2013年7月31日 星期三

冰島英國自由行之旅2013-06-12第五天Part 4(天晴後轉天陰)

今日又虧左…….噚晚臨訓前少許頭痛……..訓到清晨5點又痛到醒左……起身即刻食兩粒特強必理痛……….到依家放工呢刻仲係頭痛……唔知自己搞咩….



2013-06-12
Day 5—-Part 4(冰島,史卡法特 Iceland,Skaftafell->史卡法特國家公園 Skaftafell National Park->荷芬 Hofn)

好喇~行完冰河我地就再度出發喇~~~

2013年7月30日 星期二

冰島英國自由行之旅2013-06-12第五天Part 3(天晴後轉天陰)

我宣佈~喂~放假啦~~~~~~感覺像放暑假~但唔係我放假~~~呢下都好夠爽~~~做起野上黎都特別醒神既~~~放左工去左傾大單野~不過應該計劃告吹~但對我地黎講都應該係好事黎既~~~~~聽晚又出街食飯~~肥屎我囉~~~



2013-06-12
Day 5—-Part 3(冰島,史卡法特 Iceland,Skaftafell->史卡法特國家公園 Skaftafell National Park->荷芬 Hofn)

工友用個冰鑿鑿左d冰出黎~~好晶瑩剔透既呢~~

2013年7月29日 星期一

冰島英國自由行之旅2013-06-12第五天Part 2(天晴後轉天陰)

又到左攰爆OT星期一~~~算~~~~放工就好了~~~~~星期六:去左食園林~~食左魷魚豬扒撈米加辣真係好正~~..->去Venetian…因為Chocolate做緊半價~~趕緊去掃平野~~有某幾間鋪開始做緊減價~(減價野先岩我買~)->食左IL cafe…不過我覺得唔平囉~~…->哈哈~~約左三五知己睇飛虎出征…爛爛地..但我都有大笑過喎(仲要係全戲院得我一個笑~~)…好彩係永樂睇$50咋~~………星期日:去左黑沙食肥佬燒烤~~~好好味~~食左兩隻雞翼魚蛋香腸魷魚鬚秋刀魚粟米蟹柳~~但椰青要成$30一個~~好貴~~…->好野~~終於睇左書~~好開心因為藍海寧出左最新既空姐書~~我好鐘意睇佢寫做空姐哥d趣事架~~(因為年少時我的志願就係做空姐~~)->秀蘭小館小籠包吃吃吃~~~



2013-06-12
Day 5—-Part 2(冰島,史卡法特 Iceland,Skaftafell->史卡法特國家公園 Skaftafell National Park->荷芬 Hofn)

呢位就係我地既導遊喇~佢叫…..佢叫…………以我既記性…大家知咩事~



2013年7月26日 星期五

冰島英國自由行之旅2013-06-12第五天Part 1(天晴後轉天陰)

臨放工黑過墨斗……….放晏先輪到我死機………都算……仲要俾神秘部門某個不嬲都無禮貌既同事又再串我…….一撞火…..梗係即刻還擊啦……唔係既話我仲要俾你串多我幾多次!!!!!!!!!!你再有下次串我我一定還擊!!!!!…………………….好彩今晚有得同公子食飯~~舒解我內心既苦悶~~~~去左酒樓食左半圍~~痴線架~~



2013-06-12
Day 5—-Part 1(冰島,史卡法特 Iceland,Skaftafell->史卡法特國家公園 Skaftafell National Park->荷芬 Hofn)

今日酒店包早餐呀~~~好野~~~~望出窗外~今日睇黎係好天同無風喎~~~~好野~~~~我地今日既活動係要行冰河呢~~~~

2013年7月25日 星期四

冰島英國自由行之旅2013-06-11第四天Part 3(陰天後轉天晴)

今日無瘀血~~工作又輕輕鬆~~成個人就是神清氣爽~~~今日天陰陰咁到左星期四~~但內心一d都唔天陰~~~真係好想快d到聽日收工哥剎那~~~我會開心到係counter度跳舞~~~因為聽晚約左公子們食飯~~~~時間行快一點點啦~~聽日落雨我都唔驅架~~:p



2013-06-11
Day 4—-Part 3(冰島,雷克雅維克 Iceland,Reykjavik->維克 Vik->史卡法特 Skaftafell)

之前係維克天氣咪差到無朋友既…..離開維克揸左大約兩個鐘車之後~wow~有陽光~有雪山喎!!!!應該已到史卡法特Skaftafell~

2013年7月24日 星期三

冰島英國自由行之旅2013-06-11第四天Part 2(陰天後轉天晴)

今日獎自己食麥叔叔精選早餐做一個早晨既好開始~~~食飽飽個人都開心d架~~~~~雖然今日都遇到d short人~~不過心情就是好~~其實我幾鐘意上班日落雨架~~因為人流可以少d~~~如果日日都好似今日咁~~咁就皆大歡喜囉~~~~~



2013-06-11
Day 4—-Part 2(冰島,雷克雅維克 Iceland,Reykjavik->維克 Vik->史卡法特 Skaftafell)

到左中間要參觀既城市維克(Vik)…….由首都揸車黎到呢度大約揸左3個鐘度~維克係冰島最南端一個倚山面海既迷你小鎮…成個維克得600多人住~旅遊書上形容….維克的壞天氣可是出了名的!!這句講得一d都無錯!!!!所以黎到呢度天氣唔好唔使唔開心~係正常的~

講得一d都無錯!!!!!我地黎到哥時天氣超差……落緊密密雨不特止…..仲吹起強風!!!!!!!!可以用舉步唯艱黎形容都不為過!!

2013年7月23日 星期二

冰島英國自由行之旅2013-06-11第四天Part 1(陰天後轉天晴)

今日又係忙碌的OT中渡過…..雖然厄運與我同行…..但係隔開左一定距離……個心即時定好多~~有時d野真係眼不見為乾淨~~~好多謝今日下午放工毛寶同貞貞落黎地盤探我~~我真係好開心~~~~希望chlo子快d番黎陪我啦~~~



2013-06-11
Day 4—-Part 1(冰島,雷克雅維克 Iceland,Reykjavik->維克 Vik->史卡法特 Skaftafell)

民宿最後一天豐富早餐~又係阿sam操刀~~d女人仔化妝既化妝~執野既執野~~真係多謝阿sam煮早餐~~~~d腸仔仲要用d撈意粉既醬炒過~~~好正~~


2013年7月22日 星期一

冰島英國自由行之旅2013-06-10第三天Part 5(時陰天時天晴)

又到左一個要開ot既星期一…不過厄運不在我身邊就算工作多我都無有怕~~~~~可惜…..明天厄運又再與我同在…….原來唔上我一個覺得呢個係一個厄運……基本上遇過厄運既人都覺得係咁…..咁證明我無偏見啦~~~~~星期六:終於去食左大比同阿sam推介既蟶子米~確係幾唔錯~…->又番屋企訓晏覺~真係好變態~…->與毛寶貞貞一起在mug’s talk晚膳…笑到牙都甩~~….->諗住再過金玉滿堂再食…點知發生左一件嚇壞我地3個既事~即刻打道回府……………..星期日:hehe~終於試左琥珀既lunch set~大滿足~….->文化中心睇展覽(我地真係好有文化氣息~)->回家小休(周末就要常休息啦係咪~~)->去觀光塔睇捍戰太平洋Pacific Rim…我覺得幾好睇~熱熱鬧鬧咁(講到睇笑片咁)~因為我覺得人人都講有某種生物侵略地球架啦….但佢講到哥種黎地球既方式都幾特別呀…於是咪buy佢囉~不過嫌佢打怪獸時力度唔夠….明明咁大隻機械人可以mark爆怪獸個口….或者咁新式既機械人應該有d好勁火力既武器~佢又無喎~…毛寶評價…一般je~…->行左陣800伴買左兩包減價冷麵~不過你知減價野啦…但我買哥時無睇係咪就黎過期~失敗!!麻煩毛寶你睇到呢個blog去睇睇過期未~唔該哂~…->食左檀香山…好古怪呢餐真係~~哈哈~~



2013-06-10
Day 3—-Part 5(冰島,雷克雅維克 Iceland,Reykjavik->金圈之旅 The Golden Circle)

仲有一樣好緊要有關自駕遊既野要提大家…..就係……因為冰島佢地d油站大多係自助式既…而俾錢既方式有d可以收信用卡(不過我同你講..係冰島文..我完全唔識睇)…..而最方便就係有呢d Prepaid Card喇….我地就買N1呢間油站既油卡….因為我地之前睇人地個Blog就話呢間油站係分佈冰島最多架….而我地架車行左冰島一圈…發現最多油站都係呢間N1~呢d油卡通常如果你見到油站有休息站有野食買哥d都有得買….但有d就淨係得個油站俾你入油!!!咩人都無!!!……所以你買開就一定要買多幾張傍身用….我地買左最大哥隻面額ISK10,000=650.2hkd……唔使一次過用哂一張架…可以分幾次用~都好方便~

2013年7月19日 星期五

冰島英國自由行之旅2013-06-10第三天Part 4(時陰天時天晴)

唉~唔知點解我今日好想嘆一口氣~好彩今日已經係星期五~其實我星期一二三都過得好開心的~係星期四五……..不過…..上天關左我呢對門唔俾我行……就會開番另一扇窗俾我~雖然只得一日~都好過無~今晚同左媽媽出街吃飯去~因為今日係一個很特別的日子…我不想媽一個人過……..



2013-06-10
Day 3—-Part 4(冰島,雷克雅維克 Iceland,Reykjavik->金圈之旅 The Golden Circle)

去完間歇泉就揸車去金圈之旅最後一個景點~就係黃金瀑布(Gullfoss)喇~我地泊好車…一落車….wow….d風大到呀~~~~~~~有多一樣野要提提自駕遊既朋友們….每次落車開車門時都要拉緊車門!!!!因為真係有人試過大風到吹走車門!!!!咁樣就算你買左全保都唔包架!!!!!!!!呢個時候天又變會陰陰的~大風的~

2013年7月18日 星期四

冰島英國自由行之旅2013-06-10第三天Part 3(時陰天時天晴)

er~我都唔知為我今日既生活講咩好…….我真係有認真咁安慰過我自己….我覺得呢個世上係有因果架……如果唔係我前世欠左你咁多……今世又點會有個咁既厄運?????但係……你搵我報恩…..都唔好咁狠啦…….我實在係受夠了~多野做我唔介意…..大家一起努力我也做得開心…….到底厄運幾時先走??其實你跟左我好耐喇….有無考慮下痴下其他人?定係我前世真的欠你欠得咁誇張?我今天很氣餒….



2013-06-10
Day 3—-Part 3(冰島,雷克雅維克 Iceland,Reykjavik->金圈之旅 The Golden Circle)

去完國家公園~我地就再揸車黎到第二個景點—-間歇泉(Geysir)喇~就係平格維爾國家公園去間歇泉哥段路…佢老點我地轉去馬棚同溝渠!!!平安無事咁黎到~呢個時候都差唔多兩點囉~佢呢個間歇泉景點有配套的~因為係佢對面有個停車場….停車場隔離就有紀念品店同食野地方~咁我地都未食午餐~就係度食埋先~

2013年7月17日 星期三

冰島英國自由行之旅2013-06-10第三天Part 2(時陰天時天晴)

阿媽個女又頭痛……胃唔舒服…想嘔想吐…無心機食野…….好彩今日澳門天雨……打走咁d喪屍~~~算係無咁多人黎….不過都係要做……呆下呆下咁坐左日counter…..眼花到我今日叫個女人做先生…….short左……….今日仲要出去食飯……唔出又無野食~



2013-06-10
Day 3—-Part 2(冰島,雷克雅維克 Iceland,Reykjavik->金圈之旅 The Golden Circle)

砌完石仔又再出發~咦~~~~放晴喎~~~~~~(其實出發就知冰島天氣係忽然晴..忽然落雨..而好天既機會都比較少~)

2013年7月16日 星期二

冰島英國自由行之旅2013-06-10第三天Part 1(時陰天時天晴)

雖然今日唔使ot….但係都係咁多野做~~~不過都好既…..起碼可以番屋企訓番大半個鐘下午覺……鬆一鬆~今個禮拜唔知搞咩~~~由星期二至星期日都會係街食~~~媽媽偷懶呀~~~~唔乖~~~~~~(我打呢句哥時….佢企係我後面~~好彩佢老花睇唔到~~~)



2013-06-10
Day 3—-Part 1(冰島,雷克雅維克 Iceland,Reykjavik->金圈之旅 The Golden Circle)

晨早起床~~要食番個靚早餐先得架~~~又係阿sam煮~~正呀~~冰島d雞蛋癲架!!!!超好味~~~阿sam呢日煎既蛋好正~~係流心的~~用d蛋汁點烤過的麵包!!!正!!!!!佢地d雞蛋好重蛋味!!!非一般的好吃!!我到依家仲掛住緊~~~

但呢隻矮杯乳酪超杰……杰到好似牛油咁………..食完夠哂飽~~

2013年7月15日 星期一

冰島英國自由行之旅2013-06-09第二天Part 3(下大雨)

華~今日開ot開到我呀…攰到我呀….聽日一於唔開……日日都食半個鐘飯我個胃真係有d頂唔住…….多野做好彩今日d人都算生性~~~星期六:一早起身去UA睇早場~~睇怪獸大學~~超期待~~~早場3D價$65…抵睇到爛~~朝早10點架車經過大會堂…..已經有一條人龍排隊等買怪獸大學~~~癲架~~我好耐未見過大會堂有人咁早排隊買飛過~~好彩我醒目~~一早上個禮拜買定飛咋~~~結果係好好睇~~我好鐘意大眼仔細個哥時~~得意到我直頭想伸手摸佢呀!!!!->去永利軒飲茶~~真係好正~~….->又訓左陣晏覺~~…->夜晚約左皮皮同企鵝去食譽路八!!想食好耐!!第一次食!!好貴!!但係好好味!!!…….星期日:去左氹仔食文哥~好味~仲去埋許留山食甜品~不過我覺得貴同唔好食~….->金沙城同威尼斯人行左陣街~咩都無買過~(唔係去旅行時真係好難令我買野架……)->拜老豆….因為老豆就黎死忌….但正日我要番工…所以提前拜佢….燒野俾佢哥時我成塊面都係汗!!->夜晚同左阿婆佢地去食祖兒泰國野~~正~~



2013-06-09
Day 2—-Part 3(冰島,雷克雅維克 Iceland,Reykjavik)

買完電話卡就行番過去
哈爾格林姆教堂(Hallgrimskirkja)拍拍照~最衰落雨啦~

2013年7月12日 星期五

冰島英國自由行之旅2013-06-09第二天Part 2(下大雨)

wow~好勁呀~原來已經OT左4日….不自覺地覺得自己好利害~~鼓掌~~~~(但其實呢兩日我都係使不上勁度….因為我背的肌肉好似痛到就黎爛開咁~~~)終於到左星期五~~~岩岩食完pizza~~~好味~~~~跟住落黎哥兩日…..我要狠狠的玩夠佢!!!!!!!!唔玩夠佢….下個禮拜又開OT咪好唔抵!!!!係咪先!!!!(下個禮拜開埋下個禮拜一好喇…唔準再開喇!!真累了喇~~)



2013-06-09
Day 2—-Part 2(冰島,雷克雅未克 Iceland,Reykjavik)

食飽左龍蝦湯~買完手信~係GPS輸入我地第二個目的地…….呀頂~原來係龍蝦湯下一條街~~出錯車添~~~~又要搵位泊~~~第二個景點~~就係萬眾期待…..被英國某報章喻為全歐洲最棒的熱狗攤既Baejarins Beztu喇~~~地址:osthusstraeti,101 Reykjavik….電話:+354 894 4515…..網址:http://www.bbp.is/…營業時間聽講會開至清晨~好博命~係長龍店來的~

小小的一間鋪~只有一張小檯~不過唔緊要~食熱狗企係度咬就得啦~~

2013年7月11日 星期四

冰島英國自由行之旅2013-06-09第二天Part 1(下雨天)

我無寫一日blog~俾兩個人催我出blog~真夠面子~我噚日好慘~隻眼唔知有咩….頂住頂住成日…勁流眼水…..因為隻眼痕…搞到我個鼻都覺得好痕….流左成晚鼻水……中午又開ot…加上夜晚去左neway…..所以身體+時間+疲累…..搞到我噚晚無mood寫blog~……今日都有開ot….真係好攰…不過你可能話….間間公司都係咁開架啦….人地咪又係日日開…..但我地要對外呢……對住d人特登問d刁難問題….要追籌…要收錢….其實坐counter要兼顧好多野….加上d人會無啦啦入黎鬧你兩句你又要應酬佢……都算…..開完ot我仲要俾人求其揾d野係要鬧下我….哥下先火!我個膊頭同手臂d肌肉痛到就黎舉唔起手….為乜??放工仲要走去買膏布貼膊頭…………………………



2013-06-09
Day 2—-Part 1(冰島,雷克雅未克 Iceland,Reykjavik)

好~平躺在床訓番5個鐘~叫做有番d精神~今日係市內觀光~天好似有d陰呢~唔理~出發~

2013年7月9日 星期二

冰島英國自由行之旅2013-06-08第一天Part 2(冰島微雨大霧)

我今日真係覺得好攰…..我今日真係覺得好攰…..我今日真係覺得好攰…..有無人明白我有幾攰????點解我要俾厄運纏身??因為我前世做得衰野多???點解唔可以俾d喜歡厄運既人同佢一齊???我真係覺得好難頂…..難頂都要繼續頂…我就黎心理唔平衡喇…..



2013-06-08
Day 1—-Part 2(澳門->香港->卡塔爾多哈Doha->英國倫敦London->冰島雷克雅未克Reykjavik)

食飽飽推番舊行李落樓…發現個counter都係根本未開!!!咁又唔奇既….一整日得哥兩班機係英國飛…一班早上….一班晚上9點幾…即係我地哥班…個counter無人都好正常~於是我地搵左個位坐低等佢開….好彩個地勤好好人~仲同阿sam又傾計又講笑咁…佢仲話毛寶同阿sam好似樣…笑到胃反!!又以為我地個護照係中國護照…仲問我地有無簽證…嚇壞人!!其實我之前已經做左網上check-in..不過都要寄行李….仲好嚴咁一件行李真係要23kg…仲唔可以share d kg….所以阿sam同大比都好驚~因為佢地兩個人一個gip~係喎~未講~呢程來回英國倫敦至冰島首都雷克雅未克既機票係£255=3,009hkd~

搞掂check-in後就過海關….於是我地同一日又入境~又出境英國…佢地真係好認真咁check你既hand carry喎…液體要分開擺既規定好耐架啦….不過唔係好多個國家真係好嚴咁執行…..我淨係試過美國囉….估唔到英國都係!….仲要照得超仔細…阿sam背包內既好多寶麗萊相機同菲林都俾佢查左超耐….但反而出境就無再睇過護照喇喎~

2013年7月8日 星期一

冰島英國自由行之旅2013-06-08第一天Part 1(天晴)

今日好慘~要開ot~開中午食飯一個鐘….平時食中午飯我係食兩塊麵包…但今日食左個雞奕炸魚片撈米…一舊蛋糕…兩粒麥樂雞…仍然肚餓…奇怪~…星期六:唔使學ukulele~感覺好多時間用~~中午去左食味藏~好好味~又抵~…->休息(食飽就休息~~)…->夜晚食左艾菲兒~開心~…->夜晚去左睇非常盜(Now You See Me)…..超級的好睇~~真係好睇~~精彩呀~~劇情估唔到~佈局亦夠細緻~喜歡看~~~……..星期日:攞命~~我地買左朝早9點半早場睇地球末日戰(World War Z)…..真係好早~~不過3D戲早場價係$65….抵睇~都幾好睇~~不過你知啦~呢類喪屍戲…佢第一次打橫衝出黎時….我又係叫到全戲院都聽到….叫到手腳高舉..真係勁驚~(其實我隔離哥兩個人都俾我嚇親~)….後尾我用手遮住自己對眼係手指縫度睇…遮到連畢彼特個樣都睇唔到~~~~…->去食橋記~終於食到乳豬~~唔錯~食完先落大雨~勁好彩~….->之後再去朋友的新鋪開張->休息->同婆婆佢地食飯~….超豐富節目的周末~



(哈哈~一如以往~呢篇blog係由好多輯相集合而成…我的數碼相機2712張+我的iPhone273張+毛寶的iPhone477張+毛寶的LC-A+ 324張=3786張相合成~咁當然出blog時唔會咁多啦~所以排相都排到暈~~好囉好囉~終於入正題喇~~~冰島英國之旅正式出發~~~~~)



2013-06-08
Day 1—-Part 1(澳門->香港->卡塔爾多哈Doha->英國倫敦London->冰島雷克雅維克Reykjavik)

第一天已經不只得一part喇~~~原因係第一天對我地黎講真係過得太漫長~~~~~好喇~~出動了~~~~~~~~~~~~~~我地6月8日哥日係搭凌晨機的~所以係6月7日夜晚我地已經要搭機場船過香港囉~~~~~我地係搭最後一班夜晚20:15船的~所以19:15我地就要到碼頭~哥日我仲要番工的~~攞左兩個鐘OT早走等自己時間鬆動d~~沖好涼~由團友之一車我同毛寶和所有行李出碼頭先~~~該名團友泊番架車番屋企再拖埋老婆行出黎港澳碼頭!!!!!好恐怖呀~~~行出黎熱屎囉~~~睇下佢地~~幾開心~~~睇下我哥時幾白!!!你地再睇埋我番黎塊面就知我黑左幾多!!!(不過個咀粒瘡好礙眼~~)

2013年7月5日 星期五

冰島英國自由行之旅2013---旅行前準備篇

好野~~星期五~雖然下午無理地多野做~但我唔會影響我心情渡周末的~因為我唔會俾自己一路頭痛一路過周末~好似上個禮拜咁~~~頭先出去食左上海野~買左兩件打底用既背心裙~已經好開心~



去冰島旅行前真係要好好準備一番~去完之後同大家分享交流下~所以特登出個準備Blog~去冰島自由行既朋友仔有興趣就睇下我發Up瘋啦~



兌換貨幣
我地去之前將全數使費換哂做英鎊(我地去完冰島會去英國…睇番你自己去完冰島會去咩地方就換咩貨幣啦)….因為….澳門根本唔會有冰島既克朗賣~攞英鎊去既話係機場兌換店或者銀行換就ok~我地哥時就係機場兌換店換….因班機到既時間係夜晚11點….加上第二日係星期日銀行係唔會開~有一間冰島銀行換錢係唔收手續費的….唔記得係咪Landsbanki Islands呢間….如果時間岩又問過真係唔使手續費應該抵好多~不過我地係機場都係換左每人£100…因為我地所有既使費諗住一齊出公數咁俾~又唔想換咁多錢~~其實係冰島我地大部份既使費都係用信用卡俾的….如果可以用到銀聯就最好啦…因為銀聯係外地碌卡唔收手續費嘛(張卡數單番左黎~個匯率中銀都唔錯~比另外一間銀行好~)…..不過冰島唔係度度地方都會收銀聯….碌咁多次卡大約一半機會會收啦…有d商戶就算門口貼明有銀聯都碌唔到哥下先奇~最好帶定埋VISA或者MASTER卡啦~…..咁講下匯率….我換左3次英鎊…分別係11.6358…11.6958….11.7359…….係冰島機場既匯率….英鎊兌冰島克朗匯率係181.52….即係£1=181.52ISK…..咁£1=11.8HKD(大約)…咁經我精密既計算…當時1HKD=15.38ISK~當時得就係帶住£1500=17700HKD咁就出發喇~(無換咁多因心諗無錢就碌卡~)


2013年7月4日 星期四

貞貞生日會2013@盛宴Feast自助餐

今日覺得有d開心添~~因為今日係星期四喇嘛~咁聽日就係星期五啦~~~咁咪番埋聽日放假囉~~~好野~~~~~~今個禮拜日仲排到d節目懶豐富咁~~~搞到人地好期待添~~~~星期日既節目仲要由朝早9:30開始~~咁…我都唔知我要幾點起身~



hehe~終於寫到貞貞3月份生日的blog了~~鍚鍚~今次我有份參加的生日派對係我和小i和貞貞~因為七公子那個我有事錯過了~所以在貞生日前一晚才和她吃晚飯~地點是金沙城內的自助餐”盛宴Feast”~地方都幾大架~~不過我唔係好記得幾錢~~~不過就當時係做緊中銀信用卡優惠….買二送一~所以三個人去係最抵的~岩哂我地啦~好似每人除開$200度卦~



2013年7月3日 星期三

糖主Azucar

今朝早餐我叫人幫我買左個蘿蔔糕同埋炒米粉….係公司食緊既時候…..好多同事都話:你痴線架???…..我:唔係好多咋….舊蘿蔔糕好細舊咋…………但跟住我自己又做一陣戲:死喇食食下又覺得好多添~好驚食唔哂呀~………眾同事:你喎~一d都唔鄧你擔心…你一定得既………我形象真係好差~下午做籌好慘…少左個人但又無減籌…係我出盡力做到最後…竟然俾人話我唔叫籌….我….真的生氣了!!



今日想講下呢間之前熱極一時的甜品鋪”糖主Azucar”…..地址:氹仔成都街519號濠景花園31座櫻花苑地下….電話:2885 6789….不過成夜晚八點先開….好似開到十二點就收……..


2013年7月2日 星期二

裕家麵

今日厄運遠離我一天~真正的神清氣爽~個人都好似清醒番d~~~~工作又好似順暢d~~不過呢d好事不會常常有的~真的只有一天~真係~想多日都無~颱風悄悄的來悄悄的走~唔知點解我今日真係好想出街食飯…真係好想…可惜媽媽已經買好哂餸~



好喇~今年年初~我地去食左呢間傳聞中$100一碗麵既鋪頭~~~叫做裕家麵~地址:氹仔基馬拉斯大馬路美景花園美麗閣地下D鋪…..電話:2883 5023


2013年7月1日 星期一

泰之味

今日…因為7月1日香港回歸….所以我地要開ot……上個星期五已知….其實年年呢一日都要開……不過算啦….好過前幾年……開到成夜晚11點半……然後第二朝又番9點…..依家開一個鐘都好宜人架喇~….星期六:又吃了九記….睇到佢杯雪糕由$6加到$20認真唔開胃….以前食開既$17咸餐已經變左$34…加價100%…..->去學ukulele…姐姐話我地知9月開始加價…由$320 4堂….變做$400 4堂….不過我地都同佢講…..其實呢堂係我地既最後一堂….我地諗住唔學lu~見毛寶依家自己上網搵歌彈都有板有眼….佢應該可以畢業了….我就…由佢啦~….->上左小公子屋企食飯~又大個了~不過已經唔跟我地了~………星期日:中午去西環食咖哩屋食飯..每次我地必叫咖哩雜菜加個油烤餅點咖哩汁….但….佢個油烤餅由$15變做$23一塊….我真係接受唔到!!咁細一塊……點解澳門食野可以咁貴架!!!搞到我食唔飽!!!歐洲d餐廳都唔係咁貴je!!!!!!!!!!!!!!!!!!!!!!!!!!!!!!!



hehe~前排試左一間未試過既泰菜~應該都係今年先開既~叫泰之味…係筷子基海灣街…..係地鋪黎既~就係大家熟悉的新濠仔隔離~唔難搵~