喪吃喪買韓國自由行之旅2011-10-12第一天Part 3(陰天)

咁又到左星期六添…….好少星期六會上黎寫blog….因為今晚好早食完飯就番左屋企~所以上黎寫下野…….今日去左同杯配眼鏡….唔知點解見到佢試眼鏡……又俾眼鏡鋪姐姐鼓勵……連我都的起心肝走去換鏡片….係鏡片咋…唔係眼鏡框…………見好耐無換過眼鏡…..之前塊鏡片又係cheap鏡…..花鬼哂….所以就索性換塊靚d既…咁又唔見左380喇~
2011-10-12
Day 1—-Part 3(澳門->香港->韓國首爾)食飽野就要去換換錢再搏殺…..之前係明洞換左少少….個匯率148……我地酒店附近就換145(我地出發之前係153囉)….之後幾日換又低少少…..144…143…145都試過…….只要將你要換既港幣乘番個匯率就係~好似呢日咁…我換2000hkd…..乘匯率145…就係換到290000w喇~睇落好似好多錢呀~~~不過眨下眼就會無哂~

好野有得攞房喇~都算幾大呀間房~~仲有小廚房添…張床夠哂大呀~~~




其實我頭先話d錢好快無哂就係咁解~~一個鐘都無…..岩岩換完錢……就將錢…換成呢d野喇~~




又再出發去搭地鐵喇~~其實有d女仔頭先短短時間入酒店房已經洗左個頭喇~

搭到去梨大呀~~~係大學區黎架~~聽講呢區好多平靚正既野買呀~~~~番左酒店我就即刻攞番條頸巾出黎帶….因為真係好凍….係陰陰凍囉~

不過個個都好眼訓…所以搵個地方坐低飲杯啡先~呢度有超多靚靚既cafe架~~~~~唔知係咪因為呢度近大學呢?

呢間就係我地揀既cafe喇…揀既原因係因為….見到佢話cafe buy 1 get 1 free~不過其實佢地d cafe唔算好平….都係30幾蚊一杯野……

呢個係我地係韓國第一個食既雪糕waffle~~好好味呀~~因為佢係焦糖雪糕黎架~~我超鐘意吃焦糖味的~~~~~~~~~~

歎完啡再出番黎已經係”卻是近黃昏”喇~有少少太陽喎竟然~靚~

岩岩先食完waffle…..d女又話要試新野~係有舊麵包既物體…上面有隻蛋咁….我覺得麻麻地啦…….可能因為好飽~

買野食哥時遇見既超靚色單車!!!!!!!!!!!!!!

身後就係男仔好想去既大名鼎鼎—->梨花女子大學~

我就係身後呢條街殺到天昏地暗XD….好多鞋買囉…又平!!!!!!!

報時：距離杯杯結婚新加坡之旅仲有—-10日~
下….仲有10咋….
嬲囉….今日去到間鋪頭…
又同杯講話有裙攞…
又呃佢!!!得番10淨係得我一個無裙攞囉!!!
仲未試過條裙呀…….都唔知點!!