喪吃喪買韓國自由行之旅2011-10-12第一天Part 4(陰天)

星期一喇…都ok既…因為番兩日…又放一日公眾假期喇~但係今日超多野做呀……做到條頸好鬼痛囉……..算啦…星期一多野做係正常既…………………..不過我今日都有d唔開心…..因為我問媽媽隻眼睇野有無朦….佢話有…..咁我咪迫佢去睇多一次鏡湖囉…..最後既結果係：無得醫…..睇野會繼續朦….原因係因為老化….除非黑影繼續放大…如果唔係唔使番黎覆診…………………………我放工走左去屈臣氏買一d花青素高既藍莓素保健產品俾媽媽食……希望減輕佢既眼朦…….好唔開心既係……我應該留意到佢既需要….唔係等佢有事先走去買呢d保健產品俾佢食… ;[


2011-10-12
Day 1—-Part 4(澳門->香港->韓國首爾)買到左右手都係…..連書包都裝滿哂就去左食飯喇~今晚係食烤肉呀~~~~





好開心呀~~~因為我好鐘意食烤肉架~~~~~呢間野係旅遊書上都有介紹~~~好似話都好多人去~~




佢地興塊鐵板係打斜…等d多餘既汁可以自己流走……同埋d泡菜都會放上鐵板度一齊燒燒燒!!!!




今晚我叫左支梅酒飲~不過佢無日本梅酒咁甜….酒味重d…..所以…..我都係鐘意日本梅酒多d~~!!




其實呢間烤肉既特色係：烤八味豬~~!!即係用八種唔同既醃料黎醃豬…..




係咪好壯觀呢~~!!仲有個泡菜湯添…不過都幾辣呀~




等我黎介紹下八味豬啦~由我前面開始講起…即係由上而下(好似講緊六合彩咁~)….1.辣味(好吃!!)…2.麵豉(ok..不過隻味唔突出)…3.咖哩(好香咖哩味架~)…4.herb=香草?(其實食得出好似係迷迭香既味~都ok)…5.pine leaves=松葉??(唔記得咩味~)…6.酒(好味~)…7.原味(有d鞋…無乜汁)…8.人參味(其實唔係咁明顯既)




來~有4個好靚既女仔大合照*3*…不過阿姨得好差呀………

就唔使我地自己燒既~佢會幫我地四塊四塊咁燒~燒完幫我地剪埋…..每人每隻味都有兩舊度~唔記得有無叫飯食….不過我記得我地好飽~




跟住見到隔離有兩個女仔好豪氣用碗飲緊支白色野…..問個店員(識普通話)….佢話呢支係米酒…..於是我地懶有型跟飲….點知………………………….同我諗既唔一樣…我以為好甜…..原來好重酒精……我飲唔慣呀….哈哈~呢餐食到咁飽四個人又飲米酒又飲啤酒又飲梅酒又飲汽水…….成餐飯總共300多少少hkd咋~開心~

呢d係下半場係梨大既戰利品~不過d鞋唔知我會幾時著呢??因為我懶~~!!d hand cream好好用…一整落隻手度就會變水~好潤呀~~~仲有仲有….d襪又夠得意啦~~隻腳係個口度穿入去架~~1000w一對即係6.8hkd一對~~我自己都要左對男人同熊貓~其他都係送俾人~
我地話第一日好襟用呀…因為由朝早七點玩到夜晚十點幾先番酒店…..不過其實搭零晨機都真係幾攰架…..你諗下之前哥晚係機上面又無乜點訓….又行足成日~所以你見到個個d樣都殘殘地咁~










報時：距離杯杯結婚新加坡之旅仲有—-8日~
條裙係我手…不過我覺得有d怪怪地咁囉~