2009年12月31日 星期四

All About 2009 Christmas---聖誕聚會1

今日雖然好多野做…但係過得好開心~因為今日全世界人都係放監~就算多野做都做得開心~……一放工衝番屋企….換好衫…衝去哈比屋企睇bb~好得意呀…..抱抱bb就會將不快忘記得一乾二淨~……睇完bb仲去左呢排好愛既鮨味亭食飯….笑到我肚反…….



係12月25號哥日…..十二點一早起身…等毛寶等到三點先出門口….中午既聖誕大餐係我地都好愛既蝦堡~


d人一定以為我地癲左…m記都要影相~

2009年12月29日 星期二

All About 2009 Christmas---香港閒逛~

哎呀~今日唔使開ot喎~開心得我丫~…….放工=放監~放左工就好似甩繩馬騮咁lu~~~~哈哈…不過噚日都有好嬲過….又有d人激我…..d衰人做左衰野….終於都有惡報~我唔係心涼…我又無你咁黑心….又唔係我特登做出黎….哈哈~今日仲上左山頂覆診….醫生仲幫我………..哈哈…總之我依家就舒服哂啦~~~~~不過我又唔明…點解有d人….會明明唔係自己做既好事….講到係自己對人好……做完又唔怕佢面紅哥下好野喎~



我懶左好耐無寫blog喇~成個幾星期….因為聖誕節嘛~玩玩玩玩~超開心~~~



咁講下聖誕節做左d咩先~我地24號平安夜過左香港~最主要做既野係—-要陪毛寶寶去apm買對鞋…..第一次去apm…華….鬼咁遠….搭成廿九幾個站先到~….最後…我地發現…..將條線倒番轉黎搭…..係會少好多個站…..你班傻仔~不過apm都幾大既….但係我覺得d聖誕裝飾都唔夠多既~~~

2009年12月17日 星期四

第六年抽唔獎既聖誕party

死衰人…你個死八婆真係衰…..今日放工三條女一出門口已經狂噴粗口…..累我做唔成淑女…..真係超唔鐘意你囉….使唔使咁呀…..其實有需要學習講野技巧哥個係你….唔係我地…你依家係我心目中只係一個口衰..不會激勵別人…最鐘意晨早流流講d野出黎打沉人地士氣既一個人…對!你就係咁樣既一個人…..唔使懷疑…你EQ仲好差…差到要人成日受你氣….我都有媽媽生架….點解就係要成日受你氣….睇你d鞋口鞋面…我真係頂你唔順….遲早爆煲!….今日仲做到右邊條頸爆痛…唔知為咩….你繼續鬧啦…我依家開始當我自己聾左就算….累到我一放工就喪買喪食….買到成個袋都係野….一落雅明就同兩條女狂食魚蛋…..都係你害架….



上個禮拜公司開聖誕party….今年我地圍得好少人咋….細da走左….臭男人又遠走他鄉….連毛寶都過檔….唉..好少人~


不過今年d野出乎意料咁好食喎~不過我同毛寶已經係第六年抽唔到獎喇….唔再有任何期望~

2009年12月16日 星期三

玩轉香港迪迪尼2009---Part 5

點解連寒風都吹唔走班人架…..做死人喇……..今日個頭又爆痛喎…………感覺上話俾我知今日係星期五….事實上唔係….今日體內既快樂因子….消失得無影無蹤~搞到人地好想食野黎提高番個情緒….但又唔知食咩好…好想打邊爐呀…凍冰冰…坐係個counter度….d寒風都唔知係邊度飛出黎~星期六咁凍仲要過香港飲…..真係早知吹水話要番學好過啦…..



迪迪尼2009—-Part 5

狂歡三寶~扮可愛中~唔知我地下年會去邊呢?


2009年12月15日 星期二

玩轉香港迪迪尼2009---Part 4

唔知今日做咩…超多野做…下晏番到去就人頭湧湧~好彩中午食左我最愛既十蚊四件壽司….再加新寵韓國香蕉奶~心情大好咁做野~今日karen個bb女仲黎左tim呀…同佢玩左一陣….又開心左一陣~狂搞佢塊面仔~好得意….雖然心情好…不過都係…好攰~放工仲落大雨…成對腳濕哂囉…仲偷偷地攞左人地把遮黎用…..哈哈~…同左小貞完成秘密任務~其實我地既對話….真係….唔係一般人接受得到~



迪迪尼2009—-Part 4

跟住到toy story出場…唔知仲係咪頭先既巴斯同胡迪呢?

2009年12月14日 星期一

玩轉香港迪迪尼2009---Part 3

本身今日守緊行為….但由於成日佢都唔係度…變相我今日做左假釋囚~yeah…..所以我覺得今日做野輕鬆左好多~行黎又行去~~~~~今日好似d人又無係樓下開聖誕party喇喎~咪好囉….聖誕都未到~~噚晚仲好叻咁整左d椰汁糕~~其實都係左溝溝右溝溝..哈哈…仲好開心今日收到一個薑餅人曲奇餅~



我對於噚日整e道整唔到右手…仍然耿耿於懷



迪迪尼2009—-Part 3

玩完個space mountain同巴斯光年之後..我地就好乖咁企係度睇巡遊喇~其實我以前都唔睇巡遊既…淨係掛住去玩…今次都係第一次~



唔知佢係咪年年都係呢d花車既呢???平時擺係邊呢?


2009年12月13日 星期日

玩轉香港迪迪尼2009---Part 2

一整個週末都係番學之中渡過…..好悶好眼訓好難頂…..我今日仲恰眼訓恰到就黎俾毛寶打死我…事關我每訓一次…佢就拍打我一次…..但無三秒又訓著….如是者….呢種互動….循環左半個鐘………………….哈哈…我地形容…院長係獄長…我地係犯…..我地就係咁…..坐監坐左兩日~今日番到屋企…諗住擺低d野出去買野食….開左廳燈之後…再開飯廳燈….pop一聲…全屋燈都熄哂……好驚呀….成屋黑monk monk…..黑色世界…..好彩有人陪我講下電話….等爸爸媽媽d時間先快過d咋~點知爸爸一整….即刻有燈…..我搞左好耐…都搞唔掂….我真係蠢勃勃~



迪迪尼2009—-Part 2

影左陣相…我地就去左食野先喇~小鎮大街既一間餐廳..有christmas set…108蚊兩道菜(前菜+主菜)…120蚊三道菜(加埋甜品)….如果哥個人唔係傻既…都會揀三道菜哥個啦~

2009年12月10日 星期四

玩轉香港迪迪尼2009---Part 1

今個禮拜做野真係快活過神仙呀~位置真係靜中帶旺~身體承托位置又岩岩好喎~心情又靚番喎….聽日又到星期五喎~不過聽日要考試…同埋星期六日要番學….er……..算啦…都開心埋先啦~~好想星期六去食好野….食呀食呀食呀….哈哈~溫習呀…晏d先啦….玩多陣先啦~



yeah~我要寫令我好開心既迪迪尼樂園之旅lu~~~~



迪迪尼2009—-Part 1

點解揀呢日出發….因為呢日淨係得澳門放假…香港人唔放假….因為又唔係全部學校都放…好似我表妹咁就無得放~~~又係閒日喎…..咁如果去既話….都唔使同咁多人迫~真係好叻同好聰明~~舊年都係呢段時間去~~事實證明係岩既~正當我地以為我地會嬴既時候….冷不防大晴十幾天….佢同我走黎落下雨…..令到我擔心左好耐….仲問毛寶去唔去好…佢點我一句:你去旅行未試過落雨咩?……..又係喎~~所以乜都唔理…去左先算~



是日團友有六人~領隊為啟門~(皆因佢今年已經第四次黎~)



係澳門出發時都落得幾大雨~不過過到香港…又無雨喎~

等我呀米老屎~

2009年12月9日 星期三

小i bb的聖誕派對2009

華華華…今日真係超級眼訓…..噚晚番到澳門都已經成十二點幾…沖埋涼…行黎行去…衝埋上床…都成點幾lu~星期一晚開完公司個christmas party….六年喇…又抽唔到獎囉…玩完之後就衝左去venetian買金光飛航d飛…..噚日就去左迪迪尼玩~呢幾日都幾豐富喎~不過今日多野做到呀…..有得分咁…仲有…樓下d人….玩夠未呀….係時候收手喇卦?不過唔驚…逃生路線我都諗好喇~



今日中午超開心….因為係食我好好好好好好好好鐘意既…麥叔叔蝦堡~…我媽媽仲好叻仔咁…叫左雙層~噢..睇佢幾厚~

2009年12月6日 星期日

食食食....淨係識得食

雖然今日十一點起左身….但係好舒服….因為係安樂醒~係張床度扭左自己一陣計就爬起身換衫臭寶寶放工…..就係咁…加埋啟門同下人….又開始左四個人的飲食生涯….



買完哈比bb禮物之後….過左去竹灣….去一間叫la gondola既餐廳係3:00pm食中午飯….影到我好似曬傷左咁呀………

2009年12月5日 星期六

出埃及記---2009.10.23第九天

2009.10.23—-第九天

發現左第九天係得兩幅相…因為成程都係飛機上面過~


野食呀~美酒呀~真係鐘意食飛~機~餐~



仲係機上面睇左套幾好睇既戲叫The sisterhood of the traveling pants…..有做ugly betty哥個女仔做…其他人唔係太認得….又幾好睇喎..不過我估無上過畫囉~



總結整個旅程得出既結論係:

1.埃及d野食令個口如黑洞既我…都唔想放入口

2.埃及係一生人一定要去一次既地方

3.但係一定要後生哥時去

4.好熱好曬

5.好抵玩…加哂所有團費導遊費燃油附加費自費活動買野…總數萬五蚊有找…抵過去五日日本

6.如果識唔到d好玩既團友…個旅程會頂唔住

7.坐火車記得做足準備~

~埃及九天之旅 The End~

2009年12月4日 星期五

出埃及記---2009.10.22第八天(Part 3)

唉….今日又走左山頂一轉…..噚晚已經右邊身痛到不得了…痛到上頭….食左兩粒必理痛訓….點知起身再痛d…番左個幾鐘頭工..最後都係頂唔順上左山頂…..好彩有毛寶提我睇埋隻耳仔….點知原來佢話我隻耳仔無咩野…係話我鼻塞同鼻敏感有關……噢….又係個fuxkxxg鼻搞鬼………….



2009.10.22—-第八天(Part 3)

寶寶鍚完到媽媽鍚鍚~*3* *3* *3* *3* *3* *3*


2009年12月3日 星期四

出埃及記---2009.10.22第八天(Part 2)

華……….今日真係攰到呀…..不得了….好辛苦呀…..唔知係咪個位既問題…..成日用右手邊做野…..搞到我右邊手右邊膊頭右邊頸都痛哂(要飲多十杯comebuy先補得番呀~)……..試過今日做做下條腰仲無啦啦好痛……我隔離位既ada俾我既回應係:我地d咁既年紀…要開始飲奶喇….唔係就骨質疏鬆喇……………………er……….係囉….飲奶囉…..以後去麥叔叔我就同佢講個餐跟牛奶囉…….搞到我放工都無哂心機….不過…..去到八佰伴睇到d好得意既bb野…就開心番好多喇~~~噚日karen生左個bb女~~好開心~~所以一放工就去睇bb野買俾佢位千金~d bb野真係好~得~意~



睇下個靚女~有成八磅重架~同我出世時一樣~~~~


超多頭髮~~好得意~真係好鐘意同bb呀狗仔呀玩….不過叫我臭就……哈哈~



2009.10.22—-第八天(Part 2)

ok~我唔數喇…都話係第x次擺呢個鋪屎咯~唔知做咩好嘛~

2009年12月2日 星期三

出埃及記---2009.10.22第八天(Part 1)

今日放工有一種虛脫既感覺……唔知點解下晏點半一番工….做做做…..做到下晏放工….害得人地都無得玩下~跟住放工諗住去搵下星期五份聖誕禮物啦……….諗到…又係…搵唔到….哥種感覺真係好辛苦…..因為…天秤座一諗到就要做….最後做唔到…依家係個咪係個腦裏面自己同自己…打緊交囉….其實我有時真係有d無聊~不過我就係咁….大煩惱又唔輪到我……咪煩d細野囉….可能就係我前世做得好事多~可能無乜上進心都係優點….起碼我唔使煩咁多~~~好喇….你把聲真係好嘈呀……



今日又係咁…朝早食左個麥叔叔早晨全餐…兩塊薯餅…..華…飽到有d暈咁滯……我覺得我都唔知係咪一條金魚…食到都唔識停…….希望我學識咩叫適可而止~唔好再係咁為食~仲有去到麥叔叔…原來小丸子已經俾人換哂…..12月4號先有…下…咪星期五???唔通天意又要我食多次????點解麥叔叔仲未出蝦堡架….我好愛蝦堡架~



2009.10.22—-第八天(Part 1)

個早餐唔好食就唔在講啦…..呢日連杯碟都無囉…….

2009年12月1日 星期二

出埃及記---2009.10.21第七天

華….今日樓下超多人聚集…..又係哥d超齡子女既親屬….好似想殺死人咁….係度又叫又喊…..我都明白你地好想一家團聚….但係點解係人地話有一萬蚊之後先黎搞咁多野…之前又唔見你地黎示威…..唉……噚日個死modem壞左….多得我親愛既媽媽幫我去ctm換咋…..愛死你~無得上網既時候…我真係覺得我歸隱左田園咁…..十點半就衝左上床做文藝青年….係喎….發現我除左上網之外…其實我都幾鐘意睇書架喎….不過我又唔係本本書都鐘意睇喎….呵呵呵~哈里阿波第四集…唔知點解我睇極都未睇完~….



2009.10.21—-第七天

爆早起身…因為要坐七個鐘頭車…由洪加達直去開羅(Cairo)…..沿路都一直超近紅海….好靚~

2009年11月26日 星期四

出埃及記---2009.10.20第六天(Part 3)

唔知係咪人老左…..d消化系統功能就差d……依家d消化能力真係大不如前……今朝食左一大個麥叔叔既早餐…..好飽….飽到連中午飯都食唔落…..一放工番屋企就係訓覺~….以前食到幾飽放點半貶下眼乜都無啦…..依家搞成咁…我真係對我自己好失望~不過今朝有早餐食又真係幾開心既~



2009.10.20—-第六天(Part 3)

食完個餅我仲冒死衝入去一堆臭羊度影相…真係臭絕~

繼續參觀貝都恩人村落~

2009年11月25日 星期三

出埃及記---2009.10.20第六天(Part 2)

硬係覺得今日好似唔知點咁………….哈哈….又係度無野搵野黎諗……係咪真係日日都要有咁多人呢….其實都唔知d人係邊度湧出黎……..不過算啦…下晏好開心一番工就去左十九樓度參觀dv~雖然平時都成日入去……但依家細心d望….華….真係好鬼大囉~…….我都幾羨慕佢地……其實坐counter真係幾辛苦…..加上我依家個位….太正~d人永遠上到黎第一個想殺死既就係坐counter既人……噚日有個野差d打爆玻璃…真係short short地….我諗我遲早俾人殺死…請定個保鑣先~好掛住小貞呀~今日都見唔到佢….我好想快d到星期五呀…不過都無用…呢個禮拜六日…..都係要番學…唉~番星期六日我就會覺得要等兩個禮拜先有得休息…..我個情緒突然低落因為我睇完一篇野……………



2009.10.20—-第六天(Part 2)

上到船又玩完一輪毛巾之後我地就落左下層…..玩一d我從來都未試過既野…..就係釣魚喇……..釣之前我充滿信心

水清到望到下面d珊瑚~

2009年11月24日 星期二

出埃及記---2009.10.20第六天(Part 1)

今日下晏都唔知搞咩….立立亂…..有d人只會識得大呼小叫….咩都做唔到…..真係有d滾滾地……頂…不過算啦~本小姐早餐食得飽飽….心情靚~公司又鑽牆…番到屋企又鑽牆….鑽夠未呀….頭都俾你鑽爆……不過算啦~本小姐個下午覺訓得好…..心情靚~由佢啦~

你打擊唔到本小姐既…..呵呵呵(邪流丸笑法~)

今朝早餐食到超飽…又油炸鬼…又炒面…又豬腸粉…又凍奶茶….我發現我家人….都係貪吃又貪飲……不過都好過貪名牌~



2009.10.20—-第六天(Part 1)

呢日既節目超豐富…朝早訓飽起身…由於之前一日去到酒店時已經係夜晚…..所以就無睇唔到出面d景…..呢朝一起身…..衝出去睇…華~原來酒店有個人造沙灘呀….哇塞~


仲俾我地發現左黑仔油間房係一樓….仲要係睇園景..笑爆佢~

2009年11月23日 星期一

出埃及記---"2009.10.19happy birthday to me~"第五天(Part 3)

我噚晚真係無覺好訓……一訓落張床度….個鼻好痕…痕到不停打乞痴……..跟住不停流鼻涕……..最後…..個鼻塞到訓唔著…..直到四點………一朝早起身….隻左眼眼白地方紅哂….唔知想點……要用日本眼藥水滴左五次……先至無事….我究竟….發生咩事呀……俾覺好覺黎訓下好喎…..個頭今日放工又好似有少少想痛….唉~



2009.10.19—-第五天(Part 3)

食飽飯之後我地就要坐車去洪加達(Hurghada)喇….呢張野超少見….係五仙?!一毫既一半…唔知有無記錯…不過呢張野我係叫黑仔油借俾我影下既…最後我都有張喎~


2009年11月19日 星期四

出埃及記---"2009.10.19happy birthday to me~"第五天(Part 2)

死喇…我隻耳仔仲係咁….好似有粒砂係隻左耳度滾下滾下….滾左三日…..聽曾經身歷其景既朋友講…..話應該係跌左條頭髮入去…..要去睇醫生搵野吸番佢出黎……..死啦…我好驚呀…我會唔會聾架…….我諗我下個禮拜搵日得閒去睇睇佢好d…….不過我又真係好驚喎….都係搵人陪我睇好d…….好凍好凍好凍好凍好凍好凍呀…….我真係好怕凍……呢兩日我都反下反下…..今日我終於搵到個原因….因為我飲左xxx茶…….都係算啦……..遲d先啦…都係將個計劃推到去26歲先啦….橫掂我咁憎26歲……哈哈…..無飲之後食慾大增…哈哈~



2009.10.19—-第五天(Part 2)

繼續進攻喀納克神殿~佢仲話俾一個鐘頭九個字俾我地行呢度….唔係下話….熱到咁………….生日都要熱融我救命~


2009年11月18日 星期三

出埃及記---"2009.10.19happy birthday to me~"第五天(Part 1)

唔知點解今日隻耳仔好痛…..連搭lip上19樓都有好似搭飛機哥隻痛…連過橋過氹仔都有…..癲左~放左工同爸爸媽媽過左去新濠食飯…….感覺很啦芝….我想麥當勞會比佢好食….我好想食薯條呀……..好想食熱浪同卡樂b…..好想食鹽酥雞….好想食炸魷魚….好想明天開會食兩塊薯餅…..好想食好多熱氣野……俾著以前我係唔會理….話之塊面死…..依家….可能人老左…..我竟然學人玩戒口….痴左線….咁我忍多兩日啦下…兩日架咋~頭先食完野陪媽媽睇cod個天幕….咦…個個都話唔好睇….但我又覺得幾好睇喎~



2009.10.19—-第五天(Part 1)

happy birthday to me~yoyo…生日哥日係埃及哥度過….感覺又幾新鮮喎~



早上早餐…..牛角包真係好好好好好食…船上唯一最愛~真係好喇…..呢餐係我地係船上面食既最後一餐喇~

2009年11月16日 星期一

出埃及記---2009.10.18第四天(Part 5)

華….今日好凍呀….朝早番工我仲著唔夠衫….著得件恤衫加件爛臭西裝褸……..真係好凍呀….頭先番學都好凍….尤其行番屋企哥段路無人同我講野….又無野俾我笑….真係…..凍到出汁…..凍到我流鼻屎呀~真係吹我塊面唔漲…又出多粒暗瘡同我鬥氣……唉~有人話喎…佢都係我個blog個主角喎….問我點解佢d相咁少喎……er………呢輯相好似連我都無乜喎…今日好事:出糧~~~



2009.10.18—-第四天(Part 5)

是夜晚餐—垃圾一堆….第x餐…真係好悶好悶喇………….



其實我覺得我呢張相真係好樣衰…..但為左要向大家呈現我到底有幾驚嚇………我決定引痛將佢放出黎………….

2009年11月15日 星期日

出埃及記---2009.10.18第四天(Part 4)

今日好凍呀….星期日既天氣咁怪裡怪氣……好彩我唔使出街(想喊)…….訓到點半….約左寶寶同sasa來我家做功課…..好x悶呀…………………….由兩點做到七點…….邊有試過咁乖呀….又無出街….又無開過其他野黎睇….又無玩…..唉…..好彩都做得哂咋………哈哈….聽日又要向ok做presentation….希望佢不停話ok啦下…..我都唔知我自己做緊d咩呀….哈哈



噚日星期六去左睇2012……..華……..好睇到呀……真係好好好好好好好好好睇呀……..好睇到我想俾錢再去睇多次呀……d特技呀…..勁呀….俾40蚊入場睇真係值回票價~係真係一路地震一路海嘯一路睇到我口都突同心都離…..真係真係好驚……我都話我會係第一批死既人….因為我…唔係名人無特別技能又無錢買船飛又收唔到風世界末日……真係一震就散……………由依家到2012都仲有兩年……….呢兩年真係玩飽佢先得~~~~~~睇完就去左經典同啟門賀壽….只可惜…哥度係唔影得相架…..車…懶巴閉



2009.10.18—-第四天(Part 4)

繼續樂蜀神殿(Luxor Temple)…….其實我地係度逗留唔係好耐….不過佢唔知係咪冬天….個天五點幾就開始黑….


2009年11月12日 星期四

出埃及記---2009.10.18第四天(Part 3)

今日心情超唔靚呀……中午食飽飯番到公司哥時……俾個阿叔鬧到我一面屁……我又唔係無禮貌…又唔係唔幫你…..點解係都要話我為難你je……套用elsa對呢件事既評語:邊個得閒諗d野出黎為難你呀~……係囉….邊個得閒je~搞到人地成個下晏都心情低落…..仲有多兩個人向我發惡…….今日15號窗被小貞喻為:咆哮山莊…..無陰公呀….我到底做錯左d咩呀?…..我認為我坐counter唔算係做得最好既一個…但都算係脾氣好啦……d人真係你俾得隻蕉佢食….佢就想搶埋你個西瓜….頂……………..



2009.10.18—-第四天(Part 3)

講到我地要過恩斯納水閘(Esna)…係進入樂蜀之前….d船就要經過呢個水閘……為左俾d郵輪過水閘…..水閘水位會自動調至適當水平…隻郵輪就會慢慢下降…..好似落山咁..入緊



如果影自己隻郵輪影唔到個效果既..所以影左隔離哥隻~可以睇到d水位慢慢下降……真係落到超低架…………

出埃及記---2009.10.18第四天(Part 2)

呀….今日轉番坐15號窗……感覺又變番晴朗~之前兩日坐14號哥時…..帶俾我既係一種絕望既感覺……我諗我同哥個位相沖…….不過點都好….其實坐邊度…..只要開心….都無乜問題既~~~今日有d心情開心既感覺….可能中午約左朗仔小貞mina一齊去禾花亭食飯既關係~好開心…..食係帶俾我最大既滿足感~~~



2009.10.18—-第四天(Part 2)

見到第二隻埃及小貓….有個女人見到佢訓係度….跟住搣碎d餅乾俾佢食…..但係….佢將d餅乾碎….唔小心咁全部倒哂落佢個頭度….搞到佢好似有超多頭皮咁….heheheh~~kawaii


點知佢又好乖咁食緊餅乾碎喎~~~乖乖貓~~

2009年11月11日 星期三

出埃及記---2009.10.18第四天(Part 1)

點解今日過得咁慢長架……..好悶呀….同nata講左好耐:放工未呀……都係依然未放工…….d時間好似唔放過我咁…….行得超慢…….真係好鬼悶呀…..都唔知點咁多人……我好希望聽日八佰伴vip日會打退呢班人啦…..不過好開心…..iso d人又走左喇………..不過我發現今日工作……有一次離一離神….做錯左d野…..好彩我自己睇到咋….如果唔係…..哈哈…大獲~放左工之後……極快換好垃圾裝束…..飛奔出去會合妹妹們….一齊去做制服~度完之後去左雅馨食野….我肯定我有超過兩年時間無食過呢間野…….好好食呀個豆餅…..不過我成塊面都係暗瘡喇…………..哈哈….唔理喇…食左先啦~如果有人問我:點解你會咁為食架?………..我諗我除左傻笑之外……….咩都答唔出……….呢個禮拜d時間可唔可以過得快d呀?



2009.10.18—-第四天(Part 1)

佢d早餐又係無乜好揀….最好食係個牛角包…連掃兩個~

2009年11月10日 星期二

出埃及記---2009.10.17第三天(Part 3)

噚日放學極速去左marco度恤左個髮….後面又變番短短的….哈哈…..我覺得我剪左頭髮…..我好似一隻狗仔…因為兩邊輕飄飄……..行路拍下拍下….好似狗仔既耳仔……哈哈…原來我同阿杯都係狗仔呀~…..星期一呀好鬼多人呀….超多人搞dr…..都唔知搞乜…..又無人話派錢……..好想快d到星期五呀….上個禮拜六日都無放過假…仲要上院長哥科…..佢都痴那線……又唔俾遲到….又唔俾訓覺….好悶呀真係….不過星期六好開心同左瘦傻婆&nana食飯…..佢地特登係香港過黎真係令人超感動呀~估唔到團友都可以變朋友仔~



2009.10.17—-第三天(Part 3)

開航之後睇週圍既景色係特別靚既….我同nana不約而同咁話…..本身隻船開既時候d風好涼….但經過一個好似沙漠既物體既時候……..有一陣超熱超熱既風吹過…華….好熱…….



好似都唔知睇過幾多個日出黃昏lu….不過放假既時候睇就又放鬆又開心又靚又…………..(下刪454561548個形容詞)


2009年11月5日 星期四

出埃及記---2009.10.17第三天(Part 2)

唔知點解今日d時間會過得咁慢……做極都未放工…..好悶……聽日考試tim呀….噚晚我溫完一題之後….拉高張被….就咁訓左喇…………我真係無用呀…….點解咁多野溫架….好煩呀………快d過埋聽日啦…..不過都無用….星期六日都係要番學…..想死



2009.10.17—-第三天(Part 2)

我見到有d鬼佬係搭呢隻暢遊地中海既郵輪黎參觀呢個神殿架….佢地就好啦….又唔使咁早起身呀…隻野又咁靚



送多個神殿超正面過你睇下…仲有係埃及第一次成功跳起﹗

2009年11月3日 星期二

出埃及記---2009.10.17第三天(Part 1)

十九日大假之後既第一個工作日…..好那凍….係咪癲左呀……凍到一起身又頭痛…..不過好彩鯨吞兩粒必理痛之後又回復開心的心情工作…..所以說必理痛真係我既最佳伙伴~見到咁齊人一齊做野心情原來都會好起來~~希望日日都心情愉快就好喇~~不過就黎考試….我又仲未溫習喎..哈哈



2009.10.17—-第三天(Part 1)

食飽飽之後阿志雲大師就同我地講:聽日參加左自費行程既團友會好早起身呀..因為我地會睇埋日出…..我地會預備埋早餐盒俾大家團友架喇……..(跟住我就心諗個morning call既時間係4:00鐘之間…都ok既~)…..志雲大師再說:個集合時間係—三點三﹗所以morning call係兩點九………華…唔係下話………..我通常會俾morning call個時間早九個字起身….所以我既morning call時間係:兩點正﹗



唔記得講….我地係俾左135蚊美金去參加呢個項目….就係去參觀志雲大師口中所講:參觀完呢個其他既都會俾佢比下去既…….阿布辛貝神殿(Abu Simbul Temple)—-擁有3300年歷史..神殿曾埋於沙土中長達二千年…直至1840年才被發現…由於長年埋於沙下…免受陽光..雨水侵蝕…壁畫得以完整保存….另由於新建水壩使水位上漲….為使阿布辛貝神殿免受水淹….1964年聯合國將之分為1060份….遷至上游地方……華超犀利…將成個神殿搬去另一個地方~………之後我地先知俾左成千蚊葡紙參觀費….神殿內部係無得影相架…..不過唔去….我又覺得一場黎到無理由唔去je~



早上三點十五分….呢兩個小朋友挽著她們的早餐盒上車喇~


2009年11月2日 星期一

出埃及記---2009.10.16第二天(Part 2)

最後最後一日大假喇……..真係好唔捨得呀~又要等到出年先可以再放大假喇…嗚嗚嗚……媽媽話:唔番工搵錢邊有錢俾你去旅行呀…..又係喎………………..噚晚真係救命呀…..希望我無太出醜啦~今朝又訓唔到覺….超早起左身…..坐左係度超耐….又行黎行去….跟住又上床訓番…..三點鐘又去左neway唱k…..不過都唔係太有精神……我覺得人老左….真係唔好去太多夜街…………..哈哈



2009.10.16—-第二天(Part 2)

食飽飽之後我地攞左房擺低d野………之後再上左郵輪既甲板睇睇…..呢四日三夜我地都係一路遊住尼羅河一路玩…尼羅河兩岸既景色的確係唔錯唔錯呀~


2009年10月30日 星期五

出埃及記---2009.10.16第二天(Part 1)

今日真係好疏乎呀~…本黎約左毛寶去利苑飲茶…..但係我訓得實在太lum……完全聽唔到電話…..成點先起身…經過我極速裝身之後….點十出門口…..不過過到去都太遲…..人地收兩點三個廚房…..於是我地就去番氹仔鴻彬記食牛雜河….好正…..之後我就番左公司派d手信俾我d親愛既同事仔…..玩完一輪….就番左屋企….玩下i touch…..玩到攰攰地…就訓著左喇….訓到直至急尿醒…..好叻呀我…今日好輕鬆~不過已經係最後一個工作日既假期喇…..好唔捨得….好彩仲有三日公眾假頂下癮….哈哈



2009.10.16—-第二天(Part 1)

經過係咁”闊”既車廂梳洗完之後…….又到食早餐喇…..每個人又黎一個飛機餐既物體喇…..今次都叫正常…因為無熟食….不過一個人都唔知點樣食三個包仲有個蛋糕



不過我又發現呢隻芝屎又真係幾好味…澳門唔知有無得買