2016年12月29日 星期四

南美洲4國新奇探險之旅2016-03-11第二十八天Part 1(陰天及後天晴)

野~~人地去完台灣番黎喇~~~有無掛我呀~~~我知啦~~~無丫嘛~~~~~~(嗚嗚)....估唔到今次台灣之旅咁攰~~~~~但好開心食左兩次我好鐘意既哥間早餐店~~~~無喇無喇~~無哂旅行去喇暫時~~下年哥d又未定~~~~未有報時器住喇~~失落~~~放左4日假..真係好多野做...去台灣第二日已經頭痛...痛到噚晚仲係痛緊...慘...仲要今朝凌晨訓訓下個頭爆痛到醒左...痛到嘔....快d好番啦!!!我唔要帶住頭痛迎2017呀!!!!!



2016-03-11
Day 28---Part 1(阿根廷,布宜諾斯艾利斯 Argentina,Buenos Aires)

好~噚晚訓左覺好既~呢日起身再~出發~天陰陰咁喎~我地今日諗住係我地酒店附近既soho區行下~~梗係啦~我地去得哂4個checkpoint之後梗係要輕鬆一下先啦~路經火車路~


2016年12月22日 星期四

南美洲4國新奇探險之旅2016-03-10第二十七天Part 2(陰天微雨)

星期五...ot一小時...累....夜晚同左屋企人食做冬飯...平時出街食既..依家某d原因係屋企食...但咁樣食仲溫馨~姑媽整既雞好好味~之後約左公子去飲野~去左St. Regis~星期六中午又去左文華東方食中午飯~~~因為我想帶我媽去試下~下午去左睇一部由Diana做監製既微電影慈善首映!!!!好勁!!!我有朋友做監製~~~仲要搵左楊潮凱同埋雪雪bb做~~~如果大家有興可以睇睇~~套微電影叫"有一種戀人叫...".....夜晚去左威尼斯人食北方館同埋行左陣街~星期日中午去左食宏安~又去食墨魚翼~~下午就同左公子們去試Ritz Carlton 51樓個lounge既tea set...遲d講~再去Garment Park~然後再去800伴~晚飯食左權昌~星期一多野做就唔使講啦....仲抽埋出年d假添...但唔好提喇....哼.....................番埋今日又放兩日呀嘛~~~夜晚同左公子去開百元哭福袋派對嘛~咁咪無時間寫blog囉~~hehe~~華...笑到我呀....公子既威力真係非同小可~~星期二回歸放假嘛~~中午去左觀光塔既C4FE on 4食...因為要揀d唔會加二加三既地方食~~呢日無折...都還好~下午盡情休息~夜晚同左媽媽食日與夜咖啡室~星期三冬至假期~好爽..呢日訓左成10.5小時先醒~~首先去左買個新gip先~(係呀..之前去冰島個gip裂左~)...之後食左玫瑰咖啡室~好耐無食~又唔係話好好食既不過幾鐘意佢舊舊的風味~同埋d人好有禮貌~下午在家睇左北京遇上西雅圖2之不二情書..我覺得第一集好睇d~夜晚做冬嘛~同左我媽媽去左新故里食日本餐~~~好開心好好味~~~~~~至於今日...放左兩日假嘛~預左多野做~~~~~~唔緊要啦~番埋聽日就放聖誕節假啦~要去旅行玩啦~



2016-03-10
Day 27---Part 2(阿根廷,烏斯懷亞 Argentina,Ushuaia->布宜諾斯艾利斯 Buenos Aries)

好囉~食飽飽咁咪行下囉~亂行左一陣決定勇敢d~離開我地住既呢區~~~~搭地鐵行下第二區先~~~~~係手提度搵下地鐵係邊先~

2016年12月15日 星期四

南美洲4國新奇探險之旅2016-03-10第二十七天Part 1(陰天微雨)

星期二....唔....都多野做既..但公道d講..係少過星期一既......星期三....唉....我已經攰到個膊頭就黎爛開....交左出年張假紙......即將抽假...緊張.....星期四....今晚我婆婆哥邊食飯呀..因為係英國既表弟番左黎~我幾乖呀~一放工就跑番黎出blog~讚下我先~~~~~~好咯...終於都星期五喇(雖然聽日要ot).......但最開心係:放兩日.....星期一番一日....然後又放兩日~~~~~~~~(回歸+冬至嘛)~~.....然後番兩日又放4日去台灣~~~~~~~真係好開心~~~~~去完旅行番黎番3日然後又放3日~~~~~一到12月就好開心~~~~~~~~~~~~~~~



2016-03-10
Day 27---Part 1(阿根廷,烏斯懷亞 Argentina,Ushuaia->布宜諾斯艾利斯 Buenos Aries)

好喇~又晨早起身出發~天都未光齊~

2016年12月12日 星期一

南美洲4國新奇探險之旅2016-03-09第二十六天(晴天)

星期三..一貫的多野做~開心既係~番埋呢日~星期四放公眾假期~~~~~~~星期四放假我梗係偷懶唔寫blog啦~~預告左你地知啦~~~~~中午試左間我未食過既茶餐廳..佢地有墨魚翼食喎~幾新穎~下午毛寶幫我剪頭髮~夜晚約左chlo子去食星際品味坊~~星期五做到隻劇咁.....放工去左參加公司既聖誕聯歡~~~~今年參加既原因係因為今年食中菜~七公齊人參加!!我地張枱超旺!!9個人有6個人抽中獎!!!!!7公入面有5個人中獎!!!!!!er...我係其中兩位無中獎...........最威係毛寶!!!!!抽中3獎!!!!係一部32吋電視!!!!好!!!!開!!!!心!!!!...星期六一早起身....已經發現個胃有d唔舒服..銀住銀住...毛寶都話唔舒服左成晚....去洗牙~醫生讚我d牙刷得好靚~好開心~~中午請左媽媽去麗軒飲茶~遲下出blog~然後成個下午奶哂....個人突然發冷...同埋有微燒......飯都無食就跑番屋企...嘔左出黎...燒左成晚...星期六大好夜晚就咁無左.............................星期日起身個胃仲係麻麻...相信係聖誕聯歡哥餐搞到我腸胃炎.....中午食左半個粥....訓左成個下午...夜晚冰其食左個粉.....整個周末就咁無左...................好嘔心.......................今日ot...好多野做....中午食4份3個包就飽...諗住下午食埋佢...點知完全無得閒過.....完....



2016-03-09
Day 26(阿根廷,烏斯懷亞 Argentina,Ushuaia)

一起身~我地無食酒店早餐喇太難食..費事浪費食物~出街食個Brunch~本身揀左間外表好靚既...點知一入去佢明明見到我地都唔so我地...到so我地時明明有好多枱時又話無枱俾我地....算囉~東家不吃吃別家囉~揀左佢隔離街既Tante Sara~望落係比較隨意的餐廳~都幾好丫~


2016年12月6日 星期二

南美洲4國新奇探險之旅2016-03-08第二十五天(晴天)

星期五好多野做..仲要俾個客黑我面..算啦我慣...過左一個咁樣既艱辛星期工作周...放工約左其中幾位公子去順軒食下皇帝蟹~~~順軒幾好丫~又可以食中式又可以叫西式又可以叫日式野食~食完再上去佢個Bar度飲下野傾下計~~~星期六中午食左我其中最愛的文華東方午餐~~下行左好多野~又去睇碟啦~~又去Garment Park啦~~又去攞d旅行小冊子啦~~又去睇書啦~~夜晚本身諗住去食度小月既..點知佢無位..佢話可以坐去阿鴻小食哥邊坐...仲可以叫兩邊既野食~咁梗係好啦~~~然後夜媽媽12點呀!毛寶又引誘我呀!話要同我去UA睇多次怪獸與牠們的產地喎~~~~~~~~~~因為哥度塊巨型紙牌呀...好吸晴呀!!要去影啦!!!咪去睇多次捧多次場囉~~~呀~第二次覺得仲好睇d添~對呢個故事有更深的認識~~~我覺得真係好靚呀我個造型~.........星期日中午食左某泰國餐既白魚蛋肉碎冬蔭功湯貴刁..唔錯~然後又去左羅浮咖啡~約埋公子一齊去tea一tea~因為依家d tea set永亨信用卡做緊半價優惠~去試試~~~.......夜晚又食左關東煮外賣~....星期一...要ot...本身心情sad..但放工約左公子去食新麻蒲韓國餐~血吃後又一條好漢~呢間韓餐幾好味~不過食完好口渴~番到屋企又要睇天與地~所以好忙唔得閒寫blog~今日又係忙...依家無淡季架(汗)..........呀~不過番埋聽日~星期四係公眾假期~~~~~~~可以放一日假抖抖~~~好開心~~~~~星期六訂左間我好想試既飲茶呀~~期待中~~~



2016-03-08
Day 25(阿根廷,烏斯懷亞 Argentina,Ushuaia)

睡飽飽起身食早餐喇~我地係烏斯懷亞d行程都好鬆散的~今日就只參加左一個出海既tour~er....咦...點解呢間酒店d早餐咁難食既.......................包類都超難食...算吧啦..食少少出去行行~

2016年12月1日 星期四

南美洲4國新奇探險之旅2016-03-07第二十四天(陰天)

星期二...一樣都係咁多野做~~~好開心~~~不過去左醫院覆診~~所以呢日無咁攰~星期三...好感動呀!!!朝早竟然少左人黎~~~~但個早餐就激到我札札跳~~我平時食麥皮既...但近排凍我就出街買早餐食...竟然揀中左間我叫吞拿魚蛋豬仔包...d吞拿魚係少到我從來都未見過咁少既...佢揸到薄如紗紙~仲要收$19...下次咪使旨意我再幫襯~~~(咁小事都要上黎講~~)..............唉...都話小器架啦...噚日一講完話星期三少左少少野做....今日就即刻多野做到瀉哂...................好不容易終於聽日就係星期五喇!!!!!!!!!!!!!我要活著viva呀!!!!!!!!!!!!!



2016-03-07
Day 24(阿根廷,埃爾卡拉法特 Argentina,El Calafate->烏斯懷亞 Ushuaia)

早晨~呢日中午機~飛去另一個城市~烏斯懷亞(Ushuaia)~所以輕輕鬆鬆咁樣食飽飽早餐~再番房執野~再慢慢check out~華~今日仲有煎蛋食~~~~~~正~~~我都幾鐘意埃爾卡拉法特架~呢個旅遊區幾舒服~


2016年11月28日 星期一

南美洲4國新奇探險之旅2016-03-06第二十三天Part 2(晴天)

星期五又係超多野做!!!!好攰好攰...攰到膊好痛加頭痛!放左工食左麥記(試左黑松露色色時條...聞就聞到味..食就食似媽咪麵).....之後去左做牙齒美白!!!做左一次牙齒已經白左好多~我好開心~~~~~~~佢就建議連做兩次~之後兩三個月度先再做一次保養~見佢係日本技術...話不傷琺瑯質我先去做...之前d漂牙都感動唔到我~見到自己d牙仔白左我個人好開心~星期六中午去左食C4FE on 4...下午就去左小青蛙個妹妹既pizza hut生日會....之後晚餐食左上游呀!!!打邊爐我地係冰島哥時都好想食~~仲要呢日突然變冬天既氣溫~真係好岩打邊爐~佢個手切牛肉真係好正~~~星期日中午又去左美白牙齒~做埋今次就一個月之後先再做喇~中午食左馬慶康~再去埋Garment Park掃掃貨~~然後再衝去800伴買晚餐既料~夜晚自己煎扒食~~多謝大比同阿Sam的M9~~好好味~~~~星期一超級超級的多野做~我盡力了~



2016-03-06
Day 23---Part 2(阿根廷,埃爾卡拉法特 Argentina,El Calafate->佩里托莫雷諾冰川 Glaciar Perito Moreno->埃爾卡拉法特 Argentina,El Calafate)

坐完船仔又再起程行番頭先已行過既路~~但我地要再行遠d~~想睇下有無機會再接近d呢個美人~~~~~拿~d路算係幾好行架~又唔使係行山路爛路....入場費抵俾啦~

2016年11月24日 星期四

南美洲4國新奇探險之旅2016-03-06第二十三天Part 1(晴天)

星期六中午食左金冨壽司宮~~好好味呀~~然後呢~~我好開心呀~~~我今次著哂成套哈利波特套裝完全full gear上陣去捧羅琳媽媽場呀~~去觀光塔睇怪獸與牠們的產地(Fantastic Beast and Where to Find Them)~~~然後食左南湖明月~然後再去mugs talk飲野~星期日中午食左文哥~好耐無食過~然後又毛寶幫我剪頭毛~好開心~夜晚懶到無出街叫左pizza外賣~好悠閒的星期日呢~星期一放工後約左我表姐食飯~佢係美國番左黎~~好忙呀我~所以無時間寫blog~星期二凱公子生日會~好開心~七公子聚會真係無次唔笑到我標眼水~好忙呀我~所以無時間寫blog~星期三同左美國點來的表姐仲有屋企人食自助餐~好忙呀我~所以無時間寫blog~星期四好多野做....嗚嗚...我膊頭同隻手都好痛呀......好野~明天星期五~



2016-03-06
Day 23---Part 1(阿根廷,埃爾卡拉法特 Argentina,El Calafate->佩里托莫雷諾冰川 Glaciar Perito Moreno->埃爾卡拉法特 Argentina,El Calafate)

噚晚食飽飽醒左覺超靚既~早晨~食早餐喇~~~呢度d早餐唔錯~~~蛋~牛角包~芝士~火腿都好好味~~~~好野~好滿足~~~(已忘掉噚晚每人損失1000hkd~~~我地四個真係好變態~)

2016年11月17日 星期四

南美洲4國新奇探險之旅2016-03-05第二十二天(晴天)

野~~~~~~~~~~~~~~~~~人地番黎喇~~~有無掛住我??????有啦我知....如果唔係都唔會俾人狂吹我出blog啦~~~(其實哥個人呢10幾日都同我一齊去緊旅行..........................)......噚晚番到澳門.......呢12日好無玩呀?都好玩既..但有d驚險野~不過都係到時寫到先講~出住南美blog先~~(我好驚呢個南美之旅過左2016年仲未寫完...但都睇怕係~



2016-03-05
Day 22(智利,納塔列斯港 Chile,Puerto Natales->阿根廷,埃爾卡拉法特 Argentina,El Calafate)

好不容易訓到早上...間房有蚊我真係好驚.....早晨~~又晨早起身喇~~~~今日我地將會離開智利~~~~第一次搭巴士過境呀~~~~離開智利我感到好興奮~~~~食個早餐先~~

2016年11月3日 星期四

我的生日會2016@金坂極上壽司

星期二...我感覺到我好似番左5日工咁....因為聽日放假...所以勁有星期五feel~我夜晚仲開始執gip...都差唔多執左成3個鐘......好彩差唔多執哂~星期三放假訓晏d~好開心~(但我係9點半就醒了~)....中午去左食譽路八~~點知佢又轉左手...d裝修不倫不類......魚生d色又唔精神...我諗我唔會再去.....下午毛寶幫我剪頭毛去旅行~~星期四...又係好多野做...番工日我只可以講既就係好多野做~我地個淡季到底去左邊~~~~~~~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~~我又偏心喇~~~今日~我要出我今年既正日生日blog~~(舊年的生日派對都未post....).....咁既~哥日毛寶約左我食飯~咁呢...問佢好耐都無話我知係邊間既...甚至哥日坐佢車一話到氹仔就話要我合埋眼唔俾我睇去邊.....但憑我熟識佢既程度加上佢事前既興奮狀態....我其實一早估到佢帶我去邊......wakakaaakkaak~就係佢!!我本年度最想食既餐廳!!!金坂極上壽司~~~地址:皇冠渡假酒店一樓....電話:8868 7300.....極度低調的門面!!低調到差點錯過~~~佢係酒店既reception隔離~

2016年10月31日 星期一

Portofino@Venetian

星期五好攰....尤其5點後....簡直攞我命~~~放工同公子食飯~好開心~hehehaha又一晚~食左韓國餐加埋甜品..每人才$198!!抵玩~星期六中午去左食沛記..好耐無食~~下午又去左Garment Park~始終佢d秋冬裝真係好得我歡心~跟住番左毛寶家睇下冰島d野~(其實都係假睇)....夜晚又叫左關東煮手作坊外賣~懶懶的不想出街~星期日中午又食左羅浮咖啡..其實係諗唔到食咩諗起佢有免費泊車3小時所以去食~之後去左venetian買下去旅行既野~好開心~全部要買既野都買到~夜晚又食左海榮外賣~懶懶的~星期一..工作上既野我都懶得理....因為我塊面轉左新既防曬....又敏感....好痕...點解去旅行前先咁樣對我~~~~~~~~好彩放工再去醫務所同佢講番佢話可以退番錢咋~~~仲送左d bb用既防曬俾我去旅行用~仲要俾埋藥水full面~~好彩咋~~~希望快d好番~我星期四會好乖咁出blog架~記得黎探埋我~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~去旅行前都會寫寫野食先~因為南美小停頓我想輕鬆少少~加上又要執下野~咁就寫下野食最輕鬆~今次講下6月中時我同毛寶去左食左一次好耐無食既Portofino~我耐有成最少5年以上無食過..新開哥時食過兩次...成日都醒唔起佢~好啦~~~去食下啦~~~地址:澳門威尼斯人娛樂場樓層1樓1039號..即係個小劇場行過少少就係~電話:8118 9950

2016年10月27日 星期四

玥龍軒@新濠影滙

星期二....番晏本身無咁攰的~但公司又有新野玩~係個心覺得攰~星期三...得知星期四要ot......呢個禮拜就算番晏...d時間都好似好難過咁~星期四..就係ot好攰呀~~~~~今個禮拜過得好不容易~~聽日終於星期五了~~~好彩聽晚有約到公子血吃!!!!!!!!!!!!!!!!!!!!



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今日講下我幾鐘意既飲茶~~係呀..其實我幾鐘意飲茶~以前細個好憎..因為食飽就想走~~去玩~~都唔知d大人傾咩~~家陣老喇~超鐘意飲茶~~我變成想傾計既大人喇~~~今日講既係玥龍軒~地址:新濠影滙酒店巨星滙二樓2112號...電話:8865 6560...要留意既係逢星期一至三休息(我都係寫blog哥刻先知)....記得訂位~呢次係3月份時食既...是次係6個人飲茶~


2016年10月24日 星期一

品味坊Temtations@星際酒店

星期五...較哂鬧鐘起身番工mode...好彩一起身先看看whatsapp..同事谷和公子谷都熱烈討論8點半會掛8號風球~好似兩年無放過8號風球颱風假...估唔到今次無咩風又竟然有8號波....星期六中午又食馬慶康~~之後去左Garment Park掃掃秋天衫~~夜晚睇左Thriller Live~都唔錯~睇完先去食海榮~星期日中午食左Fado...之後買左少少旅行野~再會合公子高茶......夜晚就簡單的食超市壽司做晚餐...不捨這3天假期.............星期一梗係多野做啦~星期五打風喎~同埋呢個星期應該好忙~~又要做呢樣又要做哥樣~~~~希望抽到時間打blog~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又出下野食先~呢日我地黎到星際酒店16樓既品味坊(Temtations).....電話:8290 8688....以前呢度係食自助餐既~我以前超鐘意呢度既自助餐架~~依家變左做食歐陸菜~會黎呢度食係因為有d推廣咪黎試下囉~...雖然閒日黎會少人d~但我都會訂位~(周五周六黎過座無虛席)......要留意既係營業時間係07:00-22:00...咁早收係因為晚上10點後就會變成Bar~

2016年10月20日 星期四

珍榮咖啡美食

星期二...又係好多野做...相信多野做係因為打3號風球d小學幼稚園既小朋友唔使番學....星期三...happy birthday to me~~~~~~語重心長寄語剛出黎做野既同學們....生日是一定要放假的...呢個傳統唔應該打破~~我係番左工12年黎...第一次生日要番工.....真係好唔慣呢~加上超勁多野做...仲要臨尾俾個客發我脾氣....對生日心情真係有影響...出年一於要放假~(好多謝朗公子同埋另一位同事知我呢日要番工就送左兩個生日蛋糕俾我~感動~多謝兩位~)...夜晚毛寶請左我去食金坂極上壽司!!!係金坂呀!!!係金坂呀!!!係金坂呀!!!佢請左我去食本年度我最想食既餐廳!!!!!!!!!!!好多謝你呀~~~~依家諗番起仲係好掛住好想食多次~~~~~星期四....唉....唔好咁啦....唔好話我聽日又打3號風球呀大佬.....最接受唔到係全日打3號然後放工開始打8號...咁就忙足全日然後成個friday night無左....................拿...打埋呢個颱風好喇..唔好再打喇....



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



又黎一個南美旅行小停頓~呢日又出下食評先~係喇~我之前成日係個blog講我食呢間~有blog友就話好想我出呢篇先喎~我咁順得人梗係得啦~~~我地今日講既呢就係珍榮咖啡美食~地址:澳門蓮莖巷9-13號...電話:2821 0489.....我去食之前都會打去睇下有無開同埋仲有無我想食既野~(係聖心對面以前賣金魚條巷直行入去就會見到)...家庭式經營~


2016年10月17日 星期一

南美洲4國新奇探險之旅2016-03-04第二十一天Part 2(陰天)

星期三超級勁爆多野做..做到膊頭爛開....晚上跟公子聚餐~吃小炒才是王道~哥間真係幾抵...6個人食左10個餸每人$100都唔使~~~~星期四約左Diana食飯~好衰架~請人地食生日飯既~~~仲要請我去食本年最想試既中餐麗軒~~野~~~星期五一放工勁肚餓...去左食伙兄弟...今次試左撈檬...但撈檬真係好一般.....星期六中午去左食馬慶康呢~奇蹟地等位等左5分鐘都無有~很愛很愛的叉燒煎蛋飯~~~~~~之後又到毛寶幫我剪頭毛時間~~~(上個禮拜先剪完~~~)...夜晚試左食飽里d拉麵~都不錯~但侍應姐姐d禮貌真係要改改......星期日中午去左順軒飲茶..下午搞搞冰島d酒店...晚上食左關東煮外賣..又一日~星期一..又係預計中的多人~



2016-03-04
Day 21---Part 2(智利,百內國家公園 Chile,Torres del Paine National Park->納塔列斯港 Puerto Natales)

好喇~又番去頭先嘆茶個小島食中午飯喇~

2016年10月11日 星期二

南美洲4國新奇探險之旅2016-03-04第二十一天Part 1(陰天)

星期五一放工就去左同公子食飯~去預祝我同杯公子既生日呀~~~~食左好多野~最開心食左象拔蚌~~~~星期六過左香港啦~但食左幾樣野都唔好食~失望~夜晚就睇左何韻詩演唱會~星期日訓到成點先識醒(事實上係有人叫醒我的~)...去左拜老豆..重陽嘛~由於正日勁多人拜...我眼水鼻水一齊流..太攻鼻~之後食左園林~~~好開心有開同埋唔係加三~~~我最愛的魷魚豬扒撈米加咖哩真係好好味~~~然後行左陣800伴超市買晚飯料夜晚自己煮飯食~(乖到)...飯後毛寶幫我剪頭毛~~真好~(依家平均每一至兩個禮拜我就會要求佢幫我剪髮去維持我既帥度..佢一定覺得好困擾~)...星期一補假嘛~所以咪無上黎寫blog囉~中午同左媽媽去羅浮咖啡嘆嘆~下午就去左睇深海浩劫(看後感係老闆永遠只著重快同效益..多於一切)...夜晚食左粥麵莊~星期二...開講有話放幾多日假...就做番幾多野~~今日我仲要開ot添~~因為之後想攞鐘~好正呀~~~



2016-03-04
Day 21---Part 1(智利,百內國家公園 Chile,Torres del Paine National Park->納塔列斯港 Puerto Natales)

早晨~~今日join左個團呀~~~食飽早餐先出發~~食早餐時發現成間酒店都係老人家住....無咩野食~炒蛋係最好食~

2016年10月6日 星期四

南美洲4國新奇探險之旅2016-03-03第二十天(晴天)

我回來喇~~~~~~~~~~~~~~點先~有無想我先~(無都要話有啦...咁耐無見...俾下面都要話掛啦...)....星期二晚就番左澳門.....呢4日旅行真心攰到攞我命~~~~~~公子就是與別不同~~~~~~~~~~~真係要好好出番篇blog黎紀念下~~~(但唔知幾時出~不過我已努力排相中~).....雖然好攰~但我真係好開心~~~~~我星期二晚番到黎直頭攰到野都執唔到突然就要熄燈訓覺~~真恐怖!!!訓番9個幾鐘個人先精神番d~~~~~咦~今日又到星期四喇~過咁快聽日又係星期五喇~~~yeah~~~~開心呀~~~~~~又連放3日喇~~~~~星期六我又過香港睇何韻詩演唱會喇~~~~好野~~~~~



2016-03-03
Day 20(智利,納塔列斯港 Chile,Puerto Natales->百內國家公園 Torres del Paine National Park)

早晨~清晨6點就貢出黎食早餐~睇下~大堂一個人都無就知幾早~望出窗外天只是微微光~

2016年9月28日 星期三

南美洲4國新奇探險之旅2016-03-02第十九天(晴天)

唔知係咪因為台灣打風呢....我星期二又頭痛.....唉~夜晚就算早入房訓都無用..成3點半先入睡...救命~所以個頭今日又有少少痛痛地~~快d好番啦~~~星期四要同毛寶慶生~~~所以你又估我唔到地出左blog~~~~~~~~~好緊張~~~我有成4個半月無去過旅行喇~~~~~~柒上旅行癮真係好難搞~但我竟然仲未執過野~~~期待星期六~~~~



2016-03-02
Day 18(智利,聖地牙哥 Chile,Santiago->蓬塔阿雷納斯 Punta Arenas->納塔列斯港 Puerto Natales)

早呀~呢日check out後~我地就去機場喇~Holiday Inn Santiago-Airport Terminal個門口~華~一個大晴天~

2016年9月26日 星期一

南美洲4國新奇探險之旅2016-03-01第十八天(陰天)

星期五放工快快樂樂的約左大學的唯四同學仔食飯~慶祝我同毛寶生日~(我的好像有點過早~wakakaka~)..好開心好多謝你地兩個~星期六一早上大陸有野搞~中午番黎就食左頹飯王馬慶康~~佢個叉燒煎蛋飯簡直係人間極品!!!蛋邊脆既加上甜豉油撈飯!!!好正!!因為太早起身所以下午要訓訓覺~晚上又去左7公子慶生派對~今次到毛寶生日~揀左永利皇宮入面既永利扒房.....都幾貴......但係服務同某d食品真係唔值哥個價....係個小劇場幾得意咁解.......星期日中午去左Terra飲左個啡~下午就做文青行左我以前出世舊屋哥頭..依家開左好多小店~好正~夜晚食左順軒..因為依家有promo...$900有一隻長腳蟹........連續食左3晚....黎緊哥個禮拜去日本之前我要戒一戒先喇......食多d菜~星期一正常工作量很感恩~



2016-03-01
Day 18(智利,復活島 Chile,Easter Island->聖地牙哥 Santiago)

早晨~~!!仍然俾雞啼嘈醒~然後又聽到阿啤娜早早起床食草~~我地最後一餐係民宿既早餐.....噢~!有我最愛的煎太陽蛋!!!!!仲有牛油果~~~

2016年9月22日 星期四

南美洲4國新奇探險之旅2016-02-29第十七天(晴天)

真係好鐘意9月....~~因為終於感受到有少少清閒~~少少咋~~星期一晚10點半農夫做哥個節目..笑到我呀~~~~~~~痴線架~~~尤其係佢畫結他哥度~應該得80後既人先明~~~笑到成屋都震~~~星期三又係無咩野發生~~最開心就係無野發生~~咁又過一日~~~~~今日星期四...難得的準時放工~感恩~



2016-02-29
Day 17(智利,復活島 Chile,Easter Island)

早早早~~~晨~呢日又係一早醒左~俾阿啤娜係我隔離放左個屁嘈醒~waakakka~呢日係最後一日全日可以係復活島玩喇~聽日要走....(其實要走我地有少少興奮...點解?下一篇你咪知囉~)........今日做咩好呢~~~~好喇~換好衫行去食早餐~華~今日d雲好得意呀!!!一粒粒咁~



2016年9月19日 星期一

南美洲4國新奇探險之旅2016-02-28第十六天Part 2(晴天)

星期四中秋節一放工就彈去毛寶屋企~~~哥日佢帶埋我同佢爸媽一齊去試永利宮呢~~謝謝~~(但永利宮同永利軒差好遠.....永利宮對住個噴水池個景真心無敵!...可惜服務同食物品質完全同想像中既酒店中餐完全不一樣....平時食開既酒樓可能比佢更好~)...飯後毛寶爸仲請我搭攬車~~~~謝謝毛寶爸~~~~~之後番屋企沖個涼又衝出去UA睇00:50既薩利機長:迫降奇蹟(Sully)...好年輕呀我~.....星期五中午諗住去參觀新開既巴黎人順便午餐~點知....我放假其實人地都放假je~~勁!!!!!多人!!!!!!!!!!!!!!!!!!!想食哥間餐廳話3點半先有位(但哥時係兩點).....係多人到你唔想再行....梗係走啦~~~好醒咁去左羅浮咖啡~~唔使迫加上依家可能為左對付新開既巴黎人佢免費泊車3小時~~~~~~~~~跟住番毛寶家和貞一起用Q7唱K~~~好開心~晚上約左麥公子朗公去食新開既醜比頭點心...但佢冷氣壞左..求其叫4個點心食完就走~再衝去觀光塔食德國餐~(一晚食兩餐是常識吧~)....星期六中午又食左文華東方~~(咩喎~轉左餐牌呀嘛~)....自從攞到信用卡之後我已經食第四次~下午毛寶幫我剪頭毛~剪完簡直係超帥~!晚上食左日式齋~平平地都唔錯既~....星期日中午有老闆請我同毛寶去玥龍軒飲茶~~多謝老闆~~~好好味~~~之後去威尼斯人行街街~下午去左機場接我阿媽機~~~晚上又有老闆請我食Hide Yamamoto~~~~為中秋長周末劃上完美句號~(點解咁快完架~~~~)..........好彩今日星期一工作量還好~



2016-02-28
Day 16---Part 2(智利,復活島 Chile,Easter Island)

然後揸車去另一邊喇~~條路好似一路上山咁既~~~停低駕車影番去市區哥邊~~~

2016年9月14日 星期三

南美洲4國新奇探險之旅2016-02-28第十六天Part 1(晴天)

星期二....無咩特別事發生....除左頭髮長到成隻長毛狗咁.....同埋發現開左星期日一日OT我到星期二仲係好似訓唔醒咁.....喇喇喇~~~我幾乖呀~今日真係有上黎出blog呀~~你知啦~~中秋節要做節食飯架嘛~~~雖然我阿媽去左台灣旅行....................................但我左痴右痴痴埋毛寶家一齊做節嘛~~(講講下其實我幾唔知醜咁~).....咁我就預早祝大家:中秋節快樂~~人熱兩填弦~~~~~~~中秋節好多野食呀~~~~



2016-02-28
Day 16---Part 1(智利,復活島 Chile,Easter Island)

早晨呀~~~~~~~今日既蛋料係蕃茄煎蛋~~~好好味呀~~~

2016年9月12日 星期一

南美洲4國新奇探險之旅2016-02-27第十五天Part 2(晴天)

星期五自然多少少野做下啦~正常~放左工去左食新開既pho real...但一般...食完番屋企好口渴~星期六...中午落雨...本身諗住去食馬慶康的...但雨太大....唯有去有停車場的sky 21....但佢個中午set越做越差........然後去左一包粉絲見面會~~~~好開心呀~~第二次去呢個粉絲見面會~~~姐姐的心溶化了~~~~~~又抱又錫是常識吧~~~~~~夜晚試左間新開既餐廳...但...服務亂到不得了...唔開名了....剛開的餐廳真係不宜去試~星期日一早起身番工~公司有OT做...好開心~~~做左成日~~~~~~(好似痴左線咁有人星期日有工番好開心~~咁一睇就知因為和味所以先咁開心啦~~~希望有多d啦~~~~~~)..但真係好眼訓~~~中午仲要有飯提供~但真係好難食~.....放工去左食威尼斯人入面間印度餐皇雀~原來有米芝蓮一星的!!我以前係澳門食過一次印度餐...但係.....食落碟碟一樣味..........但呢間又真係唔錯喎~~~賣相精緻又好味~~今日星期一工作上還好~不過好似中秋日會打風....希望唔好啦~~~~~人地好想過中秋節呀~~~~~~有好多節目架嘛~~~~星期四就一定唔寫blog架啦要去食飯架嘛~~睇下星期三自己可唔可以唔懶出到blog祝大家中秋節快樂先~(唔樂觀)



2016-02-27
Day 15---Part 2(智利,復活島 Chile,Easter Island)

食飽飽直駛去下一個景點~~~Tonariki~~一入去好似有個守護者咁樣~



2016年9月8日 星期四

南美洲4國新奇探險之旅2016-02-27第十五天Part 1(晴天)

星期二放工O左一個鐘T...之後約左公子食kokoro~~~好開心~~~星期三.....有個超難頂既客......d客其實真係會以為自己大哂~~~講野尖酸刻薄不特止~~~仲指住我黎鬧~~搞到阿姐呢日心情不佳~~~~不過算啦......我再嬲你個仆街就會得逞~~Let it go~~~~~Let it go~~~~~~~~~~~今晚食飽飯上左好耐網先上到...(好似番左以前56k個年代...我淨係擔心我會唔會出唔到blog~).....好彩你依家見到我證明仲上到~~~今天工作還好~不會遇到short上腦的人~~~~~~我要快快樂樂過周末~~~~~~~



2016-02-27
Day 15---Part 1(智利,復活島 Chile,Easter Island)

早晨~~~又到早餐時間喇~~~好豐富呀~~~噚日用雞蛋做蛋餅~呢日係炒蛋呀~~~~加埋青瓜好正~~~~

2016年9月5日 星期一

南美洲4國新奇探險之旅2016-02-26第十四天Part 2(晴天)

今日朝早又係超多野做~~~~但下午又好正常~~搞笑~~~星期五終於感受到暑假真的完結了~~一放工就跑左去銀河食喜盛鐵板燒....排左半個鐘隊(好累)...不過一般~之後去左威尼斯人逛逛...其實想睇下有無我想買哥支家陣好hitdo哥支唱k咪K068同Q7......兩個款都有....但賣極貴...都係過香港睇睇先~星期六過左香港行街街呀~~~~~~~~其實我地今次7公子黎係因為有其中5位約左去睇塵塵演唱會!!順便再一齊過黎行街街~~好開心~~~因為我係香港終於買左支Q7咪~平過澳門差唔多一半~~~~~~塵塵演唱會簡直無得頂!每次都有驚喜~舞台設計配合埋塵塵快歌同d舞真係一絕!!!!!......星期日約左chlo子去文華東方食午餐(我一個月食左3次~~好勁~)....成個下午去左毛寶屋企玩Q7~~~~~~唱左成個下午~~好開心~~~幾好聲~~~(我講我~~~).......晚飯食外賣關東煮~



2016-02-26
Day 14---Part 2(智利,復活島 Chile,Easter Island)

食完Empanada之後我地就番民宿抖抖~等左咁耐真係好攰~~~~(等都攰~~)....睇番頭先買左d咩先~~~我就係買左呢d postcard寄俾朋友們喇~~~復活島d postcard係幾靚架!!!靚過玻利維亞哥d多多聲~~~~~d日出日落景影得好靚丫~

2016年9月1日 星期四

南美洲4國新奇探險之旅2016-02-26第十四天Part 1(晴天)

今日明明開學日...但點解仲係咁多野做?????證明我前幾日諗既野係錯的..................今日仲要頭痛.....輸....星期二仍然多野做~~~我諗要等小朋友開左學先會好d~夜晚放工衝左去睇屍殺列車...睇完好攰同埋心痛~~(因為好緊張)...真係人性大考驗.......呢套都幾好睇~~雖然我真係好驚喪屍...但之前Brad Pitt哥套World War Z仲刺激~~我哥時仲低能到入場前以為係戰爭片...點知...又叫到全戲院最大聲啦~~好似話拍緊續集..如果係真....我想睇(第一次會想睇喪屍片)....星期三本身都多多地野做~但係無啦啦落左一場雨~好似嚇親d人唔敢黎~~~~~



2016-02-26
Day 14---Part 1(智利,復活島 Chile,Easter Island)

早晨呀~~~晨早就見到阿啤娜真係好開心~~~(雖然你今朝係我隔離放左篤超長既尿尿~)..早上有少少涼~


2016年8月29日 星期一

南美洲4國新奇探險之旅2016-02-25第十三天Part 2(晴天)

今日都算多野做~~但我肚痛~~(好似呢兩樣野無交集~~).....星期五一放工跑番屋企洗衫~~~~~~~然後衝去新開既永利皇宮試日本開過黎既拉麵~~~~但我唔係好識欣賞......同埋可惜我地趕不上搭話澳門居民免費坐纜車優惠~~~(聽講話8月29日有番~~希望帶到媽媽搭~~)...........星期六中午食左time after time 2店...比上次失望~夜晚去左麥公子屋企開p~~~~~~~~~~~~~~好開心~~~~~~~~~~~星期日中午食左好耐無食既永安~~之後行左陣800伴~買左d食材夜晚自己煎牛扒~~~~好好味~好過出去食~~~~~




2016-02-25
Day 13---Part 2(智利,聖地牙哥 Chile,Santiago->復活島 Easter Island)

去完菠蘿園就番我地民宿喇~叫Hostal Pukao~一入去...華.....呢個民宿黎架????成個公園咁大喎!仿佛呢個山頭都係佢地既咁~地址:Puna Pau, Hanga Roa, 2770000.....不過呢度同main street一d都唔近....車行都係5分鐘!!我諗人行真係要超過30分鐘先行到黎~

2016年8月25日 星期四

南美洲4國新奇探險之旅2016-02-25第十三天Part 1(晴天)

星期二...好多野做...完...................星期三....比星期二還要多野做...完..............星期三下午雖然好多野做~但有毛寶送暖~真係暖哂~~~~~~~星期四今日阿媽去旅行~~~我要自己搞掂自~~~真係好忙呀~~~又要買飯收衫摺衫呢樣哥樣....好掛住阿媽~不過都想佢玩得開心~~~~~~~~~乖啦~努力番埋聽日工~又可以去玩咯~~~



2016-02-25
Day 13---Part 1(智利,聖地牙哥 Chile,Santiago->復活島 Easter Island)

呢間酒店真心唔錯~好好訓~早晨智利~~~我地今日將會暫時離開智利本島喇~~~~意思即係.....

2016年8月22日 星期一

南美洲4國新奇探險之旅2016-02-24第十二天Part 2(晴天)

喂!今日好多野做呀!算!忍埋你~小孩子仲有9日就放完暑假喇~到時仲唔係到我威威????yeah~~yeah~~星期五一放工衝番屋企食飯~約左我親愛的娘親拍拖去睇賓虛(Ben-Hur)呀~星期六就中午又去南湖明月飲茶~~然後又同我親愛的娘親去睇左之前已落畫既初戀無限Jam(Sing Street)...講真個戲名譯得好衰...落左畫兩個月但UA又再無啦啦上一場~之前想睇但落左畫~岩哂~可能你話...dvd都出左啦...買隻dvd咪仲平...但我就係鐘意去戲院睇戲~(問番原來係未出)...然後有老闆請我同媽媽食名家韓燒~多謝毛寶~<3......星期日中午本身想試文華東方大堂個set lunch...點知無訂位要等到兩點半.....於是...我地又上番去2樓上個禮拜食過既御苑~上次食覺得一般....點知今個禮拜已換左餐牌!!!睇落幾唔錯下~~而食落都好過上個禮拜好多!!唔錯~(最開心仍然都係買一送一~遲下介紹~)......好野~下午毛寶又幫我剪頭毛~~~~~夜晚得我一個人食飯咋(嗚嗚)...咪喊!我自己去左掃街~~~~~~~~



2016-02-24
Day 12---Part 2(智利,聖地牙哥 Chile,Santiago->瓦爾帕萊索 Valparaiso->聖地牙哥 Chile,Santiago)

雖然餐飯係唔好食架喇~不過黎呢度都係主要想行下嘛~唔好掃興~~~呢度既特色除左係山城之外~仲有好多塗鴉同埋顏色屋~~~

2016年8月18日 星期四

南美洲4國新奇探險之旅2016-02-24第十二天Part 1(晴天)

星期二...無啦啦多野做過星期一...絕望~~~~~~~~你知唔知我有幾想食韓燒?!?!好想呀~~~~~~但仲未食到.....星期三又係無啦啦好多野做~~~~~~~好攰呀~~~~好彩下午收工有人請食小食~我都食左條春卷加蝦多士~(我既生活好似淨係得識得食~)...........今日下午有臨時野做~好彩最後趕得切收工~~~感恩~



2016-02-24
Day 12---Part 1(智利,聖地牙哥 Chile,Santiago->瓦爾帕萊索 Valparaiso->聖地牙哥 Chile,Santiago)

早晨~噚晚訓得唔錯~一早起身就去佢個餐廳食早餐先~

2016年8月15日 星期一

南美洲4國新奇探險之旅2016-02-23第十一天Part 2(晴天)

今日星期一無驚無險~又放工番屋企寫blog~yeah~~~~好開心上個星期成個星期都準時放工yoho~~~~~~星期五一放工就蜈蚣彈咁彈左去銀河既Passion by Gerard Dubois~~我同毛寶挑戰左好多次~~我地地次次都失敗架~~因為我地唔識點樣等位呀~~因為佢要好似快餐咁自己等位再去買野食..而且係超多人等...等位又無隊排...即係等如買大細咁睇你企唔企得中張枱就快走...我地次次都失敗..因為咁樣等位真係好怪~今次終於都成功~~(可喜可賀~)....難怪咁多人食...個slow cooked beef...勁好食~~~~~~~(我覺得好食過佢隔離既Ritz Carlton Cafe)..而且個沙律都好抵~可以話以低價食到好西~食飽飽去左睇奪命狂鯊(The Shallows)...呢d一人擔大旗既戲我覺得好難做得好睇...(我想起了n年前的鯊海22小時..睇到想搣飛走)...星期六~期待已久攞左張新既信用卡要去試下憑信用卡去文華東方買一送一既Lunch...係幾抵既...但綜合服務同埋環境...如果係原價..我會去8 1/2囉~之後去睇Blue Man Group in Macao...呢個show..我真係唔識評價..藝術既野我不懂多少........重頭戲係晚餐~~又有七公生日會~~~今次到麥公子~~~~食得好開心~~最緊要壽星女開心~~~星期日中午去左南湖明月飲茶~~~再係觀光塔睇埋自殺特攻~夜晚就食左ABC湯加天使麵咋~



2016-02-23
Day 11---Part 2(智利,聖地牙哥 Chile,Santiago)

食飽飽海鮮出到黎又覺得好熱.....即刻跳入中央市場對面個超市涼冷氣~~~~

2016年8月11日 星期四

南美洲4國新奇探險之旅2016-02-23第十一天Part 1(晴天)

星期二乖乖的上班後約左Diana去晚飯~~試左Time After Time係新口岸新開既分店食飯~呢間係餐廳黎既唔係cafe黎既~可惜我地去哥時未有好多野食提供~~但係試左佢個pizza~勁正~~~~~~星期三....番工見盡各種無禮貌和癲的人...大開眼界~星期四今日無咩特別野發生~~希望每日都係咁就好囉~



2016-02-23
Day 11---Part 1(智利,聖地牙哥 Chile,Santiago)

好喇~我地晨早起身酒店就無包早餐既~咁check out左之後就叫酒店搵車車我地去我地今晚住既市區酒店check in先啦~~~~~不過車費都幾貴..短短路程(無記錯10多分鐘)...成$27,000CLP=305.4hkd!!!!!!!!不過唔係的士...係酒店車~無計~我地呢晚入住Hotel Don Santiago Bellavista...地址:Fernando Manteroia 0550, Santiago, 7520351

2016年8月8日 星期一

七公子香港一天遊2016-07-09 Part 2(酷熱天晴)

今日星期一多野做~~但心情不錯~~星期五一放工即刻衝去星際風味居同另外4位公子食飯~~好味~~~~hehehaha又一晚~星期六一早起身突然一約~去毛寶家先剪頭髮~然後約埋另外兩位公子去羅浮咖啡午餐+下午茶~開心~再去埋Garment Park~禮成~去800伴走一轉~純走走~無收獲~晚飯係食左自家煮辛辣麵~yumyum~星期日起身終於去試左哥間Triangle Coffee喇~佢個Affogato好好味~(比昨天在羅浮咖啡的好味~)...而且佢個pizza也真的不錯吃~~以cafe黎講佢算係咁~~之後番左屋企將d相過落新既移動硬盤~~夜晚叫左海榮外賣~~又有送抹茶大福~~yumyum~~



到左中環落左船~我地向海濱哥邊行過去~華~~~~~我係第一次見呢個摩天輪咋!!!一場黎到....點少得一張公子最有代表性既"就是你"呢~香港朋友~我們帥不帥?我聽到遠方有人叫:帥慘了~~~~~~~(誤)


2016年8月3日 星期三

七公子香港一天遊2016-07-09 Part 1(酷熱天晴)

其實本身聽日先寫blog架嘛~~但你又估我唔到~星期三既呢個時間先上黎寫~~其實我今日出左去諗住聽日先寫既..點知今晚有個不速之客聽晚要拉我去食飯....即係聽日都係唔得閒...(咁你咪下星期一先再上黎囉...又無人等你.....)....唉...咁你知出blog係我既小確幸黎架嘛.......再唔出咪呢個星期先得一次小確幸?!同埋如果你準時星期四黎探我...咪等於我地準時見面囉?!我真係一個貼心的孩子~.......星期二...比平時早醒...因為要起身睇一睇有無打風!!香港8號風球...澳門鄰近既廣東省地區都係紅色預警....偏偏澳門呢個福地由始至終掛左10幾個鐘3號波....哥日番工成身濕哂...d雨唔大但打橫咁黎....上網睇成街塌樹~招牌都塌仲係3號~澳門..就是與別不同~(#曲線要說明)



哈哈~公子又黎佔一佔位置先喇~~~完左一個國家既我地又插一插播公子七月時過黎香港玩玩既行程全紀錄(可能無人想知).....首先講講點解會有呢個香港之旅呢?...因為我地七公子主席(好似無係度講過我地主席係邊個...哥個係朗公子)開到聲過想約埋...一齊去大澳行下..........所以就有呢個香港之旅產生喇...咁點解要哥日去呢...因為哥排噴射飛航同埋金光飛航都有優惠出...咁就.....出發咯~



華~哥日晨咁早搭8點船~~~~痴線架~~~仲早過番工~多謝毛寶車埋我去碼頭~~~報數~~1~2~3~4~5~6~7公子出發!!七公子帥慘了~~~~這是公子第一次一起去香港~要好好紀念~我好耐無去過香港喇~~~真係好窮呀~~~因為過黎一日要洗好多錢架~~~(凱公子個樣好乖孩子好想抱下佢~)

2016年8月1日 星期一

南美洲4國新奇探險之旅2016-02-22第十天(晴天及後轉陰)

今日星期一唔算實在太多野做...只係全部都麻煩野je~妮妲逐漸接近澳門...好彩頭先放工無雨落!!放工路經7-11買左少少少少少............都係哥句...一係全日放...一係全日番工..唔好留半日蘇州屎要掃......星期五真係古蠱~人地放左工先死機既~好乖呀~~~夜晚食左enjoy deli個冬蔭功湯米~~~星期六一早番左大陸搞d野~中午食左金麗華哥間灆泰國餐...坐低好彩記得呢間有asia miles儲~正~下午同媽媽一齊睇冰河世紀:隕石撞地球...我笑到前面個男人都望番轉頭望我.......然後到最後我竟然bit左兩滴眼淚........................................夜晚食左銀河間潮州百樂....最難食係個反沙芋!!!星期日上午食左牛仔屋~佢個豬扒蘿蔔撈米加咖哩真係好誘人~~(但今日牛雜麻麻!)....去左參見一包~~~~邊位係一包?!就係大比同學隻貓貓~~~~~~勁可愛~~~~睇左佢d相好耐~~終於見到真貓~好可愛~~~~~夜晚食左天潮~(一係唔食..一係一連兩晚食潮州野..問你驚未?)



2016-02-22
Day 10(玻利維亞,烏尤尼 Bolivia,Uyuni->玻利維亞,拉巴斯 Bolivia,La Paz->智利,聖地牙哥 Chile,Santiago)

早晨~起身出街搵早餐食~(其實酒店有包~不過呢...我地噚日經過餐廳時見到佢杯橙汁係螢光橙色....怕怕)..揀左呢間~



2016年7月28日 星期四

南美洲4國新奇探險之旅2016-02-21第九天Part 2(晴天)

今日人流突然少左.....真係令我好~開心~~~星期二一起身個頭就爆痛....係無啦啦無預警的爆痛......貞幾乖呀!!上黎我屋企探我喎!d咁好既女仔去邊度搵?(佢話係黎探下佢旗下既藝人班喎XD).....星期三早上去左體檢....好緊張呀...我有幾年無體檢喇...唔知各樣野正常無?報告就未有得睇既...但............................好開心噚晚食得好開心~~我覺得幾唔錯喎間餐廳~~~得閒插播一下先~



2016-02-21
Day 9---Part 2(玻利維亞,烏尤尼 Bolivia,Uyuni)

不停在影東邊日出的位置....但在另一邊西邊d顏色更柔和~好靚~~~~~~~