2013年5月31日 星期五

小公子成長月記@2013年1月(三個月大)

wow~wow~星期五了~今個禮拜算係過得快~~而今個星期五簡直係千載難逢~~有好多人攞籌但無人黎~~~而收工仲要比預定時間早~~順順利利無煩人~好野~~



哈哈~早晨各位~3個月大的我起身喇~~~哈哈~~個頭亂到~





我都話佢媽媽好鐘意佢著呢件衫仔啦~~~~~hello~樹熊~

2013年5月30日 星期四

朗公子生日會2013

今朝訓到5點幾醒左……其實係因為一個惡夢~醒左之後有d頭痛…..出廳食粒頭痛藥再訓…..唔知點解今日成個人都係迷迷糊糊咁過…………………..今晚出左去食飯~約左毛寶朗仔同g去左食一間新開既日式燒烤放題..叫熊出沒……超多的人……價錢也幾貴….加埋一成$250一個人……雖然係任食…..不過d肉麻麻啦……後尾我諗諗下…….其實去東瀛十八番食d靚d既肉都係$200幾一個人咋喎~依家年紀大左…..食野都係食精d既好~



我地今次既公子慶生揀左係氹仔既篤篤泰國餐廳~~地方唔大~都幾多人食下~~有兩間篤篤~聽講馬場附近哥間好味d~所以我地食呢間~


2013年5月29日 星期三

小公子成長月記@2013年1月(百日宴)

今日超曬超好天…跟住下晝又無啦啦落一場失魂雨…….就像我今天的運氣一樣…….今朝超sad…..噚日做左隻野….又踩左落個氹度…….因為一張無人會睇到既黃紙….仲有一張與黃紙不相乎內容的job紙……我就係咁…..賴左野~搞左成朝…成朝心情超迷糊…….但番屋企食飽飯訓醒個下午覺…..再去埋腸道暢通一番之後(好暢通~)….心情突然爽番~可能腸道暢通令我思緒都暢通埋~下次有咩諗唔到都去暢通一番先~~~~~我不能讓一些無關痛養的人和事影響我準備去旅行既情緒~~~~加油~~



哎呀~唔覺唔覺呢粒人仔…..原來已經搞百日宴喇~~個咀仲係咁0都既~~可愛~這天的草莓衫…..我好喜歡呢~~~



2013年5月28日 星期二

水晶鋼琴The Crystal Piano

呵呵~唔知點解呢個禮拜心情都唔錯呀~~今日下午就黎收工時叫左個媽媽同佢小朋友…..做做下手續….個小朋友很困惑的問媽媽:媽媽…你覺得姐姐係男仔定女仔呀??…..小朋友媽媽:唔係下你叫得人姐姐你仲問係男仔定女仔?傻架你?………………..個重點係…我依家唔係俾人懷疑係男孩還是女孩…..重點係….我係姐姐….但到底我係真的姐姐…定係男仔扮緊姐姐~(即係人妖?!?!?!?!?!?)



有一次係銀河食飽飽…就去左銀河入面既大倉酒店唔記得左幾樓既水晶鋼琴The Crystal Piano度飲野~一入去~wow~幾靚喎d裝飾~仲會變色的~



2013年5月27日 星期一

阿里山[阿仕師]牛肉麵

明明今日都好順順利利既~不過又俾bit機kick一kick遲左少少收工~明天加油~星期六:早上落得超級大雨!!!又水浸!!好彩落最大雨哥時我係訓緊~中午去食左小熊貓…我大大話話有成5至6年無食過~~~…->學ukulele~..->去買由澳門去香港機場既船飛~..->食左愛甜品做晚飯~下次都係食番金玉滿堂好過~…….星期日:又落大雨~不過好彩都係訓緊時落~呢日去左UA睇歡樂早場~~睇左Fast & Furious 6….上回既FF5已經好正~~今集FF6都夠哂緊張刺激~~~$55抵哂~~~….->食文哥~正~….->約左朗仔佢地一齊去venetian個wine and dine既festival~~不過其實唔抵…..有d成$30試一小杯…但試完個結論係同我地平時係超市買既平野差唔多~之後行過某酒檔…有得狂免費試飲~~再之後好彩毛寶識得某個攤位既人~~俾我地狂試酒(我真係好唔客氣~~不過我有幫襯~~~)……今日試左好多:有5小杯的sparkling wine….port wine….3小杯red wine….apple cider…..飲完都有d輕飄飄囉~~但點解無試過white wine既?我最後幫襯的sparkling wine更是買二送三…..係邊度搵???最叻都係毛寶~…..->唐吉訶德晚膳~星期日節目多多~有愉快的一天~



哈哈~早輪新口岸哥度開左間台灣牛肉麵喎……尤記起幾年前…..係凍冰冰既九份食過一碗熱辣辣既牛肉麵真係難忘的好吃~~所以就抽時間去會一會呢間唔知係咪澳門既第一間牛肉麵:阿里山[阿仕師]牛肉麵…地址:澳門皇朝巴黎街80號地下富達花園G座….電話:2875 3317


2013年5月24日 星期五

喜柏大堂酒廊Palms(聖誕節下午茶)

難得我今日的起心肝去做個xx掃瞄….諗住買個安心…..點知我打去……巴之閉…..又話無預約唔使旨意照…..算q數……我等下下個禮拜公司個體檢時先要求佢幫我做啦….哼~星期五了~~開心心~~今個週末有d特別節目呀~~~~期待期待~~~星期日可否賜我好天氣呢???



hehe~~哥時係聖誕節期間約左三五知己去金沙城中心大堂酒廊既喜柏Palms high一個tea~~~~佢個環境都唔錯架~~~好似去左熱帶雨林咁~~~~屋企係透明玻璃~~有光線射入~~感覺係戶外咁~~~~電話:8113 1200



2013年5月23日 星期四

芝士火鍋@Pizza Hut

今日整天心不在焉….沒有心機工作….因為前幾天開始出現一點健康小問題…..所以我好擔心~~我諱疾忌醫好幾天…..今日終於鼓起勇氣去睇醫生…..好彩醫生話無咩野~我都放心少少~~~~不過希望哥個情況快d消失啦~~~~求下你啦老天爺爺~



冬天哥時d連鎖餐飲店(例如意粉屋之類)咪好興會出芝士火鍋既~舊年冬天時pizza hut都有出喎~所以哥次我地就約埋貞貞一齊去試試~叫左一個2人餐試試~


2013年5月22日 星期三

鴻彬記小食店

華~噚晚狂風大雨到呀…….臨訓前仲有打超大聲雷~~仲要媽媽唔係屋企先黎嚇我~~好驚~~訓哥時仲話:bb驚驚~~~……..之後其實訓到死左~~咩都聽唔到~~~一覺訓到大天光~~d同事話原來半夜打哥下最大聲~~~我都聽唔到~~~最唔開心係….本身今朝小i會幫我買肥仔記的….就係因為落雨!!!!無得食….衰架d雨!!!



今日講既呢間野….堅係由細食到大~~~以前爸爸同我遊電單車河都有黎食過~~~~氹仔以牛雜出名的鴻彬記小食店….地址:澳門氹仔告利雅施利華街58號地下…..其實係官也街口哥度~唔難搵~


2013年5月21日 星期二

DUO陳奕迅2012澳門演唱會PART II

懶了一天~~~噚日同左妹妹們去食飯~~~今日媽媽入醫院做一個健康檢查….我憂心了一整天…..導致我今日工作表現不佳呀~~~整天都心不在焉…..放工即刻衝去醫院陪媽媽怕佢悶~~好彩媽媽聽日就番黎~~…….星期六:去左食九記….發現中學時6蚊3球既雪糕…依家已經係20蚊3球…接受唔到~..->為柏佬賀壽~~5月係柏佬既生日月~~(因為我地唔知佢正確係邊日~~所以當5月係佢既生日月~~)…開心到佢呀~~買左新玩具俾佢玩到癲~~…->去左探小公子~大個了~~反斗了~~杯仲整左海鮮餐俾我地食~~…..星期日:去左氹仔食興記..呢日超熱~~..->去左新開哥間百佳買去旅行既野(零食為多~~)…好緊張呀~~就黎要去旅行喇~~


從很久以前起….陳奕迅的演唱會都是一票難求的~~~~上一次係香港既DUO演唱會….因為某人的某追求者…..自稱買到靚位我地先有得睇~~~~之後佢係會展?有再開一個演唱會的…好似只有4場…..個城市電腦售票網完全入唔到囉(其實今次最新哥個演唱會都係入唔到的)…….舊年12月20日……每年回歸澳門政府都會搞個回歸演唱會的…….我之前有睇過好正的鄭秀文……舊年輪到eason喇~~~~~都幾平架….澳門居民買飛好似係$50…..不過好癲…有人係開賣前幾日就係哥度排定隊…..不過哥d位好遠的……一定要用望遠鏡囉…..不過我舊年又再好好彩地免費獲得兩張VIP區的飛~~~謝謝有心人~~~


2013年5月18日 星期六

七公子聖誕百元限定福袋派對2012@哭福袋篇

今日放假真開心~悠悠閒~~~中午去左食安琪兒巨型潛艇牛角包包~~好味~~跟住又去左行街………睇中左好幾件衫….不過試衫那刻發現…..我復胖了很多~~~~點算好~~~我要運動了~~~~真係一刻都唔停得~~~~夜晚又去左食cheap壽司~叫左d唔cheap既野食……但原來要叫cheap野食先開心~~~~跟住就去左睇9點9既大亨小傳……我唔明呢隻戲…又唔係科幻又唔係動作片….都要有3D版??奇怪~~睇完之後無諗到個故事係咁的~~~都幾好睇~~里安納豆怕醜的樣子真可愛~~



好喇~~~到kapo baby很期待的七公子聖誕百元哭福袋篇喇~~為怕新朋友唔知咩叫哭福袋我又再解釋一次先~~~~其實係有聖誕百元福袋先既~公子們要用100蚊黎買公子christmas party既交換禮物環節既一份禮物(買咩都得~只要全部加埋係100蚊就得喇~~)….前年已經笑到公子們人仰馬翻……貞公子前年哥支雪真係笑震全場!!!!!!貞就推說由於第一年參加掌握得唔好…我地睇下佢舊年點喇~…….另外舊年新加入既哭袋系列……..顧名思義…..哭袋一打開就係要令你哭啦~~~~哭袋裏面既禮物唔係用錢買既……係將自己屋企認為無用呀…..又認為其他人有用既野攞出黎入落袋…件數不限(咁先驚!!!!)………首先既環節係抽左福袋先~我地既御用畫師三公子…..為我地畫出各個公子既樣……差左包剪鎚分哂先後抽紙仔….如果抽中自己就重新抽過…….


2013年5月16日 星期四

七公子聖誕百元限定福袋派對2012@班妮意大利餐廳Bene Italian Kitchen

yeah…..(有氣無力的說)……..我真係唔知點樣表達我今日既呢種攰…….5點半後….4個人….計埋遲籌….每條line都有成6-7個籌…………唯有又用會令人體爆炸既速度黎做囉…….做做下…..某個同事打電話搵我叫我做d野….我直頭係以嬲怒語氣叫佢講快d…..哥一刻完全情緒失控…….係超想發脾氣….係個客面前大力吸完佢電話拎轉頭又用番溫柔語氣同個客講:記得呀~記得到時帶番黎呀~………..情緒轉變之快我諗個客都以為我有精神病!!!!!!!其實我事後有打番俾個同事同佢講對唔住~因為我頭先發左佢脾氣….但佢竟然同我講:下…我feel唔到喎……..到底你係真係feel唔到定係你唔想我難過?哈哈….我好想用手暗住耳仔大叫發洩……但無地方俾我咁做…….哼~



好野~~寫到差不多舊年12月中既事喇~~~~仲記唔記得公子的聖誕聯歡會呢~~~因為哥日既哭福袋實在笑到標哂眼水同埋影得太多相~~~~所以哭福袋容後再寫~依家先講講我地開party食咩野先~~~我地去左金沙城入面既一間我地未試過既餐廳….位於地面大堂既班妮意大利餐廳Bene Italian Kitchen…..電話:8113 1200


2013年5月15日 星期三

田淵日式爐端燒

好~~~~~~~~~~~~攰~~~~~~~~~~~~~呀~~~~~~~~~~~~~~~………………係咪癲的…..點解5點半之後可以咁忙架今日~~~~~~做緊一個之後仲有3個客等緊我……數又未埋好~~~咩都未搞~~~~~~~由5點半一直忙到6點半….又係做到差d人體爆炸…..最後….梗係準時啦~~我地係好勁既團隊黎架嘛~~~~~~真係好開心呀~~~番埋聽日咋~~~我要鼓掌~~~



舊年11月~終於去試左呢間唔知係咪轉左手既餐廳…….叫田淵……以前最出名係食咖哩飯既…依家變左做爐端燒為主打~地點係西環一列餐廳其中一間….就係咖哩屋隔離~電話:2896 7751


2013年5月14日 星期二

小公子成長月記@2012年12月(兩個月大)

哈哈~~知唔知今個星期最high既事係咩呢~最high既事就係~星期五係公眾假期呢~~~~~夠high了沒?日日都諗住呢個禮拜淨係番4日工都好丫~~~咁會易d等到星期四~~~我要我的小週末快快的來呀~~~~~~我想玩呀~~可否不下雨?



哈哈~~我地今日又黎專題探討呢粒人仔~~~12月初~~上去杯家探粒人仔……一上到去…原來粒人仔係張床度典下典下~就快訓著….點呀點呀~~係咪又唔同左樣呀~~~佢就黎訓著個樣都好好笑~~~想訓又未訓~~~~又八卦因為我地上到黎~~~~咁眼訓仲學人望鏡頭~~~


2013年5月13日 星期一

Cathedral Cafe

今日出大太陽~熱到暈~雖然天氣幾唔錯…但我工作情緒一點高漲也沒有~~~星期六:去吃教主雲南米線~得到教主同我對話~~…->學ukulele~…本身諗住學mr.既歌…點知…超難…放棄~….->探小公子~點知佢太耐無見我地…喊到九彩~傷心~~~見到柏佬….佢依家既最新形容詞係”斑點豬”~~…->訓下午覺~(雖然唔使番工~~但呢個環節都係好重要架~)->食cheap壽司~又幾好味喎~……..星期日:朝早去工作..晨咁早起身….仲早過平時番工~不過除左早起身辛苦d之外….份工係一d都唔辛苦~….->食篤篤泰國餐~…->回家小休….不過我都無停落黎….仲走去掃地..係咪痴線架……期間有隻蚊不停嬲住我….經過同佢多番交手….起碼10個回合….由於佢太貪吃….最後死係我亂掌之下~~~~~….->夜晚慶祝母親節同左婆婆佢地一齊去左食稻庭養助日本野~~



哈哈~~今次又黎試下當時新開既cafe~~呢間cafe位於大堂街…..即係大堂炸雞既隔離je~叫Cathedral Cafe…….我…..其實唔識點讀……我都係問番diana叫咩名咋~


2013年5月10日 星期五

遠道而來的北海道好滋味

好野好野~~~星期五喇~~~~~~可惜的是…..我今晚竟然無節目~~~~好彩媽媽都一樣無街去~~~如果唔係星期五先做孤兒仔就慘啦~~~噚日咁好天…..今日又失驚無神朝早9點幾開始落雨喎~~~~希望周末會有好天氣啦~~~咁樣大家都玩得開心d呢~



wow~毛寶的二姊和姊夫除左請我一起吃北海道靚蟹外~仲送左好多手信俾我呢~~~


好名貴呀~~~~有royce既巧克力呢~~~甜心~~

2013年5月9日 星期四

Gilbert's Wedding 2012

今日工作同噚日一樣….多而心不在焉~~~放工跑去剪頭髮~~為我既旅行做好準備~~剪短短~~方便~~~(唔知有無人以為我想考警察呢~~哈哈~~)……..噚晚簡直係水浸鞋…今朝對鞋完全乾唔到….搞到我要搵番對舊鞋出黎番工!!但係今日又反高潮咁超好天喎…仲要藍天白雲又熱囉~~~奇怪的~



我同朗公子係做完姊妹同婚宴既中間就係去左臭男人既婚禮喇~~~雖然佢無係我地公司做只係一年有多~~~唔知點解佢好似已經無做幾年咁…可能我實在太掛住臭男人喇~~~~又會咁岩同mina豬豬同一日擺酒架~~~~~搞到人地飲唔到你哥餐~~~但我點都要走過黎同你影張相~~~臭男人既婚宴場地係路環威斯汀酒店(Westin Hotel)~~


2013年5月8日 星期三

Mina's Wedding 2012

今日我地哥邊又要開始叫番三線籌~好正~~本黎今日成日都懶好天架….我都知同有睇天氣報告話今日會落雨……但我估唔到會落到咁大雨囉澳門……原來有掛黑色暴雨呀!!!!!!全個fb都俾朋友們既”好大雨呀~~”洗哂版……..大都係講:大雨到…平時唔浸既地方都浸….平時浸開哥d都唔知點算!!!!!!!…..真係……d雨落到唔使錢咁……直落3個幾鐘係超級超級豪雨!!!!!!!!唔知香港係咪咁呢



yo~舊年12月係小米娜既大喜日子~~而我和貞公子和朗公子有幸成為姊妹團的一份子…….講明先…..呢篇野…我真係諗左好耐post唔post出黎好…..因為……佢有請專人幫我地化妝set頭的……我都有滿心歡喜期待過…..我仲搵左個我想set既髮型做參考~~不過…世上總是事與願違…..開講有話….做生不如做熟…….有時d野….自己化….總知道自己優缺點…………..人地化就……唉~~~~請有心理準備先好睇落去呀!!!!!!!!


2013年5月7日 星期二

凱公子生日會2012

wow~wow~wow~~~工作量仍然多到痴筋~~可幸既係…..都尚算順利~~~無野好得過順利收工架喇~~~~~正呀~~~~~



拿~~我都話年尾多人生日啦~~~到左我之後到杯….就到11月既凱公子喇~~今次去左食打邊邊~~叫…..滾動軒???忘了~~不過呢間都幾好味~~d牛好正~~~大蜆又好味~~~蠔都好好味呢~~呢間野係筷子基的~~~其實筷子基真係好多正野食~~


由於之前我攞左部電話去整~~呢個期間d相無左~~~野食無得詳講~~~

2013年5月6日 星期一

一年一度的北海道蟹宴~

星期五晚咪去左睇iron man 3既~~好好睇呀~~我本身唔係iron man既粉絲…不過做哂功課睇番1..2集先去捧場~~~話實在第1集真係好正(我噚晚仲有係明珠台再翻睇)….第2集就認真麻麻喇~~睇到我訓哂覺……跟住就到復仇者聯盟~~再到依家既第3集~~~真係好好睇~~我地為左慳…..選擇左睇2D無睇3D~(我其實唔係太鐘意睇3D戲~因為唔係太3D之餘要俾多d錢之外…要我帶兩個眼鏡睇真係好煩~)….我係超級的喜歡Robert Downey Jr.~~~不過鐘意佢唔係因為iron man喎~~係因為我最愛睇佢做既福爾摩斯系列~~依家我兩個系列都好愛~~~~~~~~~~~~~~~~~~~星期六:突然唔使學ukulele~去左食新野~氹仔文哥~唔錯喎~~…->見超得閒去左行金沙城同venetian…..點知有收獲~~….->食秀蘭~~…..星期日:無人估到我地會去睇歡樂早場…..朝早10點半….去左UA睇催眠潛凶….因為毛寶話想睇…又無錢喎…於是要去睇早場….因為平$25~~咁窮…呢個禮拜仲睇左兩套戲添~~(咁iron man無睇3D嘛~~咪可以睇多套囉~~)->去左路環橋記食飯..今次有乳豬但我地竟然無叫喎~….->和家人同吃pizza hut~~



哈哈~~好似連續兩年既冬天都有係毛寶大姊姊家黎一個邊爐聚會的~~個鍋既湯底我地係外賣維康既乳豬海鮮煲~~好正~~~


2013年5月3日 星期五

小公子的成長月記@2012年11月(一個月大)

呢兩日都無咩心機寫blog…..病左幾日……開始係喉嚨痛架…跟住就感冒喇….好彩d日本藥都幾勁~~~不過食完好眼訓….番工都無心機……..噚日仲開左兩個鐘ot……番左9個鐘頭工….坐足9個鐘counter…..真係幾攰……..開心的是…今天是星期五~~~仲要順利準時收工~~~仲有就係….因間去睇iron man 3~~~~~~好野~~~~~



helo~這是小公子的一個月大既樣~時為舊年11月~~同10月時又唔同左樣喇~~~~好得意呀隻豬仔~~~~~



隻豬仔真係好似男仔呢~~:p~~依家都係~~