雅憩花園餐廳

唉…呢兩晚我都訓得唔好………成日都訓唔著….加上喉嚨發炎….今日一起身就覺得自己好頭暈…………..暈到隻眼睜唔大………….我好努力咁番左今日成日工(同事們很對不起因為我今天有點放慢手腳做野!!)………放工都係頂唔順……上左山頂睇醫生………個醫生好好人呀……又肯聽我講野….佢咁辛苦做野仲要有笑容tim…又有禮貌…………世間少有!!佢重超好人開左平時山頂d醫生唔肯開哥d貴藥俾我…….重點係…….佢仲要俾左3日病假我(計埋今日…但我今日有番工)……….我感動到要流下淚來………



第二次黎氹仔呢間餐廳….第一次好深刻………………

久違了兒時的黑沙公園

華…….噚日去左澳門蛋碌Ling………搞到今日隻手好痛………但神奇既係….我係用右手碌…..唔知點解….會係左手痛?????我無用過左手喎………..之前星期五睇完表演去左食宵夜……食凍魚皮…..其實幾好食….不過食完當晚半夜三點…..個肚痛到彈左起身…..去廁所…..個肚勁痛….痛到成個人彎曲哂…..痾完仲喪嘔三次……超辛苦!!不過第二日又無事喎…….仲走去買肥仔記….頂佢個肺….我特登星期六早d起身去買(仲要一早計劃左)….十二點三去到佢同我講話無哂雞奕……頂…..嬲到我乜都無叫就走左喇……….夜晚就去左黑沙燒烤…點知哥度超多蚊….我數過….雙手雙腳加埋有成26粒蚊”爛”…..痴線架…好痕囉大佬…..到噚日……喉嚨劇痛….鼻鼻又黎……唉…..今個週末到底搞乜呀….成個身體都唔掂咁……肥仔記又買唔到……..快d好番先得架….就黎去旅行喇



趁熱熱夏天黎之前….去左一轉黑沙….食左一轉肥佬燒烤~

戀暖風 二人少女插畫合展

華…今日都唔知咩事……五點半之後好似痴左線咁…….本身哥段時段已經有10個籌要做(兩個人做)…..點知開番8個五點半之前既籌………真係頂你個肺……你班人可唔可以準時d呀??約埋一齊遲到咁…..有d一家三口做一齊遲……我真係忍唔住開聲”省”佢地…..你d家長都唔準時…..唔好教你d仔女準時………你無咁既資格呀……….唔該你地啦…自律下準時d到啦……..唔明點解遲左咁多仲俾佢地開番個籌………搵笨………我依家個心有一百個句粗口想講………………..但好無奈…我對住邊個講?右手臂繼續麻痺中…………………就算聽日係星期五….都救唔番我喇



之前四月份有個插畫展係塔石展覽館展出…叫戀暖風………..

最愛永安煎蛋多~

本身今朝好開心架…見佢麥樂會買餐送多個薯餅咪食左個早晨全餐囉…….忍住熱氣偷偷地食兩塊薯餅哥種滿足真係正…….好可惜今日好多蠢人….多到記唔哂………令到我成朝既歡欣已經無哂………….d客既威力真係大………最尾哥半個鐘又係做到死下死下….幾廿樣野等人處理…………隻右臂又開始痺下痺下…….搞笑既係…我隻手咁痺仲堅持打blog….我真係乖到不得了….



哈哈~~又去左食永安喇~~~~~~~~因為..我真係好鐘意食佢個煎蛋多架~

Mugs talk

好似話噚晚落好大好大雨……不過我一d都聽唔到………可能太好訓…..不過今日下晝三點番工時又落好大雨………淋到成對腳濕哂……俾風吹一吹…..令我覺得…..好似秋天就快到咁………我覺得今日好凍喎……不過今日心情都幾好……因為今日番工都算順順利利………



我地食完秀蘭之後….就去左西灣Mugs talk飲野~

now闆請食飯

今日真係…….梅林的鬍子呀!(哈利阿波迷就會知~)…….死得未呀d人…..蠢成咁….星期一d人係咪特別蠢架????講極都唔明…….睇極都唔識……..幸好有我地三個優秀的人…..令今日下晝放工….都算係無驚無險……..不過我右邊膊頭至手掌….即係整條右臂………….痺哂…..好攰呀



呢一日sasa做now闆請我地食飯呀~~原因??我知佢知大家知~

好開心又去左秀蘭小館~

春季燒烤會2011:]

唔…..心情都係忽上…忽下….我其實覺得越黎越無歸屬感…….d野越改越無聊……自從換左個班底之後…………令我越黎越沮喪……..只有努力一點啦……..依家我淨係諗住六月……同埋今晚既一億六合彩……………..



4月9日….趁住未開始熱….又無番凍…..又無落雨既情況之下…成班鴨妹搞左一次燒烤聚會……..5個月未燒過烤…..口水都流埋…..地點係路環水庫~係d野食黎到之前我地就行左上個小山度睇下風景…我第一次行上去咋!!!

我們最愛的心型斑點狗*3*

今日……口裏面狂講………..六合彩……一億呀!!!!!!!!!!好恐怖呀…………………………不停口講話…..中左即刻唔做我要環遊世界…………雖然呢個夢諗得遠左少少或者根本無可能實現………但係……人總係要發下夢先可以發泄下生活上既不如意……..今日都係埋頭苦幹中渡過…..



輪到我地好耐無見既柏仔出場喇~~~~

估下佢係度望咩定哂形??????????????????

預祝媽媽生日2011

今日同噚日一樣咁多人…….搞笑………同d人講野講到我個喉嚨超痛!!睇fb…有人話….噚晚訓得好差…………頭先放工….後面個女仔講：我噚晚訓唔著呀………..噚日咩日子呀???我都訓唔著喎………我好攰….但係訓唔著…..救命……..搞到我今日精神超差………..淨係朝早已經做錯左兩次野…..呆左……祈求今晚快d可以訓著啦



睇完電子版清明上河圖之後我地就去左唐吉訶德食飯喇~

媽媽請既~佢話係預祝佢自己生日架喎~

智慧的長河-電子版清明上河圖

今個星期一真係…..不得了……..做到我眼坦坦呀………….d人多到…………成日根本就無時間飲下水覆個電話…………有無咁多人呀……..不能置信地今日接待左89個人…….淨係中午接更哥個半鐘都有30個(唔係想表示自己有幾叻….係想表達我有幾攰……..)…………………………………..整天的摩打手…….到放工時間我直頭不顧一切攞住自己個袋頭也不回咁離開公司………..



仲記唔記得…..舊年去世博….逼唔到入中國館??

電子版既清明上河圖去完香港就到左澳門喇~所以當時睇唔到係唔需要可惜既~

台灣物產直送澳門

今日…..係唔講得笑既黑色星期五……….唔係我迷信呀……真係…..今日我有單野做錯左……..呢件事…仲要係我一年之前做錯….真係一年前………..仲要我做左咁耐唔應該再做錯……..偏偏就係今日知道左錯左……..唔係噚日知….唔係下個禮拜知….偏偏係黑色星期五知……..仲有今日超級勁爆多野做…..多到抖唔到氣………..做做下會懷疑自己做開既野又係唔係錯呢……..今日又壞壞地機….不過唯一好彩….佢死死下又死唔哂….仲可以做到最後……………..最後仲好彩既係：今日簡直係一pat屎……..但竟然可以準時收工……神績呀!!!!!!!!!!!!!!!!!!!!!!!!!不過唔好唔信邪…….下一個黑色星期五…………..希望我……………保佑我呀!!!!!!!!!!!!!!!!!!!!!!!!!



上個月crystal姐姐去左台灣玩!!係台灣直送左d手信俾我!!我係一個超級便利店飯團迷….去到日本同台灣我都係會喪食既……食過最好食既味係有一次係日本東京搭夜間通宵長途巴士去大阪既其中一個油站買既…..係蝦沙律味…..食過一次之後我同杯都認為係最棒既飯團味道!!!但係呢個油站買過一次之後其他任何地方都無再出現……直到今次……………………………………………見到d字…..我仲諗左一陣(因為台灣沙律醬叫美乃滋)……一食落口………..隻味番黎喇:]

咁0岩得咁橋~

今日使唔使熱成咁呀…..番到屋企聽電台講今日最高氣溫去到34度!!!!恐怖呀….唔知七八月哥時會熱到點呀………….放工番到屋企見到媽媽熱到成個頭都出哂汗…..忍唔住講：不如開冷氣食飯啦………..都唔係好過份咋可??噚日仲話自己係環保人士…今日一放工已經要開冷氣…………………………今日最尾哥半個鐘真係做到我死下死下………………….好彩聽日friday呀~~~~



自從飲完銀銀請我既starbucks之後…就好想成日飲….

興記冰室

華…今日熱到呀……邊有五月熱到成33度架…..熱死人囉……噚日開開心心咁玩左一日……今日又要番工喇….不過都算好彩…..無風無浪~希望打後哥幾日都係咁就好喇~依家咁熱…..食飯哥時同上網哥時我都係堅持唔開冷氣…….都算為環保出過一分力喇卦~



好久沒來~興記冰室~有日屎屁痕走左過氹仔官也街食~

第一次見皮皮隻比比

噚日渡過了可愛既5月8號~唔知係咪因為聽日放假….所以勁多人湧哂過黎…..望住一望無際既籌……遲下一個時段…..遲下又兩個時段…..除左摩打手之外….我都愛莫能助…….搞到今日放工個身體好似響起左星期既警號咁樣…..苦呀……..個喉嚨講到我就黎爛哂…..唯一安慰應該係有sasa坐我隔離……………..



同完皮皮食飯就上左佢屋企睇下第一次見既比比~

澳門氹仔林記燒烤

噚晚發夢….發左個好核突既夢……..核突哥part唔想講…..重點我係想講….發緊夢哥時係個夢入面……..我個頭係好痛好痛既…….訓得唔好….訓到四點幾五點哥時醒左…..發現我自己真係頭痛…..咁岩線媽媽起身去廁所….我就叫媽媽攞d藥俾我食……點知食完之後無好轉……..又暈又唔舒服….五點幾起身….就嘔左三四次…….見唔掂…..六點幾七點又自己一個上左山頂睇醫生……..都等左成個鐘(都好過我上次等左成三個鐘先有得睇)…..係山頂又嘔左一次……醫生問我個胃有無痛…我就話間唔時都有d唔舒服…..醫生話我食得太多藥….個胃都搞到唔舒服……嘔既感覺真係……好難頂……………………..



好耐無約過皮皮喇~所以搵左日大家都得閒一齊食飯…..見佢係fb打卡係林記燒烤度食野個心就好想好想食…所以就約佢帶我一齊去食喇~~~

er….但佢唔係氹仔架喎….根據佢餐牌個地址係咁寫既：澳門黑沙環海濱花園第八座C鋪(近停車場入口)….對於我同毛寶黎講…..係有d難搵….於是出動iPhone個google map….終於搵到喇~

送俾媽媽的x0歲生日禮物

今日中午無得訓晏覺…..因為去左交野……仲發生左兩件醜事…..不過呢兩件醜事我係唔會係呢度公開講……..等我自己一個人醜死就算啦…………今日好多野做呀!!攰死人喇…..放早都無心機等毛寶放工喇……攰攰



四月份………大大大大大大大大大出血….因為媽媽生日…….今年生日禮物係：

★Starbucks★

呵呵~今日係可怕既黃金週首個工作日…..尚算平安渡過…..其實今日我遇到超多麻煩野架!!但唔知點解個人個心情就係….輕輕鬆鬆~麻煩野比平日起碼多一倍!!!順利過左真係上天保佑我呀…謝謝~



heheheheheh…有一日emi請左我飲一杯starbucks……好好飲既綠茶沙冰?greentea lattle??我都唔記得叫咩名…..只係突然醒起…….我對呢杯飲品既熱愛…..以前中學既時候岩岩開第一間starbucks…我成日都去坐….hea住等人or坐係度同人吹水……………次次都係飲呢杯野既……..近幾年可以話完全無飲過…..一個字：貴……….30幾蚊一杯野飲真係夠我食餐飯囉!!!!不過銀銀….

有關我對postcard既癖好

今日勞動節補假…..唔使番工….爽呀~~今日俾我既感覺係不停咁食野….但其實都係食左兩餐架咋….哈哈….但一諗起聽日係同胞們既黃金週…..我又開心唔落喇…..仲有d反胃既感覺tim………………..係喎…今日係五月第一篇blog呀~



前一個月收到貞貞係泰國寄俾我既postcard….好靚呀~多謝貞貞