喪吃喪買韓國自由行之旅2011-10-13第二天Part 1(晴天)

我好攰呀….點解今日咁多野做架……..噚日只係放左一日公眾假期je…就咁多野做……我喊呀(講笑)…..噚日好開心呀……..去左星際食自助餐~~我挑戰成功~~~食左25隻生蠔~~~遲d post相上黎呀~~好開心咁~~聽日又係星期五喇~~~


2011-10-13
Day 2—-Part 1(韓國首爾)一朝早起身就嘆香蕉奶~~~呢隻香蕉奶真係好好味呀~~~~



不過飲香蕉奶又點會夠填肚丫………行出商場前地有好多賣小食既地方….咁梗係……….


之後就去左一間書局….間書局都幾大架~~


不過d書我又點會識睇呀..全部韓文……但係佢地下哥層既文具部就超級吸引呀~~~~~~~~~~~~超多超靚既文具賣~~~又平~~超靚既一支筆都係賣10幾20蚊….抵!!送禮自用都係咁得體~~~韓國d文具真係又靚又多又平!!(好過日本…因為日本d文具你攞得上手睇都要60幾70蚊…..)….我都算節制喇….買左好幾樣文具….用左23000w度…..都係150hkd…..有個女仔係呢度淪陷左….買左成210000w!!!!!文具癡~就好似我係護膚品癡一樣~本身係呢度諗住留大半個鐘…點知…….睇下講下笑下….睇左成兩個幾鐘~


睇完就搭地鐵去到鷺梁津站……黎呢個站既原因係………………(似唔似日落既天色呀呢個時間…..但我無記錯好似係點幾兩點咋喎….不過天氣都幾好~)


開估~~係為左去海鮮市場呀~~~好多間呀~~



唔知有無韓國人笑我係now仔呢??街市都要影相~


最後幫襯呢檔阿姨..原因係：因為之前carmen有幫襯過話幾ok~

黎到呢度咁就梗係要食番隻皇帝蟹啦~~~平時係八佰伴雪到硬Q哂都係五六百蚊….呢度生勾勾既300hkd一隻呀!!!!我鼓起吃奶的勇氣去攞住佢影相~~我係勇敢的中國人~~~~


仲有叫到扇貝同大蝦蝦~



仲有超大隻帶子~~~真係好大隻架~
無叫到呢個….但其實都好想試下呢d螺…因為見到叫左好多野…所以放棄提出~
仲有呢個係我黎韓國指定要食既—-郁郁八爪魚!!!即係佢俾佢切開之後….由於d神經未死得哂…..所以仲識郁郁下….同埋係你個口度吸你條脷……實在太過癮!!!所以好想試(上次跟團去韓國都無時間試!!)


叫左六樣野…..皇帝蟹…扇貝…大蝦…帶子…鮑魚仔…同埋八爪魚……咁多樣野先100000w咋~大約684hkd(海鮮錢未計煮食錢)!!!係港澳邊買到咁新鮮同咁平呀??????個檔口好多野睇….所以我望好耐都唔厭~








今日無啦啦想唱生日歌….
對住朗仔唱….
跟住小i話：係都唱俾mina先啦
之後我就走過去唱俾mina聽~
佢第一句就話：邊個出賣我?!
我：無呀…..係人都知你就黎生日啦…下個禮拜嘛~我提早唱俾你聽~
之後下晏番工…..
佢走過黎同我講
mina：你今日唱生日歌俾我聽我好開心呀~
我：係呀~~~
mina：我咁開心係因為….今日真係我生日呀……係舊曆呀:]
我：呀~~~~~~~~~~~真既?????咁岩既~~~
mina：係呀所以我好想錫你一啖得唔得呀???
就係咁…..我今日就得到個birthday girl既kiss kiss喇~:]


今日有人話我：你睇你…..睇係識得食同玩….
咁都幾好丫…….做人簡單d無咩野諗唔好咩??
(但其實不…..我個人其實成日有好多野諗…..係無講出口咋)


報時：距離杯杯結婚新加坡之旅仲有—-5日~
黑胡椒蟹………………準備好~
阿坤咖央多…………..準備好~
老巴剎沙爹同燒蝦…準備好~
天天海南雞飯……….準備好~
肉骨茶…………………準備好~
粟米味雪糕三文治…準備好~
就差我地未過去咋!!!!
我要準備好肚皮將呢d野放入我個肚呀~~
不過我去完旅行番黎既夜晚就係媽媽去福建既第一日….
去完旅行我要做幾日孤兒仔呢….  ;[