2008年5月28日 星期三

菠蘿迷

今日下晏企左出大堂幫手答問題….不過有d我都唔多識答….以我緊餘既知識去幫補…….只係希望可以快d打發到d蟻唔好再”嬲”住我…快d走……我只係企左一個下晏兩個幾鐘我已經覺得好攰…..仲攰過一日做野既份量…..d人又高過我喎…d阿叔個口又臭喎…….仲有d同我好fd咁搭膊頭呀…超癲囉….難為有d同事要日日都要出去…..佩服gil哥哥…..每日都要係出面….以後唔敢笑佢喇…..d人真係好癲…..對得佢地多真係會死……..番到屋企攰到一個字都諗唔到….論文…俾我懶一日啦…….阿sir你聽日做咩又打俾我呀



好開心…因為8月又可以睇舞台劇喇….就係the sound of music—-仙樂飄飄處處聞喇……呢套真係十分熟呀…因為以前一到除夕國際台就會播…我又會一定睇…如果今次賜應該會睇得更加投入呀….因為上次睇cats..之前唔知個故仔講乜…但都覺得好正…可能係因為未睇過呢d咁大型既舞台劇啦…..上一次買最平飛..個位都唔錯…今次就買左貴一級既….希望會有好既景觀啦…..所以我都幾期待星期五既flamingo演出..因為第一次買最貴既飛呀~~~



家傳戶曉….睇戲哥時已經覺得好好睇喇

2008年5月27日 星期二

下午茶...食到飽

上次錯單哥個野….終於都番左黎…..其實佢今日黎到我面前…我都唔記得左呢件事…可能無記性都係一個優點呢!!今日開左一個鐘頭ot……都唔係話太攰啦….比起其他同事…..唔知點解佢地會咁有精力開5個鐘ot呢????最令我攰我諗應該係我6月尾要交既論文……呢幾日都不停係咁作係咁作呀………..諗到頭都爆呀…唉………..算啦…難關總會過既…過完之後又會有新既野係度等我啦!!!今日下晏好開心….因為有人飲完茶打包左d好野番黎俾我地食……多謝哂…食到我超級飽…飽到我夜晚飯都食唔落….為食的人~~已經睇完第7話既last friend喇..不過我覺得呢集麻麻地…….好想快d到星期五…除左因為係週末外…仲有夜晚係文化中心可以睇flamingo表演..正..期待中….順帶一提..原來細da 6月6號就番喇…..久諱了的同事仔



難得的全體綜合同事大合照….攝於四個月前




今晚有個不好的消息…我的表uncle突然不在了..希望他會安息

2008年5月26日 星期一

星期一 = 認命

本身今日放工後都要開ot架……因為實在係太多人喇….從來都未見過咁多人囉….仲要分流入…好似行LV名店咁呀….但礙於我的論文….都係無開到……只係想乖乖番屋企做好d呢份野…..然後可以順順利利大三畢業…升上大四……..而讀完大四後…….可以係工作上輕鬆d….又可以搵其他有興趣既野學下….仲可以唔使就番學時間周圍去下旅行咁(呢個先係最重要)…..諗起都開心呀…我要朝呢個目標進發!!!!!今日放工的時候….陪毛寶買生日撻撻俾佢爸爸慶祝生日…….於是我又買左一個番屋企同爸爸媽媽分享…呢個就係上個星期五sasa同我地一齊分享既撻喇…..我覺得真係好好味呀…因間睇電視哥時就有得食喇又靚又好食呀

2008年5月25日 星期日

咁快就黎又到星期一喇:[

今朝11點幾…起身痾尿之後同媽媽兩個人臭住個口傾左半個鐘頭….番入房以為自己可以再訓著…..訓唔到就起身囉….搞黎搞去之下點幾出門口….今日好平凡只係食左個杯麵….跟住本身諗住同毛寶討論下論文….點知我問佢:有咩戲好睇呀﹖…..講到好不經意咁…其實我一早買定一包珍寶裝既珍珍薯pin上去..所以我地就睇左呢套戲—-juno少女孕記


事前非常睇好呢套戲….因為好似好搞笑咁…同埋又攞咁多獎呀….所以就好想睇…但睇完之後….唔太話好睇又唔太話唔好睇啦…一句講哂唔會翻睇囉…..今日最最最重要既事就係睇下阿寶孭得個書包好無睇….仲搵多左兩個人示範今年最in書包…我地又睇下邊個孭得最好睇…



首先係蕉哥哥….唔錯唔錯

2008年5月24日 星期六

戰勝阿sir

好驚呀…今朝諗住11點半起身諗住搞下呢又搞下lu咁…同埋再整理下d論文哥d野…點知九點幾起身痾完篤尿之後再訓….一彈起身…已經1點喇…..嚇到我尿都標……約左阿sir兩點…..我起身之後竟然用左半個鐘頭就搞好哂刷牙..廁廁..換衫..化妝..set頭呢幾個大工序….已經可以出門口….簡直就係奇蹟!!!!!會合埋毛寶小姐買埋包就走番去學校搵阿sir…..救命傾成個幾鐘…都唔知點解佢有咁多野講…..好彩有毛寶同我一齊聽…如果唔係我諗我訓著左喇…..不過都唔係無得益既…起碼我知道我篇論文依家爭d咩….同埋個方向正唔正確…做埋d咩我就可以recieve the skin…..今日起碼叫做打敗左阿sir啦….好希望真係可以快d到7月2號….一黎我已經考完其中一科…二黎我已經交左論文…三黎公司人潮已過….簡直一舉三我呀…咁我有乜理由唔期待呢??



見完阿sir之後番左屋企坐左陣…之後我就同毛寶去搵co哥…唔知佢今日搞乜…著到好似成個阿叔咁…..行過報紙檔見到一本Bape既雜誌…裡面送左個小背包..毛寶就諗都唔諗就買左喇…因為我地發現個小背包好0岩一個人…哥個就係阿寶喇…佢用呢個一定好靚呀….聽日要幫佢影好多相先…..



就係呢一本雜誌裏面內藏寶藏喇

2008年5月23日 星期五

後後補生日會?!

YeahYeahYeah…..YeahYeahYeah…..YeahYeahYeah…每到星期五…就有一種難以講出口既興奮!!!!!!!!!比起星期六同星期日都有過之而無不及呀~所以就算有幾多野做都係可以原諒既…..呵呵今日下晏又有下午茶食…有人今日請sasa食老佛爺既水果撻…..超大個…佢同左我地一齊分享….個撻超正…..食完有如沐春風的感覺~(形容得好誇張)…好可惜好景不常…今日下晏放左工之後要留係度開會…….開左成個鐘…成六點九先放工….分享計劃…查實我地真正得益真係…..好多……….希望快d過左六月就好喇



好彩今日有個後後補既生日會…個後後補生日會個起由就係因為上次幫媽媽慶祝生日時去食比薩…大家都覺得唔夠喉…於是老屈老豆再請多次食日本野….唔知再有無後後後補生日會呢??…我發現我個blog好多相都係關於食既…..又係金澤度食…好味又抵…食個二人套餐兩佰幾蚊…咁我地三個人再叫d其他野食….



介紹下個餐先:

首先係芒果蟹子沙律

2008年5月22日 星期四

論文開始喇(終於)

噢…..我的天….終於要接受做論文既終極事實…..今日一放工….唔係好攰….番到屋企就即刻”there”左媽媽一陣…之後沖完涼就即時開始我的論文寫作喇….但係寫左一陣間…就開始覺得好攰….有頭暈現象……原來寫論文仲辛苦過番工(雖然我只係上網拼拼貼貼咁)…所以食完飯我又要開始抖下先喇…….不過點都要堅持係六月尾之前交到…因為好想今年畢到業~加上過埋呢關又可以開始籌備我地既九月之旅喇



雖然我d同事成日係度笑我個眼鏡….但個個都話要試下…..根本你地就係鐘意既….點解成日都要笑人喎….sasa仲話我用呢個眼鏡望d客仲一定唔會俾d客鬧喎…咁即係我好可愛啦…..



下午時有大鴨請的小小生果撻作為下午茶…..雖然個撻仔真係好細….但作為沉悶既下午既一個心靈補給站……真係好正!!如果每一日都有下午茶食就好喇~查實我咁為食…..真係抵我咁肥架….而夏天又開始黎喇….到底我要點樣先瘦呀??今日無影到相….暫時分享住上年同媽媽復活節去上海d相先啦….



呢間應該係最出名既上海小籠包店—-南翔小籠包

2008年5月21日 星期三

伙頭爸B

我可以斗膽講一句…食物真係可以治療人既心情……我噚日呢真係好唔開心架…但係食完爸爸整既一餐之後……心情就好番好多喇……個心都唔再好沉咁……所以食d好食既野可以令自己開心番d~



噚晚有圖左既嚤囉炒飯…圖右為葡式炒蜆..當中有黃椒…但好味到我唔想揀食

2008年5月20日 星期二

新眼鏡惹的禍?

都唔知呢排搞乜鬼…成日都做錯野…..今日又再做錯野…開錯左張單….以為自己少左錢…..本來我都無乜野…..但係之後不停俾人嚇之下……搞到我心情都唔係幾好咋……….




又唔係我唔想叫哥個野番黎….係佢個電話打極都搵唔到佢之嘛….都唔知點解成日都係咁…..d人留哥d電話….一有事搵佢地既時候…係永遠都搵唔到佢地既….不如唔好留好過…..

2008年5月19日 星期一

默哀3分鐘

星期一都係哥句啦…照樣好多野做……今日下晏既時候…..14:28哥陣全公司都為四川大地震既死難者默哀3分鐘…..係哥三分鐘裡面…我不停咁諗當時佢地身處既情境….雖然我無經歷過….但想像得到哥種恐懼…..加上出面既車不停響”安”…聽到之後令到我個心更加酸…………….

放左工之後去攞新眼鏡…….好開心…因為我覺得新眼鏡鏡片既範圍好大…可以睇周圍睇得更多…….如果今晚有睇呢個blog既就可以先暏為快…如果唔係聽日既辦公時間九點到五點半都可以見到….



陳舊的我…個舊眼鏡已經用左成3年喇

2008年5月18日 星期日

換左阿sir好悶呀

呵呵呵……….今日又要番學喇…仲要番成九點鐘…攞我命…噚晚仲要三點先訓…..我覺得我起到身都好叻喇…..佢使唔使真係咁認真九點三就點名呀



好悶…愈上愈悶….好不容易先等到一點鐘食飯…我地今日去左東望洋餅店度食




好搞笑….佢除左有餅賣樓上度仲有得坐低飲咖啡咁……不過我覺得d野飲好貴…..全部都要廿幾蚊…..廿幾蚊應該可以食到個碟頭飯…..所以同毛寶叫左一杯野飲兩份就算…

2008年5月17日 星期六

世界姊妹日?

世界姊妹日?真係有架…..好似有成4個人腥呢個咩四俾我呀……今個禮拜六日又要番學喇……換左第個阿sir上…..效果仲悶……唯有訓得就訓啦….戲玉係放學後約左毛寶﹑sasa﹑G同杯去食飯本身諗住去和花亭架….不過等位呢家野就…..見太多人就唯有轉場啦……….點知走時咁0岩見到kate



無得食影番張相留念都好啦


2008年5月16日 星期五

後補生日會

唔知點解星期五既下晏咁鬼多野做既…..做到我個口噴哂白泡….不過唔辛苦又點得世間財丫…..好似今日咁有糧出~不過好可惜週末都係要番學…間接減低左消費力….0徙哂!..好彩我今朝都有做到惡霸…sa有留到佢d粥俾我食…令我今朝得到溫飽…謝謝sa….都好開心既..因為今日係星期五加上…噚晚終於做完一份我拖左好耐都無做既功課…..覺得自己好叻…那怕只係將d野拼拼貼貼…..所以今晚已經唔使做功課…至於論文就…下個星期先啦~仲有今日kate send左個sms俾我話慶祝明天的”世界姊妹日”…乜有個咁既日既咩?咁唯有聽日同d姊妹慶祝下啦…..好開心終於等到放工一刻…因為今日有特備節目…..就係補祝媽媽生日會喇~一到週末…攝記又出場喇



今晚去左比薩食…所以例叫有檸檬雜飲


2008年5月15日 星期四

最後的朋友

今日唔多唔少….做事洽洽好….雖然其中做錯左d小事….但無損我今日既心情~因為聽日就到friday喇….一到friday就萬事有商量~~~

小貞今日無番到工好悶……中午接更時得一個人…..隔離哥兩個窗都無人…感覺好寂寞…可能就係因為咁寂寞就令我做錯野喇…..

今日好似無咩特別既事發生過喎…所以關於今日可以係無咩野講…..好期待聽日幫媽媽補祝生日呀..希望聽日快d放工啦~



唔知佢依家大個左幾多呢?好想佢快d番黎俾我抱下呀

2008年5月14日 星期三

我不需要tiffany

奇怪…今日番工…輪到gilbert唔記得收錢…佢比較好彩係哥個人自己識走番轉頭比番佢…到中午哥時…又輪到mina少收左300蚊…好可憐呀…唔知最後搵唔搵到哥個人呢…..好少可有咁既情況出現…已經輪過哂我地咁多個早更喇…希望唔會再有呢d慘事發生啦……



今日gilbert坐我隔離窗….突然之間討論到….到底我襯唔襯叫tiffany呢個名…gilbert話唔襯…不過其實呢個名係中學時既花名….0岩0岩番工時因為諗唔到叫咩名所以就改左呢個俾中學同學改既花名….講講下其實我都覺得唔係好襯呢個名…..但係究竟我襯咩英文名呢……gilbert話要襯d有y字尾既…一至兩個音咁…..我話一個音有y尾咩…佢就話有呀…就咁ly囉…(其實有kay既)無聊…後尾佢話應該叫nancy喎……聽到我眼突…..笑左好耐….跟住我就話我自己都諗左一個y尾…不過係我自己鐘意…同襯我無關….就係macy喇….記住呀..係macy..唔係mary呀…..查實我真係想改英文名…我諗我要搞番張DRC更改姓名先得喇…以上對話都係得啖笑…..不過呢段對話娛樂左我一整個下晏..謝謝gil



番工都無時間影相…唯有睇住d舊相先啦….

又係時候投票喇…邊個同麥叔叔最合襯呢

2008年5月13日 星期二

接二連三的惡運

我發現我地三個好搞笑….最先係我少了50蚊….之後到小貞….唔知點解跟住就到sasa…..類似既情況之前都有發生過….不過個先後次序可能有唔同啦…不過呢d咁樣既巧合都係無好過有喇……



噚晚好叻咁開始左我篇論文….而我所做既就係….開左個file喇…跟住打下自己個名呀…題目咁…之後save左佢咁就算喇….真係懶得好過份



我想講下我目前夏天最想食既生果…就係菠蘿同埋香蕉喇…以前呢兩隻生果不嬲都唔係”賣飛佛”….之但係有一次番學放break去買雪糕食買左雀巢雪糕既菠蘿味黎食之後….我就覺得菠蘿味好清新好夏日…即係好似我咁..所以就好鐘意好鐘意喇….第二種就係香蕉…事緣有一日下晏我同sasa一齊去廁所..去完之後行過canteen佢問我食唔食香蕉….我話梗係食啦…依家咁悶乜x都食呀…於是我地一齊入左canteen度食蕉喇…佢將條香蕉你一半我一半咁分開大家一齊食..食完之後好開心咁行番出去…見到阿ann同佢講野…阿ann問我..你係咪0岩0岩香蕉呀???我話係呀…好開心佢聞到我個口d蕉味..但唔知點解要開心…之後仲特登唔飲水再感受哥d蕉味….唔….好香甜呀…….好變態呀我真係…仲加上食埋呢隻香蕉核桃味既雪糕之後………….(又係因為食雪糕)我好為食呀


2008年5月12日 星期一

今天續記

續番之前一篇講既仲有就係係台灣既相喇……再睇睇先呀



於淡水街頭的一間冬甩店買既..毛寶覺得最好味既士多啤梨冬甩




霜淇淋…好似好好玩咁..但其實好難食我覺得


佛誕節.....三天假之最後一天

今日係佛誕節假期…咁即係話…已經係三日假期既最後一日..好唔捨得呀!!!!!起身後食完野後..就睇番舞出真我2之前哥集..即係舞出真我呀…都唔係唔好睇既…不過太多劇情喇….我想睇佢地既勁舞…所以一致推介step up2呀~~~~



這是第一集…多謝阿寶出面拍宣傳照





睇完戲之後就出左去睇眼鏡….因為依家個眼鏡都用左好耐..除左用厭左之外..個理由就係因為個近視度數深左….依家睇野有時唔係咁清楚…我諗都唔算0徒錢卦…..



毛寶強逼我影他的”美麗背後”


2008年5月11日 星期日

母親節真係好好玩呀

今日係母親節嘛…一早起身時阿媽已經落左街喇…其實都唔係一早喇..因為都成11點幾12點咯……hehe..好懶呀…跟住起身就搞完一輪去左食飯..去左食西貢城…好好味d野…但我覺得個份量太少喇..都唔夠一個好似我咁細胃口既OL食hohoho……….



好好味既河內烤肉撈檬




我既烤雞肉飯





2008年5月10日 星期六

預先慶祝母親節

今日…天氣不佳..明明噚日陽光普照….又會變成今日咁….天氣陰陰既…好似我放假既時候就會落雨咁…番工既時候又會變得好好天咁…真係奇怪….今朝早陪毛寶去剪頭髮…..又見到co哥….佢好似肥左少少….跟住就攞套新制服既西褲去改改..一入到去就見到阿Ann係度改緊….見到佢件西裝褸真係想笑…車到個膊頭位舊墊出哂界..搞到佢個膊好似好大好橫咁…..我條褲就唔使講啦..超正..著左都唔使坐低…不過估唔到哥間野可以細到咁…………………..為左配合著新制服….我今日大破慳襄….攞錢出黎買左對新鞋黎配我既新制服(其實係因為唔俾再著波鞋所以先被逼買咋….如果唔係我都唔想出錢買番工鞋)



係一對好可愛既紫色圓頭平底鞋….我好鐘意


2008年5月9日 星期五

今天到底是好運氣還是壞運氣?

黑運係咪真係會跟住人既呢?我噚日已經收少左50蚊架喇…奇蹟無係我身上出現不突止….今日我又爭d收少100蚊喇…事緣就係哥個男人無錢..我叫哥個男人搞好之後攞番俾我..點知搞好之後到我自己唔記得左…一手將所有收據放入佢手…點知到佢走左之後我同阿Gil講完一輪野之後先至醒起….為時已晚喇…因為佢已經遠走高飛喇………想搵人打俾佢亦無門…因為留唔係本地電話……….當其時我完全失望中…..係度左行行右行行之際…..哥個男人再次出現係我眼前…仲唱好錢交番100蚊俾我呀…..好彩佢係一個有良知既男人….因為其實佢大可以走左去唔俾番我而無人吹得佢漲….但佢選擇俾番我..真係好多謝佢…但係小貞今日就無咁好彩喇…同我噚日一樣都係收少左50蚊….搵唔番哥個人…我地搞乜鬼呀…輪住黎既….仲要都係搵唔番呀…好慘………..



好彩臨放工哥時開心番d咋……因為今日阿Sa整左雞蛋布丁俾我地食…仲有今日有同事生日….所以開左個小型的生日會同佢慶祝….雖然佢今日都要番工…但好似無影響到佢既心情咁…….好彩我今年生日係星期日je..



好好味的焦糖雞蛋布丁~有好多我好鐘意既焦糖..又唔怕太甜—-正



2008年5月8日 星期四

媽媽...可唔可以唔蝕錢呀

今日真係好…………慘…..雖然今日既天氣係好好呀….但係我既心情就好似佢咁




因為我今日蝕左50蚊…..又唔知係邊個無俾..想搵番都無從稽考…只係好希望有奇蹟出現啦…又或者哥個人走番上黎話:呀~我噚日唔記得俾番錢你呀..咁就好喇…..算啦…都係我自己唔小心je….聽講話今日sasa個窗有人打交…聽人講好似仲話打到有拳風tim呀…..蝕錢+錯失睇戲良機

2008年5月7日 星期三

以為可以連續3日唔使錢

真係呀..估唔到今日咁多野做呀..今朝仲俾個阿e叫我唔好逼好佢交錢喎…因為佢要探一個生病既朋友..所以唔好限住佢幾時番黎交錢…我都唔想逼你架阿e..只不過搵食艱難呀…..唔通我自己幫你出住先咩….戇居..睇黎我都要練下唔好咁容易嬲先得呀…..過完一個辛苦的工作天後…到放工時竟然見到—-

太陽呀~(因為今日成日都陰天)


2008年5月6日 星期二

可以去旅行未呀?

哎呀..番工番到好悶呀..日日都係咁番..見到d客都想死…一唔夠你講就會發爛渣..令我好想念去旅行既日子….最開心係去年日本之旅…因為係自遊行..雖然之前跟團去過一次..但哥時太細個..d記憶都唔係咁清楚…我地靠自己訂機票(多謝Lucinda)…搵行程..睇地圖之類..好興奮係每我地想去既都去到..想食既野都食左..所以我覺得我地3個好叻..真不愧為”狂歡三寶”..但由於依家仲係試用期關係無得放假..所以只好回憶下之前去旅行時既開心野囉…


0岩0岩落機好攰呀



2008年5月5日 星期一

ot咪搞我喇


今日得我同Mina中午ot

覺得自己………唉

超多野做呀

今日番學阿sir架船故障所以7點9先開始上堂

咁樣順延法咪即係10點9先放學…

咪搞..

係阿sir逼我早走架咋



不愛和大學同學在一起….但很愛和鴨妹們在一起







2008年5月4日 星期日

今日係大暑呀?


講下今日喇

12點幾先起身呀…不過都係俾好e嘈醒

算啦…都訓左12個鐘既

去左金澤食套餐…都幾正同抵

之後就同毛寶諗住睇可以入微波爐既飯盒

但睇唔0岩加上今日唔知做乜鬼又曬又熱

所以番左屋企坐下

一坐就坐到食晚飯喇……..

之後行過塔石廣場見到有個好大既板..

原來上面哥d係29歲以下既人打既手印…

愛黎送俾北京賀奧運架…


無得打喇

我已經見到好e係我後面出現喇

佢依家同我講緊野

想死



d套餐真係幾好味又抵喎..呢個係我既壽司套餐..好似係58蚊



2008年5月3日 星期六

小週末(不用見到好e就好喇)


好野..我可以偷到少少時間寫blog喇

因為今晚好e佢地未番

好講番呢一兩日先


5月1日

果真上左去睇屋..睇左新屋既環境都唔錯呀…鴨妹們可上來燒烤呢


新居門口