱好辛苦~~~快d涼浸浸~~~



今次既相我部iPhone有2653張+我的Canon有508張+毛寶iPhone1897張+大比相機1710張+阿sam1789張=8557張相~咁當然我唔會用哂全部相出啦~~不過我真係有睇哂咁多張相~~~~我無咩用相機影相呀~~因為冰島d景...有時係靚到用手提影已經覺得好靚~~~~~~~~~(好多謝以上人士提供照片我寫blog~).....yoyoyo~小t旅行團出發了~~~~~~~~~~~~~



2015-09-27
Day 1---Part 1(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

哥日班機係凌晨機黎既~~所以我地要前一晚過香港~最開心係有得搭機場船~~~我地搭夜晚7點鐘機場船直達香港國際機場~~(好多謝阿sam自己有份出發都車我地同埋行李出機場!!因為哥日仲要天陰陰想落雨的~)...咁我地要再攞行李check in架嘛~一過磅哥時.............我件行李已經24.4kg~~~~~~~~~~~~(如果有睇旅行前準備哥篇就知我有幾多野啦~)......好彩地勤姐姐只係講左句:李小姐~要記得注意行李重量呀~.....咁就放左我走~多謝你~因為我真係唔想去程就要執行李出黎~~~~(有無人去程就會超重的?)



到左香港機場check完in之後~我地過埋安檢~大家要記得攞番120hkd既機場保安稅呀~因為可以用黎係禁區食飽飽~~今次終於食到勝博殿~~~~可惜佢趕收工...炸到過哂火............好啦食飽飽我地去買埋雜誌就等上機~我想問下有無人留意到???????應該無.....................我又係飛36號閘口喇~~~計埋上年飛哥3次~我已經係第4次係36號閘口上機~~~~介紹下團友們先~~~有我啦~~毛寶啦~~毛寶姐姐大比啦~~仲有大比老公阿sam~~~睇開既朋友應該對我地呢個冰島天團唔陌生啦~~(呢幾個人真係好唔正常架~~)

2015年11月9日 星期一

冰島格陵蘭自由行之旅2015---旅行前準備

星期六哥時下午下左學沖菲林....好有藝術氣息呀我~夜晚去左燒烤~~真係好開心~~~~食左我成日都好想食既香腸~魚蛋~漢堡扒~~~~重點係要重蜜糖~~~~~~~真係好好味~~~(我去燒野食就係咁無大志~).....星期日去左睇007(有單笑料落少少講)...不過我都係覺得上一集好睇d...今集d劇情唔知搞咩~~~不過又係下午場係觀光塔睇...$40做兩個半鐘..真係無野好挑剔~~~~~~~~睇完就去左食韓燒~~~~今個周末又係好開心~~~~



野~~~~千呼~萬喚~始出來~~~~~~雖然有好多人話好想快d睇到我出冰島blog~(包括我d團友們)......但最想睇到我出blog既人.....係我!自!己!!!!!!!!!!!因為呢次旅行太精彩~發生太多突發蝦碌野!!(簡直係我地4個本色~咁先係旅行嘛~)....去左25日旅行.....暫時最長~(好快就會俾出年南美行程打破~)......雖然我唔知大家鐘唔鐘意睇呢類型既旅行前準備blog~但係對於出發前既人黎講....我覺得.....唔多唔少都有d提醒既~今次既旅行前準備係特別係秋冬出發既人士~~~~夏天去會覺得呢d係多餘的~如果想睇夏天出發前有咩要準備...請按我....依家好開心好開心好開心(因為很重要!所以要重覆說3次!)終於要出blog了~



兌換貨幣
因為澳門係唔會有冰島克朗既貨幣可以換到架..所以要換就要另外換d外幣去換~雖然其實冰島去到邊你都可以用信用卡~(買條熱狗廿蚊雞都可以)....但係你點都要d現金傍下身以防不時之需~我地上一次去呢就帶左英磅去換~~(因為上次係冰島+英國咁玩)....今次我地就會經芬蘭去丹麥再去格陵蘭....又由於丹麥同格陵蘭(丹麥屬地)係用丹麥克朗(澳門都係唔會有得換)....咁芬蘭用歐羅架嘛~咁就索性換歐羅去換冰島克朗~發現用歐羅換比起英磅換匯率更好~我地當時港幣兌歐羅係8.7.....我換左€1,110=9,657hkd咁就出發~我地都係當地機場間銀行換錢咋~一到步就換~經過我神探t利略既精密科學計算......ISK15.48=1hkd~.....將信用卡單岩岩出左~又係刷卡消費是最抵的!!!!頭先講既15.48匯率係兌hkd....但係發現碌中銀visa信用卡好抵!!!!!兌澳門幣係16!!!!!!!!!!!!!記得唔好換太多錢~~~刷卡最實際~~我見有好多地方碌某d卡要另外收手續費....連master card都要....唯獨係visa係呢4個國家都未見過要收額外手續費~~銀聯唔係太多地方收~


2015年11月5日 星期四

麗思咖啡廳The Ritz-Carlton Cafe

噚晚有野做...懶左一日無寫blog.......今日工作尚算順利..不幸中既大幸!我好努力排相架喇......希望.....希望下星期一出到啦(懶)



銀河二期剛開幕時....好多雜誌鋪天蓋地咁介紹入面既新酒店有咩野食有幾好食之類之類.....其中一間新開既酒店就係The Ritz-Carlton.....我見有兩本雜誌都寫到其中入面既呢間The Ritz-Carlton Cafe d野好正....所以約埋另外3位朋友同行一齊去試試~位於地面樓層..唔難搵....電話:8886 6868...網址....根據佢網站所寫話有訂位...但我5月哥時打去又話無...如果有心食就最好訂位...因為我地哥時walk in位無哂4人枱無哂...佢用兩張好細既圓形雲石枱合埋俾我地坐...坐得都幾唔舒服(不過又係我地自己要食既)


2015年11月3日 星期二

福華閩台美食

都唔知點解.....噚晚篇野d字咁怪.....希望今晚哥篇唔好係咁~我噚晚整左好多次都唔得!!!!!!都係一d大一d細...有無人解答下我點解................我好乖呀~噚晚已經將d相入哂電腦...差排相咋~希望快d出到冰島格陵蘭blog啦~



我諗呢間試過但都未必勾得起公子回憶~有一次係fb度見到有人食覺得d餸幾得意~所以又引左我地去試~叫福華閩台美食...地址:筷子基宏昌大廈地下...電話:2822 7176...如果想試建議訂位....因為鋪頭唔算大~

2015年11月2日 星期一

Lucinda生日會2015@京澳璇宮

放3日假總是飛快地過.....其實星期五屋企發生左d唔開心既事...不過不在此多提.................天氣真係凍左好多~大家要帶多件衫出街~明天又再努力上班



今日要講既呢間餐廳其實我食左兩次~一次同屋企人+朋友去試~另一次就同我既唯4大學同學仔Lucinda慶生~咁唔分開兩次寫喇~~我將兩次d野食夾埋一齊寫啦~呢間餐廳叫京澳璇宮.....係一間扒房~~~地址:澳門北京街199號維景酒店26樓....電話:8790 3326....建議訂位(佢網站寫只接受預訂)...依家都幾多人食下~佢好似唔好中午架.....開18:00...到幾點就忘了...(個電話真係18:00先開始有人聽~~)....仲有好似星期一係休息...網址

呢間酒店以前係叫京澳架..依家改左名做維景酒店...但26樓既餐廳仲係叫京澳璇宮呢個名~

2015年10月29日 星期四

孖八-二零一五年四月

哈哈~唔知點解...唔經唔覺黎到星期四喇~~真係好~開~心~...番埋聽日工~又有一個長周末~我地呀~澳門呀~星期一係公眾假期呀~~~~~~~~~~~~~~~連放3日~~爽~~~~~~~~~~~~~~



er.....喂......偷米粉你都偷偷地偷丫.....成個人係你隔離你都夠膽伸手偷既~朗公子你真係捕捉得好~~~賊仔呀~~~拉佢去坐監啦~~~~

2015年10月28日 星期三

媽媽生日會2015@天政

華~我幾乖呀~今晚出街食飯都即刻跑番黎寫左blog先呀~~~好開心~我噚晚睇完雪雪bb介紹台北之後我就即刻戴睡帽訓覺~~~~~一覺訓到今朝鬧鐘叫我先醒~~~~~~~好舒服呀~~~搞到我今日心情好好~~~今晚繼續~~~~~~



今年媽媽生日呀~指定要黎食天政呀~好啦~見你咁想食~就同你黎食啦~天政位於新濠鋒酒店11樓...電話:2886 8868....記得....想食天婦羅又想師傅係你面前炸....打電話訂座時記得要講訂坐天婦羅枱~網址

2015年10月27日 星期二

8鍋台式臭臭鍋

我又要講下我噚晚既心路歷程.......我噚晚食飽飯七點幾打打下blog....突然好眼訓...係眼訓到要即刻跑入房吸被訓哥隻........所以我由七點幾...訓到九點幾醒左.....諗住唔好訓咁多啦....起身睇下電視陣間再訓...費事訓咁多訓唔到......於是我就半夜玩到十二點半再帶睡帽要訓喇....點知......我去到朝早六點都訓唔番...我唔係模模糊糊咁訓喎....我真係知道自己係無一秒有入睡.......................................我不停咁諗:4個鐘都好啦..都訓下啦....再倒數:3個鐘都好啦.........到最後係得番個幾鐘.........我決定起身.......我係廳坐係度玩...玩到六點九開始眼訓..........但....訓得哥一個鐘.....又要出我另一名句:未曾擁有過...就唔會覺得失望........我知我呢次一訓應該唔會起到身番工...所以....我決定刷牙....................展開我無訓過既一個工作日...........................................好辛苦呀~~~~~~~~我今晚一定要早訓!!!!



其實我一直都唔知台灣臭臭鍋係咩黎~直到有公子帶土土的我去試~呢間叫8鍋台式臭臭鍋~地址:澳門馬交石街102號南華新村第3座地下E座...電話:2876 0818....唔知係咪無得訂位既呢??因為我記得要早d去攞位.....同埋都幾多人食.....位唔多~


2015年10月26日 星期一

Karen生日會2015@澧收火鍋

Hello Ha~Hello Ha~Hello Ha~~~~點先~有無掛住我先~~~~其實我上星期三就番到澳門~不過我懶~今日先出blog~~不過冰島blog我就無咁快出到喇~~~你知啦~~去成25日....影左咁多相~我諗都有排整~~~不過我會努力的~~等我呀~~~今次冰島格陵蘭之旅~異常精彩~~有我fb的blog友都睇到個大慨~不過唔好穿橋住啦~會減低追看性架~~~~~~(喂..邊個話要追看你的臭blog?!)....去完旅行我好開心好開心好開心~~~~~~~~~旅程總會完結...放左一個月假~希望心靈上成為更好的自己:](打完之後都打冷震~).....(放假過後...聽得最多既係:你肥左呀"又")



4月時去試當時新開火紅火綠個個都要打卡post相既火鍋試試~為了要慶祝我唯四的大學同學生日~(可能大家好多大學同學仔~但我確係無乜邊幾個熟既~)...呢間叫澧收火鍋~當時仲係試業中~一定要預約先可以食到~地址:澳門筷子基俾若翰街349號地下H座...電話:6676 6288.....門面裝修有少少懷舊feel~裏面其實都新派既~坐得都算舒服~總算唔怕連隔離枱講咩我都聽到~




2015年9月26日 星期六

關西哈利波特之旅2015-06-28第八天(晴天)

野野野~~~~終於到左呢日~~我想左好諗既呢日~~~儘管噚日番工唔係幾順利...一日做番哂前四日既野~~但我還是很利害的挺過來了~~~~~~~~噚晚放工仲同媽媽去左食提早的中秋節飯~~~~~好好味好開心~~一家人最緊要團團圓圓~~~番到屋企我其實係差執番個背包架咋...但都執左好耐呢~~~好興奮好興奮!!!!今晚凌晨機!!!!依家好大雨...希望因間出碼頭時唔好落雨啦~~~



2015-06-27

Day 8(日本,大阪 Japan,Osaka->香港 Hong Kong->澳門 Macau)
好喇~要走喇~~~~~~之前第二日哥時講過~我地酒店既斜對面就有個機場巴士站~好近的~不過呢~就無得預約或者先買飛~要當天先可以係自助機購買~所以我地呢日一早出發~我記得我地好似搭7點幾左右既車~


2015年9月24日 星期四

關西哈利波特之旅2015-06-27第七天Part 3(天陰及後轉晴)

哈哈~~經過好幾日既努力....我個gip大致上執好~~~拿..係大致上咋.....仲未可以將個gip合埋架...我要好好咁紀念....陣間去影下個爆哂炸既gip先~~~~~~~今日工作算係幾好~希望個優勢會keep到聽日~~~



2015-06-27
Day 7---Part 3(日本,大阪 Japan,Osaka)
由於呢晚係我地最後一晚係日本lu~所以想留番d時間執行李就無行出去其他地方食飯~都係酒店連住d商場搵食~但係你知啦~一經d商場女仔又失控~~~~幾開心呀~~呢度有Loft~~~終於俾我搵到我平時用開哥隻香水喇~~~~~大手入6支~~因為下年唔知有無機會黎~~~~~

2015年9月23日 星期三

關西哈利波特之旅2015-06-27第七天Part 2(天陰及後轉晴)

噚晚都係努力的執gip......執執下忍唔住開左3個壓縮袋用~因為條雪褲太過大....唔壓下佢d空氣我諗佢已經霸左4份1個gip~之前試過去最長既旅行都係17日.....今次挑戰25日真係考起我...而且超多日用品帶........希望唔好執漏野~



2015-06-27
Day 7---Part 2(日本,大阪 Japan,Osaka)
之後食飽飽我地就搭Metro去堀江~第一站就去左New Balance先~地址:大阪市北堀江1-6-2...估唔到呀~~我都有斬獲呀~~


2015年9月22日 星期二

關西哈利波特之旅2015-06-27第七天Part 1(天陰及後轉晴)

噚晚去左睇珠峰浩劫喇~但係......我覺得一般般......描寫感情唔係好到位~~~叫做睇左個真人真事既電影囉~不過我就好有信心我係攻唔到頂哥批人......可能弱雞到連基地都去唔到~今日心中暗暗想:好野~番埋今日...仲有3個工作天咋~



2015-06-27
Day 7---Part 1(日本,大阪 Japan,Osaka)
一早起身就天陰陰~不過總好過落雨既~~~一望出去發現~原來同我地之前住哥間房望唔同方向架~我地呢間房原來可以遠望空中庭園展望台架~(我地之前有諗住去睇夜景~~不過又嫌遠~依家又可以望左當去左~)