七公子星際品味坊食象記

今日打敗仗了….請左病假….又頭痛翻發…..其實我食左五色靈芝之後有成兩個幾月無請過病假架喇….其實真係好左好多…..而且今次頭都無之前哥d咁痛….依家食左藥已經無事喇~又生龍活虎了~聽日又可以跳跳扎咁番工~今次都算幾好…今朝我上到山頂超多人…..不過唔使一個鐘就睇完番落黎….夠快….好乖咁買左白粥同油炸鬼(買油炸鬼仲話自己乖?!)番屋企食….食完食藥掃地抖左陣…..去訓左一陣覺….就好番好多了….所以我會繼續食五色靈芝架~(很代言人feel~)….因為我覺得我既偏頭痛真係好左好多~以前試過一個禮拜痛四次…係極痛哥隻…….依家兩個幾月痛左兩次…….都痛同暈…但無以前咁犀利喇~唔通我真係可以根治偏頭痛呢個病??係既話呢個應該係今年既大喜訊~~!!



係上個月….好似係2號…..我地七公子(係咪好老土呀????本身係七公主….唔知點解叫叫下變左做七公子~~全名係炮台山七公子~~!!所以我個blog開多左個新group…叫七公子聯歡….開心相陸續有黎~)約埋一齊去食星際酒店16樓品味坊既自助餐…..為既就係：生蠔喇~~~~~~~~~~~~~~~~~~~~星際既生蠔係超級的好吃!!!!!!!我擔保…..係我食過澳門咁多自助餐之中最好食架~~~~我之前哥次黎食有澳洲…法國同埋??唔記得左添~~哈哈~~不過今次無得揀呀…得澳洲既生蠔咋~~~睇下佢~~細細隻~~好好味呀~~

超鮮甜的~~~~~~~~~~~~~~~~~~~~~~

佢地真係你有人過去攞佢先即開……所以佢地都好辛苦架…..因為一開始既時候超多人過去攞……開到佢癩…….一個負責開….一個負責攞檸檬水同掃掃乾淨d殼~辛苦哂喇~~點解我咁講….因為…………………………我哥日一個人食左25隻呀~~~~~~~~~~~~~~~~~~~~~~~~~~簡直係新紀錄呀….從來無食過咁多生蠔落肚呀~~~但係真係好好味呀~~~唔係為啖氣食架….其他公子見到我又出去攞都表現驚嚇~~毛寶都食左23隻~~~好犀利呀~~~~~

食完生蠔梗係要自製一個好清新既沙律黎開開胃啦~~

第二樣我覺得佢好味既就係星際d芝士~真係….好正架~~~同以前細個成日食既嘉頓蔥餅一齊食…..出奇的襯~~~~~~~~~~~~~~~~~d芝士真係夠哂臭~~~~~~~~~~

其實我不嬲對佢d熱食都無咩信心….因為次次食都係麻麻地……..不過今次有d驚喜喎~~牛肋骨整得好好味呀~~又淋~~又juicy~~又有牛味~~好吃好吃~~仲有蟹肉燒賣~真係唔錯唔錯~~我地哥日自助餐既主題係：”華麗蟹逅”…所以有好多有關蟹既野食~不過講真其他就麻麻地喇~~

甜品有d都ok既….我好鐘意食哥個日式糖水….係桂圓紅棗茶…我好鐘意食架~~仲有哥個綠茶甜品都好好味~~~~~不過呢度之前有即製心太軟食架….好味到癲…好可惜今次無喇~

哥晚好似話係星際酒店5週年…..所以…買四送一呀~~好似每人220度咋~~好抵食呀~~happy~~推介星際酒店16樓品味坊既自助餐~~兩百幾蚊~算係咁~~~



等我同大家介紹下d公子啦~~1.乳文公子(我本人~)…2.貞公子…3.武大朗…朗公子…4.呢個勁…個名要唸口號…佢就係…要山唔要水要豆唔要瓜凡字唔要一點既—-凱公子~係幾有文采既~…5.麥公子…6.程三少……….仲有第七個係邊??哥位公子哥日唔得閒黎呀…佢係欣欣杯…欣公子喇~

邊個最靚仔先…我覺得乳文公子最靚仔喇~

哈哈哈~~
好開心呀~~
今晚媽媽整左煎午餐肉蛋飯~~~
好好味呀~~~同出面整既餐蛋飯係唔同的~
媽媽整既係好味d既~
當半熟蛋黃同美極豉油同飯接觸既一剎那~
好香好好味呀~
唔一定貴野先好味~
媽媽既煎午餐肉蛋飯..我誠意推介~



聽日~
聽日一定推出新加坡遊記喇~~
大家等睇喇~~~
多多支持呀~~~~
好多靚女架~~(唔係我…放心~)



報時：距離聖誕節郭富城演唱會仲有—-10日~
哈哈~~又過香港喇~~
聖誕節正日去睇郭富城演唱會呀~
城城我麻麻地啦~不過上次睇過佢演會都幾正既..
不過有好多佢既歌我都唔識唱囉~~
我會盡量少買野架喇~~



哎呀~~
聽日抽大假喇~~
我好驚呀…
要順利呀~~~~



仲有祝福貞公子…
考試順利~最緊要”政治”~
我笑了~