星期五...早上飲筋勞~中午食左cheap壽司~工作係臨放工前有少少忙亂je~夜晚去左食榮江~~星期六...訓到12點半~我唔係偷懶唔跑步..但係我聽日有野做要好早起身嘛..俾日我訓下啦~中午買左Bless既自選沙律同埋香茅雞肉三文治~個三文治幾好吃~當然唔少得我最喜愛的starbucks筋勞...整個下午在幸福忙..因為睇緊未買機票哥次旅行d野.....研究左成個下午.....晚上用澳覓叫左關東煮外賣...澳覓真係本世紀最偉大發明...讓我可以在家當個宅宅~星期日一大早....公司有ot做.....哈哈~都幾好~賺下筋勞錢~...放左工又去左買Bless沙律同三文治番屋企食~~(連食兩日~)....下午又再幸福忙~忙左成個下午~~~噚日忙既...今日已然買左機票喇~~~~想睇落少少講~~夜晚澳覓叫煲仔飯...但等左兩個鐘先有得食(兩日d行程好似一樣咁~~)...星期一...噚日超早起身番工~~好彩呢日番晏..訓多一個鐘~~~今日唔知點解勁多野做....做到氣咳........咦...我好耐無跑過步添...點算好...但聽日好凍喎....點呀點呀~~大家要著多件衫唷~~
2017-10-14
Day 1---Part 1(澳門 Macau->日本,大阪 Japan,Osaka->香川縣,高松 Kagawa-Ken,Takamatsu)
yoyoyo~~~~~~終於出到四國篇喇~~~~好開心呀~~~~~今次係澳門飛~真係辛苦了毛寶喇~因為係澳門飛..最近四國只可到大阪...而大阪去高松揸車既話要成兩個幾3個鐘....(如果係香港飛就直接有機到高松)...但我地又唔想係香港飛喎.........好啦~介紹下有咩團友先~有我啦~毛寶啦~仲有我媽媽~~~~~我地哥日係預約電召的士既~(終於有番d好野我用到).....本身想自己揸車的...點知澳門機場取消左日泊價..只有按時收費....貴到飛起...我都唔知佢想俾邊個泊?!.....好啦~出發~~~影番張帥氣既出發照先~~乜解企最前哥個女仔靚成咁架~睬~~~~~你又不得不佩服我呀~我又係一早上網做左check in~今次都係唔使排~叻叻~
星期二.....番番下工又覺得個頭有條筋戚下戚下....感到將要頭痛....於是......我下午買左杯筋勞飲...(記好的星期四至日先飲呢??)...飲完又生猛番哂~~(如果有人贊助我每日一杯筋勞就好喇....我今日諗住放手一搏不如果以後日日獎自己飲一杯筋勞咯...但計計下...原來每個月要用多$1,000!!!即時禁止自己有呢個念頭)....今日空氣差...禁止跑步!!呢晚我食左紅肉火龍果..很擔心自己明天沒有粉紅色booboo!!(好可愛呀~~)....如果無就係有宿便!!好緊張!!!!星期三....各位各位~~我一早就有粉紅色booboo喇~~~~番工順利~~放左工同毛寶去試左新開既鍋心粥底火鍋~都唔錯~..星期四....又到法定飲筋勞既日子~飲完開工真係舒筋活絡~~~~好野~好野~又到星期五喇聽日~~~~~咦..呢幾日都無跑過步添!
hi~又黎一年一度公子哭福袋大賽~無見一年~大家係咪好掛住呢?要唔要重溫番之前既哭福袋盛況??等我幫下你~2012年哭福袋..2013年哭福袋...2014年哭福袋...2015年哭福袋...2016年哭福袋.......即係話!!!今年已經係第六屆!!!!!出年就係第七屆!!!第七屆有個7字真係要搞得好好睇睇!!!唔好失禮7公子個7字!!!!!
今年我地都係去番舊年搞哭福袋哥間泰潮呀~即係百老匯入面哥間呢~明明年年都揀新野試架..點解又揀番呢間?因為d野都幾岩我地食~(而且唔貴)...仲有間房~(你地應該估到我地有幾嘈啦~)....同埋佢開到夜晚12點....岩哂我地舉行呢個活動(因為年年都搞成4個幾5個鐘架!!成個叱吒頒獎禮咁長~)......野食舊年講左啦~今次唔講喇~一野進入大直路喇~俾你一次過睇哂成枱餸~大家有無見到哭福袋派對有新面孔呀?係戈巴呀~戈巴依家正式黎澳門住喇~佢真係好彩喇....攞到我地呢個哭福袋頒獎禮既入場劵!!知唔知好多人想俾錢買都買唔到?!(記得做公子既首要條件係咩?)
星期五....呢日朝早我又放縱自己飲筋勞....但飲完番工真係好開心....(張卡真係唔可以亂買的)...番工還好~放工去左公子壽宴~幫我地主席慶生~星期六.....今日放縱自己無去跑跑...訓到自然醒~~好舒服呀~訓到成12點半~~(而且我仲發個好長既Sunny bb夢~好開心~)..中午去左食Terra~~終於食到~~Affogato~~同埋佢地個有個素既沙律好好味~~仲有個辣魚pizza都好正~~個底好脆~~梗係要飲杯筋勞賀賀佢~~跟住行左一系列既運動舖~~之後毛寶幫我剪頭毛~~我有成個月無剪..有無人知我有幾長毛狗?夜晚正呀~~食左園林呀!!我終於食到~~~食完仲要買一堆家和魚蛋上菓子軒度食~~(佢地個辣好味~)...最開心係甜品係我好耐無食既dreyer's薄荷朱古力雪糕~~~~~~~~~我好鐘意食呢個牌子呢隻味架~~~~順帶一提~~菓子軒隻腳好臭呀~~~星期日....早上跑步去~~4.89km...個app好似傻左咁~~明明同平時路程一樣....計到d路程古靈精怪~~跑完步梗係要買番杯筋勞慰勞下自己啦~~再買埋阿蘇外賣做中午~~訓一陣晏覺~~再出去睇戲~呢日睇左解憂雜貨店~~個故事其實係唔錯既~但我想睇日版多d~~~跟住再行去食埋權昌~~正~~多謝貞公子請我睇戲~星期一...好多野做...又好眼訓....因為我淨係俾我自己星期四至日先可以飲咖啡...所以今日中下中下.....好野~我阿媽番左黎~我今晚有住家飯食喇~
2017-10-01
Day 4(台灣,台北 Taiwan,Taipei->澳門 Macau)
今日要起程回澳喇~黎食個早午餐先~我要毛寶陪我試呢間聽講(網上說的)食完會潮到出水既cafe...叫米販咖啡Cafe de Riz...地址：台北市大安區安和路一段78巷34號.....咁梗係搭的士去啦~仲使講~
星期五...番工多野做...但今日起碼d人好醒...所以無咩所謂~放左工..去左漁人碼頭間春秋火鍋試~都唔錯~星期六....一早起身又去左跑跑跑~跑左5.07km...呢日朝早都幾凍...我錯估形勢著左短褲跑~~(我係街哥時聽到有人細細聲行過我身邊講：華...著短褲...........搞到我好似short左咁~~)........跑完沖左涼去買左杯筋勞飲(我依家入starbucks唔敢講英文americano....我驚我真係唔小心講左要一杯阿咩lee筋勞)....同埋我終於買左張starbucks卡儲星星~中午同左毛寶同埋佢屋企人一齊飲茶~又去左勵皇軒~~(唔知點解我覺得上次好食d~).....然後去左睇與神同行...夜晚食左關東煮手作坊~好好味~星期日....又係早早起床~跑左5.1km~但呢朝極熱...熱辣辣跑到時間好差~(我呢個人太熱跑唔到..太曬跑唔到..太凍又唔想跑...真係好麻煩~~~)...中午好想去食園林..點知極度多人排隊.....乜家陣咁多人食既咩?我已經失敗左兩次.....好耐無食過豬扒魷魚撈米加咖哩走青...好心酸~最後又敗走去左食牛仔屋....食完諗住去Terra食番個affogato...點知..又係極多人排隊!!呢日咩事..我想食咩都係食唔到..唯有去買杯starbucks筋勞就算!...然後就番左屋企訓左陣...因為太早起身跑步~~好眼訓~訓醒又用澳覓叫外賣..今次食韓國野~不過d野黎到好凍~無心機食~星期一...工作還好~阿媽去左旅行...我今日全日既心思...就係睇澳覓呢個外賣app睇下今晚食咩~~我最後揀左.....燒烤.....(流口水ing)
2017-09-30
Day 3---Part 1(台灣,台北 Taiwan,Taipei)
呢日無咩特別行程~只是走走吃吃~本來無安排食早餐既...因為兩個都比原來時間早左好多起身~就去食下早餐囉~又去食酒店後面街既阿宗麵線~地址：台北市萬華區峨眉街8-1號....遊客野~我鐘意~每人一個小的~NT$50=13.2hkd~
星期二....好凍~~~但我又覺得無星期一咁凍喎~氣溫上黎講係星期二凍d既...但星期一寒流剛到哥種強風真係吹到我鼻水都流~~~~呢幾日又凍又雨...又無得跑跑...嗚嗚!!無得跑係屋企...同毛寶傾傾講講...買左今年第二張機票.......星期三.....整天工作還好~係5點後有d忙忙的~放左工去跑步~5.08km~呢個禮拜日日都又凍又落雨~今日終於可以跑下步~開心心~星期四....工作還好~好開心終於都聽日係星期五喇!!!我日盼夜盼~~~終於等到~~周末唔知做咩好呢?會唔會又係耍廢呢??
2017-09-29
Day 2---Part 2(台灣,台北 Taiwan,Taipei)
夠鐘喇!夠鐘喇!我地約左時間黎呢度間誠品生活有野做架~~
星期五...好得意喎...托賴工作量還好!放左工去食八分目!!好耐無食晚餐既八分目~今晚所有餸菜我都未試過~~~有個酸酸地既菇好正~仲有兩款湯試~食完飯之後又去買番我對番工鞋..係..佢又唔生性...又開口問我攞飯食!...今次開到見到我每日著咩色既襪~....星期六..一起身諗住跑步..唔開心呀!落哂雨咁..再訓!...中午約左皮皮同企鵝去食前兩篇寫過既Root..我上網訂哂位..收埋confirmation e-mail...點知我地4個去到餐廳...發現佢根本無開..我再check e-mail...佢係今日凌晨差唔多1點先send e-mail通知我話cancelled左我個booking!!..今朝電話都唔打個..嬲!!!落咁大雨仲要我再去搵另一間餐廳!!!最後去左對面金麗華入面既Naam食泰菜......下午.....訂左本年度第一張機票喇~~~~~yeah~~夜晚叫左外賣食Pizza~(落左成日雨)..之後回家好努力咁寫哭福袋呀!!出完台灣blog就會出佢啦~期待下啦~寫左我個幾鐘架~...星期日...好開心咁訓到12點~~中午食左麥叔叔...之後去左睇玩轉極樂園(Coco).....夜晚食左齋~食紫來坊~~~咁又一個禮拜~星期一...今日放工後....我明白到到....其實我同做保險差唔多......呢度真係好好玩呀~~~~~~~~~~~今日番凍喇~~大家著多d衫呀~~~放工時d風亂吹...d雨又亂打.....希望凍得黎好天啦~
2017-09-29
Day 2---Part 1(台灣,台北 Taiwan,Taipei)
早呀早呀早呀~有人生日呀~生日快樂~~~~~我地間酒店望出去個景~雖然唔係d咩景~但有窗就是心曠神怡~
喂喂喂!!!哈p撩姨牙!!!!大家呢個假期過得好嘛~~上星期五...係你想像唔到既多野做...隻手快到要飛天~~放左工....換左衫去左水坑尾宏達睇下出年想去旅行既旅行書....睇完無收獲但個肚極餓...就行過隔離既Pexxxr Lxxch...平時都有食開其他分店..呢間係第一次食...我叫左最貴哥個牛扒餐...但...我未食過咁難食既牛扒..唔似肉眼扒肉質..無牛味...淨得極重黑胡椒味...我係隔離雀仔園凍肉鋪買$19一塊牛扒都無你咁難食~水坑尾呢間我以後都唔會幫襯!(弱弱的問...你地係咪入錯左批殼?)....之後去左行光影節~再之後去左睇逃出魔幻紀：叢林挑機....(點解星期五咁多野講既~).....上星期六~睡飽飽去左食金坂呀!!!!!!!你又帶我食好野~~好正~~~多謝毛寶~~不過今次個師傅略嫌佢握d壽司飯有點鬆散..調味重左d....我想食番之前哥個師傅呀~下午去ctm攞埋個Airpods~因為前幾日買電話可以減$300買~可以跑步用喇~夜晚同左菓子軒去食家常便飯(間野真係叫呢個名架)....之後就去左戀愛電影館睇情迷梵高(Loving Vincent).....上星期日..超乖~晨早起身去跑步~不過成績麻麻..得3km多少少咋...又熱又曬~叫左跑左2017最後一跑啦~~中午食左starbucks~因為我想飲2017最後一杯筋勞~然後整個下午搵下年某個旅行既景點...一搵就是4個半小時...景點都搵好了...但拍擋仲未有假...機票未買...酒店未訂~夜晚本身話食完飯去睇煙花倒數..點知...飲左華生堂燉湯->去左篤魚蛋..個口好辣..要食少少甜野->三盞燈附近好多野食檔..唔知係咪因為倒數~我買左麥芽糖夾餅~好耐無食~->食完少少甜野又食d咸野~食左雞肉同埋雞軟骨串燒~->食完少少咸野又想食少少甜野~食左冰糖燉桃膠~~~~~~~食完覺得內心好平安~同左菓子軒一齊倒數!!!!happy new year~~~~~~~星期一...中午去左星際間Passion度食~跟住去左睇大娛樂家~夜晚去左新濠峰食季風~試左佢個$198二人餐...勁爆難食...一係無味..一係勁咸~真係好出色~我既元旦假期一頭一尾晚餐都中左伏~跟住梗係係屋企睇叱吒啦!!!!支持sunny bb嘛!!!星期二..超多野做...d人唔使番工咁既?放左工去左跑步~5.39km~晚飯食左checp壽司...有時覺得cheap壽司真係好有魅力~星期三....中午俾人激左一獲....下午俾人再激一獲...我堅頭痛....放工去跑步...5.22km...跑走不快!!星期四起身仲係有d頭痛....但今日少d膠人膠事.....加上晚餐吃得好好的~又開心番~
2017-09-28
Day 1(澳門 Macau->台灣,台北 Taiwan,Taipei)
好好好~~台北之旅出發喇~~~~~呢日我地都好搏命架~因為我地係番足全日工~放左工即刻搵阿Sam車我地去機場~多謝阿Sam~~~(其實本身諗住自己揸車去機場架..但依家機場取消左日泊費用...咁貴仲點泊??我都唔明你個停車場唔係方便人地去旅行用既咩?)....家陣我去既地方澳門有得飛我都唔會去香港飛架喇...好攰~咁我地去換埋錢先啦~個匯率都係麻麻地...呢排d台幣匯率都高企呀~舊年聖誕節個匯率仲係4(NT$4=1hkd)....依家得番3.78(NT$3.78=1hkd)......算啦~又唔係換一百幾十萬~又唔差好多je~我又唔算換得好多台幣呀~因為我打算狂碌卡咋~好喇~每次都提架喇...出發台灣之前..記得要上台北入出國事務組網頁搞番個入台證呀~咁哥日係9月28日嘛~我諗住未到國慶正日應該無事既~點知去到我地個航空公司既check in counter見到爆爆爆勁多人!!!個蛇餅捲左好多個圈~最後....好彩醒起自己有做online check in~佢有個counter專係俾做左網上check in既人既~一個人都無~~(真係要讚下自己)
攞左登機證之後就入禁區啦~同你影張出發合照先啦~成3個幾月無同你去過旅行喇~(毛寶：都唔知點解你咁鐘意係呢個位影相..好靚咩?!)..係呀~好靚呀~個gip出發時係8.2kg
