2014年10月30日 星期四

沖繩陽光海灘海鮮自駕遊之旅2014-09-28第二天Part 2(晴天)

偷懶了一晚~噚晚同媽媽係家中開P~但係開完P既後果就係......我生左粒暗瘡係咀唇對上~...好沮喪.......狂搽無比滴同埋保膚靈....搽到成條人中麻哂.....................



2014-09-28
Day 2---Part 2(日本,沖繩 Japan,Okinawa)
好囉~食飽飽早餐又再出發喇~~~好好天呢~~~

2014年10月28日 星期二

沖繩陽光海灘海鮮自駕遊之旅2014-09-28第二天Part 1(晴天)

今日先星期二咋....唉~點解好似過左好耐咁既呢個禮拜....係因為今日幾多野做下定係因為我太期待下周一呢~~~~好想快d到星期五呀~~~



2014-09-28
Day 2---Part 1(日本,沖繩 Japan,Okinawa)
哇~早晨~第一晚訓得好爽~唔使鬧鐘叫都自己彈左起身~天氣好好呢~我地間房個窗對住國際通呢~

2014年10月27日 星期一

沖繩陽光海灘海鮮自駕遊之旅2014-09-27第一天Part 3(晴天)

今日有人跟我學野(幾巴閉)....但係唔知點解我個膊頭都係好痛~~~可能個位唔夾我~~~~星期五:臨放工做到起飛~~放左工去食粥麵莊->睇畢彼特既戰逆豪情...戰爭片...我好少可睇呢類型既戲~前段有d打喊露...後段幾精彩~~....星期六:中午食左永安->夜晚同崩島填友去左老地方食海鮮~堅正~....星期日:同左貞一齊去食譽路八~不過我地發現退步了~真失望~..->下午去左威尼斯人行街~睇下哥個MIF..不過呢d我地通常無野買->食北方館...發現荔枝紅茶原來很好飲~..->我地好勁咁買到$280飛睇子華神!!!



2014-09-27

Day 1---Part 3(澳門 Macau->香港 Hong Kong->日本,沖繩 Japan,Okinawa)
食飽飽咪行下街囉~~~國際通真係有好多野行~(係囉~多得我咋~d人又係Stussy度買到野喇~)....手信鋪多到呢~仲搵到有激安之殿堂~~就係我地酒店斜對面~~好多野睇呢~~超市電器藥妝一應俱全~不過藥妝除左幫人睇野之外我自己就無睇喇~因為6月先買完嘛~咁咪行下超市囉~

2014年10月22日 星期三

沖繩陽光海灘海鮮自駕遊之旅2014-09-27第一天Part 2(晴天)

今朝本黎心情幾靚...一個唔該又俾人整到落谷底....你真係令人心情由高點變低谷既專家~~不過我係唔會咁易俾你打敗的~~~~好開心呀~~今晚本身無飯食煩緊夜晚食咩好~貞同i子約埋我一齊食飯~好開心~叫左3個主菜2個小食....每人先$50!!在那找~~~~平到~~~



2014-09-27
Day 1---Part 2(澳門 Macau->香港 Hong Kong->日本,沖繩 Japan,Okinawa)
係酒店擺低幾両又再出去~~夕陽下的國際通~~國際通好多手信買的~不過我地第一站~~唔係買手信~~都幾大風喎~唔知同外圍打緊風有無關呢~



2014年10月20日 星期一

沖繩陽光海灘海鮮自駕遊之旅2014-09-27第一天Part 1(晴天)

華華華~有人正式踏入3張野喇~從此同20幾歲說拜拜~星期五:毛寶煮左餐好好味既生日飯我吃呀~平時係少爺仔黎架嘛~估唔到你煮飯又幾好味喎~...星期六:毛寶請左我去觀光塔飲茶~多哂~...->剪頭毛迎接一生只有一次的恐怖30歲~(有那個歲數唔係一生只有一次?)->七公子為我同杯子搞左個60大壽~(何謂60大壽?兩個30歲的人走在一起就是60大壽囉~)...係金龍擺左圍慶祝慶祝~多謝公子們~蛋糕超精美~....星期日:毛寶為我準備了生日午餐~也是親手做的呀~~~實在太窩心了~~很好吃~~..->去左UA睇失蹤罪(Gone Girl)->去左venetian行左陣->夜晚媽媽請了我去吃天政既呢~實在很好吃!(鼻孔噴氣狀)...我的生日周...就在這又飲又食中渡過了~謝謝每位為我慶生的人~謝謝~



哈哈~~今次沖繩之旅我都影左成800張相~計埋毛寶iPhone哥d~有成800多張~~~巧勁~




2014-09-27

Day 1---Part 1(澳門 Macau->香港 Hong Kong->日本,沖繩 Japan,Okinawa)
咦~今次既進展好快呀~我地唔係由碼頭既相講起~~由機場既相開始講起~~~(因為碼頭個check in位搬左~空間好窄~~影唔到~~)哈哈~~~哥日我地朝早搭7點半船由澳門直接坐去香港機場~按照慣例要早一個鐘即係六點半到碼頭(好多謝毛寶豬揸車車埋我同媽媽去碼頭呢~)....check好in....發現好神奇....今次哥間航空公司去到香港唔使自己再抽番d行李check in....而係係澳門直接去到沖繩...我初頭仲半信半疑~問完碼頭哥個人...去到香港機場又問check in哥個人~~~~~~



到左機場禁區入邊之後我地就去搵野食~今次本身有大好既機會食勝博殿的.....但係...早餐時段食又未免太heavy....同埋我病了又未好番~最後....食左麥當勞熱香餅餐~~~~~好耐無食過麥叔叔喇~~早餐時段的香港機場美食廣場超多的人~好辛苦先搵到位食野~~~




hehe~~~~~~要出發了~~~~今次我地乘搭香港航空(Hong Kong Airlines)既HX658號11:10班機...由香港~直飛日本的沖繩(Okinawa)~~~~~~~~今次既成員有:我..媽媽..毛寶..阿寶同埋驚嚇男~~有無人發現到驚嚇男係邊??(毛寶影得寶寶好醒目呢~~~)




2014年10月16日 星期四

2014年5月香港長洲兩日一夜遊---Part 4

真係好難頂...我已經第5日頭痛....根本噚晚成晚訓到到....爆痛之下上山頂睇醫生俾左日假我...唔知佢今次d藥係咪太勁.....我訓到中午起身諗住食野..點知一開眼定眼望所有野都好暈.....暈得滯嘔左兩次....要急急再訓....之後訓到兩點半起身無咁暈起身食麵包...4點成個好似突然無哂電....好攰好攰之下衝入房要即刻訓低.........又訓到依家....個人差番一格電上黎留幾隻字...我做底做咩事?!?!?!



一早醒來去食個早午餐先~大比佢地帶左我地去食華星冰室(當時澳門仲未開)~~地址:灣仔克街6號廣生行大廈地下B1號鋪......可能大家都平時食開啦~但我真係第一次食呢~~~(其實我都幾鐘意食茶餐廳呀冰室哥d~)


2014年10月14日 星期二

2014年5月香港長洲兩日一夜遊---Part 3

仲係頭痛....噚晚已經迫自己早d訓...可惜訓極都訓唔著......希望今晚訓得好d啦~~~明明秋涼應該訓得好舒服先岩架嘛~~~~



行飽街之後~我地就出發去我地出發之前傾好要黎食既鴻福海鮮四季火鍋飯店...地址:九龍土瓜灣落山道86C及D地下....電話:2865 0112/2334 8528....對於遊客黎講係好難好難搵的~~~最近哥個地鐵站叫油麻地....我地去到油麻地地鐵站後.....轉的士~~~~~~好似都搭左成40幾蚊架~~~其實地鐵站去落山道條路都幾遠...好似搭左成7-8分鐘車~~~~~~好彩有搭車咋~~

2014年10月13日 星期一

2014年5月香港長洲兩日一夜遊---Part 2

星期一今日算係輕鬆又算係唔輕鬆......今朝一起身就頭痛.....下午有任務...做66隻團體.....唔好既就係真係好多..好攰...好既就係....我頭痛...做呢66隻...唔使諗野~唔使理其他煩野...都算係好事囉~~~~~雖然我依家貼緊退熱貼..但係我心裏仲諗緊d一包包既零食呢(流口水狀)........星期五:放左工番屋企坐左陣~就同媽媽去左星際既蘇浙匯食上海菜...竟然無做大閘蟹粉既菜式...人地諗住食下蟹粉小籠包架嘛~~不過我地都覺得佢d野退步了~(但服務還是一流和貼心~).....星期六:野~~~~~~人地好開心呀~~~Kapo Baby遠從香港過黎陪我同毛寶玩左一整天呀~~~~~~~~第一次相見~份外緊張~~~~~.......星期日:中午食左好耐無食聯記~~雞腳好味~辣都好味~.....->去左買野為黎緊個星期五既節目做好準備~~~好緊張~~....->夜晚同左大學同學去慶祝我的生日~~~食左好耐無食既笑面府~~~~好開心~~~



涼完冷氣又周圍行下~諗住搵一間賣得意雜貨既...點知等佢好耐都無開....噢...咁算啦~影張靚相就算喇~


2014年10月9日 星期四

2014年5月香港長洲兩日一夜遊---Part 1

點解放完國慶假咁耐....都仲有咁多野做既??????????巧難頂話~~~~~~好彩聽日係可愛的星期五~~~~~~呢個周末同下個周末都節目滿滿的~~~~(有好多都係為慶生的呢~).......雖然有好多節目.....但係個心都係....有d唔知點咁....你知啦...女仔一過哥個歲數......個心理關口好大架嘛~~~~~~~~~~



我記得哥次過香港搭超早船~~~唔知好似係搭7點半定8點~~好癲~~~為左行街而過既香港~~我真係未試過搭咁早~~哈哈~~一上左船之後~我地就衝去另一個中環5號碼頭再搭船衝去長洲~~~周一至周六...同星期日d船飛錢唔同的~又有分普通渡輪同快船~價錢又唔同~我地哥好似係搭快船的~星期六個價錢好似係$24.6~想睇船期表同埋價錢就去佢網站查詢下~呢次我地有4人出發~我和毛寶和大比和阿Sam...冰島填友~歸位~

2014年10月8日 星期三

柏蒂全口味豆

華......番左三日工好似世上已千年~~~之前仲話充滿力量....都係唔夠d人黎~~~~~you win~~~~~噚日你仲特登打黎關心我做咩事唔寫blog~~~我無唔舒服呀~~~只係好攰好懶咋~~~



前排有個朋友....佢有份黎自英國的手信~份手信係我同貞公子一直都好想好想好想試既....哈利波特巫師世界入面既柏蒂全口味豆~~~~~~~~~~~麻瓜世界無架~我地係哥個朋友度留言話好羨慕佢有....然後不停問佢咩味~跟住佢好大方咁話請貞食~~~~~(其實我地都好唔知醜喎~~~)

2014年10月6日 星期一

黃生廚房(美味葡國餐)

放左咁多日假...多野做都係預左架喇....不過d人...成日都係串串貢咁既...正衰人!!!!!4日假期似飛快的過~每日都過得好開心~...星期五:去左食sky 21...個海南雞飯都幾正喎~夜晚就去左食Altira入面個帝影樓既任食邊爐~...星期六:同左朗公子去左食pokka...忍唔住咁飲左北海道牛奶冰咖啡~夜晚就同左屋企人食不夜天自助餐~....星期日:同左小公子去老上海飲茶~呢隻小魔怪兩歲喇~~~~夜晚同左大比佢地去食林記~好正~



今年睇番我好似食左好多我未試過既葡餐~其中一間係5月母親節時同姑媽表哥表姐們試既黃生廚房(美味葡國餐).....地址:澳門聖祿祀街34號地下.....電話:2835 4011


2014年10月2日 星期四

The Simpsons~

我回來了耶~~~~~~~~~噚晚機到香港的~~~有沒有想我??有沒有想我??有沒有想我??有沒有想我??(哈哈).......去完沖繩番黎~出發之前問問去過沖繩的各人意見...就係:er.....係咁啦....都無野玩既....又無野買...黎黎去去都係咁...........另外又有人話:好好玩........搞到人有d覺得:咁到底係好玩定唔好玩呢~......抱住懷疑既心態出發~~~~番黎既評語係:喂~~~~~好正呀~~~~~~沖繩係我去過日本既第3個城市....之前哥d唔使講啦..就係大路野東京同大阪~......去完沖繩令我想....去下東京大阪以外既其他城市!!!!!!沖繩d野真係好好好好好好好食!!!!!而且呢~~~海是超美的~~~我很期待我自己的沖繩blog~~~~(自戀mode)......不過相片還沒有集齊耶~(毛寶~還差你喇~)....還要等一下下喇~~



好耐無寫過買左新既得意野~(其實呢個都唔係我買~)...前排呀~係網上睇到有Simspson既Lego大屋賣呀.....毛寶同佢家姐興奮到呀.......不過後尾諗諗下又無位擺....所以就淨係去買呢套易d打理一套16個醒目Lego人~~~~~我記得岩岩出哥時炒價都幾貴......但好彩澳門有d玩具鋪都有大量番貨~~一套都係正常價賣je~~~好靚呀~~~~佢地個個d配件都好正!!!