2013年10月16日 星期三

氹仔車仔麵

今日又係有兩個鐘上堂~......下午又唔算話好多野做既...不過就硬係多煩野......最尾臨收工都仲有單麻煩野要搞..........希望仲有兩個工作日可以順順利利啦~~~~~明天星期四~又要去上公司d堂......好彩~係最後一堂~咁都有d安慰~到底幾時先上哂60個鐘呀~~~~~~~~~~~~~~~~~~~



其實我都幾鐘意食車仔麵....因為....揀既餸種類多~一款幾錢兩款幾錢咁~~~其實我不嬲都唔知邊度有車仔麵食架....係睇到皮皮係instagram post過出黎我先知.....但係呢間車仔麵唔知叫咩名架喎...好鬼神秘....門口無..上網搵都係無名....位於氹仔飛能便度街哥間喜蓮咖啡斜對住哥條巷仔直行入去就係......電話:2884 4225.....去之前最好打個電話問問佢有無開....因為佢唔開朝早.....夜晚亦都未必開......呢間野應該開左好多年...由唔知邊度搬黎的.....地方超小....而且...幾熱下




見到佢超多人買外賣的......見佢都好似幾多餸揀....有d仲幾特別.......咩咖啡骨之類.....不過佢樣樣餸唔同價錢10幾至20幾不等~都幾貴下




我叫左個豬皮豬手雞奕蘿蔔撈油麵.....自我覺得食車仔都一定係撈油麵先得既~~講講佢d餸....豬手(麻麻..唔太入味....)....豬皮(超正~~~夠哂入味~~)....雞翼(普通野無特別).....蘿蔔(正~夠爽甜入味~~).....




毛寶叫左蘿蔔豬耳豬紅米......豬耳(中等).....豬紅(呢個超正~~~又夠大舊又嫩滑滑~~~)........

不過......呢兩個麵加埋罐可樂.....成$9x埋單....我個麵多一個餸架喎.....咪有可能成$50蚊一個麵!?!?!?!?$50一個車仔麵喎?????香港都無咁貴啦下嘛?????加上我地兩個食完去左sands行街.......輪住黎肚痾....係真係堅痛哥隻痾喎...如果一個人痾就腸胃差je....我平時係食物焚化爐喎...連我都肚痛就........(好彩當時係大酒店行街有多個靚既廁所唔使排..如果唔係不敢設想)....係就係幾好味既.....不過貴同埋會肚痾......自己諗下去唔去喇.....





報時:距離南非觀獸美食之旅2013仲有---4日~
噚日乖乖上網睇下人地d南非blog~
發現都唔錯喎~~~~
我唔知係哥兩個人寫得好好丫~
定係南非真係咁唔錯喎~~~~
搞到人地好期待添~~~~~
見到d野食仲幾好添~~~~hehehe~

33 則留言:

  1. 哈哈哈 我又係最鍾意食油面架XDDDD
    baby我地會唔會太夾
    肚痛咁慘慘 以後都唔好去食!!!!!!!

    回覆刪除
    回覆
    1. 我以前細個學校附近有檔整油麵好正架~~~不過無做好耐lu~~~
      會~我地好夾~~
      無喇~我食左一次就無再去lu~

      刪除
  2. Er...你CHECK下MAIL睇下有冇SEND份授權信俾你>_<!!
    車仔麵一個成50幾蚊...都真係幾變態=.=好似食M記抵D咁WO!
    唉~最近都負能量爆登呢~
    訓耐D又有咩用,玩少咗野丫嘛/.\
    你就好啦又去南非
    我明明開開心心去畢業旅行
    點知又...唉~點解會咁架!!

    回覆刪除
    回覆
    1. 係咩....等我check下mail先~因為我成日都好懶的~
      係呀....我都寧願食m記~起碼30蚊有野食有野飲先~
      就快去玩喇~~~~~~將負能量轉化為正能量開心去玩左先啦~~~

      刪除
  3. 還記得細細個嗰陣,係五毫子兩個麵,另外五毫子其他餸,大大碗,好正。

    回覆刪除
    回覆
    1. 我細個時澳門應該無車仔麵~食細勇呀~

      刪除
  4. 雖則神秘又特別,但會食痾人你去埋我份......

    回覆刪除
    回覆
    1. 如果佢無令我肚痾我會再去既...不過真係堅痛~

      刪除
  5. 我好耐無食過車仔麵嘞,因為而家好難搵到好味既
    食完會痾,梗係唔去啦......
    要玩得開心啲,玩埋我個份啦~~

    回覆刪除
    回覆
    1. 但我成日過黎香港都見到既~~~不過唔知好無味就真既~~
      哥次真係堅痛.....流哂汗...
      好呀好呀~~~~~好緊張喇已經~~

      刪除
  6. 嘩,真係好貴喎,仲要唔乾淨,名符其實嗱喳車仔麵。以前喺街邊小販檔嘅車仔麵,都冇食到我肚痾啦,你叫嗰間嘢回水啦。

    回覆刪除
    回覆
    1. 係啦....以前街邊應該有好多車仔麵...都唔聽人講有事.......佢入左鋪....反而....

      刪除
  7. 食車仔麵就係最怕呢味野,一唔乾淨就死得!唔好再幫趁,列入黑名單啦!

    回覆刪除
    回覆
    1. 無喇~~因為哥次真係堅痛.....所以都無再去過~

      刪除
  8. WOW..50蚊個車仔麵.傻左呀! 香港40蚊唔屎都3,4款餸LA!! 而家D小食真係愈來愈貴,有時同買盒飯既價錢差唔多...至慘你仲要食完肚痛...不過好彩你痾完冇野,唔似我貢經典..WAKAKAKAKAK..果種痛真係畢生難忘AR!
    希望你南非之旅有得多D親近D動物LA...影多D靚相...

    回覆刪除
    回覆
    1. 係呀我上次過黎香港見到超平的!!!唔知30幾蚊有3個餸仲要送埋野飲囉!!!
      唔知...你有咩經典呢~~~~~~(八卦)
      我都想見到多d動物呀~~~~我要見長頸鹿~~~

      刪除
  9. Hi 小t,澳門d 車仔麵都好貴喎!香港三,四個餸連汽水$40 咗又!同香港周街都車仔麵舖呀!去南非在香港出發嗎?是否去八日呀!執哂行李咪呀?希望妳去南非國家野生公園會睇到獅子出現喇?貴有四日咋!玩得䦕心d同食多d 南非美食!bye!!!

    回覆刪除
    回覆
    1. 我上次過黎香港都見到d好平架
      未執好行李

      刪除
  10. Hi, 第一次在你的blogspot留言。
    其實香港都有好多車仔麵,下次你嚟香港去銅鑼灣時可以去登龍街的新記車仔麵,或渣甸坊或糖街的許記,都好好食嫁!

    回覆刪除
    回覆
    1. hello~~~謝謝你來留言~~~以後多多來留言~
      hehe~~~我之後會講...係澳門..都有一檔叫新記車仔麵...開左好耐~佢都係寫係銅鑼灣開過黎~~哥間真係唔錯~~~應該係你講哥間~

      刪除
  11. 車仔麵真係好好味 但係每次去到食我都有選擇困難 唔知簡邊樣好 因為樣樣都好 哈哈哈.....
    小t就嚟去非洲玩啦 我會掛住你的 hehee^^

    回覆刪除
    回覆
    1. wakakakakak~~我都有選擇恐懼架~~~~所以我次次都會叫4個餸先夠~~~
      hehe~~我都會掛住你同你的可愛小狗~

      刪除
  12. 你食5到辣咪肚痾lo.
    兩碗麵加可樂9x蚊
    係咪你5知澳門物價丫

    回覆刪除