2012年7月30日 星期一

法國瑞士塵世美之旅2012-05-26第八天Part 1(大晴天)


星期一….星期一….星期一……..我唔鐘意星期一…不過今個星期一……wakakkaka….點都好d~~~~~~~~(可惜唔知點解最後五點半喪派籌…明明得三個人…..佢有兩條line都係派左六個籌………….好彩出左聲之後有人道救援…)…….星期五—-夜晚去左venetian既Morton’s steakhouse度食….都幾好味既~不過都幾貴…..遲d post相~……..星期六—-中午去左食園林牛肉粉絲~~好好味~~跟住學ukulele~蘇打綠既小情歌開始有板有眼(我講毛寶~我負責拍住小結他一齊唱~)….學完同左杯杯去睇bb野~~~原來都有好多野買架喎~~~~上至小底衫沖涼巾…下至洗衣液….頭也大了~~~好開心夜晚同杯杯和健仔一齊去食鍋~好好味~~(原來我地連續兩個禮拜六晚一齊食~)….食飽就坐左陣~~買左UA 23:45既蝙蝠俠戲飛睇戲去~第一次係UA睇咁夜….不過我無訓著~太好睇~我仲話點解張飛折左要81蚊咁貴~~原來套戲做成兩個半鐘!!……..星期日—-就去左路環橋記食飯~~~又遲左一步….食唔到我最想食既葡式牛扒…薯絲馬介休…煎豬肋骨……唉~算….下次早d去食~~~~~~~~~~~~~~~~~路環橋記真係好正~下次post相(下次下次…下次大概可以…….)……仲癲到曬到咁去黑沙海灘曬太陽…..陽光超猛…我陪毛寶咋….老人家擔哂遮搽哂防曬..我都算係咁啦~~~~~~~~~~~不過坐係海灘都幾舒服~幻想自己係西班牙既太陽海岸區的沙灘~夜晚食左NaNa cafe~又過了一個快樂週末~



2012-05-26
Day 8—-Part 1(法國巴黎->瑞士蘇黎世->瑞士Lenzburg)
呢一日我地要搭TGV出發去瑞士喇(即係之前走火警哥樣野)~~~~不過係首先經過千辛萬苦的~首先我地要朝早五點半第一班車前去到RER站….搭第一班既車去到Gare de Lyon………於是…我地呢日係….清晨五點三就出門口….之前哥晚執好野都成點先訓……呢日我係最早一個起身的~三點幾~~~好似無訓過咁~~好正~~~~天都未光就抽住行李出發~~~我地超驚有賊係街度捉走我地……又驚清晨既地鐵站…..很辛苦入到地鐵站…要搬好多條落的樓級…..出哂汗…d人又岩岩飲完酒番屋企..超多人飲醉係地鐵痾尿….好臭……..順利的去到岩既月台….有時間抹下汗………….


好熱呀~~~~不過順利登上第一班RER去到Gare de Lyon站~

2012年7月27日 星期五

法國瑞士塵世美之旅2012-05-25第七天Part 4(又曬又熱)

yeah~~yeah~~yeah~~星期五既放工一刻喇~~~~~~好~開~心~呀~~~~~今朝落大雨影響生意額~~~實在係喜事~~~~~~可惜中午開始就猛做做做~~~個背部又開始痛…..不過都放工啦~~唔計得咁多囉~~~*3*~~~~~~~今晚去venetian試哥間扒房Morton~~~好緊張呀唔知好無味呢?



2012-05-25
Day 7—-Part 4(法國巴黎)
係車度又訓左個幾鐘晏覺….番到去出發既哥間旅行社~其實間旅行社係羅浮宮對面咋~~~咁近同兩位公子過去影張相留個念~呢日超級藍的天氣配上羅浮宮真係特別的靚~



2012年7月26日 星期四

法國瑞士塵世美之旅2012-05-25第七天Part 3(又曬又熱)

唔知點解我硬係覺得今日係星期五….但可惜不是~繼續雨下一整天……今日落足成日雨….仲以為會無咩人……但又唔係喎…….反常地多…可能仍然係打風效應……放半日飯…做足番成個禮拜野~



2012-05-25
Day 7—-Part 3(法國巴黎)
食飽坐一個鐘車又到下一個酒廠~到了我最喜愛的Moet & Chandon~~~~~~~


2012年7月25日 星期三

法國瑞士塵世美之旅2012-05-25第七天Part 2(又曬又熱)

雨下一整天…….我無咩所謂~反正都係工作天~但今日有一傳奇事~~~竟然俾我叫番投訴我哥個八x(實際上係八x個fd投訴我)入黎…….投訴我哥日已經同佢講左攞到某樣野係手時就順便做埋另一樣野…..因為佢搵佢個朋友做我仲提佢朋友兩次…就係因為咁佢話我態度唔好投訴我……….點知佢朋友攞完之後無幫佢做另一樣野…..最後無做攞唔到佢想要既野…..咁都俾我叫番中你…..本身我一見佢個樣出現係我面前我內心超火滾……後尾諗諗下…..呢d可能係上天俾佢既報應…..善有善報~惡有惡報~若然未報~時辰未到~……….上兩個禮拜我先向天講:咁仲成世界既…咁仲有天理既………….現在我收回並說對不起~老天爺爺還是有眼的~善事大家要多做呀~…….本身佢投訴我無論我循任何途徑都吹佢唔漲~咁都叫中你既原因係因為上天要我親眼看見你的蠢事~謝謝你~老天爺爺:]為我主持一次公道~p.s.你個朋友淨係識投訴….人地真心講既野提醒你既野就聽唔到….你朋友簡直做唔到野….識過d新朋友啦:]…..又話自己哥日太多野做無聽我講野…你自己既事都唔自己聽清楚….又唔係唔識廣東話….仲賴落個朋友度….你真係有問題……同埋快d返鄉下農耕田啦~:]….澳門唔歡迎你呀:]



2012-05-25
Day 7—-Part 2(法國巴黎)
又搭左個幾鐘頭車黎到一個叫Reims既城市……落車…佢帶我地參觀一間當地幾出名既教堂…但我唔記得叫咩名~~~好好天呀~~~~~~覺唔覺得有d似聖母院??

2012年7月24日 星期二

法國瑞士塵世美之旅2012-05-25第七天Part 1(又曬又熱~)

估唔到個風咁q勁….吹到今朝……我地朝早唔使番工….番下午兩點…..不過仲慘…要開ot….兩點直踩到六點半….好攰呀………..唔係好明澳門氣象局既準則係咩…….明明個風係吹向珠西口既…..澳門咪係珠西口囉….即係近澳門d啦!!!!當香港掛左9號風球時….我地仲地8號…….香港話個風係100公哩就掛10號…..我地近到93公哩仲係企硬8號…係咪痴線架??根本噚晚諗都唔係使唔使番工事…係真係有需要掛更高嘛等d人提高警覺丫嘛!!….如果你話唔係計距離…係計風速….香港一早話佢變左強颱風啦….得你地氣象局十一點仲話8號風球掛至清晨……你地真係唔知係咪訓哂覺…..噚晚點幾d風大到直頭連我棟大廈都有搖晃既感覺…….佢仲要兩點幾先掛9號…跟住五點落左…唔該哂你~(七公子討論區大家仲係度講唔知係咪上至局長下至員工都係同一人…加上要去松山轉八號風球既signal….所以唔得閒轉9號風~XD)…..唔怪得個個係fb都話:澳門…就是與別不同~好野~~~



2012-05-25
Day 7—-Part 1(法國巴黎)
四位公子合體了~~呢一日我地一早book好左要去參加一個wine tasting既~~好彩佢地之前一日黎到~如果唔係連呢個wine tasting都去唔到就慘….又俾左錢喎~~之前哥晚我地去左巴黎鐵塔睇夜景成十二點幾先番到民宿……成點幾兩點先訓…..呢日一早….七點鐘就要係旅行社門口集合….同其他參加wine tasting既人一齊出發~呢日我地就坐住好舒服既旅遊巴出發~~~~~~~早餐係民宿附近既麵包鋪買~~又食牛角包~~~超級的好吃~~~~


2012年7月23日 星期一

法國瑞士自由行之旅2012-05-24第六天Part 5(大晴天)

又打風…唔怪得星期五六都咁熱啦……d空氣超焗呀~~~~臨放工先打8號….唔該哂~~~(唔打啦好無….唔鐘意打風呀…一係就放假打喎…一係就放工先打…算啦…聽日都唔好打!!!唔想積埋咁多野做!!)星期六去學ukulele~~姐姐搵到Mr.昨天既ukulele譜呢~~好開心~~~可以一路彈一路唱Mr.既歌喇~~我要努力~~不過d節奏都係有d怪…….下一堂練番好佢先~~星期六同左杯仔食飯~好開心~~睇住佢個肚一天一天咁長大~~我好期待bb快d出黎呀~~~星期日朝早約左小青蛙小朋友一齊去左Hard Rock Hotel個池畔BBQ……..任食自助燒烤+游水~野就真係唔係太十分好食~~不過同到小青蛙游水好開心呢~遲下post相呀~~~跟住又去左venetian行街……罪過罪過….係roxy朗仔見到條裙話好靚叫我試…..一試試中碼…..點知試試下試到去xxs竟然塞得落……xxs喎!!!唔係唔買呀????另外又揀左件衫…點知佢話買夠1000蚊減400….咪即係6折??唔買…..真係對自己唔住….所以就係咁….買左604蚊衫………………唔知點解近黎咁多藉口……………..唔會喇~唔會再咁樣喇~我要儲錢錢~我要儲錢錢去韓國買~~~~~~~~~~~~~~~~~~~~~~



2012-05-24
Day 6—-Part 5(法國巴黎)
我地無去排隊上艾菲爾鐵塔(Tour Eiffel)既原因…係因為我地有一個好重要既任務~~就係….係民宿等另外兩位公子的到來~~~~~~點知我地等了又等~等左成個鐘….終於收到佢地黎到民宿樓下既sms~於是即刻衝落去….已經諗住講welcome my friends~既時候….竟然係一個人都無~……點知原來公子s去左隔離第二座…而個密碼又一樣架喎~~~~咁岩得咁橋~~~~好搞笑~~~~~~~麥公子同凱公子出發前已經話要吃Leon了~好啦~~咁我地一齊再食一次啦~


2012年7月20日 星期五

法國瑞士塵世美之旅2012-05-24第六天Part 4(大晴天)

無人知我噚日幾慘……得兩個人番晏…又做到死左…d籌不停無限重開…..谷到自己就黎爆炸換黎準時收工v*..*v~攰到噚晚連blog都無心機寫了…..今日都係極度攰之下渡過…..成個背痛到…………今晚去左食禾花亭~~終於食到火灸朝鮮醬甜蝦壽司~~~~~買左三本書~~終於見番櫻桃小丸子既袖珍本~~正~~又買左d護髮產品~~~……買左咁多野真開心~~~~終於到了大家最喜愛的星期五了~~~我要好好的享受~~



2012-05-24
Day 6—-Part 4(法國巴黎)
搭Metro 8號線去到Ecole Militaire站落車….行大約三分鐘度就會去到我地想去既地方~呢日大太陽…超熱的….途中經過呢個水池…見到狗仔也在跳水~我也想跳呢~:D


2012年7月18日 星期三

法國瑞士塵世美之旅2012-05-24第六天Part 3(大晴天)

噚晚好攰~好有型咁無寫blog~唔通真係坐得右邊機多…搞到隻手..膊頭…頸都超痛~希望下個禮拜坐下左邊機啦~~~~上兩個禮拜先俾人話我復胖肥到塊面都肥番…….今日又俾人話我瘦左好多塊面尖哂….到底我係胖胖定瘦瘦?



2012-05-24
Day 6—-Part 3(法國巴黎)
之後就行左超多巷仔落到黎紅磨坊(Moulin Rouge)喇~又真係幾紅色喎~~一黎到呢度我就諗起n年前的”情陷紅磨坊”嗎???我超鐘意睇呢套戲~~~Nicole Kidman同Ewan Mcgregor做架….超好睇….最鐘意聽佢d歌……黎到呢度…..就好似聽到佢地唱緊”Come what may~~~”…….地址:52, Blvd de Clichy……網址:
www.moulin-rouge.com



2012年7月16日 星期一

法國瑞士塵世美之旅2012-05-24第六天Part 2(大晴天)

最憎星期一..不過今日過得好順利喎~又過了一個愉快的週末~~~星期六去左食祖兒~重點開心係飲左凍泰式奶茶~好味~~去左學ukulele~今次一連教兩首新歌~~兩首都係蘇打綠的”小情歌”同”你被寫在我的歌裏”好開心~~~因為我好鐘意”你被寫在我的歌裏”~sweet~輕快~努力練呀~跟住唔小心又去左venetian行街街~買左三件減價衫同一盒H2O護膚品~忍左手無買一條新到的LINKS手鏈~~~我好叻~~由3100減到1980我都無買~~只因我要慳錢做第二樣野~~我真係勁乖~夜晚約左公子食飯~去左金沙城間”鮮”海鮮任食邊爐….麻麻地~遲d講~…….星期日去左八佰伴食好耐無食既安琪兒~加左價反而仲無以前咁大份…失望~之後夜晚同屋企人食左星際自助餐~好味~



2012-05-24
Day 6—-Part 2(法國巴黎)
離開聖心堂(Basilique du Sacre-Coeur)….沿路行上一條小斜坡…..就會行到小丘廣場(Place du Tertre)…..地址:Place du Tertre


2012年7月13日 星期五

法國瑞士塵世美之旅2012-05-24第六天Part 1(大晴天)

唉~~~~~~~心情受投訴事件影響~~~~~難免有d低落……都唔知點解d人咁鐘意係fb度講今日係13號黑色星期五…………..講都唔好朝早講啦…..一係等人放左工先講!!!!我成日都唔知亦無留意今日係………次次都係朝早睇fb先知!!!!我覺得今年特別多黑色星期五….都唔知邊個諗呢d野出黎玩人…搞到人個心成日都1516….硬係覺得自己做錯野咁~



2012-05-24
Day 6—-Part 1(法國巴黎)
仲記唔記得我地之前哥晚食蠔咪買左條長棍包飽得滯無食既~食得唔好浪費~仲有d藍芝士淨…於是我就整左焗藍芝士包喇~~~好香好好味~



2012年7月12日 星期四

法國瑞士塵世美之旅2012-05-23第五天Part 5(多雲後轉大晴天)

我好慘呀….我今日下午俾人投訴呀….佢話我態度衰喎…..老細走過黎同我講哥時我呆左呆….我完全諗唔起有個客同我有火藥味….搵番佢份野出黎睇….回想番大家既對答…..我完全無態度差過對佢囉…..佢當時亦都無野……..我係多口提左佢幾次同一樣野咋喎….咁又唔俾呀???係咪癲架????依家d人真係越黎越難服侍…到底你地抱咩心態黎想得到d咩?最好當正你地大爺咁就好啦係咪?………………如果係我把聲沉得滯令你有呢個感覺….我只可以套用Mr.的如果我是陳奕迅首歌講句:但事實聲調難以變更…..ok?…..講真…係我做8年幾黎….只係俾人投訴過一至兩次….都唔係投訴我既態度….所以我更加唔明….唔通我d客忍左我8年?我好迷茫………….所以今晚無飯食…我獎自己去左國華買12蚊4件哥d cheap壽司…支持自己無做錯!!!(cheap壽司真係幾好味~~cheap有cheap好食~)



2012-05-23
Day 5—-Part 5(法國巴黎)
坐完教堂潔淨心靈之後….就跑去行街~~~諗住去搵著名百貨公司~沿呢條街一路行去~我記得我係呢條街某間鋪頭買左兩條好靚既手繩~


2012年7月11日 星期三

法國瑞士塵世美之旅2012-05-23第五天Part 4(多雲後轉大晴天)

今天乖乖的上班去~中午要ot….今朝番左工一個鐘度….做做下部機壞….點知轉第二部機坐…又係壞~就係咁~壞足一個鐘~我都好想做野架~無耐我既磁場太利害喇~~~電腦都頂唔順~~~~~~不過今日無得訓晏覺真係好難頂….頻頻放蚊呢~~~~放工的時候感覺好自由呢~~~好消息係:明天不用ot了~~~~快d到星期六啦~~~有新野食呀~



2012-05-23
Day 5—-Part 4(法國巴黎)
食飽飽鴨肝之後又出發喇~羅浮宮對面馬路既就係騎兵凱旋門(MArc de Triomphe du Carrousel)



2012年7月10日 星期二

法國瑞士塵世美之旅2012-05-23第五天Part 3(多雲後轉大晴天)

天呀~~~~噚晚八點幾開始又頭痛…….於是已經好醒咁九點幾十點食左止痛藥……如果最痛係10分…..當時有4分…..訓覺….訓訓下到五點….個頭爆痛痛醒….坐係床度標哂眼水頭暈作嘔眼痛…..呢個時候有8分痛….於是起身食左60mg劑量哥隻藥….痛楚減回4分…..點知坐多半個鐘又痛番7分…….頂唔順都係天一光面又無洗頭又無洗面(有刷牙的)跑上山頂(你見我頭都無洗就知有幾痛….今朝個頭醜到癲…件衫又襯到鬼五馬六…)…..今日一天病假….希望唔會覺得我係玩野(話實在我自己都覺得我自己好煩…)…..呢4個禮拜……第一個禮拜痛左星期三四又係痛到請病假…..第二個禮拜無頭痛但有幾天頭暈暈….第三個禮拜星期四放工爆頭痛……第四個禮拜即係今日….又黎…….今日醫生頂我唔順開左兩隻頭痛藥俾我….仲開左最高哥隻劑量200mg…..但一日不宜多吃兩次…如果唔係會中毒……………綜合以上四個禮拜….我無乜食過咩相同既野…唯一相同既應該係麥皮….但我日日都食架喎….咁應該唔係關食物事啦…..喊喊…..睇黎我真係要去買d杭菊試試…(有兩位blog友推介我的)



2012-05-23
Day 5—-Part 3(法國巴黎)
呢一日既朝早係天陰陰的….但行完三個幾鐘既羅浮宮(Musee de Louvre)之後~有太陽了~~~太開心喇~~


2012年7月9日 星期一

法國瑞士塵世美之旅2012-05-23第五天Part 2(多雲後轉大晴天)

星期一…多野做..不過心情唔錯….不過…今朝已經知道聽日中午要開ot…情天霹靂….下午再知道….連續的二三四五也要開ot…..wth~(難得的放早)…放工再也忍不住….跑去雅明食我好耐無食既麻辣包…..做埋大款…一串麻辣包一串鮮竹卷一串香腸一串燒賣….呢堆野食淋上他的香噴噴辣汁….正呀~~~(就係咁守唔住個肚皮同荷包)…..好天氣的一個週末~令人過得特別興奮:]~星期六去學ukulele~開始學緊毛寶好想學的I’m yours~不過說實在…我對於一路唱…一路彈呢樣野….其實一d都唔在行….我只可以齋唱….或者只可以齋彈…..我完全分唔到心~所以毛寶好厲害呢~(當然布志綸都好厲害啦~:])….我仲需要下好多苦工~可能未遇到一首我超愛既歌…如果佢教Mr.既歌我諗我會日練夜練的~夜晚去左食好耐無食既唐吉訶德的藍芝士醬菲力牛扒~正~星期日中午同fingi朗仔飲茶~好驚喜的fingi帶埋小青蛙出黎~大半年無見佢又大個左~~仲好鬼得意~又肯跟人~遲d post相黎:]~跟住就去左睇有布志綸配音的冰河世紀4:玩轉新大陸(Ice Age 4:Continental Drift)…..有好多笑點喎~笑到我標哂眼水…布志綸就係配蜜桃好鐘意既哥隻長毛象帥哥依雲~你問我:你係咪好想做哥隻長毛象女呢……我當時答唔係….但其實我是挺想做呢~~~~~~~~~~~~~~~~~~~(又俾你識穿~~~~~:])



2012-05-23
Day 5—-Part 2(法國巴黎)

其實我地之前都無咩做過準備必睇d咩…..所以睇完蒙羅麗莎…..我地就跟住羅浮宮(Musee du Louvre)個地圖上面重點介紹既圖示行….好似行山咁當係check point咁行~正對住蒙羅麗莎(Monna Lisa)既…係Check Point 1—-加納婚宴(The Wedding Feast At Cana)…….由於佢d展品簡介全部都係法文一堆….呢幅畫我就係上網搵先知原來係咁….毛寶你都睇下啦…..原來呢幅畫係講耶穌同瑪利亞去加納參加婚宴…但無哂酒….耶穌將水變酒哥個故事~

2012年7月6日 星期五

法國瑞士塵世美之旅2012-05-23第五天Part 1(多雲後轉大晴天)

哈哈~懶左兩日無寫blog~有無人掛住我呢~~星期三去左打波~噚晚姑媽生日….出左去食飯~加上放工個頭爆痛!!!(好彩今日好番~)所以無咩心機開電腦…….終於黎到開心既星期五~今日如常…做到癲……做到差唔多收工….我同某位同事講:我頭先做到想嘔(唔係講笑哥d..係真係反胃…)….佢答番我:我頭先都做到想喊……………………..其實我都唔係完全唔鐘意坐counter既….有時見到d客既反應…對答….真係笑到你標眼水……..只係咁樣追籌法……真係好辛苦好大壓力…..而且太多野做我精神唔好咁好自然服務既質素都會下降…d客見到我地做得攰樣衰衰又以為我地無禮貌……然後又起勢串我地…..其實都係一個惡果….惡性循環哥類…….不過往往只會認為做得多就代表好……其實我地唔係想個樣無表情對你地….係我地真係做到好攰………….有d客仲問我地:你地咁做都幾攰喎…..有無15分鐘休息時間??………….好多謝佢既關心:]…….都係唔講咁多喇….反正今日係星期五…..開心左先~星期五晚既興奮…係星期六日都俾唔到我~星期五放工哥一剎那…我簡直覺得自己贏左全世界!!!我現在要好好享受我既世界~:]



2012-05-23
Day 5—-Part 1(法國巴黎)

一早起身天陰陰~梗係去買番個早餐食下保下暖先~我要食麵包~~呢間麵包鋪又係同我地民宿同一條街~~~我地附近真係超多的麵包鋪和cafe

2012年7月3日 星期二

法國瑞士塵世美之旅2012-05-22第四天Part 5(陰天及後轉晴)

今朝呀……你同我講一大段野…..話係讚我喎……難以致信呀!!!!我真係嬲左成朝….點聽落都似係窒緊我…….如果你認為咁樣係讚我……我寧願你以後唔好再讚我….我覺得令我好難堪!!!認真!!



2012-05-22
Day 4—-Part 5(法國巴黎)

飲飽食醉又再係香榭麗榭大道(Avenue des Champs Elysees)危險馬路攝影中~

2012年7月2日 星期一

法國瑞士塵世美之旅2012-05-22第四天Part 4(陰天及後轉晴)

華~天都很愛我們~星期五仲唔開心緊打風~點知澳門凌晨三點掛八號…..六點就走左~到左朝早9點就全部風球除下~夠哂神奇~~~星期六中午去左食好耐無食既永安~新寵係匈牙利牛肉米粉~~正呀~~~仲有最愛既煎蛋多……跟住學ukulele~學完就去左venetian行街…….好唔乖咁係pull & bear買左650蚊減價衫(見減價先買咋~)…….連LINKS都減價…唔小心咁買左兩個減價charm………720拜拜~~~行一行咁就唔見錢……下次小心d先得~夜晚係UA終於睇左車手~好睇~星期日終於食到聯記~雞腳墨魚丸撈米…仲有佢d辣油~正~跟住訓左成個下晝晏覺….正到~(諗起星期五買左五包零食唔知做咩~)……….過左個開心週末..就係為左迎接死亡的7月2日來臨~~~~~~因為香港補假…預左多野做…..今日中午ot….只可以食半個鐘…..可惜好遲籌….飯食到一半….就被老細急call出去開機….由九點十番工到六點半收工….食飯只係休息左20分鐘……真係攰死人囉~



2012-05-22
Day 4—-Part 4(法國巴黎)
食飽飽一行出黎~就會見到凱旋門(L’Arc de Triomphe)囉~~~~由於好難影到佢既正面….於是我地就用一個好危險既方法….就係一個個馬路燈位等….等d車停紅綠燈…我地就企係馬路正中間影喇~~~~~可惜在無藍天…..呢個時候放少少咁多陽光…..一陣又陰天過~好想影到藍天的凱旋門呀!!!!!