2011年12月20日 星期二

杯杯結婚新加坡印尼之旅2011-11-10第二天Part 2(天晴後有驟雨)

哈哈~~今日回歸日~放假~朝早起身懶懶閒咁梳洗好之後….就出發去左拜爸爸…因為後日係冬至嘛~不過我怕哥日多人所以提早今日去….哈哈~~我既決定係正確既~因為今日唔怕太多人~之後就去左發達食野~~好好味~~好耐無食過~~仲行左陣宏達..買左本書…同埋睇下d旅遊書~為出年既旅行做好準備~夜晚就食左媽媽煲既菜乾鴨腎豬骨粥~配上我最愛哥檔油炸鬼~正~咁就懶懶閒過左一日~~



2011-11-10
Day 2—-Part 2(新加坡->印尼民丹島)
哈哈~~之前掛住睇野~~時間只係岩岩好番到酒店~~之後有book左架車車我地去碼頭~去邊??我地準備出發去杯杯結婚既地方—->印尼民丹島(Bintan)~~






朝早仲係超好天既…………..下晝又落大雨囉…..唔係落大雨咁簡單…係勁大雷雨!!!好彩已經到左碼頭!!!!我地就係坐呢隻船過去民丹島喇~~




好彩落雨隻船都算幾定…因為我訓到癲左……大約一個鐘度就到左民丹島…新加坡同印尼係有時差1個鐘…..印尼慢新加坡一個鐘……..所以黎到…要將隻錶較慢一個鐘~感覺上多左一個鐘用咁囉~




到左之後就有酒店既專車黎接我地~我仲未講….我地今次住既酒店係:Banyan Tree Resort呀~~~~~~~~~~~~~~~~超級期待…因為間房有獨立泳池架~~(雖然我唔識游水~)….呢個係酒店大堂~都幾舒服~~一黎到仲有welcome drink飲添呀~~杯野飲有d薑味有d香茅味咁~~幾好飲~~~~~~
 
我係第一次去旅行住d咁高級既酒店咋~~~~以往我地都係慳住慳住架嘛~~~不過首要條件係乾淨!!



我地同inti…子慧同埋華華一間房~~我地個房號……佢地d地方超大….因為我地係住villa….間間villa相距都好遠….用腳行…….應該行唔到…..所以每次出入都要call車黎接我地…..佢地係用一d好似打golf哥d車黎接我地~






一入房…………….好靚呀個景………………………………………………………………….無言…..靚到癲………………..日落個景好靚囉……兩張相都係同一時間影同一個景….但唔同相機影出黎個效果係唔同既靚~


呢個就係我地既獨立泳池喇~~~~好靚呀….同個海好似成一直線可以游出去咁囉~~~~~



華….仲有廚房囉~~~~~~




我地間房張床呀~~公主feel的~~~~~~~





不過問題開始出現……1.其實間房好似好耐無抹咁…覺得好唔乾淨……2.有好多爬蟲….呢樣係我最驚…..不過佢有專人幫你入房搞滅蟲點蚊香……(依家佢依山而建….所以好多小動物…連蝙蝠都有…..)……3.個冷氣好嘈…嘈到癲…….4.週圍真係咩都無….唔叫佢d車你根本去唔到任何地方………..er……..如果你真係好愛大自然….呢度其實好岩你….不過…唔岩我…




又黑左少少~好啦…我承認…呢個有泳池既戶外景…的確係幾剎食既~~好靚呀~~






戶外仲有一大張梳化可以把酒談心tim~




我同毛寶就係住係呢間房喇~(一間villa有兩間房……共用同一泳池)




之後就係Banyan Tree裏面一間泰國餐廳食飯…第一次見到新郎健仔既屋企人….老實講…呢餐飯….食得幾有壓力…..可能第一次見面卦~

呢張相我係偷inti架…因為我地坐係d長輩堆到…咩相都影唔到呀…..哈哈~



成餐飯既食物唯一既一張相….(唔似我呀可~我費事狂影野食失禮人呀….)…..其實佢間泰國野真係麻麻地好食…….個冬蔭公湯可以話除左d蝦夠大隻…..其實係難飲囉……成晚最好味….就係呢個甜品喇~真係真係幾好味呀呢個~

裝住雪糕個”殼”好好味….好似用焦糖整成~好好好味呀~~隔離個粟米糯米甜品都好正~~



食飽飯每位女仔/女仕….都有一朵花插係耳仔度…..但係我唔咩咩原因呀……咁杯杯個婚禮攝影師就幫新郎新娘兄弟姊妹們影一張大合照先~我插住朵花好似傻仔咁囉….

介紹下先~~新娘就係左下角貌美如花既杯杯喇~~而新郎就係右上角高大威猛既健仔喇~~~~恭喜恭喜~~~~~~~因為第二日就係佢地既婚禮喇~~~聽日開始就會有杯杯d好靚好靚既結婚相睇喇~~~~~~~~由於要上頭….所以杯的爸媽同我地間房對調左…..之後因為我有d頭痛…同埋間房個電話根本係壞既call唔到車上去佢地間房…所以我地缺席左杯杯既上頭呀….可惜…..仲有一件恐怖野….就係調左房之後…………我地係洗手盤發現一隻超大隻既長腳蜘蛛呀……………….多得毛寶…佢話佢用哂呢一生既勇氣去打死隻蜘蛛!!!!佢真係好叻!!!好勇敢!!!!簡直係my hero!!!!!!!!!!!!因為我根本無能力去打死佢………………………….於是哥晚無野好做既情況下………………………超早訓左覺………………….杯杯就慘d….佢凌晨一點吉時上頭……之後三四點就要化妝出去影日出相……………..聽落都好眼訓……….密切留意聽日d靚靚結婚相呀~~~~





哈哈….
聽日又番一日工…
又再放一日冬至假喇~~
期待期待~
不過希望聽日順順利利啦~~
呢兩日都唔使番學…我覺得好舒服呀~



報時:距離聖誕節郭富城演唱會仲有—-4日~
聽講口碑唔錯喎~

沒有留言:

張貼留言