♥八見Supper Moment♥@澳門巴黎人除夕跨年盛典2019

星期日....中午食左阿維斯...都係求其食je...然後去左ctm搞啲野...再番舊屋睇裝修....再去找電器尾數...再去毛寶家痴痴貢同剪頭毛....星期一...早放工一個鐘...屋企裝門鎖...又有裝修野激親我...可否激少我一日!!!...又到找埋傢私尾數既時候...然後去左食園林...真係好好味...sad呀...俾我知道我係接唔到濕爬喇嗚嗚.....星期二...幾開心呀~除夕番工番半日~放左工同公子去新故里食日式收爐飯~(舊年都係呢間)....下午係毛寶家煲左兩集劇...夜晚7點就去左巴黎人對面個大花園霸位睇倒數Show(諗起要企4個幾鐘先見到濕爬就唔開胃XD)....睇完個Show我成個人變左灰色XD...星期三...喂!Happy New Year呀喂~呢日一起身就頭痛....唔知點解呢日起身個感覺似過緊農曆新年咁.....中午食左鼎太豐~再去左MGM既沙北嘆個啡...再番屋企睇裝修~晚上在家吃蘿蔔糕~(都話呢日似過緊農曆新年架啦XD)....星期四....起身仲係頭痛~~頂硬上呀~~你窮呀~仕燊~~(唔知做咩加插仕燊出場)....星期五...我尋晚大發神威~一連寫左日本佐賀5日行程~真係好叻~仲研究埋酒店~點解我會咁叻叻架!!又幾好喎...放左中間一日假就好似好快到周五~....放左工去左百老匯飲湯~依家仲有蒸飯食~再買多底澤賢記雞蛋仔~番屋企再研究酒店~.....由於星期六下午好多野搞~所以提早凌晨出Blog啦~星期六既記事就下篇先講番~我真係乖喇~



咦~係咪有人好嬲呀?旅遊Blog又俾我家仕燊尖隊~查實無乜影相~但我又想紀錄下呀吹咩~係喇係喇....12月8日已經有機會睇左一次佢地係騰訊頒獎禮行紅地氈~好開心同哂佢地4個揮揮手~好鐘意你地呀<3(我仲送左法國手信俾佢地XXXXD)...哥日唱左一樣不一樣(國語)/幸福之歌....竟然之後12月28日有人話俾飛我去睇佢地不公開賣飛既：閃耀金光 巨星音樂節~~第一次去巴黎人對面個花園咋!

♥六見+七見Supper Moment♥@Supper Moment Live in Macao 2019+Supper Moment X Pocari Sweat唱遊會

星期二....你又點估到...今日會多野做過噚日丫~無計啦~長命功夫長命做啦~~星期三....中午放工無啦啦行行下落超市爆勁大雨呀....d雨係打風d雨黎架...打橫架!!!搞到我半身全濕...並唔係上半身或下半身咁濕...而係正面全身濕....濕到我連頭髮都濕......放工去左永利宮同Diana慶生呀~~~之前永利宮剛開時勁難食....一直都無再去...依家聽講話譽瓏軒師傅過左永利宮就去試試啦~係好味過之前既~~~~~星期四....有無人知我今日5點半之後有幾忙?!?!?!仲俾最後一個客搞搞貢...真係煩屎人!!!!!快d到聽日下午6點好無??!?!?!?!



你又以為我今日出遊記~我又搞下新意思~係~我地有第六見....但我仲未出....直到有第七見~~~我都仲未出....你又以為我唔愛佢地咩~錯~我係太忙je~但係點忙~我都要為我地既遇見做番一個紀錄既~可~~~~~~~~~~(心又生花~).......哥時去完蘇格蘭....係11月2日夜晚10點左右先番到香港.....搭完船番左澳門之後...第二日11月3日我又搭朝早10點船過香港.......因為我要見證Supper Moment第一次上紅館呢個歷史性時刻!!!!!!救命呀好熱血呀~~~~同埋我覺得自己好強...搭完10幾個鐘長途機....第二日又咁早過香港睇演唱會~首先我想講買飛既過程係異常辛苦....我又姑寒唔想用我d亞洲萬里通既里數換演唱會+後台見面既機會~

♥五見Supper Moment♥@澳門漁人碼頭除夕狂歡迎2019

2019年第一篇呀~~~大家好~~~~~上星期五....多野做到呀....咁岩又肚痛喎...頂硬上啦~~鬼叫我窮呀~放左工即刻咬個豬柳強走蛋去左戀愛電影館睇夢女芭蕾(Girl)...睇完即衝去大會堂再睇9點半既大黃蜂(Bumblebee)...一晚走兩場睇戲係因為：我地唔記得聖誕前一個禮拜預售買左7點半....就噚日又買左今晚9點半既飛...好傻仔~(記性真係好差~但好彩差得黎都個時間錯開...同埋澳門真係去邊都近XXD)....上星期六....中午去左順軒飲茶~下午剪頭髮和寫blog~夜晚痴痴貢XD…星期日…中午沙北reserve…食完去左睇就完的Keith Haring展覽…夜晚又痴餐XD…星期一…番半天工....中午放工去做咩呀~~~~同左公子食西式收爐飯!!揀左食新故里....好滿意~不過我就呢日朝早成個人都好俺俺悶悶又反胃咁.....你明既....落d講~~~星期二....1月1日呀喂~~happy new year呀~~~~~原來呢日又係3工~唯有走入酒店食...去左羅浮....下午在毛寶家發下花癲....點解呀...你又落少少睇~夜晚又痴痴貢~XXD.....我仲同毛寶一齊睇叱吒...仕燊個造型成個華dee咁~~~幾鬼靚仔~~~~攞左組合銅同埋我最喜愛組合~~濕爬好叻仔~~~你地永遠係我心目中既金中金~~~星期三~~2019年開工大吉~~都係得一個人無禮貌je~~我心情靚~算你好彩~放工有d雨仔..又凍...都係唔跑住lu~....星期四....毛寶：咁唔使講啦....2019年第一篇梗係濕爬啦下嘛?.........聰明的你~值得擁有~去片~(你地都想我好架~見唔到我會失落好多天~就好似上次台北之旅咁死狗)......好野~~~聽日周五了~~~



er....就咁既...係我去鳥取期間....麥公子通報漁人碼頭今年倒數請左supper黎澳門~~~~於是我心又喜我個心又慌~~~~(簡稱又發花癲).....係日本番黎之後就開始諗要點接同今次買咩請佢地食~~請左次杏仁餅~仲有次係樂宮曲奇~今次........我諗到頭都爆澳門有咩特產呢?.....然後....我揀左葡式甜品蟲仔餅~~~~我細個成日都食...不過細個食開哥間我相信已經執左~於是我就上網搵左呢間係龍嵩正街既金燕牛油糕葡式食品~原來都開左好耐~不過我之前一直都唔知~我去買哥時個哥仔仲超好人猛咁叫我試食~(佢地d咸味芝士曲奇也很不錯吃!!)...好喇...番黎正題先.....我揀左細細禮盒裝俾佢地4個奇男子每人一盒....又寫上一堆情深義重既句子俾四位<3....(唔話俾你知我寫咩~~)

Supper Moment[Dal Segno]專輯巡迴台北站之旅2018-08-25第二天Part 2(晴天及後轉陰)

星期五....都幾多野做...放左工同左凱公子去慶生~~~去左永利哥間意大利餐~都幾好味~同公子hehehaha最開心~下一餐就係哭福派對~期待~...星期六....中午去左食仰光小館~~佢地d魚湯粉真係好好味~~~~豆餅也非常出色~~~下午都在幸福忙~~終於搵哂d日本mapcode~~可喜可賀~依家要努力咁搵大阪既食既野喇~~夜晚約左朗公子去食川粵味蕾...如果以$198呢個價黎講都ok既~不過我應該唔會再食下一次~因為我唔係幾鐘意任食~哈哈~(呢晚個電腦又有開唔到...我唔知係咪好快會俏俏地消失.....).....星期日.....中午去左沙北Reserve~假假地討論左出年大假幾時放同去邊~希望成事~下午訂左兩間大阪既餐廳~~有一間未食過~~(而且餐廳既主題我諗都無諗過~~)~~好期待呀~~~......阿媽去左旅行...無人理我買左阿蘇番屋企吃~星期一......好救命呀!!!!!我噚晚碌到凌晨3點半先訓得著呀!!!!好辛苦呀今朝番工!!!!!好彩工作順利放工去左買茶茶子(8粒自選+兩粒太卷)同埋7仔10粒魚蛋拼燒賣加碗仔翅~~~~~我以為自己瘦瘦的..吃不下的...誰知吃完後只想說：幸好有買咁多野食XXXXD



2018/08/25
Day 2---Part 2(台灣,台北 Taiwan,Taipei)
拿拿拿....呢兩個人呀...剛剛一出左Omakase既門口.....我看看天：華!好似想落雨呀!不如截架的士去飲咖啡咯~(誤)....於是...為免淋濕我地就快快截左架的士上車~....呢間cafe係民生社區入面~最近既捷運站係南京三民站....但走過來還是超遠的~所以......搭的士黎最岩~

♥四見Supper Moment♥@1st Rock Concert 2018

星期五...番工勁多野做...但d客勁無水準(我唔係講佢醒唔醒....係有無禮貌).........放左工去左飲燉湯..之後買埋魚蛋上菓子軒度食~~同佢玩左陣~~發覺佢又大粒左好多~~呀~~我仲食埋Dreyer's~~~~~弊啦..我好緊張呀~聽日接唔接到哥4個男人船呢?.....星期六.....成日摺埋唔係呢part度講啦!!人地都特登開左成個blog去講咯!野!!!我怕醜!!(驚既話大家睇到呢度可以走先~逃生門在此~).....星期日....中午又食Terra...係!!又食!!!好恐怖仲未厭!!...跟住去左venetian有人話要買新鞋過新年~~再過埋銀河~~買完野係百老匯食阿鴻小食~~然後毛寶再幫我恤髮迎新歲~~~周末~~完~~~~星期一.......我知~近新年丫嘛...真係好多野做丫嘛...咁我岩岩starbucks升左做綠星會員嘛~咁我咪係杯筋勞度免費加多杯特濃咖啡提提神囉~~華~~又幾勁架喎!!(估唔到4個shot原來咁勁~~)...今日成隻電兔咁~



呀~~~唔~~~拿....你地知啦....我個人又冤左好耐啦~~~Supper星期六黎澳門嘛~~~~有個第一屆搖滾音樂會呀~~事前都冤左d同事朋友成個月~~~集思廣益睇下今次請佢地食咩好~~最後我自己諗左要請佢地食我都好鐘意食既樂宮曲奇~(呢個粉絲送既野真係好old school~~)...唔知大家香港朋友過黎澳門有無買過呢?...呢罐野尤其新年附近既時間係極!!度!!之!!難!!買!!....難既程度真係要唔番工去一早排隊買哥種~(都可能買唔到).....多謝我好友個男友阿後生仔話我知有個點可以買仲要唔使排隊~~~家陣我有四罐係手!!!!!所以你就知點解我咁想接到佢地船...因為接唔到...我就要一人攬住4罐曲奇過新年(誤)....成個畫面都係失戀故事.....感覺夠哂淒清......雖然好好食...但4罐係手真係好難消化....跑100km都無補於事~華..我仲要好靚靚咁每人一個紙袋入住佢~~(紙袋又可以有幾靚??係我最鐘意飲既starbucks既紙袋黎架!!好珍貴!!記載住我飲starbucks既歲月!)...重點係我仲要每罐都貼左張memo紙寫低我對佢地既深情說話.....夠痴情未?)

♥三見Supper Moment♥@Rock It Party 2017

星期五....超!勁!忙!!!!!說好的賽車要安全躲在家中呢???放左工等左好耐巴士去做運動.....今日慢跑左5.15km~做完獎下自己去左食唐吉訶德~超耐無食~原因係無啦啦好想食佢個藍芝士醬牛扒..我發現佢呢兩年都無加過價~~仲要d tapas都係咁好味~~~正呀~~~星期六....我一大早起左身..為咩呀??睇落面咪知囉~~~好怕醜呀又~~~...星期日...中午去試左Root~中午正好多喎(計埋價錢)...食飽飽去左做美白牙齒~整個下午都在plan大阪行程~~差唔多搞掂啦~~夜晚食左關東煮外賣~正~仲係fb睇埋Supper係Clockenflap既live~~~好正~~~~仲唱左首新歌!!!星期一.....雖然係星期一..但我心情大好~因為我番晏~~因為Sunny bb既氛圍仲包圍住我~~因為日本行程又差唔多搞掂~~~~~放左工去慢跑5.16km~~~~



我呀~星期六哥日又一早起身呀~買左麥叔叔...."行"去碼頭.....係呀....係行呀....因為賽車嘛..我又驚佢塞車又呢樣哥樣.....咪行去唔使煩囉~兩個禮拜之前呀~又俾我知道左Supper Moment會黎澳門表演呀~咁呀~我真係唔捨得唔接佢地船呀~其實我等左好耐...唔好問我幾耐.....總之我等等下耐到放棄左~(鼓起好大勇氣!)...諗住走時經過今次個表演場地漁人碼頭咪諗住望下個台係邊囉~~點知望完開下Supper個Instagram竟然更新左佢地剛係香港落船!!!!!!咁我梗係即刻折返啦~~~終於!!!!!!!!!!!!!!!!!!!!!!!!



佢地出到黎我即刻同CK講句生日快樂先啦~~~正日生日都要過黎澳門無得陪屋企人咁慘慘~~然後我話請佢地食杏仁餅~~(係咪好老土呀????我個人認為係幾老土但唔知點解我又做喎~)....之後阿達提出：你想唔想同我地4個影張相呀??........我心諗：下~~~~~~~~~~~點會唔想呀~~~~~~影一萬次都想啦~~~~~~~~~~~~(小鹿亂撞mode)...美男達你真係好人~~~~~~~好開心呀~~第三次同你地4個影相呀~~~~Sunny仲要話：拿~我地咁樣影~就好似黎一個交接儀式.................你真係可愛得過份<3....好靚呀張相~~多謝fay幫我地影~~介紹番先~呢間係澳門人都好鐘意食既最香杏仁餅呀~我平時唔鐘意食杏仁餅都覺得好食~依家超多人買的~係毛寶咁好人先會幫我買~(係呀~我仲送左我之前係台灣買既喉糖送俾Sunny bb~佢救過我兩次喉痛~遲下出台blog再介紹~)

♥二見Supper Moment♥@Corora Sunsets Festival 2017

星期三...好多野好多野做.....人地等左3日...Supper Moment個親親...呀唔係...個握手影相會仲未有結果既~~~~我成日都心急到行黎行去行黎行去呀......放左工去做運動..好差呀...快行咋...5.13km.....沖完涼仲即刻衝去睇人造天劫(Geostorm)....你知唔知我有幾耐未睇過戲?!...但套戲....er...唔...呀..........................一路睇一路個肚打鼓我唯有睇完戲食番個麥叔叔架咋~番到屋企就收到一個消息(喜炸了~~~~)....星期四....咪講左囉~人地呢日放公眾假期嘛~梗係偷懶啦~由於噚晚收到開心心的消息~所以今天不去運動了~中午去左文華東方既MO Express度食中午飯~成個下午係毛寶家執執麥公子d相~夜晚回家吃~星期五....勁多勁多野做~整天都遲籌~放左工之後去左同凱公子賀壽~~~~~~~~~~又係食中菜~~~~星期六...期盼已久的一天~~~~自己睇下面寫咩咪知囉!仲問人!~~~~~~~~(怕醜奔走)....星期日中午去左羅斯福入面既氹仔漁村飲茶~之後去左試搭新哥個大潭山斜行電梯~(好家庭樂呀)...之後又去行左陣威尼斯人個車展..睇下je~....夜晚食左外賣~(其實我都成日食外賣..大家有無咩推介下呀?)....星期一...照樣多野做~~然後放左工快快回家吃完飯去跑步~(但今晚極豐富有鮑魚花膠湯飲~~)....食飽飽去運動~慢跑5.24km~我真係飄忽丫~今日跑左成40分鐘~~~~keep住keep住~~




(我地黎開始進入粉紅色的夢喇~)....咁既~上星期三哥晚就公佈左哥個令我喜炸了既消息~~就係~~~揀中左我可以去同Supper Moment握手同埋影相呀~~~~~~~~~~~~~~~~(其實未公佈前我就好似當我自己羸左咁呀~~已經買好哂船飛~).....因為呢件事我煩左凱公子同埋毛寶唔知幾多日幾多夜~~~~~~~~~~~(因為我狂話唔知會唔會抽中我又唔知會唔會唔記得通知我~~我真係煩死人喇~).....真係慘喇~有人呢日一早陪我過香港~~~~到左香港~~衝左去銅鑼灣先~~~因為我好想好想去買叮噹呀~~~佢依家係時代廣場個log on個中庭有個pop up store~~~超細細的~~仲要排隊入..好彩我地早咋....排左3分鐘~

♥初見Supper Moment♥@Hush 2017

星期二...有人請我食早餐呀~多謝Chlo子~不過呢日有少少頭痛~慘.....唔通...因為有得去旅行所以我緊張得滯?執野執到如火如荼~~~~星期三.....發生左件無咩可能會發生既事...那個不能說出名字的人聽到我叫完佢早晨佢開心到摸下我個頭呀...好驚....記低佢先........................毛寶話以後唔想掂我個頭幫我剪頭毛...俾you know who害屎.........星期四...噚日唔頭痛...但呢日再度頭痛........幾痛下...點解...次次去親大旅行前都咁.......快d好番~~~~~人地聽日就要出發喇~~~同埋今日聽到一個驚天大消息....我愁左一陣子......................好既生活只係過左年多....咁快又要被打沉...................唔好諗住喇~~~~~~~開心左先啦~~~~



真係呢....正所謂：其實大家都知我個人係好怕醜架啦~~~~......但一遇到心中所愛~~一定要勇敢爭取~~~好喇...呢篇野花痴mode係全力開啟無留力.....平時頂我唔順d花痴mode既人當係俾左個警告你喇~~~~~自己唔知衰睇落去然後頂唔順唔關我事架~~~~~即係咁......大家知啦....我近排最鐘意係邊個呀???係Supper Moment既Sunny bb嘛~咁呀....前排呀~佢地黎澳門開溫柔革命巡迴演唱會嘛~之前講明如果衝出香港開show既話第一度一定係澳門~因為佢地話之前應承左澳門粉絲......華.....聽完都冧到口水都流哂啦下話~(你知啦...有d淨係掛住內地粉架咋...哼).....同埋我好鐘意Supper Moment d歌勁正面...又熱血...又有鼓勵人既成份....情歌又出色......真係....我諗唔到缺點(好啦其實有架~我覺得佢地d廣東歌好聽過國語歌~~~~~~)



咁呢...每年都有個Hush既音樂會既.....好似以前係文化中心搞既(毛寶話我知的)....近呢幾年就係黑沙海灘搞既(我依家先知原來舊年有請陳綺貞過黎..好勁)...但係...我係一年都無參加過既.....係...唔使錢都無去過.........今年一聽到有Supper Moment喎...又心痕.........痕到呢...但問題係...我真係好驚人多.....熱...同埋.....曬........呢個音樂會真係齊哂我最憎既野.....................咁...上兩個禮拜大家都鼓勵我要去架嘛~~(其實個心已經飛左去就係想大家俾d肯定我~).......然後諗.....唉~人家少女心真係好想近距離接觸下Sunny bb~所以又諗下好無去接船~(對上一次係接布志綸...亦係唯一一次)..........但....我又唔知人地幾點黎又唔知邊個碼頭... 真係...............又將呢個小願望放埋一邊...



就係佢地黎之前一日...突然呢個諗頭又行番出黎...多得我個追星顧問凱公子力挺....我同佢講一句：我想去接船...求支持.......就同我研究左超耐~~~~~時間上...我參考左第一日盧凱彤黎澳門參加Hush個落船時間(個fb post好似係早上8點幾)...天呀~~~勞動節無得訓晏d喇~~~第二..就係要考慮...香港黎澳門有兩個碼頭...就算我早起......如果我企係一個錯既碼頭....都係徒然..........但....我決定放手一搏~~~~反正我放假又無蝕既~(我決定企係外港碼頭!!)..第三.......最重要係毛寶此時send個whatsapp黎同我講：你聽日幾點呀?我車你去碼頭陪你喇...........華.....唔去仲對得住Sunny bb既~hehe~



好啦~之前哥晚成晚都訓得唔好~仲發夢話Supper Moment係凌晨已經搭左船黎澳門綵排緊..我仲send whatsapp同毛寶講行動解散.....於是..我成晚醒諗緊呢件事係咪真既?(我真係幾無聊).....哈哈~哥朝毛寶黎接左我之後將架車泊左落碼頭隔離個停車場...一落車拍一聲.....整部電話跌落非常堅硬既石屎地.....仲要mon向下...我攞起一睇.....頂.....我個玻璃mon貼無事但個mon爆左!!!!!!!!!!!!!!毛寶說：追星唔使付出代價咩~...................追到就話je.........8點半前去到企係度.....毛寶：行我遠d~~~~陣間我會當唔識你~...我：但我要小助手喎!......於是我自己企係入境位度等........好緊張呀~~唔知買唔買得岩佢地係呢個碼頭落船呢~~~~~~(定還是我晏左佢地已經到埋黑沙添呢?)...企企下好悶....行去後面同毛寶傾陣計先~~期間好緊張不停反胃...同埋不停咁狂睇佢地個fb同埋instagram..完全無動靜...終於!!!仲唔俾我捉到你地~~~時間捉對了~~~~~但我有淆底問毛寶呢張相入面係澳門景或黑沙.......(圖片from Supper Moment Instagram)