2008年10月30日 星期四

日本瘋狂之旅20081001---第六天part2(初時有雲及後大晴)

今日同噚日一樣……..特多首次呢……最值得一提就係我今日同gil鬥做得多首次…………但係好對不起………..我又再一次輸左俾哥個臭男人………今次輸左支野飲俾佢…..終有一日我係會嬴番番黎架!!!!最感動係毛寶話幫我班幾個尼泊爾fd過黎撐我!!!!超窩心呢~但係你係邊度搵d尼泊爾人呢??哈哈



好了….黎到part2喇….仲係講緊第六天既大阪呀~好了好了….去完心齋橋之後…..我地就要去黑門市場喇~又係關於食既活動喇…..hehe…又係立頭喇



都唔明點解人地d市場可以咁乾淨同光猛既?

2008年10月29日 星期三

日本瘋狂之旅20081001---第六天part1(初時有雲及後大晴)

我受夠喇……….受夠喇……自問雖然我唔係係我地哥班同事之中最好……最勤力…..最唔會懶散哥個既………………..但都唔會話淪落到要俾人話係無責任感卦………..話我無責任感對我黎講……係一個好狠既批評…….但個問題係……我自問我做足我本份……可能係你心目中做足本份係唔夠……但係…..一d本黎都已經係咁做既野……之前從來無人話過唔可以咁樣做(甚至我係問過係要咁做)…..就算真係做錯左…….亦都無人提過我地要改……….一黎就會話你推哂俾內部做….咁樣係不負責任………….根本就完全地唔協調…….成日講完d野d人自己又會唔記得……明明問過你地….最後又會話番我地無問過……內部呀內部……你想我地點呀…..問多你地一句又覺得我地煩…………唉………..不過我決定以後跟你地既方式做野………有d咩唔清楚我會即刻上黎俾你地班大帝過目左先架喇…….放心放心……..遲籌既事…who cares?!…………按照哂你地既吩咐做呀………….唔好發脾氣呀老油條們…………………一定係我地做細既唔0岩既………我有既係青春…..都仲有幾年俾你地屈下……………………..我攞野上黎俾你地睇記得關照我喎!!噢……還有今天要成為實習律師的那位…..對人既態度好到呀…….我以為你係讀屎片架…不過都唔應該咁講…..咁講好似侮辱你既老師咁…….其實係你個人素質有問題咋…….與任何人都無關…..好心你啦…以為自己好叻…..你係成為”實習”律師咋…唔係律師呀….未做到律師就學人牙斬斬………..仲學人蔑我…..你收皮啦…你做唔做到律師都仲係一個迷咋…..都仲未搞清楚自己位置就學人認叻………無腦



好彩今日心情咁差……仲可以番屋企避下…………..仲有我屋企人安慰下我…..好彩今晚主菜食蟹……………………..好彩我屋企有一大支話梅花雕同我媽媽對飲………..十數杯落肚之後………….原來都無乜煩惱事…………….之後爸爸加入………..飲得盡慶而歸………..我平時飲酒係唔會面紅架………..今晚係我飲得最紅既一晚……………….明天起身…..我又可以做我蹦蹦跳跳既小t囉!



又係到左日本之旅既環節喇…………..講到今日係第六日呀……….噢…之前一晚我地無沖涼呀…………………..好臭呀個頭…………..坐夜間巴士落大阪…十點半上車…..晨早六點半就到左大阪喇…………….最正係……….我地咁早去到酒店….那是還未有得check in的…………所以我地係無得沖涼的……………所以我地係要做”立”頭的……….一路立頭一路去玩………………….好喇…..唔緊要啦….最重要係我地經歷過一輪苦難之後去到關西地區的大阪喇!!!!黎到第一次到達的地方………..好興奮呀………我地擺低左行李之後就去左同事推介的食街食早餐啦(時間不過七點過dd啦)………..哥間野叫0食人…..ok啦….都係d居酒屋咁啦…………仲去埋寄信tim….因為係東京時間唔岩無寄到…所以就係大阪寄喇……….之後我地就出發去大阪城公園喇…黎到大阪…本身綠色的JR也變成了驚喜的藍色呀~不過JR在這邊是比較陳舊的…………

2008年10月26日 星期日

欣欣杯.....生日快樂呀(雖然唔係今日)

星期五晚出左去同毛寶….啟門…同埋crystal一齊去左漁人碼頭既哈囉喂……不過其實我本身都幾驚…不過見咁平廿幾蚊玩一次就去下啦hehe…..我都對佢無乜期待…..點知又幾好玩喎….我地四個被安排同另外三個唔識既女仔一齊入去玩….我仲驚到同哥三個女仔講:你地捉實我啦!!!…….我諗佢地呆左….不過好彩d鬼係從crystal方向衝出黎我先無咁驚咋!!!

2008年10月23日 星期四

日本瘋狂之旅20080930---第五天(又下雨了)

唔講真係唔知呀……….成家人我諗淨係得我阿婆一個人知咋…..我都係番到屋企先知~原來今日係我舊曆生日呢…..阿paul仲俾左隻雞脾我慶祝我生日…..謝謝paul:]……..今日又係咁……..超多人……噢………不過連續兩日都有人話我比真實年齡後生……….做人聽到咁真係……夫復何求呀….我真係好鴨呀…..以呢樣野黎麻醉我自己大一歲既事實……hehe



好喇………….第五日喇………..今日係0係東京既最後一日喇….好唔捨得呀…..因為好似都仲未玩夠咁…………又有d地方仲未去到(因為我地安排得太過緊密喇haha…)….朝早起身以為會有轉機………點知今日個天都係有少少落雨………今日第一站….我地就去左上野……以為佢又無乜野買……淨係有批發手信買….點知又有少少驚喜喎…….一早就到左上野就首先出發去左電玩城….最初諗住假行….因為以為係俾電車男行…..點知………………..噢….淨係一樓d bb電話繩我同阿杯就企左係度大半個鐘係度睇…….行開完又再行番轉頭再睇……..原來有好多野行呀…..本來安排左一小時係呢度既行程…..多左一倍時間呢……淨係個(車立)門都咁搞怪你就諗到佢賣d野有幾得意啦

2008年10月22日 星期三

日本瘋狂之旅20080929---第四天(下雨下雨再下雨)

今日……諗下先…..平平穩穩咁啦…..又無乜話大上大落咁…..小貞又去左澳洲渡假……唔知佢係咪玩得好開心呢??不過超級多野做呀今日…….d人真係多到吹佢地唔漲…..成日都約埋一齊上黎辦野……但唔緊要啦…..其實只要我保持到開朗既心境…….有各位同事同我傾下計吹下水……話實在都唔係話咁辛苦je~~~希望各位繼續多多支持我啦



我終於都再寫呢個日本之旅喇…….拿……唔係我偷懶呀….係我真係咁0岩上個禮拜唔得閒…..haha…..終於講到九月廿九號哥日喇…..呢日好特別…..因為係我地親愛的團友毛寶既生日…….噢~如果我生日哥時都可以係日本過咁就非常地幸福呀~~~不過有一樣太不好喇…..因為這天下著大粒大粒的雨…..今日我地既行程就係去sano premium outlet喇……由於我地聽人講話哥個outlet其實無咩野買…..於是我地就安排左比較少既時間(四個幾鐘…180多間鋪頭)………但係點知…..有兩名少女同告失守……….

2008年10月21日 星期二

生日之前雜記

今日呀….去左山頂哥度覆診……睇番個鼻….個醫生又用d野了我個鼻…….搞到我又打大乞嚏…………不過我自己都唔好…..因為睇完醫生之後又唔用佢d藥……其實都無乜好轉….haha….由今日開始用啦…….不過我今日既心情有說不出的低落…….唔知係咪因為某個人或者某件事……唉…..我自己都唔知呀



講番生日之前少少野先…..今年生日之前幾日….爸爸媽媽就岩岩好去完旅行之後番黎……媽媽今年請左我去沙利文葡餐食飯(所以我話生日食左好多葡餐)……呢間應該好出名係澳門……但我做左廿幾年人都未食過……..不過食完之後我淨係覺得馬介休球好味d之外就其他無乜特別啦…..牛扒好硬….無我想像中咁好食囉………..不過算啦…都係有人請je~

2008年10月20日 星期一

生日快樂...............我對自己說

噢………..咁不知不覺咁就過左我既生日喇…..真係歲月不饒人呀………咁就又大一歲喇…….不勝唏噓…….今年生日同以往哥四年有d唔同…..感覺上……..今年既生日派對毛寶又無出席…..雖然佢唔係特登…..不過都有d唔慣啦………不過今年派對上好特別…..我地去左mgm度飲野…..有小貞為我即場彈奏兩首歌…..兩首都係我好鐘意既…..一首係justin既命硬….另外一首係溫嵐既祝我生日快樂……..呢首活脫脫係我既寫照………..多謝小貞為我花既心思…..第一次有朋友會為我做呢種事…….覺得好幸福……….亦都好多謝有咁多位朋友仔為自己慶祝…….有你地對我咁好….真係好感激…..雖然仲有一個人無黎….不過算啦…..依家講咩都無用lu….



多謝鴨妹們呀……呢張相獨欠gilbert一人喇..因為係佢幫我地影

2008年10月15日 星期三

Rudolph the Red Nosed Reindeer

今晚放左工本來約左毛寶……….仲等我隆重其事………化埋芒芒………點知一個marco話唔得閒………就告吹左約會…臭marco….哈…好彩有我好好既小貞陪我咋……..總算我個粧無白化………今日真係做左件好隨心既事……行行下…….走左去穿左兩個耳窿…….好似走番去初中時代咁…..好娘屎呀…..之前穿哥五個耳窿都埋哂口……依家走去穿番好似好無聊咁……….仲好痛tim呀…….之前話轉左少少形象其實就只不過係染左髮啦……..毛寶幫我染………不過染左之後唔係我想要既色………但好彩都無同事話我樣衰je…….




今晚狂聽既歌叫……Rudolph the Red Nosed Reindeer

因為christmas is coming喇~~~~~~~多謝一位有心人幫我搵到個歌名等我可以download首歌….之前我淨係識狂哼佢d音但歌詞同歌名都唔知……..依家可以狂唱喇謝謝…..呢首係我最鐘意既聖誕歌…..每次一唱我就會好開心架喇….所以我依家會成日係counter唱呢首歌!!!!



今晚出左去食飯….日本之旅要下下回再續喇

2008年10月14日 星期二

幾時先至大學畢業?

今日…..好似有野想講好似又無乜野講…..一放工就即刻衝去買野食再即刻衝番去屋企換衫番學…..唉…..想死……番工又係咁….唔想一放工又係咁衝衝衝…….加上番學真係好悶好悶好悶….悶死我喇……見到我隔離哥個咁多msg收我唔抵得….決定要同佢鬥多…..等我都send幾個msg等人覆下我先…….噢……有人話自己暈左…..有人等我放左學先至send….有人唔覆我tim……………好彩有教主覆一覆我…..等我唔使咁(火羅)….但我同佢send左幾個之後…………唔小心俾ok sir悶到我訓著左都唔知…………………..明天我就會教訓你們呵……..到底我幾時先畢業呀……..我真係頂唔順番學頂唔順間學校喇……我真係一d都唔享受大學既生涯……..我淨係想去玩咋(好無出色)………………我想去學下其他野…..其他有興趣學既野….或者去學下日文咁啦…..學完又0岩我再去玩哥時用…真係幾好喎……等我去睇下有d咩課程先……..



哈哈…今日好開心呀….因為今日呢我收到第三份生日禮物…..係由natalia送既….小海綿咕筍一個…..仲識按摩tim…謝謝你呀natalia…..其實你地送咩俾我都係咁開心架….加上你仲記得我鐘意小海綿tim~~多謝….佢個樣唔知點解好後生




日本之旅…….下回再續

2008年10月13日 星期一

日本瘋狂之旅20080928---第三天part2(天陰陰夜晚有少微雨)

哈哈哈………yeah~~~~~~~我今日好開心好開心呀……因為我今日收到今年第二份生日禮物呀…..係欣欣杯送俾我架….佢今日中午打俾我偷偷問我番幾多點……跟住就係counter度送左俾我喇~~~~見到個袋我都未知係咩黎….不過到打開到得番個盒時我就估到係咩喇…….好靚呀~~~係agnes b深粉紅漆皮散銀包……因為哥時係日本搭飛機番黎見到機上面賣既免稅品…..我對agnes b一套三件(有卡片套…散銀包…行李牌)非常有興趣……加上佢哥隻鮮紅顏色係cathay pacific airlines先有…..更加想買….但後尾唔知係d咩淋熄我把火…所以無買……雖然阿杯送俾我唔係鮮紅色既…..但係我都有一千個%鐘意呀……多謝阿杯~~~好開心呀…..星期六就要去香港哈囉喂喇….不過我真係驚嚇死番唔到黎呀…不過重頭戲係我番黎之後………………大家會一齊約埋飲野呀….希望會齊人一齊去啦…..咁就可以順便倒數我既生日嘛~~~~我愛我的朋友們…..多謝你地……..我愛毛寶…..我愛阿杯….我愛小貞….我愛waiwai………多謝你們給我濃濃的愛….令我知道…我係有人愛的……哈哈…..快d睇下我第二份生日禮物啦!!!




好喇……黎到part2部份喇(好似d演唱會咁)…….呀….我地仲留左係吉祥寺既井之頭恩賜公園度……我地食飽早餐之後….就係個公園度行左陣…….好舒服呀……我諗如果我地有多d時間(到我去日本唔係為買野時….但係應該好老喇)……我會去到呢個公園坐下……感受一下……佢地平日既生活…..感受一下…..內心可以平靜既感覺…….我諗我會好享受呢一切…..

2008年10月12日 星期日

日本瘋狂之旅20080928---第三天Part1(天陰陰夜晚有少微雨)

噚晚又約左mandy食飯…..毛寶都有去……去左金象食泰國野….其實今次出去都係同佢傾下計同埋俾手信佢啦!!!!係買左條hello kitty既電話繩俾佢……….不過原來發現我記錯左佢根本就唔係鐘意hello kitty……..而係鐘意米老屎………真係無用呀我…..連朋友鐘意d公仔我都記錯隔離……但佢d野甚至講d咩我就記得咁清楚….唔得….我要緊緊咁記住我的朋友們所有野!!!!!!!!不過人腦唔同電腦….唔係話click個制delete就可以delete哂既…….今日星期六都要番學真係好煩呀………..仲話要測驗…..去完旅行番黎…..只係想繼續盡情玩樂咋:]………我發現我一路測驗一路心不在焉………..雖然已經有得抄下隔離架喇……..但係就係連抄都唔想抄…….個腦就諗緊其他野……………..跟住有少少訓著feel呀………今晚係屋企毛寶幫我改變形象……佢話ok…..但我未有勇氣影相…遲d先…..睇下同事反應先



好喇…..團友們黎到我地第三日既行程喇…….東京既天氣真係好反覆呀…..簡直可以同人類既心情媲美……今日個天又好陰好陰喇……..一起身離開左昌庭之家之後……..諗住行出去JR池袋站搭車出發去我地既行程……..不過今日既天氣除左係好陰之外仲…………好鬼凍呀~已經著左兩大件衫加埋條巾………凍到人都震呀~~~~所以我地係d自助買野飲d機度買左三大罐熱野飲黎保暖…….唔係咖啡…唔係綠茶………..係我地三個都好愛飲既粟米湯呀~~~我兩啖就飲哂喇….d少女真係擺係隻手仔度暖手…….搞到我揸住個吉罐扮少女取暖….haha….就係毛寶手上面哥罐喇……好凍哥時飲真係覺得好滋味……好暖…好粟米!!!

2008年10月9日 星期四

日本瘋狂之旅20080927---第二天(大晴)

講番今日發生既事先…..今日番工都唔算辛苦既….唔知其他人係咪咁諗呢?….又或者其實只係自己差足十二日電所以先覺得唔辛苦呢?不過今日有個人同我鬥話要同我鬥做得多單….如果輸左既話就要輸餐中午飯…..因為其間佢係行開左好耐先再做……所以我以為我自己會有少少贏面…..但張埋數紙出黎之後……我只係希望自己唔好輸得咁難睇!!!!!63對82….徹底….失敗….就係咁我就爭佢一餐飯…..總有一日我係會東山再起架!!!!!!今日終於收到自己係日本寄番黎既postcard喇……都寄左好多日喎….本來諗住係東京第二日寄既……點知第二日去到郵局太晏收左….遇0岩第二日又係星期六.日唔開lu……所以去到大阪先寄…..好似係10月1號寄…原來要成8-9日先寄到番黎….除左寄俾自己之外….我仲寄左俾另外一個朋友…..不過我都傻既….都無諗到人地收到既時候會唔會感到驚愕………….



好喇….到左日本之旅第二日喇~不過今日可以話係一場災難……所謂災難就係我地自以為是地以為我地可以走完原先設定既行程=築地—->涉谷—->原宿—->新宿…….華…..我都唔記得左係五點定五點半起身喇…………哥晚又成一兩點先訓……之前哥晚又淨係訓得兩個幾鐘度…..我地起到身已經係好好架喇!!!!!!我記得好似係7點幾鐘去到築地!!!但係我已經好肚餓…..但又唔夠膽買飯團食….因為怕食飽之後食唔到築地d海膽~~~~~~~~~~唯有餓住先啦


2008年10月8日 星期三

日本瘋狂之旅20080926---第一天(超陰天)

好耐無寫過blog喇…..其實寫blog都係我其中既一個興趣黎既….因為俾我知道原來有一d我唔知既朋友原來都會睇既….咪就係你囉….你以家咪睇緊囉….haha…今日係去完旅行番黎之後第一個工作日…..星期一哥日本身都要番工….但係由於番黎之後唔舒服….所以星期一哥日請左病假….至於係咩事….就等我講到去日本既第十日行程先再講番喇…..我決定左會將每一日既行程都會寫哂出黎……等我都可以回憶下d開心野嘛………好啦….咁我依家就由第一日講起啦…



哥日我地係搭9點25分班機既…..所以要搭四點鐘船過香港…之前一日我地仲係要番工架…..所以哥晚十二點幾執好行李就上床訓…..由於本身有d事唔係咁開心…..但又懷住太興奮既心情入睡….但我話俾大家聽…..係根本訓唔到架…..但兩點幾又要爬起身喇!!!!好眼訓呀我….我臨出門口時就係帶住一個中gip同一個agnes b袋去….我媽媽問我…就係咁多喇…我話係呀….有咁大件事咩????…我係同欣欣杯一齊搭的士去碼頭……去到碼頭見到佢地個gip我先知大件事….我上次去7日帶個大gip…今次去關東加關西10日我竟然帶中gip….我個gip拍埋佢地度……好似一個智障咁….