2010年2月24日 星期三

新寵兒

死喇…我好攰呀….攰到好似有d頭痛呀…..點算呀又頭痛喇…..上個禮拜六先頭痛完…..嗚嗚



由於太愛懶懶熊喇….幾十年都未買過公仔..都忍唔住~

呢隻係插隻手入去可以扮佢既~仲有埋雞雞~

2010年2月19日 星期五

姑媽團年飯2010

虎年第一篇blog~新年快樂…………我都仲未拆利是咋…..不過今年應該會多過上一年~個善款數字好理想呀~成個新年凍到呀….不像話呀~成日個人係度震……凍死人喇….凍到人就算坐係電腦前面…都係唔想打blog~一定有好多粉絲等左我好耐(嘔)…..救命……希望過幾日暖番d…….一定係前世唔知做左咩好事…..新年過後…..唔使開ot喎….爆開心~不過下晏真係做到好辛苦呀…..多野做到…..隻手無時停……尤其最憎d人慢吞吞講極都唔明…..阻我搵食~………不過番兩日工…..又話到星期五喎~friday~



post番新年之前d相先~之前臨新年姑媽佢地上左我屋企一家人食團年飯….仲訂左隻燒豬…初頭聞落都幾香…


不過食食下覺得好肥~

2010年2月11日 星期四

阿paul團年飯2010

點解…點解我今日心情都係咁差….真係可憐~成個下晏心情都好低落….但係唔知點解…..點解呢??唔通因為個天由晴變陰??定係基於天秤既心態…想做又做唔到???真係奇怪……仲要係咁低落既時候…又俾兩個客串一串我….當堂無野做….都變得好無癮…….希望聽日係牛年最後一個工作日…心情指數會上升….做野又路路亨通啦~



星期日同sasa食完飯…再經歷完一場超級大雨……同黃皮行左陣街….行到去水研社….黃皮話要食d野….咁我就好勉為其難咁幫佢食左少少(其實係因為我唔相信呢間野賣d野會好食….所以就…哈哈~做戲囉~)


口味為奶油味….又….幾鬼好食喎~~~~~我諗我下次行過….會再買~

2010年2月10日 星期三

MacTim Cafe

今日發生過咩事呢?….噚晚算幾早訓啦….十二點四度….以為有好足夠既休息….點知噚晚狂發夢…..仲要係發惡夢…..我諗我日頭都係唔好諗咁多野喇~個夢係起身哥時記得好清楚….所以朝早不停諗….但諗諗下…依家又開始唔記得到七七八八…哈哈….係咪我記性唔好呢??哎呀……唔通個夢俾左提示我???叫我唔好咁易上人當???本身今日個心情因為個夢都霉霉地…點知好心地幫人交野時….俾個同事爆勁黑面對待我…..好似無乜人試過咁對我(除左某人外)…..加上我覺得我係無錯….事後我都爆勁賴皮做哂小丑戲諗住完場假問佢問題…..點知佢行過我身邊扮聽到唔答我囉….一陣dead air……..我勁尷尬…..之後我再問多佢一次確定我無錯…..點知佢勁爆無禮貌答番我囉…….我真係想一手抽番起所有野同佢講我唔七交….我又無錯…..只係因為你自己唔想做je…..乃念我仲會見到既…..我收七哂d火….走左去……………..人就係咁無奈….邊個話做人可以率性而為咁做人???有都一定呃你!!!!好無奈真係……..我平時都唔係收收埋埋唔滿意唔講d人….不過…有時真係唔係你想點就點…..走左之後我再確認多次睇番….確定左我無搞錯日期…..今次我真係超勁不滿…..但無得出聲……….或者你講得岩…其實佢一直都係衰人…只係我地唔知~唔企係現場真係唔知我今日有幾(火羅)



星期日考完試之後…落超大雨…..我同左sasa去慶祝….揀左間我地未試過既MacTim cafe…..就係大堂下面間小熊貓附近~裝修又唔算話太靚……不過叫做地方幾舒服囉~最好係唔使等位嘛~下次我都會再去既~

2010年2月9日 星期二

濕立立既一日~

距離放新年五日檔假期….又少左一日~…..加上今日又無噚日咁多人….梗係開心哂啦~~一放工即刻跑去搵may姐……連佢都話我個黑眼圈好勁….呢鋪唔掂….好彩臨新年前都識去搵下佢急救~哈哈…..雖然少左野做….不過我今日都係覺得好攰呀~不過我噚晚都叫執左少少房….所以都有少少乖啦…..但係今日都係俾爸爸鬧我:好心執下你間房啦…外表光鮮….間屋嚇死人…..(我想講:其實我外表都唔係好光鮮~)…..今日濕立立好核突呀



星期六溫完習我就逼毛寶陪我去探下隻臭熊~探探下就見到有臭熊散銀包~好靚呀~係毛寶寶寶寶寶送俾我架…hehe~依家用緊~

2010年2月8日 星期一

超難食既泰國餐

華…………今日多人到想嘔呀~成個下晏打從兩點半開始都未停過….真係做到有虛脫既感覺………….好攰呀……..搞咩呀……唉…就黎新年…一d都感受唔到新年既開心……只係感受到好沉重既工作…..同埋絡繹不絕既人潮(睇到未我識成語架~)…….d人都唔知係邊度飛出黎~點解內地d人咁早放假架…..你地唔放咁早…我地就會乜事都無…………..今日仲聞左個阿叔d臭狐成十分鐘…..聞完個人呆左…………..好臭呀………仲有今日俾個年紀細過我但係外表似姨姨既女仔串我…我講乜佢都話:我唔明喎….只因我唔肯收佢張四年前既青春照…..真係慘(我講佢喎)………………上個禮拜無人黎既場面….已經無得一乾二淨~有臭男人坐我隔離…..今日無得做懶懶熊lu~



諗下先上個星期五做左d咩先~….呀…去左同毛寶…crystal…carmen食飯呀~去左…我都唔知哥度邊頭…..師傅仔附近…間拳霸泰國餐…er….爆唔好食囉



椰林樹影~之前對佢野好有幻想….因為好似聽人講話幾好食

2010年2月4日 星期四

幾廿歲人踩單車

好慶幸今日又可以懶洋洋咁過一日~可能天氣既關係….都唔係太多人上黎辦野~~太好喇…如果聽日星期五都係咁既話…..咁就太好喇~不過世事通常都唔會咁完美既……..睇下聽日又點先…..噚晚好懶無溫到習….哈哈…懶左一晚tim~掛住睇海派甜心….依家先睇….有d娘妹~開頭睇都係因為跟風睇….後尾小豬實在係太搞笑~~~驚世駭俗醜不拉0幾香goo頭….實在扮得太好喇….d表情好好笑~有時笑到標眼水~咁呀…今晚唯有努力d囉~(我講溫習)….快d玩完…快d溫習…同埋早d訓…..噚晚為左邊個係38號窗既同事….好八卦咁好想知…搞到我訓唔著….成點半先訓~哈哈..我真係好八~呢件事仲成為同事今日既熱話~



又黎懷舊相片夜…又再post埋舊年d相~應該係十月尾度卦~



有個大款請我食生日飯喎~多謝大款~~~~


去左venetian間利苑飲茶~一直都好想食…不過我地放大假哥時成日起身哥時人地都收爐~哈哈…..好開心有得飲茶~

2010年2月3日 星期三

杯杯杯杯杯杯杯生日會2009

今日心情幾靚~可能食左個靚早餐….係呀…我終於都食早餐喇~好鬼好食既肥仔記雞奕薯仔米….thx for有心人既肥仔記~可能個人食飽左…心情靚d….做起野上黎都順暢d~無驚無險咁又一日~仲要唔知點解今日唔係好多野做tim~放左工仲去雅明食左串麻辣包作為一日既總結…..我認為今日好圓滿~



淨係識話人今年先post番舊年d相….其實….我仲慢過人~我記得哥日係10月25日~我地一大班鴨妹一齊開大食會~仲要係欣欣杯正日生日喎~



哥日夜晚上左去waiwai屋企….終於見到佢隻黃寶寶喇~

2010年2月2日 星期二

無無聊聊香港遊

噚晚好乖研究完星象之後…真係有乖乖地咁溫左一條考試題目….哈哈少可~今日d時間真係過得幾快喎~不過都係覺得好攰…..一番工就會覺得攰….唔知我係咪有病呢?哈哈~一定有懶蟲病~係囉…點解我咁懶既呢???唔食早餐….唔係想減肥…係因為懶買懶諗…..連有人話幫我買早餐….我都可以懶食….咩人黎架???我諗我就係傳說中哥個要阿媽纏個江蘇餅係條頸哥個懶蟲…..點先可以戒左懶呢個習慣呢???等我考完試之後好得閒咁研究下先~



咪話星期日過左香港既….影左少少咁多相啦~



我地坐11點船過去…之後就去左尖沙咀…唔知咩名度食麵

2010年2月1日 星期一

澳門科學館遊記

今日真係….唉………..想點呀….查實今日攰爆……因為我噚日去左香港….去香港可以話係一個機緣巧合既情況下去到既….呢個遲d先講…..重點係….行到好攰……攰到夜晚………..訓唔著…..唉….仲覺得噚晚熱爆………好唔好意思咁…係2月份…….開冷氣咁訓左一晚~~~~~有d誇….不過我相信如果我唔咁做….應該會俾蚊咬同熱到訓唔著……..唉….今日番工…..超唔小心….找左兩百蚊俾個客….有個同事過黎唔知問左我d咩之後…………………………………..我又再找兩百蚊俾人……………..想點…..好心痛咁係銀包攞左兩百蚊出黎……..放入包數……….我好少何咁唔小心架….嗚嗚嗚嗚嗚……………..



星期六…好開心…同三個美少女…..去左新開既


無錯~就係科學館喇~~~新屎坑…就梗係香d架啦~