天團蘇格蘭高地之旅2018-10-20第七天Part 3(陰天及後轉晴)

星期五.....咪一樣咁多野做~我理你丫~今日星期五喇…放左工去左食ujimart cafe…又估佢唔到ok喎…之後咪去上狗仔堂囉…星期六…呀~~~我過左香港行街街呀~~~好開心做哂我想做既野~~仲買左兩樣我好想買既野~~~我叉了滿滿的電…又影左好多相…好想打尖俾佢出先XD…星期日…中午去左華都飲茶......下午休息休息....噚日過完香港有d頭痛XXD好廢呀我...夜晚痴痴貢~星期一....都多野做架~但無所謂啦~本小姐番早~我理得你~放工跑左3.5KM~



2018/10/20
Day 7---Part 3(北愛爾蘭,布什米爾斯 Northern Ireland,Bushmills->巨人堤道 Giant Causeway->鄧路思城堡 Dunluce Castle->Ballintoy Harbour->卡里克吊橋 Carrick a Rede Rope Bridge->The Dark Hedges)
好喇~又出發~~~~呢日好忙呀!!!仲有一個景點~~~不過今個景點就在酒店隔離~~~可以去酒店攞左房先~~~~

天團蘇格蘭高地之旅2018-10-20第七天Part 2(陰天及後轉晴)

星期五....呢兩日唔知隻眼搞咩丫~左眼內生左粒野(唔通生眼挑針?!)...狂係度high下high下我眼球好痕搞到我狂標眼水.....眼痕繼面鼻又狂流鼻水....好辛苦唷!!!!放左工去左食小泉居....之後就去左上狗仔堂~....星期六....中午食左八分目....食佢因為諗住食完可以飲埋啡....但佢杯啡超差.....好似飲緊深啡色既滾水咁.....下午傾左單大野...難得我阿媽都落疊~希望順利~....之後去左澳大同八寶野餐餐呀~~好開心~~~夜晚食左Stone grill......呢日最開心係覺得呢日做左好多野:).....星期日......中午食左方丈…好開心終於食到....我真係好鍾意食佢個魚蓉撈米線…下午狂執野......夜晚痴痴貢~~~~星期一......勁多野做…好似無左淡旺季…到下午我仲抽中個我從未做過既難case…做到就黎要崩潰…好彩個申請人幾拉屎~我先無咁緊張…放左工去跑左3.54km…跑完番到屋企…我終於頂唔順上班壓力…我狂塞零食入口…個口咬住脆lok lok既野我覺得很解壓…食左4款…白跑…星期二…今日無咩特別…放工跑左3.45km…勁熱…星期三…今日番工做籌做到我懷疑人生…又遲成個鐘…我心好累呀;(..........今日上狗仔堂老師帶左佢哥兩隻狗仔黎…兩隻都好可愛<3.......星期四....繼續心好累呀喂.....仲要遲收工................周末我一定要好好打賞我自己;(



2018/10/20
Day 7---Part 2(北愛爾蘭,布什米爾斯 Northern Ireland,Bushmills->巨人堤道 Giant Causeway->鄧路思城堡 Dunluce Castle->Ballintoy Harbour->卡里克吊橋 Carrick a Rede Rope Bridge->The Dark Hedges)
去完六角柱同埋鄧路思城堡...我地又再出發去下一站~

天團蘇格蘭高地之旅2018-10-20第七天Part 1(陰天及後轉晴)

星期五....凌晨5點頭痛到炸開~~起身食藥....然後訓唔番直到起身番工.....................由於三八婦女節...超多野做....明明我都係呢個節日既其中一份子..點解我無得享受~~~放左工去食左日本野~~之後就去左上堂~~~星期六.....我呢日一早起身就唔開心...唉.....中午食左terra.......下午剪髮.....夜晚去左食鼎太豐…然後去mgm cotai睇Jabbawockeez…番到屋企又開心番~~…星期日…今日同噚日既心情差超遠~~~一早起身就肚餓~~同左菓子軒去順軒飲茶同阿二姨慶生~跟住番屋企切蛋糕~~夜晚痴痴貢~...星期一.....好多野做呀喂…仲俾人怪我多咀傾計…大佬呀…查實…我都係一個人黎既…同人講幾句都係舒緩壓力方式既一種…放左工去跑步…跑左3.5km…星期二…喂…搞咩呀…今日好難頂呀…啲客又冤又煩…仲要無肉食呀…要追數既我只係僅僅達標…啲籌做極都做唔完…放工哥刻我真係望住屋企樓下7仔諗住衝入去要買一堆零食塞哂入口架喇…點知戲劇性地我撞到Diana XXD…停低傾左兩句…我止住了我的零食慾望XXD…回家火速換衫去跑跑…今日3.5km…(今日真係有兩個同事一放工去左買零食塞入口架XXD)…星期三…今日就個客坐係我面前塊眼皮都就快合埋…唔知點解…我以為得我一個係咁…點知我行過某人身後…佢一拎過黎望住我個樣超梅然後用口型同我講好眼訓XXD…放左工去上堂…星期四…唔....今日無咩特別....特別在.....今朝有有同事幫我買我想試好耐既煎餃做早餐~~~~....呢個禮拜都幾攰....好彩聽日已是星期五~



2018/10/20
Day 7---Part 1(北愛爾蘭,布什米爾斯 Northern Ireland,Bushmills->巨人堤道 Giant Causeway->鄧路思城堡 Dunluce Castle->Ballintoy Harbour->卡里克吊橋 Carrick a Rede Rope Bridge->The Dark Hedges)
早呀~訓醒就去食早餐啦~~~華~我地早到得我地兩個到餐廳~~

天團蘇格蘭高地之旅2018-10-19第六天(微雨)

星期二....朝早d生意差到我以為自己今日唔達標!...點知下午又黎個鯉魚反彈~~~~人地好想今日放工跑步架...點知對鞋濕左仲未乾....嗚嗚嗚....星期三....華....今日番工差d無命呀~~俾個客瘋狂發炮~~~好彩支炮唔係好對得準我~~玩左咁耐仲差d唔夠數收工~.....放左工番屋企食埋飯就去上堂~(食飯前我仲買左張機票...哈哈).....咦...上堂期間好似話下幾堂有狗仔玩...緊張~~星期四....落左成日雨...仲要幾大雨下~唔知係咪因為咁....個頭有少少赤.....我其實想今日放工去跑步...又落雨....唉...我諗住新一個周期今個禮拜好好努力架嘛!好野~~~番埋聽日又要過周末了~~~~開心~~~~~~



2018/10/19
Day 6(北愛爾蘭 Northern Ireland,Finn Lough Resort->Cuilcagh Mountain Park->布什米爾斯 Bushmills)
喂~祝我生日快樂先啦~~~呢日一早起身呀~睇下~天都未光~

天團蘇格蘭高地之旅2018-10-18第五天(晴天及後轉陰)

星期五....呢日多野做就梗啦~但d客係有禮貌既就算係咁啦!仲想點~....放工去睇戲...睇戲前有30分鐘所以終於試左kfc新既咸蛋黃雞~~~好野~試左~雖然唔係特別的好食..但咸蛋黃味是心癮~呢晚去左睇綠簿旅友(Green Book)....然後睇完去左食渡小月~再食埋澤賢記既雞蛋仔!!又係終於食到!!!好好味呀!!外脆內黏!!!!!有機會真係要試試佢!麥公子真係無推介錯~.....星期六....中午去左食魚湯粉!!!好開心新年前話要食今日終於食到~~~~之後又去左百老匯買Rethink既筋勞+澤賢記既雞蛋仔...點解今日哥底無噚晚哥底咁好食既!..我今次俾機會rethink既熱筋勞(邊個求你俾機會佢呀XXD)....但我都係鐘意飲Black/Bloom多d~~....下午在家上網又睇濕爬紅館演唱會...我求下你地出番隻演唱會DVD賺下錢啦好無呀!!!我好辛苦呀!!!!!XXD...同埋我又睇最後晚餐既acoustic version MV喊左XXD....夜晚去左金沙城間葡餐慶祝我地貞公子既生晨~~~~(最開心係~~去接麥公子哥時佢抱左八寶落黎俾我同毛寶玩左陣~~心情愉快~~)....星期日......本身想食方丈架!但無位泊車~~然後想食永安...又無位~最後走左去Root食~個style一百八十度轉~下午追劇~仲睇左套Fat Amy做既戲但勁悶.....夜晚痴痴貢~星期一.......不尋常的多野做~真係好多~某類別既人仲特別串~你好野~....夜晚乖乖的去跑跑...因為我見呢個禮拜好似都有雨.....襯今日懶好天跑跑佢~點知跑跑下落勁大雨....我成個人濕哂....濕到隻鞋每行一步都咇到水出黎......落湯雞仔跑左3.49km.............



2018/10/18
Day 5(北愛爾蘭,貝爾法斯特 Northern Ireland,Belfast->Finn Lough Resort)
早呀早呀~本身我地呢日安排左去St. George's Market行下食下早餐~但前一晚睇原來佢淨係開星期五.六.日.....呢日係星期四~所以緣慳~咁都要食早餐架係咪~梳洗好我地就出發搵個地方食早餐先啦~好好天呀~~~~