2013年1月31日 星期四

阿里郎韓國燒烤

本身噚晚訓得好地地架….隻死蚊…….狂纏住我!!!!!不停叫….又咬我隻手咬左幾粒蚊lan….衰蚊!!!!!!!!!!!……今晚去左殯儀館…..有個好好人既長輩唔係度…..見媽媽去鞠躬既時候喊喊….我都有d唔開心………;[…..希望佢一路好走啦…..



今次試既餐廳係氹仔阿里郎韓國燒烤~其實呢間已經開左好耐~只係我今次真係第一次黎食~



2013年1月30日 星期三

園子咖啡Cafe Jardin

噚晚乖乖咁早早訓~~都訓左成9個鐘~~~今日精神番少少喇~~起碼個鼻無吹波波先~如果日日個工作環境都似今日咁就正啦……今日mark大個口傾計多過乜~~可惜我知唔會~~~~噚晚好叻咁訂左某程機票…因為我見好似比較少機位所以訂左先~~~不過都係等訂埋其他野先再宣佈啦~我其實幾興奮的~好想快d宣佈呢~不過怕個旅行小氣呀~~等多陣先~~(我真係好痴線~~)



又介紹下另一間cafe先~叫做園子咖啡Cafe Jardin….地址真的好難說……….係內街的……那是提督馬路的內街嗎????其實我係俾佢既超葡國建築物既外表而吸引我入去的!!!!係咪好出位呀~~




2013年1月29日 星期二

艾菲兒Eiffey

我真係..我真係..我真係好眼訓呀…………噚晚個頭極痛……於是訓之前食藥…..點知….有一股強大既噪音令我噚晚頭痛得黎訓唔到………於是…..我唯有出廳訓….明明早幾年得閒就會週末出廳訓….仲訓得好舒服…點知我訓到周身痛…又訓唔好….仲狂發惡夢……到左清晨六點…..我確係無噪音之下番入房訓…..所以其實…我噚晚係訓得兩個半鐘…….但我咁都番到工………………反下反下…又眼訓之下……今日成日做野都係傻下傻下咁…我諗我今晚要早d訓~~



華~我想講一間我好鐘意既cafe呀~想講好耐~d相係舊年3月影的…夠耐未???wakakaka…..呢間cafe叫做艾菲兒Eiffey<—-名字已夠討喜啦~巴黎鐵塔喎~地址大約係美的路主教街45號左右~我自己上google估的~我有電話:28523084~~~門面就夠靚啦~~~用藍色撞白色~~好少女味呀~~~



2013年1月28日 星期一

葡軒GOSTO

華…星期一又係預左做到頭都暈…但估唔到…我放工哥刻真係有d頭暈~~呢個週末都有好好地訓下~~感覺精神了一點~~星期六:去東瀛遊攞左台灣機票~~..->食九記->上網搵六月旅行的機票->秀蘭喪食…好多唔食得既野…我都照食左入口…因為我覺得….係時候要俾塊面適應下~~~……..星期日:一整天都在cafe on 4食飯+商討六月大計~….->一家春同屋企人食飯~…一連兩晚都係食上海野呢~~



wow~我唔乖~我呢篇無順序出~呢間係我近排食過幾好食覺得可以推介下既餐廳……因為成日都有blog友問我邊度有好味既葡餐~哈哈~其實我對葡餐無咩研究…一班公子去食飯好似無邊幾次約去食葡餐的~~~係因為有一次…同媽媽去銀河UA睇戲…..睇戲之前晚飯諗住食隔離哥間韓國餐..點知我地無訂位要等超耐之下…咪走過隔離間”葡軒”有位喎~咪去試下囉~位於銀河裏面既其中一間餐廳….翠華再行過少少~


2013年1月25日 星期五

法國食遊記2012-10-31~2012-11-01第十六,十七天(大晴天)

今朝起身…..覺得自己好似無休息過咁…..個身又攰又痛….個膊頭依然好痛….肌肉feel到拉到好緊…………..華…今日多野做到………..雖然睇落我地份工好似好好..好安穩好有型咁…其實當中辛酸位係不足為外人知道…..個個都係睇到人地d好既地方…所以應該無一份工係特別的好啦~雖然已經星期五…但我已經叫唔出…………………..今日仲要出面個賤人臨放工跣我一獲….你好野…我記住你呀!!!凸*_*凸!!!



2012-10-31~2012-11-01
Day 16~17(法國巴黎Paris->香港->澳門)

hehe~好開心~因為呢一日係最後一日~~可以番屋企喇~~~~起身去食野~~搭地鐵去到凱旋門附近的George V站…..過對面馬路就見到我地上次食既Chez Clement喇~~


2013年1月24日 星期四

法國食遊記2012-10-30第十五天(晴天)

我呢個禮拜個膊頭都痛到咩咁!!!!訓前又痛訓醒又痛…唔知係咪今個禮拜個位同我唔夾~今日下午直頭痛到我叫個男同事一搥揼落我個膊頭度……d肌肉超緊….好痛…好想去按摩!!!!!



2012-10-30
Day 15(法國巴黎Paris)

Yoho~蘇州屎不見了~呢日盡情食野去玩了~中午姨姨約左我地去食越南野~


2013年1月23日 星期三

法國食遊記2012-10-29第十四天(陰天)

唔…好乖的噚晚都早訓…算快訓得著…不過都好似唔係好深層睡眠……搞到今日個頭又有少少痛~食左藥好少少時….又到個肚那住那住痛……………搞咩呢?????今日望下塊面….氣息好左好多喇~~~好開心~~~希望快d好番啦~~~快d連d小暗粒都無埋~~然後d印又byebye~~~咁就可以變番靚靚去台灣啦~~~~~~~



2012-10-29
Day 14(法國巴黎Paris)

呢日係去搞蘇州屎既重大日子!!!一早起身~去搵左食先~係我地酒店附近的….其實呢日係想搵一樣美食~所以就係我地酒店四圍睇…睇下邊間有我想搵既野食~~於是就揀定呢間~



2013年1月22日 星期二

法國食遊記2012-10-28第十三天(晴天)

噚日好攰好攰….所以我自己都乖早早地跑上床訓架啦…..我仲覺得自己會訓得好快訓得好深層睡眠哥隻……….點知碌左個幾兩個鐘都訓唔著!!!!!!激死我…仲要狂醒…..咩事先…..我唔甘心我咁乖去早訓但訓唔到…今朝又係唔夠訓咁起身…….加上肚痛之如此類…..成個人都好忟!!!!!!!!!!!!!!!!!!!!!!!!!!!我唔明…我今朝洗完頭吹頭熱到成個身出哂汗囉…..好似夏天咁熱呀今日真係!!!



2012-10-28
Day 13(法國里昂Lyon->巴黎Paris)

起身~訓左成十個鐘有多~精神爽利~由於呢日搭兩點幾TGV番巴黎~所以都無咩諗住再去行景點~去番之前哥間商場食飯算…..媽媽就話好想去食番之前哥日間意大利餐~好囉~唔使排隊~食囉~(呢間野中午十二點半後超級多人排!!!!!)


2013年1月21日 星期一

法國食遊記2012-10-27第十二天(狂風大驟雨)

週末總是輕輕的來…走得特別的快…….週末無做咩大事……又係學下ukulele…翻睇下d舊戲過日晨(因為現時窮~只能睇舊碟~新戲暫時免問~)….講黎都慚愧~學左咁耐ukulele~都未有一首可以作為我既表演歌….醜呀~~~~~噚晚同朗公子慶生~作反喇我~~去食泰國野呀~~~偷偷吃了一隻無點辣既生蝦(其實巢氏無叫我唔食蝦…我係從中醫角度自己戒的)….我既理論係:要逐步食回正常野..唔係既話之後好番先食….點知會唔會又黎過~~大家都挺關心我塊面~真係有心~已經無再出大暗瘡了~感恩~~但仲係有好多印…..有d瘡瘡仲未退…..我都唔知點搞好~~~~~



2012-10-27
Day 12(法國巴黎Paris->里昂Lyon)

好喇~講到之前一晚到左法國巴黎….係酒店沖好涼食埋野訓落床都成11點幾~~~~但係…我地第二朝6點幾又要趕車喇….最衰我啦….諗住係法國幾日…..由於星期六日辨手續既地方唔開….又唔想屈係巴黎無野做(因為我和媽分別同年都去左一次)……所以我就左去里昂既車飛同酒店同媽媽黎個兩日一夜之旅…..可惜咁樣太辛苦媽媽了..我唔岩;[


2013年1月18日 星期五

東歐六國文化之旅2012-10-26第十一天Part 3(晴天超大風超凍)

好了好了….暗瘡退了一點…..但還有紅印……還需努力~!….今晚都好乖咁只係食左上海野做晚餐~~~岩岩先出糧….感覺已被淘空了一半薪水………………明明只出了糧….數天…



2012-10-26
Day 11—-Part 3
(德國德累斯頓Dresden->柏林Berlin->法國巴黎Paris)
好喇~之後就去參觀一下查理檢查站(Checkpoint Charlie)….係以前通過東西德既檢查站…..依家就做左旅遊景點……佢地仲有d人著哂制服企係度同你影相似模似樣~咁當然要收錢啦~所以我只會遠遠的影~




2013年1月17日 星期四

東歐六國文化之旅2012-10-26第十一天Part 2(晴天超大風超凍)

華~華~華~~~~捱埋聽日又到小週末~諗起都開心心~今日chlo子去完旅行送了我一個很靚的布袋~和一罐望落很好用的被蚊蟲咬後查的膏~謝chlo子….但佢買番黎d手信…我無一樣食得~~~~~全部熱氣野~~~佢地仲開黎食狂叫我樣樣食一舊唔怕喎……..但係咁都忍得住喎~~~~~~證明我既忍耐能力又高了一點~~~~我真叻呀~~~~~~面上的點點今日又退了少少色~~~我會乖~~再忍口的~~~



2012-10-26
Day 11—-Part 2
(德國德累斯頓Dresden->柏林Berlin->法國巴黎Paris)
都唔夠時間影到毛寶係要一路開車一路再影柏林圍牆(Berlin Wall)!!!



2013年1月16日 星期三

東歐六國文化之旅2012-10-26第十一天Part 1(晴天超大風超凍)

今日開會~買早餐番去食~好開心好似大解放咁~~去ok買左條痴飯+五粒燒賣…仲考慮好無好多兩個菜肉包…(好彩無要…超飽~~)……….今日d瘡瘡又退咁少少色~~開始嚇番佢地入去喇~~有少少起色喇~~乖啦~~聽姐姐話快d入番去啦~~



2012-10-26
Day 11—-Part 1(德國德累斯頓Dresden->柏林Berlin->法國巴黎Paris)

酒店早餐無咩好食~牛角包最好食~…之前講過啦…我同媽媽唔會隨團番香港…會飛去法國搞番掂d野….由於旅行社辦事不力….訂張機票訂得太早令我地唔可以隨團去柏林….而Dresden去Berlin要三個鐘車!!!….本身我地要自己再俾€500=5000hkd包車去柏林…..或者旅行社代訂一張遲少少飛既法航機票但計埋兩人要6000幾hkd…..但後尾我自己上網book左德國漢莎航空(Lufthansa Airline)機票…由柏林飛去法國巴黎只需兩人3300hkd…唔諗…即book~


2013年1月15日 星期二

東歐六國文化之旅2012-10-25第十天Part 3(陰天毛毛雨)

好野~經過噚晚”適當地”查止痕藥膏後~依家d小粒粒都淡色左少少喇~~要開鞭炮喇~~我要快d好番呀~~~重回我那荒唐的飲食歲月~~~最重要係變番做帥哥呀~~~~~



2012-10-25
Day 10—-Part 3(捷克布拉格Prague->德國德累斯頓Dresden)

我發現德累斯頓呢個地方都幾古色古香喎~




2013年1月14日 星期一

東歐六國文化之旅2012-10-25第十天Part 2(陰天毛毛雨)

呢個週末都無咩特別的做過~都係學下ukulele呀….睇左場戲…..睇左一套教ukulele姐姐說呢兩年佢睇過最好睇既”海嘯奇蹟”…..我竟然無喊喎………週日仲去左小公子的百日宴~好開心見到小公子一天天的長大~~~希望佢身體健康快d識叫我姐姐就好喇~~我好想同佢玩呀~~最乖係週末的兩日中午….都係自己煮野食喎!!一日食菜米一日食蕃茄雜菜湯意粉~都幾乖呀我…點解仲有出小暗粒既?;[…..今日仲要係好似敏感哥d咁囉!!!!!!好痕呀~喊喊



2012-10-25
Day 10—-Part 2(捷克布拉格Prague->德國德累斯頓Dresden)

繼續
薩克森小瑞士(Sachsische Schweiz)的行程~我好掛住我白白滑滑的面呀;[


2013年1月11日 星期五

東歐六國文化之旅2012-10-25第十天Part 1(陰天毛毛雨)

哈哈~今日出左一小堆小粒暗瘡…好正…..不過大粒開始無咁樣衰….無咁紅腫~無咁痕~起碼740蚊對我黎講都有d交代~yeah~星期五了~可以放鬆一點了~雖然今個禮拜無咩安排特色節目~但~心還是開心的~



2012-10-25
Day 10—-Part 1(捷克布拉格Prague->德國德累斯頓Dresden)

雖然係5星級酒店出品既早餐….但日日的火腿炒蛋….我還是要吃一個咖哩杯麵調節我的身心~


2013年1月10日 星期四

東歐六國文化之旅2012-10-24第九天Part 5(陰天毛毛雨)

今朝起身….本身一餅哥撻暗瘡…..連埋一起….出多兩細粒嚇我…..變成一大餅!!!番工d同事見到我好:華…你好似越變越嚴重咁既???…..既情況下…..再加上痕養難耐…..我跑左出去睇醫生…….睇完山頂…佢無咩理我…..於是我打去巢氏哥度問有無位….本身佢平時好full佢竟然答我:如果你可以半個鐘之內黎到我地有位睇呀……..嚇到我藥都無攞就去睇巢醫生……….我同巢醫生既對話都相當好笑…..最後開左一大堆藥…..740蚊落樓….希望呢堆藥真係幫到我!!!….有時我係度諗…我搞成咁….會唔會係我成日讚自己帥呢~~~~~



2012-10-24
Day 9—-Part 5(捷克布拉格Prague)

其實捷克布拉格真係幾靚…..暫時去左呢幾個東歐既國家…我最鐘意呢個~隨處影亂咁影點影…都是美的~



2013年1月9日 星期三

東歐六國文化之旅2012-10-24第九天Part 4(陰天毛毛雨)

使唔使咁毒呀??今朝起身又爆多兩粒毒瘡……..一邊面三粒打直排….另一邊面三粒打橫排…..玩夠未????????????今日一涼茶一龜苓膏….幫我睇哥個野都好驚:你都好毒下喎!!!!!!!….仲問我係咪食左辣…….唔好話辣啦….肉我都唔敢食啦………一路行番屋企……沿路盡是美味小食….串燒…魚蛋…煎餃…麻辣包…鹽酥雞……..講都講唔哂….偏偏就係無得食!!咁都忍到證明我好緊張塊面……好醜呀….;[



2012-10-24
Day 9—-Part 4(捷克布拉格Prague)

我記得呢個時候我震哂……因為天氣凍….係橋度又有d風…加上行左咁耐都肚餓啦~~~於是快快趣行完條橋去集合地點等食飯~查理斯橋(Charles Bridge)其中一邊橋頭~


2013年1月8日 星期二

東歐六國文化之旅2012-10-24第九天Part 3(陰天毛毛雨)

er…………今朝起身…又多一粒大豆企出黎嚇我………想點????好想踩番佢入去囉!!!!!好衰架!!!!!!!!!!!!!!!!!!超唔開心!!!!!!!!!!!放工後…今日既療程係:飯前兩碗龜苓膏……華…食完之後飽到………………………之後媽媽無係屋企煮飯…咁我自己煮左個麵食…..點知食哂之後先諗起…我唔食得蝦喎…..我仲食蝦籽麵??????????????我係痴左線呀???我好驚….聽日起身又多一粒…….點算?已經有四大粒係我塊面度啦..夠啦!!!!!!!!



2012-10-24
Day 9—-Part 3(捷克布拉格Prague)

好喇~又沿路向下行~黎到查理斯橋(Charles Bridge)~



2013年1月7日 星期一

Mr.-New Beginning Live 2013

星期一again…….星期六:去左香港睇Mr.第三個紅館演唱會New Beginning~係香港試左新野~開心~遲下寫出黎…….星期日:一早起身超唔開心….因為我近黎生左兩粒好大既暗瘡….好紅無濃哥隻…哥隻超難好….噚日起身發現又多一粒….我平時唔會咁出的….未試過超驚->去左南屏食厚蛋治~正->驚得滯去睇中醫飲涼茶….一飲仲飲左兩杯….為左塊面….唔飲苦茶唔得………………………………………..今日放工都去左飲涼茶加個龜苓膏………..好飽……………



唔得喇唔得喇~~~Mr.又要搶先出黎見大家喇~~~星期六搭超早船過黎~~9:30船呢~~~跟住去左食野…行街~~我仲係HMV買左有耳塞送既特別版Mr.新碟New Beginning~~好開心~~~買埋送俾布志綸既禮物食埋野大約六點幾度我地就去左紅館喇~因為我地d飛過左數仲未攞…….同埋想買演唱會紀念品嘛~搭的士哥時司機叔叔問我地:你地去紅館睇咩呀?….我:睇演唱會呀~….司機:睇邊個呀??…我:睇Mr.呀~…..司機:0我~”搣時ta”呀….我以為你地去睇林峯添~….我:……………………..



我地張狂迷會卡呀~~~~~依家攞飛先順便攞埋~好靚呀~~~~~~~~~~~~~~~~~~


2013年1月4日 星期五

東歐六國文化之旅2012-10-24第九天Part 2(陰天毛毛雨)

好攰攰呢~~~今日真係真係真係好多野做~~~噚日有個賓賓….剷到我上天花板……又講到自己幾趕幾趕….要我一定幫佢….我同佢講你一定要下週二攞就一定要今日黎補交野…..吹到最後今日咪又係無黎……..好彩佢發癲哥時好彩我只係發呆無動真氣…….唔係我就蝕抵囉~~~雖然今日只係番左三日工…但感覺上我好似番左好耐咁囉…..算囉~又週末了~



2012-10-24
Day 9—-Part 2(捷克布拉格Prague)

行完聖維特教堂(St. Vitus Cathedral)裏面…..就要行遠少少先可以睇到佢成個完整外觀~好靚呢~加上呢日既天氣…有點淒清~



2013年1月3日 星期四

東歐六國文化之旅2012-10-24第九天Part 1(陰天毛毛雨)

哎呀~~~~~噚日係2013年第一個工作日……放左四日假…預左多野做…..不過無預到多咁咁…………………..噚晚攰到望住個電腦…都唔想打blog……仲有兩個人特登問我係咪有咩事…..做咩唔寫blog…..其中一人說:你知啦…你唔寫blog肯定有d野!!!……..哈哈~~~不過今朝起身又頭痛……..好彩食左兩次藥依家好番好多~我要養好精神架~~唔係點去睇演唱會大叫呀!!!!!!好彩~原來聽日已經係星期五~



2012-10-24
Day 9—-Part 1(捷克布拉格Prague)

五星級酒店既早餐~梗係要早d落去八下~不過唔算太多野食~牛角包不錯吃就係最大收獲囉~(初頭攞早餐都唔知架….點知攞完影相先發現砌左個樣喎~XD)


2013年1月1日 星期二

♥我和布志綸頭貼頭的實現♥ 2012除夕倒數活動

各位~~~~今日係2013年既1月1日呀~~~~~~首先同大家講聲:happy new year~~~~~~我想講:我成功了~~~~~~~~~噚日見到我的四眼男神了~~~~~~係知道佢地黎澳門倒數之後…..我就不停問追星經驗非常豐富的凱公子….有咩要準備….仲問佢接船送咩俾佢好~到我準備好送咩俾佢之後我內心又搞下搞下….搞左好耐……原因因為唔知佢地搭幾點船黎………………….但係噚日2012年既12月31日……發生左有好多個巧合……本身噚日要番工…點知無啦啦放全日假….毛寶噚日要番工…..本身平時懶到點幾先搞掂出門口….呢日就一點出到門口係公司接佢….又因為有個同事想去高士德毛寶車埋佢……就係車佢去高士德途中…收到凱公子個電話…本身係miss call…我平時會就咁由佢…..唔知點解呢日八卦打番俾佢….佢同我講:我上網睇到佢地係50幾分鐘之前係香港落船黎緊喇!!!…….即時痴左線!!!!!!係高士德即仆去碼頭等佢…..



一路等..我一路手震……….望望左…望望右….好似係粉絲等緊喎~覺得有d驚…唔知佢地出左黎未….打個電話同凱公子傾下計定定驚~同佢講笑講講下……天呀~~我的四眼男神布志綸出來了~~~~~即係收線跑過去~~~~~~~~~~~原來有另外一男一女粉絲等緊佢地…..個女粉絲送左一條六盒的陽光柑香茶俾布志綸同佢講:請你飲架!!係澳門先有架……….於是我都唔執輸~~趕緊跑埋佢身邊….



我:er…..hi…..你好呀………………
布志綸:hello~
我:可唔可以同你影張相呀???
布志綸:可以呀~不過可能要快d喎因為佢地好似話好趕
我:好野~~~我地自拍嗎??(攞住手提)
布志綸:係啦~自拍啦~
當我攞住手提較個前鏡頭向住我地既時候….
我:唔係喎….個樣好衰喎….不如搵人幫我地影啦….(跟住佢有個工作人員好好咁幫我影~)

就係咁……我地影左張合照~~~~~~~~~~~~~~~~~~~~~~~~~~~~~~~