2017年5月18日 星期四

♥初見Supper Moment♥@Hush 2017

星期二...有人請我食早餐呀~多謝Chlo子~不過呢日有少少頭痛~慘.....唔通...因為有得去旅行所以我緊張得滯?執野執到如火如荼~~~~星期三.....發生左件無咩可能會發生既事...那個不能說出名字的人聽到我叫完佢早晨佢開心到摸下我個頭呀...好驚....記低佢先........................毛寶話以後唔想掂我個頭幫我剪頭毛...俾you know who害屎.........星期四...噚日唔頭痛...但呢日再度頭痛........幾痛下...點解...次次去親大旅行前都咁.......快d好番~~~~~人地聽日就要出發喇~~~同埋今日聽到一個驚天大消息....我愁左一陣子......................好既生活只係過左年多....咁快又要被打沉...................唔好諗住喇~~~~~~~開心左先啦~~~~



真係呢....正所謂:其實大家都知我個人係好怕醜架啦~~~~......但一遇到心中所愛~~一定要勇敢爭取~~~好喇...呢篇野花痴mode係全力開啟無留力.....平時頂我唔順d花痴mode既人當係俾左個警告你喇~~~~~自己唔知衰睇落去然後頂唔順唔關我事架~~~~~即係咁......大家知啦....我近排最鐘意係邊個呀???係Supper Moment既Sunny bb嘛~咁呀....前排呀~佢地黎澳門開溫柔革命巡迴演唱會嘛~之前講明如果衝出香港開show既話第一度一定係澳門~因為佢地話之前應承左澳門粉絲......華.....聽完都冧到口水都流哂啦下話~(你知啦...有d淨係掛住內地粉架咋...哼).....同埋我好鐘意Supper Moment d歌勁正面...又熱血...又有鼓勵人既成份....情歌又出色......真係....我諗唔到缺點(好啦其實有架~我覺得佢地d廣東歌好聽過國語歌~~~~~~)



咁呢...每年都有個Hush既音樂會既.....好似以前係文化中心搞既(毛寶話我知的)....近呢幾年就係黑沙海灘搞既(我依家先知原來舊年有請陳綺貞過黎..好勁)...但係...我係一年都無參加過既.....係...唔使錢都無去過.........今年一聽到有Supper Moment喎...又心痕.........痕到呢...但問題係...我真係好驚人多.....熱...同埋.....曬........呢個音樂會真係齊哂我最憎既野.....................咁...上兩個禮拜大家都鼓勵我要去架嘛~~(其實個心已經飛左去就係想大家俾d肯定我~).......然後諗.....唉~人家少女心真係好想近距離接觸下Sunny bb~所以又諗下好無去接船~(對上一次係接布志綸...亦係唯一一次)..........但....我又唔知人地幾點黎又唔知邊個碼頭... 真係...............又將呢個小願望放埋一邊...



就係佢地黎之前一日...突然呢個諗頭又行番出黎...多得我個追星顧問凱公子力挺....我同佢講一句:我想去接船...求支持.......就同我研究左超耐~~~~~時間上...我參考左第一日盧凱彤黎澳門參加Hush個落船時間(個fb post好似係早上8點幾)...天呀~~~勞動節無得訓晏d喇~~~第二..就係要考慮...香港黎澳門有兩個碼頭...就算我早起......如果我企係一個錯既碼頭....都係徒然..........但....我決定放手一搏~~~~反正我放假又無蝕既~(我決定企係外港碼頭!!)..第三.......最重要係毛寶此時send個whatsapp黎同我講:你聽日幾點呀?我車你去碼頭陪你喇...........華.....唔去仲對得住Sunny bb既~hehe~



好啦~之前哥晚成晚都訓得唔好~仲發夢話Supper Moment係凌晨已經搭左船黎澳門綵排緊..我仲send whatsapp同毛寶講行動解散.....於是..我成晚醒諗緊呢件事係咪真既?(我真係幾無聊).....哈哈~哥朝毛寶黎接左我之後將架車泊左落碼頭隔離個停車場...一落車拍一聲.....整部電話跌落非常堅硬既石屎地.....仲要mon向下...我攞起一睇.....頂.....我個玻璃mon貼無事但個mon爆左!!!!!!!!!!!!!!毛寶說:追星唔使付出代價咩~...................追到就話je.........8點半前去到企係度.....毛寶:行我遠d~~~~陣間我會當唔識你~...我:但我要小助手喎!......於是我自己企係入境位度等........好緊張呀~~唔知買唔買得岩佢地係呢個碼頭落船呢~~~~~~(定還是我晏左佢地已經到埋黑沙添呢?)...企企下好悶....行去後面同毛寶傾陣計先~~期間好緊張不停反胃...同埋不停咁狂睇佢地個fb同埋instagram..完全無動靜...終於!!!仲唔俾我捉到你地~~~時間捉對了~~~~~但我有淆底問毛寶呢張相入面係澳門景或黑沙.......(圖片from Supper Moment Instagram)

2017年5月15日 星期一

The Apron蠔吧扒房

星期五....算係無驚無險地收工...不過我係有d野有少少唔開心的..但仲未證實~放左工諗住去食狗場附近間日本野..點知無訂位無位...算囉~去附近既宏安大擦一餐都好開心架~點知行到去宏安無開囉.....於是就去雅廉訪附近一間毛寶好想食既cafe試下.....華.......好難食呀...我好難忘記哥碟係wasabi醬既綠色意粉....我形容哥隻綠色係失敗綠....街外cafe真係唔可以隨便試架.............夜晚睇左異形:聖約(Alien: Covenant)..其中有一幕嚇到我腳抽筋~~(係堅抽筋)......er..我都係鐘意普羅米修斯多d;]........星期六中午食左MO大堂間MO Express....食飽又要休息下~之後去左同小公子同埋小小公子玩~驚覺小公子真的長大了很多...甚是安慰~~~~之後行左venetian~買左條短褲去旅行時著~行完去百老匯華生堂飲個湯當晚飯~星期日....中午出門先去買旅行用既沖劑..蚊貼之類~再去食華星冰室~然後毛寶幫我又剪頭毛..(係呀我上星期先剪完~)....又衝出去買本書去旅行睇~再去MGM中菜食飯慶祝母親節~好忙呀今日~~....星期一落落大雨~好大雨~人係少左~但一到接更位都係咁多野做~~~~~~~~~不過算啦~~番多4日je~~~~



呀~你又以為我今日出Supper Moment呀~我又唔係今日出呀~我知你地好想睇架喇~(仍是欠揍樣~)....我要留番最特別既時候先出~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~今日講既呢間餐廳算係好新架喇~(對呢個blog黎講~)...就係開左唔算好耐既The Apron蠔吧扒房....地址:澳門銀河地下,G108........電話:8883 2221...強烈建議要訂枱先好去...切勿玩即興~呢間餐廳都幾過癮喎.....好似開係大街大巷咁......出面望到哂入面係點~仲有d枱櫈係坐到出左間鋪咁~

2017年5月11日 星期四

牛仔屋麵食+怪獸與牠們的產地(Fantastic Beast and Where to Find Them)

星期二.......今日Chlo子不能作伴....驚到要聽3次Supper Moment既"飛"先夠膽行出街番工~~~~~(聽3次就覺得佢地鼓勵左我~~~)......然後晚上又聽到新消息~~公司既新政策真係一浪接一浪~~令人好興奮~~~~(又要搬d小朋友既名句:呢度真係好好玩呀~~~~~)....星期三...呢幾日中午食飽飯都不能入睡....心跳得好快.....因為中午太多野做......根本到中午放工個人都放鬆唔到.............下午無啦啦要過隔離坐機.......今日只有一個字:好攰.............好彩放工有媽媽既蕃茄薯仔煲魚湯...好好味~多謝媽媽的愛~星期四....中午同埋下午接更時間比較忙~中午仲有個媽媽向我發老脾...好啦..算啦...我原諒你啦~~下午過左隔離counter自己坐機....仲收漏野~~打番俾個客~~不過學習係咁架啦~~~有野錯先學到野嘛~~(拿~我又鼓勵自己喇~~).......聽日星期五喇~~番足5日工真係好攞命~~但好開心聽日有得睇普羅米修斯第二集~~即係異形:聖約~~第一集我係不同航班重睇過無數次~唔知第二集點呢~(點解唔改個同第一集一樣咁型既名?)



又完左一個旅行啦~等大家輕鬆一下先~你又以為我會花痴擺Supper Moment既blog出黎~~我又唔擺呀~~~~(係咪好想打x我~~很欠揍的樣子~~XD)



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又完左一個遊記~又講下野食~呢間係之前Diana介紹我的~話佢食開呢間~好味~所以我又要衝去食~~就係牛仔屋麵食~地址:澳門亞利鴉架街14號A....都係三盞燈哥頭~同我好鐘意食既上海生煎王同一條街~

2017年5月8日 星期一

冰島環島自駕遊之旅2016-11-15~16第十一~十二天(冰雹及後轉陰)

星期五放左工...陪毛寶去買野....由中區行到去筷子基....買完諗住食宏安....點知最後一致通過食新麻蒲~佢d牛真係好好味~~然後再由筷子基行去新馬路再行番屋企~真係有益身心的活動~係喎係喎~~我唔記得講呀~~我之前哥晚寫完blog無啦啦見有平機票~~即刻同毛寶短商量兩分鐘就買了~~看下面報時~~~星期六...一大早俾屋企個門鐘驚醒...以為媽媽唔記得帶鎖匙...一開門係我約左佢12點半既毛寶..再望下哥時已經1點~~(我其實較左11點半起身的但較錯左夜晚11點半~).....佢話佢以為我屎左所以好驚衝上黎~(鎖你~嚇親你~)...好彩還是順利的食到馬慶康~不然我的罪更大~下午就去左買旅行d野...再番左屋企坐下..夜晚叫外賣食..空氣好差~唔出街為妙~食飽飽又去左探阿拉姨個姨甥仔~今次有個新嘗試..就係試下佢哥隻i字牌既奶粉...毛寶個大姐姐沖左俾我試....勁臭~~~~好似飲緊d好腥既魚湯~~~勁令人反胃~~~星期日...今日知醒喇~自動自覺知醒添呀~中午食左八分目~(又食)....我同毛寶兩個人叫左3個set食搞到呀老闆好驚.....但3個餐我地兩份食才是你們的主旨呀~(八分目=八分飽)....食飽又行下致富買旅行d野.....然後番毛寶家坐坐...坐坐下就講聖誕買機票....講講下大比同毛寶本身係想佢爸媽去台北呀宜蘭呀.....點知俾我搵搵下某國機票仲平過去台灣....一時興起......就買了(咦....呢幾日決定左兩個旅行..好勁)....之後毛寶就幫我剪頭毛~夜晚又叫左關東煮外賣~再上去探阿拉姨個姨甥仔~周末都忙忙的~星期一上班日更忙....真係做到我係counter有d頭暈..............................



2016-11-15~16
Day 11~12(冰島 Iceland->芬蘭, 赫爾辛基 Finland,Helsinki->香港 Hong Kong->澳門 Macau)

早唷~呢日凌晨4點起身~因為今日搭早機走~食早餐時講開....因為噚晚有唔知幾多年一遇既超級月亮...我同毛寶都狂係酒店房望出去個天...由於超多雲..都望唔到...冷不防我媽講一句:下?你地睇唔到咩?我睇到喎~..............又唔話俾人聽!好衰架!......一睇個早餐就知我假食...求其食少少就算~

2017年5月4日 星期四

冰島環島自駕遊之旅2016-11-14第十天(雨天及後轉陰)

星期五番工極痛苦....應該只有Chlo子和朗公子明白~~~放左工約左公子食飯...去左紅鶴餐廳食~~~食之前係露天停車場同朗公子一齊好似山上隻土撥鼠大叫先可以舒發~~舒服哂~~~(重點係呢間餐廳唔錯).....星期六係有間咖啡廳中午+下午茶...一食食左3個鐘....同公子一齊的時光是特別快過~跟住就行下街去埋藝墟~之後又行左venetian~再行埋銀河再食埋渡小月~~食飽仲去左探毛寶的小姨甥~(臭臭)...抱佢抱到明明想訓但又死心不息左望右望...抱到我想訓先過佢~~~~~~~~星期日我娘親係壽星女~中午同左佢去食金坂~~~(真係好好味~~)...之後再去睇春嬌救志明~~(又係情意結)...有人話呢集最好睇...但我覺得最好睇都係第一集.....夜晚再食天潮個孖寶套餐~~不過今次無哂凍蟹....食左胡椒蟹..但都係凍蟹好味d...........星期一~~~5月1日嘛.....上個禮拜咪講左囉~~人地要去睇Sunny bb嘛~~~~野.....好怕醜呀~~~~~~~~~~~我呀.....我去左試下接佢船呀.....咁呀...你知啦.......澳門有兩個碼頭嘛.......我都係唯有放手一搏架咋~~最後.....hehehheheheheheheheheheeh.....出完冰島之後我決定要出我與Sunny bb既事蹟出黎.....真係.....太犯規*3*.....咁下午咪去左黑沙睇Hush囉~有Supper Moment嘛~睇完之後我曬傷左囉.....重點係d陽光係曬我後面...但最後我淨係成個人既右邊被曬傷.............係傷到塊面紅哂(淨係右邊..夠怪未?)........星期二一起身...點解我個身咁攰咁痛架?!?!好似仲攰過係台上唱歌既Sunny?????但都係要番工架..仲要開ot添...ot生涯無咩好講........成個腦都係Sunny..生哂花.....星期三放佛誕節假呀嘛~成12點先起身~中午本身係諗住食馬慶康或八分目的..驚佢地放假諗住打去睇有無開先去兩間都無聽電話之下..去左羅浮咖啡~(但最後知道左原來兩間都有開......................)...食完就去整番我個mon...前兩日去碼頭等Sunny時跌爆左...痴埋mon貼無左$878........拜拜~之後去左探毛寶小姨甥仔~夜晚食左園林~....星期四....依然多野做~~~同埋唔知點解屋企個上網又係慢到咩咁~~~希望快d好番啦~~~~~



2016-11-14
Day 10(冰島,博格內斯 Iceland,Borgarnes->雷克雅未克 Reykjavik->藍湖溫泉 Blue Lagoon)

早晨唷~~~~~一大早起身見到咁樣既早餐真係好醒晨~~~~呢個只係冰山一角~~~但我好鐘意呢幾樽野~~~