2010年8月30日 星期一

尋找醫治偏頭痛良方

點解我咁潺架…………唉……..噚日星期日一起身已經覺得個頭痛痛地…..痛到扯住隻眼黎痛……救命…….不過我都有出街…..因為我要去觀音堂拜爸爸….我噚日買左7-11既魚蛋面筋俾佢…….仲買左支welchade既提子汁俾佢……就算佢依家同我唔係生活係同一個世界…..我……..都想佢活得開心………………..之後去食中午飯就開始有d頂唔住….一路坐…一路隻眼mark唔大….有d暈暈地….去八佰伴買埋我想買既野之後就番左屋企………暈暈下就咁就訓左係梳化上面……訓醒個天已經黑哂…….夜晚食左藥訓覺時以為自己好番d…..今朝一起身又再頭痛…痛到扯住隻左眼…又嘔左一次…..我都唔知自己搞咩….如是者….唔夠一個禮拜…又上山頂…….真係已經駕輕就熟………醫生今次再診斷我應該係偏頭痛…..有哂偏頭痛既病徵…..頭痛時會頭暈….作嘔….睇野眼花花….個胃脹住脹住….扯住隻眼痛………..唉~不過我覺得山頂醫院真係好左好多喎….今日超多人等….我都係等左一個鐘就搞掂哂…..d人仲有禮貌左~唔知偏頭痛有無得醫呢??如果有得醫…我真係唔想成世都係咁….我寧願健康辛苦咁番工…….如果有咩醫偏頭痛既妙方或者秘方…..可唔可以話過我知呀?



有一個星期六….陽光滿滿的~跑了去氹仔曬曬太陽….吸吸新鮮空氣

2010年8月27日 星期五

G11試機~

er…..今日…我又做錯野喇……………………..除左以笑遮醜外…..只可以下次小心d……死啦…我依家覺得自己好蠢呀…成日做錯野………..雖然我今日無做過d乜野…….但係….都係好攰…………我諗睇住人地做我會仲攰過自己做…………..聽日既聚會要唱一首eason既氹小i開心既…..本身eason既歌咁多都唔係好難搵既……但要搵到一首用女聲唱到既好難搵…所以……….我依到依家仲未搵到…………哈哈~仲要唔可以撞歌tim


早幾日夜晚出左去同屋企人食飯…..順便帶部G11出去試下機……….行去食飯哥度時………..見到幾靚就影下…之前都用過舊相機影過呢度….

2010年8月25日 星期三

連嘔五獲:P

哎呀….今日真的無話可說…..本身今日星期三….約左大家係開會既時候黎一個早餐會……………仲要係有now闆請…….黎一個香噴噴既m記早晨約會…..點知一起身…..一路諗自己今朝要食咩餐……..先發現我個頭痛到炸開……刷完牙嘔左第一次………之後個人越黎越梅……….嘔左第二次…..仲係度諗緊番唔番工好….再嘔多一次…..第三次仲要係好似d蟹咁樣嘔白泡…..蔚為奇觀~係嘔左三次之後我就決心衝上山頂睇醫生……八點八上到去……好少人….可能因為仲未開學….無哂小朋友…..奇蹟咁樣……九點三就可以離開……….今次睇急診真係好開心……一來個分流站護士超有禮貌……令我覺得自己病左都無咁可憐…….二來係…..終於有個山頂醫生肯理下我d頭痛喇~佢睇完我之前d病歷之後同我講:華…你頭痛得都幾密喎……..我:係呀……係經常….成日…….醫生:華…你咁樣唔得架喎………………之後我就將我個鼻既情況同佢概括地講一次…………..個醫生得到既結論係…..可能我係患上偏頭痛……仲將我轉介去神經內科度睇~開野….終於有醫生理我喇~如果…可以順便睇埋我對眼就好喇~不過之後番左屋企…..又再連嘔兩次…..成個人都暈暈地……訓左三個鐘…食左兩次藥先好番d依家…….我希望專科可以控制到我既頭痛….唔想再俾佢牽住我個鼻行……又唔想食咁多止痛藥……….hehe….多謝寶寶今日中午特登上黎屋企探我…..仲帶黎寶礦力和朱古力餅…..錫錫*3*



有一日同屋企人去葡京飲茶……見到好耐無見既巨形魚缸……媽媽話…我細細個哥時好鐘意企係哥度睇魚…..哈哈….其實依家都好鐘意

2010年8月24日 星期二

終於擁有G11~

真係呢…….點解我咁x蠢架………我今日又做錯左d野……..呢樣野係公司做左六年野唔應該犯既錯…………好彩最後我都搵到哥個野…..如果唔係……唉……希望佢聽日生生性性番黎啦…….呢幾日持續落雨囉…..都無咩話好唔好既…..不過最好都係唔好落啦…..ja住把遮行路好煩架…….打左成段野我都唔知我自己想打d咩主題….哈哈~~今個星期六日都過得好開心~~又有行街….又有去到neway~~好耐無去neway….成個幾兩個月….簡直係無可能既事…..



哥日同媽媽寶寶番完大陸睇哥間屋……就番左落關口……買左兩本書….一堆碟…….仲有就係一番黎就去左好鐘意既海富知味亭食(個知字我真係搵唔到點打囉)…..最鐘意佢d海膽無屎味架~~~哈哈~~~我都幾鐘意係呢間食日本野~

2010年8月20日 星期五

單車

噚日哥個好人叔叔番黎俾番三百蚊我喎~好野~不過我再發現….又找多五十蚊俾人…….我都唔知我自己搞咩~知喇知喇我下次會小心d架喇……不過有時太投入就會唔記得埋下數架啦嘛…..終於都到左星期五lu~唔係期待d咩特別節目….只係….想休息下je……..



哈哈….杯杯送俾我既海棉寶寶memo…我好鐘意佢識企係度既設計


佢仲陪我學左一堂英文…….不過我唔捨得用佢…….

2010年8月18日 星期三

安琪兒.......又香又甜又好吃~

omg!!!今日有個小朋友好慘呀….收少左300蚊….希望叔叔好人聽日番黎俾番三百蚊佢啦……..求求你~老天爺爺~



連續兩個禮拜我地都去左食八佰伴間安琪兒…..其實我都幾欣賞呢間野….收一個包五十五蚊…..選三隻料……加任選其他配菜好似蕃茄…生菜…之類之類……佢d料都唔係垃圾……….有煙三文魚呀…巴麻腿…..沙樂美腸…..法國芝士….意大利芝士等等…..你唔好理佢俾咩貨色你…..五十五蚊喎….個包係足夠兩個人做中午飯囉…..下午茶直頭四個女仔都仲得……..坐夠佢個幾兩個鐘….都咪話唔爽…..


爆料呀唔該……….

2010年8月17日 星期二

驟晴驟雨

今日星期二……..多野又唔係話多野做…..少野又唔係話少野做……不過番工番得幾開心囉………心情呢…..都仲係有時對住某一點發呆囉……不過噚日遇到既一家三口….真係好經典…..做到中段個阿爸已經起哂pair話我……到最後我幫到佢地做到佢地想要既野……佢個仔仲係要啤住我同我講:浪費我時間………..我同佢講:小朋友…我已經幫你地做好你地想要既野….我仲點樣浪費你時間?….佢之後唔忿氣…..再啤住我….仲用食指指住我……我同佢講:小朋友….你咁樣望住我係咪有d咩唔滿意我???你可以講出黎喎……….跟住佢阿媽先輕輕同佢個仔講:你唔得咁架……….我想講…..個仆街死0靚仔得五歲幾………話我浪費佢時間…..我懷疑佢連字都未識解……一家三口都係香港人…..你唔怪得我咁憎幫香港人做野……求人都求得咁串…..幫完佢仲要俾佢個仆街仔啤我……個師奶真係識教仔…..教左個怪物出黎….自己睇漏野就走上黎賴地硬….三個正一食屎狗…..哈哈….舒服哂~不過呢幾日既天氣驟晴驟雨….跑番工哥時落大雨….開始做野就猛放晴….一係就跑番工時勁曬…..做野哥時又會狂風大驟雨…..都幾騎呢……..咪同我一樣囉…..



唔記得左幾時……哥日去左觀光塔睇叛謀狂花(salt)…..睇之前就去左佢戲院前面既cafe on four度陪寶寶食左d野……我就叫左杯apple tea…..凍冰冰既apple tea好好味…..廿幾蚊仲加埋海景…….其實我對蘋果茶係有情意結囉…….

2010年8月15日 星期日

Cyril魔術表演+香港一日遊

唔….今日又到左星期日lu~即係話呢….聽日又要番工….不過番晏…又可以睇埋小丸子先出門口…..小丸子佢真係好好笑….等我笑飽先番工……..今日一朝早就落左好大好大雨…….今日係爸爸尾七…..所以好早我同媽就起左身……出發去拜爸爸…..華….d雨pig lek park nar係咁落……….不過下晏又竟然出哂大太陽喎…仲好熱…….所以我同媽媽推算可能我地兩個衰妹對佢既誠意有幾高……依家唔使講啦下……噚日同媽媽同寶寶番左三鄉睇下間屋….最開心係番黎時買左一大堆碟同兩本書….哈哈……好開心買左eason duo隻演唱會……雖然有去睇現場…..但都好想買黎回味下……七百年後今朝同媽媽唱到喉嚨都爛…….



上上個星期六…..去左香港…….因為之前買左睇魔術既飛……所以就過左香港…….仲同埋媽媽一齊去tim……本來有諗過唔去….因為爸爸突然岩岩唔係度….所以想係澳門陪下媽媽…..點知寶寶幫我買多張飛…….ken仲讓個貴d既位俾媽媽同我一齊坐佢自己坐個無咁靚既位……..所以哥日我同媽媽仲有寶寶….比比…..硬膠ken….仲有ken既表妹一行六人一齊去香港玩左一日……多謝你地送左一日開心俾我同媽媽



搭十一點鐘船過到去我地去左上次edith帶我地去既翠華食飯……我見到佢寫住港式香檳奶茶…..好似好得意所以我同寶寶叫黎試下……黎到….飲左啖….跟住我就同寶寶講喇:都無香檳味既………..佢意思係咪用個香檳樽入d奶茶咋???取巧呀佢!!…………….點知寶寶話:下?!你唔知咩?諗都諗到啦….你唔係諗住係奶茶度溝香檳呀……….點飲呀??????…….er……我諗淨係我一個先會咁蠢

2010年8月11日 星期三

嚮往變為懶懶熊

今日呀….唔算多又唔算少野做啦……不過好攰…..因為噚晚曾經頭痛過……下晏在充滿趣味性渡過……係多野做…不過都幾開心…..好耐都無去neway唱k喇….好想去呀….好想去嗌下….大聲叫下……..



有時候….總覺得懶懶熊有點像我……..



哈哈…..我都成日蝦小黃雞(寶寶)架…..搞到佢咁忙又真係幾好玩….

2010年8月10日 星期二

PaulPaul生日凱旋門自助餐

唔……都過左一個幾開心既週末……令我對週末有番少少期望啦…….哈哈…..歎左成個禮拜…….直到噚日公司都係無乜野做……好正咁既……失驚無神班人今日又好似約埋一齊黎…..真係好熱情呀~攰死人喇今日…..個膊頭可以唔要喇………有人今日同我講:我想用我個生日願望令到d客變得聰明d……我:無用架….你個生日願望咁卑微……改變唔到咁多人架…………..跟住佢話:一年一個變聰明d都好丫………..你睇下我地幾絕望就知d人有幾蠢……..蠢到真係想一野打落佢個頭度……………..今日中午番屋企食飯睇既秀才遇上兵…..陳豪真係好笑到我……氣咳呀….哈哈哈哈哈….真係好鐘意陳豪做笑片



係同一個星期既星期六星期日….我一連兩日去凱旋門食野…..就係去東瀛十八番之後一晚……去左食佢個自助餐……仲要係全家人一齊去…..叫得郁全部人一齊去食自助餐既原因好簡單………….就係我親愛既paulpaul生日喇~呢日係爸爸走之前一日…….好開心佢走之前可以同全家人一齊食左餐好開心既飯…..呢樣係大家之後諗番起覺得安慰既野:]



講番個自助餐先…..我見佢好認真真係用後邊個爐黎焗d pizza…..應該唔會難食得去邊…….點知又無味…..又硬…都唔好食既…..

2010年8月6日 星期五

星期日去永利軒飲茶

今日到左星期五…..呢個禮拜真係過得無驚無險……真係好:]……….我鐘意咁樣……有充足的時間去做……….對我同對d客都應該係好:]…….今日仲有人請哂我地食生果杯tim……仲要係我好鐘意食既偉記~好好味呀……….噚日中午都好開心…..中午同左sasa佢地去飲茶…….去財神…..食左好多野…..好開心….不過我估唔到五個人食左成千蚊…….中午飲茶咋……不過好彩用六折食券…..如果無食券就唔好行入去喇……



又係唔知邊個星期日…..去左好耐無去既永利…..


其實我覺得佢呢盞燈好靚…..不過聽人講佢係吸d賭客既財!!

2010年8月4日 星期三

東瀛十八番@凱旋門

今日成日都好飽好飽……….係咪一件好事???今日下晏食飯哥時終於都去旅行社落實左下個月要去旅行……….落埋訂……..鬆哂……今次我地去西班牙同葡國11天……..因為之前要間價…..又要對比埋行程…..真係都幾煩….個行程岩…但旅行社個價又未出…..有d行程好到爆….可惜價錢又太貴………好彩最後都俾我地搵左間個行程又好…..價錢又合理既…..終於有d野可以俾我望下喇………9月15號出發…..希望….可以…..玩完會令我變得開朗番:[



某個星期六……夏日炎炎…..中午我煮左個好靚既冷麵….

2010年8月2日 星期一

MGM自助餐

又係星期一…..一個平凡人既星期一…….今日除左個肚好痛之外…..都無乜太大既感想……又唔算太多野做…….都算係安慰卦……..上個禮拜既週末好癲….總共睇左3套戲…包括toy store3….大波波既叛諜狂花(salt)…..仲有好耐無睇過既里安納豆潛行凶間(inception)…..遲d先講下好無睇…..淨係想話俾你地聽我有幾癲


上上個星期五我地全個GBA既同事一齊去MGM食自助餐….係新入職既同事請既……我地只係補多百一蚊就可以食到MGM!!!!都幾期待….


因為小i之前食有帆立貝又有龍蝦食………..