2011年12月19日 星期一

杯杯結婚新加坡印尼之旅2011-11-10第二天Part 1(天晴後有驟雨)



哈哈~~今個禮拜都幾爽~番一三五~~二四放假………即係番一日放一日~~~所以今日番工~聽日放假~~~~~~~~~~~~~~~~~~~~~~今日去左體檢……朝早八點幾去到….一輪緊接一輪….度高磅重照心電圖見醫生……..忙呀…..其實之前我未做過心電圖….原來係咁架喎~佢要用個夾夾我手手腳腳….佢一揭開我條褲….華…你有著絲襪呀…要除喎…………..之後我一路係佢面前除褲除絲襪一路問佢:十九幾度仲有人著絲褲係咪好變態呀?……護士:(此時佢好含羞地笑)hehe~唔係呀我都好怕凍架~~~~~依家諗番起我覺得我同護士呢段對白有d核突~~~到見醫生好彩個醫生同我講:你既體重同身高既比例係……正常~~咁都好d~雖然未睇報告…希望我唔好係三高人士啦………哈哈~~今日係超多野做囉…..好彩今日體檢番點半到五點半咋~



2011-11-10
Day 2—-Part 1(新加坡->印尼民丹島)
訓到九點度起身……其實之前哥晚好夜訓…..因為去完老巴剎食飯嘛…..搞到超夜…..仲有…我係老巴剎飲哥杯凍拉茶係好好飲….不過我太夜飲…搞到我成晚都訓唔著同訓得唔好….好慘呀……..我地間酒店房望既景~就係一直路既Orchard Road~







睇下個露台大到~~~~可惜係咩都無…………………不過呢間酒店我地都係住一晚咁多~




行出黎Orchard Road已經開始有聖誕氣氛喇~~~不過呢度都係熱辣辣~

呢日上半日我地同杯杯佢地分開左行街~呢日幾好天咁喎~



已經對新加坡既MRT暸如止掌的我倆~連書都唔使帶就行喇~




第一站就去左食野先~都係去食咖0也多…不過唔係阿坤~諗住試間新野~就係呢間67 Killiney Kopitiam….旅遊書上介紹的~





必備套餐:咖0也多同埋半生熟蛋~半生熟蛋記得要加黑豉油同埋少少胡椒粉同吃~


我仲叫左杯薏米水飲~



個人感覺:1.薏米水好飲…..2.咖0也多由於只係烘成普通多士款….咖0也醬味都唔突出…..我只係覺得食緊普通既厚油多咁……3.半生熟蛋…都幾好味~

不過我唔會推介俾大家食囉~



跟住食飽飽就去左行街街~行商場係今日上半晝既主要節目~我仲係新加坡買左一件好厚既褸~(係熱辣辣既新加坡我買左件好厚既褸呀~)…件褸個款我都好鐘意架~~同埋我要毛寶搵超級市場俾我買手信….點知去左一間個feel同八佰伴超級市場差唔多既….d野有d貴~所以行左一陣就咩手信都無買走去食野…..去到間商場諗住搵一間專係食青口既餐廳…點知執左….所以就係哥個商場求其搵間野食下……見到呢個寫住有個S19.5=117hkd既牛肉粉套餐食……諗住成百蚊一碗既牛肉粉應該有d保證….就行左入去食喇~





一入去坐低….間餐廳既環境都幾唔錯既………..因為係個商場既最頂樓…





點知d侍應知道我地叫套餐之後就開始蔑視我地!



下…..呢個就叫餐喇…………………….我個牛肉粉套餐有個牛肉粉….仲有個前菜係:Home-made steamed rice cake,top with minced dried prawn,croutons,spring onions,fresh chili and Vietnamese fish sauce…….同埋個甜品……個前菜…就係我左下角哥碟喇…..我初頭覺得碟野咁怪係咪唔係rice cake呢??係咪淨係將d料倒入個粉度食呢??但我見毛寶又無……於是我好努力咁搵….原來係有rice cake係度…你地用力d望….係有d白色既野….哥d就係rice cake喇……塊野薄到好似腳皮咁囉……………………….又唔係特別好味喎個牛肉粉………食完我仲勁口喝囉…證明個湯好重味精!!個粟米甜品就ok既~





呢個係毛寶既….佢個牛肉粉同甜品同我一樣既…唔同既係佢揀左類似越南沙律既物體…不過….唔好食既…….




呢間係Orchard road某間商場裏面食越南野既”nuoc”?…我係唔會推介囉….

唔係難食…係唔值囉…



跟住又行下其他商場…Orchard Road係有好多商場架~~就係諗住番酒店會合杯杯既歸途中…..發現有一間超大的Forever 21呀~~好多野買呀…超多野睇….仲做緊減價~~不過…趕番酒店…..唔夠時間睇…可惜…….以下係某間商場內見到既macaron~好靚~






報時:距離聖誕節郭富城演唱會仲有—-5日~
一下子又會咁快既~~即係話就緊聖誕節喇~~~
哈哈~~



哈哈~~
聽日回歸~又可以去玩下~

沒有留言:

張貼留言