2014年6月4日 星期三

澳洲探險自由行之旅2014-04-01第十一天Part 3(晴天)

工作上今日特別多煩野~~~~~不過能順利收工都算不幸中之大幸~今日有個朋友請左病假....搵佢成日都無覆我...其實我認我有擔心左成日.........................(泣)



2014/04/01
Day 11---Part 3(悉尼 Sydney)
Fish Market好似有幾個出口的~咁其中一個出口有間蔬菜超市~咁我地食飽又無咩野做咪入去8下囉~擺係門口有d大西瓜~~真係好大~




都好似有幾多野買~大家都好有興趣睇下佢有咩新鮮野買~我雙眼淨係望見呢d一盒盒既小車厘茄~~一盒裏面好多唔同顏色既呢~~唔知會唔會唔同味呢~~重點要成50hkd一盒...所以我無買了~




仲有超特大的栗子~




好多生果買呀~~顏色好鮮豔呢~~~






跟住聞到有隻味好香好香~~~香到要追住佢黎聞~~~原來係芒果香呢~~Honey Gold Mango~~~依家睇番先知AUD9.99=69.9hkd一個!!!!!原來咁貴的~~~但我地無理~照買左番去~真係真係好香好甜好好味~不過我發現係澳洲食生果係一d都唔平呢!!




跟住行過茄子區......突然發現......頂~~~~好得意呀你~~~~好似有隻手仔咁既~~~好似同大家講:加油呀~~~~



行左超市~~最後決定~今晚係民宿自己煲雜菜湯飲飲~~~食左咁多日好野~係時候要清清腸胃了~(其實因為我地見到佢d蔬菜實在很新鮮~~~想吃吃~~)



咁食雜菜湯無理由淨係得湯架嘛~~咁買少少海鮮番民宿啦~試埋呢間Peter's啦~~生蠔我地無試佢呀...因為望落樣衰衰咁~我地買左另外一樣~~

跟住我地梗係搭的士番去啦...買左咁多野~又菜~又海鮮~仲有六支啤酒~~~(又有藉口~~~)呢程由Fish Market番民暫係AUD11.60=81.2hkd....以一程火車單人黎計AUD3.80=26.6hkd黎講.....4人的士每人只要20.3hkd....wow~~~仲平~~~仲舒服~~4人搭的士~唔錯~~~



放低d野....抖一陣(有幾攰呀你地~~)....咁佢地抖緊...我就負責整雜菜湯啦~~我切好哂之後煲落湯熄火焗住佢就再出去~本身諗住去岩石區(The Rocks)行下~但係呢~天氣好熱喎~同埋呢~再搭車去環型碼頭好唔抵架嘛~行又覺攰喎~~~於是我地就放棄左呢個行程喇~~~改左去唐人街(China Town)逛逛~~~~同我地民宿極近的~只需行落兩三條街就到~好方便呢~




重點既唐人街行程就係呢度~~~Diana推介我地黎買手信既鋪頭~~~日新海味行(Yet Son Groceries)...地址:Shop 1, 410-420 Sussex Street, Haymarket, NSW 2000, Australia....電話:+61-2-9211-3488....非常易找~在大街的~




又唔算十分大~但我想買既澳洲手信呢度都可以買哂~




必買手信一(我講我自己想買咋):鮑魚~非常多種類呀~




必買手信二:Nougat牛札糖~其實澳門800伴都有呢隻牌子買...不過細細包咁超貴的~分享下先~我地係Woolworth超市有見到相同的1kg包裝的....賣AUD32.99=230.9hkd.....哥時諗咁大包賣230hkd其實都好抵啦...不過超市咁近民宿~遲d先買~點知黎到日新.....相同的一包才AUD24=168hkd!!!!!!!!平好多喎!!!!!!!!1kg我地數過....最少哥包有12x粒...最多哥包有143粒(因為口味不過而唔同重量)!!!!做手信一流!!!!




必買手信3:果仁....仲要係鮑魚汁味哥隻~~~~睇下將枱.....好似唔使錢咁呀班人~




將頭先日新買既野攞番民宿先~再出黎去超市買排骨煲湯~買完出黎~悉尼的日落好美呀~




民宿影出去的日落~




睇下今日既戰利品先~~~都幾克制喎~右上角米黃色那短是綿羊油潤唇膏...一盒12支才AUD40=280hkd...一支23.3hkd...買黎做手信岩哂~仲平過去萬寧買萬秀雷敦啦~.....日新連呢d都有得買真好~~~




鮑魚汁果仁....大的340g賣AUD14=98hkd...小的125g賣AUD5.50=38.5hkd...細的做手信好好~雖然大包既抵d...但係我都建議係屋企食都係買細包...因為我發現我屋企哥包一番黎開左....擺到依家仲未食哂又有用夾夾住開口加保鮮袋入住既情況下....有少少變得無咁好味喎....所以細細包細細包咁食一包包開會新鮮d~




三文魚XO醬係Diana熱烈推介的~佢話次次番澳洲都要買....用黎撈麵一流!!我梗係信佢~一樽200g賣AUD6.50=45.5hkd...比起平時用瑤柱做既XO醬呢個平好多~而味道真係差唔多的!!!用黎撈蝦子麵呢類麵真係極品!!!!番黎食左一個月左右我就食左一樽~真係好好味~大推~




鮑魚佢都有好多種的~我好鐘意食呢隻....我之前係澳門都食過好多次~~因為我媽媽有個朋友住係澳洲...佢係澳洲番黎實係買呢隻做手信既~~~幾好味架~~有埋汁既~~一罐有4隻~唔錯的~AUD24=168hkd




左邊罐哥隻青邊鮑無汁的...AUD40=280hkd....右邊的係有汁的...AUD37=259hkd....呢兩罐大罐d...而且裏面隻鮑魚都大隻d~




我同毛寶同朗公子每人買左1kg既Nougat....唔同味~因為我地想share~好叻~幾錢頭先上面講左啦AUD24一包~其實佢有一包係綜合口味的..不過有d味我地唔想要所以就咁買3包唔同既淨味....綠色係綠茶味...我媽指定要我買...因為佢有個fd好鐘意食喎....不過我覺得一d綠茶味都無~唔建議買呢隻味....藍色哥包係有果仁既Original味..軟身的......祖紅色哥包係Original味既硬身的......我鐘意硬身的毛寶話佢鐘意軟身的~

如果你買得多野就問下佢有無得平d啦....因為有d佢有減價俾我地!!(雖然佢串串地但係問下無妨)...而且有得退稅(鮑魚無)...但唔記得過幾多先有得退...買哥時問問(但講明退稅要hand carry入禁區)



今日行橋既證書同埋合照一張~(包埋的~)




哈哈~~~我地咪俾佢影左短片既~~~佢俾我地d相就係哂呢隻USB入面~~~~~好抵呀仲送埋USB~~~~




hehe~~我最鐘意既鉛筆~左邊係開恩茲機場買的~右邊哥支係開恩茲既Woolworth買的~




hehe~今晚晚餐~~~~左上係下午食淨的..話唔係幾好食的BBQ Grill.....加邊就係Fish Market間Peter's度買既凍蝦~差唔多買左1kg~AUD29.55=206.9hkd....真係幾多隻下的~蝦肉質地結實~正~我地用豉油同wasaibi~仲要加d檸汁~好好味~個雜菜湯我煲架~~~一大煲~飲哂.....我想表達....我就咁係超市買d急凍排骨煲湯......d煲完湯既排骨.....好味到癲...係真係好好味....我從未食過咁好味既煲湯排骨!!!!令我煲湯都好味不少!!正!!!!澳洲既蔬菜又係不得不讚!!!







2014/06/04的開心事:
雖然好攰~但係訓晏覺時訓得好林~~
沉睡哥隻...下午番工心情又好少少~



報時:距離日本東京自由行之旅2014仲有---18日~
呀~
我又幾乖喎~
我噚晚有開始睇地圖~搵路~
有幾個方我可以唔使睇地圖都識行喇~
好叻~
好~要繼續努力~

48 則留言:

  1. 你地搵到果隻茄子相當型, 咁都俾你地發現到, 真係醒! 我都覺得買野返去整黎食有另一種風味, 至於濕平咯喎, 真係搏D遊客唔得閒格價架. 我都試過係台灣買黑糖薑母茶同大家都必買既手信, 唔同地方買, 真係差價可以好遠.

    回覆刪除
    回覆
    1. 哈哈~~係毛寶睇到架~~~
      係啦....有時D野真係要格價囉...襯唔知唔見原來賣貴咁多~

      刪除
  2. 下次我去澳洲, 都要去買些手信

    回覆刪除
  3. 超特大的栗子...好正呀

    回覆刪除
  4. 澳洲 *☁藍天白雲 +超豐富的美食當前...我看飽都好滋味呢

    回覆刪除
  5. 仲有---18日\(◕ヮ◕)/

    回覆刪除
  6. 小t, 我一氣睇左兩篇, 好好睇, 好有一氣呵成o既感覺, 但一路睇一路好想搶妳野食bor, 呵呵 ^0^
    妳就好啦, 受得咁多生蠔, 可以試到咁多款味, 我腸胃好敏感, 唔敢挑戰佢o既極限呀 >.<
    隻usb好靚呀, 仲有咁多推介手信, 下次再去澳洲要刨番呢篇跟住買先得 ^.*

    回覆刪除
    回覆
    1. 哈哈~~~我會再勤力D出blog架喇~~~~
      哈哈~~~咁我又真係好享受生蠔既~~不過你好慘呢...會肚仔痛呀?
      我下次去都要睇番~等我知道有一間咁既手信鋪唔好買錯~

      刪除
  7. d水果好正呀,個西瓜大到咁都唔知要幾多人先食得晒,芒果貴就貴d,但我都會買,去旅行就係咁,貴少少都會試吓!!!!
    嘩,乜個BBQ grill變成咁款呀,哈哈,原來你煲湯咁叻!!
    隻USB好靚呀 仲有個cover,開心死!!!!!!!

    回覆刪除
    回覆
    1. 所以我地無買啦~~~重屎我囉~~~~係呀見旅行咋~平時唔會買~~~
      哈哈~~林哂呀~~~~以~~~讚人既~~~
      係!!今次抵哂喇~~~

      刪除
  8. 食唔晒呀~~~留番少少等我幫妳食啦........哈哈哈

    回覆刪除
  9. 澳洲的蔬果新鮮大份又價錢平, 正~~ 好多手信呀, 一定夠分俾所有親朋好友~~

    回覆刪除
    回覆
    1. 平就唔算平...不過又真係幾好味既~~

      刪除
  10. 作者已經移除這則留言。

    回覆刪除
  11. 我估唔到你哋會數一包糖有幾粒係裡面,仲要數咗幾包。哈哈。

    黑魔女都幾好睇嘅,我覺得

    回覆刪除
    回覆
    1. 哈哈~~我地一人數一包既~平均share番d味嘛~~~~
      我可能今個禮拜去睇~

      刪除
  12. 隻矮瓜好可愛,估唔到你咁有童真

    回覆刪除
  13. 好叻,煲湯都掂,加埋聰明靚女,一定嫁得出!
    你又令我好期待你嘅日本之旅喇!

    回覆刪除
    回覆
    1. 好衰架好衰架~~~讚人既~~~(無第款湯架喇~~~)
      hehe~~~要出埋馬拉先到日本喎~~~

      刪除
  14. 我好鐘意你幅矮瓜相呀, 好過癮呀~~~

    你幾時出埋烹飪blog呀, 我想知你啲雜菜湯點整

    回覆刪除
    回覆
    1. hehe~毛寶影架~~
      唔係下嘛~~~~~~~~~~~我淨係識煲雜菜湯架咋~~~~同埋味道應該係愛我既人先會話好味~~~wakakakakakakakkka~~~~~

      刪除
    2. 哈哈, 我今日無聊又黎度呢個BLOG, 睇返原來第一張毛寶拎住西瓜張相好搞笑,好似細路比亞媽發現佢做衰野個樣~~~HAHHAHAHAH(毛寶唔好打我呀!!!!)

      刪除
    3. waakkakaka~~原來佢個樣真係咁鬼祟~~~~

      刪除
  15. 毛寶好似偷西瓜咁,好搞笑
    茄子先生好得意呀,HELLO,你好!
    我要飲雜菜湯同食蝦呀。咦~~你好衰,成日搵啲蝦嚟引人~~

    回覆刪除
    回覆
    1. 偷西瓜仔~~佢個頭都成個西瓜太郎咁~~~
      哈哈~你讚毛寶啦~佢整架~
      hehe~等你成日話蠔忍唔到你喇~~~~

      刪除
  16. 原來小t也懂下廚很棒唷

    回覆刪除
  17. wakakkakak..毛寶個樣好似想偷走個西瓜貢ar!!! 搞笑...
    真係去番原產地買手信抵好多, 唔掃多d真係對唔住自己...又鮑魚又salmon xo醬真係好happy!!!
    生果雖然貴, 但旅行同埋又唔會有機會成日食到, 幾大都買黎試AR!!!!
    仲以為澳洲人都應該幾nice, 佢地貢hea又慢活...but睇到而家為止..似乎唔多ok 貢..

    回覆刪除
    回覆
    1. 無錯~佢係偷西瓜人~~~
      無錯無錯~好彩我朋友有介紹俾我咋~
      係呀~通常貴野去旅行先試的~
      er....其實塔斯最尼亞同開恩茲d人都唔錯既....悉尼就真係......................

      刪除
  18. 我覺得最大的那個西瓜,有可能重過毛寶喎!
    您D鉛筆好靚。
    講真,未見過您親自下廚的照片囉!

    回覆刪除
    回覆
    1. 無咁誇下嘛~~
      我好鐘意的~
      有呀~~~~~之前有出過架~~~

      刪除
    2. 要出多D美女廚神造型嗎!

      刪除
    3. er~~~唔好喇~~~好攰架~~

      刪除
  19. Hi小t做妳朋友真好!佢病咗、妳都擔心咗成日!比個like妳!好攪笑毛寶個樣好似偷西瓜咁!咁大粒粟子我第一次見咋!好多款生果賣呀!但價錢都唔平曪!妳地都買咗好多手信喎!行橋張證書好正呀!好勤力喎!咁快就搵定去日本d資料!好叻叻!bye!!!!

    回覆刪除
    回覆
    1. 不過都無買粒栗子試呀..都幾貴

      刪除
  20. 好呀~~~妳講架,我飛~~~~~~哈哈哈

    回覆刪除
  21. 茄子仔好可愛,好似講緊加油、加油 ^.^

    回覆刪除
  22. 嘩,甘快下轉就去東京真係好,個西瓜大到呢!

    回覆刪除