2011年10月26日 星期三

喪吃喪買韓國自由行之旅2011-10-12第一天Part 1(陰天)

咁又星期三喇~噚日起身哥時又頭赤赤……做做下野又忍唔住諗起:豬柳蛋漢堡~所以噚日下午偷偷地走左去買麥當當做午餐…..同埋可樂可以醫頭痛嘛~~~哈哈~~近排食多左野少左做運動囉….唔得喇~~今晚要坐言起行先得啦~


磨拳擦掌~~~今晚開始寫韓國之旅喇~~~~希望大家多多收看~~~


2011-10-12
Day 1—-Part 1(澳門->香港->韓國)
去旅行之前一日都係要番工既……不過我哥日攞左鐘……一點鐘就收工…….番屋企訓左陣…執下野…….沖埋涼….由於今次係香港飛凌晨機所以我地要搭船過香港…..好彩哥日有crystal爸爸車我地去….因為哥日出發有d落雨….勁塞車….預早左成一個鐘頭出門口都係岩岩好時間去到…………介紹下今次d團友先~~有我啦毛寶…crystal同carmen:)




今次我醒呀….問左毛寶借大gip…..藍色哥個係我個gip呀~~睇落我哥個最大喎~~



又係我最愛既香港機場飛喇~~~~~去到香港機場醫醫個肚先….因為有d人一放工就衝去碼頭…….本身我諗住想食翠華…..不過見到機場禁區開左勝博殿…..之前見雜誌介紹話呢間d炸豬扒好好食….所以諗都唔諗就食喇~~~叫左個set……..88hkd……華…..我覺得好好味呀~~豬扒炸得又唔怕太乾喎~




今次我地係26號閘口飛~(其實改過一次閘口…好彩預早d時間去搵~)唔記得要介紹我地仲有一個團友—-尖子~~終於俾我係去韓國之前抽中佢喇~







來~來個大合照先~~~~~~~好興奮呀~~~~~~~



今次我地係搭韓亞航空Asiana Airline724號0030班機由香港飛去韓國首爾仁川機場…….不過太黑同反光唔係太影到隻飛機~



今次陪住我出發既又係特區護照喇~~快d吸滿滿吸滿滿啦~



飛~機~餐~…..不過…..呢個麵真係唔係太好食..好淡……不過咁夜我都叫左杯白酒飲~



搭左四個鐘機就黎到首爾仁川機場…..其實都唔係訓左好多…..一出去就搭6015呢架巴士出市區….車程大約一個小時…..係車上勁訓………




出到市區搵到酒店…..今次我地住係東大門….都幾便利….間酒店名叫做Eastgate Tower Hotel…….不過未有得check-in住…所以六點幾七點….要去搵早餐食先…..crystal話上網睇好多人都話好食既多士~Issac~~係我地酒店附近………好耐無晨早食番個靚早餐喇~



華~~好彩有中文餐牌je~如果唔係我應該唔知叫咩好囉~~我同毛寶怕太飽….兩個人食一個包……我地叫左第四個….辣肉餅—-辣牛肉+雞蛋+奶酪+蔬菜..2900w….即係20hkd度啦~




阿姨用熟練手勢將一大舊牛油擦落塊熱板度烘麵包~~




睇落係咪好正呢~~~~~~~~~~~~~~~~~~~~~~~~~~~~~



你睇下我個樣幾虛弱……………..蒼白…..簡直面無血色………………..唔好講住~~~~個包好熱辣辣架~~~~~~~~~~~~~~~~~~~~~仲叫左杯菠蘿飲料~~~~~




跟住就搵個地方坐低…..酒店對出既大空地哥度……..其實哥朝落機幾凍…..坐係露天位有少少凍到震既感覺~~~個包好好味呀~~~~~~熱辣辣暖哄哄~~~菠蘿飲料都好好味呀~~~不過杯野飲就唔算太平都成2500w一杯……都成17蚊….不過呢就係我地黎到韓國既第一餐~好好味好開心呀~~:)







希望大家會睇得津津有味啦~~
因為呢篇blog我真係用左120分力寫…
原因係新既yahoo blog太難寫喇…..
d字型又成日變黎變去…….圖片又難插入…..
我盡左力架喇~~~~~~希望大家enjoy啦~


報時:距離杯杯結婚新加坡之旅仲有—-13日~
同兩日前一樣…
我都係仲未見到條裙…
好驚著唔落呀~~~

沒有留言:

張貼留言