2010年10月31日 星期日

食玩訓西葡之旅20100923第十&十一天Part1(晴天)

咦~今日萬聖節喎….不過…對我黎講……真係無咩感覺……又無特別鐘意佢….又無特別唔鐘意佢……淨係夜晚見到d0靚妹化到自己個口變成怪誕城之夜既jack咁…….有d搞笑~今日去左拜爸爸….sasa都有去~好開心~毛寶個個禮拜都有陪我去拜爸爸…..好多謝大家咁有心~之後去左食氹仔興記….今次我食左雞扒意….食飽飽仲去左venetian行街…..我對所有野不為所動~所以係venetian零消費~好叻~夜晚就同左媽媽去食榮江上海野…..番到屋企…毛寶打黎話陣間出去買糖水俾我地食然後黎打機~今日既節目就係咁~~~聽日番一日~又放一日假~正呀~~



2010-09-24~25

Day 10&11—-Part 1(西班牙巴塞隆那->法國巴黎->香港->澳門)

點解要連埋兩日一齊寫…因為Day10玩完上半晝…下晝就搭飛機番屋企~所以Day11係飛機上面過既~點解唔化妝?因為搭飛機真係好乾架嘛~….所以就醜樣一日啦~…..



不過我話你知…..最後一晚住哥間巴塞隆那酒店超恐怖….係房執執下野…有個人拍房門….有個著便服既黑人男人問我有無多兩舊行李係房….我未聽清楚佢講咩….毛寶已經話我:仲同佢講咁多野….no english然後閂房門啦(事緣係三筒同我地講話西歐新興d人會去你間酒店房….然後借頭借入你房又話冷氣壞又呢樣哥樣….最後你會俾佢搶哂野…..所以我地反應好大)…..點知個黑人係真係酒店職員…..佢上去同三筒講…話我地十問九唔應…仲唔俾佢入去…….之後三筒同佢一齊黎我地間房…..問我地有無多兩件行李….佢話因為個黑人同佢講話有個客之前check左out放左兩件行李係度….我話:一件都無….check左out仲放件行李係房係咪傻架….仲有佢地自己執野哥時自己睇唔到有無行李既咩…………………個黑人無著制服又形色可疑咁向我地間房左望又望俾你都唔俾佢入黎啦………最恐怖係…我地發現佢個枕頭有一大笪血跡…………於是我地兩個人訓同一個枕頭又發現佢張被都有……連被都唔敢吸……著哂外套leggings訓…開到個冷氣三十度…..唔知點解都超凍….我地超驚…話好似d兇案現場…………好慘呀…最後一晚先俾佢嚇死……..我地仲寫信投訴間酒店……太恐怖喇



係唔夠訓下…個早餐都難食d….有d團友話佢地間房有厚被…真係唔公平

2010年10月30日 星期六

食玩訓西葡之旅20100923第九天Part3(陰陰地天)


yoho~~今日星期六好開心~~噚晚點半訓…..訓到今朝十點三~自然醒……成個感覺好正~好舒服~~~~~~今日好開心~~因為我今日中午同毛寶食左個好好好好好味既肥仔記薯仔雞奕米中辣……d雞奕好好味薯仔又夠淋……連d辣…..都係辣中帶甜~食完之後就開始計劃下新加坡既行程……..傾完又再打機…..夜晚我煮雜菜湯羅絲粉…….食飽飽就開始睇犀利哥大結局(係咪好娘呀我特登留係屋企睇架~唔知有無人同我一樣鐘意睇呢~)….最開心係開心左成日兩個人既使費加埋都係七十幾蚊(午餐肥仔記+夜晚煮羅絲粉材料+熱浪一包)…..唔使使好多錢都過得好開心~



2010-09-23

Day 9—-Part 3(西班牙華倫西亞->巴塞隆那)

離開我好唔捨得既桂爾公園……去到我去西班牙既其中一個景點—-聖家族大教堂(Sagrada Familia)……都係由高迪設計…..由1877年開始設計….1882年開始建造…..呢個教堂應該可以號稱係起得最耐既教堂喇卦…….由建造開始到依家……仲未起完囉…….預計要多五十年先可以起完…..計計下…..即係到我75歲先起好….我地仲話:約好五十年之後再黎睇完成品…..好鐘意呢個教堂呀~


2010年10月29日 星期五

食玩訓西葡之旅20100923第九天Part2(陰陰地天)

好野~~~今日星期五喇~~~~~~~~呢排都係五點半打後先超級多野做…….做到成個人愁哂(一剎那咋~~~)……又有個星期六日等緊我~好搞笑….今日sa同我講…原來佢都成日發夢見我爸爸喎~~~~~~~~~好新鮮呀~~~今日媽咪仲買左鹵水鵝奕俾我食~~~~好好味呀~~~~~~~~~~



2010-09-23

Day 9—-Part 2(西班牙華倫西亞->巴塞隆那)

參觀完修道院之後就直踩落巴塞隆那(Barcelona)..我再黎西班牙都係想再黎呢度…..我想黎呢度既原因只有一個—-安東尼‧高迪‧柯內特(Antoni Gaudi Cornet)…….好鐘意好鐘意呢位建築師起既建築物…又型又靚~雖然我唔係讀設計….但上次黎過一次次後就好鐘意佢既建築物喇~



巴塞隆那第一個景點係桂爾公園(Quell Park)….本身係私人花園….後來俾政府買番做市民公園….正門入口就係兩間好似糖果屋既建築物…係紀念品店黎架~

2010年10月28日 星期四

食玩訓西葡之旅20100923第九天Part1(陰陰地天)

凍呀….今日好凍呀…..得十幾度咋….可唔可以暖番少少呀….或者d風吹得唔好咁勁啦…….搞到個鼻好痕呀…………..等我仲認叻有四日都淨係袋四十蚊出街…..仲話自己一蚊都無用過…..點知今日中午黎一個和花亭就唔見左一舊水……….之前連續三日有人請我食野……..今日到我請人食左八碟壽司……一鋪玩完….不過學毛寶話齋:慳自己都唔好慳兄弟既!!!………….哈哈…..好啦…下個禮拜慳番今個禮拜架啦~不過我都唔知我點解近排咁慳……又唔係特別唔掂既…..可能係去完旅行番黎見到自己唔見左一大舊…..所以先會出現呢種現象…..可能過多一排….就會無左~



2010-09-23

Day 9—-Part 1(西班牙華倫西亞->巴塞隆那)

我淨係記得食呢個早餐時..我同另一個團友異口同聲話:好想食粥同炒麵

就算西餐早餐幾好食都好…………..都係自己家鄉d野好食d….難怪d人會有思鄉病…..

2010年10月27日 星期三

食玩訓西葡之旅20100922第八天Part3(天晴)

今日既心情麻麻地…….最衰都係哥個好衰既客…..搞到我今日整日既情緒都係低落中………………………..唉…..今日全部客都奇奇怪怪既……衰人黎架…..好彩下晝小i既朋友仔買左個麥當勞上黎俾我地一齊食~~hehehehe~連續三日有人請食野~真開心…..連續四日無用過錢喇…….覺得自己好叻~仲keep到有四十蚊係銀包~



2010-09-22

Day 8—-Part 3(西班牙馬德里->華倫西亞)

仲係華倫西亞……不過又係行名店街既時間……呢個時候…..係一家六口最悶既時候…..因為大家唔買名牌唔知睇咩好……daddy同mum一早唔知行左去邊…..於是我地四姊妹搵左個檔口坐低….飲杯野…..嘆下就算喇~

2010年10月26日 星期二

食玩訓西葡之旅20100922第八天Part2(天晴)


今日好凍呀……….凍壞我喇……….咁凍要食咩好….梗係打邊爐啦……..不過我想係屋企打….因為屋企打食d野先會又平又正……不過我又唔想洗碗喎…..哈哈~好肚餓呀………..今日凍凍地….又黎常常肚餓~下晝有sa請我地食炸春卷~好開心~



2010-09-22

Day 8—-Part 1(西班牙馬德里->華倫西亞)

繼續華倫西亞教堂~參觀完佢個聖杯同行左個圈就出番去lu~


其實我地四姊妹係早左少少出黎架…..原因係…

2010年10月25日 星期一

食玩訓西葡之旅20100922第八天Part1(天晴)

今日係星期一……..噚晚食完萊斯個自助餐之後…..個肚成晚都係度嘰喱咕嚕……訓得唔係咁好…..但係….我今日做野都係咁精神爽利喎~~~~~~~~~仲有呀…..今日有個同事同我食野……仲要係椰汁燉燕窩~~開心到我呀~唔掂….我發現個人越窮….個人會成日有肚餓既念頭產生~~我真係好唔應該….成日諗起麻辣包同鹽酥雞架…….(我真係好耐無食過喇….因為個人好窮呀)…….



2010-09-22

Day 8—-Part 1(西班牙馬德里->華倫西亞)

又係呢個早餐…..真係….好悶好悶….仍然都係得條油炸鬼好食

2010年10月22日 星期五

食玩訓西葡之旅20100921第七天Part3(天晴)

好開心呀~今日咁快就有得攞機票喇~~實在太實在喇~~yeah~快快去玩喇~~下晝仲有人請食葡撻~~好開心既一個星期五呀…………不過俾個颱風鮎魚搞到有人命傷忙就唔係咁好喇…….雖然打風可以放一日假……但係會令其他人損失人命同財產……我就一d都唔想咁放假……所以我依家希望唔好打風啦…..唔知點解今日食左葡撻……但係個肚番到屋企仲係好餓~~好似個胃又變大左咁~



2010-09-21

Day 7—-Part 3(西班牙馬德里->斯高維亞古城->古羅馬水道橋->阿卡莎古堡)

食飽飽乳豬之後….就去番古羅馬水道橋哥度影相喇~



2010年10月21日 星期四

食玩訓西葡之旅20100921第七天Part2(天晴)


對~今日係廿六歲第一個工作日…..結果係…..正~開開心心咁過左一日~~~~今日仲收到一份好靚既禮物~~令我既心情升到高點~~呵呵呵~真係好靚呀*3*….多謝毛寶~…..打風tim……我唔想打風呀….都唔明點解d風硬係鐘意係星期六日先打……令到人地個周末好掃興架嘛………唔~好~打~啦….當我求下你喇~我仲鬼咁叻驚打風去買定四個杯麵番屋企~~好叻呀~~~



2010-09-21

Day 7—-Part 2(西班牙馬德里->斯高維亞古城->古羅馬水道橋->阿卡莎古堡)

行完古城之後就到我期待已久既中午特色餐~



係食西班牙燒乳豬~~~~~~~~~~~~~

2010年10月20日 星期三

食玩訓西葡之旅20100921第七天Part1(天晴)

今日雖然都係放假…不過今日六點鐘就要起身上去大陸公證處度搞d公證書….救命…上到去…..我地已經排第二….佢八點半開始辦公………..八點八先叫第一個….得一個公證員囉………..唔知想點……….第一個由八點八….做到十點先到我地….唉~不過頭先係地下商場都有少少斬獲~~~



2010-09-21

Day 7—-Part 1(西班牙馬德里->斯高維亞古城->古羅馬水道橋->阿卡莎古堡)

馬德里間酒店都尚算整潔~不過早餐又係麻麻地…….

最好味係右邊好似個圈既物體….好似油炸鬼…好好味~

2010年10月19日 星期二

happy happy birthday 2010~

heheheheh~~~今日我生日~我大哂~~終於到左我最唔鐘意既26歲喇~(原因係因為我唔鐘意26呢個數字….我覺得呢個數字好核突….係咪好怪~)….又大一歲….之前話有幾個大計劃係25歲要實行….最後一樣都無做…..咁今年我希望我識得照顧自己….唔使媽媽擔心….再識得照顧埋媽媽咁就perfect喇~多謝爸爸媽媽係26前生左我……令我可以黎到呢個世界玩~玩~玩~….哈哈…..雖然今年發生左一件令我好唔好開心既事…..就係健康既爸爸突然離開左我同媽媽…..但係我應承爸爸你…..我以後會繼續承繼你樂天開朗既性格…..開開心心咁生活….我諗你係想我咁既….我愛你…爸爸*3*



一歲生日哥時呀~哥時我已經係叮噹蛋糕~證明我由細鐘意到大~


我係中間哥個呀~~加送我老豆半棵照*3*

2010年10月18日 星期一

食玩訓西葡之旅20100920第六天Part2(勁大雨及後天晴)


今日放假…..用黎渡過我25歲最後一日…….要做既野係…..留係屋企打機~岩岩朝早一起身…..就整理下電腦d相……執下執下…….睇見我地一家三口影既相….又忍唔住喊;[……………..哈哈~今晚好開心….媽媽話要同我慶祝生日….今晚將會去食韓式燒烤~我好耐無食過喇….起碼有成三個月未食過~~星期六晚同左d朋友仔一齊食飯…..好開心….收到好多意想不到既禮物…..多謝大家對我既愛~~希望過左生日係新既一年可以開開心心……同埋最重要既係…….我同媽媽….仲有我所有識既朋友仔….都要身體健康~



2010-09-20

Day 6—-Part 1(西班牙哥多華->白風車村->杜麗多古城->馬德里)

跟住我地就去左參觀杜麗多古城喇~


2010年10月16日 星期六

食玩訓西葡之旅20100920第六天Part1(勁大雨及後天晴)

噚晚去左玩~太夜番到黎所以無寫blog~我唔乖…哈哈~不過我噚晚好開心…..同carmen…crysatal…欣杯….黃皮….仲有毛寶食泰國野….一來好耐無食過…二來…..我噚日收到兩份生日禮物……兩樣我都好鐘意呀~~有一份我自己想買好耐但係唔捨得買…..佢地三個竟然送左俾我~~~~遲d放相上黎呀~~另外一份就係黃皮送的….令我變香噴噴少女的櫻花味lotion~多謝哂你地四個~~我噚既真係真係好開心:]……………..噚晚自己玩到三點先訓…..今朝九點起身….去左墳場拜爸爸~因為今日係重陽節…..第一次重陽節去拜肥仔……佢鐘意既野食一定唔少得…..乖呀乖呀我地好乖架放心啦~跟住番屋洗頭換衫化妝….依家又出去玩喇~今晚又有飯局~希望大家都有一個開心既夜晚啦~



2010-09-20

Day 6—-Part 1(西班牙哥多華->白風車村->杜麗多古城->馬德里)

係間唔係好得既酒店住訓左一晚…..第二朝既早餐…都係令人唔多開胃…

2010年10月14日 星期四

食玩訓西葡之旅20100917第五天Part3(天晴)

今日…….唔……又好似無咩特別喎……呀….咪去左東瀛遊交埋d尾數….再攞d唔同既自由行格下價睇下有咩地方好去囉……今日講d野都好似有d九唔搭八……哈哈~好開心聽日星期五喇~仲約左人去食泰國野tim~好耐未食過喇~~番埋聽日又放五日假梳乎下~yeah~



2010-09-19

Day 5—-Part 3(西班牙太陽海岸區->格拉那達->哥多華)

好~繼續哥多華….其實哥多華都係一個古城黎既~



咁就係呢個古城行左大約九個字度…..其實就無咩話特色景點~就係要影下佢個古城囉~

2010年10月13日 星期三

食玩訓西葡之旅20100919第五天Part2(天晴)

噚晚又無啦啦個頭有d痛….不過因為今朝有人幫我買肥仔記既薯仔雞奕米中辣…..所以我有哂生存意志~~對抗到頭痛…….肥仔記真係功不可抹~真係好好味~慈幼既同學真係幸福…….如果我讀慈幼既話我肯發癲日日食(其實我唔知慈幼有無女仔讀~哈哈)……好開心好開心生日有好多飯食~~生完日先開始食少d野啦~~(食少d野直至去旅行為止~哈哈)…….因為貞貞說得很對……我要食好多好多海南雞飯~~



2010-09-19

Day 5—-Part 2(西班牙太陽海岸區->格拉那達->哥多華)

佢個花園d feel其實我覺得同愛麗斯夢遊仙境有d似~以前細個超鐘意睇~

2010年10月12日 星期二

食玩訓西葡之旅20100919第五天Part1(天晴)

番晏放晏既感覺…..都幾好既….不過唯一唔鐘意就係放工既時候……個天已經黑齊既感覺……….感覺要即刻跑番屋企…..同埋有d孤單~……今日我收到學校封信…..收到成績單……..仲有…通知我…..行畢業禮~好開心我終於都大學畢業喇~我相信肥仔知道一定好開心好開心~~因為我媽咪今日都好開心~~畢業禮係觀光塔舉行….好似幾勁喎~哈哈~媽媽諗住我生日前一日請我睇水舞間….點知佢星期一二都唔開……唯有之後先再睇囉~



2010-09-19

Day 5—-Part 1(西班牙太陽海岸區->格拉那達->哥多華)

起身…化埋妝….換埋衫…..叫醒阿寶….七點幾….

七點半打後……個天都係岩岩先想光…………………………………..

2010年10月11日 星期一

食玩訓西葡之旅20100918第四天Part5(陰天大霧及後天晴)

星期一喇~番埋今個禮拜工……下個禮拜又自己放三日假~慶祝生日~~好開心呀~~今日又唔算特別多野做先至好~今日係爸爸生忌呀….祝爸爸生日快樂……係遙遠既地方生活得開開心心~識多d朋友仔同你去環遊世界~



2010-09-18

Day 4—-Part 5(西班牙塞維爾->直布羅陀->西班牙太陽海岸區)

係Mijas番落黎之後….就直衝去太陽海岸區~我本身幾期待….因為上次去哥時覺得個沙灘好靚!!!不過今次黎到呢區都已經日落喇…上一次有成個下晝俾我地玩……呢個係我地間酒店望出去既景觀..都幾靚既~

一望出去就係沙灘喇~

2010年10月10日 星期日

食玩訓西葡之旅20100918第四天Part4(陰天大霧及後天晴)

好叻呀~今日星期日…..我十二點半先起身~~可能噚日真係太早起身同太攰……..本身我噚晚想睇埋無線套發哥賭神2先訓……點知真係太眼訓…..我聽一隻歌已經訓左~哈……好鐘意咁快訓著既感覺~今日中午去左拜肥仔……因為聽日係佢既生忌……唉~之前仲諗住今年同我一齊搞生日會tim…..講真真係有d感慨!今日買左好多野去拜佢……希望佢真係收到我既心意啦……一大堆野食…..又燒左一大堆野…..燒到我同毛寶身水身汗……多謝寶寶陪我一齊去拜爸爸…….好多謝你:]



2010-09-18

Day 4—-Part 4(西班牙塞維爾->直布羅陀->西班牙太陽海岸區)

離開左直布羅陀之後…..我地就要坐兩個鐘車去—-米哈斯山城(Mijas)….佢係一個好多有錢人住既渡假區…..佢地起d別墅全部都係白色….所以有白色山城既稱號….雖然無希臘既咁靚…..不過都可以止下渴先~


2010年10月9日 星期六

食玩訓西葡之旅20100918第四天Part3(陰天大霧及後天晴)

今日一大早起身又番大陸搞銀行d野….都係得四個字”心力交瘁”…..好悶好煩我好想快d搞掂…..大陸d野一時一樣…..傻傻地….番落黎就去左買肥仔記食…好可惜太晏無哂雞翼同米粉…..我只可以選擇牛雜麵…..原來肥仔記係要配米粉先係最好食…….嗚嗚……………



2010-09-18

Day 4—-Part 3(西班牙塞維爾->直布羅陀->西班牙太陽海岸區)

就係我地讚緊個鐘乳洞點靚點靚既時候……突然間有個團友話:車……有咩咁巴閉呀….我地中國都大把啦…..桂林昆明多到睇到你悶都得呀


2010年10月8日 星期五

食玩訓西葡之旅20100918第四天Part2(陰天大霧及後天晴)

yeah~今日精神爽利咁起身~~~好開心~~我可以番工~全靠噚晚左右夾擊咋…….左…就係我阿媽係我一路打blog一路幫我按摩個頭……佢超大力咁按我d穴位(話係老豆教佢)…..按完第一次之後……真係無咁痛囉….超恐怖…..但係無耐又痛番…..之後食飽飯又再幫我按一次…………華……真係無再咁痛同想嘔…..不過條頸同膊頭臨訓時仍然好痛…….到右喇……哈哈….右就係我老豆……我噚晚發夢又見到佢喇….夢見同阿爸哥邊d親戚一齊食食下飯…..佢就出現….我仲話佢…咁串咁遲先黎……睇落佢個氣息唔錯唔錯……仲得得戚戚咁答我:係呀吹咩~………我仲問左佢一個一路以黎好想知既問題…..就係:究竟我地燒俾你d野你收唔收到架??………………點知佢答我:車…梗係收到啦….唔係你燒黎做咩呀??………………………..哈哈哈….一貫串我既口吻~~之後仲同所有人一齊食左餐好開心既飯~~~搞到我今朝一起身…..全身無哂痛症~心情勁靚~~~見到佢依家都仲係咁開心咁係另一個地方生活…我覺得好安慰:]…….爸爸雖然唔係我身邊….但係用第二種方法繼續疼愛我:]….其實我到依家仲係度諗緊係咪爸爸知道我頭痛所以係夢入面安慰我…..哈哈….



2010-09-18

Day 4—-Part 2(西班牙塞維爾->直布羅陀->西班牙太陽海岸區)

上回講到我地係直布羅陀個邊皮位食飯….那…又係爛蓉蓉湯喇~

2010年10月7日 星期四

食玩訓西葡之旅20100918第四天Part1(陰天大霧及後天晴)

噚晚我已經覺得自己有d唔妥…..個頭又開始實實地………我已經十二點度就開始訓…….點知今日一起身仍然係難逃一劫…….個頭又開始痛痛地….醒目地中午訓晏覺之前食左粒藥……起身時好左少少…..但係放左工之後…..即係依家……個頭又開始好痛喇……又有d暈暈地….又有少少想嘔…..救命呀~我都唔知點解又痛…..係偏頭痛發作…..定係我呢個老餅自己凍親????我真係唔知呀……我已經向上司報定案驚聽日食完止痛藥都係嘔同痛番唔到工…….但我真係想番工喎…..我想健康咁樣番工….見到同事又可以傾計……都唔想頭痛到放病假……今年我已經放過n咁多日既病假….我自己都計唔到…..不過一定有五日……點解今年我既健康運咁差架??明明無犯太歲架……如果唔係我個鼻既影響…..係偏頭痛….咁點解會患上偏頭痛….唉…….我聽日真係想番工呀….我唔想帶到麻煩俾人…..  ;[



2010-09-18

Day 4—-Part 1(西班牙塞維爾->直布羅陀->西班牙太陽海岸區)

果然……訓完兩晚葡國既酒店之後……西班牙哥d酒店真係…..好娘呀….又舊….真係….連個早餐都唔好食過人…..就算有西班牙火腿….

2010年10月6日 星期三

食玩訓西葡之旅20100917第三天Part3(天晴)

今日星期三囉~放假後第三日番工……都好似過得唔錯唔錯…..不過唔係唔多野做…..但係我心態就好似變得輕鬆左…..可能今日同人傾過計……..心裏面少左d唔開心既野~好事好事黎既……..我覺得我個人係幾硬頸同固執…….自己認為岩既野就乜都唔聽人講……………….其實有時d野……都係唔好咁固執好…..真架…信我…..



2010-09-17

Day 3—-Part 3(葡國里斯本->西班牙塞維爾)

繼續Flamingo~真係真係好睇~呢個係我地成個旅程唯一既自費節目

因為我地係無得睇鬥牛(好可惜去兩次都睇唔到)….因為三筒說:要咁岩線去到馬德里時係星期日先有得睇架…..仲要成60-80euro先有得睇~………………..唉….又睇唔到喇…..都唔知會唔會再去呢個地方……

2010年10月5日 星期二

食玩訓西葡之旅20100917第三天Part2(天晴)

落雨呀今日…..呀……..好黑呀個天…..真係好唔鐘意落雨呀….因為落雨都唔會令到人流變少既……….以前落雨就會無人黎我地哥度….依家……就算打風都係會有人衝上黎……真係熱情~就係因為落雨所以放工就無去買野食…..搞到我依家鬼死咁肚餓….哈哈…..我真係好鐘意食野架~今日都仲係度諗緊搞唔搞生日好….同小i傾左一陣…..又變番想搞….不過又未諗定搞咩好tim…有咩好提意呢~唔知我生日哥日好無天呢?~希望好好天啦……



2010-09-17

Day 3—-Part 2(葡國里斯本—->西班牙塞維爾)

個葡撻貴就唔係話好貴既….1euro一個….點都要試下正宗既葡撻卦

個結果係……超甜……………………d酥皮少過我地哥d……我覺得澳門瑪加烈好食d喎~可能就番我地既口味啦~點講都好……我叫做試過正宗葡撻啦下~好彩買左一個咋

2010年10月4日 星期一

食玩訓西葡之旅20100917第三天Part1(天晴)

heheheh~今日係廿三日假後第一日番工~起身就覺眼訓……朝早第一批客個樣好似食左屎咁樣….又唔係對佢地無禮貌喎…..不過就係要鞋口鞋面咁對你囉~本應都心身俱疲……不過下晏黎一個反彈~有個外藉人士寫左封表揚信俾我~話:very great customer servise….one of the best staff in your company~開心到我呀~~咩攰都唔記得囉~hehhe我好開心~~今朝起身…已經覺得涼涼地~番到屋企我就沖完涼…..即刻換哂長衫長褲……我係咪好誇張呀???我真係好驚凍囉….我去唔到落雪既地方架喇~要去都係等夏天先去啦~



2010-09-17

Day 3—-Part 1(葡國里斯本->西班牙塞維爾)

噢…..住左兩晚lu~最後一日有得食呢度既靚早餐….真係好好味架~你睇有多芝屎……..仲有佢就算係普通火腿…都特別好味過人…..


2010年10月3日 星期日

食玩訓西葡之旅20100916第二天Part4(天晴)

yeah~我變番做young girl喇~~訓到成十二點半先起身~(其實我平時都得既…..但成日覺得自己放假有野做又要起身化妝咁….咪較鬧鐘逼自己起身囉~)好野~今日應該好悠閒咁過~(如果唔使去飲就天好…可以繼續懶….哈哈)我的最後一日大假~好唔捨得呀…….23日話咁快就過左….唔知係其他人眼中…..呢23日係咪一樣咁快就過左呢?嗚嗚~不過唔緊要~十月又有請左三日假放喇~~~~~yeah~11月….又放五日假~連埋又九日….真係….去下旅行先得~哈哈~係!聽日要提起精神番工~



2010-09-16

Day 2—-Part 4(葡國里斯本)

離開左花地瑪之後…..就坐車去左—-巴林塔(Belem Tower)….


呢個時候又變番凍凍地…..痴線架…有人落車唔帶衫….不停話:ok呀….呢d天氣好舒服呀…….(見住佢打冷震)….我:你頭先講左兩次喇…..你唔好咁樣安慰自己啦……………………………………

2010年10月2日 星期六

食玩訓西葡之旅20100916第二天Part3(天晴)

我暈喇…..今日係星期六……..兩點度去拜完肥仔之後……就一路咁食食食…….真係全部節目都係食野~食到個肚dum都漲哂….依家食飽夜晚飯就番左屋企…..等睇公主嫁到…….好慘~聽日大結局要去飲喜宴…..所以睇唔到~嗚嗚~



2010-09-16

Day 2—-Part 3(葡國里斯本)

heheh~噚日講到個午餐……又俾人話唔帶燕早出黎

為左表示我無虐兒….我要證明我係有俾飯佢食架!!!!

2010年10月1日 星期五

食玩訓西葡之旅20100916第二天Part2(天晴)

今日係十月一日國慶~即係話~正式踏入左我既生日月喇~er….其實又唔係真係有咩咁開心既…..哈哈…..只係想搵d野俾自己寄託下既je…………………um…..今年生日都唔知搞唔搞好….今年發生左咁多野咁…..唉…..我淨係想開開心心咋………….今日中午同左屋企人去新葡京間有米芝蓮既意大利餐食飯…..都幾好味架~遲下打埋遊記先post相上黎呀~都幾抵食~下午又去左同fingg既bb玩(其實佢咩都無做…只係訓覺~)…..咁又過左一日~



2010-09-16

Day 2—-Part 2(葡國里斯本)

好~繼續奧比多斯古城(Obidos)….入到去就自由活動喇~…….行過就周圍亂影下囉……華….我記我呢陣時係超熱既呢~