2008年8月31日 星期日

三寶盛宴

星期六起身就去左學校攞學費單……….我地間學校真係幾無稽架喎……..星期六俾張學費單人……..星期四之前就要交學費喇喎……..都唔知係咪白痴………有d同學甚至連學費單都仲未通知去攞…..都唔知點交….痴線….希望快d畢業盡快擺脫呢間咁白痴既學校!!!!!!!!!!



跟住之後就去左搵欣欣杯傾去旅行d野喇……好俾心機呀!!!由於第一次去關西….所以上次講去關西d野講足成個月…真係有d悶呀講到………毛毛球有時講講下走左去梳化床訓覺….特別鳴謝欣欣杯…..因為欣欣杯係特別用力去搵京都d野…搵到連佢最愛睇既電視都無心機睇…..講去東京就唔同喇…始終係第二次自遊行….就唔使煩搵唔到路啦




夜晚就去左我屋企煮野食……明明話少女煮野食….但哥兩寶洗完野同煮完蝦之後就走左出去睇電視….頂佢地唔順….咁噚日我(地)整左冷面…..凍蝦….粟米娃娃菜湯….仲買左d三文魚tim………..哈哈食得好滿足….又魚又蝦咁每人都係40蚊咋….好抵呀……….

2008年8月29日 星期五

美國之旅不知如何是好?

今個禮拜都唔知搞乜鬼……….整個禮拜既心情都超差!!!!!!!!!!運氣更差………今個禮拜真係好辛苦呀………..本來諗住個個番工都係咁辛苦唔好咁抱怨……..但係……..唉……..仲收少左三百蚊tim呀……..雖然搵得番…..但對我打擊都好大…唉….下個禮拜朗仔番早…..得番我一個人番晏………..好愁呀…..我唔係抱怨………只係想食屎唔好食得咁應!!!!唔通呢d都係上天俾我係去旅行之前既考驗?!



gilbert知我收少左錢請我食既….佢話呢隻佢自己都好想食….佢話佢都未食過喎…..其實之前我睇到雜誌都好想試….奈何原來呢隻只係香港先有…….依家7-11都有喇..多謝gil哥哥




前幾日我問過d澳門旅行社….11月澳門去美國係台灣轉機來回機票要成七千幾蚊…..再加兩千幾蚊燃油附加費同機場稅….加埋加埋要成九千八百四十幾蚊一個人…….華………………………………………….使唔使咁貴呀?!又唔係旺季………….之後媽媽幫我問一間e媽平時去美國探家家妹子買機票既旅行社問…….香港去美國係韓國轉機連埋燃油附加費等等……都係七千幾蚊喎……….平成兩千兩百蚊港幣度……..但問題係……我要舟車勞動地去到香港搭….番黎搭完十六個鐘機再搭番船番澳門…………..同埋我咁智障會唔會唔識係韓國轉機呢?????唔知機場有無泡菜買呢?

2008年8月24日 星期日

大鴨生日會

今日大鴨Ada生日…..佢請左我地去氹仔漢城韓式烤肉食任食烤肉…..都算係幾齊人啦…..爭Iris同sasa無去…..希望大鴨生日快樂啦!!不過我噚晚玩online game所以好晏先訓…..但朝早又好早醒左喎……痛苦



今日聚會都幾開心…..因為我地好耐都無聚會係關於食飯

2008年8月23日 星期六

Tiffany & Co.

打風關係噚晚留左係屋企睇奧運………..



歷史性既一刻!!令我超感動..難得既係輸左排第二既王楠係打既時候全程笑笑口….係最後幾分仍然全情投入咁去打!!可以睇到佢有幾享受哥場比賽!!!隨住三面國旗昇起….我地一家三口都一齊起立唱國歌見證歷史一刻!!

2008年8月19日 星期二

抽血體驗日

今日一早起身七點鐘……….因為今日要去ss度驗血…….八點半開始…..因為我番工番九點十…..所以好驚唔夠時間番工….所以我提早七點八就去到哥度諗住早d可以快d………..點知我去到已經有十二個人係度等緊…我見到個同事..佢好似排第三….佢話我聽佢六點鐘出門口……下?!所以我都係排第十三……….點知未夠八點半d護士就開始做野喇……十二個人佢地都抽得好快……終於到我喇……有少少痛呀…..但抽完之後好開心…….我懷疑佢抽走埋我既不快…..抽完之後出門口睇睇個電話……….發現八點半都未到……..開心到暈低…..情緒到達最高點…..即刻跑去麥當當度買個早餐食………食完九點都未到……超high~~~




點知好景不常…………..下晏俾我遇到哥一家三口………..唉……佢地真係好煩呀….叫左佢地…..成日係度走黎走去不特止…………又話辦又話唔辦最後又話辦………頂佢個肺…叫佢老豆叫佢地番黎…..最後連佢老豆都唔見埋………..想點呀?乜都想快………佢地話喎:上次都係咁俾我即日有……我話:但係咁唔代表今次都會一定俾你喎…………..我最唔明佢地咁既表現竟然會令我抓狂……搞到我心情極級鼓譟………….呢樣係我好耐都無出現過………我依家心情好差………差到唔想講野….唔通去捐血先可以抽走我既不快???



係我眼中…..原來我唔係食屎狗………佢地一家三口先係食屎狗………我真係希望可以批佢地……等佢地去到迪士尼………..但我好希望哥日係落狂風大雨…..米老屎都唔會出黎……..只有烏蘇拉出黎迎接佢地…..同埋所有機動遊戲失靈

2008年8月18日 星期一

收到小禮物呀呵呵

今日一番到去……..就見到sasa…..佢話:等左你好耐喇。……等我?點知原來佢買左隻小海綿杯送俾我!!!好開心呀~~~不過今日我地都係要做食屎狗……….真係慘…做到我傻喇………好緊張呀….聽日就要驗身喇….仲要驗尿…唔知我痾唔痾得中呢………..



好得意呀…小海綿佢仲有好多對腳tim

2008年8月17日 星期日

sound of music+waiwai生日會+第一次行新八佰伴

有好幾日都無上過黎喇……….有少少偷懶….寫番呢幾日d野先呀…..好開心星期五去睇左sound of music…..雖然同套戲有dd唔同….但係我都好鐘意睇呀…..因為個女主角唱歌好犀利呀…..仲有個最細既小朋友都好得意呀……d修女唱d歌仲好好聽呀…..我地仲好衰咁話都唔知個宴會d女賓客係咪都係哥d修女扮…hehe



臨開幕之前偷偷影…..哈哈塊幕都好靚




今次個位都唔錯架….雖然唔係貴飛

2008年8月14日 星期四

Hey Mr. Davos

把幾火….對鞋等左成兩個幾禮拜先收到….離哂譜呀….先頭話一個禮拜度…..如果佢噚日再唔寄到黎我相信佢會俾我鬧得好慘………….不過算啦….我已經擁有左你喇紅色的davos先生!!!!!不過第一日著覺得好痛呀隻腳底!!!



打開佢既神秘面紗………噢…好熱情如火呀




好開心呀….明天就要看sound of music喇……好緊張呀…希望班人聽日唔好靠害啦

2008年8月11日 星期一

第一次番雅居樂住

上個星期六…..因為我地係內地既新居就快裝修好……所以爸爸話想番去玩番兩日…….所以呢兩日我都係番左上大陸….朝早好早九點就起左身喇…..之後我地就過完關等車…..係等車期間就快上車時….竟然俾我地撞到舅父舅母靖靖同細佬….所以我地就一齊坐車番上去喇…之後就中午約埋一齊去威尼斯食飯……



次次番去都係食威尼斯….今次飲左呢個面包湯真係好好飲呀




仲有今次終於食到最好食既果木炭烤牛小排…五成熟剛好呢~

2008年8月6日 星期三

意外的假期

今朝早七點幾就俾一個sms嘈醒左……以為係邊鬼個咁夠膽嘈住我…..原來係gilbert腥個咩四俾我話我知原來七點鐘就掛左八號風球……噢……………………太開心喇…..簡直係一個意外的假期….本身今日要早d番去開會tim呀…….之後打俾sa同佢講話八號風球唔使番…..本身佢未醒…..但係一聽到我咁講即刻醒哂….同佢傾左一陣收左線後…….去了個廁所又再訓番喇…..起身時又睇左一陣澳廣視播既周星星戲笑左一陣….依家最關心係…..希望佢兩點半前都唔好落8號…..咁我下晏都唔使番喇!!!!!!!!!!!!!不過係我開心唔使番工既同時……希望唔好因為呢個意外的假期而對其他人做成任何的意外傷亡財物損失事故啦………….但係樓下既comebuy仲有開喎……奇



講開又講….都唔記得左講番我上個禮拜六睇左mummy3….如果睇過第一集覺得好好睇既人….今集唔使入場睇喇…..會失望….絕對無第一集咁好睇……….如果之前未睇過既話….都可以唔使睇…..除非你有用不完既時間啦…..今集已經講男主角個仔已經讀緊大學…..但係最奇係佢個仔個樣既年齡好似同佢老豆差唔多…..搞笑……仲有梁洛斯做有成二千歲既古人….又識講英文喎…..佢阿媽楊紫瓊走入個古墓度召喚d千年木乃伊幫拖…….唸哥d甲骨文既物體時又係用英文唸……d中國木乃伊都識英文…..九唔搭八




哈哈….見媽媽話想落去7仔買報紙…….迫佢再幫我買杯最愛的comebuy蜂蜜蘆薈……………….係打風天又唔多人既comebuy…..佢地整得特別好飲


2008年8月3日 星期日

阿paul生日會

幾日無上黎喇……….原因係太眼訓呀….星期五放左工之後去左金龍食自助餐….因為我地最愛的paulpaul生日….哥日都好似幾齊人咁架…..見到一d唔係成日見既表弟妹咁啦….諗起真係幸福…paulpaul身體仲係咁健康!



哪…都算幾齊人啦…仲爭家家妹子….希望有機會一齊影張大合照啦




我和paulpaul呀~