2014年8月27日 星期三

江南苑韓國料理

噚晚有朋友自法國來呀~所以我同媽媽就請朋友們去左日麗度食飯~噚晚d野又幾好食喎~~~~今日個天陰陰暗咁~~有d恐怖~~~~~~~好開心呀~~~聽日幫麥公子開壽宴呀~~七公子又有得癲喇~~~~



哈哈~之前見表妹去食過~唔抵得人我又約朋友仔去食~江南苑韓國料理...地址:新口岸孫逸仙大馬路...電話:2857 5711...

2014年8月25日 星期一

小公子成長月記@2014年3月(一歲五個月大)+孖八二零一四年三月

好恐怖呀~~今日好多野做呀~~~~~唔知點解...我今日覺得....我肥左................星期五:去左淥鼎記食打邊爐~見到好耐無見既小青蛙~.....星期六:我咪就係過左去香港囉~仲要搭超早的船~~~七點半船過黎...好恐怖~好眼訓~就為左要入大嶼山學"藍染"...好好玩呀~~~好想下次再學~...->學完順道去左大澳搵野咬~(係咪算順便?)->出番去旺角行下(其實重點係食肥姐~)->又順路行埋尖沙咀->夜晚去左黃長興開哥間A La Maison Restaurant & Bar食法國餐.....星期日:本身想試塔石後面新開既西式素食...搵黎搵去都搵唔到之下食左發達~..->買左份新既保險(幫左唔同人買)->夜晚食海榮~成日都係食~



寫完旅遊blog~回歸平淡~~~哈哈~~之前3月去旅行嘛~~所以無咩點見小公子~得佢阿娘send俾我既3張相咋~~~所以今次加埋孖八仔一齊寫啦~你個頭好亂呀~~~玩咩黎呀~~好鐘意你件波點衫呀~~~~


2014年8月21日 星期四

日本東京自由行之旅2014-06-26第五天Part 2(陰天至晴天)

呢個禮拜唔知做咩多左咁多野做~~~唔知係咪因為暑假就快過~~~d人同埋d小朋友趕住黎同我地玩呢~~~我個膊頭堅痛~~~~~~~算啦~~聽日星期五喇~~開心下啦~~~~~好嗎~~~係喎~~~我星期六過黎香港大嶼山唔知邊度學野~~(幾好學呀~~)



2014-06-26
Day 5---Part 2(日本,東京 Japan,Tokyo->香港 Hong Kong->澳門 Macau)
番到池袋我地就去酒店攞番d行李~由我地酒店行過去池袋太陽城太子酒店~去搭Limousine機場巴士~(Limousine係池袋哥度得兩個接送點咋..一個就係太陽城太子酒店門口...另一個點係西口的...)...其實行過去太陽城太子酒店同埋行番去JR駅搭Narita Express個路程係差唔多架咋....唔揀Narita Express既原因...其一係要d行李抽上抽落(東口落去個駅無扶手電梯架...一係經百貨公司落..但好麻煩)....其二就係池袋直接去成田機場既班次好少...一係要係新宿再轉車.....咁麻煩我寧願俾多少少錢搭機場巴士舒服d好喇~班次又夠多~

2014年8月20日 星期三

日本東京自由行之旅2014-06-26第五天Part 1(陰天至晴天)

噚晚落好大雨..同左屋企人出街食飯...成對腳都濕哂...哥個時間我好日都唔會搭巴士....仲要係落雨.....塞車塞到暈....係一個彎位我諗塞左成15分鐘先過到......跟住我就諗起...其實我真係幾幸福.....其他人平時都係要咁樣搭巴士番工放工...仲要塞好耐車先番到屋企.....比起我一放工3分鐘彈到番屋企就開始玩.....我發現我真係十級幸福!!!!!!!!!!!!今日朝早都係落大雨架......岩岩開始叫籌時望一望出面無咩人架...仲暗暗開心今日落雨少d人添~點知......9點半之後多人到呀.........今次落雨執唔到死雞添~~~哈哈~~~~~~



2014-06-26
Day 5---Part 1(日本,東京 Japan,Tokyo->香港 Hong Kong->澳門 Macau)
起身~10:00 check out~將行李放係酒店度先~第一站係去酒店隔離街....個郵局度寄左哥幾張靚靚postcard~今次個郵票又幾得意喎~~(又唔可以講話係郵票...係一張印出黎既貼紙~不過幾有新鮮感~因為平時都係雀仔郵票嘛~)...郵局的姐姐好有禮貌~跟澳門哥d郵局叔叔差太遠~

2014年8月18日 星期一

日本東京自由行之旅2014-06-25第四天Part 5(雨天)

好忙呀好忙呀~呢幾日都好忙呀~~如果唔係今日都唔會咁夜先出blog~~(其實係瞎忙~)....星期五:之前哥晚訓...一路訓一路發燒..真係陰公豬..吸兩張被又覺凍狂打冷震...成身俾針吉..咁岩線哥晚貼左膏布..凍到我痴孖筋...臨天光又狂出汗->番工發呆..個肚極痛->放工同左媽媽去食飯...跟住去入貨(日用品咋~)...我終於換到萬寧個保溫杯!!!正!!!大大個換購價$159咋!!!仲要係Thermos!!....星期六:自己煮意粉..幾慳呀~...->夜晚食裕家麵->Mr. On the Road演唱會~~~~~有關Mr.~~我要講詳細d~~..->去左星際飲野~~買到成3點幾先屋企...好耐未試過~番到屋企個靈魂都離一離~好無用~.......星期日:食園林牛肉粉絲~終於食到~..->金麗華high tea->小泉居食飯(成個星期日都係度食野~)



2014-06-25

Day 4---Part 5(日本,東京 Japan,Tokyo)
見到有間鋪頭專係賣鹽既~入去八下~



2014年8月14日 星期四

日本東京自由行之旅2014-06-25第四天Part 4(雨天)

呢幾日我都超早訓的~好乖呀我~一來就因為番早啦~二黎我就知衰啦......驚又唔舒服不如早d休息下會好d~同埋時不時就做下條頸既拉筋動作~我成個人好似醒哂咁呀~~



2014-06-25
Day 4---Part 4(日本,東京 Japan,Tokyo)
行過有間專賣手拉花糖既鋪頭~入去望下~


2014年8月12日 星期二

日本東京自由行之旅2014-06-25第四天Part 3(雨天)

個天好黑~但"嘔"極都落唔出雨~不過其實我鐘意夏天上班日係陰陰地天既....大晴天太曬要擔遮嘛~(咩理論?)....膊頭仍然在痛...依家知衰日日都有做少少拉筋運動...等佢放鬆下~依家都唔敢玩太多電腦..放左工...睇下電視就算~世界零距離呢個節目真係好正呀~~好好睇~~噚晚做牙買加~~方東昇真係好搞笑~



2014-06-25
Day 4---Part 3(日本,東京 Japan,Tokyo)
食飽飽就去第二個驚喜位~~行近少少晴空塔影張靚相先~個天越黎越黑了~

2014年8月11日 星期一

日本東京自由行之旅2014-06-25第四天Part 2(雨天)

做野做到個人超燥底~~~~我要冷靜~~~~我好想食薯片呀~~~~~星期五:放工去左食西洋菜...期待左成個星期...但係...前後一個禮拜無食...點解d野食差咁遠既?!好失望!->約左睇Lucy超能煞姬....其實係幾好睇的....不過我覺得係要諗既一套戲...好似有少少哲理咁~題材幾有趣~講人腦一般只會用到10%....佢就講由10%...開發到100%既野~(因為我初頭以為係一般既動作打鬥片)....星期六:諗住去食園林牛肉粉絲..點知無開..食左雅香魚湯粉->食左醫生d感冒藥..抗生素之類..超眼訓的..前幾日我都唔知點樣食完番工...好彩有得訓下晏覺~(好彩d藥食埋呢日就食完~)->好野~食左紅記~食左南乳雞翼~飲左沙鍋雲吞雞煲~正!->去左venetian睇個玩命特技現場秀(Nitro Circus)....我地買左最平哥隻飛...坐中間最高...都幾好~因為睇得好清楚~不過就不停咁做電單車同單車既特技...稍嫌有d單一~(不過以$224黎講都無話可說...又火又煙花又玩命).....星期日:一早爬起身去探Karen~~因為佢剛生完bb~~因時間唔岩仲未見到bb~做媽媽真係偉大~....->食左蓮勝咖啡->去左黑沙曬太陽~重點係太大風加陽光一陣陣提早收爐...買肥佬燒烤食~~~...->新葡京日夜咖啡室晚飯~



2014-06-25

Day 4---Part 2(日本,東京 Japan,Tokyo)
上回講到個Amuse Tower 8品拼盤~咁就要詳細講講個塔有咩野食係入面喇~~~~這個是帆立貝他他~~鮮味好吃~我連條菜都食埋~

2014年8月7日 星期四

日本東京自由行之旅2014-06-25第四天Part 1(雨天)

我番來喇~~~有無掛我呀~~~~~呢幾日話實在我都係病懨懨咁......喉嚨痛又無心機....個頭連痛4日都唔止痛....但止痛藥倒是吃了不少~特強必理痛都唔係萬試萬靈......終於噚日忍唔住去睇醫生.....食左急診開哥隻止痛藥又ok喎(還好仲有一隻藥可以打低我既頭痛..)...再係咁不停有痛症出黎真係人都癲~好彩今日番工唔算太過壓迫感~(其實我自己放慢左d)....不過個膊頭仍然很痛;].......期望周末的來臨~可以玩番夠本~



2014-06-25

Day 4---Part 1(日本,東京 Japan,Tokyo)
hehe~我地呢日去既係晴空塔(Sky Tree)呢~~~~我好期待架~~因為我係第一次去呢個東京既新地標~~~~之前我諗住放半日時間係度架咋....後尾越睇越多新鮮野~~~~忍唔住要留係呢度成日~~~~~地址:東京都墨田區押上1-1-2.....網址.....我地係池袋搭Metro丸之內線(向新宿方向行)去到大手町駅...轉半藏門線(急行久喜行)去到押上駅~上一條長長的電梯~就會黎到呢度~亦係我想去既第一新鮮位~請搭呢個專用電梯上31樓!!!

2014年8月4日 星期一

日本東京自由行之旅2014-06-24第三天Part 2(陰天微雨)

今日個頭仍痛....仲加埋喉痛...我諗我呢個周末太荒唐....整天工作都心不在焉....呆.........星期六:去左食"西洋菜"...由以前外賣店..轉型依家做餐廳...好味!!->衝左去黑沙抓緊兩點後發出既強烈陽光~一邊飲生果雞尾酒(其實仲飲左罐大啤酒~~哈哈~)...一邊聽住Jason Mraz一邊吹海風....真係好爽!!->夜晚去左試李家菜...真心麻麻!!->夜晚番屋企睇左半澤直樹15分鐘...睇完心諗:我要睇得快過無線...快你下個禮拜一集!!(痴線..明明一早睇哂)..於是我就係張床度快快樂樂咁睇多一集~......星期日:應該6..7點醒左時...個頭爆痛!!!個膊頭都極痛...輾輾轉轉咁訓....最後忍唔住...10點起身食止痛藥....按摩個頭一個鐘..仲係痛...訓唔番...頂!!!我想訓晏d呀!!!->爬起身去左食譽路八...唔知係咪轉左手!!依家叫譽(木路)八..連隻字都打唔到...不過好彩價錢質量如舊咋~~...->係毛寶屋企討論沖繩行程~~搞掂左~~連車都book埋~~..->夜晚同埋大比佢地一齊食乳豬海鮮煲~仲傾左少少下年既旅行~番堅企上網睇機票....個行程規劃又成立架喎~唔錯~



2014-06-24

Day 3---Part 2(日本,東京 Japan,Tokyo)
去睇完爬山野~~就去食大餐喇~~今晚我地係去食蟹道樂呀~~~~地址:東京都新宿區新宿3-27-10...呢間係4F....係L-Breath度直行一條街就到~如果搭JR黎到就係中央東口出...過對面馬路就見到~佢係新宿都好似有幾間分店的~上網睇下邊間岩自己去~~網址....

2014年8月1日 星期五

日本東京自由行之旅2014-06-24第三天Part 1(陰天微雨)

華~~今日中午做到我傻左......條頸超痛......中午番屋企....媽媽本身話買千層腸粉我食...點知.....又執左......我鐘意食既鋪頭都執哂.....嗚嗚...........夜晚放工去左食威尼斯人北方館~好味又抵~~~主要係毛寶話想去食拔絲香蕉~~食完行街街...連我都有收獲~



2014-06-24
Day 3---Part 1(日本,東京 Japan,Tokyo)
一早起身出發~今日安排左去outlet~係JR既山手線東京駅...轉搭JR京葉線快速.....東京駅大得很...由山手線行去京葉線行到癲左.........(呢日我傻仔左...睇錯站...搞到比原來時間遲一個鐘先去到~)