2017年9月25日 星期一

毛里求斯渡假+馬達加斯加麵包樹之旅2017-05-27第八天Part 2(陰天)

星期五...華~i子早上買左肥仔記請我同衰婆食~~!!多謝i子!!!我好耐未食過肥仔記喇!!!!好好味呀~~~放左工同毛寶麥公子一齊運動去~~快行+慢跑6.11km....單車6.29km~~做完運動梗係要食少少野啦~~~去左食阿鴻小食~~好味~~無啦啦上唔到網...煩.....星期六....中午食左八分目~然後臨時頒布緊急法定休息日~無做運動休息下~~~下午又同毛寶寫四國行程...好攰~~夜晚就約左露仙同埋karen~慶祝我和毛寶的生日~~~試左Japas~~多謝兩位~~~~~~星期日中午約左黃皮試新開既Sip Sop Soup~(唔錯喎~)......之後去左做運動~快行+慢跑6.24km....單車9.05km~~夜晚去左紫來坊食齋~星期一...搵左師傅上黎睇我個上網咩事....佢話d線無問題...換左舊野可以上到網喇~~可以出blog喇~~放左工之後去做運動~~快行+慢跑5.12km....單車3.15km~~



2017-05-27
Day 8---Part 2(毛里求斯 Mauritius)

繼續香格里拉既私人島Ilot Mangenie既行程~(講到行程...其實係無行程~)...毛寶你好衰架~~影到人咁靚既~

2017年9月21日 星期四

毛里求斯渡假+馬達加斯加麵包樹之旅2017-05-27第八天Part 1(陰天)

星期二....唔知點解好攰~明明噚日係法定休息日架啦~呢日快行+慢跑5.29km...單車3.36km...攰到丫~星期三....今日多野做左....但我打左好多個喊露~~食飽飽去做運動...快行+慢跑5.3km...單車3.35km....其實如果我識游水既話就係三項鐵人架喇喎~做完運動想去7仔買番本今期既藝文青...因為有Supper Moment做封面...但我發現澳門7仔係無藝文青買....激屎我......星期四.....超開心~中午同左衰婆同i子食飯~食咩~~~~~我地去左食新故里呀~~~wow~~~~~好好味~~~放左工依家去同公子食飯呀~我地為毛寶慶生呀~幾乖呀~我寫完blog先跑出街呀~~~~呢日無去運動仲食左兩餐咁勁既....真係作哂反~



2017-05-27
Day 8---Part 1(毛里求斯 Mauritius)

早唷~今日要搬酒店喇~食埋早餐就出發~早餐都ok既~

2017年9月18日 星期一

毛里求斯渡假+馬達加斯加麵包樹之旅2017-05-26第七天(天晴)

星期五.....工作上無咩特別...那也是好消息~放左工約埋麥公子毛寶一齊去做運動...做左幾下啞鈴(好攰~)..唔係好岩我~我都係鐘意跑步多d~呢日快行+慢跑左6.04km~無做單車~好攰~做完運動一齊去左食千笹~(我唔理喇~我咁勤力我要食野~)...夜晚番到屋企諗住開開心心打下blog..點知網絡虧虧地...頂住呀!!!星期六....頂...我掛住Sunny bb掛到噚晚發夢見到佢.....早早起床去運動去~Americano+跑步~我的最佳朋友~快行+慢跑6.14km...加大力度跑步~~今日跑到25分鐘以上!!!!好利害~~~為自己鼓一個掌~~~再黎單車6.25km~中午去左御瀛食日式套餐...不過很一般~下午梗係訓個下午覺先啦~~醒左起身搵下日本四國d景點既mapcode~夜晚就食左紫來坊~好耐無食!!搬左去媽閣之後第一次黎食~~~~必食薑蓉炒飯~仲有椒鹽茶樹菇~之後去左探菓子軒呀~大個左好多!!!抱上手個身長左好多~~~~~~星期日.....又係Americano+跑步時間~快行+慢跑左6.16km...單車6.38km~好攰~然後去左投票!..中午食左Passion~下午做四國功課....忙忙的....晚上食左宏安外賣~....星期一...全部客都好似round round地.......早上有一個勁喪..下午又有一個勁喪~呢日係法定休息日~運動休息一天~(我就係決定呢個法定休息日既人~)



2017-05-26
Day 7(毛里求斯 Mauritius)

之前哥晚臨訓時開過iPhone個指南針睇過我地隻窗係向東既~所以....我同毛寶就話要睇日出喇~~哈哈~一mark大眼就已經出左少少喇~(重點係我地無較鬧鐘起身的..純醒到就醒~)

2017年9月14日 星期四

毛里求斯渡假+馬達加斯加麵包樹之旅2017-05-25第六天(天晴)

星期二...工作又回復正常~放左工無去做運動~因為約左公子去麥公子屋企開p~~叫左韓式炸雞飯卷外賣~~~好正~~~星期三...工作無咩特別~放左工要去做番運動啦~噚日無做~~快行+慢跑5.26km~狀態不錯~我覺得我可以跑多d添~不過留番周末先跑多d~費事上班日太攰~另外單車3.88km~星期四...中午同左衰婆和i子一齊去食八分目~我好鐘意食~第一次番工日去食~期間聽到一個驚天大消息~其實我矛盾左一整個下午~放左工食完飯去做運動...今日快行+慢跑5.27km...要紀錄下係我跑到20分鐘~~~單車6.27km~~但原來要做無氧運動之後先做有氧運動...(但無氧運動好辛苦唷~)...好野~聽日星期五~~~~~~~~~~



2017-05-25
Day 6(毛里求斯 Mauritius)

早唷~其實點解呢間野唔平我地都租?因為其中一個話想試下裸泳喎~咁呢度有個私人泳池.....但...咁細...浸水就有份~而且個廳有兩個閘架~可以開哂佢咁個廳就可以直通去花園泳池喇~

2017年9月11日 星期一

毛里求斯渡假+馬達加斯加麵包樹之旅2017-05-24第五天(天晴)

星期五...番工無咩特別~放工去左做運動....快行+慢跑5.31km...單車6.68km~呢日都幾叻~~做完....哈哈~~去左食千笹~~好耐無食過日本野~~個刺身拼盆好好味~我第一次食生既喜之次...好好味~~~仲有左口魚邊壽司~仲有燒牛舌燒菠蘿都好正~~~唔錯~(放縱下一日啦~~)...星期六~一早又係運動+Americano呢個組合~我很喜歡Americano配運動~但呢日懶乖咁叫左走冰發現極度難飲~~~呢日快行+慢跑5.21km....單車6.87km....雖然都達標...但就係有點力不從心~~~(其實做完就知點解)......做完運動行哂雷咁...好驚落雨所以去左羅浮咖啡食中午飯(因為停車場直達餐廳唔使驚落雨~)....今次d野又好食番d喎~之後訓左個下午覺~夜晚係屋企食阿媽買番黎既喜之次~~煎到佢香香的好好食~仲有三文魚籽丼~~~星期日..由於太攰~我同毛寶決定休息一天訓晏d唔做運動~~中午食左一間開左超耐但係我從未食過既茶餐廳...但麻麻地~之後幾有氣質呀~我地走左去學刺繡呀~我真係好有氣質~夜晚食左關東煮外賣同埋毛寶幫我剪左頭毛~又過左一個周末~星期一...呢日超多野做~~超多~因為有d學校放教師節喎........放左工番屋企食左飯就去做運動~快行+慢跑5.2km....呢日好勁喎~跑多過行~~Sunny真係勁~~一路聽住你把聲係跑得起勁d~~~~~(聽講話9月出新歌喎~~~~唔使急架最緊要快~)



2017-05-24
Day 5(毛里求斯 Mauritius)

早唷~~~~一早起身望到呢個景係心情好d既~~仲要St.Regis張床真係勁舒服......真係好舒服~~訓醒無腰酸背痛感~呢樣真係要讚..我未訓過咁舒服既床~預左某個時間去食早餐起身既~但未到鬧鐘響我地就自然醒左~hehe哈哈一輪決定早d起身去食早餐~

2017年9月7日 星期四

毛里求斯渡假+馬達加斯加麵包樹之旅2017-05-23第四天Part 2(天晴)

星期二...小朋友終於開哂學喇~~~~太好喇~~~係d籌度可以反映到出黎~~~~~~夜晚無去做運動...諗住幫媽媽係屋企樓下抽d行李番屋企~臭佢之前自己食飯~我揀左小上海煎餃(呢日煎得十分之好!底好脆~~)+恆友......勁耐無食過呢個組合~~~恆友我最鐘意食火水丸(火腿丸)...芋絲同埋海帶脆肉瓜哥d....無乜會食丸類既野~~因為佢d辣好襯食蔬菜好吸味~~星期三...番工還好~放左工就去左做運動...今日淨係快行+慢跑5.28km.....然後健身教練教左我少少收手臂動作~~加油~~星期四...番工時又俾個男人話...話我地無將佢個籌叫出聲...大佬呀..成個場咁靜就知無野叫出聲啦...人地又入到counter既..得你一個入唔到既....去麥當勞買餐都自己睇mon睇編號攞野食啦...佢又有叫你名攞餐咩..你咪唔好食囉~放工快行+慢跑5.24km...單車2.78km.....今日狀態挺不錯~~好野~~~終於到左星期五喇聽日~~~~可以訓晏d喇~~(唔係喎...周末係朝早去做運動喎~)



2017-05-23
Day 4---Part 2(毛里求斯 Mauritius)

差不多中定既時候我地就到左我地呢晚既酒店喇~我地揀左St.Regis Mauritius Resort~~~我第一次住St.Regis咋!!!!好緊張~~~~而且個價錢對我黎講係天價..(對我黎講)~

2017年9月4日 星期一

毛里求斯渡假+馬達加斯加麵包樹之旅2017-05-23第四天Part 1(天晴)

星期二...無咩野丫~工作順利~星期三....下午竟然有點靜靜的...好不舒服~呢日早餐係一個葡京大包..好好味~星期四放工勁爆大雨~走左去同公子食我地最愛既權昌~戈巴都黎左澳門~仲要請我地食飯~多謝麥公子和戈巴~所以太夜番屋企無寫blog~星期五...早上發生左甲由事件(個名係毛寶幫我諗既).....放左工去左食酸辣粉~我係第一次一個人食一碗酸辣粉架咋~要好好記低~阿媽去左旅行~呢幾日要好好照顧自己~(洗衫先)....星期六我一早去左做運動啦~幾叻~由於太耐無做....費事身體頂唔順...快行+慢跑5.14km就快行既多~單車5.98km~....之後就食左間新既冰室....我個片頭撈米好難食~~~下午就同毛寶訂下四國既車....搞左成個下午....好攰~~但終於搞掂~毛寶叻叻~~~(齊鼓掌)....夜晚食左家常便飯~都算幾抵食~依家仲要送例湯!抵!....星期日早上又去左做運動~快行+慢跑4.88km~單車7.07km~之後跑左去食永安既豬扒公加咖哩仲有煎蛋多~~~~好耐無食過好好味~~~(咩je~做完運動唔好食咁多野丫嘛~但我唔做運動時都係咁食啦~無事既~)....下午....訓下午覺~夜晚自己煲青紅蘿蔔海底椰粟米瘦肉湯~再加外賣海榮~又過左一個禮拜~星期一....小孩本身上學去的...點知又黎個暴雨不用上學天~呢度真係好好玩呀~~~~放左工去左做運動...但今日狀態很差呢...跑一陣就見好攰~快行+慢跑5.38km......回家依定又要趕緊洗衫了~~~~我無事呀~~~大家唔使擔心~~~



2017-05-23
Day 4---Part 1(毛里求斯 Mauritius)

好喇~住埋噚晚咋~今日要換酒店喇~~我好唔捨得個早餐呀呀呀呀~~~~今日食一隻太陽蛋好喇~~另一隻蛋既quota改食奄列~都好味~(其實奄列應該用兩隻蛋整...其實我呢日食左3個蛋...好不應該)......又飲哥個健康水~