2012年2月29日 星期三

毛寶生日會@貝隆 Belon Steakhouse & Oyster Bar 2011


噢…..今日做野又係做到死死下…..不過好彩今日心情好番d~~如果唔係都幾難應付~星期五有一個親愛的係北區番黎我地哥邊….但係又有另外一個親愛的由我地哥邊出北區….真係有得必有失……..本來今晚要出街同一個好耐無見既媽媽舊同事食飯…佢係新加坡番左黎…….點知佢唔得閒囉…但又訂哂野….局住又要出去食….sad呀…所以今晚提早出blog~



大朋友生日喎~又咁慘生日打風喎~點可以唔補番餐好味生日飯俾佢呢?~於是我改左第二日再同佢去食過~位於銀河裏面間Banyan Tree既一間新開既餐廳…叫貝隆Belon….想黎呢度食既原因係因為毛寶成日話想食生蠔~咁生日梗係要實現下佢既願望啦~咁上網搵得呢間餐廳係靚靚地~又係steakhouse and oyster bar~咁就一於試下啦~


2012年2月28日 星期二

Grand Lapa Macau High Tea

今日好凍….凍……今日氣溫仲低過噚日……不過又無噚日咁凍喎~可能係d風定左吹得無咁勁既關係…….唔知係咪天氣既影響….我心情差到不得了……差下差下….中午又開始頭赤赤…..真可憐;[………有無人可憐下我~~快d唔痛啦~~…..本身今晚有好正既媽媽牌牛骨湯通粉食架嘛…點知好姨番左黎話出去食飯我就無飯食………嗚嗚~今日放工行過屋企樓下間7-11….見到有新既零食出左呀~~我好想食呀~~不過我無錢呀~~窮到番到屋企打俾媽媽…媽媽話買左個包俾我放工下午茶…我都話:咁我唔食喇…我留番聽日開會唔使買早餐….又慳左錢~~~今日d籌咁派法真係做得好辛苦呀…….望住個籌機…我淨係感到絕望



唔關我事架…舊年年真係比較多high tea約會咋(不過我自己又幾鐘意high tea既~)…今次去左Grand Lapa hotel金麗華酒店(前身係金沙酒店隔離既文華東方酒店)…我一直都唔明點解佢要改個咁既名囉….好醜…….不過媽媽以前黎過呢度話個環境幾正~呢日係平常上班日既星期五…..我同毛寶請左假~朗仔咁岩線又攞番之前ot d鐘~所以今日high tea既對象係:我…媽媽…毛寶…朗仔~講真…一坐低~覺得個感覺…同環境….都好舒服~尤其係坐窗邊哥d位~夠哂光猛~好有外國feel~


2012年2月27日 星期一

毛寶生日會@Neway & 星際2011

今日真係好凍呀~~~~大家要注意保最先得~星期一~平時既星期日我會話:唉…聽日又到星期一喇……..噚日變左:好野~星期一喇~快d番工就代表快d有得去旅行喇~~…..雖然我咁講係好樂觀….不過…今日真係好攰呀……點解咁多人架….復活節又未到…………週末無咩做過…..係星期六去左睇梁靜茹演唱會~其他時間都係屋企行行企企….少d郁動….少d使錢~星期日叫毛寶幫我剪左頭髮…我都係頂唔順我自己d頭髮咁長….依家又剪到短短的…成個小丸子咁~更貼切既形容應該係我側面既頭髮就好似d狗仔耳仔咁….行路既時候左拍拍右拍拍~哈哈~



之前咪講毛寶生日會既~今日到講佢正日生日喇~佢舊年既生日簡直充滿傳奇……小朋友係九月尾生日既……佢生日之前已經諗好哂點樣同佢過…..諗住同佢上觀光塔行過sky walk….影番個特別生日相…..之後就再book左去galaxy裏面Banyan Tree新開哥間餐廳食飯…….點知佢生日前兩日……..有個熱帶氣旋…….生日前一日….打三號風球…..哥日我驚到不得了……仲要毛寶臨訓前安慰我:無事既……加上我睇天文台交級科學主任都話:預料改掛更高風球既機會唔大…咁我咪好安心咁去訓囉….訓到六點幾媽媽開電視…..打八號風球囉……頂…個交級科學主任都唔知點既….呃左成晚…最後仲要打得成風….嬲到我…..我同毛寶都好嬲…除左無哂d生日節目之外…….我地仲請左假架嘛………..成個朝早都訓得唔好…….直至下晝三點…..天文台終於除下風球…..毛寶就黎左我屋企~小朋友今年既生日禮物係:登登登櫈~唔係車….我邊度會咁有錢呀……..


2012年2月24日 星期五

毛寶生日會@秀蘭小館2011

噚晚臨訓有d頭仔痛…….少少痛諗住唔食藥就咁訓…….今朝起身的確係無咩野….打哂關斗咁去番工~~~~點知番左個幾鐘頭個頭又開始痛…今個禮拜係我地四神合體既最後一個禮拜…去左安琪兒食飯…..食完飯番公司食左粒藥……成個下晝做野個頭都係fing fing下….超暈…狂作嘔……….到放工先好番少少……搞到去到麥當勞我都試唔到新出哥個咩隊長漢堡?唔記得係咪叫呢個名……到依家我都無胃口….成晚都無食過晚飯……希望聽日會好番啦….周末先頭痛好慘架~!



先黎一張~七公子既帥氣大合照送俾大家~今日我地係為毛寶小朋友慶祝生日呀~


時為舊年9月尾~哈哈~

2012年2月23日 星期四

MGM High Tea

yoho~~~~~~~好野~今日成個人都係混混吉吉咁過左一日~今日有人過黎跟我機….我負責睇住佢做…..hehehe~~其實加上今日都唔係太多野做~~感恩呀~~~~不過過最多謝係小i同我調更呀~~錫番你呀~~摺100個紙心心送俾你~(如果我識摺~)…..今日最大既任務就係:約左去洗牙~係我人生第一次洗牙~~~~心情十分之緊張~~入去前個心仔仲撲通撲通咁跳~~~~~



今日又係講high tea~睇得多野食有無d飽飽滯滯既感覺~哈哈~~今次又去左MGM個酒店cafe度high tea~點解要食呢度…….唔….因為之前我地試過新年黎呢度high tea過覺得幾唔錯…價錢又抵所以再黎過囉~哈哈~我又叫左無限翻沖綠茶~

2012年2月22日 星期三

和媽媽去永利軒嘆茶~

呢兩日既工作簡直可以用半死不活黎形容都不為過……超~勁~攰~囉~癲架….今日d客個個都好似超賴皮….死賴爛賴……浪費我做其他野既時間….傻架……….噚日….唉…又去左殯儀館走左一轉….伯娘既媽媽唔係度…..我係農曆正月…..去左三次喇….希望不好的事好好過去!!!!!!!!本身噚晚番到屋企都諗住寫下blog….但實在係太攰太攰…..沖完涼….一條死魚咁撻左落梳化度….就俾on call 36小時吸左入去……………………..哈哈~所以懶左一日~~~~



某天….好乖女帶媽媽去飲茶~因為媽媽未試過永利酒店既永利軒~所以請佢去嘆下茶~

2012年2月20日 星期一

Grand Hyatt Macau High Tea

星期一喇咁又~~~~都幾多野做~~~不過…..其實我今日行黎行去既次數都幾多~~個心都唔知飛左去邊度呀~~~~~~呢個禮拜放晏~~~一放工就即刻衝番屋企~~因為今晚晚餐係食媽媽之前去北海道買番黎既手掌咁大既帶子~~~~超好味的~(有我fb既人都睇到我今晚已經認左叻~~)…仲有自製的凱撤沙律~~超鐘意食~~因為係八佰伴買沙律菜…落d芝士碎….煙肉粒….香草麵包糠….兩大匙橄欖油….仲有一樣重點:兩大匙的無花果黑醋~~超好吃的~~沙律很健康食左一大dull~仲加多一個半既老佛爺蒜蓉包~~真的滿足了~



high tea時間~澳門咁多間有得high tea既酒店~我暫時最鐘意呢間~Grand Hyatt Macau~


2012年2月17日 星期五

冪府日式放題

懶左一日無寫blog~噚日一放工就去左拉直d頭髮~~~~今日一番到去已經有好多人問我:你係咪整左頭髮呀?~~~哈哈~我估唔係我整得好睇~~係因為我之前個頭太垃圾….哈哈….其實我自己都頂唔順成頭雜草…….拉直左之後長左又直左~~~靚哂咁去日本喇~~今日中午好開心又係四條女一齊收早~~我地一齊去食左AIA新開哥間小泉居~~小泉居既價錢…..有pokka既環境~~幾好呀~~



成日睇香港雜誌d日本放題都好正好多野食…..成日都想試下….我地澳門都有…不過好似唔係好多地方有做日本放題….以我所知就係蓮勝馬路既冪府…….唔太貴唔太平……188蚊…..有個好似貴d既就好似26x幾蚊一位…….不過又唔係多好多野食…只係多左任飲…所以我地就試左188蚊一位既松放題~

2012年2月15日 星期三

小青蛙一歲生日會2011

救命呀~~~~~好多野做呀~~~~~~~~~~好彩已經放工~好彩媽媽今晚整煎餃子我食補番~~前晚覺得隻牙冤冤地……咪攞塊鏡照下佢入面囉……驚見條牙縫好似黑黑地….我好驚….噚日一番工周圍同人講我蛀牙…….點知經過幾個人觀察之後….佢地話:你係咪唔係蛀牙….係有牙石呀…………………..下…..係咁既咩???….佢地仲問:你幾耐無洗牙?….我既答案係:從來都無洗過喎~…………係咪好變態呀~我都覺……毛寶:你好老土….係度大驚小怪…….我其實有成十幾年未睇過牙醫喇…..我約左下個禮拜四…..好驚呀….打冷震中………..噚晚又訓得唔好喎….唔知係咪因為太濕呢?訓好耐都訓唔著…..希望今晚好訓d~



有人生日呀~就係呢位小姐~~fingg個囡囡~小青蛙小姐~生日快樂~

2012年2月13日 星期一

~自家製海鮮邊爐~

星期一….一個正常既星期一…即係超多野做~做到我口吐白沫……今日既精神寄託係:諗下自己幾時去旅行….有得去玩有得食野……支持自己再努力工作~所以我人生真係唔可以無旅行…無旅行既我=無衝勁既我…………哈哈~~~~話我啦~~話我啦~~話我淨係掛住玩啦~~前幾日又換左d yen…..之前又交下去台灣d錢…又交下去日本d錢…又交下法國張機票…..望住自己既存款數字……不禁流左一滴冷汗~~~哈哈~~我認我要慳錢喇~無得食好野住喇~連今日放工咁攰想食包鹽酥雞都唔想俾錢~算啦~當減肥啦~~



hehehe~但今日又係講食野喇~不過今次唔係講出街食~係屋企打邊爐~

2012年2月9日 星期四

Crystal生日會2011

今日中午放兩點半….因為約左三點要去葡國領事館續期個認別證……呢個葡國領事館d人d禮貌不嬲都麻麻…不過毛寶上個月都續過認別證話好好多…..所以都覺得放心少少….上到去….information個女人如果你對佢有禮貌同齊資料都會對你好有禮貌….唯獨是幫我做證哥個姐姐仔d態度真係令人覺得乞人憎….幫我辦證期間竟然行去食左兩次零食……又同隔離個同事喪傾計都唔知佢想點……佢對我無禮貌…我都唔需要對佢有禮貌….叫我對資料又唔同我講對咩資料…..淨係叫我自己睇……我同你講…山水有相逢………….不過我從佢地呢d咁傲慢既接待技巧…..我都可以再改善下我自己既接待技巧…當上左一堂課啦~我真心覺得黎我地哥度辦野簡直係天堂……..哥d無理取鬧要投訴我地既人……..你試下去葡國領事館辦下證…就知咩叫天堂同地獄~其實淨係新一代哥d先係咁無禮貌…..老一輩哥d都ok~收錢個叔叔仲大頭蝦地找多一百蚊俾我….咁我當然之後發現就攞番上去俾佢啦…咁我自己都係坐counter知道要自己貼錢會好慘…..不過我地哥度有幾多個會知自己無俾錢….然後走番上黎?就算知咪當自己得左個著數囉……好似話過期唔續認別證之後續番都唔會有咩問題….真心想之後過期都唔再續…我點解要俾錢受你d人既氣?



到下一個生日壽星喇~佢就係:crysatal~麥公子~

2012年2月8日 星期三

雅馨緬甸餐廳

無啦啦下晝超多野做……..唔知係邊度爆d籌出黎…….不過好彩呢個組合番晏都幾好je~~今日都係順利的收工~太好了~~放工跑番屋企食飽飯沖埋涼都係用左半個鐘時間….就跑左去殯儀館上香俾露仙媽媽…….期間一路同露仙傾計同安慰佢…..我同毛寶同露仙就三個一齊喊…..希望你堅強同振作啦!用時間黎適應一切……同埋希望你媽媽得到安息!



我諗應該係澳門人都食過雅馨/雅香~

2012年2月7日 星期二

小i bb生日會2011

天氣陰陰凍架今日……..又突然凍番…..真係令人好容易病~一番工….就聽到個唔係幾好既消息…..就係露仙個媽媽今日唔係度…..唉……..上個禮拜先講完…..相隔一個禮拜….又要接觸殯儀館呢個地方….可見真係人生無常……你講得岩..我今日真係有將自己代入呢件事度…流左兩滴眼淚……..又令我諗番起兩年前既7月…..爸爸既離開;[…..可以開心既時記得用力d笑:]…..活在當下!!愛鍚多d自己爸爸媽媽呀各位!!



小i bb舊年既生日會….去左Mandarin Oriental Macau 2樓個bar度飲野慶祝~


2012年2月6日 星期一

澳門老上海滬粵酒家

今日唔知搞咩…仲多野做過新年……痴線的……………………噚晚約左公子們食飯….食飯之前去睇左2012喜上加喜………..都ok好笑既…….我係睇到hocc同黃宗澤影婚紗相哥度….仲有bob出現…..超好笑…..係好笑到我流左好多滴眼淚出黎……….我好似未試過笑到咁….哈哈….諗起都好想笑…….夜晚既公子飯聚都好開心….仲食到超飽…飽到…..真係頂住個心口囉……下次唔敢食咁多喇…….不過噚晚d野幾好味~



前幾排(其實係半年前….)….終於去食左凱旋門酒店哥間叫老上海既上海菜館…


2012年2月2日 星期四

道玄坂茶房的日式咖哩吉列豚肉飯~

充滿排山倒海工作的一週……今日少了首次….不過……今日仲有團體預約做…….今日好似做左89份申請……真的累壞了~加油埋聽日~就可以又到節目滿滿的週末~~~~由於今日太多野做….我過左好瘋狂的一個下午黎慰勞自己……我食左個新加坡買番黎既冬蔭公味合味道杯麵….再加……一包大既熱浪~我真的累瘋了~好開心今晚有得食自家製好味凱撒沙拉~好好味呀~~媽媽仲買左老佛爺既蒜蓉包~~~~~~~~~~



我好鐘意食日式咖喱豬扒飯架~~所以我好鐘意呢間開係氹仔地堡街既道玄坂茶房~

2012年2月1日 星期三

薯仔美食

大佬呀…好多野做呀……做到淨係想叫救命…………….痴線架………估唔到新年過左咁耐…都仲有咁多人……希望快d過埋呢個禮拜啦…….今日朝早去左塔石個衛生中心睇醫生….係因應之前去做既體檢而去做既…不過睇左一次…醫生就話:唔使再黎喇~~~……證明我真係無事的~~哈哈~~今日朝早開會朗仔仲幫我買左一舊痴飯同五粒燒賣~~好好味呀~~



今日都係講野食~我係勁鐘意食泰國野既…..不過成日覺得一係太平既就好唔好食….一係好吃就會覺得好貴…..數個月前經黃皮介紹下去到東望洋斜巷我成日去哥間永安咖啡室行入去哥條街既薯仔美食~黃皮話呢度又平又好吃!!