2014年12月30日 星期二

小學同學聚會@滿堂彩Beijing Kitchen

今朝一起身就見到自已塊面紅哂!!!一餅餅咁紅..仲好痕...咩料呀~~~~~~唔通關我噚晚食既小上海鍋貼落左好多辣事~~~~~~哈哈~下次唔敢喇~~~~~但唔好敏感面迎新年啦~~聽日要好起來呀~



7月的時候....約左一次同學聚會....呢個同學聚會比起上次既中學同學聚會d人識左更耐~~~~呢班係小學同學黎~仲搵得番真係好勁~.....約左去COD入面既滿堂彩(Beijing Kitchen)食飯...之前食過一次覺得麻麻...今次食又有d改觀喎~木烤蜜汁叉燒 $102....又唔錯喎~肥瘦適中~不過幾貴~得幾舊~

2014年12月29日 星期一

南亭串燒(Nan Tei)

今日又係預料日既多野做~星期一嘛~上個禮拜又開得一日咁大把~~~~~星期六:食左蓮勝->行過附近有間小食店叫任君選擇~賣炸野食的~係濠江小學附近~佢d炸雞翼真係幾好食....只係賣$7兩隻~3大隻炸雲吞都係賣$5~抵食~d野食即炸的~好岩我~....->夜晚去左睇表演呢...文化局請左西班牙既柏希斯舞蹈團(Maria Pages Company)黎澳門...係表演Flamenco的~我地俾$75買飛(其實澳門呢d表演真係好抵睇的~)..最後upgrade左我地坐地下區$250既位....真係好抵~有一part我真係訓著..但整體表演係幾好睇的~..........星期日:九記...個豬扒米好味..但極不夠飽->又訓晏覺..真係好正->味藏食鱈魚豆腐煲..同埋佢d餃子和燒飯團真係好好味~叫多個炸豆腐先$297...算係幾抵~



話想試左南亭好耐.....係食日式爐端燒的....因為食過既人都讚好......點解的起心肝仔去食?係因為當時22:30後係宵夜時段....佢指明既串燒半價(但要兩串起...即係買一送一?!)....咁味去試試囉~地址:澳門馬濟時總督大馬路274號地下....電話:2875 5331.....都幾多人~最好訂位




2014年12月26日 星期五

最後的柏仔日記

聖誕節後...Boxing Day我地已經要番工...呢段聖誕節有開心有唔開心的......唔開心既係.....柏仔係我地去台灣旅遊時......離開左我地喇........;[



今天想說說柏仔與我們的點滴.........跟你認識既時候你只有3歲!!!好神奇....看著你長大.....你是我認識的第一隻班點狗


2014年12月19日 星期五

2014年7月香港遊

野~~~~~野~~~~~~好開心呀~~~~~~我終於都捱過左呢個禮拜喇~~~~~~本身呢個禮拜我難過架~~chlo仔又放左假~i子又番北區....無人陪我玩~朗公子仲今日放埋假~~天無絕人之路呀~~~今日凍呀~~落雨呀~~好少人黎咋~~同我想像既畫面相差好遠~~~即係話呢~~我要放聖誕假喇~~~~~~~~~頭先放工走左去食小泉居...幾反高潮呀~~因為落好大雨唔想行黎行去~~跟住去左宏達諗住搵下霍金本時間簡史...點知佢話:依家無貨......hehe..鬼叫我都係襯呢個熱潮去買既咩~



事緣就係咁既~我地因為諗住無啦啦好想做一樣野...所以7月又過左次香港喇~~又係一早坐船過到去~係誠品睇左陣書...等住8樓既Caffe Habitu the Table開~你無睇錯~我地係睇住佢開~真係好早~一開門就衝入去食野~~(好肚餓)




2014年12月18日 星期四

MJ Cafe

今日番工方面都未有暴風雨黎到.......但小孩子明天開始放聖誕假...我好驚呀~~~~~~~我地都係番埋聽日咋~~跟住就開始放聖誕假喇~~我要加油埋聽日呀~~~~~~~~~~~



呢次試左久仰大名既MJ Cafe...(MJ=Michael Jackson)...地址:澳門十六蒲酒店一樓.....電話:8861 3051.....好似有唔知一定兩小時免費泊車~去之前自己打去問下(不過我打去問哥時哥個野答我:我都唔知呀........我:咁你唔知可唔可以幫我問下????.....我從未遇過一個酒店接線生咁答我)....點解會名仰大名但又無啦啦會去.....我覺得可能因為哥期毛寶買左佢隻精選碟然後成日係車煲所致~~然後要去朝朝聖...入到去....一個人都無....烏蠅飛過都聽到......d櫈都坐得勁唔舒服...腰骨都痛埋(老喇老喇~)


2014年12月17日 星期三

新海灣葡式美食

我今日都係好攰呀~~~不過今晚晚餐係阿媽煲既洋蔥雞湯~好正~仲有兩日咋!!仲有兩日我就可以捱過厄運與我同在既日子~~~~~~加油豬~~~~



又係公子食食食時間~~之前因為有幾個公子行過呢間餐廳知有石燒牛食之後.....臨住入去食....點知超多人無book枱無得食.....而哥時係7月...呢間野8月份成個月放暑假既情形下...急急腳約齊馬去試吃~(難得既係急急腳約都齊人喎~).....新海灣葡式美食...地址:澳門倫敦街88號環宇豪庭地下及閣樓Z座....電話:2875 1465...6698 4849......地方真係好細..記得要訂位



2014年12月16日 星期二

小公子成長月記@2014年7月(一歲九個月大)

今日同噚日比簡直係一個天堂一個地獄!!!雖然我今日放工個膊頭都係好痛~同埋遇到一個低能無極限既後生仔...但係我真係好安慰~~~我會俾心機捱過埋呢個禮拜架喇~~~~~因為前面有好多美食等緊我呀~~~(但我個口角生緊瘡瘡~)



7月我做過d咩呢~無咩點見過小公子喎~我好鐘意見到佢同柏仔老友狗狗既相~~係咪有隻小動物一齊成長會開心d既呢~~~但係你使唔使笑成咁呀~~~我發現連6月小公子blog都無出過呢~~~

2014年12月15日 星期一

瘋瘋帥帥的七公子

今日唔係一個普通既星期一....係一個有厄運與我同在既星期一......我真的累壞了.....最遲哥時遲成30分鐘....無野講.....今晚仲約左舊同學出去食飯.....咁攰都仲出blog係我不吐不快~~~~希望快d捱過呢個禮拜啦~咁就到我威威喇~星期五:夜晚係皇都酒店既Fado開公子聖誕趴...呢班人真係好瘋~~~~~星期六:CA4E on 4午餐..偷聽到唔知係咪Singing Bean會上黎...咁我地個後花園咪無左囉??->番屋企砌玩具~同埋幫佢地影靚相~我媽送我的禮物~我好喜歡~多謝毛寶幫我剪頭毛~~....->食左李家韓燒..飽飽~嗝~...->去左睇霍金:愛的方程式(The Theory of Everything)...星期日:去左氹仔食沛記->行金沙城->下午覺->海榮



今日又黎講下帥帥又瘋瘋的七公子~(岩岩開完福哭袋臭下個熱潮)...呢日個主題真係幾好笑~~(呢張都有主題架~點解貞公子企中間...睇下顏色就知..我地哥日好夾.....單一色哥個企中間...兩個白色傍住佢...再有4個黑色做外圍~但無事先溝通過著咩色~)


2014年12月11日 星期四

孖八-二零一四年七月

今晚開始又番凍喇~聽日著多件衫呀~~~同埋我覺得要食飽d囉~~(但我見到我今晚碟飯就慘喇~~~我覺得會唔夠飽~~)....今日就唔算話好多野做既...但係.....全部都係好煩既野!!!!今日真係好費心神........搞到我有d煩燥呀今日~(不過咁燥好大程度係因為我中午打去某酒店中菜部受到無理由對待所致)



7月上去探孖八.....wow.....肥仔到你~

2014年12月10日 星期三

鼎泰豐

今日都係多野做~~不過多野做有多野做既好~就係時間快過d~~~我依家好緊張呀~~~我好想快d去台灣食野~~~同埋好想快d到星期五呀~~~公子聚餐~~



7月份哥時Diana就黎生日哥時我地約一次出黎食飯...適逢澳門新開左鼎泰豐...咁我地就去試下囉~地址:澳門路氹連貫公路新濠天地二樓蘇濠....電話:8868 7348....當時仲係試業階段呢~人流唔多~當時d侍應由各省各地來澳門幫忙開張....台灣呀上海呀都有~



2014年12月9日 星期二

御殿越南料理

放左3日假...預左多野做...不過係估唔到做到個人就黎枯萎.....................星期五:獲利回吐~超多野做~...->放工去左買福袋->去蘭花食泰國野->睇出埃及記:神王帝國(Exodus:Gods and Kings)....星期六:食左高妹的豬扒魷魚粉絲~正~..->表妹畢業影相~呀~大個女喇~...->去左飲湯~好耐無飲...飲開哥個成$63..貴~..->燒雞柳終於有開->有飲宴.......星期日:去左食pokka...但我覺得依家d野食無咁好食仲貴左....->夜晚同左表妹食榮江和行街街....星期一:放假嘛~約左貞朗寶一齊去唱午餐k->原班人馬+麥公子係水晶廊high tea~...->我好乖呀~整理哭福袋~準備星期五的瘋狂公子聖誕派對~希望快d到啦~一定笑瘋~



6月哥時...成日行過新口岸就會見到呢間新開既越南野....叫御殿越南料理...地址:澳門布魯塞爾街116號,馬濟時總督大馬路279和285號地下AD鋪....電話:2822 8238......成日行過都話想食....(我諗十成十我係俾佢外觀吸引)


2014年12月4日 星期四

御滿糖

依家真係好開心~番埋聽日~星期一就係公眾假期喇~~~即係連放3日~~~~~~~加上今日凍呀~人潮減~~整天都在想去台灣要食咩~~~~~~~野~~~好開心呀~~~~~~快d到聽日放工啦~~~周末行程排得滿滿的~



通常同冰島團友食完新老地方呢~都會去呢度食甜品既..唔知點解呢~~可能行番出黎順路卦~~~呢間甜品店叫御滿糖...地址:澳門渡船街2EC號好旺閣A座地下...電話:2836 5365....裝修係幾靚架~

2014年12月3日 星期三

新老地方美食

天氣開始番凍喇~~~今朝我都唔願起身番工~~~~~今日下午做團體呀~幾開心~唔使叫出面d籌~唔使煩~今日有一件事係好開心好開心架~~~~~~~~拉落最後哥時講~~~~



前幾日睇左咁多西餐~今日食番d中餐先呀下~~~呢間係我近期很愛的小炒~不外乎價錢合理同埋好味既je~~叫做新老地方美食...地址:澳門關閘馬路泰豐新邨大豐銀行石級平臺上第三座P鋪...電話:2843 5064......兩次去食都話無得訂...唯有早早去霸位啦~(你睇下個天仲未黑~~)..係早到6點去到~
唔算乾淨~見過有小強行黎行去~

2014年12月2日 星期二

澳門咖啡葡國餐廳Cafe Ou Mun

本身今日凍呀~諗住偷下懶唔寫野架嘛~~但係呢~~我實在禁不住我開心既情緒....要悄悄大大聲地說:今日抽左假喇~~~~我想要既抽得中呀~~~~真係第一次咋~~~~~~~~~~~~真係好多謝大家幫我祈福~~~也多謝朋友們在whatsapp祝福我抽到~~~正確黎講唔係我抽~係老細抽到我~多謝老細的好手氣~~~~~~~~~~~~~~~~~~~~~~~~~也謝謝老天爺爺~~~(靜悄悄地著手出年旅行d野先)



今日講既...又係葡餐~~~大家頂得順無~~(我都唔知點解哥排係咁食葡餐既~~hehe~)....澳門咖啡葡國餐廳....地址:澳門新馬路板樟堂巷12號豪興大廈A座地下...電話:2837 2207....不過食過兩次都唔使訂位~呢條街真係好多間野食~



2014年12月1日 星期一

Candy Cafe

我噚晚訓得好差...係好差.........喊喊~今晚早d訓先~...點知今日番晏有兩個同事番唔到.....由我同chlo子頂上OT一個鐘~星期五:本身話抽假結果無抽~害人緊張了一整個下午~放工去食飯...終於試左傳說中既雀仔園何伯...er...但我覺得好一般....雖然好平...但舊牛扒d肉真係好鬆弛.....可以講話唔好食~...->期待左一星期既飢餓遊戲終極篇~~~......星期六:中午過左氹仔食興記~少可會唔使等位~...->又行左陣威尼斯人->夜晚食左和花亭...不過食完好似無食野咁~...->行行800伴~呢日行左好多街...我真係好勁...真係無野買架喎~~..->番左屋企睇Alan入行40年哥個電視節目呀(唔係Alan Po呀係Alan Tam呀~~~)....佢一路唱我一路跟住唱...唱到high哂~....星期日:中午又去左食水晶廊->去左買starbucks焦糖咖啡->去左文化中心個大空地坐係度飲焦糖咖啡~~哥刻我竟然覺得好舒服~~有少少去左旅行既感覺~(可能係咖啡因作祟)->行文化中心->夜晚同屋企人食左權昌



6月份既時間去左雅廉訪既Candy Cafe分店~總店開係東望洋的....哥時我都有去過..不過哥時岩岩新開....咸食無咩選擇..所以都無開文去寫(查實我都唔記得有無開文去寫添~記性差~)....依家開左分店...聽人講唔錯就去試下~(通常人地試左話好我先去試~~我好驚觸礁的~)..地址:澳門雅廉訪大馬路46-A雅廉花園地下....電話:2855 4539....新店比總店大~不過都有好多人去下!!好彩有麥公子早左去霸位咋~




2014年11月27日 星期四

順德菜館

唔知點解今日訓醒哥時好似未訓醒咁...可能訓得唔係幾好...番左兩日工...唔知點解個膊頭好痛~~~頂住呀~~~明天星期五了~~~~~好開心~~~~(呀~~~~不過嘆完兩個禮拜番晏之後下個禮拜就換番早喇~~~~~~~~~~)



又是七公子瘋狂的吃吃吃時間~因為之前毛寶同屋企人食過....話唔錯~所以就去食食~叫做順德菜館~以前開係新口岸架..依家搬左係橫巷入面...地址:澳門新市巷2-CA號蓬萊閣地下...電話:2875 7367

2014年11月26日 星期三

柏仔13歲生日會2014

救命呀~~~今日番工最大既衝擊就係!!!!!!!!!!!派左mark假張紙喇~~~~~~~~~~~好驚呀~~~~~~~~~出年既旅行食粥食飯都係睇呢鋪喇!!!!!!!!!!!(今日成副精神都係哂張紙度~~~)......大家可否集氣支持我順利抽中呀~~~~~~~求求你呀老天爺爺~~~~~保佑我呀~~~~



每年的5月都係狗仔柏既生日月!!!!!!!係咪等左我地同你開生日會好耐呢~~~~一年一次的生日會~你有無期待住呀~

2014年11月24日 星期一

奧波爾圖(O Porto)

見我呢個時間出blog都唔慌好野....噚晚個頭真係痛到好鬼難頂...又嘔.....頂唔順去左睇醫生...唔知點解我依家d頭痛咁鬼襟痛....痛咁多日都唔好.....星期五:好難我先捱到放工時刻...生理痛+頭極痛...食左藥都無效...多謝Chlo子幫我按膊頭令我減輕痛楚!(也謝謝i子星期五幫我買了肥仔記~~~)->夜晚係凱公子生日會呢~公子呢年既生日會完成哂喇~下年又重新黎過~.....星期六:本身諗住去食文哥..點知澳門哥間無左...轉左去食南屏~今次舊蛋治極厚!!!->休息~休息左成個下午~....我呢個禮拜要溫習番飢餓遊戲1..同2集~~所以我決定留番下個星期先去睇~...->食左美麗街哥間鬼丸~..->行藝墟....星期日:起身又頭痛...唔知搞咩->去左食上個星期覺得好食既樂廚Enjoy Deli..但唔知點解驚豔度大減->睇左別相信任何人(Before I Go to Sleep)->訓晏覺...毛寶話我訓左差唔多成兩個鐘..但係訓醒好呆出哂汗+仲係頭痛->夜晚食左麥當勞同埋去左買褲



今日要講既餐廳叫奧波爾圖(O Porto)....聽個名已經覺得佢係食葡餐~~哈哈~~~地址:澳門劏狗橫巷17號地下......電話:2859 4643(星期三休息)....唔單止街名有d騎呢喎....連搵起上黎都有d難搵~以前有公子住開哥頭都搵左好一陣子先搵到~點解要黎呢間餐廳食既呢?我完全唔記得點解...淨係記得公子們約得好急...但亦好快成團~~~建議打電話訂位~因為鋪仔細細~座位不多~好似幾家庭式咁~




2014年11月20日 星期四

沖繩陽光海灘海鮮自駕遊之旅2014-10-01第五天(晴天)

噚日係執相日.....有成1300幅相係電話過落電腦度...搞左成晚~順勢梗係偷懶啦~~~~今朝阿媽同我講佢唔開心....問極佢都話無野.......所以今晚咪諗住帶佢出去食餐飯散下心囉.....之後我估中佢唔開心d咩......搞到我都有d想喊...........不過雨過天晴啦~~~講左出黎唔準再唔開心架喇!錫哂你*3*



2014-10-01
Day 5(日本,沖繩 Japan,Okinawa->香港Hong Kong->澳門Macau)
呢日我幾醒呀~最尾一日我最早起身(其實日日都係~)....最快搞掂自己~就行落便利店買早餐俾大家~我淨係食左個飯團咋~媽媽要飲咖啡和飯團~毛寶話想食乳酪...我仲懶醒以為哥杯係益力多味既乳酪....點知原來係益力多味既布甸~~~~~~不過都幾好味~

2014年11月18日 星期二

沖繩陽光海灘海鮮自駕遊之旅2014-09-30第四天Part 4(晴天)

好開心~今日雖工作唔算個個case都順利~但都解決到~都好好呀~做人唔好貪心啦~~~今日整天都很飽飽~早上夾麵包吃~中午約左chlo子i子去新葡京飯聚~好開心~...夜晚媽媽煎韓式餃子~~仲有泡菜和米酒同吃~~一流~



2014-09-30
Day 4---Part 4(日本,沖繩 Japan,Okinawa)
行完陶瓷鋪就到了晚飯時間~我地揀左旅遊書有介紹的肴菜~食沖繩料理的(因佢影既相片太吸引了~~~~).....地址:沖繩縣那霸市久茂地3-26-3....電話:098-866-9672...營業時間:17:30-23:30....由於係國際通既後幾條內街度...雖然有d九曲十三彎咁先行到~但係毛寶又係很有自信的就咁帶我地行過去~~~(google map的威力)

2014年11月17日 星期一

沖繩陽光海灘海鮮自駕遊之旅2014-09-30第四天Part 3(晴天)

我今日超爆勁眼訓~~~~~想知點解睇下我星期日做咩~~~~星期五:同公子們去左權昌打邊爐~諗住血吃..點知已經無第一次咁好食~..->星期六:試左間新既泰式cafe叫樂廚...本身係為左佢個冬蔭功湯米而去既~點知反而最好吃係甜品!!驚喜!!->睇單身男女2...其實有d夾硬搵野黎做..而且我都估唔到咁既結局~(不過睇開又想再睇)->舅父生日去食飯~....星期日:謝謝Diana送左賽車飛俾我地~但估唔到毛寶興致咁高~由第一場...睇到第三場...第一場賽既時間係...........9點.................................->味藏午飯...依家周六日無lunch set..失望->番佢屋企小休...我真係訓著左...好眼訓->睇最後一場賽事....呢日真係曬到飛起!!!!!!!!->晚上係屋企食大閘蟹...謝謝毛寶!!



2014-09-30

Day 4---Part 3(日本,沖繩 Japan,Okinawa)
好喇~離開水族館之後我地去尋吃的~有無少少尋幽探秘feel??有d似哥時去左澳洲咁~~~哈哈~~事實上呢間野既位置又係幾神秘既~係公路去到某個位見到佢個餐廳牌跟住行~一路上山~~左轉右轉先到~

2014年11月13日 星期四

沖繩陽光海灘海鮮自駕遊之旅2014-09-30第四天Part 2(晴天)

今朝早去左山頂抽血~噚晚12時後不可進食~所以我今朝一起身我覺得特別肚餓~~(其實明明日日12點後都係唔食野架啦~~)......早左10分鐘上到去...點知個號已經過左~~~望住支筒不停咁吸自己既血出黎.....真係覺得好怪模怪樣狀~今日賽車~人很少呢~



2014-09-30
Day 4---Part 2(日本,沖繩 Japan,Okinawa)
繼續水族館之旅~~~~隻龍蝦大隻到....又係成精~(但其實我心裏面係有偷偷諗話唔知食佢既話d肉會唔會好老~~)

2014年11月12日 星期三

沖繩陽光海灘海鮮自駕遊之旅2014-09-30第四天Part 1(晴天)

今日天陰陰的~~~唔算多人黎玩~~~通常一到某個時候.....你可能就會話:華..又到xx喇....咁快又一年喇~真恐怖~..........相信澳門用得最多既可能係(我自認為):華..又到"賽車"喇??咁快又一年喇~真恐怖~.....係呀~每年11月澳門都會有賽車~全澳塞車節~一到賽車就會好明顯地感到又一年~因為係年尾~~~~~以前番中小學時會停課添呀~~好正~~估唔到澳門咁細地方~咁都有賽車~...估唔到澳門咁細~出年連續第9年派錢...................聽日同後日大家早d出門口番工呀澳門朋友們~(如果可以行..我覺得行係最實際)



2014-09-30
Day 4---Part 1(日本,沖繩 Japan,Okinawa)
華~有人個早餐幾豐富呀~我反而呢日好似無食早餐咁既?!

2014年11月11日 星期二

沖繩陽光海灘海鮮自駕遊之旅2014-09-29第三天Part 3(陰天及後轉晴)

今日怎麼了~~~~~~~好多野做...而且好似每個都未訓醒咁....每講一句都:下?????............點解成日都唔留心聽人講野呢????噚晚咪食午餐肉既~~好正呀....因為我地煎左係沖繩買番黎既減鹽hot and spicy口味~而佢隻辣味係源Tabasco~~~好好味呀~~~~一啖午餐肉~一口Tabasco味~~~正~~~我好想下次去沖繩買多d午餐肉番黎~



2014-09-29
Day 3---Part 3(日本,沖繩 Japan,Okinawa)
hehe~毛寶的生日飯安排左黎呢度呢~琉球之牛~~~地址:沖繩縣國頭郡恩納村前兼久909-2...電話:098-965-2233...營業時間:17:00-23:30....網址..呢間烤肉大家都很推薦~~食過都介紹我去食~~不過留意....這是超長龍店~~~如果可以既話就打去訂定位先喇.....我地有試過叫第一晚酒店幫我地打去...但係就因為未開無人聽...所以我地決定早d過去~~呢間烤肉店係我地酒店附近~行過去都係5分鐘~所以決定唔出車喇~(聽講好似有停車場)......我地差唔多7點去到....要等一陣...後我地兩張檯既遊客去攞位時佢已經話:no table~....恐怖....好彩~~我地等左10分鐘就有位喇~~~~~~

2014年11月10日 星期一

沖繩陽光海灘海鮮自駕遊之旅2014-09-29第三天Part 2(陰天及後轉晴)

今天星期一~密密的做~不過無咩麻煩人~算係咁~~星期六:去左觀光塔南湖明月飲茶~好好味~...->去飲茶係因為呢日我地約左係觀光塔睇星際啟示錄(Interstellar)....真正的抗通漲~~下午場....仲要做160分鐘....才$40!!->同左朗仔行街~~...->食左金玉滿堂.........星期日:本身想食文哥點知無開...去左食榮暉雞湯米...不過好失望..雞又鞋湯又淡...行貨!!->去左買餸~...->剪頭毛->夜晚就自己整野食~~毛寶今次整既白酒煮沙白好正呀!!!!!!我煎既牛扒就要再加強~~



2014-09-29

Day 3---Part 2(日本,沖繩 Japan,Okinawa)
去完萬座毛之後我地就直剷去我地呢晚既海灘酒店喇~叫做Moon Beach Palace Hotel...地址:沖繩縣國頭郡恩納村前兼久1203.....電話:098-964-3512...佢好似有兩邊架~我地哥邊個reception超舊超細~check-in時有d不安~

2014年11月7日 星期五

沖繩陽光海灘海鮮自駕遊之旅2014-09-29第三天Part 1(陰天及後轉晴)

有時d野你又好估我唔到既~你又以為我星期五唔出blog咩~我又食飽飯無野做走上黎寫下~~~~~放左工同毛寶諗住去打邊爐....點知無位......行行下去左雅廉訪其中一間日本野度食...又係把鬼~之後仲行左去食偉記生果杯~食飽番到屋企才8點3~



2014-09-29
Day 3---Part 1(日本,沖繩 Japan,Okinawa)
check out左就出發喇~哎呀呀~今日出發時d雲都幾密下喎~

2014年11月6日 星期四

沖繩陽光海灘海鮮自駕遊之旅2014-09-28第二天Part 4(晴天)

噚晚有兩位讀者從我個whatsapp設訴我無出blog~~其中一位仲話:你浪費我d電refresh左7次呀都無出.....哈哈~~~其實我真係越黎越懶~~~~~睇睇左邊既統計資料....我係每年blog既數量都有增長架~(雖然2013年只係比2012年多一篇咁大把~~)....但係睇睇今年....就算未到12月...我都知我自己blog個數唔會超越舊年架喇~~~~哈哈~~希望我俾心機d寫啦~~~~懶鬼~~~



2014-09-28
Day 2---Part 4(日本,沖繩 Japan,Okinawa)
我地行完齋場御嶽沿番同一條路去番大路諗住攞車....見到有間鋪頭好靚呢!!





2014年11月4日 星期二

沖繩陽光海灘海鮮自駕遊之旅2014-09-28第二天Part 3(晴天)

星期五:毛寶說放了工要行超市~飯都未食就走左去行超市~之後去左食一間不知名餐廳既海南雞飯.....星期六:行完超市第二日d人就忍唔住要大顯身手~整左個菇菇意粉同埋藍芝士炒滑蛋~好味~...->去左朋友家打邊爐和食大閘蟹~好正~.....星期日:中午去左食蓮勝->在毛寶家睇十二道鋒味(唔知點解睇咁耐都未睇哂~)->夜晚去左銀河飲~同事結婚......星期一:期待左成個禮拜~~~~去左迪士尼玩呢~~~~超級開心開心開心開心~~~~~~~~~~~



2014-09-28

Day 2---Part 3(日本,沖繩 Japan,Okinawa)
好喇~離開海灘~又走番轉頭~去番我地頭先想去既目的地~沿海既呢段路~真係得得了的靚~~~~~~~

2014年10月30日 星期四

沖繩陽光海灘海鮮自駕遊之旅2014-09-28第二天Part 2(晴天)

偷懶了一晚~噚晚同媽媽係家中開P~但係開完P既後果就係......我生左粒暗瘡係咀唇對上~...好沮喪.......狂搽無比滴同埋保膚靈....搽到成條人中麻哂.....................



2014-09-28
Day 2---Part 2(日本,沖繩 Japan,Okinawa)
好囉~食飽飽早餐又再出發喇~~~好好天呢~~~

2014年10月28日 星期二

沖繩陽光海灘海鮮自駕遊之旅2014-09-28第二天Part 1(晴天)

今日先星期二咋....唉~點解好似過左好耐咁既呢個禮拜....係因為今日幾多野做下定係因為我太期待下周一呢~~~~好想快d到星期五呀~~~



2014-09-28
Day 2---Part 1(日本,沖繩 Japan,Okinawa)
哇~早晨~第一晚訓得好爽~唔使鬧鐘叫都自己彈左起身~天氣好好呢~我地間房個窗對住國際通呢~

2014年10月27日 星期一

沖繩陽光海灘海鮮自駕遊之旅2014-09-27第一天Part 3(晴天)

今日有人跟我學野(幾巴閉)....但係唔知點解我個膊頭都係好痛~~~可能個位唔夾我~~~~星期五:臨放工做到起飛~~放左工去食粥麵莊->睇畢彼特既戰逆豪情...戰爭片...我好少可睇呢類型既戲~前段有d打喊露...後段幾精彩~~....星期六:中午食左永安->夜晚同崩島填友去左老地方食海鮮~堅正~....星期日:同左貞一齊去食譽路八~不過我地發現退步了~真失望~..->下午去左威尼斯人行街~睇下哥個MIF..不過呢d我地通常無野買->食北方館...發現荔枝紅茶原來很好飲~..->我地好勁咁買到$280飛睇子華神!!!



2014-09-27

Day 1---Part 3(澳門 Macau->香港 Hong Kong->日本,沖繩 Japan,Okinawa)
食飽飽咪行下街囉~~~國際通真係有好多野行~(係囉~多得我咋~d人又係Stussy度買到野喇~)....手信鋪多到呢~仲搵到有激安之殿堂~~就係我地酒店斜對面~~好多野睇呢~~超市電器藥妝一應俱全~不過藥妝除左幫人睇野之外我自己就無睇喇~因為6月先買完嘛~咁咪行下超市囉~

2014年10月22日 星期三

沖繩陽光海灘海鮮自駕遊之旅2014-09-27第一天Part 2(晴天)

今朝本黎心情幾靚...一個唔該又俾人整到落谷底....你真係令人心情由高點變低谷既專家~~不過我係唔會咁易俾你打敗的~~~~好開心呀~~今晚本身無飯食煩緊夜晚食咩好~貞同i子約埋我一齊食飯~好開心~叫左3個主菜2個小食....每人先$50!!在那找~~~~平到~~~



2014-09-27
Day 1---Part 2(澳門 Macau->香港 Hong Kong->日本,沖繩 Japan,Okinawa)
係酒店擺低幾両又再出去~~夕陽下的國際通~~國際通好多手信買的~不過我地第一站~~唔係買手信~~都幾大風喎~唔知同外圍打緊風有無關呢~



2014年10月20日 星期一

沖繩陽光海灘海鮮自駕遊之旅2014-09-27第一天Part 1(晴天)

華華華~有人正式踏入3張野喇~從此同20幾歲說拜拜~星期五:毛寶煮左餐好好味既生日飯我吃呀~平時係少爺仔黎架嘛~估唔到你煮飯又幾好味喎~...星期六:毛寶請左我去觀光塔飲茶~多哂~...->剪頭毛迎接一生只有一次的恐怖30歲~(有那個歲數唔係一生只有一次?)->七公子為我同杯子搞左個60大壽~(何謂60大壽?兩個30歲的人走在一起就是60大壽囉~)...係金龍擺左圍慶祝慶祝~多謝公子們~蛋糕超精美~....星期日:毛寶為我準備了生日午餐~也是親手做的呀~~~實在太窩心了~~很好吃~~..->去左UA睇失蹤罪(Gone Girl)->去左venetian行左陣->夜晚媽媽請了我去吃天政既呢~實在很好吃!(鼻孔噴氣狀)...我的生日周...就在這又飲又食中渡過了~謝謝每位為我慶生的人~謝謝~



哈哈~~今次沖繩之旅我都影左成800張相~計埋毛寶iPhone哥d~有成800多張~~~巧勁~




2014-09-27

Day 1---Part 1(澳門 Macau->香港 Hong Kong->日本,沖繩 Japan,Okinawa)
咦~今次既進展好快呀~我地唔係由碼頭既相講起~~由機場既相開始講起~~~(因為碼頭個check in位搬左~空間好窄~~影唔到~~)哈哈~~~哥日我地朝早搭7點半船由澳門直接坐去香港機場~按照慣例要早一個鐘即係六點半到碼頭(好多謝毛寶豬揸車車埋我同媽媽去碼頭呢~)....check好in....發現好神奇....今次哥間航空公司去到香港唔使自己再抽番d行李check in....而係係澳門直接去到沖繩...我初頭仲半信半疑~問完碼頭哥個人...去到香港機場又問check in哥個人~~~~~~



到左機場禁區入邊之後我地就去搵野食~今次本身有大好既機會食勝博殿的.....但係...早餐時段食又未免太heavy....同埋我病了又未好番~最後....食左麥當勞熱香餅餐~~~~~好耐無食過麥叔叔喇~~早餐時段的香港機場美食廣場超多的人~好辛苦先搵到位食野~~~




hehe~~~~~~要出發了~~~~今次我地乘搭香港航空(Hong Kong Airlines)既HX658號11:10班機...由香港~直飛日本的沖繩(Okinawa)~~~~~~~~今次既成員有:我..媽媽..毛寶..阿寶同埋驚嚇男~~有無人發現到驚嚇男係邊??(毛寶影得寶寶好醒目呢~~~)