日本四國自駕遊之旅2017-10-21第八天(大雨)

星期二...好似好左少少..無咁痕個喉...但都係有咳~乖啦~快d好番啦~~星期三....我幾慘呀...我番工過馬路諗住跨過一級快d點知我條腿太短撞親我小腿骨呀!!!勁痛...仲要腫左...仲要有人覺得係我係電話誇張失實咁報導......依家好明顯咁望到佢變成小山丘......嗚嗚..(我刷緊存在感同關愛呀..搵人理下我啦)......好開心呀~今日凱公子幫我去左cd鋪買Supper兩隻舊碟~~~我好開心~~~(雖然唔知佢地出新碟前出番舊碟先係咩玩法~但我已經每張專輯手持兩隻~)....星期四....番工我個心已經飛走左~~~~~我要去玩喇~~難得既係我仲咁乖衝上黎出blog~~(我知..無人期待我丫嘛...嗚!!唔彩你地!!)



2017-10-21
Day 8(兵庫縣,神戶市 Hyōgo ken,Kōbe shi->大阪 Osaka->澳門 Macau)
早~拉開窗簾~個天勁陰~

日本四國自駕遊之旅2017-10-20第七天Part 2(雨天及後轉晴)

星期五....繼續病假中休養...咳咳咳....夜晚出左去食...去左園林..但去到已經無哂我想食既豬扒....所以咪去篤左少少魚蛋安慰番自己囉...夜晚又有少少頭痛....但無啦啦見到Mr.開fb live...唱番幾首舊歌..d回憶又番哂黎....星期六..頭痛痛醒.....又再聽一系列既Mr.舊歌...流左幾滴馬尿(但我係房流馬尿哥時我聽係我媽係廳度聽緊Supper)...中午食左八分目..買杯筋勞飲飲...因為有Promo 2點後買有多5粒星星~去左拜老豆~下午都在做文人看書(我睇銀仔同港女本橫渡非洲呀..好看!)...毛寶幫忙剪頭毛...夜晚叫外賣關東煮.....星期日...中午買左Bless...下午至夜晚都在忙....星期一.....我懷疑我吸入太多拜山時哥d燒香既煙...我既氣管有d敏感......本身食左藥已經好番好多....呢日咳到我痴哂線......然後又再度頭痛...咩玩法?咳一下個頭又痛一下.....搞到我好想咳又好驚咳.....講野又講唔得大聲....今日坐counter都盡量超細聲講野.......快d好好唔好?



2017-10-20
Day 7---Part 2(德島縣,德島市 Tokushima-ken,Tokushima shi->鳴門市 Naruto shi->兵庫縣,神戶市 Hyōgo ken,Kōbe shi)
由停車場行過黎都有好一段路~終於行到黎渦の道入口~

日本四國自駕遊之旅2017-10-20第七天Part 1(雨天及後轉晴)

星期二....一起身覺得個喉嚨虧虧地.....番番下工直頭成身俾針吉....即刻飲杯感冒熱飲....病左坐counter真係好慘架..仲不停講野.....星期三....一放工袋都未放低就收到個壞消息...希望...你從此唔再有痛苦.......星期四...我病左...放左病假....醫生開左兩日俾我休息....呢個禮拜...好梅...我唔開心



2017-10-20
Day 7---Part 1(德島縣,德島市 Tokushima-ken,Tokushima shi->鳴門市 Naruto shi->兵庫縣,神戶市 Hyōgo ken,Kōbe shi)
喂~早呀!你知啦....講左好多次...噚晚訓訓下無冷氣....全房人一早醒左...早過原來時間起身.....

日本四國自駕遊之旅2017-10-19第六天Part 2(陰天後轉雨)

星期五....番半日工....然後瘋了半天.........星期六...晨早起身去左食新開既雅吉(Aji)...想試係因為佢係一間日式秘魯菜~~都唔錯~夜晚去左麥公子屋企開公子開年Party~~星期日...訓左11個鐘...好舒服...中午去左D'light Dessert Cafe...呢間野開左好耐但我依家先第一次去食...因為我真係好想試下佢個馬拉盞意粉!(佢之前出哥d其好吸引架..有腐乳意粉同梅香咸魚意大利飯~)....估唔到馬拉盞意粉出奇地夾!唔錯!叫左3樣野食3樣都好好味!!連飲品都好對辦!係澳門實屬少見~下次再去試埋腐乳意粉先~跟住去左行公園...華...好年輕呀~行左白鴿巢公園...我生到咁大粒人第一次行咋...原來都幾大.....之後毛寶仲帶我去蒲佳景....因為我話我未入過去...成件事好old school~~佢先發現我原來係從未溜過冰...(我無溜過冰呢件事係咪好過份?)....我地仲換左$21黎打機.....又幾抵玩喎!...呢日節目好豐!..多謝你帶我去見識!夜晚食左外賣壽司~星期一...呢日非常奄悶......唔知係因為天氣...定係因為只係今日係星期一~我好想回到星期五的快樂時光呀.................嗚嗚.....



2017-10-19
Day 6---Part 2(高知縣,中土佐町 Kōchi-ken,Nakatosa chō->室戶岬 Muroto->德島縣,德島市 Tokushima-ken,Tokushima shi)
然後揸車去下一個點(大慨兩分鐘..佢景與景之間好近)...下!!但封住左既!!呢個景本身係可以行去鳥居後既山洞...

日本四國自駕遊之旅2017-10-19第六天Part 1(陰天後轉雨)

星期二...番工勁爆多野做囉..........勁大壓力到我呢日塞左好多零食入口...係痴左線咁......周圍搵野食...放工同左朗公子去篤魚蛋黎定驚........仲買左兩包特價薯片減壓.....星期三.....好多野做........好攰........但有一件事我一定要記低...我今日幫個同事做左個申請...個同事個口劇臭...(唔係講衰野哥d口臭...係真係腸胃唔好哥種臭).....其實好多人都有口氣......但佢呢個我真心第一次聞(其實仲要加埋狐臭味)...搞到我放工時個胃好唔舒服...成個人呆左.....機又唔記得禁...叉電線又唔記得攞番屋企...好難受....放工時好似一隻受傷既小狗咁...好恐怖...............後尾係食番媽媽整既餐蛋飯個人先醒番...星期四...其實我朝早起身心情有d低落既...因為我噚晚發夢狂追籌同不停做野...一早起身已經覺得個人好攰.....但之後收到毛寶話俾我知既一個好消息~心情又靚番哂~~~~哈哈~~~~~~好野~星期六有公子開年飯~



2017-10-19
Day 6---Part 1(高知縣,中土佐町 Kōchi-ken,Nakatosa chō->室戶岬 Muroto->德島縣,德島市 Tokushima-ken,Tokushima shi)
早呀喂~~~~~一起身望下出面祈求今日生日會睇到日出....er....算啦咁~

日本四國自駕遊之旅2017-10-18第五天Part 2(陰天微雨)

星期五...你有時又估唔到呢日係呢個禮拜最舒服既一日~(算係...其實都好多野做)....放左工去八分目食..我食過咁多次八分目晚餐...最差今次...覺得佢安排哥幾樣餸有d唔平均...有時佢真係勁出色~但絕對唔係今次..仲等我帶朋友去食哥次先差...世事就係咁~之後去左睇紅雀特工....我個狗仔腦無轉得咁快..有d位諗左好耐先明..但睇完後討論...發覺得已經係3隻狗仔入面最聰明哥隻~~(我係唔會話你知另外兩隻狗仔叫咩名!)....星期六中午去左Ascott既心醉吧食set lunch~又幾唔錯喎~又好坐~又抵~又幾好食~下午又在幸福忙..忙緊台北同埋日本d野~夜晚買左而蛋去衰婆屋企食同埋係佢屋企睇戲~星期日...去試左老虎仔雞湯瀨...勁好食!湯正!d雞又爽又滑又入味....勁好味!!!!重點係超勁大碗!!只售$23~正~(偷聽到佢係用雞腿肉~真係好好味啖啖肉)....買埋杯筋勞之後番屋企睇番最後一集既周老師...好不捨.......夜晚叫左宏安外賣~...星期一...都係多野做~但好過上個禮拜一丫..上個禮拜一係超勁多野做~又收工回家寫blog~毛寶今晚上黎我屋企食飯呀~隨便坐唔好客氣~



2017-10-18
Day 5---Part 2(高知縣,四万十 Kōchi-ken,Shimanto->足摺岬->中土佐町 Nakatosa chō)
見行完本日景點仲有時間淨...本身諗住坐低慢慢嘆個啡~點知都係快快去今晚酒店好了~所以經過便利店食少少野就算啦~個雪條見佢寫哂premium...以為呢個牛奶雪條好濃香~點知一般~

日本四國自駕遊之旅2017-10-18第五天Part 1(陰天微雨)

星期二...做到痴哂線.......我唯有自我調適......放左工去跑步...但見雨粉粉...跑兩圈算了~跑左3.61km....開跑時撞到哥哥....經過呢兩日...我知原來我好掛住哥哥!!又唱：我為何讓哥哥走~~一走哥哥永遠再不回頭~~~(睇得明既人就會明....但講明唔係兒女私情..因為我自己翻睇都覺得好嘔心)....跑得哥少少又學人食酸辣粉晚餐!(唔關我事呀..我媽呢日番..佢叫我跑完步幫佢買晚餐...咁..我咪順便買埋俾自己囉~).....星期三...我唔明..點解全世界無假放都可以咁多野做~~~今日仲要ot添...攰...唔飲筋勞完全無力......我知...聽日只會更多野做丫嘛..因為聽日係38婦女節d小孩又放假丫嘛......夜晚又去跑跑...本身跑得唔錯...但因為我又著錯衫.....熱到我就黎爆炸..點知今晚熱過噚晚je!!跑得哥3.58km我就熱到頂唔順要拉筋走人!!星期四...法定筋勞日~番工唔x講喇~~阿媽係日本買番黎d零食好好味呀~~~~~~



2017-10-18
Day 5---Part 1(高知縣,四万十 Kōchi-ken,Shimanto->足摺岬->中土佐町 Nakatosa chō)
早晨~噚晚一早訓~依家又早早食早餐喇~(唔知7點定7點半~)

日本四國自駕遊之旅2017-10-17第四天Part 2(微雨)

星期五...一般多野做~心情還好~因為飲左筋勞~元宵嘛~去左唱k~(好像無關)....因為要唱著~幸福屋~之歌痾~~一係一年唔唱一次k...一係一個月唱兩次k...怪人~應下節去食個湯圓~揀左我好鐘意既街邊檔腐竹白果糖水~星期六...好早起身..點解?因為有人話好想試雀仔園入面間人龍店和陽小日喎...我唯有一早起身代排隊~見係你咋..我最憎食野要排隊....排左成1小時15分..........食完...er.....唔.....呀...........算啦.....要排隊既午餐太攰....係屋企大被一拉...就睡了...我估唔到既係....個下午覺..我訓左成3個鐘!!!!!!!!!咩都無做就食晚飯...約左唯四既大學同學試皇朝間Papermoon....一般..但唔算貴.....仲收到利是喎!!!多謝!!........星期日... 中午去左順軒飲茶~有人請~今日無耍廢喇~~下午都在搞入台證同埋搵餐廳地址~夜晚想去食關東煮~點知無關.......求其食左d野...唔好食.....星期一...點會估到今日會仲忙過新年哥時?但我覺得係人為錯誤囉.....做到個人無哂心機....人地永遠可以做錯呢樣派錯呢樣...我地個位永遠硬食....搵次你地試下食番自己派哥d好無?...都唔記得講我娘去左旅行(我娘竟然同去左外地做巡演既sunny bb在同一天空下!!恨得我牙癢癢)....呢幾日都係我自己搞掂...收工本身想去買頹飯+例湯..點知無我想食既飯...唯有買cheap壽司+兩個小食安慰自己呢日可憐既心......(妖...無飲咖啡哥日先學人多野做)



2017-10-17
Day 4---Part 2(德島縣,祖谷 Tokushima-Ken,Iya->高知縣,高知市 Kōchi-ken,Kōchi shi->四万十 Shimanto)
今日兩個景點都觸礁~直接去住宿啦~gps教我地行d民居~小路~

日本四國自駕遊之旅2017-10-17第四天Part 1(微雨)

星期二....今日我要ot~好彩d小朋友已經陸續上學去~無得訓晏覺得梗係飲番杯筋勞先啦~~~~到左呢日仲有利是逗真係幾唔錯喎~~~放左工約左係法國回來的叔叔食飯~星期三....今日都係ot日~筋勞真係我好幫手~放左工去跑步~sunny bb入耳式安慰~跑左5.51km~熱到我出哂煙..真係唔知夏天點算......但我真係望到個肚腩就唔開胃........星期四....呢日又濕又剩....又多野做~算啦~又周末咯~



2017-10-17
Day 4---Part 1(德島縣,祖谷 Tokushima-Ken,Iya->高知縣,高知市 Kōchi-ken,Kōchi shi->四万十 Shimanto)
早晨~~~呢日超早起身~~點解?因為我地仲要試埋我地個私人風呂呀~~~~由於係露天既...所以晨早流流..真係好凍呀~~~~~~不過浸完又暖笠笠~都算幾大個風呂~3個人浸都岩岩好~浸完襯個身超熱就洗頭啦~~因為要露天洗真係好凍~

日本四國自駕遊之旅2017-10-16第三天Part 2(雨天)

星期五...多野做好攰~但好叻捱過了~放工去左食千笹~之後去左親親菓子軒~...星期六...中午去左Communal Table~想食下焗時仔嘛~(點呀鐘唔鐘意我d鄉音呀)...下午在家幸福忙排緊台北行程~夜晚去開貞公子生日P~好好味呀隻蟹~~星期日...中午又訓到12點...呢幾個周末都好懶無去跑步添.....起身去左試Toff.....係想試佢既樽仔米粉既...但個湯麻麻...反而其他野唔錯~下午又在幸福忙~夜晚好懶...用澳覓叫外賣~又叫左我之前好鐘意叫既哥間燒烤...但點知佢今晚燒得麻麻~失望~星期一....華~我忍得住番工無買筋勞呀~~(個原因係因為我遲左出門口).....雖然今日番工好悶好多野做~但係今日仲有利是收真係好開心~



2017-10-16
Day 3---Part 2(香川縣,高松 Kagawa-Ken,Takamatsu->德島縣,祖谷 Tokushima-Ken,Iya)
睇完小便小僧就再去祖谷のかずら橋(藤蔓橋)~~Mapcode：357 130 587*55.....但個mapcode應該係指你去一個賣土產既土產店かずら橋夢舞台...哥度都有停車場..但都要收費...而且望望下都唔似由呢度再入藤蔓橋....再揸車前少少看看~見到有d私人收費停車位(真有商機)...咁泊哥d啦~橫掂兩邊都要俾錢~梗係揀個近d啦~終於都見到祖谷のかずら橋喇~~~好靚丫~~可惜呢個俾我認為係重點行程既景點...又係落雨~~~如果有紅葉一定好靚!!!

日本四國自駕遊之旅2017-10-16第三天Part 1(雨天)

hi~狗年第一blog~上星期二..身為綠星會員既我..梗係又要飲筋勞啦...我醒呀~熱筋勞加多個shot...飲哂成杯會好勁..所以我飲左3份1...再加入熱水~咦~又變番平時隻味~延長快樂~(蠱惑的綠星會員)....呢日番工劇多野做...我好耐未試過開113張單...(講到我好似做保險咁)...放左工我真係散哂...但係...我呢日勁想跑步..好想!!慢跑左5.49km!!一路跑一路有sunny bb在我耳中輕輕唱：唱著~幸福~之歌痾~~~~~~上星期三...飲左筋勞一大杯..但中午都係攰到訓著左...好攰....情人節丫嘛..我個情人節大餐..係同屋企人團年~食盡珍饈百味~~飯後與親愛的吃甜甜~上星期四..即係年三十晚~番半日~但都唔少野做~所以都係要飲筋勞~中午放左工同公子去日麗飲收爐茶~好開心~之後貞公子仲請我地去Blooom飲咖啡~華...又飲....仲去左朗公子屋企探孖八~好耐無見~~~~再去八分目同阿媽食二人團年飯~~食飽飯既最佳節目係：係屋企上JOOX睇supper既溫柔革命演唱會~~~~~年初一~祝大家狗年行大運~~~一早去拜老豆..再去同姑媽去日麗飲茶~(係~又係日麗~)...之後同表妹們去觀光塔飲下午茶~夜晚去左姑媽屋企食齋~之後去行下新場MGM...華!!我地去開賭場卡諗住食野有折呀~~點知入賭場俾人查證喎~野~~做咩懷疑人地唔夠廿一歲喎~~(明明暗爽)....哥度有間starbucks reserve好大好靚!!仲有affogato食!!!年初二...中午去左毛寶家拜年同埋食開年飯~下午...我記得上年既年初二我睇左套好悶既歌舞片搞到我差d訓著...所以今年決定索性真係訓下午覺算喇~夜晚同屋企人食去左食海灣~再去埋neway~~唱左好多supper既歌~~更佩服sunny bb~~因佢地d歌真係好難唱~~隔住唱都唱到氣喘~~年初三....一早起身勁頭痛...超頭暈...我以為我呢日玩完.....點知嘔左兩次後又無咩....中午去左濠璟飲茶...跟住就到一年一度既賭城群英會!!!今年有魚蝦蟹..大小..廿一點...仲有麻雀~~好忙好忙~~頂~~我地最鐘意我媽做大小莊買佢圍骰架嘛..今年開左幾廿鋪得哥一鋪圍六.....玩左成日輸左我$250!!!!不過又幾抵玩~年初四....訓到自然醒...中午去左羅浮食個中午飯~下午又番去同表妹打麻雀~大拿拿打左8圈羸左$6呀大佬~~夜晚食pizza~年初五....中午去左食MO Express..毛寶請我阿娘當拜年~多謝~食飽遊個大車河當行大運~第一次遊去澳大~遊完又係屋企耍廢~由於中午食太飽....夜晚求其食左passion就算~5日半既新年假咁就完左....點解會過得咁快?!?!?!?!星期三....番工啦...訓得哥5個幾鐘...安慰自己可以逗利是啦.....朝早買杯筋勞安慰下自己~放左工諗住自己一個去跑跑~你又點知收工下著微微細雨那種掃興?....星期四...法定筋勞日~番工順暢~最開心係唔使開ot~~周末有公子生日飯局呀~開心心~~



2017-10-16
Day 3---Part 1(香川縣,高松 Kagawa-Ken,Takamatsu->德島縣,祖谷 Tokushima-Ken,Iya)
唉唷!!!點解一早起身又係落雨架~~~~~~~呢日我地一早就check out啦~去我地第一個景點~(我記得好似係8點出門口~)

日本四國自駕遊之旅2017-10-15第二天Part 2(雨天)

星期二...一起身個人又反下反下...個頭超暈...諗住去食麥當福叫杯即磨醒醒神....麥當福的帥哥幽幽的說：我地今日部即磨壞左..........聽完都心痛......呆下呆下番左陣工...好彩仲有我娘親救駕買左杯筋勞我飲....飲完有醒到但最後都變成頭痛......下午不敵頭痛...搞咁野食粒止痛藥算喇..妖!.....supper moment出左新歌呀!!!叫"不要死在崇拜裏".....依家先出星期六就係喇喎好驚我背唔切!!!.....夜晚我頂唔順喇...我叫我媽沖暖水袋俾我~~~我唔笑主席個福袋禮物喇~~~~~星期三....起身都係有d頭痛~~無計啦都要食藥~~~快d好番啦~~~我星期六要去睇supper架~~~~星期四.....起身...又頭痛....我喊.....法定筋勞日!!下午食左另外既止痛藥又好左d....唉呀....快d唔好頭痛啦...我好辛苦呀!!好野~~我聽日要去食魚蛋~~~~~



2017-10-15
Day 2---Part 2(香川県,高松 Kagawa-Ken,Takamatsu->直島 Naoshima->香川県,高松 Kagawa-Ken,Takamatsu)
落船時影番我地頭先坐黎既哥隻船~都幾大隻~又搭人又搭車~宮浦港Mapcode：19 147 398*52

日本四國自駕遊之旅2017-10-15第二天Part 1(雨天)

星期五...換番舊枕頭...好似條頸無咁痛...但個頭仲係有d痛....又飲筋勞...我好少飲熱筋勞..但天氣實在太凍~~放左工去左食八分目~星期六...咁凍朝早梗係唔跑跑啦....凍壞我咩....唯有訓到自然醒~訓到12點...但鼓起好耐勇氣成兩點先出到門口....毛寶見到我一身衣著就話我不倫不類...因為我係灰色衛衣->綠色外套->灰色冷衫->綠色大褸咁著...再加埋條綠色頸巾...根本就係一隻旅行青蛙既衣著~~去左Triangle度嘆啡..但咁凍無食Affogato喇...飲左杯熱既long black算喇....下午又捲埋一舊係床度上網......夜晚叫澳覓算喇...凍到都唔想出門....今次仲叫左兩間~好開心~~估唔到軒記都有澳覓~~星期日...好凍呀喂...又係旅行青蛙咁既衣著出街...約好左毛寶今日唔可以再咁遲出門口浪費時間.....去左氹仔食Common Table..新店又大又靚~野食就意粉麻麻..有個煙三文魚多士不錯吃....無焗薯食差咁d~~檸檬撻好好味~下午...我應承左我自己唔耍廢!我做到了!!!!我訓左個好舒服既下午覺~~唔再虛耗光陰~~~令身體少d郁動就係最好既活動~~實行綠色生活~~~夜晚同左婆婆佢地食團年飯~~又澳洲龍蝦又長腳蟹又炸子雞又乜乜物物咁..隻澳龍好正~星期一...仲係咁凍...仲要公司電腦死左半日....呢度真係好好玩呀~~好彩星期一已過~



2017-10-15
Day 2---Part 1(香川縣,高松 Kagawa-Ken,Takamatsu->直島 Naoshima->香川縣,高松 Kagawa-Ken,Takamatsu)
早晨~第二日一早起身~天光就可以望清楚酒店出面既景~華~天氣好到呀!(都好過港澳喇...哥日係打8號風球!好彩早一日已經黎到日本..如果唔係飛唔到過黎添...)

日本四國自駕遊之旅2017-10-14第一天Part 2(天晴及後陰天)

星期二....好似今日無咁大風...但我著左兩條褲~你知啦...坐係counter度好凍架嘛~~呢日全日都吃飽飽~星期三...仲係好凍呀....凍到根本唔想起身~~~今日很多麻煩的客~~搞咩約埋一起來?做完第一個時已經個腦攰到爆~咦....我已經有成個幾禮拜無跑過步......但咁凍跑步都無益...吸入既冷空氣會傷肺....呢個遊戲真係好難玩~星期四....今日要番早呀~~~無得訓晏一個鐘仲難起身~~到左法定筋勞日~~唯有買杯筋勞番工令自己振振奮~好野~~明天終於星期五了~~~



2017-10-14
Day 1---Part 2(澳門 Macau->日本,大阪 Japan,Osaka->香川縣,高松 Kagawa-Ken,Takamatsu)
由於塞左半個鐘車......揸揸下已經入黑.....鬼鬼祟祟的神戶塔(鬼祟的是我們~)...震震的拍攝手法很有feel~

日本四國自駕遊之旅2017-10-14第一天Part 1(天晴及後陰天)

星期五...早上飲筋勞~中午食左cheap壽司~工作係臨放工前有少少忙亂je~夜晚去左食榮江~~星期六...訓到12點半~我唔係偷懶唔跑步..但係我聽日有野做要好早起身嘛..俾日我訓下啦~中午買左Bless既自選沙律同埋香茅雞肉三文治~個三文治幾好吃~當然唔少得我最喜愛的starbucks筋勞...整個下午在幸福忙..因為睇緊未買機票哥次旅行d野.....研究左成個下午.....晚上用澳覓叫左關東煮外賣...澳覓真係本世紀最偉大發明...讓我可以在家當個宅宅~星期日一大早....公司有ot做.....哈哈~都幾好~賺下筋勞錢~...放左工又去左買Bless沙律同三文治番屋企食~~(連食兩日~)....下午又再幸福忙~忙左成個下午~~~噚日忙既...今日已然買左機票喇~~~~想睇落少少講~~夜晚澳覓叫煲仔飯...但等左兩個鐘先有得食(兩日d行程好似一樣咁~~)...星期一...噚日超早起身番工~~好彩呢日番晏..訓多一個鐘~~~今日唔知點解勁多野做....做到氣咳........咦...我好耐無跑過步添...點算好...但聽日好凍喎....點呀點呀~~大家要著多件衫唷~~



2017-10-14
Day 1---Part 1(澳門 Macau->日本,大阪 Japan,Osaka->香川縣,高松 Kagawa-Ken,Takamatsu)
yoyoyo~~~~~~終於出到四國篇喇~~~~好開心呀~~~~~今次係澳門飛~真係辛苦了毛寶喇~因為係澳門飛..最近四國只可到大阪...而大阪去高松揸車既話要成兩個幾3個鐘....(如果係香港飛就直接有機到高松)...但我地又唔想係香港飛喎.........好啦~介紹下有咩團友先~有我啦~毛寶啦~仲有我媽媽~~~~~我地哥日係預約電召的士既~(終於有番d好野我用到).....本身想自己揸車的...點知澳門機場取消左日泊價..只有按時收費....貴到飛起...我都唔知佢想俾邊個泊?!.....好啦~出發~~~影番張帥氣既出發照先~~乜解企最前哥個女仔靚成咁架~睬~~~~~你又不得不佩服我呀~我又係一早上網做左check in~今次都係唔使排~叻叻~