2009年7月29日 星期三

廣州親善之旅Part 1+送山頂一日遊

今天的行程真的是精彩得沒話講喇…….連續痛左五日既頭…今日終於終極爆發喇…….朝早訓到七點度…頭痛到醒左……醒左之後連嘔兩次………………………..所以決定今日唔番工好好咁去山頂睇醫生……..等左好耐..嘔多左次….到我睇……同醫生講完我個病徵後………佢就話要做一個xx快速測試…..之後要再做腦掃瞄(呢個好似近排好流行做..之前我有兩個同事都做過)……….有那麼的大陣仗嗎?………..仲吉左支幾痛下既針…..噢…醒哂……..之後有條針一直吉住我隻手…..但唔知有咩用……之後跟個叔叔去做腦掃瞄……在掃的那一刻…真係有少少驚(其實淨係訓係度….唔痛唔剩)…….不過佢一路照舊野一路不停轉…..好似入左時光隧道……害怕的我不禁放了一個悶屁!(好彩無味)…….照完之後又等左一大輪先有報告睇(好彩期間無線在播小天天的”命中註定我愛你”陪我)…..佢就話我無咩事……個頭痛到咁原來又係因為我個鼻…..頂!我都知係你架喇………又累我頭痛….我決定要換左個鼻佢!唉….我諗情緒都有影響既………………..所以係呢日病假中….我決定咩都唔諗…就咁休息……….我諗我真係要放鬆下自己…雖然我承認我是那麼的失敗



就係呢支針一直平空咁吉左我個幾鐘呀…..但又唔知做咩(唔好話俾人知我偷影的…我苦等中作樂…哈哈)………..睇下…我集第二條唔同顏色既手帶喇…集埋第三條我是否有機會環遊世界???????????(睬睬睬………..呵呵)

2009年7月28日 星期二

唔開心就係唔開心:[

唉………點解09年發生的糗事比好事多咁多???唔明……今日對我黎講…….有雙重打擊……..番工已經唔多好….我真係唔明….d高層原來真係永遠都唔會明低下層既人既感受……我地又點樣唔生性呀………….就算你後尾點樣講你既難受既感覺都好啦…..你哥一刻講左呢句說話出黎….我就知你個心其實一直都咁諗我地…….係囉…睇cam囉…..另一個高層最鐘意架啦…….你咪睇下有幾多人囉..你黎幾多人我地都照食架啦…d人唔黎哥時又關我地事呀…..我使唔使幫你地落街派傳單呀….你都痴能線既………你咁唔信我地我建議你全日企係我地後面囉….唔係個個都好似你地d高層咁得閒可以飲汽水架……我地有時連廁所都無時間去呀…..捱到個個夜晚都訓唔到覺……..如果你咁都話我地個部門d人偷懶…..我真係唔知你要係邊度請d合你要求既人囉…..我驚你一世都請唔到….其實你個人真係好刻薄….我好慶幸你唔係我阿媽



另一個打擊唔使講啦…都判左我死刑咯…..做乜仲要我做馬騮戲je…..係..我抵死囉…..我知道我比好多人都好幸福嘛….咁又點喎…….我都有權唔開心…….我就係唔開心..唔開心……..唔開心就係唔開心….邊有分幸唔幸福事……..我就係唔想笑……我真係情緒有d低落……雖然比起上一次失去某些可能無咁痛….但….都差唔幾啦………………..



星期日哥時去左venetian…….行過去左4season哥間食泰國野既mango tree……我覺得d野好好味呀…..個環境都唔錯

2009年7月27日 星期一

The Corner's

星期一既今日….改變左個工作排陣…….初頭以為要食屎….事實….又無喎……….好似好耐無過過一個咁輕鬆既工作日既星期一囉~



岩岩上個禮拜去左廣州過四日”親善之旅”……都幾輕鬆幾開心又幾好玩……不過呢個就容後再講…..講番星期六做過d咩先….中午食飽飽之後就番學校補考番之前因為去廣州而缺席既考試…….考左一個鐘多d………..坐左一陣之後….就登上左某人既新車………..公喜公喜~~..好靚仔呀

2009年7月20日 星期一

一個好勁既九號風球(香港咋喎)令我考唔到試...

本身星期日就考完試架嘛….點知一個颱風……就取消….但個問題係….改星期四考…我星期二到星期五去廣州培訓喎……個officer說:我都唔知呀….其實無其他同學有問題…得你兩個有問題咋………..下..咁都得呀……今日d人多到呀…..痴線…又話谷哂d人係上個禮拜做???又話今日派少d籌…我真係信你半成都係白痴﹗(好可惜我真係信左)…..好彩聽日就去廣州…學做一個真正既廣州人~大家等我學成歸來呀~



我都唔明點解成日星期六日都天氣唔好既…..星期六仲要打風tim…..下晏到了寶寶家溫習….我好溫完時….就收到學校的一個msg….取消考試….頂…………………之後諗住出去食飯點知大雨到呀……..無得揀我地唯有去毛寶家附近的一樓火煱打邊爐…………出門口時…毛寶和我都把我們腳上的高筒鞋除下…………..換上了…………………他們!


但係好奇怪既係…….食完之後…一滴雨都無囉….只剩下這兩個穿著…..拖鞋的怪人………….

2009年7月17日 星期五

Harry Potter and the half-blood prince

今日係星期五喇…但係我一d開心既感覺都無…….上個禮拜我仲沉醉係星期五既歡樂之中架…………嗚嗚……….幾時先有消息呀…………我唔鐘意無了期咁等一個消息…..可唔可以快d呀………快d打俾我啦……….



噚晚去左睇哈里波波….噢….好好睇呢….雖然佢拍唔出書中既神髓出黎…但係對於一個die hard粉絲既我黎講….係唔會介意既…好想快d有第七集睇呀~

2009年7月15日 星期三

今天的形容詞:沮喪..憤怒..傷心..失望..疲勞(下刪一萬個負面形容詞)

看著人頭擁擁的人們(聽講今朝未夠八點半已經排到去對面教青局再屈番落樓下)….我都知我今日無運行……晨早已經遇到個澳洲籍既死鬼佬……..已經話佢將收據係副本唔收得啦…講黎講去講黎講去……死都話人地無俾個正本佢…..痴9線….之後同佢講會唔會個正本俾公司keep住左….佢話無..佢同佢朋友都係一開始得呢張…呢張就係正本…..又話:that’s insane…crazy…..waste my time!!!!!!成個世界得你一個澳洲人黎做野咩…..一睇就知係copy啦…除非我色盲……最後隔左唔夠一個鐘……番黎同我講…原來張野係佢公司度喎……正一食屎狗囉你…….自己搞唔清楚又係度話人crazy….你同d尼泊爾一樣架咋…..公司咪又係keep起你d收據…你估你係高層大哂呀



發完火…..舒服d…不過還是擔心中….點解我打電話都仲未有回覆架……..幾時先知呀…唔好寄黎我度呀



星期日唔開心亂買既野…跟皮皮買的….因為太抵…310蚊100ml…….亂買既後果:亂噴…依家番工又噴….係屋企又噴….廁所有d臭又噴………..目的:陣味好夏天…希望聞到呢陣味之後可以放鬆心情…………唉..七月是怎麼的了?

2009年7月13日 星期一

x味亭

今日我帶住糟糕既心情番工…..個個見到我笑笑口有邊個知我眼淚在心中流?…………………..希望快d覆番我啦我唔想提心吊膽過日子…….



星期六同左阿寶去食x味亭(我唔識打呀)…….係海富附近哥間….我本來都無乜期望…..點知我覺得佢哥度d野好食過舊鋪好多好多囉…..我真係覺得好好味喎……我一定會再去食多次~..哥日我地都叫左幾多野食….首先飲番啖梅酒先~隻味同係日本飲既一樣….好好味呢唯一唔好既係佢係冰同酒分開既佢個原意係好既..d冰融時唔怕整淡d但係..d酒本身又唔係雪過….咁又點會得到冰凍既效果呢?加上我地覺得齋飲太甜喇….所以我地索性攞粒冰出黎放落個杯度飲咁就正哂喇~又夠凍…又唔怕太甜….正~

2009年7月12日 星期日

倒霉的人,倒霉的事,倒霉的...........我﹗

今日….好倒霉既一日…..唉……..真係估唔到佢會咁做…..我認我錯……..不過我好清楚唔係每一次錯都會有人俾機會你…..呢種感覺我試過……所以今次的期望…不太大…..我對我自己好失望…..好似做咩都做得唔好…愛情係咁….學業係咁…事業都係咁…….我仲有乜野用tim….唉………..雖然我知過左三五七年…..呢件事都會係一個笑話…….但係….依家既我…就係覺得難過……難過得在家裏哭…………….求求上天保佑我!



毛寶岩岩去完韓國…..點解人地去旅行咁好玩既…….唔通跟團真係衰d無咁好玩?阿寶寶都影左好多相..好靚(偷毛寶的)




毛寶都有玩這個激到死的!




手信時間:毛寶給我的手信….多得像一個山..謝寶




最鐘意呢條頸鏈…好得意..好似有隻雀仔係棵樹上面飛咁….但最勁係……………佢地係同一條鏈呢~




第二最愛:兩支鉛筆…我儲開鉛筆….去到邊到見到靚同得意都會買….呢兩支真係依家排係我最愛排行榜第二(毛寶唔好嬲呀…你知排第一係邊支架~)…呢兩支特別在…個頭!




噢….毛寶自己都係買左一件衫衫咋..買了兩條給我…謝謝你對我的慷慨!多謝呢位善長人翁…….




一堆護膚品和一堆野食…唔知點解我去哥時買d野都無人地哥d咁靚既…………….唉~




毛寶回來的同日…約了kate一齊食飯….今次去了一間叫escada既葡國菜食..都幾好味喎…我地食左檸檬炒蜆(好好味)…燒牛仔肉….仲有一個葡式八爪魚燴飯(好味~)




以後call me阿霉啦………….

求上天俾條生路我行下啦…..

不過如果呢件事係我之前祈求既事作為等價交換…

我唯有講我願意!

2009年7月8日 星期三

笑面府2

我真係真係做到暈喇………..其實唔係話黎幾多人就要做幾多人呀?…..我地呢幾日….做到傻傻下….大家都有同一個特點..就係…..好攰好攰咁番到屋企….攰到………….訓唔著….就算訓著….都係……………狂發夢……夠慘未?



又upload番之前既相…..由於笑面府實在太好吃呢…所以再約過第二d人再去試新野~呢兩個上次有食..太好味..再叫

2009年7月7日 星期二

Vergnano

我都唔知呢兩日點解咁多野做既….做到依家星期二…已經攰到有星期五既感覺喇……嗚嗚…….真係好多野做呀..由朝早九點三一直遲籌遲到去放工..我死喇…………..仲要考試呢



d相upload左好耐都未擺出黎tim…話說哥日大家都湧去venetian度睇S.H.E既時候…我地就去左佢裏面既vergnano意大利餐度食飯……..坐係裏面既感覺都唔錯呀…..望番出去我仲以為我自己去左…..歐洲呢~

2009年7月3日 星期五

豬太郎同學

Yeah~Yeah~又到左我最愛既星期五喇…….有人就好啦…聽日又去旅行喇…又有人星期三有旅行去喇……點解淨係得我一個小朋友暑假無得去玩喎……激死人喇….希望8月諗到d野俾我自己搞下開心下啦…….有小小諗到…但個計劃未完善..哈哈………



今日媽媽又換左兩個7-11公仔俾我喇…..好興奮呀…第一個開…係我好想好想要既…豬太郎呢……好可惜第二個開既係…….成個系列我認為最樣衰既小主同學…佢真係好樣衰呀…..見到佢仲係度掘住小玉………..好驚~


我都好想抽到洋蔥頭永澤同學……..隔離隻海星都幾搶鏡喎~

2009年7月2日 星期四

狂歡三寶第三次日本東京之旅---20090529第五天完結篇(下大雨呢~)

我覺得今日好似攰過噚日咁….悶悶的工作環境….又要同d人每人講多三句對白……令我既聲帶震動超過一千萬次…….不過心情比前幾天好了…….不再被惡夢和惡人纏住我…令我唔開心…………..



Day 5—->20090529

話咁快又去到旅程既最後一日喇……好唔捨得呢~….我地一早起身…去買左去羽田機場既車飛之後…..就去番池袋度行行行作最後衝刺…結果俾我買多兩對鞋…超開心呢…仲俾毛寶發現左一樣新野….就係—-佢d卵…呀~..其實之前都有見過….不過唔知佢係咩東東所以無買…佢用d好似髮網既物體包住….隻雞蛋…原來係連蛋白都有味既溏心蛋!!!圖中既香蕉味飲品….伴著毛寶吃今次旅程最後一餐早餐…..幾好飲呀~

2009年7月1日 星期三

狂熱三寶第三次日本東京之旅---20090528第四天(下雨天濕濕)

好野….今次老ray真係唔死都一身散….上堂上到最後….仲同我地打溫情牌…….佢同我地講sorry….我唔信囉真係以為自己發緊夢…..好可惜一切都太遲喇……..個個同學都打哂投訴信lu~



Day 4—->20090928

呢日我地第一站就去左上野買手信….唔知點解….去過三次上野….三次…..都係落雨….記憶裏面..都係擔遮既~