2013年12月30日 星期一

阿里郎韓國料理

今日雖然要開ot~但比預期的少人喎~我d籌叫極都無人黎既~星期六:中午食左麥叔叔呀~開心~..->下午用小米盒子(不是我的~)睇左兩套戲....一套之前睇過既地球末日戰...另一套係想睇好耐既北京遇上西雅圖...幾唔錯~~..->夜晚係新記車仔麵~正~~.....星期日:中午食左文哥!!->venetian行街~無收獲~睇到好悶~因為太多人~...->cheap壽司~開心~



前幾個月無啦啦去食左兩次阿里郎~阿里郎係食韓國野的~~因為某兩位朋友好鐘意食阿里郎~所以就去吃吃的~之前都有寫文介紹~不過之前食哥次我就覺得麻麻~咁我呢次就將哥兩次食既野寫埋一齊啦~地址:氹仔運動場圓形地45號美景花園第3座...電話:2883 5562...最好訂位...都幾多人食~


2013年12月27日 星期五

孖八-二零一三年八月

好~攰~呀~真係攰到出汁~今日都係要開ot~星期一都要~~算啦~好彩番左兩日工今日又到星期五喇~~~真開心~~~陣間跑出街食下甜品先~~~星期一番全日~星期二係31號放半天~1月1日又放元旦假真係開心心~今日開ot做做下個頭又扯住痛~~即刻食粒藥...依家好番d~如果唔係過周末先先黎頭痛咪好唔抵!!



唔知大家記唔記得我之前講過~朗公子係8月時收養左隻貓孤兒~由於係8月8日知道有得收養貓仔呢個好消息喎....所以呢隻貓仔就叫孖八喇~~~~毛寶細個養過貓仔...同貓仔感情好深厚~不過哥隻貓仔唔係度之後佢屋企人就唔俾養喇...所~以~...最恨玩貓貓哥個係佢~~~~~我地係孖八被收養既後兩日已經即刻衝上朗公子屋企見下佢喇~~~~~~~~~~~一上到去....好得意呀~~孖八係梳化may下may下咁訓緊覺呀~~~~佢仲係好細個~~得兩個月左右~~~~d毛毛仲好散的~~~

2013年12月26日 星期四

Chill Cafe

今日番工了~本身話係唔使ot的...我信喎~真係傻豬~咁梗係要o啦~~~超多野做...不過出得黎行預左要還~玩左咁多日~做番d野好應該~~~平安夜夜晚我買左生蠔~上海野同媽媽過~~毛寶就食飽飽之後帶左支紅酒上黎同我地歡渡聖誕~~聖誕節正日~即係噚日~澳門可以話係無咩聖誕氣氛的~所以我地做d野都係同聖誕節無咩關係的~朝早起身排隊去買戲飛~少可見大會堂有人等開門買飛~去左食青洲灶記(但現在唔係青洲的~).....食飽就去左睇發夢王大歷險....er...呢套野可能我期望過大.....唔可以講話好睇喎真係....跟住又去左食泰國餐~~~我的6日聖誕假就這樣完了~



之前聽人講河邊新街哥頭開左間cafe.....跟住係fb睇人地d相又覺得呢間野既裝修好靚~好啦~咁咪去試下囉~我地8月哥時去試呢間野仲係試業中...紅紙都未搣~呢間cafe叫Chill Cafe~地址:澳門河邊新街239號地下....電話:2853 2376...逢星期一休息


2013年12月24日 星期二

皇都酒店Lobby Lounge

星期六:去左氹仔沛記食~超正~食過3次都覺得好好味~可以推介~...->去左睇掃毒~幾唔錯~朗公子話$50抵睇~~咁多粒子彈都要錢~~wakakaka~...->味藏食銀鱈魚煲正正~~仲有超好味的燒飯團~~~~第一次味藏星期六夜晚咁少人!!....星期日:觀燒塔CA4E ON FOUR度食~~...->睇哈比人~(我媽指定要看的~呢集比第一集好看~$80做兩個鐘好抵睇~)->夜晚去左新葡京既粥麵莊同屋企人做冬~.....星期一:晨早流流起身搭船過香港...不過一起身又頭痛...->過到去食左芽莊做中午飯(我係完全唔夠飽的~~)->周圍行...不過我無咩點買野..淨係買左一件衫...兩包無印既零食...頭痛真係無咩心機行街->係尖沙咀食左monster shushi...不過我今次覺得好難食~...->重點行程係睇容祖祖1314演唱會



點都無諗到會去皇都酒店既Lobby Lounge度嘆下午茶~因為呢間係比較舊式既酒店~不過之前有翻新過~~咁岩毛寶話想食佢既名物~咁就一試啦~地方都幾光猛的~用日光代替燈光~我鐘意~


2013年12月20日 星期五

常喜Cafe Cheri

呵呵呵~~~~~今日開始6日聖誕假了~~~~開心萬分呀!!!!!!!!今日係回歸日....但少可無回歸show睇喎今年~舊年係eason嘛~呢6日裏面其日中有一日過香港行街睇祖兒concert~今日就會夜晚同媽媽黎個二人做冬飯...再睇埋風起了~節目好多呢~~~~~~(懶係)



暑假哥陣時~約左屋企人去試左呢間位於路環既常喜Cafe Cheri~其實開左好耐~係我now仔第一次試je~非常sharp醒既藍色外牆~地址:澳門路環聖方濟各堂區打纜街119號....電話:2888 2778


2013年12月18日 星期三

婆婆生日會2013@觀光塔360旋轉餐廳

今日好彩出番太陽咁先無咁凍咋~~~如果唔係又落下既話真係........凍屎~~~~上午都係另一邊過.....越做越覺得自己低b~下午番自己哥邊做左一個鐘野....之後上課程~上完就放工了~今日都算係唔錯~除左個肚痛同人覺得雪雪凍之外~



今年我婆生日時....家人就同左婆婆去觀光塔既60樓360旋轉餐廳食自助餐~~~~~

2013年12月17日 星期二

il Cafe

今日抽大假喇~~~~搞到我今日成個朝早都神不守舍!!!!!!!!!!!!!!!!!!!因為抽既方法太原始.....抽號碼大小....越大越有機會中(其實我不嬲都無咩抽獎運的)....其中有d中有d唔中.....搞到我一路做野一路心大心細~(教我做緊野既同事仲提我專心d唔好收少錢~哈哈~)...最後唔中哥d求我d同事讓俾我....好彩d同事都好好人咋~~~~即係話:我可以訂機票了~~~~~~~~~~(訂左再出報時器呀下~~)巧high先呀~~~~~(語無論次ing~)



前排諗住係睇戲前求其搵d野咬下~去開氹仔就順路去下呢間叫il Cafe食下~因為有人之前食過話幾好味~地址:氹仔舊城區成都街319A濠景花園21座地舖...電話:2883 8372...我地哥日有訂位..不過哥日係星期六...我地食哂成餐..間野都無爆過~

2013年12月16日 星期一

琥珀日本料理@午市套餐

今日一半時間係另一邊~一半時間係自己哥邊~~~下午做到暈左~~~~~星期六:同上個禮拜六差唔多...晨咁早八點幾出門口去m記食早餐....獎自己食左個珍寶早晨套餐~..->番學;[ ->去食依家呢篇blog介紹既琥珀日本料理->番學小測;[ ->放學買包去毛寶家休息->番學;[ ->放左學去海立方裏面既食堂度食~都幾抵食~又夠大碟~味道就同佢既價錢成左正比啦~.....星期日:陪毛寶去攞番佢d大作~佢既作品真係一次比一次靚同有驚喜呢~...->去滿記食牛肉檬粉~滿記真係唔錯的~...->去800伴攞tester~~滿載而歸~~攞埋公子今年送我的禮物(吸塵機)~~勁重~~...->去venetian行街~買左條leggings~都算節制(其實係無野岩我買~)->食開左有好一段時間既海榮上海菜館...去食飯既途中發生左件事....睇埋今日既介紹先講~



由於我之前係皮皮的instagram成日見到佢去食呢間野既午市套餐幾靚靚~作為午市套餐控既我~梗係要試試啦~~呢間野叫琥珀日本料理....地址:澳門皇朝波爾圖街493號地下U鋪...電話:6328 9898....去過三次~無訂過位都有位坐~(午市咋下~)


2013年12月13日 星期五

五分公子宴

啦~啦~啦~終於都到左星期五喇~~~~~~~下個禮拜番多4日工~~我地就可以放連續6天的聖誕假期~~~~~~好開心呀~~~應該好少地區會放6日聖誕假卦~~~~澳門就是與別不同~~~今日上左山頂覆診~下午輕輕鬆鬆的過~~~~



今次既公子飯聚係因為有公子叻叻~係工作上有好的表演有獎賞~所以就請其他公子食飯飯喇~叻叻公子有:麥公子~貞公子~杯公子~同埋我~....揀左阿一火鍋(東湖)海鮮酒家~平時叫哥d一圍圍哥d飯局呢~佢有得叫半圍~岩哂我地~半圍現金價:$1,738....賭場消費卷:$2,607.....解釋下咩叫賭場消費卷....應該係d賭客係賭場賭錢(梗係大客)...會俾番d野食既消費卷佢地....咁佢地唔食就會賣出去....通常都係面值6~7折可以買到.....所以我地就用賭場消費卷~(佢地計過話平d~)....就係叫左呢個餐既半圍喇~~~都幾多野食~不過我地有d野改左~
公子食野真係夠全面喇~依家連中餐一圍圍都食埋~

2013年12月12日 星期四

廣興美食

今日工作唔算太攰~都係跟人地坐機~~不過都叫做做左好幾隻既~~~但係下午又因為我自己哥邊遲籌又跑番過去追~~今日~約左好多交收~成7個~中午同下午放工都有~因間都仲有~~~~~~~~~~



今日講講之前阿sam同大比極力推介我地去食既廣興美食~~地址:澳門黑少環南華新村第七座地下B鋪....電話:2876 8413....佢有時好似星期日休息的~

2013年12月11日 星期三

和牛和日式燒肉

wakakaka~今朝俾樓上嘈醒左~早左起身~咁就走去買個雀仔園早餐番公司一路開會一路食啦~買左個細炒麵(根據我同事講係:華...唔係呀...細都咁大個.....哥隻)...同埋食左個煎既鹹薄撐~~wow~滿足~~~冬天果然都係要咁樣吃吃喝喝先得~今日一半時間係隔離~一半時間係自己哥邊~~~~運吉既多我今日~~~~~今日仲叻到換左身份證~



hehe~前排.....又唔知用咩理由~叫媽媽請我食飯~~~wakakak~難得佢又肯喎~所以揀左間diana推介食日式燒肉既和牛和日式燒肉.....地址:宋玉生廣場(皇朝)159號光輝苑光輝商業中心......電話:2875 0560

2013年12月10日 星期二

小公子成長月記@2013年7月(9個月大)

今日無過去哥邊學野~~係番自己哥邊...整天在沉迷玩一樣野~~~~~完全專心唔到~~(等我成功左再係度認下叻先~)



好喇~小公子好耐無出過場喇~我地6月去完旅行.....7月都無咩點見過佢~因為佢病了~而且仲病了好久(心痛~)....所以呢個月只有好少好少相可以放出黎~er....你果然係柏仔既老友呀下~你都係斑點狗嗎???


2013年12月9日 星期一

譽路八日本料理

星期六:約左朗公子同另一個同事晨早八點半出去食早餐..有幾可星期六咁早出街!??!?!->上堂:[->沈三多食薑汁豬肉飯->上堂;[...不停的討論加present->試左教主另一間食牛扒既餐廳...有特惠做緊...好平~...->另一堂上堂...又係不停的present:[->食cheap壽司........星期日:食教主的雲南米線~好味~...->享受一個人的行街樂趣~因為我要去買公子聖誕聚餐既福袋禮物~一行行左3個鐘~...->毛寶幫我剪頭髮~~剪短d蔭影證件相~因為我就黎要換身份證了~~~...->約左大學同學仔去試一間新開既日本餐叫小樽~不過麻麻好食~勝在今晚傾計傾得好開心~~~



大家睇我寫左咁耐blog~~都知我好鐘意食日本野架啦~~成日都想食壽司的~~去台灣又要食....係澳門都要食~哈哈~~不過講真~~之前其實我覺得澳門無邊幾間日本餐係好好食又服務好架(酒店除外...俾既錢都唔同啦~)....直至試左呢間~叫譽路八日本料理.......地址:澳門宋玉生廣場606號J中裕大廈...電話:2872 8828.......一定要訂位....唔大~而且眼見好似全部位都係預約席......walk in入黎d人都無位的~


2013年12月6日 星期五

我對午市套餐的狂熱

WOHO~~~~~~~~~~~~~~~~好不容易來到星期五了~~~~上午仍在學習階段....只做了一個申請....下午就開始挑戰來了......都做左好幾個....有奇形...有怪狀的人.....不過都算安全咁渡過~臨放工前一小時教我哥個同事頂我唔順....佢自己做番~~~~wakakaka~無計...我初起步階段係咁慢架喇~~~俾d時間我啦~不過真係好攰好攰好攰!!!!!!!!!!!!!!!!!因為d人真係好多問題.....一係就好串..........一定要用食野黎舒解我坐機既抑鬱~將來的日子可能會很難過....



唔知有無人明我對一份份套餐既熱愛???無論日式呀...西式呀....就算中式都好啦.....每人一份份咁攞出黎.....就係令我有興奮感覺~~hehe~所以我對午市套餐有一份迷戀既心情~~成日週末都會去食....或者不停試新既套餐~味藏都係其中一間我成日會去食套餐既一間餐廳~~佢地d餐....$3x開始有交易~唔貴~呢日我叫既係吉列蟹肉忌廉餅定食 $45...有前菜有湯有甜品~~佢另外有個薑汁豬既定食都唔錯的~



2013年12月5日 星期四

香港大閘蟹一天遊2013-11-17 Part2

今日同前幾日差唔多~~~本身下午應該開始坐機~但佢地有d遲籌~如果我再坐埋落去應該大家都唔使收工~~~跟住今日成個下午都係跟係同事隔離睇佢點做~~~不過發現我地兩邊d客係完全唔同style........好正呀佢地............................我淨係跟機咋....已經有虛脫感....所以幾時都話~學野哥時係最好既~



好喇~~行飽街~就去我地呢個行程既終極目的地~~食大閘蟹喇~~~經過我上網嚴密挑選過~~~最後都係揀番食過既東海海都集團~咁係地理位置上我都係揀銅鑼灣既海都啦~~我又識去~而且又係酒店裏面裝修實好~地址:香港銅鑼灣禮頓道8號香港銅鑼灣皇冠假日酒店二樓....電話:2972 2813...我諗最好都係訂位~因為呢間真係超多人訂黎搞宴會...有可能無咩位~

2013年12月4日 星期三

香港大閘蟹一天遊2013-11-17 Part1

噚晚約左另外六位公子去食師傅仔....今次仲癲....7個女孩...9個餸一個炒麵......淨係食淨乳鴿同埋麻婆豆腐...其他掃光光...好變態~~~今朝早開會嘛~咁咪獎自己食個吉列豬扒早晨套餐囉~~噚晚我仲問貞公子要唔要買奶茶俾佢飲..佢話佢學緊戒奶茶喎~~(一聽就知係放緊屁~).......依家貞公子同我暫時係番同一部門做野~~所以今日約佢去一次難能可貴的歡樂吧~~~(我諗有成3...4年未試過~自從佢調左部門之後~)....食左鹽酥雞同埋麻辣包~~~~~(雖然今次麻辣包有d失色~).....好開心~~之後諗住去來來買野飲...我同貞講:來~揀啦~姐姐請你飲~.....貞話:姐~我想飲珍珠奶茶...我還傻的嗎地周圍望....問:有咩牌子有珍珠奶茶呢??...貞說:我想飲comebuy...........買完之後我問佢:你唔係話戒奶茶咩??....貞:(露出一個很假的表情)係咩?唔記得左喎......我:死八婆...今朝麥當勞8蚊杯你唔飲..係要飲15蚊一杯既!!!!!!!!!!!(睇到呢度...應該有好幾位人士想笑貞了~).......好開心貞又大幅走進我的工作生活中~~



一年一度的大閘蟹時節~~前年有過去香港食~舊年就無過~今年生日時有朋友請食飯話請我食大閘蟹....就諗住試下澳門間小南國....點知佢個大閘蟹餐要成600幾蚊!!太貴之下不如諗就去番香港食算~香港有好多大閘蟹餐都係300幾之嘛~所以我地就過左香港搵食!!




哥日一上船~又衝去之前今年年頭我地食過既哥間上環crepe~La Creperie~地址:G/F,69 Jervois Street,Sheung Wan…電話:26794666.....今次我終於有試到brittany盛產的cider....咁我叫佢個Cidre"Val de Rance"....有dry同sweet揀~我揀左sweet~$45一杯~估唔到用呢個杯裝~~幾好飲~~~~~~很易入口~~有點醉醺醺~(但酒精度其實只有2.4%)


2013年12月3日 星期二

南非觀獸美食之旅2013-10-27~28第七,八天(大晴天)

今日隨左接更時段係自己哥邊其他時間都係另外哥邊學野~~今天還好~因為係好似上堂聽書咁講........算係幾輕鬆既一日~~開心事就係有貞陪我一齊學~~~講真....我坐慣counter要我坐另外一邊既野都有少少驚到賴屎..........何況貞你上左內部咁耐無坐~所以你好叻架~大家一齊學又令我無咁緊張喎~幾好~~~~~~聽日應該要落場操作了~~~緊張~~~



2013-10-27~28
Day 7~8(南非,約翰尼斯堡 South Africa, Johannesburg->香港 Hong Kong->澳門 Macau)
最後一天在南非~今日我地一落到去食早餐又見到哥個衰侍應.....佢一眼尾見到我地就即刻走開左....算佢醒目~(事實上我求左毛寶好耐先落黎同我食早餐~因為佢話費事見到佢激氣...仲自己係酒店房食哂早餐先落去~).....好彩呢日d人算有番少少禮貌~很享受這天的早餐呢~因為樣樣都好味~個蛋既料係我自己配搭的~~有粟米有磨菇有芝士~又飲香檳~

2013年12月2日 星期一

南非觀獸美食之旅2013-10-26第六天Part 2(朝早下大雨下午大晴天)

今日好多麻煩野~~~~不過今朝過左去另一邊學野~~當做休息左少少~~.......星期六:燒烤~~~期待很久~~食左3條香腸~~好開心我對香腸同蜜糖既堅持得到他人的讚賞(好變態~~)...其實我係好鐘意條香腸猛搽蜜糖~~~反得超密加蜜糖更密!!仲有蝦啦大眼雞啦扇貝啦蠔啦蟶子啦~~我另外一樣最得意既食物係雞中翼~~~仲有漢堡扒加芝士~~滿足~~....->燒到成身臭走去上堂...個堂超難頂...不停的討論...仲要出去講番...仲要佢分組搞到我地同事無得一齊討論.....愁...上完都覺得攰->金玉滿堂吃生果~......星期日:中午有老闆帶我去新葡京既The Kitchen食大餐~~~~通常呢d餐廳既通病就係前菜麵包甜品很好吃...主菜就不怎麼出色~呢間都唔例外....不過最平哥個餐好似$270...算係幾抵~入門餐黎講叫做抵試既~~服務亦唔錯~...->已經約埋另一個團友開始傾緊出年既旅行~~~但我地假都未抽~咩都無訂~哈哈~~..->同屋企人去左觀光塔間摩卡吃飯~~周末就在飲食中完結~~



2013-10-26

Day 6---Part 1(南非,約翰尼斯堡 South Africa, Johannesburg)
食完個早餐就去跟導遊行一行我地間酒店同其他區域既設施...首先就行過其他酒店都可以一齊用既泳池.....另外仲有一個有人造浪既泳池...但哥個真係超多人的....
今朝咁大雨....唔明而家又可以咁曬喎....

2013年11月29日 星期五

南非觀獸美食之旅2013-10-26第六天Part 1(朝早下大雨下午大晴天)

噚日媽媽入左醫院檢查(只係普通檢查不用擔心~)....所以噚晚一放工買埋野食即刻衝上山頂陪媽媽一陣~所以無時間寫blog~今日放工不太順利.......算了~反正星期五了~放工去左食新開的chill out cafe~食熱狗的~岩哂我~我覺得幾好味~~可以再去~跟住再去塔石既藝墟~支持支持一下仔van~買左條頸巾~



2013-10-26
Day 6---Part 1(南非,約翰尼斯堡 South Africa, Johannesburg)
呢日一大早就集合...好似係六點定六點幾~~朝早天氣很涼...而呢日咁早起身既參觀活動就是:比林斯堡野生動物保護區(Pilanesberg National Park).....那是南非第4大既野生自然保護區.....呢架就係我地要坐既吉普車喇~~唯一的不帶墨鏡照~~夠遠喇卦~~呢度有南非動物界的big 5喎~~(big 5=豹..象..犀牛..水牛..獅子)......我最想看的是犀牛~~而水牛的樣子就很趣怪~~我地叫佢做心理變態~~(請上網搵搵水牛的樣子看看~~因為佢隻角搞到佢好似中間分界咁~~所以咪叫心理變態~~)...車就係我地酒店門前接我地
個動物保護區就係我地酒店不遠處....大約不用10分鐘車程就到....

2013年11月27日 星期三

南非觀獸美食之旅2013-10-25第五天Part 2(晴天)

好~攰~呀~終於放工了~~今日仍是ot日....巧累巧累呀.......5點半到6點哥段時間簡直係多到不得了........某一個麻煩既類型仲要特別多!!!!!!做到6點哥時...我成個人簡直有d虛脫狀....有個同事叫我幫佢跟樣野...我聽極都聽唔明.....攰爆~~~聽日自己放自己一日唔ot喇...我個胃食半個鐘頂唔順喇....



2013-10-25

Day 5---Part 2(南非,約翰尼斯堡 South Africa, Johannesburg)
其實整個南非旅行既車程都好短的.....最多都係45分鐘(查實我幾失望的因為我好享受跟團坐車訓覺哥個過程的~~).....最長哥程車終於出現喇~~~就係由約翰尼斯堡市區入去我地呢兩晚既酒店迷城皇宮(The Palace)....要成2個鐘車既呢~到了~好似好有排場呀下~


2013年11月26日 星期二

南非觀獸美食之旅2013-10-25第五天Part 1(晴天)

今日ot....中午食左半個鐘飯......但我唔知點解可以食左咁多野.....我本身已經叫媽媽買左野上黎我食.....一包炒麵...一碗炸魚條粥.....已經可以飽到炸開......但係老細又叫多左餸幫我地加餸喎.......所以我另外又食多左三隻雞腳...一隻雞翼...四塊京都排骨...兩塊豆腐...同埋一舊班腩...仲有一堆生菜.......下午一路做野個胃一路撐開.....我唔敢喇........有好多blog友問我點解食極都唔肥....但如果你係我身邊朋友就知....我係真係肥....我知我衰為食.....今日見到神秘團友呀...佢話我:你真係肥左...你睇下你塊面.....脹哂!!!!!!!!!!!!!!!!鬼叫野食咁吸引咩.............................聽日又要開ot喇....希望我食少d野啦...(其實係我覺得如果開ot食咁少野我係無心機做野~~~)



2013-10-25
Day 5---Part 1(南非,約翰尼斯堡 South Africa, Johannesburg)
起床~酒店的外觀~起身再賴一次呠呠.....大家都知我之前哥晚肚痾+嘔架啦~

2013年11月25日 星期一

南非觀獸美食之旅2013-10-24第四天Part 2(晴天)

星期六:中午吃了泰華欣->左手fing右手的閒在家...睇了飢餓遊戲1...唔錯喎~~邊個同我講麻麻好睇架等我無去戲院睇第1集~~(多謝alex話我知風行網有得睇~~)...->唐吉訶德...但今次的很難吃...tapas既蜆煮得無味..都算...但係我最愛既藍芝士菲力牛扒....d牛扒既質地好有問題....叫佢5成熟....外熱內凍既?!?肉質又似一個老年人咁...一pat野....搞到我暫時唔想再去食!!->睇完第一集..梗要打鐵趁熱地睇埋飢餓遊戲2星火燎原~~正正~~希望快d有埋第3集大結局睇~~~.............星期日:起身本身諗住食滿記...點知無位泊唯有去食有位泊既園子咖啡....可惜又是退步了~...->行超市~~好開心~~~因為我買左飯團食~~(同食園子咖啡只差20幾分鐘~~)->去文化中心睇岳敏君的展覽~~會再去多次睇~~再影相~~..->得到剪髮高人大比幫我剪髮~成個爽哂~~...->乳豬海鮮煲~~~~正~~~~..->食飽唔夠10分鐘又行過去懷舊街吃麥芽糖夾餅同紅豆餅~~好變態~~



2013-10-24

Day 4---Part 2(南非,開普敦 South Africa,Cape Town->約翰尼斯堡 Johannesburg)
睇完丁滿~~轉個頭....華!!!!!係kapo baby最愛的長頸鹿呀~~~~原來有得買野餵佢食架!!!!!企係個高既木架上餵佢食~~我地無買呀~~~~但有個團友買左黎餵~~~~~佢超級的為食~~~

2013年11月22日 星期五

南非觀獸美食之旅2013-10-24第四天Part 1(晴天)

今日請左鐘出去搞葡國護照......我都唔想搞架!!!但係為左出年既大旅行...咁就唯有死死地氣去搞啦~~不過真係好多人搞...唔該哂幫我搞既人兄~~為左本葡國護照...而令我諗起要係呢5年好好咁用呢本護照去一d係葡國護照先唔使簽證既地方去旅行......諗頭多多!!



2013-10-24
Day 4---Part 1(南非,開普敦 South Africa,Cape Town->約翰尼斯堡 Johannesburg)
咦~今朝早既桌山又變得好清楚喎~~~好靚呀~~~可惜最後一日係開普敦喇~~~~我好唔捨得間酒店呀~~~~

2013年11月21日 星期四

南非觀獸美食之旅2013-10-23第三天Part 4(晴天)

wow~我懷疑我噚日講錯野~竟然話覺得幾輕鬆....即刻今日賴哂野~~~~我收番啦~~~求下你啦~~~下個禮拜又要過隔離學野.....根據我上幾次學野學到成個傻仔咁既經驗....今次都應該差唔幾......不過今次係黎真既....唔再係以前咁玩幾野就算......真係心情有點矛盾~畢竟做同一個工種做左9年半...現在來學新的~~人家已是老人家了~~~可能接受不了新事物~~~驚驚~~~~~



2013-10-23
Day 3---Part 4(南非,開普敦 South Africa,Cape Town)
咁樣係燈塔上影落去大西洋真係好靚~

2013年11月20日 星期三

南非觀獸美食之旅2013-10-23第三天Part 3(晴天)

今日同噚日一樣.....煩哥d野都係一樣.....同類型既申請......都係自己解決不了的~不過今日叫做輕鬆左架喇~今日發生最好既事係....早餐食左個好好味既肥仔記~同埋今天見過想見的人一面~(雖然真係得一面~)



2013-10-23

Day 3---Part 3(南非,開普敦 South Africa,Cape Town)
食飽飯之後我地就去左參觀企鵝灘(Penguin Island)~


2013年11月19日 星期二

南非觀獸美食之旅2013-10-23第三天Part 2(晴天)

今日中午本身只係想食兩塊方包加杯即沖湯....但天氣漸涼...所以加一個媽媽隔夜的咖啡包....係食緊方包既時候媽媽番到黎同我講買左粉果俾我食...我同佢講:咁我唔食咖啡包喇你食番啦我食粉果~......點知食完粉果之後聞到係電飯煲整熱緊既咖啡包香氣非凡(係呀電飯煲可以當多士爐架幾方便~)....所以我又同媽媽講:er...我食一啖啦...........點知一咬...omg...............................我把整條吞下........葡京餅房出品的咖啡包真係好味到癲!!!!!!!!!!!!!!!!!!!!整熱之後包既質感像牛角包......還有濃濃香香的咖啡味........好食到...重點係...我媽媽係用5.5元買番黎架!!(七點後半價!!).......酒店出品...仲要半價....仲要咁好味!!!!肥屎都抵!!!!!!!!



2013-10-23
Day 3---Part 2(南非,開普敦 South Africa,Cape Town)
睇完海豹逛埋跳蚤市場~就坐大約45分鐘車去康士坦尼亞酒園(Groot Constantia Winery)度wine tasting~





2013年11月18日 星期一

南非觀獸美食之旅2013-10-23第三天Part 1(晴天)

今日眼訓到不得了...因為...............星期六:味藏午飯->行去水塘看台睇賽車~~兩個傻仔...行到去三級方程已是最後一圈....嘈到呀~~~哈哈...好彩都睇到賽電單車咋~~~今次係我第二次去睇賽車~~多謝diana的票~...->去左同屋企人食自助餐.....明明就係去金沙城的盛宴...白痴的我走左去銀河既群芳..........我真係好低能............星期日:yoho~過左香港~第一站去左食上環間crepe~...->尖沙咀海港影燈飾..睇爬山用品(唔係我~)->銅鑼灣亂逛~最開心係kapo介紹我去綠野仙踪度買簡體版高木直子~~~正~~~澳門自從宏達賣簡體字書哥間野執左都唔知邊度有得買~~~...->重頭戲!!!!食大閘蟹餐!!!!!好正呀!!!!!!!!!!!!!!.........所以咪搞到我今日好眼訓囉~~~hehe~



2013-10-23

Day 3---Part 1(南非,開普敦 South Africa,Cape Town)
早晨~wow~天氣晴朗~~~望出去既卓山好大霧呢~~如果桌山大霧既話有可能無得上...我睇幾個人既blog都話上唔到...好彩噚日去左喇~~~~~真夠運~~休息左一晚~~~精神好多了~~~

2013年11月15日 星期五

南非觀獸美食之旅2013-10-21~22第一,二天Part 4(晴天)

噚晚去左賀凱公子牛一~一放工就衝去黑沙環哥頭既石獅賀一賀佢~不過我乖呀我無飲啤酒架~淨係飲可樂咋~~(其實飲凍野都唔岩~)...呢幾晚訓覺都咳好耐先訓到~~一係就訓左又咳醒~~真係可憐豬~今日個鼻好塞~不停流鼻鼻~搞到個鼻損哂~但係今日開心~媽媽買左三文魚俾我食~~~哈哈哈~~~~



2013-10-21~22
Day 1~2---Part 4(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
好喇~食飯之前我地去酒店放低d行李先~不過無得上房住~呢間就係我地今晚既酒店喇~Table Bay Hotel~

2013年11月13日 星期三

南非觀獸美食之旅2013-10-21~22第一,二天Part 3(晴天)

今天總算精神了點~實在太好了~但估唔到今日都咁多野做~~聽日賽車喎~只有兩個結果....一係d人怕左塞車唔黎...一係好多人約左但因塞車好多都遲到.....咁.......可唔可以係前者呀???????????????



2013-10-21~22
Day 1~2---Part 3(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
睇完鴕鳥園(Ostrich Farm)之後就去左開普敦市既地標桌山(Table Mountain)....高1086米....有名你叫桌山....佢就好似平原上既一張檯咁屹立係度~~~咁平坦既山我呢個now仔都係第一次見呢~而我地上桌山既方式就係坐呢d 360度旋轉吊車上去~~~~坐呢個吊車上去既經驗都唔錯呢~~~~

2013年11月12日 星期二

南非觀獸美食之旅2013-10-21~22第一,二天Part 2(晴天)

救命~我又打敗仗....噚晚食完飯番屋企...頭超痛...喉嚨更痛!!!已經食哂消炎藥退燒止痛藥先訓.......但今朝還是頭痛欲裂...........去山頂睇醫生發現換左新既急症室......而且冷氣還凍得我騰騰震呢~睇完醫生買左碗白粥回家.......平時點會食白粥...家下知衰....不過發現.....其實白粥都幾好味~得閒要買黎清下腸胃~(事實上我食左幾啖即時黎料~)



2013-10-21~22

Day 1~2---Part 2(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
話說我地出左開普敦(Cape Town)既機場禁區之後...領隊話我地架車黎緊途中既公路有交通意外...所以塞住佢黎唔到...調左第二部車俾我地頂住一日先費事等咁耐..本來都幾欣賞呢個做法...但架車黎到時....天呀...架車舊到不得了~~~出發行程了~~~坐左半個鐘頭車就黎到我地食飯兼景點既地方~間餐廳外圍真係靚到不得了~~~
阿娘...你隻腳做咩好似幼過我咁既.....

2013年11月10日 星期日

南非觀獸美食之旅2013-10-21~22第一,二天Part 1(晴天)

絕對少可星期日出blog~~~但由於星期一約好要去探mina的初生小寶寶~實無時間寫blog...但我又好想出南非文的情況下....wakakakka~~~~星期六:本身想去食祖兒...因為賽車...度度都無位泊...只好折返......去食泰富順->食飽諗住行番出中區睇gip...點知行過小公子婆婆家見到小公子陳下陳下係露台出現~~~即刻衝上去同佢玩~~~~~好開心呀~~~佢依家識行識走仲好穩架~~好可愛~~~我拍了短片遲下同大家分享~(還有柏柏的啦~)...->陪麥公子去食tree cafe作為下午茶~...->衝上朗公子家玩孖八~呢日可謂人貓狗都玩齊~滿足~~~~....->晚餐食左麥當勞的蝦堡...可惜這次換了醬...不是芥末醬...完全失色~....星期日:九記鹹餐->galaxy high tea->又玩孖八~..->cheap壽司(基本上整天都在吃~~~)



好喇好喇~出到南非之旅喇~~今次算出得慢喎~番左黎成兩個禮拜先出到~~~~今次既相其實得好少...我部相機908張+我的iPhone 51張+毛寶的lomo機94張+毛寶的iPhone 193張=1246張.....其實真係好少~毛寶影左直頭3筒菲林都無哥下慘~~今次呢個旅行一個字:懶~~~明明帶哂野話日日都要化妝先出黎玩...點知最後變成日日都懶想訓多陣一日都無化過~~~全個旅程素顏~~不過唔使驚~~因為全程南非都好好陽光~~~我日日都帶墨鏡~~大家唔會見到我驚嚇既樣~~唯一一張無帶眼鏡既相都遠到不得了的~~請放心收看~~(我終於明白點解大墨鏡係女孩子的恩物了~~~~~wakkakakaka~~~)...今次10月出發.....南非正值踏入春天~一個我唔太喜歡的季節~睇天氣報告....11~20度都有~即係~唔使帶咁多衫~但遮就一定要帶~



2013-10-21~22
Day 1~2---Part 1(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
由於飛夜晚機...又有時差~~太難介定邊個時間係第一日~邊個行程係第二日~所以第一...二日就放埋一齊講啦~~10月21日我地就坐夜晚8點15分船由澳門直入香港機場既船~上船前我地食左麥當當~~因為毛寶佢肚餓到lip左~~~今次出發真係特別~~~大家都未試過個gip咁輕既呢~~~~我都好似係得11.x kg~~我仲帶大gip添....(原因係無中gip..中gip媽媽用緊~)
華~~咩年代~~~件外套仲學人纏腰間~~~

2013年11月7日 星期四

小公子成長月記@2013年6月(8個月大)

唉呀呀~~今日起身都係頭赤赤......頭又痛喎......食左粒止痛退燒藥番工......成個人眼訓到呆呆下咁......唉....我部電話可以話宣佈玩完.......佢依家作為一個電話最基本既責任:打同接電話都係無聲.....我聽唔到人講野...人地都聽唔到我講野....唔該哂~



不經不覺~小bb來到了6月~即係8個月大了~~~哥日約左佢出黎食飯~~個樣擺明俾人整醒出黎食飯~~呆呆的~~我地送左隻玩具手錶俾佢都無反應~~~

2013年11月6日 星期三

熊出沒燒烤料理

哈哈~~~今朝食左我朝思暮想~夢寐以求既肥仔記雙雞翼薯仔米中辣~~~多謝小i請我吃呢~~~我覺得小i去買的特別好味架~~~唔知點解呢~~~~~朝早食到咁飽~我中午諗住乖乖的回家吃白麵包的....但係...咁岩線今日同朗公子一齊放點半....朗公子話係天狗蝕日喎~一定要同我出去食....所以....我跟左佢出去食拉麵~~~~~~~~好開心~~~~仲走左去自由行d野睇睇~朗公子問我:咁快又睇定出年呀??...我:唔係呀~我upgrade下自己d旅遊資訊之嘛~~~~哈哈~~其實我成日都攞黎睇的~~等自己keep住愉快的心情嘛~



澳門食任食烤肉既地方真係唔多~呢個以日式燒肉放題做主打既熊出沒燒烤料理係幾個月前開張~咁就去試下~....地址:澳門沙梨頭52AB楚昌大廈B....電話:2895 7168.....我諗最好訂位...我地食哥時食到9點幾10點仲有人等....依家我唔知呀下~價錢係成人:$228/兩小時.....如6點前或10後入座就成人:$198/兩小時.....都幾貴喎~之前見好多同事係fb洗板去左呢間野食....去試下囉~
最鐘意d女仔食野食得個樣咁狠勁~

2013年11月5日 星期二

光影遺跡

10幾日大假之後既第一日開工大吉~騎呢人都有唔少~不過頂得順就算無事~所以今日都仲可以叫做順利~~~~yeah~~~我依家期待緊明天~~~因為小i說要請我吃肥仔記呀~~~~點算呀~~~~好開心呀~~~~~我驚我訓唔著~~~~~



前排5月的時候...文化局係塔石既衛生中心度~搞左個光影遺跡~就好似之前既光影大三巴咁~用光黎投射係建築物黎做效果~上次係大三巴咁大面積~估唔到塔石衛生中心咁細都ok喎~

2013年11月4日 星期一

上海金牌小籠

今日仍在休假中~~悠悠閒~~起身去左食mctim...跟住去左陪毛寶朗公子佢地睇彊屍.....我真係唔係睇呢d戲呀!!!之後去左朗公子屋企同孖八玩~最後一天大假完了~明天要開始好好努力上班~~~~~~星期六:又去左食沛記~~...->跟貞去左唱k~~好耐無唱~~好開心~~...->食味藏~因為有人話好想食燒飯團->睇左盜海狙擊....唔錯地好睇~因為成套戲都好緊張~......星期日:去左MGM個cafe度食中午飯~又唔算太貴喎~不過服務麻麻~...->去文化中心看看展覽...以為有岳敏君個展覽睇~點知原來仲未有~~月尾先有~..->同屋企人食左稻庭養助食飯..咦~食夠$500送一板海膽喎~唔錯~...->約左唱溪合唱團飲野~係星際飲完野仲要去左cheap壽司度食宵夜~~~瘋了~~



hehe~係去冰島旅行之前~約左diana食左次飯~佢問我想食咩~我話:最緊要平~同好味~....我真係衰...俾個難題人~~不過哥期真係好窮~~~~哈哈~~diana介紹左我地黎呢間上海菜試試看~叫做"上海金牌小籠"....地址:澳門新馬路營地大街114號....電話:2835 6724.....

2013年11月1日 星期五

柏仔12歲狗仔生日會2013

今日係我係工作日既最後一日休息日~星期一係公眾假期...仲有3日~~~~盡情玩埋佢就乖乖開工了~~~~加油~~~今日節目異常豐富~~中午去左觀光塔南湖明月飲茶~~正正~~跟住就睇埋雷神奇俠2~不過我無睇第一集...唔係幾知講咩~不過都ok好睇~但係雷神裝備唔夠勁~~我都係鐘意iron man多d~~夜晚頭先去左食新野...COD入面既小南國...聽個個講都話好味~不過我地試過就覺得麻麻~之後仲去埋食糖水~~開心~



唔知大家記唔記得呢隻狗仔之前做手術?好左一排之後隻耳仔又再發炎...個cool仲大過之前哥個咁....可憐柏~

2013年10月31日 星期四

橫町

仍在休假中......但係今日同平時番早既一樣咁早起身....因為約左去做一個檢查....叫做經絡測試....之前聽某某人做個檢測係樣樣都係攞D....我仲要笑人.....點知我一做......幫我檢測哥個人話:正常個讀數最少要12至2x先做到架...但係...你得3咋喎..............................er..........跟住叫我出去坐哥部保健機30分鐘再番入去試下.....點知......都係測唔到....佢話我血氣非常唔運行.......er.........所以今日咁早起身係咩都測唔到的............................................唯一開心~~係測試完10點幾食左個麥叔叔既早晨全餐~~原來依家已經$26!!!



今日想講下呢間我好鐘意食既cheap壽司...係我之前去冰島哥期無錢又想食壽司~~我就會諗起佢~~~呢間壽司店叫做"橫町"....地址:澳門三盞燈光復街4A(置富花園)...電話:2821 7581....佢通常都係夜晚先開架~開既時候會掛個紅燈籠出黎~

2013年10月30日 星期三

小公子成長月記@2013年5月(7個月大)

hehe~今日同左媽媽去揀我既生日禮物~~估唔到.....揀連埋講價俾錢...只需10幾20分鐘就搞掂~夠快手~~不過聽日先攞到要改細d~~好想快d將佢放係我身上呢~~~~多謝媽媽~*3*....跟住我地去左食tree cafe~~成間野好似我地包場咁~~一個人都無~~~喜歡放假的感覺~~



Hello~我個名叫小公子~係杯子既女兒~我要介紹我5個月大個事喇~~~~(實際上依家已過一歲~~係姐姐寫得太慢~~)

2013年10月29日 星期二

文哥咖啡奶茶

好耐無試過係上班日放既假係真係休息唔係去旅行的~好舒服呀~~~~今日做左d平時番工唔夠時間做既野....例如去郵君攞野寄野咁呀....陪毛寶曬相呀~~去銀行呀諸如此類~仲去左食文哥~~~(咁岩線今日就介紹喇~)...終於食到!!!去過幾次...一係唔開...一係賣哂野~~~好好味~~



之前有某人向我大力推介呢間茶餐廳~~搞到我點都要去試一試~~~文哥咖啡奶茶~~~地址:氹仔施督憲正街老虎巷歡樂花園第6座J.....電話:2882 7078.....講真....唔算易搵~佢應該好左好耐....而附近我都行過無數次.....但我真係感覺唔到佢既存在~~係官也街最尾....有間好大間葡餐既....隔離有個停車場.....佢就係對住停車場的......去之前最好打個電話去睇下佢有無開!!!去4次試過有兩次都唔開的.....

2013年10月28日 星期一

南屏雅敍

hello~我番來喇~係度報個平安先~~~~~去左南非玩左8天~回來了~~~~~係南非短短幾日....將我由一個白面帥哥....曬到燶左番黎呀!!!!!!依家既膚色好樣衰!!!!!!!



又講又講又講呢間我好鐘意食既茶餐廳~~南屏雅敍~~地址:澳門十月初五街85至85號A....電話:2892 2267

2013年10月21日 星期一

媽媽生日2013@百樂潮州酒家

今日好輕鬆咁訓到11點幾起身....再執小小野~~........星期六:晨早出碼頭~毛寶送左個驚喜給我~真有心思~(有我fb既朋友仔應該睇過~)....->去左中環食野...不過一般....->行街...超攰...但其實行得唔係多喎~.....->哈哈~~5點鬆d去食爭鮮->6點已到紅館準備去睇何韻詩~~~~..........星期日:諗住去食文哥....點知佢話賣哂d野...點幾咋喎....行過隔離街食興記....無開!!!!點知最後去睇沛記...竟然有開!!!終於食到->周街行睇野->夜晚同左屋企人去食稻庭養助~



今年4月媽媽生日哥時~有一位同我地一齊去東歐既團友~話要請我阿媽食飯慶生~~揀左銀河入面既百樂潮州酒樓~呢次我地係去食晚飯的~

2013年10月18日 星期五

七公子聚會@師傅仔

hehe~28歲的最後一天~番工很順利~已經係很好的禮物~今晚同左媽媽去新葡京裏面既日夜咖啡廳食晚飯~好開心~~咁岩線隔離檯撞到我既小學同學~~~~佢仲同我講:我岩岩先睇完你個blog(笑)....仲話佢之前去台灣都有參考我的blog~~~搞到人地好開心添~~~hehe~~唔知佢係咪有睇我之前中學同學聚會篇blog.....佢話:我連小學d相都有~~我幾驚呀~~~~我已經唔記得自己小學個樣係點~~~~wakakak~



某天~公子約埋一齊去食師傅仔~~~~好開心~~因為我地今年約得齊人出黎食飯真係3隻手指數得哂~~難得呢日可以約齊出黎~~真開心~~~~師傅仔係食小炒既~~岩哂我啦~~可以叫多d餸share黎食~~超開心~~~d小炒由$40幾開始....多數都$60幾$70就有交易~價錢相宜~~而且佢大部份餸我都好鐘意食~~~~金菇肥牛煲~~有d咖哩味~~送飯一流~~

2013年10月17日 星期四

新東海美食(教主御菌軒正宗雲南紅河米綫)

今日都幾多野做.......仲要係又多又煩哥隻....不過算啦~~我當佢係我放大假前既考驗~~~~~考驗埋我聽日就放~大~假喇~~~~~~~好興奮呀~~~~~~等左成年既大假要來了~~~~~終於今日就上哂個課程~儲左12粒鐘~要再加油~



呢間唔講唔得啦~~~人稱澳門廚神既教主....係雅明商場附近條橫巷開左間以雲南米綫做主題既"新東海美食"....點都要去試試~地址:板樟堂龍安圍5號華龍閣地下A座....電話:6376 2059....或者6376 2069.....好似逢星期一休息的.....簡單d講佢就係我地充滿兒時回憶既鮮果撈舊鋪位~

2013年10月16日 星期三

氹仔車仔麵

今日又係有兩個鐘上堂~......下午又唔算話好多野做既...不過就硬係多煩野......最尾臨收工都仲有單麻煩野要搞..........希望仲有兩個工作日可以順順利利啦~~~~~明天星期四~又要去上公司d堂......好彩~係最後一堂~咁都有d安慰~到底幾時先上哂60個鐘呀~~~~~~~~~~~~~~~~~~~



其實我都幾鐘意食車仔麵....因為....揀既餸種類多~一款幾錢兩款幾錢咁~~~其實我不嬲都唔知邊度有車仔麵食架....係睇到皮皮係instagram post過出黎我先知.....但係呢間車仔麵唔知叫咩名架喎...好鬼神秘....門口無..上網搵都係無名....位於氹仔飛能便度街哥間喜蓮咖啡斜對住哥條巷仔直行入去就係......電話:2884 4225.....去之前最好打個電話問問佢有無開....因為佢唔開朝早.....夜晚亦都未必開......呢間野應該開左好多年...由唔知邊度搬黎的.....地方超小....而且...幾熱下

2013年10月15日 星期二

江記(雞佬)粥粉

今日有幸呀~~~可以上堂呀~~~上午只做個半鐘野~~~雖然有兩個鐘唔使做野....但係我仍然覺得好攰~~~可能我成個人成個情緒已經去左旅行當中~~~~~~~~好開心呀好開心呀~~~好緊張呀好緊張呀~~~~~~~~~~~~~好彩呢個禮拜番晏~可以睇埋拳皇先訓~~~~~就黎大結局喇~~~



今日要推介既係江記(雞佬)粥粉......地址:澳門柯利維喇街25號地下....電話:2836 9322.....夜晚6:00開到凌晨04:30....星期日唔開架~~哥日我地就係約左教我地ukulele姐姐係呢度簽保單~~係佢推介我地食的~~話:雞佬又平又好味~~...好~~黎會一會佢先~話實在~唔算易搵....ukulele姐姐之前黎過都搵左一陣先搵到~~