2012年4月27日 星期五

台北吃吃吃之旅2012-04-09第四天Part 2(雨天)

星期五喇終於都….今日番工仍然係一d都唔好受~~~放工時我成個人做到直頭有想嘔既感覺…我無誇大呀!!真係想嘔…………………………..同埋終於完成歷史性任務~~~食完餐唔想食既飯…….雖然面對大量美食….但係我…..都係無咩點食(係咪唔似我呢~)….但求快快走人就好啦~還好可以趕得切番屋企睇拳王~(睇下我個願望幾細~~)….查實….我幾鐘意拳王個吉仔喎~~超生性~可愛~如果依家大部份既小朋友都好似佢咁你話幾好~



2012-04-09
Day 4—-Part 2(台灣台北->澳門)
食飽飽就行下上引水產既其他地方啦~都有好多靚生果買~~

2012年4月26日 星期四

台北吃吃吃之旅2012-04-09第四天Part 1(雨天)

今天工作還好~真係託賴喇~本身明明下晝某人同我講:你好彩喇..佢地聽日有節目…你可以唔使同佢地一齊食飯喇~………..等我仲鬼咁開心….點知兩個鐘後又同我講:佢地話食番喎…………………….即係話…..聽晚仲係要食哥餐飯…..嘔嘔….



2012-04-09
Day 4—-Part 1(台灣台北->澳門)

黎到最後一日~無乜安排景點…因為原定係飛夜晚八點….諗住四點幾五點就出機場…..朝早係酒店打去澳航confirm機位…佢話無問題今晚八點飛…仲留低我電話號碼…..於是好安心咁check out酒店……出發去今日最亮點節目!!上引水產~~前身係個魚市場…依家俾間日本餐廳重新打造好似變左做日本既築地市場~我本身諗住食爭鮮既….點知係出發前Diana推介我去上引水產….加上我自己咁岩係雜誌見到有介紹….覺得好吸引~於是放棄去爭鮮了~地址:台北市中山區民族東路410巷2弄18號…….平d既去法係…..搭捷運南港線向南港展覽館方向係忠孝復興站轉文湖線(or叫木柵線?)去到中山國中站…之後一出捷運站有好多的士…你求其跳上一部同佢講你要去上引水產就ok~當然舒服d你咪直接搭的士去囉~不過咁會貴d囉~如果係有4個人岩岩好咪搭的士~


2012年4月25日 星期三

台北吃吃吃之旅2012-04-08第三天Part 3(陰天)

今日chlo仔病了…..5點半後得我同小i兩個人並肩作戰………下午超勁攰……..不過我不得不讚下我地……兩個人都搞得掂~叻叻~臨時臨急搵人開ot…..點知一聽要開到今晚12點……er………..算喇…….我驚我有錢無命享~開到12點咪即係等如放工之後再番多日工….多謝哂~~依家個膊頭同條頸都超痛…..頂住呀!!



2012-04-08
Day 3—-Part 3(台灣台北)
買完糖村…係忠孝敦化哥頭行左陣~~行到有d攰攰地…..於是諗….不如提早去食飯~…..係去台灣之前兩個禮拜打電話黎訂既….叫胡同烤肉…..佢有幾間既…胡同係一號店….古月同係二號店….壺同係三號店….總其有5間~我地訂左一號店—-胡同….地址:台北市大安區敦化南路一段161巷17號…..網址:http://www.hutong.com.tw/……..係皮皮食過話好味介紹俾我既~~~上網睇過食評都唔錯~所以諗住同媽媽試下~


2012年4月24日 星期二

台北吃吃吃之旅2012-04-08第三天Part 2(陰天)

今日好正……係公司做到….即使我內心講左超過一萬句粗口都唔能夠發洩我做到癲狂既感覺…………癲囉…….唔知講咩好…….望住個籌機…望住d籌…..我都唔知應該叫邊個好…….好彩d人生性…唔係個個蠢人…唯一既安慰……感謝;]…..加上今晚既晚餐係媽媽牌既煎餃子~我又變回開心了~



2012-04-08
Day 3—-Part 2(台灣台北)
係89樓參觀完一輪之後…..我地就直衝上去戶外觀景層91樓~~~好緊張呀…我以為自己上緊美國帝國大廈好似king kong咁~~~~~(我唔知帝國大廈高定台北101高呀??)



2012年4月23日 星期一

台北吃吃吃之旅2012-04-08第三天Part 1(陰天)

今個週末又係做左好多好多野……星期六:去路環橋記(又去~毛寶話鐘意去喎~)->去UA睇Titanic 3D(其實3D最勁既係佢d字幕~其他一d都唔強….不過呢套野真係經典中既經典~阿”jerk”同”撈時”….簡直係絕配~當年我仲好迷戀里安納豆架~不過之前我都係屋企睇…今次係真真正正第一次係戲院睇~所以…3D強唔強都無咩所謂~)->去高士德試新開拉麵->去左sky 21飲野……星期日:晨早11點去打壁球…受到體發局職員不禮貌對待…逼到我還拖!!->去咖哩屋食飯->去八佰伴買禮物同去參加小朋友生日會->同杯去唐吉訶德食飯->再去睇Mr.主演既起勢搖滾~~~~~~~~~



2012-04-08
Day 3—-Part 1(台灣台北)
第三日既第一個節目就係安排左去食牛肉麵喇~本身諗住去永康牛肉麵的~不過好似好麻煩又要轉的士…..所以揀左呢間係一出台北車站捷運站附近既良品牛肉麵….地址:台北市開封街一段10號


2012年4月20日 星期五

台北吃吃吃之旅2012-04-07第二天Part 3(陰天勁大風)

好野~~~~~~yoyoyo~~~~~星期五喇~~~本身朝早好他條~~點知一到下晝….天雨都擋唔住d人既熱情~~~~做做做~~~好努力咁做~~~終於都收工喇~~呀~~~~開開心心咁~~~過週末了~~~~希望大家都有個愉快週末啦~~~~~~




2012-04-07
Day 2—-Part 3(台灣台北)

係台北車站閒逛一輪之後…..實在唔知再行邊好….於是六點鬆d我地就出發去夜市~我地唔想去士林夜市…因為覺得d野好似唔係好好味……饒河街夜市又去過……今次揀左師大夜市~~~都係搭淡水線去到台電大樓站出3號出口…..轉右再轉右直行…..我地都係撞下彩…..係某條街再轉右~就撞左去師大夜市lu~都幾人頭湧湧~~


2012年4月19日 星期四

台北吃吃吃之旅2012-04-07第二天Part 2(陰天勁大風)

今日一起七點幾….又係個天黑到唔開燈睇唔到野哥隻…..就好似天黑咁…….好癲….又係咁反反覆咁落左一日雨…….不過又造就左今日少人~同埋下晝去左聽培訓一個鐘….今日d時間終於叫做易過d~好野~~聽日終於都到左friday喇~~~happy~~~



2012-04-07
Day 2—-Part 2(台灣台北)

食完Mister Donut之後~就衝去淡水老街~發現超大風(因為近海??)…見咁大風就行下內街先~第一檔見到繼光香香雞~即買黎食~不過佢唔係我最想食既雞!!!止下口痕咋~買既時候俾佢玩一玩…..佢問我要唔要辣…..我話要…佢問我要大辣中辣小辣…我話我要大辣….佢即刻成個辣粉蓋打開問我:大辣要整個倒下去??………哈哈~癲架~


2012年4月18日 星期三

台北吃吃吃之旅2012-04-07第二天Part 1(陰天勁大風)

噚日既好環境….今日已經消失得無影無縱……多野做…..個肚又不停肚餓地叫…..真可憐呀……衝到番屋企食左個鳳梨酥止肚餓~通常肚餓哥時個腦就會開始唔生性…..不停咁諗野食…….我頭先又諗起…..鹽酥雞…….不過….15蚊一包…我又唔捨得咁貴………如果…..有人………就好喇~(真話:如果毛寶請我食就好喇~)…..小i 推介我…原來我平時買開天神巷哥間鹽酥雞有一樣野叫燒燒賣….i話加辣好好味架…………頂..我好想食呀…仲有燒冬菇~~~~~~~~~~我流緊口水囉….



2012-04-07
Day 2—-Part 1(台灣台北)
之前哥晚唔知點解我同媽媽都唔係訓得咁好……好早起左身……諗住十點鐘先出門口…點知九點鐘就搞掂好…..早左出門口諗住去郵局寄埋信啦….點知我無留意到呢日係星期六….搵到郵局….但郵局無開…..要星期一臨走哥日先可以寄……好啦…..俾呢個小朋友飲杯咖啡先出發啦~~~~去左酒店隔離間Mos Burger~~~媽媽話杯咖啡都唔錯~


2012年4月17日 星期二

台北吃吃吃之旅2012-04-06第一天Part 2(陰天少雨)

今日因為天雨關係…..一度開左門20分鐘都無人黎攞籌~~超開心~~~又因為今日天氣關係……明顯人潮少左好多~~~yeah~~~~~~可以同d人講野唔使咁急~可以慢慢做~對我同對d客~都好~~~不過都係唔好落咁大雨喇…如果唔係可能有d地方會水浸;[…..其實噚晚行雷……超級大聲!!!嚇醒我幾次



2012-04-06
Day 1—-Part 2(澳門->台灣台北)

yeah~食完阿宗麵線梗係要搵野飲下解下渴啦~~~我要飲好掛住既天仁茗茶~~~~地址:台北市萬華區成都路45號….其實有好多分店~不過西門町既話就係呢間~呢間本身係賣茶葉既鋪頭當中有埋即沖飲品賣~茶味飲品當然ok囉~尤其係佢既珍珠奶茶真的讚讚讚呀~~媽媽都話好飲呢~~~~~~


2012年4月16日 星期一

台北吃吃吃之旅2012-04-06第一天Part 1(陰天少雨)

岩岩過左既星期六日過得好精彩呢~試新茶餐廳…打壁球….學ukulele….食林記燒烤….去路環橋記食野….行街….下午茶….食飯掟飛標~今個星期六日過得好滿足~~~~好慘呀~~ukulele加左價呀….由280蚊4堂加到320蚊4堂…..如果無學開哥d仲要350添…好貴呀!!諗住今日歐羅個價位唔錯換定d去旅行….點知到左下晝俾人換哂;[….希望聽日有啦……個肚今日仲痛左成日呀…………………………..



2012-04-06
Day 1—-Part 1(澳門->台灣台北)
yoho~正式到左講台灣之旅喇~今次呢個旅程係專誠為左係四月尾生日既媽媽黎一趟生日之旅~今次係我包佢酒店+機票….食野同買野就佢自己搞掂啦~(有朝一日我搵到多d錢我會全包佢的~)….點解要同佢生日去旅行呢….因為我覺得對父母唔只淨係俾錢佢先叫好….或者淨係請佢去旅行……我既理解其實同埋佢一齊去佢仲開心(佢唔理你請佢去邊價錢平定貴~)…..最緊要可以陪下佢~今次又要我地既人生留低左少少美好既回憶~不過今次有我個樣d相可能角度有d怪或者有d手震~~哈哈~~因為媽媽ja機~~佢成日手震的~~~試過日光日香夠哂光都成張相變地震咁~~~~~



今次去旅行係用復活節既四日公眾假期去既…一日假都無請~太好了~我地4月6號哥日係搭中午1205班機係澳門飛既~哥日毛寶10點鐘黎車我地去澳門機場…..大概11點去到~多謝毛寶哥日放假都咁好車我地出機場~好感動~


2012年4月13日 星期五

Comic Mask

唔講唔記得架….今日原來係黑色星期五!!!最衰有人噚日已經提定我!!!衰人黎架!!不過就算佢唔提….fb都一定超多人講囉…..唔提咪好囉……安安樂樂咁過….一提左…就成日都凝住自己有黑運降臨!!不過都算好彩……除左又要我同哥個我唔鐘意既人一齊做左一陣野之外…今日都算係咁囉~感激感激~



噚日我咪講話哥個大頭app既….今日又有另外一個超搞笑既…我真係次次睇親都笑到標眼水囉….叫Comic Mask……有面具cover你個樣咁影…..那….遮住你個樣唔代表你唔使做戲架………無俾面具遮到既地方更加要交到戲先夠神似架!!好~有請我地既小t同毛寶~


點先~~我條眉係咪交到戲先~~毛寶個樣都好好笑呀~~~

2012年4月12日 星期四

BigHeadMaker

噚日就走火警演習……今日真係….慘慘呀…..迫住要同一個我唔鐘意既人一齊做野……..雖然我淨係睇住佢做….不過見住佢…我寧願我自己做番……………………..我今日有個感覺:我好想做野呀~~~~~~



哈哈…之前iPhone有個app叫BigHeadMaker….毛寶幫我地影左輯相….好好笑呀媽媽個樣~~~~


2012年4月11日 星期三

賈宝玉

今日都唔知係咩鳥日子~工作上…..似做緊走火警演習~哈哈~好正~算啦~總算叫做依家收左工~下巴粒暗瘡超大粒…我……噚晚除左鴨舌之外…仲食左豬肉紙~牛肉乾~蝦薯餅~鳳梨酥~全部都好好味呀~~點解台灣d零食都咁好味架~~~~搞到我粒暗瘡越黎越大喇~~但我今晚都係唔會停架~~我會繼續食零食~



舊年10月中度……過左次香港…為既係買左飛睇何韻詩既舞台劇—-賈宝玉~


有我同毛寶…仲有carmen一齊去睇~

2012年4月10日 星期二

蘭花泰國食館

hello~大家好~我番左黎喇…..不過我要講下我噚晚既可憐事蹟先…………….噚日係我地最後一日係台北……本身搭20:05班機番黎既…..我朝早九點打去澳航辦事處comfirm一下我張機票…..佢同我講話無問題……..兩個鐘之後打俾我(迫我聽左個長途電話)…..同我講話delay兩小時…叫我遲兩個鐘先到機場……咁諗住都算….都係飛22:05je…點知兩個鐘之後佢再send sms俾我話飛23:05……下………………………….已經做哂要做既野…又無野做….咪同媽媽係西門町睇左場戲囉………之後七點幾去到機場….個地勤同我講:飛23:45…….華….頂你咩澳航…….成點幾先番到澳門……..行李又出得超慢…我地哥兩舊行李差唔多係最後哥幾舊….不過我好醒目…我叫媽媽去的士站排隊等我…我負責等兩舊行李….我同媽媽講:我未黎到有車你讓下一個上先….總之你keep住排第一…..所以一攞完行李…我地就有得搭的士~搭得的士番屋企都兩點幾….執好d野….四點二先訓…..今日仲要番工…..可以維持正常既工作量…..所以我覺得今日既自己…好叻~



有一日行過….見到呢間餐廳….全間白色…咦~幾靚喎~行近d睇下~原來食泰國野架喎~


吸引我既….未係佢個餐牌….而係佢有個小牌掛出黎…寫住午市套餐38蚊~

2012年4月5日 星期四

青洲灶記咖啡

華…….又係好不容易先放工…….由九點鐘開波已經做到眼反反…….d時間過得超慢…….中午仲開左一個鐘OT………..食左半個鐘頭飯……..經過一個悠長既下午….復活節….終於離我不遠了~



應該好多人都知青洲灶記架啦~哥時好多人都去青洲嘆啡……不過後尾哥度好似要拆….所以開左係第二度…之後搬左去沙梨頭哥邊..我一直唔知係邊…….之後一個偶然既機會係條橫街見到佢!!即刻去食~


地址係:沙梨頭掙匠巷2B(口福館側)

2012年4月4日 星期三

杯杯的結婚禮物

今日清明節….媽媽御準我唔使番大陸拜山~(怕我去旅行前再病)……今日訓到十點幾起身….無無聊聊咁坐係廳度睇電視…..睇我細個最鐘意既叮噹(我係老一輩既人…所以我係唔會叫佢多啦A夢架!!)大長篇卡通……煮蝦子麵食…好叻咁撈蠔油XO醬加包小泡菜~又一餐….一路食一路睇掌上明珠大結局……之後….好乖好乖咁開始執gip….因為我怕聽日放工太攰唔想執….又一路執一路睇皆大歡喜….你話….我無左電視點得?!大家將焦點放係清明節度….咁我反其道而行….我祝大家:兒童節快樂:P



我都未講….之前杯杯結婚….我地份禮物係去完新加坡番黎先送~

因為我地驚攞埋去新加坡會整爛~

2012年4月3日 星期二

日本東京血拼美食之旅2012-03-15第五天(天天天晴~)

今日既工作量令我覺得好反眼……..不過其實今個星期都幾開心既……番兩日….放一日…..番一日….放四日…..感覺自己好似做消防咁~咁就辛苦少少都算啦~橫掂聽日都放假~不過都無野做哥下先慘…..媽媽話怕我再病….唔使我番大陸拜山…….中午食咩好呢……我諗我都係屋企求其搵d野咬下算……~~聽到身邊既人….番學既番學….學興趣班既學興趣班…..我….係咪有d頹喪呢……….我使唔使搵d野搞下???我就係咁….身邊既人一齊懶….我就會一齊懶…..身邊有人發力….自己先知原來都要發下力……我承認我係踢一踢郁一郁哥類人~



2012-03-15
Day 5(日本東京)
噢~最後一日喇~~之前哥晚執野執到點幾兩點…..最尾呢一日遲少少先出門口~11點出發~已經好唔捨得日本喇~~~~~~


2012年4月2日 星期一

日本東京血拼美食之旅2012-03-14第四天Part 4(天朗氣清~)

上個禮拜四真係慘…..咳都不特止….仲要喉嚨痛翻發…..痛到發癲囉…..搞到我星期五無哂心機…….本身約好人食飯亦都因為喉嚨劇痛既關係而無得去~friday night既晚餐係….白粥+燒賣腸粉…….超慘~不過好彩星期六日好番好多~到今日就得番一兩聲咳~我終於都可以講我好番好多喇~~~~身體健康咁番工真係人都醒神d!!!好享受今日既工作~~



2012-03-14
Day 4—-Part 4(日本東京)
係花園神社急急腳地求左籤之後又走番去涉谷…..(又涉谷)….因為我記得某條斜路有間專係賣襪既….有好多靚襪~