2014年9月26日 星期五

孖八-二零一四年五月

病左就要休息下嘛~所以噚日都係懶得就懶~~~今日番工又發生d唔講道理既客既拍枱事件.....雖然唔係我做既...但係我坐係隔離枱聽到哂佢成個過程......深感又係哥d"邊個叫呢個籌就邊個死"既case.......我都試唔少~只怪自己哥期時運很低~....唉.......其實我地有時真係幾慘....有冤都無路訴~~~~喉嚨無咁痛~鼻鼻繼續流~



d貓仔有時真係令人難以理解~~~~~尤其係呢隻孖八仔~~動作多多~~~~使唔使咁嗲呀~~(好想去r佢個肚呀~~)

2014年9月24日 星期三

Set Lunch@日皇居食屋

個人病到梅哂...我估我今日既面色係灰色的......食左d感冒藥坐係counter度迷下迷咁~好衰唔衰下晝多哂做到死.......仲要咳到扯哂蝦咁......咳到頭都痛埋....噚晚我都係訓訓下咳醒....後尾驚嘈醒人唯有忍住咳細聲d~~~超辛苦~~~~求求你啦~~唔好再咳啦~~~人地就黎去旅行喇~~如果係機上咳就醜死怪喇~



又黎日式既Set Lunch~今次黎試下日皇居食屋~地址:澳門賈伯樂提督街世紀豪庭地鋪I....電話:2852 9983...哥日中午去食超多人!!!!可能因為哥日係母親節~我地完全係即慶咁去到~發覺超多的人~不過好彩有人訂左遲到~所以張枱俾左我地~遲我地一步入哥個佢直情同佢講..已經無枱......真好彩~

2014年9月22日 星期一

小公子成長月記@2014年5月(一歲七個月大)

頂~~今朝一起身就發現自己喉嚨痛!!!成日講野都大聲唔到~~唔得喇~~~我要快d好番呀~~~就黎出發喇~~~~星期五:放工周圍行~~去左食榮江~..->買去旅行既野~咩太陽油呀之類~..->去左睇"Begin Again"......星期六:食間新既素菜cafe~~不過有d好食有d好一般~..->上左去探孖八仔~又大粒左~果然係有食飯~..->睇"Maze Runner"...呢d都睇到我都大叫...嚇親我隔離哥兩位...大叫到係毛寶話要攞繩紮實我d手腳...哈哈~~呢d戲無話唔好睇既...不過又未去到話好好睇既階段~唔知係咪同個節奏有關呢?反而我有興趣睇書喎...三部曲...你知有時d戲改到不倫不類....書反而好睇d->小青蛙既生日派對~.....星期日:中午食沛記->金沙城行街->下午毛寶幫我剪頭毛->去左比薩開公子生日趴~~~~



野~~人地一歲七個月大喇~~~搭左人生第一次飛機去旅行玩呀~~~睇下佢開心到~~~~


2014年9月18日 星期四

Boa Mesa Portuguese Food

我自己一個人坐係哥個窗真係好悶....悶到發慌~~不過如果要同你坐或者同你坐...咁都係坐番係依家個窗發臭好喇~~~到6點呢個時候...我成日淨係食左杯麥皮.....同埋...一份芝士治..........我....好...肚...餓...呀.........................................但唔知點解個肚腩仔仲係咁大既~~(都唔係"仔"啦下話~~)...好野~~~聽日星期五喇~~~有豐富既節目等緊我呀~~~~~~快d到收工哥刻啦~~~~~



呢間葡國餐廳好左好耐~但我都係第一次去食~叫Boa Mesa Portuguese Food...地址:澳門板樟堂巷16A號...電話:2838 9453....即係噴水池麥當勞條巷直上就係.....同良辰同一條巷~哥日約左Diana~無訂位~但都有位~


2014年9月17日 星期三

初見菲菲

我真係唔知點解......我一直認為聽日就係星期五.....我真係唔知點解有呢個錯覺.........可能周末安排左太多節目....我好想快d到卦~~~~~~~~~~



毛寶有親戚家裏養左隻新既小貓~名字叫菲菲~~~一直睇相都覺得菲菲超得意~~~因為仲係貓仔~~細細個~~個樣好惹人憐愛~~~就係菲菲來到佢地屋企滿左3個月哥日~~佢地幫佢搞左個派對去歡迎佢~~~我有幸可以一齊去探佢~~~你睇下佢~~幾細個~~~

2014年9月16日 星期二

Cafe Mart

最後都係半夜掛左8號波...都算長氣....掛到中午一點先掛番3號......所以我最唔想既事又發生喇---就係下午番工......有時我真係寧願番成日....好過成日心掛掛諗幾點要番工....又要等佢過9點仲係8號先敢再訓..........訓都訓得無咁好.......不過又唔算好多雨落~聽日就唔知喇~不過都好既...今日下午番早左....放17:15工~不過我今日先知原來銀行係12點後落風球就成日都唔開的..........



之前又試左間Cafe...其實係泊左車係哥頭...然後行下行下好多餐廳無開(哥日係5月1日法定公眾假期..我超記得)唔知食乜好既情況之下....就行左去試呢間野....Cafe Mart..地址:澳門僑樂巷3C號康樂大廈地下....其實不太好找...電話:2852 3768



2014年9月15日 星期一

媽媽生日會2014@良辰La Bonne Heure

今日上午好多野做...下午好少少...可能係下午無啦啦落左陣好大既雨.....放工番屋企時都落左幾陣打風雨(時大時細又有風哥種)......澳門仲未掛3號波....人地香港一早掛左...真特別~不過最好都係唔好打風啦....求求你~~~~星期五:放左工跑去李家食韓燒.....一路食韓燒..一路睇住韓國電視~有一點點既韓國feel呢~李家既前菜真係好好味~仲會主動問你加唔加前菜~(唔似得銀河某韓國餐...加前菜要每樣俾錢....未見過咁姑寒既韓餐!!佢本身已經唔平架啦)........星期六:較左鬧鐘朝早起身上山行下..點知好景不常..下大雨跑唔到....唯有再訓...又訓唔到喎~咁咪起身執下野囉~...->好野~食左好耐無食既永安~好鐘意去佢度食煎蛋多~同埋今次食左黑椒牛柳粒~~堅正~..->又番左屋企執野->夜晚食左良辰....(即係今日既呢篇介紹既餐廳)...去哥度食既原因係約左Karen同Lucinda食飯...諗唔到去邊度食..咁岩聽到良辰就黎執呢個唔知可唔可靠既消息!!!!!!!好開心咁食飽...臨走鼓起勇氣問店員佢地係咪執...佢話:係呀...開到9月尾咋.....我地追問係搬定係真係執......店員:唔係搬呀..係執q左呀(你答得好有趣).....之後係開大利來記.............................聽完呆哂....肯定係加佢勁多租啦!!!!!!!!!!!呢條街雖然係遊客區....但因為全部都係小店...所以都幾靜架!!我好鐘意呢條街哥幾間野食!!有葡式有上海有法式有意大利!!!!!!!!!!!依家開大利豬扒包呢類遊客野完全破壞哂成條街!!!!!亦令呢間開左好多年既法國餐要關門!!!!真係好可惜好可惜!!!!!!!!!!!!!!!!!.....星期日:朝早上左松山跑跑->中午試玫瑰咖啡室...呢間野開左超耐..第一次去試->約左皮去飲下午茶~向佢請教左沖繩既資料~好彩有佢~等我地唔使盲摸摸~~~仲有謝謝你的手信->回家再plan沖繩行程~豐富左好多->夜晚去左食禾花亭~短期內唔會再去~~~因為食左好多次~



好喇~到媽媽正日生日~我就同左佢去食法國餐良辰La Bonne Heure喇~~~地址:澳門板樟堂巷12號A及B鋪....電話:2833 1209...呢次係我第二次黎食~第一次係i子前幾年生日時~地方唔算大~所以我有預先訂位~



2014年9月11日 星期四

媽媽生日會2014@澳門海景正宗葡國餐廳Miramar

今日d小朋友又番哂學~又靜哂~真係好呀~~~~輕鬆的下班了~~~~最唔好既就係....今日坐counter撞親隻左手.....腫左同瘀左.....如果用左手做野都痛.....嗚嗚~~



4月尾~我家媽媽生日~朋友仔話要請佢食餐飯~真係謝謝你喇~揀左路環既澳門海景正宗葡國餐廳Miramar..地址:路環黑沙海灘黑沙馬路...電話:2888 2623...之前麥公子生日都有黎過~~~記得訂位呀~超多d人~~(今年Mr.黎澳門開演唱會之前一晚都係呢度食架~)


2014年9月10日 星期三

孖八-二零一四年四月

今日超多野做...除左因為噚日放左假之外....今日仲係教師節喎.................咁都有假放????星期二:噚日係中秋節翌日嘛~放假~之前哥晚即係中秋節....夜晚食完飯既節目就係屋企開小型P...邀請毛寶上來食燈籠反月餅~跟住我幾乖呀~第二朝我準時9點鐘起到身上松山行行行~~~叻呀!!!->行完番屋企洗白白~之後去食野..由於呢日係法定公眾假期~所以好多地方一係唔開~一係就加三~於是決定去觀光塔食~一定唔會收貴~揀左Singing Bean~原因係我想飲焦糖咖啡~(夠神奇無~一向唔飲咖啡既人話想飲焦糖咖啡~)...但係帶位哥位女仕態度差到串到呀....你知我一定還擊架啦(事實上我係有還擊的..做服務業做到你咁串都招積)............我同毛寶講:如果唔係你係我旁邊...我一定串到佢無極限咁遠......點知毛寶話:你可以串架我唔介意~.....其實我唔想失禮你~~~搞到人地覺得你身邊有個潑婦~~hehe~不過其他服務員都好有禮貌~淨係你一個咁衰~影衰成間餐廳~坐係出面食感覺好好呢~好有外國feel~~旁邊仲好合作咁坐左幾個外國人~很配合我的外國feel心情~~哈哈~



hi~各位~孖八又出場喇~我地依家8個月貓仔大喇~(都...唔係貓仔..喇....)...睇下個樣幾萌~


2014年9月8日 星期一

小公子成長月記@2014年4月(一歲六個月大)

放左工跑去星際丹桂軒做節~~~點解要跑?因為我放5點8...訂左枱....食.....6點!!!!!星期五:放工跑去食田淵~好味~..->去左觀光塔睇轟天猛將3.....er...我都好難理解點解我會揀呢套戲睇~~就係貪:俾$50就可以睇好多老牌明星...但係....真係...好老呀........星期六:去左食好耐無食既兄弟行..滿心期待的~~我認為全澳最好食既墨魚丸喎~~~點知一咬入口.....林patpat既........好難頂!!!!!!!!!!!!!點解會咁架??你令我好失望呀!!!前幾日我仲推介blog友黎澳門食架嘛...好彩無食呢間揀左我另外推介既文哥咋....如果唔係實醜死怪呀(嬲)....->去左陪毛寶曬太陽~我好乖呀今次無飲野無食野~....(係曬完後先去食肥佬燒雞翼咋~)->晚飯係廚泰食....成場咁多侍應...落單淨係得一個部長可以落....等左好耐...第二係佢完全唔想監管d係室內食煙既人..隔離枱內地的叔叔食煙....我已經試探性問佢:我想問下呢度可以食煙架?...侍應:唔可以架..麻煩你去樓下食!!...我:唔係我食呀...係隔離枱食呀...佢影響到我..........話過班人一次....之後再食....我真係唔知你地睇唔到....如果有得咁樣直接投訴間餐廳監管不力..我一定第一時間打去控煙辦!!...第三係d野食好差!!醃雞腳係林的唔係爽的....我唔想再去食.........星期日:華..乖到....10點走左上松山行左3個圈~堅乖~..->本身想食沛記...但係時間不夠..食左橋林->買左13:45睇一生一世->行金沙城~因為新開左Zara Home同埋馬莎~~~但最係我係係Nike買左兩條運動褲~~~~~哈哈->晚飯吃了三井~



咦~有人歲半喇喎~好似已經生得亭亭玉立咁喇喎~(但都係鬼鬼馬馬~).....上次有小公子粉話3月d相太少~呢個月有同佢玩過~~所以多番d相~


2014年9月4日 星期四

陸咖啡 Cafe Seis

睇唔出今日咁爽yy喎~~我一整天都係行黎行去咁過~~~好野~~~終於感受到放完暑假既舒適喇~~~~希望聽日都係咁啦~~~~明天星期五~又去下睇戲先~



今次要去試既就係Cafe Seis陸....我無記錯Seis係法文既6啦....外牆既藍色夠哂sharp醒....無得訂位....哥日星期六我地六點半去到....都等左成半個鐘先有位...人頭湧湧...地址:澳門雅廉訪大馬路63-B德鑽大廈地下B座..電話:28553519

2014年9月3日 星期三

匠拉麵

今天上班日.....算係好喇~~人潮少咁好多~~係接更時份辛苦d~~今日個右頭痛完...到個左頭痛喇~~好野~~兩邊都痛哂喇~~~仲唔係好番??



澳門除左cafe開得濫之外..另一樣..就係拉麵鋪....之前終於去試左匠拉麵~因為見到好多人打卡~所以想去試下~地址:澳門渡船台10-12號豐裕大廈地下....有次都想黎試架...哥日係星期五我放早.....六點鐘黎到...d麵已經賣哂...今次終於食到喇~

2014年9月2日 星期二

Cafe de Moghouse

er......我今日又頭痛......正確黎講係膊痛+頭痛....噚晚狂做拉筋+膏布+退熱貼都無用.....成晚勁頭痛...無覺好訓....早上去睇醫生..請左日病假



早幾個月...毛寶話想請媽媽飲下午茶(真乖)....於是揀左呢個評語唔錯既Cafe de Moghouse...位於星光書店條斜路一直上(真係堅斜!!).....地址:大炮台斜巷291號A興邦大廈地下A

2014年9月1日 星期一

L'OCCITANE Cafe

我覺得我上個幾個星期都好似好懶咁~~~無乜點寫blog~今個禮拜開始勤力番d先~~今日多野做到嘔......我唔明!!!明明9月1喇喎!!!!仲咁多野做既?!?!?!星期五:超難先放到工~~一放工超肚餓去左食禾花亭~我都係第一次去AIA哥間咋~...->去左睇颶風中心(Into the Storm)...好好睇呀~好緊張刺激...我依家先發現原來觀光塔仲係$50一張戲飛!!驚喜呢~...星期六:食左雀仔園間茶餐廳..但不好吃~..->毛寶幫我剪頭毛呀!!舒服哂~...->夜晚同大比阿sam去唱溪~好開心~~我好耐無唱溪~...星期日:食左文哥~不過...又係無雞扒...->收到個令人好心痛既消息...好唔開心..(扁咀)->同柏佬..小公子玩左陣->係屋企睇左套戲"Her"..開頭幾好睇...睇睇下覺得有d悶->粥麵莊食飯~



好喇~之前去完澳洲(即係4月~~)~~公子們話要約出黎飲啡~咁就揀左當時開左無耐既L'OCCITANE Cafe試試啦~地址:新馬路議事亭前地29號1及2樓(即係以前噴水池Starbucks個位...其實Starbucks執哥時我好唔捨得架..因為佢係澳門第一間既Starbucks....仲要開左好多年)